Trending

న్యూజిలాండ్ పర్యటనలో ఉన్న ఇంగ్లండ్ జట్టుకు వన్డే సిరీస్‌లో షాక్ తగిలింది. ఈ పర్యటనలో భాగంగా జరిగిన టి-20 సిరీస్‌ని 1-0 తేడాతో కైవసం చేసుకున్న ఇంగ్లండ్.. వన్డే సిరీస్‌లో తొలి మ్యాచ్‌లోనే ఓటమిని చవిచూసింది. మౌంట్‌ మాంగనూయ్‌ వేదికగా ఇవాళ (అక్టోబర్‌ 26) జరిగిన తొలి వన్డేలో 4 వికెట్ల తేడాతో పరాజయంపాలైంది.

ఈ మ్యాచ్‌లో టాస్ ఓడి తొలుత బ్యాటింగ్ చేసిన ఇంగ్లండ్.. కెప్టెన్ హ్యారీ బ్రూక్ శతకంతో 35.2 ఓవర్లలో 223 పరుగులు చేసి ఆలౌట్ అయింది. ఈ మ్యాచ్‌లో ఇంగ్లండ్ 56 పరుగుల వద్దే 6 వికెట్లు కోల్పోయి కష్టాల్లోపడింది. ఈ దశలో జెమీ ఓవర్టన్‌తో కలిసి బ్రూక్ వీరోచిత ఇన్నింగ్స్ ఆడాడు. 101 బంతుల్లో 9 ఫోర్లు 11 సిక్సులతో 135 పరుగులు చేసి చివరి వికెట్‌గా వెనుదిరిగాడు. మరోవైపు ఓవర్టన్(46) కూడా బ్రూక్‌కి సహకారం అందించాడు.

అయితే ఈ స్వల్పలక్ష్య చేధనలో న్యూజిలాండ్ కూడా ఆరంభంలో తడబడింది. 66 పరుగులకే 4 వికెట్లు కోల్పోయింది. ఈ దశలో మిచెల్(78), బ్రెస్‌వెల్(51)లు కలిసి జట్టును విజయ తీరాలకు చేర్చారు. దీంతో న్యూజిలాండ్ 36.4 ఓవర్లలో 224 పరుగులు చేసి లక్ష్యాన్ని చేధించింది. ఈ మ్యాచ్‌లో కీలక ఇన్నింగ్స్ ఆడిన హ్యారీ బ్రూక్‌కే ప్లేయర్ ఆఫ్ ది మ్యాచ్ అవార్డు లభించింది.

నవీ ముంబై: ఐసిసి మహిళల వన్డే ప్రపంచకప్‌ టోర్నమెంట్‌లో భాగంగా చివరి లీగ్ మ్యాచ్‌లో భారత్, బంగ్లాదేశ్‌తో తలపడుతోంది. ఇప్పటికే ఈ టోర్నమెంట్‌లో భారత్ సెమీ ఫైనల్‌కు చేరింది. ఈ నామమాత్రపు మ్యాచ్‌లో భారత్ టాస్ గెలిచి బౌలింగ్ ఎంచుకుంది. అయితే ఈ మ్యాచ్‌కి వర్షం ఆటంకం కలిగించింది. ఈ మ్యాచ్‌లో భారత్ ప్రయోగాలు చేసే ప్రయత్నం చేస్తుంది. వికెట్ కీపర్‌ రిచా ఘోష్‌కి విశ్రాంతి ఇచ్చి ఆమె స్థానంలో ఉమ ఛైత్రీని జట్టులోకి తీసుకున్నారు. ఉమకు ఇది తొలి అంతర్జాతీయ వన్డే కావడం విశేషం. స్మృతి ఆమెకు వన్డే క్యాప్‌ను అందించింది. మరి వర్షం తగ్గాక మ్యాచ్‌ని యథావిధిగా కొనసాగిస్తారా.. లేక డిఎల్‌ఎస్ విధానంలో ఓవర్లు కుదిస్తారో తెలియాలంటే.. ఇంకాస్త సమయం ఎదురుచూడాల్సిందే.

కర్నూల్: కర్నూల్ శివారులో బస్సు ప్రమాదంలో మృతి చెందిన వారిలో 18 మృతదేహాలను డిఎన్‌ఎ పరీక్ష ఆధారంగా కుటుంబ సభ్యులకు అధికారులు అప్పగించారు. డెత్ సర్టిఫికేట్లను అందించారు. జిల్లా కలెక్టర్ ఎ.సిరి స్వయంగా ఈ ప్రక్రియను పర్యవేక్షించారు. మృతదేహాలను స్వస్థలాలకు చేర్చేందుకు అంబులెన్స్‌లు ఏర్పాటు చేశారు.

