Latest News

మన తెలంగాణ/ క్రీడా విభాగం: కోట్లాది మంది భారతీయుల కలను సాకారం చేస్తూ టీమిండియా మహిళా క్రికెట్ టీమ్ ప్రపంచకప్ ట్రోఫీని సగర్వంగా ముద్దాడిన అపురూప సమయమిది. నవీ ముంబైలోని డివై పాటిల్ స్టేడియంలో దక్షిణాఫ్రికాతో జరిగిన వరల్డ్ కప్ ఫైనల్లోటీ భారత మహిళా జట్టు చారిత్రక విజయం సాధించిన సంగతి తెలిసిందే. భారత్ సాధించిన చిరస్మరణీయ గెలుపుతో దేశం మొత్తం ఆనందంలో తేలిపోయింది. దేశంలోని చిన్న, పెద్ద తేడా లేకుండా అన్ని పట్టణాల్లో, నగరాల్లో సంబరాలు అంబరాన్నంటాయి. మైదానంలో పాదరసంలా కదిలిన టీమిండియా కెప్టెన్ హర్మన్‌ప్రీత్ కౌర్ పట్టిన కళ్లు చెదిరే క్యాచ్‌తో సౌతాఫ్రికా ఓటమి పాలైంది. అంతే మైదానంలోని క్రికెటర్లు, స్టేడియంలోని అభిమానులు, టివిల ముందుకు కూర్చొని మ్యాచ్‌ను ఆస్వాదించిన కోట్లాది మంది క్రికెట్ ప్రేమీకుల ఆనంధానికి అవధులు లేకుండా పోయింది. చివరి వరకు ఆసక్తికరంగా సాగిన ఫైనల్లో టీమిండియా సాధించిన అపురూప విజయం భారత క్రికెట్ చరిత్రలోనే చిరకాలం తీపి జ్ఞాపకంగా మిగిలిపోతుందని చెప్పొచ్చు.

ఏమాత్రం అంచనాలు లేకుండా వరల్డ్‌కప్ బరిలోకి టీమిండియా ఏకంగా కప్పును సాధించి ఔరా అనిపించింది. భారత్ సాధించిన ఈ విజయంలో జట్టు సమష్టి ప్రతిభ దాగివుంది. వరుసగా మూడు మ్యాచుల్లో ఓటమి పాలైన జట్టు నుంచి ఇలాంటి ప్రదర్శన ఎవరూ ఊహించలేక పోయారు. సెమీ ఫైనల్‌కు కూడా చేరుతుందా లేదా అనే దశను దాటి ఏకంగా ప్రపంచకప్‌ను సొంతం చేసుకోవడం అసాధారణ విషయంగానే చెప్పాలి. బ్యాటింగ్, బౌలింగ్ విభాగాల్లో టీమిండియా క్రికెటర్ల ప్రదర్శనను ఎంత పొగిడినా తక్కువే. తీవ్ర ఒత్తిడిని సయితం తట్టుకుంటూ ముందుకు సాగిన ప్రయాణాన్ని ప్రశంసించ కుండా ఉండలేం.

అదరగొట్టిన దీప్తి..

మహిళల వన్డే ప్రపంచకప్ టోర్నీకి భారత ఆల్‌రౌండర్ దీప్తి శర్మ ప్రత్యేక ఆకర్షణగా మారింది. భారత్ సాధించిన చారిత్రక విజయంలో దీప్తి ప్రదర్శన వేలకట్టలేనిది. బ్యాట్‌తో బంతితో ఆమె సాగించిన పోరాటాన్ని ప్రశంసించడానికి మాటలు చాలవు. తీవ్ర ఒత్తిడిలోనూ అద్భుత బ్యాటింగ్‌తో దీప్తి జట్టును నడిపించిన తీరును ఎంత పొగిడినా తక్కువే అవుతోంది. సెమీ ఫైనల్, ఫైనల్లో మ్యాచుల్లో దీప్తి ఆల్‌రౌండ్‌షోతో అదరగొట్టింది. అంతేగాక ఇతర మ్యాచుల్లో ఇటు బంతితో అటు బ్యాట్‌తో అలరించింది. ఒక మాటలో చెప్పాలంటే భారత్ ప్రపంచ కప్ ట్రోఫీని సాధించిందంటే దానికి దీప్తి ఆల్‌రౌండ్‌షోనే ప్రధాన కారణమని చెప్పాలి. కీలక సమయాల్లో దీప్తి కనబరిచిన అసాధారణ ప్రతిభ భారత క్రికెట్‌లో చిరకాలం తీపి జ్ఞాపకంగా మిగిలిపోతుందని చెప్పాలి.

జెమీమా అదరహో..

ఆస్ట్రేలియాతో జరిగిన సెమీ ఫైనల్ మ్యాచ్‌లో జెమీమా రోడ్రిగ్స్ సాధించిన చారిత్రక సెంచరీ కూడా ఈ వరల్డ్‌కప్ టోర్నీకి ప్రత్యేక ఆకర్షణగా మారింది. తీవ్ర ఒత్తిడిని సయితం తట్టుకుంటూ చివరి వరకు క్రీజులో నిలిచి భారత్‌కు రికార్డు విజయం సాధించి పెట్టిన సంగతి తెలిసిందే. భారత్ ఫైనల్‌కు చేరిందంటే దానికి జెమీమా సాధించిన చారిత్రక శతకం చాలా కీలకమని చెప్పడంలో ఎలాంటి సందేహం లేదు. భారత్‌లో సరికొత్త జోష్ నింపడానికి జెమీమా బ్యాటింగ్ ఒక ప్రధాన కారణమని చెప్పాలి. కెప్టెన్ హర్మన్‌ప్రీత్, దీప్తి, రిచా, అమన్‌జోత్‌లతో కలిసి జెమీమా టీమిండియాను విజయ తీరానికి చేర్చిన తీరును భారత క్రికెట్ అభిమానులు ఎప్పటికీ మరచి పోలేరు. మరోవైపు తెలుగు తేజం శ్రీ చరణి, ఫాస్ట్ బౌలర్ రేణుక సింగ్ ఠాకూర్, అమన్‌జోత్, దీప్తి, రిచా తదితరులు కూడా భారత్ విజయంలో కీలక పాత్ర పోషించారని చెప్పాలి.

హర్మన్‌ప్రీత్ ముద్ర..

