Trending

ఐసిసి వన్డే ప్రపంచకప్ విజయంతో ఫుల్ జోష్‌లో ఉన్న భారత మహిళ క్రికెటర్లను మరో మెగా ఈవెంట్ ఆహ్వానిస్తోంది. ప్రతిష్టాత్మక ఉమెన్స్ ప్రీమియర్ లీగ్‌కు మెగా వేలం నవంబర్ 27న జరుగనుంది. ఈ నేపథ్యంలో అన్ని ఫ్రాంచైజీలు కొందరు ప్లేయర్లను రిటైన్ చేసుకున్నారు. ఇందులో ఢిల్లీ క్యాపిటల్స్ జట్టు ఐదుగురిని రిటైన్ చేసుకోగా.. ముంబై ఇండియన్స్ కూడా ఐదుగురిని అట్టిపెట్టుకుంది. అందులో ప్రపంచకప్ సాధించిన కెప్టెన్ హర్మన్ ప్రీత్ కౌర్ కూడా ఉంది. ఇక రాయల్ ఛాలెంజర్స్ బెంగళూరు జట్టు కెప్టెన్ స్మృతి మంధానతో పాటు మరో ముగ్గురిని రిటైన్ చేసుకుంది. ఇక గుజరాత్ జెయింట్స్ ఇద్దరిని, యూపీ వారియర్స్ కేవలం ఒకరిని మాత్రమే రిటైన్ చేసుకొని మిగితా అందరిని విడుదల చేసింది.

రిటెన్షన్ లిస్ట్

ముంబై ఇండియన్స్‌

నాట్‌ సీవర్‌- బ్రంట్‌ (రూ. 3.50 కోట్లు)

హర్మన్‌ప్రీత్‌ కౌర్‌ (రూ. 2.50 కోట్లు)

హేలీ మాథ్యూస్‌ (రూ. 1.75 కోట్లు)

అమన్‌జోత్‌ కౌర్‌ (రూ. 1 కోటి)

గుణాలన్‌ కమిలిని (రూ. 50 లక్షలు)

ఢిల్లీ క్యాపిటల్స్‌

షఫాలీ వర్మ (రూ. 2.20 కోట్లు)

జెమీమా రోడ్రిగ్స్‌ (రూ. 2.20 కోట్లు)

మరిజానే కాప్‌ (రూ. 2.20 కోట్లు)

అనాబెల్‌ సదర్లాండ్‌ (రూ. 2.20 కోట్లు)

నికీ ప్రసాద్‌ (రూ. 50 లక్షలు)

రాయల్‌ చాలెంజర్స్‌ బెంగళూరు

స్మృతి మంధాన (రూ. 3.50 కోట్లు)

రిచా ఘోష్‌ (రూ. 2.75 కోట్లు)

ఎలిస్‌ పెర్రి (రూ. 2 కోట్లు)

శ్రేయాంక పాటిల్‌ (రూ. 60 లక్షలు)

గుజరాత్‌ జెయింట్స్‌

ఆష్లే గార్డ్‌నర్‌ (రూ. 3.50 కోట్లు)

బెత్‌ మూనీ (రూ. 2.50 కోట్లు)

యూపీ వారియర్స్‌

శ్వేతా సెహ్రావత్‌ (రూ. 50 లక్షలు)

హైదరాబాద్: జూబ్లీహిల్స్ ఉపఎన్నికలో విజయం సాధించేందుకు అన్ని పార్టీలో ప్రచారం ముమ్మరం చేస్తున్నాయి. అయితే ఈ ఉపఎన్నిక విషయంలో చిన్నపాటి నిర్లక్ష్యం కూడా లేకుండా ప్రతి ఒక్కరూ కలిసికట్టుగా పని చేయాలని సిఎం రేవంత్ రెడ్డి పార్టీ నాయకులకు సూచించారు. జూబ్లీహిల్స్ ఎంపి క్యాంపు కార్యాలయంలో సమీక్ష నిర్వహించారు. ఈ సమావేశంలో పిసిసి అధ్యక్షుడు మహేశ్ కుమార్ గౌడ్, ఉప ముఖ్యమంత్రి భట్టి విక్రమార్క, పార్టీ రాష్ట్ర వ్యవహారాల ఇంచార్జ్ మీనాక్షి నటరాజన్ తదితరులు పాల్గొన్నారు.

