Trending

యాదాద్రి భువనగిరి: జిల్లాలోని ఆత్మకూరు (ఎం) మండలంలో విషాదం చోటు చేసుకుంది. విద్యుత్షాక్‌తో భూషి గణేశ్ (26) మృతి చెందాగా.. తండ్రి నర్సింహాకు తీవ్ర గాయాలయ్యాయి. బెంగళూరులోని ఓ సంస్థలో గణేశ్ సాఫ్‌వేర్ ఇంజనీర్‌గా పని చేస్తున్నాడు. గత కొంతకాలంగా వర్క్‌ ఫ్రమ్ హో విధులు నిర్వర్తిస్తున్నాడు. ఇటీవల వారి ఇంటికి సిమెంట్ ప్లాస్టరింగ్ పనులు చేయించారు. పనుల కోసం ఏర్పాటు చేసి ఇనుప పైసలను తొలగిస్తున్న క్రమంలో గోడ పక్కనే ఉన్న విద్యుత్ తీగలకు తగిలి షాక్ కొట్టింది. ఈ ప్రమాదంలో గణేశ్‌కు తీవ్రంగా గాయాలయ్యాయి. వెంటనే అతన్ని ఆస్పత్రికి తరలిస్తుండగా మార్గమధ్యంలోనే ప్రాణాలు కోల్పోయాడు. ఒకే ఒక్క కుమారుడు మృతి చెందడంతో తీవ్ర విషాదం నెలకొంది.

హీరో అడివి శేష్ వైవిధ్యమైన సినిమాలు చేయడంలో ముందుంటాడు. అందరి హీరోల్లా కమర్షియల్ సినిమాలు కాకుండా దేశభక్తి.. సస్పెన్స్ థ్రిలర్ చిత్రాలు చేస్తుంటాడు. శేష్ నటిస్తున్న తాజా చిత్రం ‘డకాయిట్’. మృణాల్ ఠాకూర్ ఈ సినిమాలో హీరోయిన్. ఈ సినిమా విడుదల వాయిదా పడుతూ వస్తోంది. తొలుత ఈ సినిమాలో శృతి హాసన్‌ని హీరోయిన్‌గా అనుకున్నారు. కానీ, అనుకోకుండా ఆమె ఈ ప్రాజెక్టు నుంచి తప్పుకుంది. ఆ తర్వాత మృణాల్ ఎంట్రీ ఇచ్చింది. అయితే ఈ సినిమాను క్రిస్మస్ కానుకగా డిసెంబర్ 25న విడుదల చేద్దామని భావించారు.

కానీ, అనుకోని కారణాల వల్లా ఆ తేదీకి సినిమా రిలీజ్ చేయడం కుదరకపోవడంతో కొత్త విడుదల తేదని ప్రకటించారు. వచ్చే ఏడాది ఉగాది కానుకగా ఈ సినిమాను విడుదల చేస్తున్నట్లు చిత్ర యూనిట్ ప్రకటించింది. మార్చి 19వ తేదీన ప్రపంచవ్యాప్తంగా ఈ చిత్రం థియేటర్లలో సందడి చేయనుంది. ఇందుకు సంబంధించి కొత్త పోస్టర్‌ని కూడా విడుదల చేశారు. ‘ఈసారి మామూలుగా ఉండదు.. వెనక్కి తిరిగి చూసేది లేదు’ అని క్యాప్షన్ పెట్టారు.

అడవి శేష్ నటించిన క్షణం, గూఢచారి సహా పలు సినిమాలకు కెమెరామెన్‌గా పని చేసిన షానీల్ డియో ఈ సినిమా ద్వారా దర్శకుడిగా పరిచయమవుతున్నారు. అన్నపూర్ణ స్టూడియోస్ బ్యానర్‌పై ఈ సినిమాను సుప్రియ యార్లగడ్డ తెలుగు, హిందీ భాషల్లో నిర్మిస్తున్నారు. ప్రముఖ బాలీవుడ్ దర్శకుడు అనురాగ్ కశ్యప్ ఈ సినిమాలో పోలీస్ ఆఫీసర్‌గా కనిపించనున్నారు.

