Trending

అడిలైడ్: మూడు వన్డేల సిరీస్‌లో భాగంగా భారత్‌తో అడిలైడ్ ఓవెల్ వేదికగా జరిగిన రెండో వన్డేలో ఆస్ట్రేలియా విజయం సాధించింది. దీంతో సిరీస్‌ని 2-0 తేడాతో కైవసం చేసుకుంది. ఈ మ్యాచ్‌లో తొలుత బ్యాటింగ్ చేసిన భారత్ 50 ఓవర్లలో 9 వికెట్లు కోల్పోయి 264 పరుగులు చేసింది. భారత బ్యాటింగ్‌లో రోహిత్ 73, శ్రేయస్ 61, అక్షర్ 44, హర్షిత్ 24 పరుగులు చేశారు. ఆ తర్వాత ఆస్ట్రేలియా నిలకడగా బ్యాటింగ్ చేసింది. 46.3 ఓవర్లలో 8 వికెట్లు కోల్పోయి 265 పరుగులు చేసి లక్ష్యాన్ని చేధించింది. ఆసీస్ బ్యాటింగ్‌లో షార్ట్ 74, కన్నోల్లి 61, ఓవెన్ 36, రెన్షా 30 పరుగులు చేశారు. దీంతో ఆస్ట్రేలియా ఈ మ్యాచ్‌లో రెండు వికెట్ల తేడాతో విజయం సాధించి.. సిరీస్‌ని దక్కించుకుంది. మూడో వన్డే అక్టోబర్ 25న సిడ్నీలో జరగనుంది.

అడిలైడ్: మూడు వన్డేల సిరీస్‌లో భాగంగా అడిలైడ్ ఓవల్‌లో భారత్, ఆస్ట్రేలియా మధ్య జరుగుతున్న రెండో వన్డే టెన్షన్.. టెన్షన్‌గా సాగుతోంది. ఈ మ్యాచ్‌లో తొలుత బ్యాటింగ్ చేసిన ఇండియా 50 ఓవర్లలో 9 వికెట్ల కోల్పోయి 264 పరుగులు చేసింది. 265 పరుగుల విజయలక్ష్యంతో బరిలోకి దిగిన ఆస్ట్రేలియా బ్యాటర్లు నిలకడగా బ్యాటింగ్ చేస్తున్నారు. 30 పరుగుల జట్టు స్కోర్ వద్ద మిచెల్ మార్ష్ (11)ను అర్ష్‌దీప్ సింగ్ ఔట్ చేశాడు. ఆ తర్వాత కీలక ఆటగాడు ట్రావిస్ హెడ్‌(28)ని హర్షిత్ రాణా పెవిలియన్ చేర్చాడు.

ఈ దశలో మ్యాథ్యూ షార్ట్.. అద్భుతంగా భారత బౌలర్లను ఎదురుకున్నాడు. 78 బంతుల్లో 4 ఫోర్లు, 2 సిక్సుల సాయంతో 74 పరుగులు చేశాడు. దీంతో ఆస్ట్రేలియా స్కోర్ పుంజుకుంది. అయితే షార్ట్‌ను హర్షిత్ ఔట్ చేశాడు. ఆ తర్వాత రెన్షా (30)ను అక్షర్, క్యారే (9) సుందర్ ఔట్ చేశారు. ప్రస్తుతం 38 ఓవర్లు ముగిసేసరికి ఆస్ట్రేలియా 39 ఓవర్లు ముగిసేసరికి 5 వికెట్ల నష్టానికి 207 పరుగులు చేసింది. క్రీజ్‌లో కన్నోల్లి (34), ఓవెన్ (17) ఉన్నారు. ఈ మ్యాచ్‌లో విజయం సాధించాలంటే ఆస్ట్రేలియా 66 బంతుల్లో 56 పరుగులు చేయాలి.

అడిలైడ్: ఆస్ట్రేలియాతో జరుగుతున్న రెండో వన్డేలో టీం ఇండియా ఓపెనర్ రోహిత్ శర్మ గట్టిగా కమ్‌బ్యాక్ ఇచ్చాడు. తొలి వన్డేలో స్వల్పస్కోర్‌కే పరిమితమైన రోహిత్.. రెండో వన్డేలో చెలరేగిపోయాడు. తొలుత నెమ్మదిగా ఆడిన రోహిత్.. ఆ తర్వాత క్రీజ్‌లో నిలదొక్కుకొన ప్రత్యర్థి బౌలర్లపై విరుచుకుపడ్డాడు. 97 బంతులు ఎదురుకున్న రోహిత్ 7 ఫోర్లు, 2 సిక్సుల సాయంతో 73 పరుగులు చేశాడు. కచ్చితంగా సెంచరీ సాధిస్తాడని భావించిన సమయంలో భారీ షాకట్‌కు ప్రయత్నించి ఔట్ అయ్యాడు.

ఈ క్రమంలో రోహిత్ పలు రికార్డులను బద్దలుకొట్టాడు. వన్డేల్లో భారత్ తరఫున అత్యధిక పరుగులు చేసిన రెండో ఓపెనర్‌ా రోహిత్ రికార్డ్ సాధించాడు. ఓపెనర్‌గా అతడు 9180* పరుగులు చేశాడు. ఈ క్రమంలో గంగూలీ(9146)ని రోహిత్ దాటేశాడు. ఇక వన్డేల్లో ఆస్ట్రేలియా గడ్డపై ఆసీస్‌పై 1,000 కంటే ఎక్కువ పరుగులు చేసి తొలి భారత బ్యాటర్‌గా, ఓవరాల్‌గా ఐదో క్రికెటర్‌గా రోహిత్ నిలిచాడు. దీంతో పాటు.. వన్డేల్లో అత్యధిక పరుగులు చేసిన భారత ఆటగాళ్ల జాబితాలో రోహిత్ మూడో స్థానానికి చేరుకున్నాడు. ఈ క్రమంలో గంగూలీ(11,221)ను రోహిత్(11,225) అధిగమించాడు. అంతేకాక.. ఆస్ట్రేలియాపై వన్డేల్లో అత్యధిక హాఫ్ సెంచరీలు చేసిన నాలుగో ఆటగాడిగా బ్రియాన్ లారా రికార్డును రోహిత్ సమం చేశాడు. వీరిద్దరు ఆసీస్‌ప 18 హాఫ్ సెంచరీలు చేశారు.

