Latest News

తెలంగాణ గిరిజన సంక్షేమ గురుకులాల్లో ‘పార్ట్‌టైమ్ అధ్యాపకుల’ జీవన స్థితిగతులు అగమ్యగోచరంగా తయారయ్యాయి. రాష్ట్రంలోని నిరుపేద తెగలకు చెందిన గిరిజన విద్యార్థులకు నాణ్యమైన భోజనం, వసతితోపాటు పోటీ ప్రపంచంలో ఉన్నతంగా రాణించేందుకు ప్రమాణ విద్యను అందించేందుకు ప్రభుత్వం ‘పార్ట్‌టైమ్ అధ్యాపకుల’ను అన్ని అర్హతలను అనుసరిస్తూ ఉపాధ్యాయ నియామకాలు చేపట్టి, పటిష్టమైన నిర్దేశంతో ఆయా గురుకులాల్లోని విద్యార్థులకు నాణ్యమైన ఉచిత విద్యను అందించడం శుభపరిణామం. అలాగే శాశ్వత అధ్యాపకులవలే ప్రభుత్వ, ఆయా ఉన్నతాధికారుల నియమ నిబంధనలను తూచా తప్పకుండ సక్రమమైన విధులు నిర్వర్తిస్తున్న ‘పార్ట్ టైమ్ అధ్యాపకుల’ జీవితాలు ప్రస్తుతం శ్రమకు తగిన వేతనం అందకపోవడంతో అయోమయ స్థితిలోకి నెట్టివేయబడ్డాయి. ఇటీవల తెలంగాణ రాష్ట్ర ప్రభుత్వం ఇచ్చిన పిఆర్‌సి గిరిజన సంక్షేమ గురుకుల పార్ట్‌టైమ్ టీచర్లకు తప్ప మిగిలిన అన్ని సొసైటీ ఉద్యోగులకు జిఒ నెం 16, 63 ఇప్పటి వరకు అమలు కాకపోవడం గమనార్హం.

ప్రభుత్వం తెలంగాణ గిరిజన సంక్షేమ గురుకుల పార్ట్‌టైమ్ ఉపాధ్యాయుల సేవలను ఇప్పటికైనా గుర్తిస్తూ వేతనాల పెంపు, ఉద్యోగభద్రత కల్పించాల్సిన అవసరం ఎంతైనా ఉంది. రెగ్యులర్ ఉపాధ్యాయుల విధులను తూచా తప్పకుండా, సక్రమంగా అందిస్తున్నందున బేసిక్ పే వేతనాలను పార్ట్‌టైమ్ ఉద్యోగులకు వర్తింపజేయడంతోపాటు 30 శాతం పిఆర్‌సిని అందించాలి. తెలంగాణ రాష్ట్రంలోని గిరిజన సంక్షేమ గురుకుల పాఠశాలల్లో పని చేస్తున్న పార్ట్‌టైమ్ ఉపాధ్యాయుల వేతనాలు తక్కువే అయినా గురుకులాల్లో అధిక బాధ్యతలను మోస్తున్నారు. గత పదిహేను సంవత్సరాలుగా శాశ్వత ఉపాధ్యాయులకు, అధ్యాపకులకు ఏమాత్రం తక్కువ కాకుండా సమానంగా పని చేస్తున్నారు. రాష్ట్రంలోని వివిధ తెగల్లోని తండాలు, గూడెంల్లోని నిరుపేద గిరిజన విద్యార్థుల బంగారు భవిష్యత్తును తమదైన శైలిలో తీర్చిదిద్దుతూ, గురుకుల విద్యాలయాల సొసైటీ అభివృద్ధిలో కీలకపాత్ర పోషిస్తున్నారని అనడంలో సందేహం లేదు. ప్రభుత్వం వీరి అమూల్య సేవలను పొందుతున్నందుకుగాను వేతనంగా కేవలం రూ. 14000 మాత్రమే అందిస్తోంది. దీంతో పార్ట్‌టైమ్ అధ్యాపకులు కుటుంబ పోషణలో తీవ్రంగా ఇబ్బందులు ఎదుర్కొంటూ, అరకొర సౌకర్యాలతో జీవన ప్రయాణాన్ని సాగిస్తున్నారు. జిల్లా స్థాయిలో నోటిఫికేషన్ విడుదల చేసి, రాత, మౌఖిక పరీక్షలు, డెమో క్లాస్ నిర్వహించి, అన్ని రకాల విద్యార్హతలను పరిశీలించిన అనంతరం కలెక్టర్ ఆధ్వర్యంలో ఐటిడిఎ పిఒ ద్వారా పార్ట్‌టైమ్ ఉపాధ్యాయులను ఎంపిక చేస్తున్నారు. ఇందులో చాలా మంది గురుకులంలో విద్యను అభ్యసించిన నిరుపేద గిరిజన కుటుంబాలకు చెందినవారే.