కాన్‌బెర్రా: ఆస్ట్రేలియా పర్యటనలో ఉన్న భారత్ జట్టు 2-1 తేడాతో వన్డే సిరీస్‌ని చేజార్చుకుంది. ఇప్పుడు ఆతిథ్య జట్టుతో టి-20 సిరీస్‌లో తలపడేందుకు సిద్ధమవుతోంది. ఇప్పటివరకూ భారత్, ఆస్ట్రేలియాలు 32 టి-20ల్లో తలపడగా.. 20 మ్యాచుల్లో భారత్, 11 మ్యాచుల్లో ఆస్ట్రేలియా విజయం సాధించాయి. ఒక మ్యాచ్ ఫలితం తేలలేదు. దీంతో భారత్‌ను ఈ సిరీస్‌లో ఎదురుకొనేందుకు ఆసీస్ వ్యూహాలు రచిస్తోంది. ముఖ్యంగా యువ సంచలనం అభిషేక్ శర్మను ఎదుర్కొనేందుకు సిద్ధంగా ఉన్నామని ఆసీస్ కెప్టెన్ మిచెల్ మార్ష్ తెలిపాడు.

కాన్‌బెర్రా వేదికగా బుధవావరం (అక్టోబర్ 29) జరిగే తొలి టి-20కి ముందు మార్ష్ మీడియాతో మాట్లాడుతూ ‘‘అభిషేక్ శఱ్మ అద్భుతమైన నైపుణ్యం ఉన్న ఆటగాడు. ఐపిఎల్‌లోనూ సన్‌రైజర్స్ హైదరాబాద్ తరఫున చక్కగా ఆడాడు. నిజంగా అతడు మాకో ఛాలెంజ్. కానీ, మేం అతణ్ని ఎదుర్కొనేందుకు సిద్ధంగా ఉన్నాం. ప్రపంచంలోని అత్యుత్తమ ఆటగాళ్లతో తలపడి మనల్ని మనం పరీక్షించుకోవాలి’’ అని అన్నాడు. అలాగే జోష్ ఇంగ్లిస్ ఇటీవల జరిగిన న్యూజిలాండ్ సిరీస్‌కి ఇంగ్లిస్ గాయం కారణంగా దూరమయ్యాడు. కానీ, ఇప్పుడు అతడు ఫిట్‌నెస్ సాధించాడని తెలిపాడు. ‘‘జోష్ ఇంగ్లిస్ జట్టుకు అందుబాటులో ఉన్నాడు. అతడు మాకు చాలా ముఖ్యమైన ఆటగాడు. నాలుగో స్థానంలో బ్యాటింగ్‌కు దిగుతాడు’’ అని మార్ష్ వివరించాడు.

చెన్నై: తమిళనాడులో బాంబు బెదిరింపులు కలకలం సృష్టిస్తున్నాయి. సినీ, రాజకీయ ప్రముఖుల ఈ బాంబు బెదిరింపులు వస్తున్నాయి. తాజాగా సూపర్‌‌‌స్టార్ రజనీకాంత్, స్టార్ హీరో ధనుష్ ఇళ్లకు బాంబు బెదిరింపులు వచ్చాయి. దీంతో అధికారులు బాంబు స్క్వాడ్, డాగ్ స్వ్కాడ్‌లతో క్షుణ్ణంగా తనిఖీలు చేస్తున్నారు. బెదిరింపుల నేపథ్యంలో చెన్నైలో భద్రతను కట్టుదిట్టం చేశారు. బెదిరింపులకు పాల్పడిన వారిని గుర్తించేందుకు దర్యాప్తు ప్రారంభించారు.

అక్టోబర్ 3వ తేదీన తమిళనాడు సిఎం ఎంకె స్టాలిన్, నటి త్రిష నివాసాలతో పాటు బిజెపి ప్రధాన కార్యాలయం, డిజిపి ఆఫీసు, రాజ్‌భవన్‌కి బెదిరింపులు వచ్చాయి. ఆ తర్వాత అక్టోబర్ 13వ తేదీన మరోసారి స్టాలిన్, రజనీకాంత్ ఇళ్లకు బాంబు బెదిరింపులు వచ్చాయి.