టీమిండియా సాధించిన చారిత్రక విజయంలో కెప్టెన్ హర్మన్‌ప్రీత్ కౌర్ అద్భుత నాయకత్వ ప్రతిభ దాగివుందని చెప్పడంలో ఎలాంటి అతిశయోక్తి లేదు. హర్మన్ అసాధారణ కెప్టెన్సీకి ఈ విజయం నిదర్శంగా చెప్పక తప్పదు. తీవ్ర ఒత్తిడిలోనూ హర్మన్ జట్టును నడిపించిన తీరును ఎంత ప్రశంసించినా తక్కువే. ఒకవైపు వరుస ఓటములు, మరోవైపు పేలవమైన బ్యాటింగ్, ఇంటాబయట విమర్శలతో హర్మన్‌ప్రీత్‌పై తీవ్ర ఒత్తిడి నెలకొంది. అయినా వీటిని తట్టుకుంటూ హర్మన్ జట్టును ముందుకు తీసుకెళ్లిన విషయాన్ని మరువ లేం. కీలక మ్యాచుల్లో హర్మన్‌ప్రీత్ అసాధారణ బ్యాటింగ్‌ను కనబరిచింది.

ఆస్ట్రేలియాతో జరిగిన సెమీ ఫైనల్ మ్యాచ్‌లో సహచర క్రికెటర్ జెమీమా రోడ్రిగ్స్‌తో కలిసి జట్టును ముందుకు నడిపించిన తీరును భారత క్రికెట్ చరిత్రలోనే అత్యుత్తమ ప్రదర్శనల్లో ఒకటిగా చెప్పొచ్చు. టీమిండియా సాధించిన అపురూప విజయంలో హర్మన్ పాత్రను ఎంత పొగిడినా తక్కువే అవుతుంది. మరోవైపు ఓపెనర్లు స్మృతి మంధాన, ప్రతీక రావల్‌లు కూడా భారత్ విజయంలో తమవంతు పాత్రను సమర్థంగా పోషించారు. ప్రతీక రావల్ దాదాపు ప్రతి మ్యాచ్‌లోనూ అద్భుత బ్యాటింగ్‌తో ఆకట్టుకుంది.

న్యూజిలాండ్‌తో జరిగిన కీలక మ్యాచ్‌లో సెంచరీతో అదరగొట్టింది. కానీ గాయం వల్ల మిగిలివున మ్యాచ్‌లకు దూరం కావాల్సి వచ్చింది. లీగ్ దశలో సాధించిన విజయాల్లో ప్రతీక కీలక పాత్ర పోషించిందని చెప్పాలి. మరోవైపు మంధాన కూడా కీలక సమయంలో పుంజుకుంది. అద్భుత బ్యాటింగ్‌తో జట్టుకు అండగా నిలిచింది. కీలక మ్యాచుల్లో మంధాన ఫామ్‌లోకి రావడం భారత్‌కు సానుకూల అంశంగా మారింది.

మన తెలంగాణ/నాగర్‌కర్నూల్ ప్రతినిధి: కెసిఆర్ అధికారంలో ఉండి అవలంబించిన విధానాలు.. పోరాడి సాధించుకున్న తెలంగాణ స్ఫూర్తికి విరుద్ధమని ముఖ్యమంత్రి రేవంత్‌రెడ్డి అన్నారు. నాగర్ కర్నూల్ జిల్లా, మన్నెవారిపల్లి వద్ద నేషనల్ జియో ఫిజికల్ రీసెర్చ్ ఇనిస్టిట్యూట్ శాస్త్రవేత్తల నేతృత్వం లో హెలిబోర్నో ఏరియల్ ఎలక్ట్రో మాగ్నెటిక్ సర్వేను ప్రారంభించడానికి వచ్చిన ఆయన విలేకరుల సమావేశంలో మాట్లాడారు. పదేళ్లపాటు ముఖ్యమంత్రిగా ఉండి రెండు లక్షల ఇర వై వేల కోట్ల రూపాయలను సాగునీటి ప్రాజెక్టులపై ఖర్చు చేసి ఒక్క ప్రాజెక్టు కూడా పూర్తి చేయలేకపోయారని ఆరోపించా రు. పదేళ్లలో ఎస్‌ఎల్‌బిసి ప్రాజెక్టును రెండు కిలోమీటర్ల మేర తొవ్వడం అంటే ఈ ప్రాజెక్టు పూర్తయితే మూడు లక్షల ఎకరాలకు సాగునీరు అందితే ఆ క్రెడిట్ కాంగ్రెస్‌కు దక్కుతుందన్న దుర్బుద్ధితో నిర్లక్ష్యం చేశారని ఆరోపించారు. 1985లో 2 వేల 6 వందల కోట్ల వ్యయంతో ప్రారంభించిన ప్రాజెక్టు క్రమంగా అంచనా వ్యయం రూ.4,600 కోట్లకు పెరిగిందన్నారు.

ప్రస్తుతం ఇంతే వ్యయంతో అధునాతన ప్రపంచంలోని అధునాతన టెక్నాలజీని వినియోగిస్తూ ఎన్నో ఒడిదుడుకులు, అడ్డంకులను అధిగమిస్తూ రెండేళ్లలో ఎస్‌ఎల్‌బిసి ప్రాజెక్టును పూర్తి చేయాలన్న సంకల్పంతో తమ ప్రభుత్వం పకడ్బందీ ప్రణాళికతో ముందుకు సాగుతోందని అన్నారు. ఎస్‌ఎల్‌బిసి విషయంలో ప్రజలలో అపోహలు సృష్టించే విధంగా మాట్లాడడం మానుకోవాలని బిఆర్‌ఎస్ నేత హరీశ్‌రావుకు హితవు పలికారు. కాంగ్రెస్ ప్రభుత్వం పట్ల సాగునీటి ప్రాజెక్టుల పట్ల చిత్తశుద్ధితో పనిచేస్తున్న తమపై కెసిఆర్, హరీశ్‌రావు చిల్లర మాటలు మానుకోవాలని హితవు పలికారు. పదేళ్లు అధికారంలో ఉండి ఏ ఒక్క ప్రాజెక్టును కూడా పూర్తి చేయకపోవడం వల్లే నేడు ఆంధ్రప్రదేశ్ రాష్ట్రం తెలంగాణ సాగునీటి ప్రాజెక్టులు నీటి వాటాల విషయంలో కొర్రీలు పెడుతోందని ్డ అన్నారు. పదేళ్ల కాలంలో ప్రాజెక్టులు పూర్తి చేసి సాగునీరు అందించి ఉంటే ఆంధ్రప్రదేశ్ రాష్ట్రానికి అలుసు దొరికేది కాదని అన్నారు. తక్కువ వ్యాయాయంతో ఎత్తిపోతల లేకుండా గ్రావిటీ ద్వారా 3 లక్షల ఎకరాలకు సాగినీరు అందించే బృహత్తర ప్రాజెక్టును కెసిఆర్ పూర్తిగా నిర్లక్ష్యం చేశారని దుయ్యబట్టారు. తెలంగాణకు దక్కాల్సిన నీటి వాటాపై ఉమ్మడి ఆంధ్రప్రదేశ్లో 811 టిఎంసిలు ఉంటే తెలంగాణకు 299 టిఎంసిలు కృష్ణాజలాలలో కేటాయించడానికి కేంద్రం సమావేశాలు నిర్వహిస్తే సంతకాలు పెట్టి తెలంగాణ హక్కులను హరించే విధంగా కెసిఆర్ పాల్పడ్డారని ఆరోపించారు.

