Latest News

మన తెలంగాణ/హైదరాబాద్ : ఫీజు రీయింబర్స్‌మెంట్‌లో అవకతవకలు, అక్రమాలపై చె క్ పెట్టేందుకు రాష్ట్ర ప్రభుత్వం దృష్టి సారించింది. ఈ వ్యవహారంపై విజిలెన్స్ విచారణకు రాష్ట్ర ప్రభుత్వం ఆదేశించింది. ఫీజు రీయింబర్స్‌మెంట్ బకాయిలు చెల్లించాలనే డిమాండ్ తో ఇప్పటికే పలుమార్లు ఇంజినీరింగ్ కళా శా లలు (వృత్తి విద్యా కళాశాలలు) యాజమాన్యాలు ప్రభుత్వానికి అల్టిమేటం జారీ చేసిన సంగతి తెలిసిందే. ఈ నేపథ్యంలో ఈ వ్యవహారాన్ని రాష్ట్ర ప్రభుత్వం విజిలెన్స్ విచారణకు ఆదేశించటం మరో మలుపు తిరిగింది. కళాశాలల నిర్వహణ, నిబంధనల ప్రకారం జరుగుతున్నాయా? ఇందులో చేరుతున్న విద్యార్థులకు నిబంధనల ప్రకారమే ప్రవేశాలు జరిగాయా? వాటిలో నిబంధనల మేరకు వసతి సౌకర్యాలు ఉన్నాయా? రీయింబర్స్‌మెంట్‌కు దరఖాస్తు చేసుకున్న విద్యార్థులు అర్హులైనా? తదితర అంశాలపై విచారణ జరిపి నివేదిక

ఇవ్వాల్సిందిగా విజిలెన్స్ అండ్ ఎన్‌ఫోర్స్‌మెంట్ డైరెక్టర్ జనరల్‌ను ఆదేశిస్తూ ప్రభుత్వ ప్రధాన కార్యదర్శి కె.రామకృష్ణారావు ఉత్తర్వు లు జారీ చేశారు. ఈ విజిలెన్స్ విచారణకు స హకారం అందించాల్సిందిగా వృత్తి విద్యా శా ఖ అధికారులను ప్రభుత్వం ఆదేశించింది. పోలీసు, విద్యాశాఖ సహకారంతో రాష్ట్ర వ్యా ప్తంగా ఉన్న ప్రైవేటు, వృత్తి విద్యా కళాశాలల సంస్థలపై విజిలెన్స్ అండ్ ఎన్‌ఫోర్స్‌మెంట్ అధికారులు దర్యాప్తు జరిపి ప్రభుత్వానికి నివేదిక ఇవ్వాలని ఈ ఉత్తర్వుల్లో ప్రభుత్వ ప్రధాన కార్యదర్శి పేర్కొన్నారు. ఫీజు రీయింబర్స్‌మెంట్ పొందుతున్న వృత్తి విద్యా కళాశాలలకు అనుమతి ఉందా? లేదా?, వీటిలో చదువుతున్న విద్యార్థులు అర్హులైనా? వారి అడ్మిషన్స్ నిబంధనల ప్రకారమే జరిగాయా?, ఈ కళాశాలలకు టీచింగ్, నాన్ టీచింగ్ తగినంతగా ఉందా? లేదా? ఈ కళాశాలలకు క్లాస్‌రూంలు, ఫర్నిచర్,