తాత్కాలిక ఉపాధ్యాయులు గురుకుల పాఠశాలలో ఉదయం గం. 8 నుంచి మధ్యాహ్నం గం. 1:30 వరకు తరగతులు, డైనింగ్ హాల్ డ్యూటీ, మధ్యాహ్నం గం. 2:30 నుంచి గం. 4:00 వరకు సూపర్‌విజర్ స్టడీ, గం. 4:00 నుండి 4:30 వరకు క్లబ్ కృత్యాల నిర్వహణ, సాయంత్రం 6:30 సప్పర్ డ్యూటీ, గం. 7:30 నుండి 10:00 వరకు నైట్ స్టడీ సూపర్‌విజిన్‌తోపాటు నైట్ స్టే, హాలిడే డ్యూటీ ఉదయం గం. 9:00 నుండి రాత్రి 9:00 వరకు, హౌస్ మాస్టర్ డ్యూటీ, వివిధ రకాల ఇన్‌చార్జి బాధ్యతలు సహా రెగ్యులర్ ఉద్యోగులతో సమానంగా 24 గంటలు పని చేస్తున్నా కొందరి ప్రధానోపాధ్యాయులు దురుసుతనం ప్రదర్శించినా నోరుమెదపక సొసైటి అభివృద్ధి, విద్యార్థుల భవిష్యత్తే ప్రధాన ధ్యేయంగా విధులు నిర్వర్తిస్తున్నారు. గిరిజన గురుకులాల్లో పని చేస్తున్న అధ్యాపకులు పేరుకు పార్ట్‌టైమ్ అయిన విధులు మాత్రం ఫుల్‌టైమ్ చేస్తూ 24 గంటలూ గురుకులాలకే తమ అమూల్యమైన సేవలను అంకితం చేస్తున్నారు. పార్ట్‌టైమ్ ఉపాధ్యాయులకు గురుకుల ఆవరణలో క్వార్టర్స్ ఇవ్వకపోవడం వల్ల నైట్ డ్యూటీ తర్వాత తమ ఇళ్లకు చేరే సందర్భంలో పలుమార్లు రోడ్డు ప్రమాదాలకు గురవుతూ, పలువురు ఉపాధ్యాయులు ప్రాణాలు కోల్పోయిన సంఘటనలు కోకొల్లలుగా ఉన్నాయి. పొరుగు సేవల ప్రాతిపదికన పనిచేసే అటెండర్, వాచ్‌మెన్ల వేతనాలతో పోలిస్తే పార్ట్‌టైమ్ ఉపాధ్యాయుల వేతనాలు తక్కువగా ఉండటంతో వారు ఆత్మన్యూనతా భావానికి గురవుతున్నారు.

పేరుకే పార్ట్ టైమ్ కానీ, 24 గంటలూ పని చేయిస్తూ అధికారులు పార్ట్‌టైమ్ ఉపాధ్యాయుల జీవితాలతో చెలగాటం అడుతున్నారు. ప్రభుత్వం పార్ట్ టైమ్ ఉపాధ్యాయుల సేవలను రెగ్యులర్ ఉపాధ్యాయులతో సమానంగా ఉపయోగించుకొని, వేతన విషయంలో తీవ్ర వివక్ష చూపిస్తూ, శ్రమ దోపిడీకి పాల్పడుతున్నది. ఇతర గురుకుల సొసైటీ పార్ట్‌టైమ్ ఉపాధ్యాయుల వేతనాలతో పోల్చితే, గిరిజన గురుకుల పార్ట్‌టైమ్ ఉపాధ్యాయుల, అధ్యాపకుల వేతనాలు తక్కువగా ఉన్నాయి. ఈ విషయంపై ప్రభుత్వం తక్షణమే స్పందించి, పార్ట్‌టైమ్ అధ్యాపకులకు పనికి తగిన గౌరవ వేతనాలు అందించాలి. ప్రభుత్వం పార్ట్‌టైమ్ అధ్యాపకుల సమస్యల విషయంలో ప్రత్యేక చొరవ చూపి, గిరిజన సంక్షేమ గురుకుల పార్ట్‌టైమ్ ఉపాధ్యాయుల సమస్యలు తప్పక పరిష్కరించాలి. ఇటీవల తెలంగాణ ప్రభుత్వం ఇచ్చిన పిఆర్‌సి గిరిజన సంక్షేమ గురుకుల పార్ట్‌టైమ్ అధ్యాపకులకు తప్ప మిగిలిన అన్ని సొసైటీ ఉద్యోగులకు జిఒ నెం. 16, 63 ఇప్పటివరకు అమలు కాకపోవడం బాధాకరం. ప్రభుత్వం తెలంగాణ గిరిజన సంక్షేమ గురుకుల పార్ట్‌టైమ్ ఉపాధ్యాయులు నిరుపేద గిరిజన విద్యార్థుల ఉజ్వల భవిష్యత్ కోసం అందిస్తున్న నిర్విరామ సేవలను గుర్తిస్తూ, సమస్యల పరిష్కారంతోపాటు ఉద్యోగ భద్రత కల్పించవలసిన అవసరం ఉంది. 

ఈదునూరి మహేష్

9949134467

మన తెలంగాణ /సిటీ బ్యూరో/జూబ్లీహిల్స్: నగరంలోని బంజారాహిల్స్ రోడ్డు నెంబర్ 10 లో అత్యంత ఖరీదైన ఐదెకరాల ప్రభుత్వస్థలాన్ని ‘హై డ్రా’ కాపాడింది. నకిలీ పత్రాలతో ఆక్రమించుకుని చేపట్టిన నిర్మాణాలపై కొరఢా ఝళిపించి రూ.750 కోట్ల విలువజేసే ప్రభుత్వ భూమిని స్వాధీ నం చేసుకుంది. బంజారాహిల్స్‌లోని సర్వే నెంబర్ 403 లో 5 ఎకరాల ప్రభుత్వ భూమి ఉండగా, దాని సర్వే నెంబర్ 403 /52 గా తప్పుడు ప త్రాలు (ఆన్ రిజిస్టర్ సేల్ డీడ్) సృష్టించి, రూ. 750 కోట్ల విలువజేసి ప్ర భుత్వ భూమిని వి ఆర్ ఇన్‌ఫ్రా యజమాని పార్థ సారథి కబ్జా చేశారు. వివాదం కోర్టులో ఉన్నా చుట్టూ ప్రహరీని నిర్మించి కాపలాగా వేట కుక్కలు, ప్రైవేట్ బౌన్సర్లను పెట్టారు.

