Latest News

క్వీన్స్‌ల్యాండ్: ఆస్ట్రేలియాతో జరుగుతు ఐదు టి-20 మ్యాచ్‌ల సిరీస్‌లో భారత్ 2-1 తేడాతో ఆధిక్యంలో ఉంది. నాలుగో టి-20లో భారత్ విజయం సాధించడంలో శుభ్‌మాన్ గిల్ పాత్ర కూడా ఉంది. ఈ మ్యాచ్‌లో 39 బంతుల్లో 46 పరుగులు చేశాడు. దీంతో అతని స్ట్రైక్ రేటుపై విమర్శలు వస్తున్నాయి. ఈ నేపథ్యంలో మాజీ క్రికెటర్ ఇర్ఫాన్ పఠాన్ మద్దతు ఇచ్చారు.

‘‘శుభ్‌మాన్ నిర్లక్ష్యపూరిత షాట్లు ఆడటం లేదు. హిట్టింగ్ కంటే కూడా తన టైమింగ్‌పై దృష్టి పెడుతున్నాడు. ఇలా ఆడే అతడు బౌండరీలు సాధించాలని అనుకుంటున్నాడు. అది అతడి స్టైల్. గిల్ ఒత్తిడిలోనూ చక్కగా బ్యాటింగ్ చేశాడు. తర్వాత వచ్చిన సూర్యకుమార్ యాదవ్.. భారీ షాట్లు ఆడాడు. ఓ రెండు సిక్సులు కొట్టాడు. మంచి స్ట్రైక్ రేటుతో బ్యాటింగ్ చేశాడు. అలాగే గిల్‌కు సొంత పద్ధతి, స్టైల్ ఉన్నాయి’’ అని పఠాన్ అన్నారు.

దర్శకధీరుడు రాజమౌళి దర్శకత్వంలో సూపర్‌స్టార్ మహేశ్ బాబు ఓ సినిమా చేస్తున్న విషయం తెలిసిందే. ‘‘#SSMB29’’ అనే వర్కింగ్ టైటిల్‌తో ఈ సినిమా ప్రచారంలో ఉంది. ఈ సినిమా ప్రకటించినప్పటి నుంచి హైప్ మామూలుగా లేదు. ఎప్పుడు ఈ సినిమా నుంచి అప్‌డేట్ వస్తుందా అని అభిమానులు ఎంతగానో ఎదురుచూస్తున్నారు. కొద్ది రోజుల క్రితం ఓ లాకెట్‌తో సినిమా నుంచి చిన్న అప్‌డేట్ ఇచ్చారు రాజమౌళి. నవంబర్‌లో సినిమాకు సంబంధించిన అప్‌డేట్స్ ఇస్తామని తెలిపారు.

అయితే నవంబర్‌ రావడంతో 1వ తేదీన మహేశ్, రాజమౌళి మధ్య ఓ సరదా సంభాషణ జరిగింది. ఈ సినిమాలో పృథ్వీరాజ్ సుకుమారన్ ప్రతినాయకుడి పాత్ర పోషిస్తున్నారు. శుక్రవారం ఈ సినిమా నుంచి పృథ్వీరాజ్ లుక్‌ని విడుదల చేశారు. ఈ ఫస్ట్‌లుక్ హాలీవుడ్ రేంజ్‌లో ఉంది. ఒకేఒక్క ఫస్ట్ ‌లుక్‌తో సినిమాపై అంచనాలను పెంచేశారు రాజమౌళి. ఈ సినిమాలో పృథ్వీరాజ్ ‘కుంభ’ అనే పాత్రలో కనిపించనున్నట్లు రాజమౌళి పేర్కొన్నారు. ప్రస్తుతం ఈ ఫస్ట్‌లుక్ సోషల్‌మీడియాలో వైరల్ అవుతోంది. ఒక #GlobeTrotterగా తెరకెక్కుతున్న ఈ సినిమాకు సంబంధించిన అతి పెద్ద ఈవెంట్ ఈ నెల 15న జరగనుంది. ఈ సినిమాలో ప్రియాంక చోప్రా హీరోయిన్‌గా నటిస్తున్న విషయం తెలిసిందే.