ల్యాబ్స్ తదితర మౌలిక వసతులు నిబంధనలు ప్రకారం కలిగి ఉన్నాయా? లేవా? ఇందులో చదువుకున్న విద్యార్థులు నాణ్యమైన విద్య అందిస్తున్నాయా? లేవా?, విశ్వవిద్యా యాల మార్గదర్శకాలను, ప్రభుత్వ మార్గదర్శకాలను ఈ కళాశాలలు పాటిస్తున్నాయా? లేవా?, ఫీజు రీయింబర్స్‌మెంట్ పొందడానికి దరఖాస్తు చేసుకున్న విద్యార్థుల హాజరు శాతం సక్రమంగా ఉందా? లేదా?, ఈ కళాశాలలో ఉన్న అవకతవకలు, అక్రమాలపై ఏమైనా ఫిర్యాదులున్నాయా , అలాగే విజిలెన్స్ ఎన్‌ఫోర్స్‌మెంట్ శాఖ తనిఖీలకు వెళ్లినప్పుడు వారికి ఎదురైన అనుభవాలను ఈ నివేదికలో పొందుపర్చాల్సిందిగా ప్రభుత్వం తన ఉత్తర్వుల్లో పేర్కొంది. హయ్యర్, స్కూల్ ఎడ్యుకేషన్ శాఖలు తమ అధికారులను విజిలెన్స్ ఎన్‌ఫోర్స్‌మెంట్ బృందాలకు సహకారం అందించేందుకు పంపాల్సిందిగా ఉత్తర్వుల్లో ఆదేశించింది. ప్రభుత్వం నుంచి ఫీజు రీయింబర్స్‌మెంట్ పొందుతున్న కళాశాలల పనితీరుతో పాటు పేద విద్యార్థులకు ఉద్దేశించిన ఫీజులు సక్రమంగా వినియోగమవుతున్నాయా? లేదా? తదతరాంశాలపై వెంటనే నివేదిక ఇవ్వాల్సిందిగా ప్రభుత్వ ప్రధాన కార్యదర్శి కె.రామకృష్ణారావు జారీ చేసిన ఉత్తర్వుల్లో పేర్కొన్నారు.

అంబాలా: రాష్ట్రపతి ద్రౌపది ముర్ము బుధవారం వీర నా రీ అయ్యారు. హర్యానాలోని అంబాలాలో భారతీయ వా యుసేన స్థావరం నుంచి ఆమె రఫేల్ యుద్ధ విమానం లో విన్యాస విహారం చేశారు. సహ పైలట్‌గా ముందుకు సాగారు. రాష్ట్రపతి ప్ర త్యేక యూనిఫాం ధరించి రఫేల్ యుద్ధ విమానాన్ని అధిరోహించి విహరిస్తున్న ఫోటోలు సామాజిక మాధ్యమం ఎక్స్‌లో పోస్టు చేశారు. ఓ యుద్ధ విమానంలో త న ప్రయాణం సాహసోపేత, ఆనందదాయక అనుభూతిని ఇచ్చిందని రాష్ట్రపతి తెలిపారు. ఇది తాను మరవలేని అపురూ పక్షణం అని స్పందించారు. భారతీయ రక్షణ పాటవ దిశలో ఇది మరింత గర్వకార ణం అని పేర్కొన్నారు. భారతీయ ఫైట ర్ విమానాలలో రెండు సార్లు ప్రయాణించిన ఘనత పొందిన తొలి రాష్ట్రపతిగా ఆ మె నిలిచారు. 2023 ఏప్రిల్‌లో రాష్ట్రపతి అ సోంలోని తేజ్‌పూర్ వైమానిక స్థావరం నుంచి సుఖోయ్-౩౦

ఎంకెఐ యుద్ధ విమానంలో ఇటువంటి సాహస యా త్రనే చేశా రు. ఇప్పుడు ఆమె రఫేల్‌ను ఎంచుకుని ముం దుకు సాగారు. భారత త్రివిధ సా యుధ బలగాలకు స ర్వం సహాధికారి హోదాలో రాష్ట్రపతి ప్రత్యేకంగా జి సూ ట్, సన్ గ్లాస్‌తో రఫేల్‌లోకి వెళ్లారు. ఉదయం 11.27 నిమిషాలకు యుద్ధ విమాన ప్రయాణం సాగింది. రాష్ట్రపతికి ముందుగా అంబాలా వైమానిక స్థావరంలో దేశ తొ లి మహిళా రఫేల్ యుద్ధ విమాన పైలట్, స్కాడ్రన్ లీడ ర్ శివాంగి సింగ్ స్వాగతం పలికారు. ఆమెను విమా నం వరకూ తోడ్కోని వెళ్లారు. ఫ్రాన్స్ కంపెనీ తయారీ రఫేల్ లో గ్రూప్ క్యాప్టెన్ అ మిత్ గెహాని సారధ్యంలో రఫేల్ స ముద్ర మట్టానికి దాదాపు 15,000 అడుగుల ఎత్తున, గంటకు 700 కిలోమీటర్ల వేగంతో దూసుకువెళ్లింది. అరగంట పాటు దాదాపు 200 కిలోమీటర్ల వరకూ ఆమె రఫేల్‌లో ప్రయాణించారు. అపార శక్తిపాటవ శక్తిని రా ష్ట్రపతి స్వయంగా స్వీయానుభవంతో పరిశీలించారు. రాష్ట్రపతి రఫేల్ వి న్యాసం గురించి ఆ తరువాత రాష్ట్రపతి భ వన్ వర్గాలు తమ ప్రకటనలో తెలిపాయి.

