Latest News – Page 193

న్యాయబద్ధంగా ఓటింగ్ జరగాలి: పొన్నం

December 14, 2025 by admin

హైదరాబాద్: ప్రజాస్వామ్యం పరిరక్షించబడాలంటే , రాజ్యాంగం విలువలు కొనసాగాలంటే ప్రశాంతంగా న్యాయబద్ధంగా ఓటింగ్ జరగాలని మంత్రి పొన్నం ప్రభాకర్ తెలిపారు. కానీ ఎన్నికల కమిషన్ ను తమ తాబేదారిగా మార్చుకొని భారతీయ జనతా పార్టీ దేశవ్యాప్తంగా వారికి వ్యతిరేకంగా ఓటు వేసేవారీ ఓటు తొలగించడంతో పాటు ఓటు చోరికి పాల్పడుతున్న పరిస్థితిని దేశ వ్యాప్తంగా కాంగ్రెస్ అగ్రనేత రాహుల్ గాంధీ స్పష్టంగా చెప్పడంతో జరిగిన విధానాన్ని కూడా లైవ్ లో చూపించారన్నారు. దేశ వ్యాప్తంగా ఓటు చోరికి వ్యతిరేకంగా చేపట్టిన సంతకాలతో ఆదివారం ఢిల్లీలో ర్యాలీ జరుగుతున్న సందర్భంగా పొన్నం సోషల్ మీడియాతో ఖాతాలో వీడియోను పోస్టు చేశారు. ఈ ర్యాలీకి అందరం వెళ్తున్నామని, ఇప్పటికైన ప్రభుత్వం ప్రజాస్వామ్యాన్ని కాపాడే ప్రయత్నం చేయాలని డిమాండ్ చేశారు. ప్రజాస్వామిక వాదులంతా ఇటువంటి అప్రజాస్వామిక చర్యలు ఖండించాలని కోరుతున్నామన్నారు. తెలంగాణ రాష్ట్రంలో నుంచి ఓటు చోరీ పై లక్షలాది సంతకాల సేకరణ చేసి ఢిల్లీలోని ఎఐసిసి ద్వారా రాష్ట్రపతి ద్రౌపది ముర్మూకు అందించడం జరుగుతుందని వివరించారు. రాజ్యాంగాన్ని ,ప్రజాస్వామ్యాన్ని కాపాడడానికి కాంగ్రెస్ పార్టీ అన్నివేళలా కంకణం కట్టుకొని ఉంటుందని చెప్పారు.

తరగతి గదిలో కుప్పకూలి విద్యార్థిని మృతి

December 14, 2025 by admin

అమరావతి: తరగతి గదిలో పాఠాలు వింటూ ఓ విద్యార్థిని కుప్పకూలిపోయి ప్రాణాలు విడిచింది. ఈ సంఘటన ఆంధ్రప్రదేశ్ రాష్ట్రం డాక్టర్ బిఆర్ అంబేడ్కర్ కోనసీమ జిల్లా రామచంద్రపురం ప్రాంతంలో జరిగింది. స్థానికులు తెలిపిన వివరాలప్రకారం … పసలపూడి గ్రామానికి చెందిన నల్లమిల్లి వెంకట్‌రెడ్డి, సుజాత్ దంపతులు నివసిస్తున్నారు. ఈ దంపతులకు సిరి(15) అనే కూతురు, కుమారుడు ఉన్నాడు. వివేకానంద పాఠశాలలో కుమారుడు ఎనిమిదో తరగతి చదువుతుండగా కూతురు పదో తరగతి చదువుతోంది. శనివారం ఉదయం తరగతి గదిలో టీచర్ పాఠాలు చెబుతుండగా అకస్మాత్తుగా బెంచీ పైనుంచి సిరి కిందపడిపోవడంతో వెంటనే ఆమెను స్థానిక ఆస్పత్రికి పాఠశాల సిబ్బంది తరలించారు. పరీక్షించిన వైద్యులు అప్పటికే బాలిక చనిపోయిందని తెలిపారు. నెల రోజుల క్రితం స్పృహతప్పి పడిపోవడంతో తల్లిదండ్రులకు సమాచారం అందించారు. వారు ఆస్పత్రి ప్రథమ చికిత్స అందిస్తే కోలుకుందని తల్లిదండ్రులు తెలిపారు.