అధికారులు విచారణకు వస్తే కుక్కలతో పాటు బౌన్సర్లతో దాడులు చేయించి భయభ్రాంతులకు గురిచేసేవారు. జలమండలికి కేటాయించిన 1 .20 ఎకరాలతో పాటు మొత్తం ఐదెకరాలను కబ్జా చేయడంతో జలమండలి,రెవెన్యూ అధికారుల ఫిర్యాదు మేరకు రంగంలోకి దిగిన ‘హైడ్రా’ శుక్రవారం ఉదయం భారీ పోలీసు బందోబస్తుతో ఆక్రమణలను కూల్చివేసి ఈ ప్రభుత్వ భూమిని స్వాధీనం చేసుకున్నది. హైడ్రా మరియు రెవిన్యూ అధికారులకు ఫిర్యాదు మేరకు బంజరాహిల్స్ పోలీస్ స్టేషన్‌లో పార్థ సారధిపై 4 క్రిమినల్ కేసులు నమోదు చేశారు . గాజుల రామారంలో మూడున్నర ఎకరాలు స్వాధీనం కుత్బుల్లాపూర్ మండలం, గాజుల రామారం పరిధిలోని మహాదేవపురంలో కబ్జాకు గురైన స్థలంలో ఆక్రమణలను కూల్చివేసిన ‘హైడ్రా’ మూడున్నర ఎకరాలను స్వాధీనం చేసుకున్నది.

మేడ్చల్‌లో మూడు ఎకరాలు

మేడ్చల్‌లో ఎజి కార్యాలయ ఉద్యోగులు చేసిన లేఅవుట్‌లో మూడు ఎకరాల పార్కు,రోడ్ల స్థలాలను కబ్జాచేసి అక్రమంగా నిర్మాణాలు చేపట్టగా, హైడ్రా ఆక్రమణలను కూల్చివేసి పార్కుస్థలాలను కాపాడింది.

అబ్దుల్లాపూర్‌మెట్‌లో…

అబ్దుల్లాపూర్‌మెట్ మండల పరిధి తట్టి అన్నారంలోని శ్రీలక్ష్మి గణపతి కాలనీలో 680 గజాల పార్కుస్థలంలో వెలిసిన అక్రమ నిర్మాణాలను కూల్చివేసి పార్కుస్థలాన్ని కాపాడింది.

మనతెలంగాణ/హైదరాబాద్ : గ్రూప్ 1 అభ్యర్థుల పోస్టింగ్‌లపై ప్రస్తుతం కొ న్ని శాఖల్లో వివాదాలు చోటుచేసుకున్నట్టుగా ఆరోపణలు వినిపిస్తున్నాయి. అయితే, ఈ నియామక పత్రాలను అందుకున్న అభ్యర్థులకు ఆయా శాఖల్లో పోస్టింగ్‌లకు సంబంధించి ప్రస్తుతం వివాదాలు నెలకొన్నట్టుగా తెలిసింది. గ్రూప్1 కింద ఎంపికైన ఆయా అభ్యర్థుల వివరాలను, వారి జోన్‌ల కేటాయింపును ఆయా శాఖలకు ముందస్తుగానే టిజిపిఎస్సీ పంపించినా, కొన్ని శాఖల ఉన్నతాధికారులు మాత్రం గ్రూప్ 1 కింద ఎంపికైన అభ్యర్థులకు పో స్టింగ్ ఇచ్చేటప్పుడు వారిని వేరే జోన్‌లకు కేటాయించినట్టుగా తెలిసింది. ప్ర స్తుతం మల్టీజోన్ 2 కింద (హైదరాబాద్, రంగారెడ్డి, మేడ్చల్, మహబూబ్‌నగర్, నల్లగొండ, సంగారెడ్డి) ఉండగా, మల్టీజోన్ 1లో (ఖమ్మం, వరంగల్, ఆ దిలాబాద్, కరీంనగర్, నిజామాబాద్) జిల్లాలు ఉన్నాయి. మల్టీజోన్ 2 కింద ఎంపికైన వారిని మల్టీజోన్ 1లోకి, మల్టీజోన్ 1కు చెందిన వారిని మల్టీజోన్ 2లో పోస్టింగ్ ఇచ్చినట్టుగా విమర్శలు వినిపిస్తున్నాయి. ముఖ్యంగా వాణిజ్య పన్నుల శాఖలో 14 మంది గ్రూప్ 1 అభ్యర్థులు మల్టీజోన్ 2కు అలాట్ అయితే వారిని మల్టీజోన్1కు ఈ శాఖ అధికారులు కేటాయించడంతో ప్రస్తుతం ఈ శాఖలో వివాదం అవుతోంది. ఇలా వేరే శాఖలోనూ ఇలాంటి ఆరోపణలే వెల్లువెత్తుతుండడంతో పలువురు అభ్యర్థులు సిఎస్, సిఎంను కలిసి ఫిర్యాదు చేయాలని నిర్ణయించినట్టుగా తెలిసింది.

వాణిజ్య పన్నుల శాఖలో నిబంధనలకు విరుద్ధంగా…

వాణిజ్య పన్నుల శాఖలో 2023లో జరిగిన బదిలీల్లో 14 మంది సిటిఓలను నిబంధనలకు విరుద్ధంగా మల్టీజోన్ 1 నుంచి మల్టీజోన్ 2కు తీసుకురావడంతో ప్రస్తుతం గ్రూప్ 1 కింద పోస్టింగ్ పొందిన అభ్యర్థులకు ఇబ్బందిగా మారింది. ప్రస్తుతం మల్టీజోన్ 2లో 14 పోస్టులు ఖాళీగా లేకపోవడంతో కొత్తగా ఎంపికైన ఆ 14 మందిని మల్టీజోన్ 1కు కేటాయించడంతో వారంతా రెండు రోజులుగా ఉన్నతాధికారులను కలవడానికి ప్రయత్నిస్తున్నా సమయం ఇవ్వడం లేదని తెలుస్తోంది. వాణిజ్య పన్నుల శాఖలోని ఎస్టాబ్లిష్‌మెంట్ సెక్షన్‌కు చెందిన ఓ ఉన్నతాధికారి, మరో సూపరింటెండెంట్‌లే దీనికి కారణమని కొత్తగా ఎంపికైన అభ్యర్థులు ఆరోపిస్తున్నారు. దీంతోపాటు మరి కొన్ని శాఖల్లోనూ ఇలాంటి ఇబ్బంది ఎదురుకావడంతో వారంతా సిఎంను, సిఎస్‌కు ఫిర్యాదు చేయాలని నిర్ణయించినట్టుగా సమాచారం. పలు శాఖల్లోని ఎస్టాబ్లిష్‌మెంట్ సెక్షన్‌కు చెందిన అధికారులే ఇలాంటి అక్రమాలకు పాల్పడుతున్నారని, తమకు నచ్చిన వారికి, ముడుపులు ముట్టచెప్పిన వారికే మల్టీజోన్ 2లో పోస్టింగ్‌లను కేటాయిస్తున్నారని గ్రూప్ 1 అభ్యర్థులు ఆరోపిస్తుండడం విశేషం.