దేశ వాయుసేన సివంగి శివాంగి

వారణాసిలో పుట్టి పెరిగి, అక్కడే చదివిన పైలట్ శివాంగి సింగ్‌ను ఆపరేషన్ సిందూర్ దశలో తాము పట్టుకున్న ట్లు, ఆమె యుద్ధ ఖైదీ అయినట్లు పాకిస్థాన్ ప్రచారం చేసుకుంది. పలు యుద్ధ విమానాలలో పైలట్‌గా వ్యవహరించి తన సత్తా చాటుకున్న శివాంగి ఇప్పుడు రఫేల్ పై లట్‌గా కూడా తన శక్తిని పలు దశలలో తె లియచేశారు. రఫేల్ రాణిగా పేరొందిన శివాంగి భారతీయ వైమానిక దళానికి ప్ర త్యేకతను తీసుకువచ్చారు. భారత్ యుద్ధ విమానాలను నేలకూల్చినట్లు ఆపరేషన్ సిందూర్ చర్య దశలో పాక్ సైన్యం సా మాజిక మాధ్యమాలలో అసత్య ప్రచారం సాగించింది. అయితే అది తప్పుడు ప్రచారం అని ప్రపంచానికి తాజాగా నిర్థారణ అయింది. పాక్ అసత్య ప్రచారాన్ని పలు దఫాలుగా ఖండించిన భారత ప్రభుత్వం మరోసారి రాష్ట్రపతికి ఆమెతో స్వాగతం పలికించడం విశేషం. వైమానిక స్థావరంలో ఆమె గర్వంగా నవ్వుతూ రాష్ట్రపతి పక్కన నిలబడడం వాయుసేన, సైనిక శక్తిలో మహిళా ప్రాతినిధ్యాన్ని చాటింది. 

 మండలంలోని పోచన్నపేట ప్రాథమిక పాఠశాల కిచెన్‌లో సాంబార్ లో బల్లి పడిన సంఘటన కలకలం రేపింది. బుధవారం విద్యార్థులకు మధ్యాహ్న భోజనం వడ్డించే క్రమంలో సాంబర్‌లో బల్లి కనిపించింది. అప్పటికే కొందరు విద్యార్థులు భోజనం చేయడంతో సిబ్బంది వెంటనే ఉపాధ్యాయులకు తెలియచేయడంతో ఈ విషయాన్ని తెలుసుకున్న డీఎంహెచ్‌ఓ మల్లికార్జున్‌రావు, స్థానిక తహసీల్దారు రామానుజన్ చారి, ఎంపీడీఓ మమతా భాయి, ఎంఈఓ వెంకట్‌రెడ్డి, మండల వైద్యాధికారి సృజనలు తక్షణమే స్పందించి పాఠశాలకు చేరుకొని బచ్చన్నపేట ప్రభుత్వాసుపత్రి వైద్యుల బృందంచే విద్యార్థులకు తగు పరీక్షలు నిర్వహించారు. విద్యార్థులకు ఎలాంటి ప్రమాదం జరుగకపోవడంతో ఉపాధ్యాయులు, అధికారులు, తల్లిదండ్రులు ఊపిరి పీల్చుకున్నారు.

