Trending

ప్రముఖ నటుడు శ్రీకాంత్ తనయుడిగా ఇండస్ట్రీలోకి అడుగుపెట్టాడు యువ హీరో రోషన్. నిర్మల కాన్వెంట్, పెళ్లి సందD సినిమాలతో ఇప్పటివరకూ మంచి సక్సెస్‌ని అందుకున్నాడు రోషన్. ప్రస్తుతం అతను నటిస్తున్న చిత్రం ‘ఛాంపియన్’. ప్రదీప్ అద్వైత దర్శకత్వంలో ఈ సినిమా రూపొందింది. తాజాగా ఈ సినిమా టీజర్‌ని విడుదల చేశారు. అశ్వనిదత్ ఈ సినిమాను సమర్పణలో స్వప్న సినిమాస్, ఆనంది ఆర్ట్స్, కాన్సెప్ట్ ఫిల్మ్స్ బ్యానర్లు ఈ సినిమాను సంయుక్తంగా నిర్మిస్తున్నాయి. ఈ సినిమాలో రోషన్ ఓ ఫుట్‌బాల్ ప్లేయర్‌గా కనిపించనుడు. పైగా ఇది బ్రిటిష్ కాలంలో జరిగే కథ అని టీజర్ చూస్తే తెలుస్తోంది. ఇక ఈ సినిమాలో అనస్వర రాజన్ హీరోయిన్‌గా నటిస్తుండగా.. మిక్కీ జే మేయర్ సంగీతం అందించారు. డిసెంబర్ 25వ తేదీన ఈ సినిమా విడుదల కానుంది.

వెల్లింగ్టన్: ఇంగ్లండ్‌తో జరిగిన మూడు వన్డేల సిరీస్‌ని న్యూజిలాండ్ క్లీన్ స్వీప్ చేసింది. వెల్లంగ్టన్ వేదికగా జరిగిన మూడో వన్డేలో కివీస్ 2 వికెట్ల తేడాతో విజయం సాధించింది. ఈ మ్యాచ్‌లో తొలుత బ్యాటింగ్ చేసిన ఇంగ్లండ్ 40.2 ఓవర్లలో 222 పరుగులకే ఆలౌట్ అయింది. ఇంగ్లండ్ బ్యాటింగ్‌లో ఓవర్టన్ 68, బట్లర్ 38, కార్స్ 36 పరుగులతో రాణించారు. కివీస్ బౌలింగ్‌లో టిక్నర్ 4, డఫీ మూడు, జకారీ ఫౌల్క్స్ రెండు వికెట్లు పడగొట్టారు.

అయితే లక్ష్య చేధనలో న్యూజిలాండ్ కూడా తడబడింది. ఓపెనర్లు రచిన్ రవీంద్ర (46), డెవాన్ కాన్వే (34) తొలి వికెట్‌కు 78 పరుగులు జోడించి జట్టు శుభారంభం అందించారు. దీంతో కివీస్ సునాయాసంగా గెలుస్తుందని అంతా భావించారు. కానీ.. న్యూజిలాండ్ వరుస క్రమంలో వికెట్లు కోల్పోతూ వచ్చింది. 118 పరుగుల వ్యవధిలో 8 వికెట్లు కోల్పోయి కష్టాల్లో పడింది. చివర్లో ఫౌల్క్స్ (14), టిక్నర్ (18) నాటౌట్‌గా నిలిచి జట్టును విజయ తీరాలకు చేర్చారు. న్యూజిలాండ్ 44.4 ఓవర్లలో 8 వికెట్లు కోల్పోయి 226 పరుగులు చేసి విజయం సాధించింది. 42 ఏళ్లలో న్యూజిలాండ్, ఇంగ్లండ్‌ను వన్డే సిరీస్‌లో క్లీన్ స్వీప్ చేయడం ఇదే తొలిసారి. 

ఐసిసి మహిళల వన్డే ప్రపంచకప్‌లో ఏడుసార్లు విశ్వవిజేతగా నిలిచిన ఆస్ట్రేలియా జట్టును మట్టికరిపించి ఫైనల్‌కు చేరింది భారత్. ఈ విషయంలో భారత యువ సంచలనం జెమీమా రోడ్రిక్స్ కీలక పాత్ర పోషించింది. తన బ్యాటింగ్‌తో చివరి వరకూ పోరాడి జట్టును విజయ తీరాలకు చేర్చింది. కెప్టెన్ హర్మన్‌ప్రీత్‌తో కలిసి అద్భుతమైన భాగస్వామ్యాన్ని నమోదు చేసిన జెమీ.. కెప్టెన్ ఔట్ అయినప్పటికీ.. పట్టువదలకుండా బ్యాటింగ్ చేసి శతకం సాధించింది.