బ్రౌన్ విశ్వవిద్యాలయంలో కాల్పులు: ఇద్దరు మృతి… 8 మందికి గాయాలు

December 14, 2025 by admin

న్యూయార్క్: అమెరికాలో మళ్లీ కాల్పుల కలకలం రేపింది. రోడ్డు ఐలాండ్‌లోని బ్రౌన్ విశ్వవిద్యాలయంలో ఫైనల్ ఎగ్జామ్స్ జరుగుతుండగా దుండగుడు కాల్పులకు తెగపడ్డాడు. ఇంజనీరింగ్ భవనంలో జరిగిన కాల్పుల్లో ఇద్దరు దుర్మరణం చెందగా 8 మంది గాయపడ్డారు. స్థానికుల సమాచారం మేరకు పోలీసులు ఘటనా స్థలానికి చేరుకొని దుండగుడి కోసం గాలింపు చర్యలు చేపట్టారు. క్షతగాత్రులను ఆస్పత్రికి తరలించారు. గాయపడిన వారిలో ఇద్దరి పరిస్థితి విషమంగా ఉన్నట్టు సమాచారం. ఫోన్లను సైలంట్ ఉంచుకోవడంతో పాటు డోర్లను లాక్ చేసుకోవాలని విద్యార్థులకు మేయర్, అధికారులు హెచ్చరించారు. ఈ ఘటనపై అమెరికా అధ్యక్షుడు డోనాల్డ్ ట్రంప్ దిగ్భ్రాంతి వ్యక్తం చేశాడు. మృతుల కుటుంబాలకు సంతాపం తెలిపారు. గాయపడిన వారు త్వరగా కోలుకోవాలని దేవుని ప్రార్థించారు.

రెండో విడత గ్రామ పంచాయతీ ఎన్నికల పోలింగ్ ప్రారంభం

December 14, 2025 by admin

మన తెలంగాణ/హైదరాబాద్: తెలంగాణ వ్యాప్తంగా రెండో విడత గ్రామ పంచాయతీ ఎన్నికల పోలింగ్ ప్రారంభమైంది. ఉదయం 7 గంటల నుంచి మధ్యాహ్నం ఒంటి గంట వరకు పోలింగ్ జరుగనుంది. ఓటర్లు తమ ఓటు హక్కు వినియోగించుకునేందుకు బారులు తీరారు. ఉదయ నుంచే పోలింగ్ కేంద్రాలకు ఓటర్లు భారీగా చేరుకుంటున్నారు. మధ్యాహ్నం 2 గంటల తర్వాత ఓట్ల లెక్కింపుతో పాటు ఉప సర్పంచ్ ఎన్నిక జరుగుతుంది. రెండో దశలో పోలింగ్ కోసం 38,337 పోలింగ్ కేంద్రాలు ఏర్పాటు చేశారు. ఈ విడతలో 193 మండలాలలో 4,333 సర్పంచి స్థానాలకు, 38,350 వార్డు స్థానాలకు ఎన్నిక లు జరుగనున్నాయి. కాగా, సర్పం చ్ స్థానాలకు 12,782 మంది అ భ్యర్థులు పోటీ పడుతుండగా, వార్డు స్థానాలకు 71,071మంది అభ్యర్థు లు పోటీ పడుతున్నారు. పంచాయతీ ఎన్నికలు ప్రశాంతంగా నిర్వహించేందుకు అధికారులు ఇప్పటికే ఏర్పాట్లు పూర్తి చేశారు. రెండో విడతలో 57,22,665మంది ఓటర్లు తమ ఓటు హక్కు వినియోగించుకోనున్నారని చెప్పారు. మొత్తం ఓటర్ల లో 27,96,006 మంది పురుషు లు, 29,26,306మంది మహిళ లు, ౧౫౩ మంది ఇతరులు ఉన్నారు. రెండో విడతలో 495 గ్రామాలలో సర్పంచి స్థానాలు, 8,307 వార్డు స్థానాలు ఏకగ్రీవమయ్యాయి.

