Trending

రాయ్‌పూర్: మావోయిస్టు అగ్రనేత, పార్టీ కేంద్ర కమిటీ సభ్యుడు తక్కళ్లపల్లి వాసుదేవరావు అలియస్ ఆశన్న అలియాస్ రూపేష్ పోలీసులు ఎదుట లొంగిపోయారు. తన ఉద్యమ సహచరులు 208 మంది కలిసి పోలీసుల ముందు లొంగిపోయారు. లొంగిపోయిన వారిలో 110 మంది మహిళలు, 98 మంది పురుషులు ఉన్నారు. ఇదే అతిపెద్ద లొంగబాటు. మావోయిస్టు పార్టీ అగ్రనేత మల్లోజుల వేణుగోపాల్ అలియాస్ అభయ్ తన 60 మంది మావోయిస్టులతో మహారాష్ట్ర ముఖ్యమంత్రి ముందు లొంగిపోయిన విషయం తెలిసిందే. ఇద్దరు మావోయిస్టుల అగ్రనేతలు లొంగిపోవడంతో మావోయిస్టు పార్టీ భారీ ఎదురుదెబ్బ తగిలింది.

ములుగు జిల్లా వెంకటాపురం మండలం నర్సింగాపూర్ గ్రామంలో వాసుదేరావు జన్మించారు. లక్ష్మీదేవి పేట ప్రభుత్వ పాఠశాలలో ఒకటి నుంచి ఐదో తరగతి వరకు చదువుకున్నాడు. అనంతరం హనుమకొండలోని ఫాతిమా స్కూల్‌లో సెకండరీ విద్యను పూర్తి చేశాడు. కాకతీయ వర్సిటీలో డిగ్రీ చదువుతుండగా ఉద్యమాలపై వెళ్లాడు. రాడికల్ స్టూడెంట్ యూనియన్‌లో పని చేస్తూ 25 ఏళ్ల వయసులో పీపుల్ష్‌వార్ ఉద్యమం వైపు ఆకర్షితుడయ్యాడు. హోంమంత్రి మాధవ్ రెడ్డి, ఐపిఎస్ అధికారి ఉమేశ్ చంద్ర హత్యలకు ఆశన్న నేతృత్వం వహించినట్టు సమాచారం. అలాగే ఎపి సిఎం చంద్రబాబు నాయుడు, మాజీ సిఎం నేదరుమల్లి జనార్తన రెడ్డిపై బాంబు పేల్చి హత్యాయత్నానికి పాల్పడినట్టు సమాచారం. 

హైదరాబాద్: ఓ న్యాయవాది తన వృత్తికే చెడ్డ పేరు తెచ్చాడు. కోర్టు విచారణ లైవ్‌లో ఉండగా తాను ఓ మహిళతో శృంగారంలో మునిగిపోయాడు. మహిళతో లాయర్ ముద్దు పెట్టుంచుకున్న వీడియో సోషల్ మీడియాలో వైరల్‌గా మారింది. ఢిల్లీ హైకోర్టులో ఓ కేసు విచారణ జరుగుతుండగా ఒక న్యాయవాది ఆన్‌లైన్‌లో హాజరయ్యాడు. జడ్జి కోసం అందరూ వేచి చూస్తున్నారు. ఆన్‌లైన్‌లో కనిపించిన న్యాయవాదికి ఓ మహిళ ముద్దు పెట్టుకుంది. దీనికి సంబంధించిన వీడియో సోషల్ మీడియాలో వైరల్‌గా మారింది. జడ్జి కోర్టు గదిలోకి వచ్చేవరకు అందరూ వేచిచూస్తున్నారు. విచారణ కోసం ఒక న్యాయవాది ఆన్‌లైన్‌లోకి వచ్చాడు. అతడు కెమెరా నుంచి దూరంగా జరిగి తన పక్కన ఉన్న మహిళను పిలిచాడు. అనంతరం ఇద్దరు కలిసి ముద్దుల వర్షం కురిపించారు. విచారణ జరుగుతుండగా లాయర్ కెమెరా ఆఫ్ చేయలేదు. న్యాయవాది చేసిన పాడు పనిని పట్ల నెటిజన్లు మండిపడుతున్నారు. 

