Fugugame

న్యూఢిల్లీ: కెనడాలో గ్యాంగ్‌స్టర్‌ హత్య కేసులో భారత సంతతి వ్యక్తికి 25 ఏళ్ల జైలు శిక్ష విధించింది కోర్టు. 2022లో బ్రిటిష్ కొలంబియా విశ్వవిద్యాలయం (UBC) సమీపంలోని గోల్ఫ్ కోర్సులో గ్యాంగ్‌స్టర్‌ విశాల్ వాలియాను హత్యకు గరయ్యాడు. ఈ కేసులో భారత సంతతికి చెందిన బల్‌రాజ్ సింగ్ బాస్రాకు కెనడా కోర్టు జీవిత ఖైదు విధించింది. 25 సంవత్సరాలపాటు పెరోల్ పొందే అవకాశం లేకుండా తీర్పు వెల్లడించింది.

అక్టోబర్ 17, 2022న భారత సంతతికి చెందిన 38 ఏళ్ల విశాల్ వాలియా UBC సమీపంలోని యూనివర్సిటీ గోల్ఫ్ క్లబ్ పార్కింగ్ స్థలంలో జరిగిన కాల్పుల్లో మృతి చెందాడు. విభేదాలు రావడంతో సహచరులే విశాల్ ను హత్య చేశారు. నిందితులు బాస్రా, ఇక్బాల్ కాంగ్, డియాండ్రే బాప్టిస్ట్ లు కాల్పులు జరిపి అక్కడి నుండి దొంగిలించిన ఆడి A4 సెడాన్‌లో పారిపోయారు. తర్వాత ఆధారాలు లేకుండా దానిని తగలబెట్టారు. ఈ హత్య కేసులో ముగ్గురు నిందితులను దోషులుగా నిర్ధారించిన కోర్టు జైలు శిక్ష విధించింది.

ఆస్ట్రేలియాతో జరిగిన రెండో టీ20 మ్యాచ్ లో టీమిండియా ఓటమిపాలైంది. మెల్ బోర్న్ వేదికగా జరిగిన ఈ మ్యాచ్ లో భారత్ పై 4 వికెట్ల తేడాతో ఆస్ట్రేలియా ఘన విజయం సాధించింది.126 పరుగుల స్వల్ప లక్ష్యంతో బరిలోకి దిగిన ఆస్ట్రేలియా 13.2 ఓవర్లలో 6 వికెట్లు కోల్పోయి గెలుపొందింది. ఓపెనర్లు ట్రావీస్ హెడ్ 28 పరుగులు, మార్ష్ 46 పరుగులతోపాటు ఇంగ్లీస్ 20 పరుగులతో రాణించారు. భారత బౌలర్లలో బుమ్రా, కుల్దీప్ యాదవ్, వరుణ్ చక్రవర్తి తలో రెండు వికెట్లు పడగొట్టారు.

అంతకుముందు టాస్ ఓడి ముందుగా బ్యాటింగ్ చేపట్టిన భారత్ 18.4 ఓవర్లలోనే 125 పరుగుల వద్ద ఆలౌటైంది. అభిషేక్ శర్మ అర్థశతకంతో చెలరేగగా.. హర్షిత్ రాణా 35 పరుగులతో రాణించాడు. మిగతా వారందరూ ఘోరంగా విఫలమయ్యారు. ఆస్ట్రేలియా బౌలర్లలో హేజిల్‌వుడ్‌ మూడు వికెట్లు పడగొట్టగా.. నాథన్‌ ఎల్లిస్‌, బ్రేట్‌లెట్‌ లు చెరో రెండు వికెట్లు, స్టోయినీస్ ఒక వికెట్ తీశారు. కాగా, ఈ టీ20 సిరీస్ లో తొలి విజయాన్ని సాధించిన ఆస్ట్రేలియా 1-0 ఆధిక్యాన్ని అందుకుంది. తొలి మ్యాచ్ వర్షం కారణంగా రద్దైన సంగతి తెలిసిందే. 

అమరావతి: ఏలూరు జిల్లాలో జంగారెడ్డి గూడెంలో దారుణం చోటుచేసుకుంది. భర్తతోనే కాదు బావ, మామతోనూ కాపురం చేయాలంటూ.. చిన్న కోడలిని అత్తమామలు చిత్ర హింసలు పెడుతున్నారు. బావకి పిల్లలు లేనందున అతనితో సంసారం చేసి పిల్లలను కనాలని వేధించారు. ఒప్పుకోక పోవడంతో చిన్న కోడలిని గదిలోనే బంధించి నరకయాతన పెడుతున్నారు. భర్త, బాధితురాలు మౌనంతో ఏం చేయాలో తెలియక దీనస్థితిలో ఉండిపోయారు. బాధితురాలు ఏడాది కిందటే బాబుకు జన్మనిచ్చింది. ఈ దారుణం స్థానికుల సహాయంతో పోలీసులకు దగ్గరకు చేరింది. పోలీసులు కేసు నమోదు చేసుకుని దర్యాప్తు చేస్తుకుని, అత్త మామలను అదుపులోకి తీసుకున్నారు.