రెండో విడత పంచాయతీ ఎన్నికల పోలింగ్ ప్రారంభం

December 14, 2025 by admin

దేశీయ క్రికెట్‌లో ఫిక్సింగ్ కలకలం..

December 14, 2025 by admin

ముంబై: మ్యాచ్ ఫిక్సింగ్ ఆరోపణలు దేశీయ క్రికెట్‌ను కుదిపేస్తున్నాయి. ఈ వ్యవహారంలో అమిత్ సిన్హా, ఇషాన్ అహ్మద్, అమన్ త్రిపాఠి, అభిషేక్ ఠాకూర్‌లను అస్సాం క్రికెట్ అసోసియేషన్(ఎసిఎ) గుర్తించి, విచారణ జరిపి నిర్ధారణ కావడంతో వారిపై తాత్కాలికంగా సస్పెన్సన్ వేటు వేసింది. ఆ నలుగురిపై ఎఫ్‌ఐఆర్ నమోదుకు ఆదేశించింది. నవంబర్ 26 నుంచి డిసెంబర్ 8 వరకు లక్నోలో జరిగిన సయ్యద్ ముస్తాక్ అలీ ట్రోఫీ -2025 లీగ్ మ్యాచ్‌ల సమయంలో సహచర ఆటగాళ్లను ప్రభావితం చేసేందుకు వారు ప్రయత్నించారన్న అనుమానాలే ఈ చర్యకు కారణమని తెలుస్తోంది.

ఈ విషయాన్ని అస్సాం క్రికెట్ అసోసియేషన్ కార్యదర్శి సనాతన్ దాస్ అధికారికంగా వెల్లడించారు. దర్యాప్తు పూర్తయ్యే వరకు సస్పెన్షన్ కొనసాగుతుందని ఆయన స్పష్టం చేశారు. ఇదే సమయంలో ఈ నలుగురిపై గువాహటిలోని క్రైమ్ బ్రాంచ్ పోలీస్ స్టేషన్‌లో ఎఫ్‌ఐఆర్ కూడా నమోదు చేశారు. ఈ వ్యవహారంపై బిసిసిఐ అవినీతి నిరోధక విభాగం ఇప్పటికే ప్రాథమిక విచారణ ప్రారంభించినట్లు తెలుస్తోంది. సస్పెండ్ అయిన ఆటగాళ్లలో అభిషేక్ ఠాకూర్ ఈ ఏడాది రంజీ ట్రోఫీలో అస్సాం తరఫున రెండు మ్యాచ్‌లు ఆడగా, మిగతా ముగ్గురు కూడా వివిధ స్థాయిల్లో అస్సాం జట్టుకు ప్రాతినిధ్యం వహించారు.

ఈ ‘బ్యాడ్ గాళ్స్’ చాలా మంచోళ్లు

December 14, 2025 by admin

ప్రశ్విత ఎంటర్‌టైన్‌మెంట్, నీలి నీలి ఆకాశం క్రియేషన్స్, ఎన్‌వీఎల్ క్రియేషన్స్ బ్యానర్స్‌పై అంచల్ గౌడ, పాయల్ చెంగప్ప, రోషిణి, యష్ణ, రోహన్ సూర్య, మొయిన్ ము ఖ్య తారాగణంగా ‘30 రోజుల్లో ప్రేమించడం ఎలా’ సినిమాతో మంచి విజయాన్ని అందుకున్న డైరెక్టర్ ఫణి ప్రదీప్ ధూళిపూడి దర్శకత్వంలో వస్తున్న మరో ఎంటర్‌టైనర్ చిత్రం ‘బ్యాడ్ గాళ్స్’. ‘కానీ చాలా మంచోళ్లు’ అనేది ట్యాగ్ లైన్. శశిధర్ నల్ల, ఇమ్మడి సోమ నర్స య్య, రామిశెట్టి రాంబాబు, రావుల రమేష్ ఈ చిత్రానికి నిర్మాతలు. అయితే ఈ చిత్రం క్రిస్మస్ పండుగ కానుకగా డిసెంబర్ 25న విడుదల చేస్తున్నారు. ఈ సందర్భంగా ఈ చిత్ర దర్శకుడు ఫణి ప్రదీప్ ధూళిపూడి మాట్లాడుతూ జాతి రత్నాలు, మ్యాడ్ లాంటి హిలేరియస్ చిత్రాలు అమ్మాయిలు చేస్తే ఎలా ఉంటుందో అలాంటి చిత్రం ‘బ్యాడ్ గాళ్స్’ అన్నారు.

