Latest News

హిందుజా గ్రూప్ ఛైర్మన్ గోపీ చంద్ పి హిందుజా  (85) కన్నుమూశారు. వ్యాపార వర్గాల్లో ‘జిపి’ గా గోపీ చంద్ పి హిందుజా పేరు పొందారు. 2023 హిందుజా గ్రూప్ ఛైర్మన్ గా బాధ్యతలు చేపట్టారు. కొన్ని వారాలుగా అనారోగ్యంతో బాధపడుతున్నఆయన లండన్ లో చికిత్స పొందుతూ తుదిశ్వాస విడిచారని కుటుంబ సభ్యులు వెల్లడించారు.  

హైదరాబాద్: వికారాబాద్ జిల్లా తాండూరు వద్ద మరో కర్ణాటక ఆర్టీసి బస్సుకు ప్రమాదం జరిగింది. కరణ్ కోట్ సమీపంలో ఎదురుగా వస్తున్న సిమెంట్ లారీని కర్ణాటక ఆర్టీసి బస్సు ఢీకొంది. గుల్బర్గా నుంచి తాండూరు వైపు వస్తున్న సమయంలో ఈ ఘటన చోటు చేసుకుంది. ఈ ప్రమాదంలో డ్రైవర్, కండక్టర్ కు స్వల్ప గాయాలవ్వగా, ఓ ప్రయాణికుడికి తలకు గాయం అయింది. క్షతగాత్రులను ఆస్పత్రికి తరలించారు. స్థానికులు సమాచారం మేరకు పోలీసులు ఘటనా స్థలానికి చేరుకుని సహాయక చర్యలు చేపడుతున్నారు. వాహనాలను పక్కకు పోలీసులు తొలగించారు. బస్సు ప్రమాదాలు ఒకదానికొకటి వరుసగా జరుగుతుండడంతో తీవ్రంగా ఆశ్చర్యానికి, ఆవేదనకు గురిచేస్తున్నాయని పోలీసులు చెబుతున్నారు. 

అమరావతి: కృష్ణా జిల్లా తుఫాన్ ప్రభావిత ప్రాంతాల్లో మాజీ సిఎం వైసిపి జగన్ మోహన్ రెడ్డి పర్యటనలో అపశ్రుతి చోటు చేసుకుంది. ఉయ్యూరు మండలం గండిగుంట వద్ద ఆయన కాన్వాయ్ లోని వాహనాలు ఒకదానికొకటి ఢీకొని పలువురికి స్వల్ప గాయాలయ్యాయి. ఈ క్రమంలో ఆ దారిలో భారీగా ట్రాఫిక్ జామ్ ఏర్పడింది.

నాగర్కర్నూల్ జిల్లా అచ్చంపేట మండలంలో రోడ్డు ప్రమాదం జరిగింది. హజీపూర్ సమీపంలో శ్రీశైలం- హైదరాబాద్ రహదారిపై వేగంగా దూసుకొచ్చిన ఓ లారీ అదుపుతప్పి ఎదురుగా వస్తున్న కారును ఢీకొట్టింది. దీంతో కారు నుజ్జునుజ్జైంది. ఈ ప్రమాదంలో కారులో ప్రయాణిస్తున్న ముగ్గురు తీవ్రంగా గాయపడ్డారు. వెంటనే స్థానికులు అంబులెన్స్ కు ఫోన్ చేసి చికిత్స కోసం యెన్నం ఆస్పత్రికి తరలించారు. కారు డ్రైవర్తో పాటు ఇద్దరు మహిళల పరిస్థితి విషమంగా ఉన్నట్లు తెలుస్తోంది. సమాచారం అందుకున్న పోలీసులు ఘటనాస్థలానికి చేరుకుని పరిశీలించారు. ఈ ఘటనపై కేసు నమోదు చేసి దర్యాప్తు చేయనున్నట్లు పోలీసులు తెలిపారు.

కాగా, రాష్ట్రంలో తరచూ రోడ్డు ప్రమాదాలు జరుగుతుండటం ఆందోళన కలిగిస్తోంది. నిన్న వికారాబాద్ జిల్లాలో ఘోర రోడ్డు జరిగిన సంగతి తెలిసిందే. ఆర్టీసి బస్సును కంకర లోడ్ తో వెళ్తున్న టిప్పర్ ఢీకొట్టడంతో పెను విషాదం చెటుచేసుకుంది. ఈ ప్రమాదంలో ఏకంగా 19 మంది ప్రయాణికులు ప్రాణాలు కోల్పోయారు.

బికనీర్: సబర్మతి ఎక్స్‌ప్రెస్‌ రైలులో ఓ ఆర్మీ జవాన్ దారుణ హత్యకు గురయ్యాడు. ఈ విషాద సంఘటన ఆదివారం రాత్రి జమ్మూ తావి సబర్మతి ఎక్స్‌ప్రెస్‌లో జరిగింది. వివరాల్లో వెళితే.. జమ్మూ కాశ్మీర్‌లోని ఉధంపూర్‌లో విధులు నిర్వర్తిస్తున్న ఆర్మీ జవాన్‌ జిగ్నేష్ చౌదరి.. గుజరాత్‌లోని సబర్మతిలో ఉన్న తన ఇంటికి వెళ్లేందుకు సబర్మతి ఎక్స్‌ప్రెస్‌ ఎక్కాడు. అయితే, బెడ్‌షీట్ విషయంలో రైలు అటెండర్‌తో జవాన్‌కు గొడవ జరిగింది. ఇద్దరి మధ్య చోటుచేసుకున్న వాగ్వాదం ఏకంగా ప్రాణమే తీసింది. ఇద్దరి మధ్య మాటామాట పెరిగడంతో కోపంలో రెచ్చిపోయిన రైలు అటెండర్‌ కత్తితో జవాన్ పై దాడి చేశాడు. దీంతో తీవ్రంగా గాయపడిన జవాన్ మృతి చెందాడు. సమాచారం అందుకున్న రాజస్థాన్ బికనీర్ రైల్వే పోలీసులు నిందితుడి జుబైర్ మెమన్‌ ను అరెస్టు చేశారు. నిందితుడిపై కేసు నమోదు చేసి విచారిస్తున్నారు.