Trending

మన తెలంగాణ/ హైదరాబాద్: గృహ కొనుగోలుదారులతో జరిగిన మోసంతో సంబంధం ఉన్న పిఎంఎల్‌ఎ కేసులో సాహితీ ఇన్‌ఫ్రాటెక్ వెంచర్స్ ఇండియా ప్రైవేట్ లిమిటెడ్, దాని మాజీ డైరెక్టర్ సందు పూర్ణచంద్రరావు, అతని కుటుంబ సభ్యులకు చెందిన రూ.12.65 కోట్ల విలువైన చరాస్తు లను ఇడి జప్తు చేసిందని శుక్రవారం ఒక అధికారి తెలిపారు. ఎన్‌ఫోర్స్‌మెంట్ డైరెక్టరేట్ హైదరాబాద్ జోనల్ కార్యాలయం పిఎంఎల్‌ఎ, 2002 కింద చరాస్తులను జప్తు చేసిందని, ఈ కేసులో ఇప్పటివరకు స్వాధీనం చేసుకున్న ఆస్తుల విలువ రూ.174.15 కోట్లుగా ఉందని అధికారి ఒక ప్రకటనలో తెలిపారు.ఎస్‌ఐవిఐపిఎల్ మేనేజింగ్ డైరెక్టర్ బూదతి లక్ష్మీనారాయణను గత సంవత్సరం సెప్టెంబర్‌లో రూ.1,000 కోట్లకు పైగా మనీలాండరింగ్ నిబంధనల కింద ఇడి అరెస్టు చేసింది. డిసెంబర్ 2023లో ఇడి ఎస్‌ఐవిఐపిఎల్, దాని మేనేజింగ్ డైరెక్టర్, దాని మాజీ డైరెక్టర్, ఎస్. పూ ర్ణచంద్రరావు, వారి కుటుంబ సభ్యులు, సంబంధిత సంస్థలు, ఒమిక్స్ ఇంటర్నేషనల్ లిమిటెడ్‌కి చెందిన రూ.161.50 కోట్ల విలువైన చరాస్తులను అటాచ్ చేసింది. జనవరి 2024లో హైదరాబాద్ పోలీసులు 1,752 మంది కస్టమర్లను మోసం చే యడానికి కుట్ర ఆరోపణలపై లక్ష్మీనారాయణ, మరో 21మందిపై కేసు నమోదు చేశారు.

మన తెలంగాణ/హైదరాబాద్ : రాష్ట్రంలోని 2620 మద్యం షాపులకు 95,137 దరఖాస్తులు రాగా, చివరి రోజు (గురువారం) 4,822 దరఖాస్తులు వచ్చాయి. బిసి బంద్, పబ్లిక్ ట్రాన్స్‌పోర్టు బస్సులు నడవకపోవడం, కొన్ని చోట్ల బ్యాంకులు పని చేయక పోవడం లాంటి అంశాలను దృష్టిలో ఉంచుకొని ఎక్సైజ్ శాఖ మద్యం షాపులకు దరఖాస్తుల గడవు ఈ నెల 23 వరకు పొడగించిన విషయం తెలిసిందే. ఈ క్రమంలో ఔత్సాహికులు మరిన్ని దరఖాస్తులు చేసుకున్నారు. కాగా, రంగారెడ్డి డివిజన్‌లో 29,420 అత్యధికంగా రాగా, అదిలాబాద్ డివిజన్‌లో అల్పంగా 4,154 వచ్చాయి. రాష్ట్రంలోని 2, 620 మద్యం షాపులకు 95,137 దరఖాస్తులకు ఈ నెల 27న డ్రా నిర్వహించనున్నట్లు ఎక్సైజ్ అధికారులు పేర్కొన్నారు. ఉదయం 11 గంటలకు కలెక్టర్ల ఆధ్వర్యంలో ఎక్సైజ్ సూపరిండెంట్‌లు, జిల్లా వారిగా మద్యం షాపుల దరఖాస్తుదారుల సమక్షంలో ఈ డ్రా తీయనున్నట్లు అధికారులు వెల్లడించారు.  

మేషం – ఆర్థిక పరిస్థితి నిరాశపరుస్తుంది. రుణాలు కొంతవరకు చేస్తారు. జీవితభాగస్వామి నుండి ధనవస్తు లాభాలు పొందుతారు. తగాదాలకు దూరంగా వుండండి. ప్రయాణాలలో తొందరపాటు వద్దు.