దాదాపు 18 ప్రభుత్వ శాఖల్లో 562 మంది అభ్యర్థుల సర్దుబాటు

మొత్తం 563 పోస్టుల్లో 562 పోస్టులకు అభ్యర్థులను టిజిపిఎస్సీ ఎంపిక చేసినట్లు ప్రకటించగా ఒక పోస్టును న్యాయవివాదం నేపథ్యంలో విత్‌హెల్డ్‌లో పెట్టినట్లుగా పేర్కొంది. తుది ఎంపికలో మల్టీజోన్ -1 కింద 258 అభ్యర్థులను, మల్టీజోన్ -2లో 304 అభ్యర్థులను ఎంపిక చేసింది. మొత్తం 562 మంది అభ్యర్థులను దాదాపు 18 ప్రభుత్వ శాఖల్లో ప్రభుత్వం సర్దుబాటు చేసింది. ముఖ్యంగా రెవెన్యూ, హోం, కమర్షియల్ ట్యాక్స్, పంచాయతీరాజ్ శాఖ, రవాణా శాఖ, స్టాంపులు, రిజిస్ట్రేషన్, పురపాలక శాఖల్లో పోస్టింగ్ సాధించిన అభ్యర్థులు అధిక సంఖ్యలో ఉన్నారు. ఈ నేపథ్యంలో గ్రూప్1 కింద ఎంపికైన అభ్యర్థులకు గతనెల సిఎం రేవంత్‌రెడ్డి నియామక పత్రాలను అందచేశారు.

శాఖల వారీగా ఎంపికైన గ్రూప్ 1 అభ్యర్థులు

శాఖల వారీగా గ్రూప్ 1 అభ్యర్థుల వివరాలు ఇలా ఉన్నాయి. రెవెన్యూ శాఖలో 45, పోలీసు శాఖలో 115 మంది, కమర్షియల్ ట్యాక్స్‌లో 48, రవాణా శాఖలో 04, పంచాయతీ రాజ్ శాఖలో 07 మంది, స్టాంపులు, రిజిస్ట్రేషన్ శాఖలో 06, జైళ్ల శాఖలో 05 మంది, కార్మిక శాఖలో 05, ఎక్సైజ్ శాఖలో 30, పురపాలక శాఖలో 41, సోషల్ వెల్ఫేర్‌లో 03, బిసి వెల్ఫేర్‌లో 05, గిరిజన సంక్షేమ శాఖలో 02, డిస్టిక్ ఎంప్లాయిమెంట్ ఆఫీసర్‌గా 05, వైద్య ఆరోగ్య శాఖలో 20, ట్రెజరీ డిపార్ట్‌మెంట్‌లో 38, ఆడిట్ 41, పంచాయతీ రాజ్ రూరల్ డెవలప్‌మెంట్‌లో 140 మంది గ్రూప్ 1 అభ్యర్థులు ఎంపికయ్యారు.

మన తెలంగాణ/హైదరాబాద్ : మావోయిస్టు పార్టీలో విభేదాలు ఉన్నమాట వాస్తవమే అని డిజిపి ఎదుట లొంగిపోయి న మావోయిస్టు రాష్ట్ర కమిటీ సభ్యుడు వికాస్ కీలక వ్యా ఖ్యలు చేశారు. ఈ మేరకు కుండబద్దలు కొట్టారు. మావోయి స్టు అగ్రనేతల మధ్య విభేదాలు మొదలయ్యాయన్నారు. ఆ యుధాలు వదిలిపెట్టాలనే అంశంపైనే దండకారణ్యంలో విస్తృతంగా చర్చ జరుగుతోందని చెప్పారు. ఇదేం కొత్త కా దని మావోయిస్టుల్లో ఆధిపత్య పోరు సహజమే అని స్పష్టం చేశారు. ఆయనతో పాటు మరో ఇద్దరు కీలక మావోయిస్టు లు డీజీపీ శివధర్ రెడ్డి ఎదుట శుక్రవారం లొంగిపోయారు. మావోయిస్టులతో వచ్చిన సైద్ధాంతిక విభేదాల కారణంగా, పోలీసులు ఇచ్చిన పిలుపు మేరకు వారు లొంగిపోయినట్లు డిజిపి మీడియాకు వెల్లడించారు. ఈ సందర్భంగా ఏర్పాటు చేసిన మీడియా సమావేశంలో 