మయన్మార్ లో గ్లోబల్ ఆన్ లైన్ మోసం కార్యకలాపాలు చేస్తున్న సైబర్ కేంద్రాలపై ఆ దేశం సైన్యం కఠినచర్యలు చేపట్టడంతో దాదాపు 500 మంది భారతీయులు థాయిలాండ్ కు పారిపోయారు. థాయిలాండ్ లోకి ప్రవేశించిన వారిని, చట్టపరమైన ప్రక్రియ పూర్తి అయిన తర్వాత స్వదేశానికి తీసుకువచ్చేందుకు అధికారులు చర్యలు చేపట్టారు. ఈ మేరకు థాయిలాండ్ అధికారులతో భారత అధికారులు సంప్రదింపులు ప్రక్రియ చేపట్టారు. మయన్మార్ లోని కెకె పార్క్ కాంప్లెక్స్ లోని సైబర్ స్కామ్ కేంద్రాలలో వెట్టి చాకిరీ చేస్తున్న బాధితులు వీరు. ఆ కేంద్రాలపై సైన్యం కఠిన చర్యలు చేపడుతున్నట్లు తెలియడంతో సరిహద్దులు దాటి థాయిలాండ్ కు చేరినవారిని, స్వదేశానికి రప్పించేందుకు భారతదేశం థాయిలాండ్ కు ఒక విమానం పంపే ఆలోచనలో ఉంది.

థాయిలాండ్ పశ్చిమ ప్రాంతంలోని మే సోట్ లో దాదాపు 500 మంది భారతీయులు ఉన్నట్లు థాయ్ ప్రధాని అనుతిన్ చార్న్ విరాకుల్ తెలిపారు. వారిని స్వదేశానికి తీసుకెళ్లేందుకు భారతదేశం డైరెక్ట్ విమానాన్ని ఏర్పాటు చేస్తుందని ఆయన అన్నారు. బ్యాంకాక్ లోని భారత రాయబార కార్యాలయం అధికారులు ఈ విషయంలో థాయి అధికారులతో సంప్రదింపులు జరుపుతున్నారని విదేశాంగ మంత్రిత్వ శాఖ తెలిపింది.ధాయిలాండ్ అధికారులు అదుపులోకి తీసుకున్న భారతీయులకు సంబంధించిన సమాచారం తమ వద్దఉందని విదేశాంగ మంత్రిత్వశాఖ ప్రతినిధి రణధీర్ జైస్వాల్ తెలిపారు. మయన్మార్ సైబర్ స్కామ్ కేంద్రాలపై సైన్యం కఠిన చర్యలు చేపట్టిన తర్వాత మయన్మార్ నుంచి పారిపోయిన 28 దేశాల పౌరులలో 1500 మందికి పైగా భారతీయులు ఉన్నారు.

విద్యార్థుల ఆందోళనలతో దేశం విడిచి భారత్‌లో ఆశ్రయం పొందుతున్న బంగ్లాదేశ్ మాజీ ప్రధాని షేక్ హసీనా తొలిసారి మీడియా ముందుకు వచ్చారు. వచ్చే ఏడాది బంగ్లాదేశ్‌లో జరిగే ఎన్నికల్లో తమ పార్టీ అవామీ లీగ్ బరిలోకి దిగుతుందని ఆమె స్పష్టం చేశారు. దేశంలో తిరిగి రాజ్యాంగబద్ధ పాలన నెలకొనాలంటే తాము ఎన్నికల్లో పోటీ చేయాల్సిన ఆవశ్యకత ఉందన్నారు. భారత్‌లో ఇప్పుడు తాను స్వేచ్ఛగా జీవిస్తున్నానని హసీనా వివరించారు. అయితే తన కుటుంబంపై హింసాత్మక దాడులకు దిగారని, ఆ నేపథ్యంలో పలు జాగ్రత్త చర్యలు తీసుకుంటున్నట్లు వెల్లడించారు. ఎన్నికల్లో తమ పార్టీకి అవకాశం దక్కకపోతే లక్షలాది మంది అవామీ లీగ్ పార్టీ కార్యకర్తలు