వృషభం – నూతన మిత్రులు పరిచయమై కొత్త కార్యక్రమాలకు శ్రీకారం చుడతారు. వృత్తి, వ్యాపారాలు లాభసాటిగా సాగుతాయి. సన్నిహితుల నుండి విలువైన సమాచారం అందుకొంటారు. వాహన సౌఖ్యం.

మిథునం – బంధువుల నుండి ఎదురైన ఒత్తిడులు తొలుగుతాయి. పనులు నెమ్మదిగా సాగుతాయి. అనుకోని సమస్యలు ఎదురైనా అధిగమిస్తారు. కుటుంబ సభ్యుల నుండి సహాయ, సహకారాలు అందుతాయి.

కర్కాటకం – అనుకోని ఆహ్వానాలు అందుకొంటారు. దీర్ఘకాలిక రుణాలు తీరి ఊరట చెందుతారు. కీలక నిర్ణయాలలో జీవిత భాగస్వామి సలహాలు తీసుకుంటారు. మానసిక ప్రశాంతత పొందుతారు. వస్తులాభం.

సింహం – కుటుంబంలో శుభకార్యాల ప్రస్తావన వుంటుంది. విలువైన వస్తు ఆభరణలు కొనుగోలు చేస్తారు. కొత్త పనులకు శ్రీకారం చుడతారు. ప్రముఖులతో పరిచయాలు పెరుగుతాయి. విందు, వినోదాలు.

కన్య – మిత్రుల నుండి కీలక సమాచారం అందుకొంటారు. భూవివాదాలు తీరి నూతన ఒప్పందాలు కుదురుతాయి. వాహనయోగాలు. ఆర్థికాభివృద్ధి సాధిస్తారు. పెట్టుబడులకు తగిన సమయం.

తుల – ఆర్థిక పరిస్థితి అంతంత మాత్రంగా వున్న అవసరాలకు డబ్బు అందుతుంది. వివాదాలకు, కోపతాపాలకు దూరంగా వుండండి. ముఖ్యమైన పనులలో జాప్యం జరిగినా చివరికి పూర్తి చేస్తారు.

వృశ్చికం – బంధువులను కలిసి ఆనందంగా గడుపుతారు. దూరప్రాంతాల నుండి వచ్చిన వార్త ఆనందం కలిగిస్తుంది. సంఘంలో మీ మాటకు విలువ పెరుగుతుంది. నూతన వస్తు, వస్త్ర కొనుగోలు.

ధనున్సు – భాగస్వామ్య వ్యాపారాలు అభివృద్ధి చెందుతాయి. అరుదైన ఆహ్వానాలు అందుతాయి. గృహనిర్మాణ ఆలోచనలు కలిసి వస్తాయి. పాతమిత్రుల నుండి కీలక సమాచారం అందుకొంటారు.

మకరం – కుటుంబ సభ్యులతో ఏర్పడిన మాటపట్టింపులు తొలుగుతాయి. ఉద్యోగాలలో స్వల్ప మార్పులు వుంటాయి. వివాదాలకు దూరంగా వుండండి. సేవకార్యక్రమాలలో చురుకుగా పాల్గొంటారు. ధనలాభం.

కుంభం – చేపట్టిన పనులు నిదానంగా పూర్తి చేస్తారు. గృహనిర్మాణ ఆలోచనలు నిదానంగా పూర్తి చేస్తారు. శ్రమాధికం. బంధువుల నుండి వచ్చిన ఆహ్వానాలు ఆశ్చర్యపరుస్తాయి. ప్రయాణాలు. వస్తులాభం.

మీనం – దీర్ఘకాలిక సమస్య తీరి ఊరట చెందుతారు. సోదరుల నుండి ధన లాభం పొందుతారు. నూతన ప్రయత్నాలు అనుకూలిస్తాయి. క్రయవిక్రయాలలో లాభాలు పొందుతారు. వాహనయోగం.