ఇప్పటికే మంత్రులు, సీనియర్ నాయకులు, ఎమ్మెల్యేలు క్షేత్రస్థాయిలో ప్రచారం చేస్తున్నారు. సిఎం సైతం గత నెల 31, ఈ నెల 1, 4, 5 తేదీల్లో నియోజకవర్గంలోని పలు డివిజన్లలో రోడ్‌ షోల నిర్వహించడంతో పాటు కార్నర్ సమావేశాలు నిర్వహించారు. పోలింగ్ తేదీ దగ్గర పడుతుండడంతో.. క్షేత్రస్థాయి పరిస్థితులు, సర్వే నివేదికలు, పార్టీ నిర్వహిస్తున్న ప్రచార కార్యక్రమాలు, ప్రతిపక్షాల దుష్ప్రచారాలు, వ్యూహ, ప్రతి వ్యూహాలు తదితర అంశాలపై సిఎం సమీక్ష చేసినట్లు తెలుస్తోంది. మొత్తం మంత్రులందరికి బాధ్యతలు అప్పగించిన.. సిఎం రేవంత్ రెడ్డి.. ఇంటింటికి తిరిగి ప్రచారం చేయాలని, ప్రభుత్వ పథకాలను ప్రజలకు చేరవేయాలని దిశానిర్ధేశం చేసినట్లు సమాచారం.

క్వీన్స్‌ల్యాండ్: ఐదు టి-20ల సిరీస్‌ల భాగంగా కార్రరా కర్రారా ఓవల్ వేదికగా జరిగిన నాలుగో టి-20లో భారత్ ఘన విజయం సాధించింది. బౌలర్లు సమిష్టిగా రాణించడంతో భారత్ 48 పరుగుల తేడాతో గెలిచి.. సిరీస్‌‌లో 2-1 అధ్యిక్యంలోకి వచ్చింది భారత్. ఈ మ్యాచ్‌లో టాస్ ఓడి తొలుత బ్యాటింగ్ చేసిన భారత నిర్ణీత 20 ఓవర్లలో 8 వికెట్లు కోల్పోయి 167 పరుగులు చేసింది.

ఆ తర్వాత లక్ష్య చేధనలో ఆసీస్ ఆరంభంలో ఆచితూచి ఆడింది. కానీ, భారత బౌలర్లు పట్టువదలలేదు. 91 పరుగుల వద్ద 4 వికెట్లు కోల్పోయిన ఆసీస్‌ని 119 పరుగులకే ఆలౌట్ చేశారు. ఆసీస్ బ్యాటింగ్‌లో కెప్టెన్ మార్ష్ (30), టాప్ స్కోరర్‌గా నిలిచాడు. ఇక మాథ్యూ షార్ట్ 25 పరుగులు చేశాడు. మిగితా వాళ్లేవ్వరూ 15+ స్కోర్ సాధించలేకపోయారు. ఇక భారత బౌలింగ్‌లో సుందర్ 3, అక్షర్, దూబే చెరి 2, బుమ్రా, అర్ష్‌దీప్, వరుణ్ తల ఒక వికెట్ తీశారు.

సంగారెడ్డి: ఎన్ని కష్టాలు ఉన్నా.. వాటిని ఎదురుకుంటూ జీవితాన్ని కొనసాగిస్తుంటారు కొందరు. మరికొందరు చిన్న చిన్న సమస్యలను భూతద్దంలో పెట్టి చూసి ప్రాణాలు తీసుకుంటారు. ఇలాంటి దురదృష్టకరమైన ఘటనే సంగారెడ్డి జిల్లా అమీన్‌పూర్‌లో చోటు చేసుకుంది. చీమలంటే భయపడే ఓ మహిళ.. చీమలతో బతకలేకపోతున్నానంటూ సూసైడ్ నోట్ రాసి ఆత్మహత్య చేసుకుంది. వివరాల్లోకెళ్తే.. నవ్య కాలనీలోని ఓ అపార్ట్‌మెంట్‌లో నివసిస్తున్న శ్రీకాంత్, మనీషా దంపతులకు ఓ కుమార్తె ఉంది.

