Latest News

క్వీన్స్‌లాండ్: భారత్-ఆస్ట్రేలియా మధ్య నాలుగో టి20లో టీమిండియా 11 ఓవర్లలో ఒక వికెట్ కోల్పోయి 88 పరుగులతో ఆటను కొనసాగిస్తోంది. అభిషేక్ శర్మ 21 బంతుల్లో 28 పరుగులు చేసి జంపా బౌలింగ్‌లో టిమ్ డేవిడ్‌కు క్యాచ్ ఇచ్చి వెనుదిరిగాడు. అభిషేక్- గిల్ తొలి వికెట్ పై 40 బంతుల్లో 56 పరుగులు చేశారు. ప్రస్తుతం క్రీజులో శుభ్‌మన్ గిల్(34), శివమ్ దూబే(17) పరుగులతో బ్యాటింగ్ చేస్తున్నారు. ఇప్పటికే సిరీస్‌లో ఇరు జట్లు చెరో ఒక మ్యాచ్ గెలిచాయి. 

జగద్గిరిగుట్ట: మేడ్చల్ మల్కాజ్ గిరి జిల్లా జగద్గిరిగుట్ట పోలీస్ స్టేషన్ పరిధిలో రోషన్ కుమార్ సింగ్(22)జరిగిన హత్య కేసును పోలీసులు ఛేదించారు. ప్రధాన నిందితుడు రౌడీ షీటర్ బాలశౌర్ రెడ్డి(21)తోపాటు సహకరించిన ఇద్దరు నిందితులు సయ్యద్ మహ్మద్(28), రేవో ఆదిత్య(26)లను అరెస్టు చేశామని బాలానగర్ డిసిపి కోటి రెడ్డి తెలిపారు. దాడిలో తీవ్రంగా గాయపడి మరణించిన రోషన్ కుమార్ సింగ్(22) గతంలో పలు కేసుల్లో నిందుతుడుగా ఉన్నాడు. ఇతని పై బాలానగర్ పోలీస్ స్టేషన్ లో రౌడీ షీట్ ఉందని వివరించారు. నిందితుల నుంచి హత్యకు ఉపయోగించిన కత్తి, ఒక ద్వి చక్ర వాహనం స్వాధీనం చేసుకున్నామన్నారు. నిందితులను అరెస్టు చేసి రిమాండ్ కు తరలించామని పోలీసులు వెల్లడించారు. జగద్గిరిగుట్ట పోలీస్ స్టేషన్ పరిధిలో ట్రాన్స్‌జెండర్‌ను అత్యాచారం చేసి డబ్బు చెల్లించే విషయంలో ఇద్దరు రౌడీ షీటర్ల మధ్య గొడవ జరడంతో ఒకరిని కత్తితో పొడిచి హత్య చేసిన విషయం తెలిసిందే. 

క్వీన్స్‌ల్యాండ్: ఐదు టి-20 సిరీస్‌లో భాగంగా ఇక్కడి కర్రారా ఓవల్ వేదికగా భారత్‌తో జరుగుతున్న నాలుగో టి-20 మ్యాచ్‌లో ఆస్ట్రేలియా టాస్ గెలిచి బౌలింగ్ ఎంచుకుంది. ఇప్పటివరకూ జరిగిన మూడు మ్యాచుల్లో తొలి మ్యాచ్ వర్షార్పణం కాగా, రెండో మ్యాచ్‌లో ఆస్ట్రేలియా, మూడో మ్యాచ్‌లో భారత్ విజయం సాధించాయి. దీంతో ఈ మ్యాచ్ ఇరు జట్లకు కీలకం కానుంది. ఈ మ్యాచ్‌లో గెలిచిన జట్టుకు సిరీస్‌ను కైవసం చేసుకొనే అవకాశం ఎక్కువగా ఉంటుంది. ఓడిన జట్టు ఐదో మ్యాచ్ కచ్చితంగా గెలిచి తీరాల్సిన పరిస్థితి ఉంటుంది. ఈ మ్యాచ్‌లో ఆస్ట్రేలియా జట్టులో నాలుగు మార్పులు చేయగా.. భారత్ అదే జట్టుతో బరిలోకి దిగుతోంది. ఇక తొలుత బ్యాటింగ్ ప్రారంభించిన భారత్ 2 ఓవర్లు వికెట్ నష్టపోకుండా 13 పరుగులు చేసింది. క్రీజ్‌లో గిల్ (2), అభిషేక్ (10) ఉన్నారు.