హైదరాబాద్: అద్దెకు వచ్చిన వారి బాత్రూమ్ లోని బల్బ్ హోల్డర్‌లో యజమాని సీక్రెట్ కెమెరా పెట్టి వీడియో రికార్డు చేసిన సంఘటన హైదరాబాద్ లోని అమీర్ పేట వెంగళ్ రావు నగర్ లో జరిగింది. అద్దెదారులు ఫిర్యాదు మేరకు ఇంటి యజమానితో పాటు ఎలక్ట్రీషియన్‌పై కేసు నమోదు చేసి ఒకరిని అరెస్టు చేశారు. పోలీసులు తెలిపిన వివరాల ప్రకారం…  జవహర్ నగర్‌లోని అశోక్ యాదవ్‌కు చెందిన ఇంటిని దంపతులు అద్దె తీసుకొని ఉంటున్నారు. భార్యభర్తలు ప్రైవేటు కంపెనీలో జాబ్ చేస్తున్నారు. ఈ నెల 4న బాత్రూమ్‌లోని విద్యుత్ బల్బ్ పనిచేయడం లేదని ఇంటి యజమాని అశోక్ యాదవ్‌కు వివాహిత చెప్పింది. అతను ఎలక్ట్రీషియన్ ద్వారా బల్బ్ రిపేర్ చేయించాడు. ఈ నెల 13న బాత్రూమ్‌లోని బల్బ్ హోల్డర్ నుండి స్క్రూ పడిపోవడంతో ఆమె భర్త గమనించి దానిని పరిశీలించాడు. అయితే లోపల లైట్ వేసి చూసినప్పుడు, హోల్డర్ లోపల కెమెరా ఉందని అతడు గుర్తించాడు. కంగుతిని అతడు వెంటనే ఇంటి యజమాని అశోక్ యాదవ్‌కు భర్త చెప్పాడు.

దీంతో ఎలక్ట్రీషియన్ ఈ పని చేసి ఉంటాడని అతన్ని అడగమని యజమానిని దంపతులు కోరారు. కానీ దానికి నిరాకరించడంతో కేసు పెడితే జైలు నుంచి బయటకు వచ్చిన తర్వాత మీకు హాని చేస్తాడని యజమాని వారిని బెదిరించాడు. దీంతో ఎలక్ట్రీషియన్, ఇంటి యజమానిపై అనుమానం రావడంతో పోలీసులకు దంపతులు ఫిర్యాదు చేశారు. ఇంటి యజమాని అశోక్ యాదవ్‌ను అరెస్టు చేయడంతో పాటు పరారీలో ఉన్న ఎలక్ట్రీషియన్ చింటు కోసం పోలీసులు గాలిస్తున్నారు. వెంగళ్ రావ్‌నగర్‌లో బాత్రూమ్ బల్బ్ హోల్డర్‌లో సీక్రెట్ కెమెరా అమర్చి, వివాహిత స్నానం చేస్తున్న దృశ్యాలను ఇంటి యజమాని రికార్డ్ చేసినట్టు సమాచారం. మా ఆయనకు ఏమైనా అయితే దంపతులను వదిలిపెట్టనని యజమాని భార్య వారిని బెదిరించింది. బాత్రూమ్ లో కెమెరా పెట్టడమే కాకుండా కిరాయికి ఉన్నవారిని యజమాని భార్య బెదిరిస్తుంది. 

హైదరాబాద్: నిమ్స్‌లో వైద్య విద్యార్థి అనుమానాస్పదంగా చనిపోయాడు. అనస్థీషియా వైద్య విద్యార్థి నితిన్ గురువారం రాత్రి నుంచి విధుల్లో ఉన్నాడు. శుక్రవారం ఉదయం ఆపరేషన్ థియేటర్ ఎదురుగా అతడు విగతజీవిగా కనిపించాడు. నిమ్స్ సిబ్బంది సమాచారం మేరకు పోలీసులు అక్కడికి చేరుకొని మృతదేహాన్ని స్వాధీనం చేసుకున్నారు. నితిన్ కుటుంబ సభ్యులకు సమాచారం ఇచ్చారు. ఇంకా వివరాలు తెలియాల్సి ఉంది. 

రాయ్ పూర్: ఛత్తీస్ గఢ్ ముఖ్యమంత్రి విష్ణు దేవ్ సాయ్ ఎదుట 200 మంది మావోయిస్టులు లొంగిపోనున్నారు. ఇద్దరు దండకారణ్యం స్పెషల్ జోనల్ కమిటీ సభ్యులుతో పలువురు అగ్రనేతలు లొంగిపోనున్నట్టు సమాచారం. ఛత్తీస్ గఢ్ సిఎం ఎదుట మాడ్ డివిజన్ కార్యదర్శి రనిత, 15 మంది డివిజన్ కమిటీ సభ్యులు, 100 మంది మావోయిస్టులు లొంగిపోనున్నారు. ఇటీవల మహారాష్ట్ర సిఎం ఎదుట మల్లోజుల వేణుగోపాల్ లొంగిపోయిన విషయం తెలిసిందే. మావోయిస్టు ఉద్యమ చరిత్రలో నేడు మరో అతిపెద్ద లొంగుబాటు అని తెలుస్తోంది. మావోయిస్టుల మరో అగ్రనేత తక్కెళ్లపల్లి వాసుదేవరావు అలియాస్ ఆశన్నతో పాటు 170 మంది నక్సలైట్లు లొంగిపోయిన విషయం విధితమే.