కర్నూల్ శివారులో శుక్రవారం తెల్లవారుజామున ఈ ప్రమాదం జరిగిన విషయం తెలిసిందే. హైదరాబాద్ నుంచి బెంగళూరు వెళ్తున్న ప్రైవేటు ట్రావెల్స్‌ బస్సును బైక్ ఢీకొని.. భారీ అగ్ని ప్రమాదం జరిగింది. ఈ ఘటనలో 19 మంది ప్రాణాలు కోల్పోయారు. వీరిలో 18 మృతదేహాలను కుటుంబసభ్యులకు అందించారు. మరో మృతదేహానికి సంబంధించి చిత్తూరు నుంచి ఒకరు వచ్చారని ఎస్పీ విక్రాంత్ పాటిల్ తెలిపారు. తమ తండ్రి కనిపించడం లేదని ఆయన వ్యక్తి చెప్పారని అన్నారు. డిఎన్‌ఎ పరీక్ష ఆధారంగా ఆ మృతదేహం ఎవరిదనే విషయం తేలుతుందని స్పష్టం చేశారు. ప్రమాద సమయంలో డ్రైవర్ మద్యం తాగలేదని నివేదికలో తేలిందని ఎస్పీ చెప్పారు.

ఆసియా కప్‌లో అంతగా రాణించకపోయినప్పటికీ.. ఆస్ట్రేలియా పర్యటనకు వెళ్లిన టీం ఇండియా జట్టులో హర్షిత్ రాణాకు చోటు దక్కింది.ఈ విషయంపై తీవ్రస్థాయిలో విమర్శలు వచ్చాయి. అయితే కోచ్ గౌతమ్ గంభీర్ మాత్రం అతడిని వెనకేసుకు వచ్చారు. అయితే ఆసీస్‌తో జరిగిన వన్డే సిరీస్‌లోనూ హర్షిత్ చెప్పుకోదగ్గ ప్రదర్శన చేయలేదు. దీంతో గంభీర్.. హర్షిత్‌కి వార్నింగ్ ఇచ్చారని తెలుస్తోంది. తర్వాత మ్యాచ్‌లో సరిగ్గా ఆడపోతే.. జట్టు నుంచి తీసేస్తానని గంభీర్ హెచ్చరించారని హర్షిత్ చిన్ననాటి కోచ్ శ్రవణ్ వెల్లడించారు.

హర్షిత్ మ్యాచ్‌కి ముందు తనకు ఫోన్ చేశాడని.. తన ప్రదర్శనపై బయట నుంచి వస్తున్న విమర్శలకు దూరంగా ఉండాలని అనుకుంటున్నట్లు చెప్పాడని శ్రవణ్ అన్నారు. దీంతో ‘‘నిన్ను నువ్వు విశ్వసించు’’ అని చెప్పానని తెలిపారు. కొందరు క్రికెటర్లు గంభీర్‌కి సన్నిహితులను బయట టాక్ నడుస్తోంది. కానీ, ప్రతిభ ఎక్కడ ఉందో గుర్తించి.. వారికి మద్దతుగా గంభీర్ ఉంటాడని పేర్కొన్నారు. గంభీర్ మద్ధతుగా నిలిచిన క్రికెటర్లు కెరీర్‌లో ఎన్నో అద్భుతాలు చేశారని తెలిపారు. హర్షిత్‌ని నిజానికి తీవ్రంగా మందలించారు. అతడి ఇంకా23 ఏళ్లే.. నెమ్మదిగా నేర్చుకుంటాడు అని శ్రవణ్ అన్నారు.

ఆస్ట్రేలియాతో జరిగిన వన్డే సిరీస్‌లోని చివరి మ్యాచ్‌లో టీం ఇండియా విజయం సాధించిన విషయం తెలిసిందే. తొలి రెండు వన్డేల్లో ఓడినప్పటికీ.. చివరి వన్డేలో మాత్రం భారత జట్టు అద్భుత ప్రదర్శన చేసింది. అయితే ఈ విజయంతో ఫుల్ జోష్‌లో ఉన్న భారత జట్టుకు ఊహించని షాక్ తగిలింది. జట్టు కీలక ఆటగాడు శ్రేయస్ అయ్యర్ గాయపడ్డాడు. చివరి వన్డేలో క్యాచ్ అందుకొనే క్రమంలో అతడి ప్రక్కటెముకలకు గాయమైంది. దీంతో డాక్టర్లు అతడిని నాలుగు వారాల పాటు విశ్రాంతి తీసుకోవాలని చెప్పినట్లు సమాచారం. ఇదే జరిగితే సౌతాఫ్రికా సిరీస్‌కి శ్రేయస్ దూరమయ్యే అవకాశం ఉంది.

ఓ బిసిసిఐ సీనియర్ అధికారి దీనిపై మాట్లాడుతూ.. మ్యాచ్ జరుగుతుండానే శ్రేయస్‌ని స్కానింగ్‌లకు పంపించామని తెలిపారు. ‘‘ప్రాథమిక నిర్ధారణ ప్రకారం.. శ్రేయస్ ఎడమ ప్రక్కటెముకలలో చిన్న ఫ్రాక్చర్ ఉంది. అతడు కనీసం మూడు వారాల పాటు ఆటకు దూరంగా ఉండాల్సి ఉంది. ఇది హెయిర్‌లైన్ ఫ్రాక్చర్ అయితే ఎక్కువ సమయం పట్టొచ్చు. సౌతాఫ్రికా సిరీస్‌కి అతడు అంటుబాటులో ఉండాడో లేదో ఇప్పుడే చెప్పలేము. మూడు వారాలలో అతడు కోలుకుంటే సౌతాఫ్రికా సిరీస్‌లో పాల్గొనే అవకాశం ఉంది’’ అని అన్నారు.