ఆయన మాట్లాడుతూ, కుంకటి వెంకటయ్య అలియాస్ వికాస్, మొగిలిచర్ల వెంకట్రాజు అలియాస్ చందు, తోడెం గంగ అలియాస్ సోని మావో యిస్టు పార్టీ నుంచి బయటకు వచ్చి జనజీవన స్రవంతిలో కలిసిపోతున్నట్లు తెలిపారు. మావోయిస్టు కీలకనేతలు అజ్ఞాతం వీడి పోలీసుల ముందుకు వస్తున్నారన్నారు. మిగతావారు కూడా త్వరగా లొంగిపోవాలని విజ్ఞప్తి చేశారు. లొంగిపోయిన మావోయిస్టులకు ప్రభుత్వం ప్రకటించిన రివార్డులు వారికే ఇస్తామని స్పష్టం చేశారు. ఈమధ్య కాలంలో 412 మంది మావోయిస్టులు లొంగిపోయారు. ప్రస్తుతం సిపిఐ మావోయిస్టులో 72 మంది అజ్ఞాత మావోయిస్టు కేడర్లు తెలంగాణ రాష్ట్రానికి చెందిన వారన్నారు. అలాగే మొత్తం 12 మంది కేంద్ర కమిటీ సభ్యుల్లో ఎనిమిది 10 మంది తెలంగాణకు చెందినవారే ఉన్నారన్నారు. ఇటీవల నలుగురు స్టేట్ కమిటీ మెంబర్లు, ఇద్దరు డివిజనల్ కమిటీ మెంబర్లు సరెండర్ అయ్యారన్నారు. ఆయుధాల అప్పగింతపై విడుదలైన లేఖ కూడా నిజమని భావిస్తున్నా మని డిజిపి శివధర్‌రెడ్డి పేర్కొన్నారు.

ఈ ముగ్గురూ మావోయిస్టు పార్టీలో రాష్ట్ర కమిటీ స్థాయి నాయకులని తెలిపారు. సిద్దిపేట జిల్లాకు చెందిన కుంకటి వెంకటయ్య 1990లో పీడబ్ల్యూడీ ఏర్పాటు చేసిన రైతు కూలీ సభలకు హాజరై, ఆ తర్వాత అజ్ఞాతంలోకి వెళ్లినట్లు చెప్పారు. పీడబ్ల్యూడీ కమాండర్ బాలన్న ఆధ్వర్యంలో దళంలో చేరారని, 35 ఏళ్లలో వివిధ హోదాల్లో పనిచేశారని తెలిపారు. ఇప్పుడు ప్రభుత్వం ఇచ్చిన పిలుపు మేరకు జనజీవన స్రవంతిలో కలవాలనుకున్నట్లు చెప్పారు. హన్మకొండ జిల్లా ధర్మసాగర్ మండలం తాటికాయల గ్రామానికి చెందిన వెంకట్రాజు 11 ఏళ్ళ వయస్సులో విప్లవ గీతాలకు ఆకర్షితుడై మావోయిస్టు ఉద్యమంలో చేరాడని వెల్లడించారు. 1993లో నర్సంపేట దళంలో చేరి, వివిధ హోదాల్లో పని చేసినట్లు చెప్పారు. ఇప్పుడు తన భార్య గంగతో కలిసి జనజీవన స్రవంతిలో కలిసేందుకు పోలీసుల ఎదుట లొంగిపోయినట్లు చెప్పారు. మరోవైపు మావోయిస్టులు ఆయుధాలు అప్పగించి సాయుధ పోరాటాన్ని వీడాలని, దీనిపై పార్టీ సభ్యులు ఆలోచించి నిర్ణయం తీసుకోవాలని ఇటీవల మల్లోజుల వేణుగో పాల్ మీడియాకు బహిరంగ లేఖ విడుదల చేసిన సంగతి విదితమే. దీనిపైనా డిజిపి స్పందిస్తూ మల్లోజుల లొంగుబాటుకు సంబంధించిన సమాచారం తమకు ఇంకా చేరలేదన్నారు.

మన తెలంగాణ/హైదరాబాద్/ఎల్‌బి నగర్: ప్రభుత్వం ఏర్పాటు చేసిన ఈగల్ టీమ్ మరో భారీ ఆపరేషన్ విజయవంతంగా నిర్వహించింది. భారీగా డ్రగ్స్, హవాలా మనీ రాకెట్ గుట్టును ఈగల్ టీమ్ రట్టు చేసింది. ముంబై, రాజస్థాన్, గోవా లో స్పెషల్ ఆపరేషన్ లు నిర్వహించిన డ్రగ్స్ హవాలా రాకెట్ లో కీలక సూత్రధారుడుగా ఉన్న దర్గారం ప్రజాపతి అనే నిందితుడిని ఈగల్ పోలీసులు అరెస్ట్ చేశారు. ముంబైలో అతని నివాసం నుంచి రూ.3 కోట్ల హవాలా డబ్బును స్వాధీనం చేసుకుంది. నైజీరియా డ్రగ్ కార్టెల్‌కు డబ్బు సరఫరా చేసిన నెట్వర్క్‌ని ఈగల్ టీమ్ చేధించింది. ఈ కేసు లో ఇప్పటివరకు 25 మందిని అరెస్ట్ చేశారు. వీరిలో 14 మంది ముంబైకి చెందిన ప్రముఖ వ్యాపారవేత్తలు ఉండటం గమనార్హం. నకిలీ పాస్‌పోర్ట్‌లతో విదేశీయులు భారత్‌లోకి వస్తున్నట్లు ఈగల్ పోలీసులు ఈ కేసు విచారణలో గుర్తించారు. ఈగల్ పోలీసులు దాడులు చేయడంతో చాలా కాలంగా దర్గారం ప్రజాపతి అజ్ఞాతంలో ఉన్నాడు. ముంబైతో పాటు అహ్మదాబాద్ ఢిల్లీలో హవాలా కార్యాలయాలు నిర్వహిస్తున్నాడు. మాక్స్వెల్ అనే నైజీరియన్ అరెస్టు చేయటంతో ఈ హవాలా రాకెట్ గుట్టు బహిర్గతమైంది. మాక్స్వెల్ దగ్గర నుంచి నాలుగు పాస్ పోర్టులు ఈగల్ పోలీసులు స్వాధీనం చేసుకున్నారు. నైజీరియన్లు పేర్లు మార్చుకొని ఫేక్ పాస్ పోర్టులతో ఇండియాలోకి వస్తున్నట్లు ఈగల్ పోలీసులు గుర్తించారు.