మియాపూర్: జిహెచ్ఎంసి పరిధిలోని మియాపూర్ పోలీసు స్టేషన్ పరిధిలో అల్విన్ కాలనీ దగ్గర హ్యాష్ ఆయిల్ పట్టుకున్నారు. సోనియా అనే వ్యక్తి 1.6 కిలోలు గల హ్యాష్ ఆయిల్ ను  ఒరిస్సా నుండి హైదరాబాద్ కు తీసుకొస్తుండగా మాదాపూర్ ఎస్ఒటి పోలీసులు పట్టుకున్నారు. విశ్వనీయ సమాచారంతో మేరకు వీరిని పట్టుకున్నామని మాదాపూర్ ఎస్ఒటి టీమ్ వెల్లడించింది.  ఒరిస్సా కు చెందిన సోనియా హ్యాష్ అయిల్ సరఫరా చేస్తున్నాడని, అతనికి సహాయం చేస్తున్న ముగ్గురు వ్యక్తులను అదుపులోకి తీసుకున్నామని పోలీసులు వెల్లడించారు. ఒరిస్సా రాష్టానికి చెందిన సోనియా, ఎపికి చెందిన లక్ష్మి, దుర్గ ప్రసాద్, దుర్గగా గుర్తించామన్నారు. 1.6 కేజీల హ్యాష్ ఆయిల్ విలువ మూడు లక్షల రూపాయల వరకు ఉంటుందన్నారు. పోలీసులు కేసు నమోదు చేసి దర్యాప్తు చేస్తున్నారు. 

రామ్ చరణ్ హీరోగా బుచ్చిబాబు సానా దర్శకత్వంలో రూపొందిన చిత్రం ‘పెద్ది’. ఈ సినిమాపై అభిమానులు పెద్ద ఎత్తున అంచనాలు పెట్టుకున్నారు. ఇప్పటికే కొద్ది రోజుల క్రితం ఈ సినిమా నుంచి విడుదలైన ‘ఫస్ట్ షాట్’ విశేషంగా ఆకట్టుకుంది. గ్రామీణ ప్రాంతంలో స్పోర్ట్స్ బ్యాక్‌డ్రాప్‌లో ఈ పాన్ ఇండియా మూవీని దర్శకుడు బుచ్చిబాబు చిత్రీకరించారు. అయితే ఈ సినిమా నుంచి లేటెస్ట్ అప్‌డేట్ వచ్చింది. ‘చికిరి.. చికిరి’ అంటూ సాగే తొలి సింగిల్‌ని చిత్ర యూనిట్ విడుదల చేసింది.

ఈ సాంగ్‌లో లొకేషన్లు కానీ, రామ్ చరణ్ డ్యాన్స్‌ కానీ అదిరిపోయాయి. ఇక హీరోయిన్ జాన్వీ కపూర్ అందం ఈ సాంగ్‌లో ప్రత్యేక ఆకర్షణగా నిలిచింది. జానీ మాస్టర్ తనదైన శైలీలో పాటకి స్టెప్స్ కంపోజ్ చేశారు. ఈ పాటకు బాలాజీ లిరిక్స్ అందించారు. ఇక సినిమా విషయానికొస్తే.. మైత్రీ మూవీ మేకర్స్.. బ్యానర్‌పై తెరకెక్కిన ఈ సినిమాకు ఎఆర్ రహమాన్ సంగీతం అందిస్తున్నారు. శివ రాజ్ కుమార్, జగపతి బాబు, దివ్యేందు శర్మ ఈ సినిమాలో కీలక పాత్రలు పోషిస్తున్నారు. వచ్చే ఏడాది మార్చి 27న ఈ సినిమా పాన్ ఇండియా రేంజ్‌లో రిలీజ్ కానుంది.