ఆ ఎన్నికలను బహిష్కరిస్తారని అన్నారు. భవిష్యత్‌లో ప్రజల తీర్పు ప్రకారం అధికారంలోకి రావడానికైనా, లేకపోతే ప్రతిపక్ష పాత్ర పోషించడానికైనా సిద్ధంగా ఉన్నట్లు హసీనా పేర్కొన్నారు. బంగ్లాదేశ్‌లో రాజ్యాంగబద్ధ పాలన, స్థిరత్వాన్ని తీసుకురావడం ఒక్క తమ పార్టీకే సాధ్యమన్నారు. అవామీ లీగ్‌పై నిషేధం విధించి యూనస్ నాయకత్వంలోని తాత్కాలిక ప్రభుత్వం ఓటమిని ఒప్పుకుందన్నారు. ప్రస్తుతం తమపై అసత్యాలు ప్రచారం చేయిస్తోందని ఆమె ఆరోపించారు. తనపై అభియోగాలు నమోదు చేసినప్పటికీ ఇప్పటి వరకు ఒక్క కోర్టు కూడా తనకు నోటీసులు జారీ చేయలేదన్నారు. అనూహ్యంగా అధికారాన్ని కోల్పోవాల్సి వచ్చిన హసీనా గతేడాది ఆగస్టు 5వ తేదీ నుంచి ఢిల్లీలో ఆశ్రయం పొందుతున్నారు. 

అయోధ్యలో శ్రీ రామమందిర నిర్మాణం కోసం ప్రజలు రూ.3000 కోట్లకు పైగా విరాళాలు ఇచ్చారని రామ మందిర నిర్మాణ కమిటీ చైర్మన్ నృపేంద్ర మిశ్రా బుధవారం తెలిపారు.ఆలయం ప్రాజెక్టు అయ్యే మొత్తం వ్యయం దాదాపు 1,800 కోట్లు గా అంచనా వేశారని ఆయన తెలిపారు. ఇంతవరకూ రూ. 1500 కోట్ల మేరకు బిల్లింగ్ పూర్తయిందని ఆయన తెలిపారు.2022లో రామమందిర నిర్మామానికి నిధుల ప్రచారం ప్రారంభించినప్పటి నుంచి దేశవ్యాప్తంగా ప్రజలు ఉదారంగా తమ విరాళాలను పంపారని మిశ్రా తెలిపారు. అయోధ్యలో నవంబర్ 25న భారీ ఎత్తున ధ్వజారోహణ కార్యక్రమాన్ని నిర్వహిస్తున్నామని,ఈ కార్యక్రమానికి ఈ దాతలందరినీ ఆహ్వానిస్తామని ఆయన తెలిపారు. ప్రధాని నరేంద్ర మోదీ ఈ కార్యక్రమానికి ముఖ్య అతిథిగా హాజరవుతారు.

అలాగే, ఆలయ శిఖరంపై జెండాను ఎగురవేస్తారని నృపేంద్ర మిశ్రా తెలిపారు. ధ్వజారోహణ కార్యక్రమానికి కనీసం 8 వేల మందికి ఆహ్వానాలు పంపనున్నట్లు ఆయన తెలిపారు. మొత్తం 70 ఎకరాలలో నిర్మిస్తున్న ఆలయ సముదాయంలోని శేషావతార్ ఆలయం, కుబేర్ తిల, సప్త మండపాలను ప్రదాని సందర్శించే అవకాశం ఉంది.2024 జనవరి 22న రామాలయంలో బాల రాముడి విగ్రహా ప్రతిష్ట మోదీ సమక్షంలో జరిగింది. ప్రస్తుతం ప్రధాన ఆలయంలో ఒకేసారి 5 నుంచి 8 వేల మంది భక్తులకు వసతి కల్పించవచ్చునని మిశ్రా అన్నారు. రామ మందిరంగా దర్శనం సులభంగానే జరుగుతుంది. దక్షిణ దర్శన మార్గం నుంచి వెళ్తే 20 నిముషాలు పడుతుంది. సుగ్రీవ్ కిలా వరకూ పూర్తి మార్గం లో దర్శనానికి వెళ్లాలంటే 40 నిముషాలు పడుతుంది.