హైదరాబాద్‌లో రూ.1 కోటి విలువైన డ్రగ్స్ పట్టివేత

మరోవైపు మల్కాజిగిరి ఎస్‌వోటీ, కీసర పోలీసుల సంయుక్త ఆపరేషన్‌లో రూ.కోటి విలువ చేసే డ్రగ్స్‌ను రాచకొండ పోలీసులు పట్టుకున్నారు. నిందితుల నుంచి 7 కిలోల ఓపియం, 2 కిలోల పాపిస్ట్రా డ్రగ్స్‌ను స్వాధీనం చేసుకున్నారు. డ్రగ్స్ కేసులో రాజస్థాన్‌కు చెందిన లోకేశ్ భరత్‌ను అరెస్టు చేసిన పోలీసులు, పరారీలో ఉన్న రాజస్థాన్ వాసి జగదీష్ గుజ్జర్ కోసం గాలింపు చర్యలు చేపట్టారు. రాష్ట్రాన్ని డ్రగ్ ఫ్రీ తెలంగాణగా చేయాలని రాష్ట్ర ప్రభుత్వం పోలీసు శాఖకు సూచించిందని సీపీ సుధీర్ బాబు తెలిపారు. అందులో భాగంగా డ్రగ్స్ కట్టడి కోసం తీవ్రంగా ప్రయ త్నిస్తున్నామన్నారు. ఇప్పటివరకు రాచకొండ కమిషనరేట్ పరిధిలో ఇప్పటివరకు 403 మంది డ్రగ్ పెడ్లర్లు, సరఫరాదారులు, విక్రయ దారులను అరెస్టు చేసినట్లు వెల్లడించారు. ఇతర రాష్ట్రాల్లో ఉండి డ్రగ్ ముఠాలను నడిపించే కొంత మంది నేరస్థులను తమ బృందాల ద్వారా అరెస్టు చేయిం చినట్లు చెప్పారు. ఇప్పుడు రాజస్థాన్‌కు చెందిన ఇద్దరు నడిపిస్తున్న డ్రగ్ రాకెట్‌ను ఛేదించినట్లు తెలిపారు. ఈ కేసులో తప్పించు కున్న గుజ్జర్ కోసం తీవ్రంగా గాలిస్తున్నట్లు కమిషనర్ సుధీర్ బాబు ప్రకటించారు.

 భోపాల్ : మధ్యప్రదేశ్‌లో ఓ పబ్లిక్ వర్క్ డిపార్ట్‌మెంట్ విశ్రాంత చీఫ్ ఇంజనీరు అవినీతి సొమ్ము లెక్కించడానికి పెద్ద ఎత్తున నోట్ల లెక్కింపు యంత్రాలను రప్పించాల్సి వచ్చింది. గతంలో అధికారిగా చక్రం తిప్పిన ఈ జిపి మెహ్రా అవినీతి వ్యవహారాలపై లోకాయుక్త విచారణ జరిపింది. ఆదాయానికి మించిన ఆస్తుల ఈ కేసులో ఆయన నివాసాలపై జరిపిన దాడుల్లో అధికారులు నివ్వెరపొయ్యేలా నోట్ల కట్టలు గుట్టలు గుట్టలుగా దొరికాయి. ఇవి ఏ మేరకు ఉన్నాయనేది లోకాయుక్త సిబ్బంది కష్టపడి లెక్కలు తేల్చే పనిలో పడ్డారు. కాగా రూ 3 కోట్ల విలువైన బంగారం, వెండి కిలోల కొద్ది తిజోరీలు, ఇతర చోట్ల దొరికాయి. ఇక ఏకంగా 17 టన్నుల తేనె కూడా ఆయన తోట విడిదిలో జరిపిన దాల్లో దొరికిందని అధికారులు తెలిపారు. ఈ అవినీతి అనకొండ గుట్టులాగేందుకు భో పాల్, నర్మదాపురంల్లోని ఆయన నివాసాలలో సోదాలు నిర్వహించారు. లోకాయుక్తకు చెందిన డిఎస్‌పి ర్యాంక్ అధికారుల బృందం దర్యాప్తు చేపట్టింది. ఈ బృందం భారీ పోలీసు బందోబస్తు నడుమ సోదాలకు దిగింది. మణిపురం కాలనీలోని ఆయనకు చెందిన ఇంట్లో అధికారులు రూ 9 లక్షల నగదు, దాదాపు అరకోటి బం గారం దొరికించుకున్నారు.

రూ 56 లక్షల విలువైన ఎఫ్ డి పత్రాలు స్వాధీనపర్చుకున్నారు. ఇంతటితో అయిపోలేదు. ఆయనకే చెందిన కళ్లు చెదిరేలా ఉన్న రెండో ఇల్లు ఓపాల్ రెగెన్సీలో 26లక్షల నగదు, రూ మూడున్నర కో ట్లకు పైగా విలువ చేసే 2.6 కిలో గ్రాముల బంగారం , ఐదున్నర కిలోల వెండిని స్వాధీనపర్చుకున్నారు. వీటన్నింటికి కలిపి లెక్కకట్టే పనిలో పడ్డారు. ఇంతటితో ఆగిపోలేదు. ఆయన అవినీతి కార్యకలాపాలు ఎంతబాగా సాగాయనేది నర్మదాపురం శివార్లలోని ఆయనకు చెం దిన ఫార్మ్‌హౌస్ వైభవంతో వెలుగులోకి వచ్చింది. ఇక్కడ టన్నుల కొద్ది తేనె, ట్రాక్టర్లు, నిర్మాణంలో ఉన్న 32 కాటేజ్‌లు , ఏడు పూర్తి అయిన కాటేజీలు, పైగా ఓ వ్యక్తిగత కొలను, అందులో బోలెడు చేపలు పట్టే యంత్రాలు, ప లు రకాల సామాగ్రి ఉన్నాయి. పైగా ఓ గోశాల, ఓ గుడి, ఫోర్డ్ , స్కోడా , క్లా సోనెట్, మారుతి క్లాజ్ వంటి అనేక విలువైన కార్లు ఆయన కుటుంబ సభ్యుల పేర్లపై రిజిస్టర్ అయి ఉన్నాయని గుర్తించారు. ఈ తోట విడిది గృహం ఏ సౌదీ రాజు విలాసాల నివాసాలకు ఏ కోశానా తీసిపోని రాజరికంతో ఉంది. మెహ్రా తన వ్యాపారాన్ని విస్తరించుకుని స్థానిక గోవిందాపుర ఇండిస్ట్రియల్ ప్రాంతం లో కెటి ఇండస్ట్రీ పేరిట పలు సముదాయాలను నిర్వహిస్తున్నాడు. ఇక్కడ విరివిగా పలు పరికరాలు, ముడిసరుకులు కోట్లాది రూపాయల విలువచేసేవి కనుగొన్నారు.