సహజ న్యాయసూత్రాల ప్రకారం కృష్ణా జలాలలో నీటి వాటా కోసం తమ ప్రభుత్వం పోరాడుతుందని, తమ వాదనలు ఒక కొలిక్కి వస్తున్నాయని, కృష్ణా జలాలలో తమ హక్కుగా రావాల్సిన వాటను దక్కించుకొని తీరుతామని ధీమా వ్యక్తం చేశారు. ఎస్‌ఎల్‌బిసి ప్రాజెక్టును రెండేళ్లలో పూర్తి చేయడానికి గ్రీన్‌ఛానల్ విధానం ద్వారా అనుమతులు నిధులు కేటాయిస్తామని అన్నారు. 9.8 కిలోమీటర్ల నిర్మించాల్సి ఉన్న టన్నెల్ పనుల కోసం ఆచితూచి అడుగులు వేస్తున్నామని, ప్రపంచంలోనే అత్యున్నత ప్రమాణాలతో కలిగిన సర్వేలు విధానాలను వినియోగిస్తూ ముందుకు పోతున్నట్లు వివరించారు. అడువులు, పులుల అభయారణ్యం, కృష్ణా నది పరివాహక ప్రాంతాన్ని దృష్టిలో ఉంచుకొని 9.8 కిలోమీటర్ల మేర తవ్వే టన్నెల్ పనుల కోసం అధునాతన శాస్త్ర సాంకేతిక రంగాలను వినియోగించి రెండేళ్లలో ప్రాజెక్టును పూర్తి చేస్తామని అన్నారు. మన వాటా మనం వాడుకోకపోవడం అంటే హక్కులను వదులుకున్నట్లే అన్నారు. ఈ ప్రాంత బిడ్డగా ఇప్పుడు ఈ ప్రాజెక్టును పూర్తి చేసుకోకపోతే ఎప్పటికీ ఈ ప్రాజెక్టును పూర్తి చేయలేరని అన్నారు. ఆరు నూరైనా ప్రాజెక్టును పూర్తి చేసి 3 లక్షల ఎకరాలకు సాగునీరు 30 లక్షల కుటుంబాలకు తాగునీరు అందించడమే లక్ష్యంగా ముందుకు సాగుతున్నామని అన్నారు. ఎస్‌ఎల్‌బిసి ప్రాజెక్ట్ ఆంధ్రప్రదేశ్‌కు చెందిన పోతిరెడ్డిపాడు ప్రాజెక్టుకు ప్రత్యామ్నాయమని అభివర్ణించారు.

ఆరు నూరైనా ప్రాజెక్టును రెండేళ్లలో పూర్తిచేస్తాం

ఆరు నూరైనా రాబోయే రెండేళ్లలో ఎస్‌ఎల్‌బిసి ప్రాజెక్టును పూర్తి చేస్తాము అని ముఖ్యమంత్రి అన్నారు. శ్రీశైలం ఎడమ గట్టు కాలువ ఎస్‌ఎల్‌బిసి టన్నెల్ పనులను ఎట్టి పరిస్థితుల్లోనూ పూర్తిచేయాలని ప్రభుత్వం దృఢ సంకల్పంతో ఉందని పునరుద్ఘాటించారు. ఎన్ని అడ్డంకులొచ్చినా తొలగించుకుంటూ ఈ ప్రాజెక్టును పూర్తి చేస్తామని స్పష్టం చేశారు. ఎస్‌ఎల్‌బిసి టన్నెల్ పనుల కోసం నేషనల్ జియోఫిజికల్ రీసెర్చ్ ఇనిస్టిట్యూట్ ఎన్‌జిఆర్‌ఐ శాస్త్రవేత్తల నేతృత్వంలో అచ్చంపేట మండలం, మన్నెవారిపల్లి వద్ద ముఖ్యమంత్రి సమక్షంలో హెలికాప్టర్ ద్వారా హెలిబోర్న్ ఏరియల్ ఎలక్ట్రోమ్యాగ్నెటిక్ సర్వే ప్రారంభమైంది. సర్వే విధానాన్ని ముఖ్యమంత్రి స్వయంగా పరిశీలించారు. అనంతరం మరో హెలికాప్టర్ ద్వారా సర్వే చేస్తున్న హెలికాప్టర్‌ను అనుసరిస్తూ సర్వే విధానాన్ని స్వయంగా పరిశీలించారు.

రెండు దశాబ్దాల పెండింగ్ ప్రాజెక్టును గాడిలో పెడుతున్నాం

రెండు దశాబ్దాల కాలంగా పెండింగ్లో ఉన్న ఈ ప్రాజెక్టును తమ ప్రభుత్వం అధికారంలోకి వచ్చిన తర్వాత తిరిగి చేపట్టామని అన్నారు. ఆ క్రమంలో ఎదురైన అనుభవాలను దృష్టిలో పెట్టుకుని మిగిలిపోయిన 9.8 కిలోమీటర్ల పనుల కోసం ఎన్‌జిఆర్‌ఐ శాస్త్రవేత్తలు, టన్నెల్ నిర్మాణాల్లో అనుభవం కలిగిన ఆర్మీ అధికారుల సేవలను వినియోగించి ముందుకు వెళుతున్నామని అన్నారు. ఎన్‌జిఆర్‌ఐ నేతృత్వంలో నిర్వహిస్తున్న సర్వే వల్ల భూగర్భంలో 800 నుంచి 1000 మీటర్లలోపు ప్రతి 2.5 మీటర్లలో రాయి, నీటి ప్రవాహాలకు సంబంధించిన పరిస్థితి ఎలా ఉందన్నది తెలుస్తుందని అన్నారు. ఈ ప్రాజెక్టు ప్రాంతమంతా టైగర్ రిజర్వ్ ఉందని, పర్యావరణం విషయంలో కూడా చాలా జాగ్రత్తలు తీసుకుంటూ ఎలాంటి అవాంతరాలు లేకుండా టన్నెల్ నిర్మాణ పనులు పూర్తిచేయాలని సంకల్పంతో ఉన్నామన్నారు.