హైదరాబాద్: మెగాస్టార్ చిరంజీవి, సక్సెస్‌ఫుల్ డైరెక్టర్ అనిల్ రావిపూడితో సినిమా చేస్తున్న విషయం తెలిసందే. ‘మన శంకరవరప్రసాద్ గారు’ అనేది ఈ సినిమా టైటిల్. నయనతార ఇందులో హీరోయిన్‌గా నటిస్తోంది. ఇప్పటికే ఈ సినిమా నుంచి ‘మీసాల పిల్ల’ అంటూ సాగే పాటని విడుదల చేశారు. ఈ పాటకు అద్భుతమైన రెస్పాన్స్ వచ్చింది. తాజాగా ఈ సినిమా నుంచి తాజాగా మరో సర్‌ప్రైజ్‌ని ఇచ్చింది చిత్ర యూనిట్.

ఈ సినిమాలో విక్టరీ వెంకటేష్ ప్రత్యేక పాత్రలో నటిస్తున్నారని ఎప్పటి నుంచో వార్తలు వస్తున్నాయి. ఆ విషయాన్ని చిత్ర యూనిట్ తాజాగా ధృవీకరించింది. ఈ సినిమాలోకి వెంకటేష్‌ను ఆహ్వానిస్తూ.. చిరంజీవి ఎక్స్‌లో పోస్ట్ చేశారు. అయితే వెంకటేష్ ఏ పాత్రలో కనిపిస్తారనే విషయాన్ని వెల్లడించలేదు. తొలిసారిగా వెంకటేష్, చిరంజీవిలు కలిసి నటిస్తున్న సినిమా ఇదే కావడం మరో విశేషం. ఈ తాజా అప్‌డేట్‌తో ఇద్దరు హీరోల ఫ్యాన్స్ పండగ చేసుకుంటున్నారు. మరి ఈ కాంబినేషన్ వెండితెరపై ఎలా అలరిస్తుందో తెలియాలంటే.. వచ్చే సంక్రాంతి వరకూ ఎదురుచూడాల్సిందే.

అడిలైడ్: మూడు వన్డేల సిరీస్‌లో భాగంగా ఆస్ట్రేలియాతో అడిలైడ్ ఓవెల్ వేదికగా జరుగుతున్న రెండో వన్డేలో భారత ఇన్నింగ్స్ ముగిసింది. ఈ మ్యాచ్‌లో 17 పరుగుల వద్దే 2 వికెట్లు కోల్పోయి కష్టాల్లో పడిన టీం ఇండియాను ఓపెనర్ రోహిత్ శర్మ, శ్రేయస్ అయ్యర్‌ల జంట ఆదుకుంది. వీరిద్దరు కలిసి మూడో వికెట్‌కి 118 పరుగులు జోడించారు. ఈ క్రమంలో ఇరువురు అర్థ శతకాలు సాధించాడు. రోహిత్ 97 బంతులు ఎదురుకొని 7 ఫోర్లు, 2 సిక్సుల సాయంతో 73 పరుగులు చేసి ఔట్ కాగా.. అయ్యర్ 77 బంతుల్లో 7 ఫోర్లతో 61 పరుగులు చేసి పెవిలియన్ చేరాడు.

వీరిద్దరి వికెట్ల తర్వాత అక్షర్ పటేల్ రాణించాడు. 41 బంతుల్లో 5 ఫోర్లతో 44 పరుగులు చేశాడు. ఆ తర్వాత హర్షిత్ రాణా(24) మినహా ఎవరూ చెప్పుకోదగ్గ స్కోర్ సాధించలేకపోయారు. దీంతో భారత్ 50 ఓవర్లలో 9 వికెట్లు కోల్పోయి 264 పరుగులు చేసింది. ఆసీస్ బౌలింగ్‌లో జంపా 4, బార్ట్‌లెట్ 3, స్టార్క్ 2 వికెట్లు తీశారు. 

రామ్ చరణ్ మరియు ఉపాసన దంపతులు తమ రెండో బిడ్డకు స్వాగతం పలకడానికి సిద్ధమవుతున్నారని శుభవార్త చెప్పారు. ఉపాసన తన సోషల్ మీడియాలో ఈ విషయాన్ని పంచుకున్నారు.దీపావళి తమ ఇంట ఆనందాన్ని రెట్టింపు చేసిందని ఆనందం వ్యక్తం చేశారు.మొదటి బిడ్డ అయిన క్లీంకార పుట్టిన తర్వాత కుటుంబంలో ఆనందం నిండిందని, ఇప్పుడు మరో బిడ్డ రాకతో ఆనందం మరింత పెరిగిందని తెలుస్తోందని క్యూట్ వీడియోను పోస్ట్ చేసిన ఉపాసన ..తన ప్రేమానురాగాలు రెట్టింపు అయ్యాయని తెలుపుతూ ఈ గుడ్ న్యూస్ ను షేర్ చేశారు. ఈ వీడియోలో కుటుంబ సభ్యులు, సినీ సెలబ్రిటీలు ఉపాసనకు స్వీట్స్ తినిపిస్తూ ఆమెను ఆశ్వీరదించారు.