 

పాకిస్థాన్ అఫ్గానిస్థాన్ సరిహద్దుల్లో ఉద్రిక్తతలు నెలకొనడంతో అక్టోబర్ 11 నుంచి ఇరుదేశాల సరిహద్దులను మూసివేశారు. దీంతో పాక్ అఫ్గాన్ ప్రజలపై తీవ్ర ప్రభావం పడింది. బోర్డర్ మూసివేత వల్ల ఇరుదేశా ల్లో పండ్లు, కూరగాయలు , ఖనిజాలు, ఔషధాలు , గోధుమలు, బియ్యం, చక్కెర , మాంసం , పాల ఉత్పత్తులు వం టి నిత్యావసర వస్తువుల ధరలు ఆకాశాన్నంటాయి. ఘర్షణలకు ముందుతో పోలిస్తే పాక్‌లో టమాటా ధరలు ఐదు రెట్లు పెరిగినట్టు స్థానిక మీడియా వర్గాలు వెల్లడించాయి. ప్రస్తుతం కిలో టమాటాల ధర 600 పాకిస్థానీ రూపాయలు ఉన్నట్టు తెలుస్తోంది. అఫ్గాన్ నుంచి అధికంగా దిగుమతి చేసుకునే ఆపిల్ ధరలు కూడా భారీగా పెరిగినట్టు సమాచారం.

సాధారణంగా పాక్ అఫ్గాన్ సరిహ ద్దు నుంచి ఏటా ఇరుదేశాల మధ్య 2.3 బిలియన్ డాలర్ల వాణిజ్యం జరుగుతుందని , ఇరుదేశాల మధ్య ఘర్షణలు చెలరేగడంతో బోర్డర్లలో వాణిజ్య, రవాణా సదుపాయాలు పూర్తిగా నిలిపివేశామని, కాబూల్ లోని పాక్‌అఫ్గాన్ ఛాంబర్ ఆఫ్ కామర్స్ అధిపతి ఖాన్ జాన్ అలోకోజాయ్ వెల్లడించారు. దీనివల్ల రోజుకు ఇరువైపులా దాదాపు 1 మిలియన్ డాలర్ల (దాదాపు రూ. 8 కోట్లు ) నష్టం వాటిల్లుతుందన్నారు. అఫ్గాన్ నుంచి పాక్‌కు సరఫరా చేసే దాదాపు 5 కంటైనర్ల కూరగాయలు పాడైనట్టు తెలిపారు. సరిహద్దుకు ఇరువైపులా దాదాపు 5 వేల కంటైనర్లు నిలిచిపోయాయని, పాకిస్థాన్ లోని ప్రధాన టోర్ఖామ్ సరిహద్దు క్రాసింగ్ వద్ద ఉన్న ఓ అధికారి పేర్కొన్నట్టు స్థానిక మీడి యా వర్గాలు వెల్లడించాయి.

టీమిండియాకు అందించాల్సిన ఆసియాకప్ ట్రోఫీని ఆసియా క్రికెట్ కౌన్సిల్ చైర్మన్ మోసిన్ నఖ్వీ రహస్య ప్రదేశానికి తరలించినట్టు తెలిసింది. అబుదాబిలోని సురక్షిత ప్రాంతంలో ట్రోఫీతో పాటు టీమిండియాకు ఇవ్వాల్సిన మెడల్స్‌ను దాచిపెట్టినట్టు సమాచారం. టోర్నమెంట్ ముగిసి 20 రోజులు గడిచి పోయినా భారత్ ట్రోఫీని అందించకుండా నఖ్వీ మొండి పట్టుగా వ్యవహరిస్తున్నాడు. తాజాగా ట్రోఫీని ఎవరికి తెలియని రహస్య ప్రాంతానికి తరలించాడని వార్తలు గుప్పుమన్నాయి. కాగా, నఖ్వీ వ్యవహరిస్తున్న తీరుపై భారత క్రికెట్ బోర్డు తీవ్ర ఆగ్రహంతో ఉంది. ట్రోఫీని సాధ్యమైనంత త్వరగా అందించాలని లేకుంటే కఠిన చర్యలు తీసుకుంటామని ఇప్పటికే హెచ్చరించింది. అయినా కూడా నఖ్వీ మాత్రం మెట్టు దిగడం లేదు. మొండిగా వ్యవహరిస్తూ అందరిని విస్మయానికి గురి చేస్తున్నాడు.

