Latest News

హైదరాబాద్: పవర్‌స్టార్ పవన్‌కళ్యాణ్ నటించిన రీసెంట్ చిత్రం ‘ఒజి’. ఈ సెప్టెంబర్ 25న విడుదలైన ఈ సినిమా గ్రాండ్ సక్సెస్ సాధించింది. తాజాగా మెగా కుటుంబమంతా ఈ సినిమాను వీక్షించారు. ఆ తర్వాత మెగాస్టార్ చిరంజీవి ఈ సినిమా గురించి తన అభిప్రాయాన్ని పంచుకున్నారు. ఈ సినిమాతో పవన్ ఫ్యాన్స్‌కి విందు ఇచ్చారని చిరు పేర్కొన్నారు.

‘‘నా కుటుంబంతో కలిసి ఒజి చూశాను. చిత్రంలోని ప్రతీ అంశాన్ని అస్వాదించాను. హాలీవుడ్ ప్రమాణాలతో తెరకెక్కిన అద్భుతమైన అండర్‌ వరల్డ్ గ్యాంగ్‌స్టర్ చిత్రమిది. సినిమాలో భావోద్వేగాలకు లోటులేదు. సినిమాను ఆరంభం నుంచి చివరి వరకూ దర్శకుడు సుజీత్ అద్భుతంగా రూపొందించాడు. కళ్యాణ్ బాబుని స్క్రీన్‌ మీద చూసి ఎంతో గర్వపడ్డాను. ఆయన తన నటనతో ఎప్పటి నుంచో ఎదురుచూస్తున్న ఫ్యాన్స్‌కి పెద్ద విందు ఇచ్చారు. తమన్ తన ప్రాణం పెట్టి మ్యూజిక్‌ని అందించారు. విజువల్స్ అద్భుతంగా ఉన్నాయి. చిత్ర యూనిట్‌కి నా అభినందనలు’’ అని చిరు ఎక్స్‌లో పోస్ట్ చేశారు. ఈ పోస్ట్‌కి చిత్రాన్ని చూసినప్పుడు దిగిన ఫోటోలను జత చేశారు.

ముంబై: బాలీవుడ్ స్టార్ హీరోయిన్ దీపికా పదుకొనే కొద్ది రోజులుగా వార్తల్లో నిలుస్తోంది. సినిమాల్లో నటించాలంటే ఆమె పెట్టే కండీషన్లతో దర్శక, నిర్మాతలు వెనకడుగు వేస్తున్నారు. ఈ క్రమంలోనే ఆమెను ప్రభాస్ నటిస్తున్న ‘‘స్పిరిట్’ ‘కల్కి-2’ చిత్రాల నుంచి తప్పించారు. అయితే ‘స్పిరిట్’ సినిమాలో ఇప్పటికే త్రిప్తి డిమ్రిని హీరోయిన్‌గా అనుకుంటున్నారని టాక్.

అయితే తాజాగా హీరోయిన్ దీపికా చేసిన పనితో ఆమె గురించి మళ్లీ నెట్‌లో చర్చించుకుంటున్నారు. అదేంటంటే ప్రముఖ బాలీవుడ్ దర్శకురాలు, కొరియోగ్రాఫర్ ఫరా ఖాన్‌ను దీపికా అన్‌ఫాలో చేసింది. ఫరా ఖాన్‌ కూడా దీపికాను అన్‌ఫాలో చేసింది. అయితే దీనికి కారణం లేకపోలేదు. ఇటీవల ఓ షోలో ఫరా ఖాన్ మాట్లాడుతూ.. దీపికా ఎనిమిది గంటల పర్కింగ్ అవర్స్ గురించి కామెంట్ చేసింది. ‘ఆమె ఇప్పుడు పని చేసేదే 8 గంటలు. ఇక ఈ షోకు ఎలా వస్తారు. ఆమెకు అంత టైం ఎక్కడ ఉంది’ అని ఫరా అన్నారు.

దీంతో ఈ మాటలు సరదాగా అన్నప్పటికీ.. బాలీవుడ్‌లో చర్చకు దారి తీశాయి. దీంతో నటి ఫరాను అన్‌ఫాలో చేసినట్లు తెలుస్తోంది. ఫరా దర్శకత్వంలో దీపిక ‘ఓం శాంతి ఓం’, ‘హ్యాపీ న్యూ ఇయర్’ చిత్రాల్లో దీపికా ప్రదాన పాత్రల్లో నటించింది. ఈ రెండు సినిమాలు సూపర్ హిట్ అయ్యాయి. అప్పటి నుంచి వీరిద్దరి మధ్య స్నేహం కొనసాగుతు వచ్చింది. అలాంటిది ఇప్పుడు వీరిద్దరు ఒకరినొకరు అన్‌ఫాలొ చేసుకున్నారు.

లండన్: మహాత్మ గాంధీకి లండన్‌లో అవమానం జరిగింది. అక్కడి జాత్యహంకారులు రెచ్చిపోయారు. గాంధీ జయంతి సమీపిస్తున్న తరుణంలో ఆయన విగ్రహంపై పిచ్చి రాతలు రాశారు. ఈ ఘటన లండన్‌లోని టావిస్టాక్ స్క్వేర్‌లో చోటు చేసుకుంది. ఇక్క ధాన్యం చేస్తున్నట్లుగా గాంధీ విగ్రహం ఉంది. అక్టోబర్ 2 గాందీ జయంతి జరుగనున్న నేపథ్యంలో ఆయన విగ్రహానికి ఇలా జరగడం బాధకరమని అక్కడి రాయభార కార్యాలయం ఖండించింది.

‘లండన్‌లోని టావిస్టాక్ స్కేర్‌లోని మహాత్మగాంధీ విగ్రహం వద్ద జరిగిన ఘటన సిగ్గుచేటు. మేం తీవ్రంగా ఖండిస్తున్నాం. అహింసా దినోత్సవం రోజుకి కొన్ని రోజుల ముందు జరిగిన ఈ ఘటన కేవలం విధ్వంసమే కాదు.. మహాత్ముడి వారసత్వంపై దాడి. దీనిపై తక్షణమే చర్యలు తీసుకోవాలి’’ అని రాయబార కార్యాలయం ప్రకటన విడుదల చేసింది. గాంధీ విగ్రహాన్ని పునరుద్ధరించాలని డిమాండ్ చేశారు.