భోపాల్: భార్యపై అనుమానంతో ఆమె ముక్కు భర్త కోసిన సంఘటన మధ్యప్రదేశ్ రాష్ట్రం ఝుబా జిల్లాలో రానాపూర్ పోలీస్ స్టేషన్ పరిధిలో జరిగింది. పోలీసులు తెలిపిన వివరాల ప్రకారం… పడలా గ్రామంలో రాకేశ్(23), గీతా బాయ్(22) అనే దంపతులు నివసిస్తున్నారు. గుజరాత్‌లో దంపతులు కూలీ పనులు చేస్తూ జీవనం సాగిస్తున్నారు. భార్యకు వివాహేతర సంబంధం ఉందనే అనుమానంతో ఆమెతో భర్త గొడవకు దిగేవాడు. ఇద్దరు సొంతూరుకు వచ్చారు. ఆమెతో విడాకులు తీసుకుంటానని భర్త తన పలుమార్లు భార్యకు చెప్పాడు. మంగళవారం భర్త మద్యం సేవించి భార్యతో గొడవకు దిగాడు. ఇద్దరు మధ్య ఘర్షణ తారాస్థాయికి చేరుకోవడంతో బ్లేడ్ తీసుకొని భార్య ముక్కు కోశాడు. అనంతరం చేతులపై గాయాలు చేశాడు. కర్ర తీసుకొని ఆమెను చితకబాదాడు. స్థానికులు గమనించి వెంటనే ఆమెను స్థానిక ఆస్పత్రికి తరలించారు. ఆమె ఆరోగ్య పరిస్థితి నిలకడగా ఉందని ఆస్పత్రి వర్గాలు వెల్లడించాయి. భార్య ఫిర్యాదు మేరకు పోలీసులు కేసు నమోదు చేసి భర్తను అరెస్టు చేసి రిమాండ్‌కు తరలించారు. ముక్కు భాగం కిందపడిపోవడంతో కుక్కలు తిని ఉంటాయని అనుమానాలు వ్యక్తమవుతున్నాయి. ఆమె ముక్కుకు ప్లాస్టిక్ సర్జరీ అవసరం అవుతుందని వైద్యులు తెలిపారు. 

అహ్మదాబాద్: ప్రియుడితో కలిసి భర్తను చంపి అనంతరం మృతదేహాన్ని ఇంట్లోనే పాతి పెట్టింది. భర్త కనిపించడంలేదని స్థానిక పోలీస్ స్టేషన్‌లో ఫిర్యాదు చేసి పోలీసులకు దృశ్యం సినిమాను చూపించింది. 18 నెలల తరువాత నిందితులను పోలీసులు పట్టుకున్నారు. ఈ సంఘటన గుజరాత్ రాష్ట్రం అహ్మదాబాద్‌లోని సర్ఖేజ్ పోలీస్ స్టేషన్ పరిధిలో జరిగింది. జరిగింది. పోలీసులు తెలిపిన వివరాల ప్రకారం…. సమీర్ బిహారీ, రూబీ అనే దంపతులు ఫతేవాడిలో నివసిస్తున్నారు. గత నాలుగు సంవత్సరాల నుంచి ఇమ్రాన్ అనే వ్యక్తితో రూబీ వివాహేతర సంబంధం కొనసాగిస్తోంది. ఈ విషయం భర్తకు తెలియడంతో దంపతుల మధ్య గొడవలు జరుగుతున్నాయి. దీంతో భర్తను చంపాలని ప్రియుడితో ప్లాన్ వేసింది. ప్లాన్‌లో భాగంగా భర్త ఇంట్లో నిద్రిస్తున్న సమయంలో ఆమె ప్రియుడి, ఇద్దరు స్నేహితులతో కలిసి అతడి గొంతుకోసి హత్య చేశారు.

అనంతరం ఇంట్లోనే గోతి తొవ్వి మృతదేహాన్ని పూడ్చేశారు. అనంతరం మృతదేహం పూడ్చిన వద్ద సిమెంట్ వేశారు. తన భర్త కనిపించడంలేదని స్థానిక పోలీస్ స్టేషన్‌లో రూబీ ఫిర్యాదు చేసింది. ఫిర్యాదులో తన భర్త ముంబయికి వెళ్లాడని దృశ్యం సినిమా చూపించింది. పోలీసులు కేసు నమోదు చేసి వివిధ కోణాల్లో దర్యాప్తు జరిపారు. భర్త అదృశ్యమై 18 నెలల గడిచిన అతడి ఆచూకీ కనిపించడంతో పోలీసులు లోతుగా దర్యాప్తు ప్రారంభించారు. ఆమె ఇంటికి ఎవరు వచ్చి వెళ్తున్నారు అనే కోణంలో దర్యాప్తు ప్రారంభించారు. ఇమ్రానే అనే వ్యక్తితో రూబీ ఇంటికి వస్తున్నాడని విచారణలో తేలడంతో అతడిని పోలీసులు అదుపులోకి తీసుకొని తనదైన శైలిలో ప్రశ్నించారు. తానే హత్య చేశానని ఒప్పుకోవడంతో ఇంటికెళ్లి అస్థిపంజరం బయటకు తీసి డిఎన్‌ఎ టెస్టుకు పంపించారు. మృతుడు సమీర్ అని తేలడంతో ప్రియుడి, ప్రియురాలు, మరో ఇద్దరు స్నేహితులను అరెస్టు చేసి రిమాండ్‌కు తరలించారు.