వాతావరణ శాఖ రాష్ట్రానికి మర అలర్ట్ ఇచ్చింది. ఆగ్నేయ, దానికి ఆనుకుని ఉన్న తూర్పు, మధ్య బంగాళాఖాతం ప్రాంతంలో శుక్రవారం మరొక అల్పపీడనం ఏర్పడే అవకాశం ఉన్నట్లు వాతావరణ శాఖ వెల్లడించింది. దీంతో అక్టోబర్ 27 వరకు మరోసారి వర్షాలు కురిసే అవకాశం ఉందని వాతావరణ కేంద్రం తెలిపింది. ఈ అల్పపీడనం వాయుగుండంగా బలపడి తుఫానుగా మారే సూచనలు ఉన్నట్లు అంచనా వేసింది. తుఫాను దక్షిణ కోస్తా, తమిళనాడులో తీరం దాటే అవకాశం ఉందని, దీంతో మరో నాలుగు రోజులు రాష్ట్ర వ్యాప్తంగా వర్షాలు పడే అవకాశం ఉందని వాతావరణ కేంద్రం పేర్కొంది. శనివారం రాష్ట్రంలోని ఖమ్మం, సూర్యాపేట, మహబూబాబాద్, వరంగల్, హన్మకొండ, జనగాం, సిద్దిపేట, యాదాద్రి భువనగిరి, రంగారెడ్డి, హైదరాబాద్, మేడ్చల్ మల్కాజ్‌గిరి, వికారాబాద్, మెదక్, కామారెడ్డి, మహబూబ్‌నగర్, నాగర్ కర్నూల్, వనపర్తి, నారాయణపేట, జోగులాంబ గద్వాల్ జిల్లాల్లో అక్కడక్కడ వర్షాలు కురుస్తాయని వాతావరణ శాఖ అధికారులు పేర్కొన్నారు. ఆయా జిల్లాలకు ఎల్లో హెచ్చరికలు జారీ చేశారు.

మహారాష్ట్రలో దారుణం జరిగింది. సతారా జిల్లాలోని ప్రభుత్వ దవాఖానాలో విధులు నిర్వర్తిస్తున్న వైద్యురాలి ఆత్మహత్య రాష్ట్రంలో కలకలం రేపుతోంది. బలవన్మరణానికి ముందు ఆమె తన అరచేతిలో రాసుకున్న సూసైడ్ లేఖలో సంచలన విషయాలు వెల్లడించింది. ఓ ఎస్‌ఐ తనపై ఐదు మాసాలుగా అత్యాచారానికి ఒడిగట్టడమే కాకుండా మానసికంగా, లైంగికంగా వేధిస్తున్నాడని బాధితురాలు ఆవేదన వ్యక్తం చేసింది. ఎస్‌ఐ గోపాల్ బదానేతో ప్రశాంత్ బన్‌కర్ అనే సాఫ్ట్‌వేర్ ఇంజినీర్ కూడా తనను వేధిస్తున్నారని తెలిపింది. ఆత్మహత్యకు పాల్పడిన 28 ఏళ్ల వైద్యురాలు బీడ్ జిల్లా వాసి. గురువారంనాడు రాత్రి ఫల్టాన్‌లోని ఓ హోటల్ గదిలో ఉరివేసుకుని ఆత్మహత్య చేసుకుంది.పోలీసులు ఇరువురిపై కేసు నమోదు చేసి విచారణ జరుపుతున్నారు.

ఎస్‌ఐతో పాటు సాఫ్ట్‌వేర్ ఇంజినీర్‌పై అత్యాచారం, ఆత్మహత్యకు పురిగొల్పడం సంబంధిత కేసులు నమోదు చేశారు. వైద్యురాలి మృతదేహానికి పోస్టుమార్టం నిర్వహించి ఆమె చేతిపై ఉన్న సూసైడ్ నోట్ ఆధారంగా విచారణ జరుపుతున్నట్లు పోలీసులు వెల్లడించారు. పోస్టుమార్టం నివేదికలో మార్పులు చేయాలని ఒత్తిడి వస్తున్నట్లు వైద్యురాలి బంధువులు ఆరోపించారు. మరోవైపు ఈ ఘటనపై సిఎం ఫడ్నవీస్ స్పందించారు. వెంటనే సతారా జిల్లా ఎస్‌పికి ఫోన్ చేసి ఘటనపై ఆరా తీశారు. సమగ్ర విచారణ జరిపి దోషులపై కఠిన చర్యలు తీసుకోవాలని ఆదేశించారు. మృతురాలి కుటుంబానికి సానుభూతి వ్యక్తం చేశారు. వైద్యురాలి ఆత్మహత్యపై కాంగ్రెస్, శివసేన స్పందించింది. రాష్ట్రంలో శాంతి భద్రతలు క్షీణించాయనడానికి ఈ ఘటనే ఉదాహరణ అని ఆక్షేపించాయి.