గ్రావిటీ ద్వారా 30 టిఎంసిలను 3 లక్షల ఎకరాలకు సాగునీరు, 30 లక్షల మందికి తాగునీరు సరఫరాకు ఉద్దేశించిన ఈ ప్రాజెక్టుకు 1983 లో పునాది పడినప్పటికీ ఆ తర్వాత రెండు దశాబ్దాల పాటు పనులు జరగలేదు. తిరిగి 2004లో నల్గొండ జిల్లా ప్రజాప్రతినిధుల ఒత్తిడి మేరకు ఆనాటి ముఖ్యమంత్రి వైఎస్ రాజశేఖర్ రెడ్డి హయాంలో ప్రాజెక్టు టన్నెల్-1, టన్నెల్ 2 పనులు ప్రారంభమయ్యాయని అన్నారు. గ్రావిటీ ద్వారా నీటిని తరలించే ఈ ప్రాజెక్టు 44 కి.మీ టన్నెల్ కోసం ఆనాడు దాదాపు 33 కి.మీ పూర్తి చేయగా, గత ప్రభుత్వ హయాంలో దశాబ్దకాలం ఈ ప్రాజెక్టు పూర్తిగా నిర్లక్ష్యానికి గురైందని ఆరోపించారు. ప్రాజెక్టును ప్రారంభించిన నాడు ప్రపంచంలోనే అత్యంత అధునాతన టన్నెల్ బోర్ మిషన్ ఉపయోగించి ప్రయోగాత్మకంగా పనులు చేపట్టారని తెలిపారు.

దేశంలోనే అత్యుత్తమ ప్రాజెక్టు

దేశంలోనే ఇదొక అత్యుత్తమ ప్రాజెక్టు. 44 కి.మీ టన్నెల్ ప్రాజెక్టు ప్రపంచంలోనే మరెక్కడా లేదని సిఎం అన్నారు. ఈ ప్రాజెక్టు పూర్తయితే తెలంగాణకు మంచి పేరు రావడమే కాకుండా నయా పైసా ఖర్చు లేకుండా గ్రావిటీతో నీటిని సరఫరా చేయొచ్చునని అన్నారు. ప్రస్తుతం ఏఎంఆర్ ప్రాజెక్టు ద్వారా తరలిస్తున్న నీటికి కేవలం విద్యుత్ చార్జీల కోసం ఏటా 500 కోట్ల రూపాయలు చెల్లించాల్సి వస్తోందని, గడిచిన పదేండ్లలో కేవలం విద్యుత్ చార్జీలే 5 వేల కోట్లు చెల్లించారని తెలిపారు. ఎస్‌ఎల్‌బిసితో పాటు కృష్ణా నదిపై బీమా, నెట్టంపాడు, కోయిల్‌సాగర్ లాంటి ప్రాజెక్టులను పూర్తి చేయకపోవడం వల్ల సాధించుకున్న తెలంగాణ లక్ష్యం నెరవేరలేదు. కృష్ణా నదిపై ఏ ఒక్క ప్రాజెక్టును కూడా పూర్తి చేయని కారణంగా మన వాటా మనం వాడుకోలేకపోయామని అన్నారు. నికర జలాల హక్కులు కలిగినప్పటికీ పదేండ్లలో ఏ ఒక్క ప్రాజెక్టు పూర్తి చేయకపోవడంతో తెలంగాణలోని ప్రాజెక్టులపై ఆంధ్రప్రదేశ్ ఇప్పుడు అభ్యంతరం చెబుతోందని అన్నారు.

తమ ప్రభుత్వం అధికారంలోకి వచ్చిన తర్వాత ఎస్‌ఎల్‌బిసిని పూర్తి చేయాలని సంకల్పంతో ముందుకు వెళ్లినప్పుడు ఊహించని ప్రమాదం సంభవించిందని, ఇది తమకెంతో బాధ కలిగించిందని, ప్రమాదంలో మరణించిన కుటుంబాలను ఆదుకున్నామని తెలిపారు. అందుకే అనుభవం, అత్యంత నైపుణ్యం ఉన్న వారిని ఇక్కడికి రప్పించామని, ప్రాజెక్టును పూర్తిచేయడానికి భారత సైన్యం నుంచి కూడా అధికారిని డిప్యుటేషన్‌పై తెచ్చుకున్నాం.ఈ క్రమంలో టన్నెల్ పనులను ముందుకు తీసుకెళ్లడానికి భూగర్భంలో ఉన్న పరిస్థితులను అధ్యయనం చేయడానికి ఈ సర్వేను చేపట్టామని తెలిపారు. పైగా అదనంగా పైగా ఖర్చు లేకుండా ఆనాడు వేసిన అంచనాలతోనే ఈనాడు పనులు పూర్తి చేయనున్నాం. నీటి పారుదల ప్రాజెక్టుల విషయంలో ఉమ్మడి మహబూబ్‌నగర్, నల్గొండ జిల్లాలకు ఇప్పటికే తీవ్ర నష్టం వాటిల్లిందని, ఈ ప్రాజెక్టును పూర్తి చేయకపోతే ప్రజలు క్షమించరని అన్నారు. ఇప్పుడు పూర్తి చేసుకోలేకపోతే మరెప్పుడూ పూర్తి చేసుకోలేం. ఎన్ని అడ్డంకులొచ్చినా తొలగించుకుంటూ దీన్ని పూర్తి చేసుకోవలసిన బాధ్యత అందరిపైనా ఉందని అన్నారు.