అయితే మ్యాచ్‌లో ఒక దశలో తాను ఎదురుకున్న పరిస్థితి గురించి జెమీమా వివరించింది. ‘‘నేను 85 పరుగుల వ్యక్తిగత స్కోర్ వద్ద ఉన్నప్పుడు.. అప్పటికే చాలా అలసిపోయా. దీంతో దీప్తి శర్మకి ఒకటే చెప్పా ‘ప్లీజ్ దీపు నాతో మాట్లాడుతూనే ఉండు లేకపోతే నేను స్కోర్ చేయలేను’ అని అడిగాను. దీంతో దీప్తి ప్రతి బంతికి వచ్చి నాతో మాట్లాడింది. నన్ను ఉత్సాహపరిచింది. నా పరుగు కోసం తన వికెట్‌ కూడా త్యాగం చేసింది. పెవివలియన్‌కి వెళ్తూ కూడా ‘ఏం కంగారు వద్దు, నువ్వు మ్యాచ్‌ను ఫినిష్ చేయాలి’ అని చెప్పింది. ఇలాంటి పార్టనర్‌షిప్‌లు లేకపోతే.. భారీ లక్ష్యాన్ని చేధించడం చాలా కష్టం. దీప్తి, రిచా, అమన్, ఆఖర్లో ఆడిన ఇన్నింగ్స్ చాలా కీలకం. హర్మన్‌తో కలిసి గొప్ప భాగస్వామ్యం నిర్మించడం బాగుంది. గతంలో వికెట్ల పడిపోయే కొద్దీ మ్యాచ్‌ను చేజార్చుకొనే వాళ్లం. ఇప్పుడు టీం ఇండియా మారిపోయిందని నిరూపించాం’’ అని జెమీమా తెలిపింది.

ముంబై: ప్రతిష్టాత్మక ఆసియకప్‌లో భారత్ అద్వితయ విజయం సాధించిన విషయం తెలిసిందే. అయితే ట్రోఫీ మాత్రం ఇఫ్పటివరకూ అందలేదు. ఆసియా క్రికెట్ కౌన్సిల్ ఛైర్మన్‌గా పాకిస్థాన్‌కు చెందిన మోసిన్ నఖ్వీ ఉండటంతో భారత ఆటగాళ్లు ట్రోఫీ అందుకోలేదు. నఖ్వీ కూడా ట్రోఫీ తీసుకొని అక్కడి నుంచి వెళ్లిపోయారు. ఆ తర్వాత ట్రోఫీ గురించి చాలా ప్రయత్నాలు జరిగాయి. కానీ నఖ్వీ మాత్రం ట్రోఫీ విషయంలో పట్టువీడటం లేదు. భారత క్రికెట్ బోర్డు కూడా ఏమాత్రం ఉపేక్షించడం లేదు. తాజా ఈ విషయంపై బిసిసిఐ కార్యదర్శి దేవజిత్ సైకియా ఘాటుగా స్పందించారు. ట్రోఫీ కచ్చితంగా భారత్‌కు వచ్చి తీరుతుందని.. కానీ నఖ్వీ చేతుల మీదుగా మాత్రం ట్రోఫీని అందుకొనే ప్రసక్తే లేదని పేర్కొన్నారు.

‘‘ఆసియా కప్ తప్పుకుండా భారత్‌కు చేరుతుంది. ఇందులో ఎలాంటి సందేహం లేదు. ఈ విషయాన్ని ఇప్పటికే చాలాసార్లు ఎసిసి దృష్టికి తీసుకెళ్లాం. కానీ, సరైన స్పందన మాత్రం లేదు. దుబాయ్‌లో నవంబర్ 4వ తేదీన ఐసిసి సర్వసఖ్య సమవేశం మొదలవుతుంది. అంతకు ముందే ట్రోఫీ అందుతుందని భావిస్తున్నా. ఎందుకంటే టీం ఇండియానే విజేత కాబట్టి. ఎప్పుడు అనేది చెప్పలేము. కానీ, మోసిన్ చేతుల మీదులుగా మాత్రం ట్రోఫీ అందుకొనేది లేదు. మా స్టాండ్‌‌పై చాలా క్లియర్ ఉణ్నాం. మా విధానంలో ఎలాంటి మార్పు లేదు. పాకిస్థాన్ మంత్రిగా ఉన్న ఎసిసి ఛైర్మన్‌ ట్రోఫీని బహుకరిస్తామంటే మేం అప్పుడు అంగీకరించలేదు. ఇప్పుడు అంగీకరించము’’ అని సైకియా స్పష్టం చేశారు.