శంషాబాద్ ఎయిర్‌పోర్ట్‌లో ఒక ప్రయాణికుని వద్ద లైవ్ బుల్లెట్‌ను ఎయిర్‌పోర్ట్ సిఐఎస్‌ఎఫ్ ఆధికారులు గుర్తించారు ఎయిర్‌పోర్ట్ సిఐఎస్‌ఎఫ్ ఆధికారులు. బుల్లెట్‌తోపాటు నిందితుని ఎయిర్‌పోర్ట్ పోలీసులకు అప్పగించారు. పోలీసులు తెలిపిన వివరాల ప్రకారం.. విశాల్ అనే ప్రయాణికుడు బుధవారం ఇండిగో విమానంలో కోల్‌కత్తా నుండి శంషాబాద్ ఎయిర్ పోర్ట్‌కు వచ్చాడు. మళ్లీ బెంగుళూరు వెళ్లేందుకు మరో ఇండిగో విమానానికి శంషాబాద్ ఎయిర్‌పోర్ట్‌లో టికెట్ బుకింగ్ చేసుకుని బోర్డింగ్ వద్దకు వెళ్ళాడు. దీంతో సిఐఎస్‌ఎఫ్ సెక్యూరిటీ అధికారులు అతని లగేజీ బ్యాగ్‌ను తనిఖీ చేశారు. అయితే అందులో 38 లైవ్‌బుల్లెట్‌ను గుర్తించారు. బుల్లెట్‌కు సంబంధించిన ఎలాంటి డాక్యుమెంట్లు అతని వద్ద లేకపోవడం, విచారణలో పొంతనలేని సమాధానాలు చెప్పాడు. దీంతో బుల్లెట్‌తోపాటు అతనిని ఎయిర్‌పోర్ట్ పోలీసులకు అప్పగించారు. ఎయిర్ పోర్ట్ పోలీసులు విశాల్ వద్ద లభించిన బుల్లెట్ ఎక్కడిది..? బ్యాగ్ లోకి ఎలా వచ్చింది..? అనే కోణంలో ప్రశ్నిస్తున్నారు.

కలకలం రేపిన అనుమానాస్పద బ్యాగు ..మొబైల్ ఫోన్‌లు, సిగరేట్‌లు లభ్యం

శంషాబాద్ ఎయిర్‌పోర్ట్‌లోని అరైవల్ విలేజ్ ర్యాంప్ వద్ద గుర్తుతెలియని ప్రయాణికుడు బ్యాగును వదిలేసి వెళ్లాడు. అయితే చాలా సమయం వరకు బ్యాగు వద్దకు ఎవరూ రాకపోవడంతో విమానాశ్రయం సెక్యూరిటీ సిబ్బందికి అనుమానం వచ్చి అప్రమత్తం అయ్యారు. బ్యాగ్ వద్ద ఉన్న ప్రయాణికులను పక్కకు పంపించి వేసి బాంబ్ స్క్వాడ్ సిబ్బందిని పిలిచి తనిఖీలు చేపట్టారు. దీంతో బ్యాగులో ఎలాంటి పేలుడు పదార్థాలు లేవని తేలడంతో ఊపిరి పీల్చుకున్నారు. అయితే బ్యాగును ఓపెన్ చేసిన సిఐఎస్‌ఎఫ్ సెక్యూరిటీ అధికారులకు అందులో సెల్‌ఫోన్‌లు సిగరెట్లు కనబడ్డాయి. దీంతో సెల్‌ఫోన్లు, సిగరెట్‌లు ఉన్న బ్యాగును స్వాధీనం చేసుకుని ఎయిర్‌పోర్ట్ పోలీసులకు అప్పగించారు. బ్యాగును స్వాధీనం చేసుకున్న పోలీసులు బ్యాగ్ ఎక్కడిది? ఎవరిది.? ఎందుకు ఇక్కడ వదిలేసి వెళ్లారు? అనే కోణంలో దర్యాప్తు చేపట్టారు.