నిధులకు ఎలాంటి ఆటంకం లేదు. గ్రీన్ చానెల్ ద్వారా మంజూరు చేస్తాం

ప్రాజెక్టు పనులను పూర్తి చేయడానికి మర్లపాడు తండా, కేశీ తండా, నక్కలగండి తాండా వాసులకు డిసెంబర్ 31 నాటికి ఆర్ అండ్ ఆర్ ప్యాకేజీ చెల్లింపులు పూర్తి చేస్తామని తెలిపారు. ఈ ప్రాజెక్టు కింద భూములు కోల్పోతున్న వారికి ఎలాంటి నష్టం లేకుండా ఆదుకునే బాధ్యత ప్రభుత్వానిది.. అని ముఖ్యమంత్రి స్పష్టం చేశారు. ఈ కార్యక్రమంలో సాగునీటి శాఖ మంత్రి ఉత్తంకుమార్ రెడ్డి, రోడ్లు, భవనాల శాఖ మంత్రి కోమటిరెడ్డి వెంకటరెడ్డి, అచ్చంపేట ఎంఎల్‌ఎ వంశీకృష్ణ, దేవరకొండ ఎంఎల్‌ఎ బాలు నాయక్, నాగర్ కర్నూల్ జిల్లా ఇన్చార్జి కలెక్టర్ ఆదర్శ్ సురభి, డిఐజి చౌహన్, జిల్లా ఎస్‌పి గైక్వాడ్ వైభవ్ రఘునాథ్, అదనపు కలెక్టర్లు అమరేందర్, దేవ సహాయం, నేషనల్ జియో ఫిజికల్ రీసెర్చ్ ఇనిస్ట్యూట్ డైరెక్టర్ ప్రకాష్ కుమార్, శాస్త్రవేత్త డాక్టర్ సత్యనారాయణ, నీటిపారుదల శాఖ ఉన్నతాధికారులు, వివిధ శాఖల ఉన్నతాధికారులు, తదితరులు ఇతర ప్రజాప్రతినిధులు తదితరులు పాల్గొన్నారు.

మన తెలంగాణ/చేవెళ్ల : రంగారెడ్డి జిల్లా, చేవెళ్ల మండలం, మిర్జాగూడ గేటు సమీపంలో సోమవారం ఉదయం పెను విషాదం చోటుచేసుకుంది. అతివేగంగా వచ్చిన టిప్పర్ లారీ ఆర్‌టిసి బస్సును ఢీకొట్టడంతో 19మంది మృత్యువాత పడ్డారు. తాం డూరు డిపోకు చెందిన బస్సు ఉదయం తాండూరు నుంచి హైదరాబాద్‌కు బయలుదేరింది. బస్సులో సుమారు 70మంది ప్రయాణికులు ఉన్నారు. చే వెళ్ల మండలం, ఖానాపూర్- మిర్జాగూడ గేటు వద్ద కు రాగానే చేవెళ్ల నుంచి వికారాబాద్ వైపు కంకర లోడుతో వెళ్తున్న టిప్పర్ అతివేగంగా వచ్చి బస్సు ను ఢీకొట్టింది. ఈ వేగానికి టిప్పర్‌లోని కంకర బస్సులోకి ఎగిసి పడడంతో అందులోని ప్రయాణికులంతా కంకరలో కూరుకుపోయారు. ఏం జరిగిందో అనే తెలుసుకునే లోపల 10 మంది ప్రయాణికులు ఊపిరాడక ప్రాణాలను కోల్పోయారు. మితిమీరిన వేగంతో టిప్పర్ బస్సు మీదకి దూసుకురావడంతో ఈ ప్రమాదం సంభవించినట్లు తెలుస్తోంది. ఈ ప్రమాదంలో బస్సు ముందు భాగం పూర్తిగా నుజ్జునుజ్జయింది. కంకరలో కూరుకుపోయిన వారిని మూడు జెసిబిల సహాయంతో కంకరను తొలగించి బయటకు తీశారు.

సంఘటనా స్థలంలోనే 15 మంది మృతి చెందగా తీవ్ర గాయాలపాలై చికిత్స పొందుతూ ఆసుపత్రిలో మరో నలుగురు మృతి చెందినట్లు పోలీసులు, అధికారులు వెల్లడించారు. క్షతగాత్రులను చేవెళ్ల ప్రభుత్వ ఆసుపత్రికి, పట్నం మహేందర్‌రెడ్డి ఆసుపత్రికి తరలిం చి చికిత్స అందజేస్తున్నారు. ఉదయం మిర్జాగూడ గేటు సమీపంలో బస్సు ప్రమాద సమాచారం తెలుసుకున్న చేవెళ్ల సిఐ భూపాల్ శ్రీధర్ తన సిబ్బందితో హుటాహుటిన సంఘటన స్థలానికి బయలుదేరి వెళ్లారు. మూడు జెసిబిలు, క్రేన్ సహాయంతో సహాయక చర్యలు చేపట్టారు. ఘటనా స్థలంలో స హాయక చర్యలు చేపడుతున్న సమయంలో జెసిబి చేవెళ్ల సిఐ భూపాల్ శ్రీధర్ కాళ్లపై నుంచి వెళ్లడంతో అతనికి కూడా తీవ్ర గాయాలయ్యాయి. ఈ బస్సు ప్రమాద ఘటనతో బీజాపూర్‌హైదరాబాద్ అంతర్ రాష్ట్ర రహదారిపై అటు ఇటు సుమారు ఏడు కిలోమీటర్ల మేర ట్రాఫిక్ జామ్ అయింది. సుమారు మూడు, నాలుగు గంటల పాటు ఎక్కడి వాహనాలు అక్కడే నిలిచిపోయాయి.