 గ్రామీణ మౌలిక సదుపాయాల అభివృద్థే లక్ష్యంగా పంచాయతీరాజ్ గ్రామీణ అభివృద్ధి శాఖ ఈసారి మొత్తం రూ.74.43 కోట్ల నిధులతో 32 కొత్త రహదారుల నిర్మాణానికి ప్రభుత్వం పరిపాలన అనుమతులు మంజూరు చేసింది. గ్రామీణ రహదారులు పల్లె ప్రజల జీవితాల్లో కీలకమైన పాత్ర పోషిస్తాయని, కొత్త రహదారుల నిర్మాణంతో రవాణా సౌకర్యం మెరుగుపడటమే కాకుండా స్థానిక ఆర్థిక వ్యవస్థ కూడా బలపడుతుందని పంచాయతీరాజ్ గ్రామీణాభివృద్ధి శాఖ మంత్రి డా. దనసరి అనసూయ సీతక్క పేర్కొన్నారు. పల్లెల మధ్య అనుసంధానం పెరిగి, రైతులు తమ వ్యవసాయ ఉత్పత్తులను సులభంగా మార్కెట్లకు తరలించగలరని, విద్యార్థులు, వృద్ధులు, గర్భిణీలు వంటి వర్గాలకు ప్రయాణ సౌలభ్యం కలుగుతుందని ఆమె ఒక ప్రకటనలో తెలిపారు. గ్రామీణ ప్రాంత అభివృద్ధి మా ప్రభుత్వ ప్రధాన లక్ష్యమని తెలిపారు. ప్రతి పల్లె అభివృద్ధి చెందేలా,

మౌలిక వసతులు అందుబాటులో ఉండేలా ముఖ్యమంత్రి రేవంత్ రెడ్డి నేతృత్వంలోని ఇందిరమ్మ ప్రజా ప్రభుత్వం కట్టుబడి ఉందని పేర్కొన్నారు. రహదారులు, తాగునీరు, విద్యుత్, గృహ నిర్మాణం, సంక్షేమ పథకాలు, ప్రతి రంగంలో ప్రభుత్వం ప్రజల అవసరాలకు తగ్గట్టుగా చర్యలు తీసుకుంటోందని తెలిపారు. ములుగు జిల్లాలోని గిరిజన ఆదివాసి ప్రాంతాలకు ప్రత్యేక ప్రాధాన్యత ఇస్తూ, అక్కడి పల్లెలు కూడా అభివృద్ధి పథంలో దూసుకుపోవాలనే దిశగా ప్రభుత్వం కృషి చేస్తోందని మంత్రి పేర్కొన్నారు. కొత్త రహదారుల నిర్మాణం ద్వారా పల్లెల మధ్య రవాణా సౌకర్యం మాత్రమే కాకుండా పర్యాటక అవకాశాలు కూడా పెరుగుతాయని ఆమె అభిప్రాయపడ్డారు. ప్రభుత్వం మంజూరు చేసిన ఈ రూ.74.43 కోట్ల నిధులతో గ్రామీణ ప్రాంతాల్లో అభివృద్ధి కొత్త దశకు చేరుతుందని ఆశాభావం వ్యక్తం చేశారు. రహదారులు మాత్రమే కాదు, గ్రామీణ ప్రజల జీవన ప్రమాణాలే మారిపోతాయని పేర్కొన్నారు. మరింత అభివృద్ధి పల్లెల తలుపు తడుతుందని మంత్రి సీతక్క స్పష్టం చేశారు.

రేవంత్ రెడ్డి కళ్లు తెరిపించడానికి జూబ్లీహిల్స్ నియోజకవర్గ ఉప ఎన్నిక ప్రజలకు ఒక అవకాశమని హరీష్ రావు అన్నారు. ఆనాడు కాంగ్రెస్ పార్టీని గెలిపించడానికి నిరుద్యోగులు బస్సు యాత్ర చేశారని.. కాంగ్రెస్ కళ్లు తెరిపించాలంటే నిరుద్యోగులందరూ దండు కట్టి బయలుదేరి వాళ్లను ఓడించాలని పిలుపునిచ్చారు. కాంగ్రెస్ పాలనలో అభివృద్ధి ఆగిపోయిందని పేర్కొన్నారు. నిరుద్యోగులను రాహుల్ గాంధీ, ప్రియాంక గాంధీ మోసం చేశారు కాబట్టే జూబ్లీహిల్స్ ఉపఎన్నికలో బిఆర్‌ఎస్ గెలుపుతో ఓడిపోయామని వాళ్లకు అర్థం కావాలని పిలుపునిచ్చారు. తనతప్పు తాను తెలుసుకునేందుకు జూబ్లీహిల్స్‌లో కాంగ్రెస్‌ను ఓడించాలని అన్నారు. జిఒ 29, జిఒ 55పై తాను ఆనాడు అసెంబ్లీలో గట్టిగా మాట్లాడానని చెప్పారు.