ఇక అనేక చోట్ల ఆయన సంబంధిత కీలక పత్రాలను అధికారులు స్వాధీనం చేసుకుని , సాగిన వ్యాపార లావాదేవీల ఆరాపనిలో పడ్డారు. పలు బినామి వ్యాపారాలను కూడా చల్లగా నిర్వహిస్తున్నాడని నిర్థారణ అయింది. ఈ మొత్తం ఆస్తులు విలువ, పట్టుబడ్డ కోటానుకోట్ల నగదు, బంగారం, వెండి ఇతరత్రా విలువైన ఆస్తులు , పైగా ఎఫ్‌డిల లెక్కలు అన్నీ తేలి, ఈ మొత్తం ఎంత మేర వరకూ ఉంటుందనేది తెలియడానికి తమకు ఎంతకాలం పడుతుందో తెలియదని లోకాయుక్త అధికారి ఒకరు చెప్పా రు. తాము ఇంతవరకూ అవినీతి వ్యవహారాలపై సాగించిన దర్యాప్తు క్రమంలో వెలుగులోకి వచ్చిన మొత్తం , ఇప్పుడు ఈ ఒక్క మాజీ అధికారి సాగించిన వ్యవహారంలో దక్కించుకున్న మొత్తంతో పోలిస్తే దిగదుడుపే అవుతుందని ఓ అధికారి వ్యాఖ్యానించారు. 

మేషం – ముఖ్యమైన కార్యక్రమాలు పూర్తవుతాయి. ఆధ్యాత్మిక కార్యక్రమాల్లో పాల్గొంటారు. సన్నిహితులు స్నేహితులతో కలిసి ఆనందంగా కాలం గడుపుతారు. ప్రయాణాలు లాభిస్తాయి.

వృషభం – పనులలో విజయం సాధిస్తారు. అవసరాలకు ధనం చేతికి అందుతుంది. ఖర్చులు కొంత అధికమవుతాయి. బంధువులతో ఆనందంగా మెలుగుతారు.

మిథునం – వ్యవహారాలు సకాలంలో పూర్తి చేస్తారు. ఆర్థిక పరిస్థితి సంతృప్తికరంగా వుంటుంది. పుణ్యక్షేత్రాల సందర్శన మీ మానసిక ఉల్లాసానికి కారణం అవుతుంది. అనుకున్న విధంగా అవసరాలకు డబ్బు వస్తుంది.

కర్కాటకం – ఆహ్లాదకరమైన వాతావరణాన్ని ఏర్పరచుకుంటారు. వివాదాలకు దూరంగా వుండండి. ఆరోగ్యం, వాహనాల విషయాలలో జాగ్రత్త అవసరం. మిత్రులతో ఏర్పడిన విభేదాలు తొలుగుతాయి.

సింహం – పాత మిత్రులను కలుస్తారు. మీ మానసిక ఆనందం మెరుగుపడుతుంది. సంతోషకరమైన శుభవార్తలు వినగలుగుతారు. పిల్లలతో పెద్దలతో కలిసి ఆనందంగా సమయం గడుపుతారు.

కన్య – ఆకస్మిక ప్రయాణాలు చేయాల్సి వస్తుంది. మిత్రులను కలిసి ఆనందంగా గడుపుతారు. పెట్టుబడులకు తగిన లాభాలు అందుకుంటారు. పనులలో స్వల్ప ఆటంకాలు ఎదురైనా అధిగమిస్తారు.

తుల – భార్యాభర్తల మధ్య అన్యోన్యత బాగుంటుంది.దూరపు బంధువులను కలిసి యోగక్షేమాలు ఆరా తీస్తారు. బంధువుల నుండి విలువైన సమాచారం అందుకొంటారు. ఆర్థికంగా బాగుంటుంది.

వృశ్చికం – భాగస్వామ్య వ్యాపారాలు అభివృద్ధి చెందుతాయి. ప్రయాణాలు లాభిస్తాయి. కీలక నిర్ణయాలలో జీవిత భాగస్వామి సలహాలు తీసుకుంటారు. ఆర్థిక పరిస్థితులు అనుకూలంగా వుంటుంది.

ధనుస్సు – ఆర్థిక పరిస్థితి అనుకూలంగా ఉంటుంది. బంధువులను కలిసి ఉల్లాసంగా గడుపుతారు. ఆరోగ్య సమస్యలు ఎదురైనా అధిగమిస్తారు. ఆరోగ్యపరంగా జాగ్రత్తలు తీసుకోవాలి. శుభ వార్తలు శ్రవణం చేస్తారు.

మకరం – ఇంట్లో పెద్దల ఆరోగ్యం కొంత ఆందోళన కలిగిస్తుంది.జీవిత భాగస్వామితో స్వల్ప మాట పట్టింపులు వచ్చే సూచనలు ఉన్నాయి జాగ్రత్త వహించాలి. నూతన వస్త్రాలను, ఆభరణాలను కొనుగోలు చేస్తారు

కుంభం – నూతన కార్యక్రమాలకు శ్రీకారం చుడతారు. ఆర్థిక ఇబ్బందుల నుండి బయటపడతారు. రుణాలు తీరి ఊరట లభిస్తుంది. ముఖ్యమైన వ్యవహారాలలో విజయం సాధిస్తారు.