నేడు మూడో టి20.. భారత్-దక్షిణాఫ్రికా మధ్య హోరాహోరీ

December 14, 2025 by admin

ధర్మశాల: సౌతాఫ్రికాతో ఐదు టి20ల సిరీస్‌లో భాగంగా రెండో టి20లో ఓడిన టీమిండియా మరో పోరుకు సిద్ధమైంది. ఆదివారం జరిగే మూడో టి20 ఇరు జట్లకు కీలకంకానుంది. ఈ మ్యాచ్‌లో ఎలాగైనా విజయం సాధించి సిరీస్‌లో ఆధిక్యంలోకి దూసుకెళ్లాలనే యోచనలో ఇరు జట్లు అమితమీకి సిద్ధమయ్యాయి. రెండో టి20లో ఆడిన జట్టునే సఫారీ టీమ్ మెనేజ్‌మెంట్ ఆడించాలనే యోచనలో ఉన్నట్లు తెలుస్తోంది. ఇక పేలవ ప్రదర్శనతో రెండో టి20లో ఓడిన టీమిండియా.. ఆ తప్పిదాలను సవరించుకొని మళ్లీ విజయాల బాట పట్టాలని భావిస్తుంది. తొలి రెండు మ్యాచ్‌లు ఏకపక్షంగా ముగియడంతో మూడో టి20 హోరాహోరీగా మారనుందనే క్రికెట్ అభిమానులు భావిస్తున్నారు.

బరిలోకి సంజూ..

తొలి రెండు టీ20ల్లో దారుణంగా విఫలమైన టీమిండియా ఓపెనర్, వైస్ కెప్టెన్ శుభ్‌మన్ గిల్‌పై వేటువేయనున్నట్టు తెలుస్తోంది. గిల్‌పై సర్వత్రా విమర్శలు వ్యక్తమవుతున్న నేపథ్యంలో అతన్ని పక్కకు పెట్టాలనే యోచిస్తున్నట్లు గౌతమ్ గంభీర్, టీమ్ మేనేజ్‌మెంట్ భావిస్తోంది. గాయం నుంచి కోలుకొని ఈ సిరీస్‌తోనే రీఎంట్రీ ఇచ్చిన గిల్ జరిగిన రెండు టి20ల్లో 4, 0 పరుగుల పేలవ ప్రదర్శన చేశాడు. గిల్ కోసం అసాధారణ ప్రదర్శన కనబర్చిన సంజూ శాంసన్‌ను పక్కనపెట్టినా తీరు మారకపోవడంతో ఈ మ్యాచ్‌కు సంజూను జట్టులోకి తీసుకోనున్నారు. 14 ఇన్నింగ్స్‌ల్లో ఓపెనింగ్ చేసిన గిల్ ఒక్క హాఫ్ సెంచరీ కూడా చేయలేదు. ఆసియా కప్‌లో పాకిస్థాన్‌పై చేసిన 47 పరుగులే గిల్‌కు బెస్ట్ స్కోరు. ఈ గణంకాల నేపథ్యంలోనే గిల్‌ను తప్పించి సంజూను ఓపెనర్‌గా కొనసాగించాలనే డిమాండ్ వ్యక్తమవుతోంది. కానీ గిల్ టీమిండియా మేనేజ్‌మెంట్ మరో అవకాశం ఇవ్వచ్చు. ఒకవేళ గిల్‌ను పక్కనపెడితే సంజూ ఓపెనర్‌గా బరిలోకి దిగడం ఖాయం.

సూర్యాపైనే అందరి కన్ను..