భట్టి విక్రమార్క దళిత మంత్రిగా ఉన్నారని, ఆయన కూడా పట్టించుకోలేదని ఆరోపించారు. జాబులు నింపండి అంటే జేబులు నింపుకుంటున్నారు..గల్లా పెట్టెలు నింపుకుంటున్నారంటూ ఘాటు వ్యాఖ్యలు చేశారు. విద్యాశాఖ మంత్రి, మున్సిపల్ మంత్రిగా, హోం మంత్రిగా, ముఖ్యమంత్రిగా ఫెయిల్ అయ్యారని, కలెక్షన్ల మంత్రిగా వసూళ్ల మంత్రిగా మాత్రం పాస్ అయ్యారని విమర్శించారు. విద్య రాని వ్యక్తి విద్యాశాఖ మంత్రి అని, అతి ఎక్కువ క్రిమినల్ కేసులు ఉన్న వ్యక్తి హోం మంత్రిగా ఉన్నారని అన్నారు. తమ ప్రభుత్వం టిఎస్ ఐపాస్ ద్వారా పెద్ద ఎత్తున పెట్టుబడులను ఆకర్షించిందని, కాంగ్రెస్ ప్రభుత్వం మంత్రులు, ముఖ్యమంత్రి గన్నులు పెట్టి బెదిరిస్తున్నారని మండిపడ్డారు.

తెలంగాణ జాగృతి అధ్యక్షురాలు కల్వకుంట్ల కవిత శనివారం(అక్టోబర్ 25) నుంచి ‘జనం బాట’ పట్టనున్నారు. ప్రజలు, మేధావులు, విద్యావంతులతో మమేకం కానున్నారు. జాగృతి జనంబాట పేరుతో సుదీర్ఘ యాత్ర చేయనున్నారు. 33 జిల్లాల్లో కొనసాగనున్న ఈ యాత్రను శనివారం ప్రారంభించనున్నారు. కవిత తన నాలుగు నెలల ’జనం బాట’ కార్యక్రమంలో తెలంగాణ ప్రజలు ఏం కోరుకుంటున్నారో తెలుసుకుని సమస్యల మేధావులు, కుల సంఘాలు, జర్నలిస్టులు ఇలా ప్రతి ఒక్కరి నుంచి సలహాలు, సూచనలు తీసుకోనున్నారు. మొత్తం నాలుగు నెలల పాటు తెలంగాణను సమగ్ర అధ్యయనం చేసిన తర్వాత దానికి అనుగుణంగా కవిత కార్యాచరణ తీసుకుంటారు. ప్రజలు కోరుకుంటే రాజకీయపార్టీ పెట్టేందుకు తాను సిద్ధమేనని కవిత ఇది వరకే ప్రకటించిన విషయం తెలిసిందే.

మొదటి రోజు నిజామాబాద్‌లో పర్యటన

జాగృతి జనంబాట కార్యక్రమంలో మొదటి రోజు కల్వకుంట్ల కవిత నిజామాబాద్‌లో పర్యటించనున్నారు. ఉదయం 9 గంటలకు బంజారాహిల్స్‌లోని తెలంగాణ జాగృతి కార్యాలయం నుంచి బయలుదేరి అసెంబ్లీ ఎదురుగా ఉన్న గన్‌పార్క్‌లోని అమరవీరుల స్తూపం వద్దకు చేరుకుని నివాళులర్పిస్తారు. మధ్యాహ్నం నిజామాబాద్‌లోని తెలంగాణ జాగృతి కార్యాలయానికి చేరుకుని, తెలంగాణ తల్లి విగ్రహానికి నివాళులర్పించి.. ప్రజలనుద్దేశించి మాట్లాడుతారు. అనతరంత నవీపేట్ మండలం యంచ గ్రామంలో గోదావరి వరద ముంపు బాధితులతో సమావేశమవుతారు. సాయంత్రం నందిపేట్ మండలం సీహెచ్ కొండూరులోని శ్రీ లక్ష్మీ నరసింహస్వామి ఆలయంలో ప్రత్యేక పూజలు నిర్వహిస్తారు.