మనీషా చీమల ఫోబియాతో బాధపడుతుండటంతో భర్త ఆస్పత్రిలో చూపించారు. ఈ నెల 4న ఉద్యోగ నిమిత్తం భర్త విధులకు వెళ్లి వచ్చేసరికి తలుపులు గడియ పెట్టి ఉన్నాయి. ఎంతకీ తలుపులు తీయకపోవడంతో స్థానికుల సాయంతో తలుపులు బద్దలుకొట్టి లోపలికి వెళ్లారు. అక్కడ తన భార్య చీరతో ఉరి వేసుకొని విగతజీవిగా శ్రీకాంత్‌కు కనిపించింది. అదే గదిలో నోట్‌బుక్‌లో సూసైడ్ నోట్ కూడా దొరికింది. కుటుంబసభ్యుల ఫిర్యాదు మేరకు పోలీసులు కేసు నమోదు చేసుకొని దర్యాప్తు చేపట్టారు.

న్యూఢిల్లీ: ఐసిసి మహిళల వన్డే ప్రపంచకప్ గెలిచి చరిత్ర సృష్టించిన భారత మహిళ జట్టును గురువారం రాష్ట్రపతి ద్రౌపదీ ముర్ము అభినందించారు. రాష్ట్రపతి భవన్‌లో జట్టు సభ్యులను ఆమె కలుసుకున్నారు. ఈ సందర్భంగా ప్రపంచకప్ గెలిచి చరిత్ర సృష్టించారని, యువతరానికి ఆదర్శంగా నిలిచారంటూ జట్టు సభ్యులను ముర్ము ప్రశంసించారు. జట్టు కెప్టెన్ హర్మన్ ప్రీత్ కౌర్.. జట్టు సభ్యులందరూ సంతకం చేసిన ప్రత్యేకమైన జెర్సీని రాష్ట్రతికి కానుకగా అందించింది. ప్రపంచకప్ ట్రోఫీని కూడా రాష్ట్రపతికి అందజేసింది. అంతకు ముందు జట్టు సభ్యులందరూ ప్రధాని నరేంద్ర మోడీని కలిసి ఆయనతో ముచ్చటించిన విషయం తెలిసిందే.

కాగా, ఆదివారం నవీ ముంబైలో జరిగిన ప్రపంచకప్ ఫైనల్ మ్యాచ్‌లో భారత్, దక్షిణాఫ్రికాపై 52 పరుగుల తేడాతో విజయం సాధించింది. దీంతో భారత మహిళ క్రికెట్ చరిత్రలోనే తొలిసారి ప్రపంచకప్‌ను కైవసం చేసుకుంది.

బెంగళూరు: కన్నడ స్టార్ హీరో యశ్ నటించిన బ్లాక్‌బస్టర్ చిత్రం ‘కె.జి.ఎఫ్’. ఈ సినిమాలో ప్రతీ పాత్రకి ప్రాధాన్యత ఉంటుంది. అయితే కె.జి.ఎఫ్ అభిమానులకు ఇది చేధు వార్త. ఈ సినిమాలో ఖాసిం ఛాఛాగా నటించి అందరిని మెప్పించిన హరీశ్ రాయ్ కన్నుమూశారు. కొన్ని రోజులుగా ఆయన థైరాయిడ్ క్యాన్సర్‌తో బాధపడుతున్న గురువారంె తుదిశ్వాస విడిచారు.

1995లో వచ్చిన ‘ఓం’ సినిమాలో డాన్ రాయ్‌గా ఆయన నటించారు. మూడు సంవత్సరాల క్రితం హరీశ్ తన ఆరోగ్యం గురించి చెప్పుకొని బాధపడ్డారు. తనకు ఆర్థిక సాయం చేయాలని కోరారు. కొందరు హీరోలు సాయం చేశారు కూడా.

‘‘పరిస్థితులు కొన్నిసార్లు మాత్రమే మనకు అనుకూలంగా ఉంటాయి. విధి నుంచి ఎవరూ తప్పించుకోలేరు. నేను క్యాన్సర్‌తో బాధపడుతున్నా. కెజిఎఫ్‌లో నేను గడ్డంతో కనిపించడానాకి ఓ కారణం ఉంది. క్యాన్సర్ కారణంగా నా గొంతు వాచిపోయింది. అది కనిపించకుండా ఉండేందుకే గడ్డం పెంచాను’’ అని హరీశ్ గతంలో చెప్పారు.