మరో ఓపెనర్ భారీ షాట్లతో విరుచుకుపడినా పెద్దగా పరుగులు రాబట్టలేకపోయాడు. మూడో టి20లో అతను చెలరేగాల్సి ఉంది. కెప్టెన్ సూర్యకుమార్ యాదవ్ పరిస్థితి మరి దారుణం. గతేడాదిగా అతను తీవ్రంగా తడబడుతున్నాడు. కనీసం ఈ మ్యాచ్‌లోనైనా బ్యాట్ ఝులిపించాల్సిన అవసరం ఉంది. నాలుగో స్థానంలో తిలక్ వర్మ పర్వాలేదనిపించాడు. గత మ్యాచ్‌లో భారీ హాఫ్ సెంచరీతో ఒంటరి పోరాటం చేశాడు. అక్షర్ పటేల్ తేలిపోయాడు. గాయం నుంచి కోలుకొని తొలి టి20లో సత్తా చాటిన హార్దిక్ పాండ్యా.. రెండో మ్యాచ్‌లో రాణించలేకపోయాడు. శివమ్ ధూబే కూడా చెప్పుకోదగ్గ ఇన్నింగ్స్ ఆడలేదు. జితేష్ శర్మ తన వంతు సహకారం అందిస్తున్నాడు. స్పెషలిస్ట్ స్పిన్నర్‌గా వరుణ్ చక్రవర్తీ సఫారీలు పరుగులు చేయకుండా కట్టడి చేస్తుండగా జస్ప్రీత్ బుమ్రా నిలకడగా రాణిస్తున్నాడు. అర్షదీప్ సింగ్ పేలవ బౌలింగ్ జట్టు పరాజయానికి కారణమయ్యాడు. ఇక మూడో టి20లో బాల్‌తో చెలరేగితే టీమిండియాకు విజయం సునయాసమనే చెప్పొచ్చు.

భారత జట్టు(అంచనా)..

శుభ్‌మన్ గిల్/సంజూ శాంసన్, అభిషేక్ శర్మ, సూర్యకుమార్ యాదవ్, హార్దిక్ పాండ్యా, శివమ్ దూబే, తిలక్ వర్మ, జితేష్ శర్మ, అక్షర్ పటేల్, జస్ప్రీత్ బుమ్రా, వరుణ్ చక్రవర్తీ, అర్‌సదీప్ సింగ్.