మృతదేహాలకు పోస్టుమార్టం పూర్తి

బంధువులకు అప్పగింత

సోమవారం జరిగిన ఘోర రోడ్డు ప్రమాదంలో మ రణించిన వారి మృతదేహాలకు పోస్టుమార్టం పూర్తయింది. ఈ దుర్ఘటనలో ఆర్‌టిసి బస్సు, టిప్పర్ డ్రైవర్లతో పాటు 19 మంది మృతి చెందగా.. 20 మంది తీవ్రంగా గాయపడ్డారు. మృతుల్లో 10 మం ది మహిళలు, 8 మంది పురుషులు, ఒక చిన్నారి ఉన్నారు. మృతుల్లో ఎక్కువగా తాండూరువాసు లు ఉన్నారు. క్షతగాత్రులను చేవెళ్ల ప్రభుత్వ, ప్రైవే ట్ ఆస్పత్రులకు తరలించారు. చేవెళ్ల ప్రభుత్వాస్పత్రిలో మృతదేహాలకు పోస్టుమార్టం పూర్తి చేసిన వై ద్యులు మృతదేహాలను వారి కుటుంబ సభ్యులకు, బంధువులకు అప్పగించారు. తాండూరు, వికారాబాద్, గాంధీ, ఉస్మానియా వైద్యులు మృతదేహాల కు పోస్టుమార్టం నిర్వహించారు. పోస్టుమార్టం అ నంతరం కుటుంబసభ్యులకు మృతదేహాలు అప్పగించారు.మృతదేహాలను వారి స్వస్థలాలకు పం పించారు. నాగమణి మృతదేహం కర్ణాటకలోని భా నూర్‌కు తరలించారు. అనూష, సాయిప్రియ, నం దిని, నజీర్ అహ్మద్, విద్యార్థి అఖిల మృతదేహాలను తాండూరుకు పంపించారు. కల్పన, గుణమ్మ మృతదేహాలు హైదరాబాద్‌లోని బోరబండకు.. తారాబా యి మృతదేహం గంగారం తండాకు తరలించారు.

ఎఐ స్టార్‌తో సంతాన సత్ఫలితం

సరైన వీర్యకణాల నిర్థారణ

ఫలించిన 19 ఏండ్ల నిరీక్షణ

బిడ్డను ఎత్తుకోనున్న అమెరికా జంట

న్యూఢిల్లీ : సంతాన భాగ్యం లేదనకుని, 19 ఏండ్లుగా నిరాశ చెందిన దంపతులకు కృత్రిమ మేధ (ఎఐ) ప్రక్రియ వరప్రసాదం అయింది. ఎఐ ఈ విషయంలో గణనీయ సత్ఫలితం సాధించిందని పరిశోధకులు తెలిపారు. అమెరికాలో 39 సంవత్సరాల వ్యక్తి, 37 సంవత్సరాల భార్య పిల్లలు లేకపోవడంతో అనేక రకాలుగా కృత్రిమ గర్భధారణకు ప్రయత్నించారు. ఇన్ విట్రో ఫర్టిలైజెషన్ ఐవిఎఫ్ ప్రక్రియలతో యత్నించారు. కానీ ఫలితం కన్పించలేదు. సాధారణంగా ఇటీవలి కాలంలో ఎక్కువగా మగవారిలో వీర్యకణాల లోపాలతోనే వ్యంధ్యత్వం ఏర్పడుతోంది. శక్తివంతమైన వీర్య కణాలు లేకపోవడంతో వారు తండ్రి కాలేకపోతున్నారని కొలంబియా యూనివర్శిటీ ఫర్టిలిటి సెంటర్ డైరెక్టర్ జెవ్ విలియమ్స్ తెలిపారు. తన పరిశోధనలను ఆయన తాజాగా శాస్త్ర విజ్ఞాన పత్రిక లాన్సెట్‌లో వ్యాసంగా వెలువరించారు. సాధారణంగా కృత్రిమ గర్భధారణ దశలో తీసుకునే వీర్య నమూనాలలో బయటి నుంచి అంతా సాధారణంగానే ఉంటుంది.

కానీ మైక్రోస్కోప్ ద్వారా పరిశీలిస్తే ఇవన్నీ కూడా కేవలం సాధారణ కణజాలాలుగా ఉంటాయి. వీటిలో వీర్య కణాలు కన్పించడం అరుదుగా జరుగుతుంది. స్కలనంలో వీర్యం లేకుండా ఉండే మగవారిలోని అసాధారణ లక్షణాన్ని అజూస్పెరిమియా అంటారు. ఇందులో ఫలదీకరణకు అవసరం అయిన వీర్యకణాలు తక్కువగా లేదా పూర్తిగా లేకుండా పోతాయి. ఈ సమస్యలను అన్నింటిని గుర్తించి పరిశోధకులు అత్యంత శక్తివంతమైన ఇమేజింగ్ టెక్నాలజీతో వీర్య కణాలను గుర్తించవచ్చునని కనుగొన్నారు. ఈ క్రమంలో ఈ పరిశోధక బృందం ఎఐ పరిజ్ఞానం సాయంతో నూతన విధానాన్ని ఆవిష్కరించింది. దీనిని స్పర్మ్ ట్రాకింగ్ అండ్ రికవరీ (స్టార్) పద్ధతిగా వ్యవహరిస్తున్నారు.

ఈ స్టార్ ఎఐ పద్ధతితో ఇంతకు ముందటి వరకూ నిరర్థకం అనుకున్న కణజాలంలో ఉండే పనికి వచ్చే వీర్య కణాలను గుర్తించి వీటిని ఒక్కచోటికి చేర్చి మహిళ గర్భం దాల్చేందుకు వీలుగా వీటిని ప్రవేశపెడుతున్నారు. అయితే ఇది అత్యంత వేగంగా నిర్థిష్టంగా ఏది మంచి ఏది చెత్త వీర్య కణం అనేది గుర్తించాల్సిన నిర్థారణపై ఆధారపడి ఉంటుంది. ఇందుకు ఎఐ ఆధారిత స్టార్ ఎంతగానో ఉపయుక్తం అయిందని పరిశోధకులు తెలిపారు. ఈ దిశలోనే దాదాపు రెండు దశాబ్ధాలుగా సంతానం కోసం తపించిన అమెరికా జంట ఇప్పుడు మమీ డాడీలు కాబోతున్నారు.

ఎఐ స్టార్ విధానం రాబోయే రోజుల్లో వీర్య సమస్య ఉండే మగవారి ద్వారా సంతానోత్సత్తికి ఏర్పడే అవరోధాలు తొలిగిపోయ్యేందుకు వీలేర్పడింది. పైగా దీనిని ఓ విధంగా కృత్రిమ గర్భధారణగా కాకుండా అసలైన వీర్యకణాల గుర్తింపుతో సహజమైన గర్భధారణకు దారితీసే పద్ధతిగా పరిశోధకులు పేర్కొంటున్నారు. దీని వల్ల భవిష్యత్తులో సామాజిక దాంపత్యపరమైన సమస్యలకు కూడా తావులేకుండా ఉంటుందని వారు తమ వ్యాసంలో తెలిపారు.  

