Trending

అమరావతి: మొంథా తుపాను మరింత బలహీనపడింది. మొంథా వాయుగుండం నుంచి తీవ్ర అల్పపీడనంగా మారింది. విదర్భ పరిసరాల్లో తీవ్ర అల్పపీడనం కేంద్రీకృతమై ఉంది. తీవ్ర అల్పపీడడానికి అనుబంధంగా ఉపరితల ఆవర్తనం కొనసాగుతోంది. ఉత్తర కోస్తాకు మోస్తారు వర్షాలు కురిసే అవకాశం ఉందని వాతావరణ శాఖ వెల్లడించింది.తెలంగాణలో ఈ రోజు కూడా వర్షాలు పడే అవకాశం ఉంది. తూర్పు, ఈశాన్య తెలంగాణపై ప్రభావం ఉంటుంది. నవంబర్ 4న బంగాళాఖాతంలో మరో అల్పపీడనం ఏర్పడే అవకాశం ఉంది. అండమాన్ ప్రాంతంలో అల్పపీడనం ఏర్పడే సూచనలు కనిపిస్తున్నాయి. అల్పపీడన ప్రభావంతో మళ్లీ భారీ వర్షాలు పడే అవకాశం కూడా ఉంది. అక్టోబర్, నవంబరుల్లోనే తెలుగు రాష్ట్రాలపై మొంథా తుఫాన్ బీభత్సం సృష్టించిన విషయం తెలిసిందే. 

హైదరాబాద్: మహిళ ప్రపంచ వరల్డ్ కప్‌లో భారత జట్టు సెమీ ఫైనల్‌లో ఘన విజయం సాధించింది. అదీ ఆస్ట్రేలియాపై గెలవడం అంటే వరల్డ్ కప్ సాధించినంత సంబరం. సెమీఫైనల్‌లో 339 పరుగుల లక్ష్యాన్ని చేధించి టీమిండియా రికార్డు సృష్టించింది. వరల్డ్ కప్‌లో నాకౌట్ స్టేజీలో 300 కంటే ఎక్కువ పరుగులు సాధించిన జట్టుగా రికార్డు నెలకొల్పింది. ఆసీస్ ఓడిపోయినప్పటి ఆ జట్టు బ్యాటర్ లీచ్ ఫీల్డ్ సెంచరీ చేసి చరిత్ర సృష్టించింది. వరల్డ్ కప్ నాకౌట్ మ్యాచ్‌లో అతి పిన్ని వయసు(22) కలిగిన బ్యాటర్ సెంచరీ చేయడం అనేది ఆమె రికార్డు నెలకొల్పింది. ఇరు జట్లు కలిసి 14 సిక్స్‌లు కొట్టాయి. భారత్ ఐదు, ఆసీస్ తొమ్మిది సిక్స్‌లు బాదాయి. మహిళ వన్డే క్రికెట్ చరిత్రలో 339 పరుగుల లక్ష్యాన్ని చేదించి రికార్డు పుటల్లోకెక్కింది. గతంలో టీమిండియాపై ఆసీస్ 331 పరుగుల చేధించి రెండో స్థానంలో పడిపోయింది. రెండు జట్లు కలిసి 679 పరుగుల చేసి రికార్డుల మోత మోగించాయి. అంతకు ముందు 2017లో ఇంగ్లాండ్-దక్షిణాఫ్రికా 678 పరుగుల కావడం గమనార్హం. సెమీ ఫైనల్ మ్యాచ్‌లో జెమీమా రోడ్రిగో 127 పరుగులు చేసి విజయంలో కీలక పాత్ర పోషించింది.  

అమరావతి: వానాకాలం చినుకులు ప్రారంభమైన తర్వాత సాధారణంగా రైతులు సాగుకు సిద్ధమవుతారు. ఏది ఏమైనప్పటికీ కర్నూలు జిల్లాలోని కొన్ని ప్రాంతాలలో, రుతుపవనాల వర్షాల తరువాత ప్రజలు వజ్రాల వేటలో నిమగ్నమైపోతారు. ఆంధ్రప్రదేశ్ రాష్ట్రం నంద్యాల జిల్లా ఆళ్లగడ్డ ప్రాంతంలో నల్లమల్ల అడవుల్లో వజ్రాల వేట సందడి నెలకొంది. మహానంది – శిరివెళ్ల సరిహద్దుల్లో వాగులు , వాగుల కట్టల వద్ద వజ్రాల కోసం స్థానికులు వెతుకుతున్నారు. తెల్లవారుజామునే వజ్రాల కోసం దూర ప్రాంతాల ప్రజలు పెద్ద ఎత్తున అక్కడికి చేరుకున్నారు. ఇటీవల ఈ ప్రాంతంలో చిన్న చిన్న వజ్రాలు దొరికినట్లు వార్తలు రావడంతో వజ్రాల వేట మరింత వేగం పుంజుకుంది. మహిళలు, యువకులు, వృద్ధులు ఇలా అందరూ వజ్రాల ఆశతో వాగుల్లో గుంపులుగా కనిపిస్తున్నారు. ఈ సంప్రదాయం రాయలసీమలోని అనేక జిల్లాలలో ప్రబలంగా ఉంది. ప్రత్యేకించి వజ్రకరూర్ పరిసర ప్రాంతాలలో, కొందరు వ్యక్తులు రైతుల నుండి రాత్రికి రాత్రే లక్షాధికారులుగా మారుతారు. ఇటీవల కురిసిన వర్షాల నేపథ్యంలో కర్నూలు జిల్లా రైతులు తమ పొలాల్లో వజ్రాల కోసం అన్వేషణ ప్రారంభించారు. 2023లో తుగ్గలి మండల పరిధిలోని బసినేపల్లిలో ఓ రైతుకు రెండు కోట్ల విలువైన వజ్రం దొరికిన విషయం తెలిసిందే. రెండు నెలల క్రితం  కర్నూలు జిల్లా తుగ్గలి మండలం జొన్నగిరికి వ్యక్తి రూ.300 కూలి పనులకు వెళ్లాడు. అతడికి నలబై లక్షల రూపాయల విలువైన వజ్రం లభించింది.