కోల్‌కతాలో మెస్సి టూర్ గందరగోళం.. స్టేడియం ధ్వంసం

December 14, 2025 by admin

సాల్ట్‌లేక్ స్టేడియంలో 10నిమిషాలే గడిపిన ఫుట్‌బాల్ దిగ్గజం

మైదానంలో విధ్వంసానికి దిగిన అభిమానులు

నేతలు, వివిఐపిల హడావుడి, సెల్ఫీల మోజులో చేజారిన పరిస్థితి

మెస్సితో పాటు అభిమానులకు సిఎం మమత క్షమాపణలు

విచారణకు ఆదేశం, నిర్వాహకుడి అరెస్ట్

కోల్‌కతా : ఫుట్‌బాల్ ప్రపంచ దిగ్గజ ఆటగాడు లియోనల్ మెస్సి కోల్‌కతా పర్యటన తీవ్ర గందరగోళానికి దారితీసింది. స్థానిక ప్రఖ్యాత సాల్ట్‌లేక్ స్టేడియంలో శనివారం నాటి చిరకాల ఎగ్జిబిషన్ మ్యాచ్ రభసకు దారితీసింది. 50 వేల మందికి పైగా తరలివచ్చిన మెస్సి అభిమానులు, ఫుట్‌బాల్ వీరాభిమానుల సందడితో మహానగరం హోరెత్తింది. స్థానిక వివేకానంద యువభారతి సాల్ట్‌లేక్ స్టేడియంలో కిక్కిరిసిన జనం కేకలు అరుపులు , దాదాపుగా అరాచక పరిస్థితితో విసిగెత్తిన మెస్సి కేవలం ఈ మ్యాచ్‌లో కొద్ది నిమిషాల పాటు ఆడినట్లుగా చేసి భద్రతావలయంతో కనీసం ఫ్యాన్స్ వైపు చూడకుండానే వెళ్లిపోయారు. మెస్సీ.. మెస్సీ.. అని ఒకవైపు నినదిస్తుండగానే ఆయన వెళ్లిపోయినట్లు గుర్తించిన అభిమానులు ఆగ్రహోదగ్రులయ్యారు. స్టేడియంలో విధ్వంసానికి దిగారు. కుర్చీలను , బారికేడ్లను విరగొట్టారు. మైదానంలోకి బాటిళ్లు విసిరివేశారు. వేలాది బెంగాలీ ఫుట్‌బాల్ అభిమానులకు చేదు అనుభవంగా మారింది. భారతీయ ఫుట్‌బాల్, స్థానిక ఫుట్‌బాల్ సంఘం ప్రత్యేకించి రాష్ట్ర ప్రభుత్వ అధికార యంత్రాంగం వైఫల్యం , నిర్వహణా ఏర్పాట్ల లోపాలతో మెస్సి పర్యటన ప్రహసనంగా మారింది. సరైన పోలీసు భద్రత లేకపోవడం, మ్యాచ్‌కు ప్రాధాన్యత ఇవ్వకపోవడం వంటి పలు కారణాలు బయటపడ్డాయి.

నేతలు, వివిపిఐపిల సెల్ఫీలతో చేజారిన పరిస్థితి

మ్యాచ్‌కు ముందు అక్కడ రాజకీయ నాయకులు వివిఐపిలు పెద్ద ఎత్తున భద్రతా సిబ్బంది, నిర్వాహకులు చేరుకోవడం, ప్రేక్షకులను పట్టించుకోకుండా వారిని కంట్రోల్ చేయకుండా వేదికపై, స్టేడియంలో సెల్ఫీలకు దిగుతూ ఉండటంతో పరిస్థితి దిగజారింది. దీనితోనే మెస్సీ తీవ్ర ఆగ్రహంతో అక్కడి నుంచి వెళ్లారు. మెస్సీ అర్థరాత్రి కోల్‌కతా రాక దశలో విమానాశ్రయంలో తరువాత తెల్లవారుజామున మ్యాచ్‌కు ముందు స్టేడియం వద్దకు ఆయనను చూసేందుకు జనం తరలివచ్చారు. స్టేడియంలో అర లక్ష మంది వరకూ మెస్సీ మెస్సీ అంటూ నినాదాలకు దిగారు. ఇక్కడి మెహన్ బగన్, డైమండ్ హార్బర్ ఇసికి చెందిన మాజీ ఫుట్‌బాల్ క్రీడాకారులు నెంబరు 10 జెర్సీలతో 35 నిమిషాల ఎగ్జిబిషన్ మ్యాచ్ ఆడారు. ఇందులో మెస్సి ఉన్నది కేవలం 20 నిమిషాలే . అయితే మెస్సీ వెళ్లిపోవడంతో ఫ్యాన్స్ ఇతరుల అరాచకం విచ్చలవిడిగా సాగింది. ఛెయిర్స్, ట్రాఫీలు , సిఎం ఎన్‌క్లోజర్‌లోని ఫర్నిచర్ అంతా ధ్వంసం అయింది.

నెల రోజుల జీతంతో ఇంతటి వెతలకా

నెలరోజుల జీతం పెట్టి, చివరికి ఇక్కడి రూ 200కు కూల్ డ్రింక్, మంచినీరు బాటిల్ తీసుకుంటే మెస్సీని చూడలేకపోయాం. ఇంతకూ రాజకీయ నాయకులు సెల్ఫీలు దిగేందుకు ఇక్కడి కార్యక్రమం ఏర్పాటు అయిందా? అని పలువురు ఫ్యాన్స్ నిలదీశారు. ప్రేక్షకులు ప్రశాంతంగా ఉండాలని కార్యక్రమ ప్రమోటర్ సతద్రు దత్తా గద్గద కంఠంతో వేడుకున్నా ఫలితం లేకుండా పోయింది.ఈ లోగానే మెస్సీ కోల్‌కతా పర్యటన ముగించుకుని హడావిడిగా హైదరాబాద్ చేరుకునేందుకు విమానాశ్రయానికి వెళ్లారు.