మన తెలంగాణ/హైదరాబాద్: కేంద్ర ప్ర భుత్వ విధానాలు పత్తి రైతుల పాటి శాపాలుగా మారుతున్నాయని మంత్రి తుమ్మల ఆగ్రహాం వ్యక్తం చేశారు. పత్తి కొనుగోలు నిబంధనలు మార్చాలని సోమవారం కేం ద్ర మంత్రి గిరిరాజ్ సింగ్, సిసిఐ చైర్మన్ లలి త్ కుమార్ గుప్తాకు లేఖ రాశారు. ఈ సందర్భంగా మంత్రి మాట్లాడుతూ అమెరికా ఒత్తిళ్లకు తలొగ్గి, ఇప్పటికే పత్తిపై ఎత్తివేసిన సుంకాల వల్ల, పత్తి రైతులకు గిట్టుబాటు ధర రావట్లేదన్నారు. సిసిఐ ద్వారా రైతులు మద్ధతు ధరకు అమ్ముకోవచ్చు అనుకుంటే కిసాన్ కపాస్ లో రిజిస్ట్రేషన్, జిన్నింగ్ మిల్లులో ఎల్1, ఎల్2 అని విభజించి, రైతులకు సమీపంలో ఉన్న జిన్నింగ్ మిల్లు వస్తుందో, రాదో అన్న సంశయంలో ఉంచారని, తేమ 8 నుంచి -12 శాతం మాత్రమే అంటూ ఇష్టారీతిన నిబంధనలు పెట్టారని మండిపడ్డారు.

రైతులు ఎంతో వ్యయప్రయాసల కోర్చి, సిసిఐ నిబంధనలన ప్రకారం కొనుగోలుకు తీసుకెళుతుంటే, ఇప్పుడు కొత్తగా ఎకరానికి 7 క్వింటాళ్ల పరిమితి విధించడం కేంద్ర ప్రభుత్వ ద్వంద్వ ప్రమాణాలను తెలియజేస్తుందని మంత్రి ఆరోపించారు. దేశంలో పత్తి రైతులు సుమారు కోటి మంది ఉన్నారని, రాష్ట్రంలో 44 లక్షల మంది వారి కమతాలు సగటున 1 నుండి 3 ఎకరాలు మాత్రమే అని మంత్రి తెలిపారు. ఇప్పటికే అధిక వర్షపాతం, తుపాన్ వలన పంట దెబ్బతిందని, తేమ 12 శాతం కంటే తక్కువ తీసుకురావడానికి రైతులు నానాతంటాలు పడుతున్నారని మంత్రి వివరించారు. కేంద్ర చౌక ధరలను, సబ్సిడి దిగుమతులకు అనుమంతించడం వలన మార్కెట్లో పత్తి రేటు ఆరు వేలకు పడిపోయిందని, ఈ క్రమంలో సిసిఐ మీద భరోసా ఉంచి రైతులు పత్తిని సిసిఐకు తీసుకొస్తుంటే సిసిఐ ప్రవేశ పెట్టిన నూతన నిబంధన రాష్ట్ర పత్తి రైతులకు ఆశనిపాతం లాంటిదన్నారు.

డైరెక్టరేట్ ఆఫ్ ఎకనమిక్స్ స్ట్రాటిస్టిక్స్ అంచనాల ప్రకారం రాష్ట్రంలో సరాసరి దిగుమతి 7 క్వింటాళ్లు ఉంటుందని, రైతు వద్ద అంతకంటే ఎక్కువ కొనమనడం ఏ మాత్రం సహేతుకం కాదని చెప్పడం కేంద్ర ప్రభుత్వానికి రైతుల పట్ల ఉన్న చిత్తశుద్దికి నిదర్శనమన్నారు. తెలంగాణలో పత్తి వర్షాధారంగా చెల్క నేలల్లో ఇప్పటికీ పండిస్తూనే ఉన్నారని, ఎకరానికి 4 నుంచి 5 క్వింటాళ్లు మాత్రమే వస్తుందని చెపుతున్నారని, నల్లరేగళ్లలో ఎకరానికి 15 క్వింటాళ్ల దిగుబడి తీస్తున్న రైతులు కూడా ఉన్నట్లు మంత్రి చెప్పారు. ఇటువంటి నిబంధనలతో రైతులను గోస పెట్టడం సరికాదన్నారు. కేంద్రం ఒకవైపు సుంకాలు ఎత్తివేసి, బహిరంగ మార్కెట్లో పత్తికి ధర పతనమయ్యేలా చేసిందని, ఇంకోవైపు సిసిఐ ద్వారా సవాలక్ష కొర్రీలు పెట్టిందని మంత్రి తుమ్మల పేర్కొన్నారు. రైతాంగ ప్రయోజనాలు దృష్టిలో పెట్టుకొని సిసిఐ, కేంద్ర ప్రభుత్వం పెట్టిన ఎకరానికి 7 క్వింటాళ్ల నిబంధనను ఎత్తివేసి పాత పద్దతిలో పత్తి కొనుగోలు చేయాలని మంత్రి కోరారు. తేమ 20 శాతం ఉన్న పత్తిని సైతం సిసిఐ అధికారులు కొనుగోలు చేసే విధంగా చర్యలు చేపట్టాలని, జిన్నింగ్ మిల్లర్ల సమస్యలను వెంటనే పరిష్కరించాలని కేంద్ర ప్రభుత్వానికి మంత్రి తుమ్మల విజ్ఞప్తి చేశారు. దీంతో పాటు దిగుమతి సుంకాలు ఎత్తివేయడంపై పునరాలోచన చేయాలని మంత్రి కోరారు.