మీనం – కీలక నిర్ణయాలలో తొందరపాటు వద్దు. క్రయ విక్రయాలలో స్వల్ప లాభాలు పొందుతారు. సెల్ఫ్ డ్రైవింగ్ పట్ల ఖచ్చితమైన జాగ్రత్తలు అవసరం. దూర ప్రయాణాలు చేయవలసి వస్తుంది.

 

చండీగఢ్: హర్యానా సీనియర్ పోలీస్ అధికారి వై.పురాణ్ కపూర్ ఆత్మహత్య కేసును సత్వరంగా, నిష్పాక్షికంగా, సమగ్రంగా దర్యాప్తు చేయడానికి చండీగఢ్ పోలీసులు శుక్రవారం ఆరుగురు సభ్యుల ప్రత్యేక దర్యాప్తు బృందాన్ని(సిట్)ను ఏర్పాటు చేశారు. ఈ సిట్‌కు చండీగఢ్ ఐజి పుష్పేంద్ర కుమార్ నాయకత్వం వహిస్తారు. ఇందులో చండీగఢ్ ఎస్‌ఎస్‌పి కన్వర్‌దీప్ కౌర్, డిఎస్‌పి చరణ్‌జిత్ సింగ్ విర్క్, ఎస్‌డిపివో(దక్షిణం) గుర్జిత్ కౌర్, సెక్టార్ 11 పోలీస్ స్టేషన్(పశ్చిమ) ఎస్‌హెచ్‌వో జైవీర్ రాణా కూడా సభ్యులుగా ఉంటారని అధికార ఉత్తర్వులో పేర్కొన్నారు. ‘సిట్ ఎఫ్‌ఐఆర్ నంబర్ 156/2025లోని అన్ని అంశాలను దర్యాప్తు చేస్తుంది, ఇందులో సాక్ష్యాల సేకరణ, సాక్షుల పరిశీలన, నిపుణుల అభిప్రాయాలు తీసుకోవడం, న్యాయ సలహా తీసుకోవడం మొదలయినవి ఉంటాయి. దర్యాప్తు పూర్తయిన తర్వాత తుది నివేదికను తయారు చేస్తారు’ అని ఉత్తర్వు పేర్కొంది. 

బడికి వెళ్లమని తండ్రి మందిలస్తే మృతి చెందిన ఘ టన మండలంలో చోటు చేసుకుంది. స్థా నిక ఎస్సై పిల్లల రాజు తెలిపిన వివరాల ప్రకారం మండలంలోని వాల్యాతండాకు చెందిన బానోతు చరణ్(12) తండ్రి బానో తు నాగు దసరా సెలవులు అనంతరం న ర్సింహులపేట మండలం ఎల్లంపేటస్టేజీ వద్ద గల విజ్ఞాన్ హైస్కూల్(హాస్టల్)కు వెళ్లాలని చెప్పాడు. బడికి వెళ్లడం ఇష్టం లేని చరణ్ ఈ నెల 8న ఇంట్లో ఎవరు లేని సమయంలో పురుగుల మందు తాగి ఆత్మహత్యాయత్నం చేశాడు. ఆది గమనించిన కుటుంబ సభ్యులు హు టాహుటిన తొర్రూరులోని ప్రైవేట్ ఆసుపత్రికి తరలించారు. చికిత్స పొందుతూ గురువారం రా త్రి 12 గంటల సమయంలో మృతి చెందాడని చెప్పారు. మృతుని తండ్రి నాగు ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. 

వాషింగ్టన్ : నోబెల్ శాంతి బహుమతి అందుకోవాలన్న అమెరికా అధ్యక్షుడు డొనాల్డ్ ట్రంప్ కల ఈసారి తీరలేదు. ఈ ఏడాది ప్రతిష్ఠాత్మక నోబెల్ పురస్కారానికి వెనెజువెలా విపక్ష నేత మరియా కొరీనాను ఎంపిక చేసినట్టు శుక్రవారం అకాడమీ ప్రకటించింది. దీనిపై తాజాగా అమెరికా అధ్యక్ష భవనం శ్వేతసౌధం స్పందించింది. ఈ పురస్కార విజేత ఎంపికలో రాజకీయ వివక్ష చూపించారని విమర్శించింది. తాజా పరిణామాలపై వైట్‌హౌస్ కమ్యూనికేషన్స్ డైరెక్టర్ స్టీవెన్ చుయెంగ్ మాట్లాడారు. “ నోబెల్ కమిటీ మరోసారి శాంతి స్థాపనకంటే రాజకీయాలకే అధిక ప్రాధాన్యం ఇచ్చింది.

ప్రపంచ శాంతి కోసం నిజమైన నిబద్ధత చూపించిన వారిని పక్కనబెట్టి రాజకీయ వివక్షను ప్రదర్శించింది. అయినప్పటికీ అధ్యక్షుడు ట్రంప్ ప్రపంచ వ్యాప్తంగా యుద్ధాలను ఆపేందుకు తన ప్రయత్నాలు కొనసాగిస్తూనే ఉంటారు. శాంతి ఒప్పందాలతో ప్రాణాలు నిలబెడుతారు. ఆయన మానవతావాది .. తన సంకల్ప శక్తి పర్వతాలను కదిలించే ఆయనలాంటి వ్యక్తి మరొకడు ఉండరు ” అని చుయెంగ్ ఎక్స్‌లో పోస్ట్ చేశారు. అటు ట్రంప్‌నకు మద్దతిచ్చే మాగా వాయిస్ కూడా తన ఎక్స్‌ఖాతాలో దీనిపై స్పందించింది. “ నోబెల్ శాంతి బహుమతి ఓ జోక్‌గా మారింది. తెలివి ఉన్నవారు ఎవరైనా ట్రంప్‌నకే నోబెల్ రావాల్సింది అని అనుకుంటారు.” అని విమర్శలు గుప్పించింది.