వెనుదిరిగివెళ్లిన షారూక్, మమత బెనర్జీ

స్టేడియంలో గందరగోళంతో అప్పటివరకూ వివేకానంద విగ్రహం వద్ద వేచి ఉన్న సూపర్‌స్టార్ షారూక్ ఖాన్ అక్కడి నుంచి జారుకున్నారు. ఈ లోగా క్రికెటర్ సౌరవ్ గంగూలీ అక్కడికి వచ్చారని వదంతులు విన్పించాయి. దీనితో జనం మరింతగా చెలరేగిపోయారు. కాగా వేదిక వద్దకు అప్పుడే బయలుదేరిన సిఎం మమత బెనర్జీ పరిస్థితి గురించి తెలియగానే మధ్యలోనే వెనకకు వెళ్లారు.

నిర్వాహకులు శతాద్రు దత్తా అరెస్టు

కార్యక్రమ నిర్వహణలో లోపాల కారణంగా కోల్‌కతా పోలీసులు శతాద్రు దత్తాను అరెస్టు చేశారు. స్టేడియంలో అశాంతికి కారణమని సుమోటోగా ఆయను బిధానగర్ పోలీసులు అదుపులోకి తీసుకున్నారని వెల్లడైంది. మెస్సీని హైదరాబాద్‌కు సాగనంపేందుకు విమానాశ్రయానికి వచ్చిన దశలోనే వెలుపల పోలీసులు ఆయనను అరెస్టు చేసి తీసుకువెళ్లారు.

మెస్సీకి మమత క్షమాపణ, దర్యాప్తునకు ఆదేశాలు

కోల్‌కతాలో మ్యాచ్ గందరగోళ పరిస్థితి పట్ల పశ్చిమ బెంగాల్ ముఖ్యమంత్రి మమత బెనర్జీ విచారం వ్యక్తం చేశారు. కలిగిన అసౌకర్యానికి మెస్సీకి క్షమాపణలు తెలిపారు. అసలు ఏం జరిగింది? నిర్వహణ లోపాలకు కారణం ఏమిటీ; ఎవరు బాధ్యుతలు తేల్చుకునేందుకు ఉతన్నత స్థాయి కమిటీని ఏర్పాటు చేస్తున్నట్లు ప్రకటించారు. మెస్సీకి, వేలాది మంది క్రీడాభిమానులకు, మెస్సీ ఫాన్స్‌కు తన ప్రగాఢ విచారం తెలియచేస్తున్నట్లు తెలిపారు.

నాలుగు నగరాల మెస్సి పర్యటన ఆరంభం

అర్జెంటీనా ఫుట్‌బాల్ సూపర్‌స్టార్ మెస్సికి కోల్‌కతా పర్యటన ఇది రెండోసారి. భారత్‌లో పర్యటనకు ‘గోట్’గా పేరు పెట్టారు. ఇందులో భాగంగా నాలుగు నగరాలు హైదరాబాద్, ముంబై, న్యూఢిల్లీ ల్లో ఆయన ఫుట్‌బాల్ మ్యాచ్‌లు ఉన్నాయి. వరుసక్రమం కోల్‌కతాతో ఆరంభం అయింది. భారతీయ ఫుట్‌బాల్ ప్రమాణాలు పడిపోతూ ఇప్పుడు తాజా ఫిఫా ర్యాంకింగ్‌లో 142వ స్థాయికి దిగజారింది.ఈ దశలో భారతీయ ఫుట్‌బాల్ అసోసియేషన్ మెస్సీ టూర్‌ను ముందస్తు భారీ ప్రణాళికతోనే ఖరారు చేసింది. ఓ వైపు రూ 4 వేల నుంచి రూ 12వేల వరకూ చివరికి కొందరు ఏకంగా రూ 20వేల వరకూ బ్లాక్‌మార్కెట్‌లో టికెట్లు కొనుక్కుని అతి కష్టం మీద స్టేడియంకు చేరారు. అయితే వారి ఆనందం మరి వారి అత్యుత్సాహంతోనే గందరగోళం వల్ల నీరుగారింది.