మనతెలంగాణ/హైదరాబాద్: జూబ్లీహిల్స్‌లో కాం గ్రెస్‌కు ఓటు వేయకపోతే పథకాలను రద్దు చేస్తాన ని సిఎం రేవంత్‌రెడ్డి అంటున్నారని బిఆర్‌ఎస్ వ ర్కింగ్ ప్రెసిడెంట్ కెటిఆర్ మండిపడ్డారు. నీ అ య్య సొమ్మా.. నీ అబ్బ సొమ్మా.. ఎవడి సొమ్మని ఇయ్యనంటున్నారు.. జూబ్లీహిల్స్‌లో తమ అభ్యర్థి మాగంటి సునీతను గెలిపిస్తే రేవంత్‌రెడ్డి గల్లా పట్టి పథకాలు ఇప్పిస్తాం అంటూ ఘాటు వ్యాఖ్యలు చే శారు.. భర్త చనిపోయిన మాగంటి సునీత మ్మ ఏడి స్తే ఆరోపణలు చేస్తారా? అని మండిపడ్డా రు. జూ బ్లీహిల్స్ ఉప ఎన్నిక ప్రచారంలో భాగంగా బిఆర్‌ఎస్ అభ్యర్థి మాగంటి సునీతకు మద్దతుగా బోరబండలో సోమవారం కెటిఆర్ రోడ్ షో నిర్వహించారు. ఈ సందర్భంగా కెటిఆర్ మాట్లాడుతూ.. గత అసెంబ్లీ ఎన్నికల్లో ఒక్క ఛాన్స్ అంటూ వచ్చి రాష్ట్రాన్ని భ్రష్టు పట్టించారని రేవంత్ రెడ్డిపై తీవ్ర ఆగ్రహం వ్యక్తం చేశారు.

మళ్లీ ఇప్పుడు ఒక్క ఛాన్స్ ఇవ్వాలని జూబ్లీహిల్స్‌లో అడుగుతున్నారని అన్నారు. అలా ఒక్క చాన్స్ ఇచ్చినందుకే.. నెంబర్ వన్‌గా ఉన్న తెలంగాణ చివరి స్థానానికి పడిపోయింది.. రేవంత్ రెడ్డికి ఒక్క ఛాన్స్ ఇచ్చినందుకే క దా 160 మందికి పైగా ఆటో డ్రైవర్లు ఆత్మహత్య చేసుకున్నారని ఆవేదన వ్యక్తం చేశారు. ఒక్క ఛాన్స్ ఇస్తేనే హైదరాబాద్‌ను భ్రష్టుపట్టించి, రియల్ ఎస్టే ట్ నాశనం చేశారని ఆగ్రహం వ్యక్తం చేశారు. కాం గ్రెస్ రౌడీయిజానికి జూబ్లీహిల్స్ నుంచే ప్రజలు చరమగీతం పాడబోతున్నారని తెలిపారు. అధికారంలోకి రావడానికి నోటికొచ్చిన హా మీలు ఇచ్చిన రేవంత్ రెడ్డి.. తర్వాత ఒక్క హామీని కూడా నెరవేర్చలేదని ఆగ్రహం వ్యక్తం చేశారు.

ఏడాదిలో రెండు లక్షల ఉద్యోగాలు ఇస్తామని ప్రకటించిన కాంగ్రెస్.. రెండేళ్లలో రాష్ట్రాన్ని లూటీ చేయడం తప్ప.. నోటిఫికేషన్ ఇవ్వలేదని మండిపడ్డారు. తన కుర్చీ కాపాడుకునేందుకు రాహుల్ గాంధీకి రేవంత్‌రెడ్డి వందల కోట్లు పంపిస్తున్నారని కెటిఆర్ ఆరోపించారు. ఢిల్లీకి పంపేందుకు డబ్బు లు ఉన్నాయి కానీ.. పేదలకు ఇచ్చిన హామీలు నెరవేర్చేందుకు డబ్బులు లేవా..? అని నిలదీశారు.

మన తెలంగాణ/హైదరాబాద్: రాష్ట్ర రాజకీయాల్లో బిజెపి కేంద్ర బిందువుగా మా రిందని కేంద్ర బొగ్గు గ నుల శాఖ మంత్రి కిషన్ రెడ్డి తెలిపారు. సోమవా రం పార్టీ రాష్ట్ర అధికార ప్రతినిధి ఎన్‌వి సుభాష్, పార్టీ సీనియర్ నాయకుడు ప్రకా ష్‌రె డ్డితో కలిసి ఆయన మీడియాతో ఇష్టాగోష్టిగా మాట్లాడారు. ముస్లిం ఓట్లను ఆకర్షించేందుకు అజ హరుద్దీన్‌ను కేబినెట్‌లోకి తీసుకున్నారని కిషన్ రెడ్డి అన్నారు. టిడిపి, జనసేన పార్టీలూ ఎన్డీయే భాగస్వామ్యపక్షాలు కాబట్టి జూబ్లీహిల్స్‌లో తమ పార్టీ అభ్యర్థికి మద్దతునిస్తున్నాయని తెలిపారు. ఎపి డి ప్యూటీ సీఎం పవన్ కళ్యాణ్‌ను ప్రచారం చేయాల్సిందిగా కోరలేదన్నారు. సినీ నటుడు మెగాస్టార్ చిరంజీవి గురించి ఫ్రశ్నించగా, ‘చిరు’ ప్రధాని నరేంద్ర మోడికి అభిమాని అని ఆయన తెలిపారు.

ఎన్నికలకు ఇంకా మూడేళ్ళ గడువు ఉన్నా, ఐదు వందల రోజుల్లో ఎన్నికలు వస్తాయని బిఆర్‌ఎస్ వర్కింగ్ ప్రెసిడెంట్ కెటిఆర్ కలలు కంటున్నార ని ఆయన విమర్శించా రు. మునుగోడు ఉప ఎన్నికల్లో ప్రచారం చే సిన కెసిఆర్, ఇప్పుడు జూబ్లీకి ఎందుకు రా వడం లేదని ప్రశ్నించా రు. బిఆర్‌ఎస్-, కాంగ్రెస్ బంధం ఉందనడానికి తాజా ఉదాహరణగా కెటిఆ ర్ రాహుల్ గాంధీని ఉద్ధేశించి ట్విట్టర్‌లో పేర్కొనడమేనని అన్నారు. జూబ్లీ ఎన్నిక కాంగ్రెస్‌కు రెఫరెండం కాదన్నారు. దానం నాగేందర్‌పై వేటు పడితే ఖైరతాబాద్ నియోజకవర్గానికి ఉప ఎన్నిక వస్తుందని, అప్పుడు అది కూడా తమ ఖాతాలో పడుతుందని ఆయన ధీమాగా చెప్పారు. కెకే సర్వే గురించి ప్రశ్నించగా, కెకే ఎవరో తనకు తెలియదన్నారు. పైగా ఆ సర్వే ఎక్కడి నుంచి చేశారు?, బాత్రూం నుంచి చేశారా?, బెడ్ రూం నుంచి చేశారా?, డ్రాయింగ్ రూం నుంచి చేశారా? అని ఆయన ఎదురు ప్రశ్నించారు.