అంతర్జాతీయ క్రికెట్ మండలి (ఐసిసి) బుధవారం ప్రకటించిన వన్డే బ్యాటింగ్ ర్యాంకింగ్స్‌లో టీమిండియా సీనియర్ ఆటగాడు రోహిత్ శర్మ టాప్ ర్యాంక్‌ను అందుకున్నాడు. ఈ క్రమంలో అతి పెద్ద వయసులో నంబర్‌వన్ ర్యాంక్‌ను సొంతం చేసుకున్న బ్యాటర్‌గా రోహిత్ రికార్డు సృష్టించాడు. వన్డేల్లో టాప్ ర్యాంక్‌ను సాధించడం రోహిత్ కెరీర్‌లో ఇదే తొలిసారి కావడం విశేషం. ఆస్ట్రేలియాతో జరిగిన వన్డే సిరీస్‌లో రోహిత్ అద్భుత బ్యాటింగ్‌ను కనబరిచాడు. రెండో వన్డేలో అర్ధ సెంచరీ సాధించిన హిట్ మ్యాచ్ మూడో వన్డేలో అజేయ శతకంతో అలరించాడు. దీంతో తాజా ర్యాంకింగ్స్‌లో అగ్రస్థానాన్ని దక్కించుకున్నాడు. ఇప్పటి వరకు టాప్ ర్యాంక్‌లో కొనసాగిన శుభ్‌మన్ గిల్ మూడో ర్యాంక్‌కు పడిపోయాడు. రోహిత్ 781 రేటింగ్ పాయింట్లతో గిల్‌ను వెనక్కి నెట్టి టాప్ ర్యాంక్‌ను సొంతం చేసుకున్నాడు. ఈ క్రమంలో రోహిత్ రెండు ర్యాంక్‌లను మెరుగు పరుచుకున్నాడు.ఇక ఆస్ట్రేలియా సిరీస్‌లో విఫలమైన టీమిండియా కెప్టెన్ గిల్ టాప్ ర్యాంక్‌ను చేజార్చుకున్నాడు.

ఇబ్రహీం జద్రాన్ (అఫ్గాన్) రెండో ర్యాంక్‌ను, బాబర్ ఆజమ్ (పాకిస్థాన్) నాలుగో ర్యాంక్‌ను నిలబెట్టుకున్నారు. డారిల్ మిఛెల్ (న్యూజిలాండ్) ఐదో ర్యాంక్‌ను దక్కించుకున్నాడు. టీమిండియా సీనియర్ ఆటగాడు విరాట్ కోహ్లి ఒక ర్యాంక్‌ను కోల్పోయి ఆరో స్థానంలో నిలిచాడు. శ్రేయస్ అయ్యర్ (భారత్) తొమ్మిదో ర్యాంక్‌లో కొనసాగుతున్నాడు. కెఎల్ రాహుల్ 14వ ర్యాంక్‌ను కాపాడుకున్నాడు. బౌలింగ్ ర్యాంకింగ్స్‌లో రషీద్ ఖాన్ (అఫ్గాన్) 710 పాయింట్లతో టాప్ ర్యాంక్‌ను కాపాడుకున్నాడు. కేశవ్ మహారాజ్ (సౌతాఫ్రికా) రెండో, మహీశ్ తీక్షణ (శ్రీలంక) మూడో ర్యాంక్‌ను దక్కించుకున్నారు. మిఛెల్ సాంట్నర్ (న్యూజిలాండ్) మూడు ర్యాంక్‌లు ఎగబాకి నాలుగో ర్యాంక్‌కు చేరుకున్నారు. జోఫ్రా ఆర్చర్ (ఇంగ్లండ్) ఐదో ర్యాంక్‌లో నిలిచాడు. భారత బౌలర్ కుల్దీప్ ఒక ర్యాంక్‌ను కోల్పోయి ఏడో స్థానంలో కొనసాగుతున్నాడు. జడేజా 13వ, సిరాజ్ 16వ ర్యాంక్‌ను దక్కించుకున్నారు.