హైదరాబాద్: టాలీవుడ్ నటుడు నారా రోహిత్ వివాహం ఘనంగా జరిగింది. నటి శిరీషను రోహిత్ గురువారం రాత్రి పెద్ద సమక్షంలో పెళ్లి చేసుకున్నాడు. ఈ వేడుకకు ఎపి సిఎం చంద్రబాబు నాయుడు, భువనేశ్వరి దంపతులు, సినీ, రాజకీయ ప్రముఖులు, బంధువులు, స్నేహితులు హాజరై వధూవరులను ఆశీర్వదించారు. ‘ప్రతినిధి2’ మూవీలో రోహిత్‌కు జంటగా శిరీష్ నటించారు. ఇద్దరు మధ్య ఉన్న స్నేహం ప్రేమగా మారడంతో పెద్దలను ఒప్పించి పెళ్లి చేసుకున్నాడు. ఎపికి చెందిన శిరీష్ అస్ట్రేలియాలో ఉన్నత చదువులు చదివారు. నటనపై ఆసక్తితో స్వదేశానికి తిరిగొచ్చి సినిమాల్లో ప్రయత్నించారు. హైదరాబాద్‌లో తన అక్క దగ్గర ఉంటూ సినీ రంగంలోకి శిరీష ప్రవేశించారు. ప్రతినిధి2 సినిమాలో నటించి ఇప్పుడు నారా వారి కుటుంబంలోకి వచ్చారు. 

ఆస్ట్రేలియాతో జరుగుతున్న రెండో టీ20 మ్యాచ్ లో టీమిండియా బ్యాటర్లు ఘోరంగా విఫలమయ్యారు. ఓపెనర్ అభిషేక్ శర్మ ఒక్కడే ఆసీస్ బౌలర్లు ధీటుగా ఎదుర్కొన్నాడు. భారీ షాట్లతో చెలరేగాడు. దీంతో కేవలం 37 బంతుల్లోనే 68 పరుగులతో మెరుపులు మెరిపించాడు. శర్మతోపాటు హర్షిత్ రాణా(35) రాణించాడు. టాస్ ఓడి బ్యాటింగ్ కు దిగిన భారత్ ను హేజిల్‌వుడ్‌ దెబ్బ కొట్టాడు. గిల్, సూర్యకుమార్ యాదవ్(1), తిలక వర్మ()లను ఔట్ చేసి టీమిండియాను కష్టాల్లోకి నెట్టాడు. సంజుసాంసన్(1), శివమ్ దూబే(4), అక్షర్ పటేల్(7)లు కూడా తీవ్రంగా నిరాశపర్చారు. దీంతో భారత్ 18.4 ఓవర్లలోనే 125 పరుగుల వద్ద ఆలౌటైంది. ఆస్ట్రేలియా బౌలర్లలో హేజిల్‌వుడ్‌ మూడు వికెట్లు పడగొట్టగా.. నాథన్‌ ఎల్లిస్‌, బ్రేట్‌లెట్‌ లు చెరో రెండు వికెట్లు, స్టోయినీస్ ఒక వికెట్ తీశారు.

ఆస్ట్రేలియాతో జరుగుతున్న రెండో టీ20లో టీమిండియాకు బిగ్ షాక్ తగిలింది. టాస్ ఓడి ముందుగా బ్యాటింగ్ చేపట్టిన భారత్ ను ఆసీస్ బౌలర్ జోష్ హేజిల్‌వుడ్ దెబ్బ కొట్టాడు. నిప్పులు చెరిగే బంతులతో విరుచుకుపడుతున్నాడు. వరుస ఓవర్లలో ఓపెనర్ శుభ్ మన్ గిల్(5), కెప్టెన్ సూర్యకుమార్ యాదవ్(1), తిలక్ వర్మ(0)లు ఔట్  చేసి టిమిండియాకు షాకిచ్చాడు. వన్ డౌన్ లో వచ్చిన సంజు సామ్ సన్ ను నాథన్ ఎల్లిస్ పెవిలియన్ చేర్చాడు. ఆ తర్వాత వచ్చిన అక్షర్ పటేల్ రనౌట్ గా వెనుదిరిగాడు. దీంతో 49 పరుగులకే భారత్ 5 కీలక వికెట్లు కోల్పోయి తీవ్ర కష్టాల్లో పడింది. ప్రస్తుతం క్రీజులో ఓపెనర్ అభిషేక్ శర్మ(), హర్షిత్ రాణా()లు ఉన్నారు.

హైదారాబాద్: యాదాద్రి జిల్లా చౌటుప్పల్ మున్సిపాలిటీ పరిధిలో దారుణం చోటుచేసుకుంది. ఇద్దరు మధ్యప్రదేశ్ యువకులు నాలుగేళ్ల చిన్నారిపై అత్యాచారం చేశారు. చిన్నారిపై చాక్లెట్ ఆశ చూపి అఘాయిత్యానికి పాల్పడ్డారు. కేకలు వేయడంతో తలుపులు పగలగొట్టి స్థానికులు బాలికను రక్షించారు. సృహ కోల్పోయిన చిన్నారిని చౌటుప్పల్ ప్రభుత్వానికి తరలించారు. ఇద్దరు యువకులను స్థానికులు చితక బాది చౌటుప్పల్ పోలీసులకు అప్పగించారు.