Latest News

అమరావతి: ప్రేమించి పెళ్లి చేసుకున్నాడు, మనస్పర్థలు రావడంతో భార్యను చంపి అనంతరం మృతదేహంతో పోలీస్ స్టేషన్‌లో లొంగిపోయాడు. ఈ సంఘటన ఆంధ్రప్రదేశ్ రాష్ట్రం బాపట్ల జిల్లాలో సంతమాగులూరు మండలంలో జరిగింది. పోలీసులు తెలిపిన వివరాల ప్రకారం…. ఏల్చూరు గ్రామానికి చెందిన వెంకటేశ్వర్లు, మాచవరానికి చెందిన మహాలక్ష్మి(28) ప్రేమించాడు. పెద్దలను ఒప్పించి ఇద్దరు ప్రేమపెళ్లి చేసుకున్నారు. దంపతుల మధ్య గత కొన్ని రోజుల నుంచి విభేదాలు రావడంతో వేర్వేరుగా ఉంటున్నారు. ఆదివారం తన భార్య ఉంటున్న మాచవరం గ్రామానికి వెళ్లాడు. అనంతరం భార్య తీసుకొని గ్రామ శివారులోకి వెళ్లాడు. ఇద్దరు మధ్య గొడవ తారాస్థాయికి చేరుకోవడంతో గొంతు నులిమి చంపేశాడు. అనంతరం మృతదేహాన్ని బైక్‌పై పెట్టుకొని పోలీస్ స్టేషన్‌లో లొంగిపోయాడు. పోలీసులు కేసు నమోదు చేసి దర్యాప్తు చేస్తున్నారు. 

నేలకొండపల్లి: ఖమ్మం జిల్లా నేలకొండపల్లి మండలం అనాసాగర్‌లో టెన్షన్‌తో సర్పంచ్ అభ్యర్థి చనిపోయాడు. అనాసాగర్ గ్రామంలో దామాల నాగరాజు స్వతంత్ర అభ్యర్థిగా నామినేషన్ దాఖలు చేశాడు. కానీ ఎన్నికల ప్రచారంలో ఒత్తిడితో అస్వస్థతకు గురికావడంతో ఆస్పత్రికి తరలించారు. పరీక్షించిన వైద్యులు అప్పటికే అతడు మృతి చెందాడని తెలిపారు. 

హైదరాబాద్: నిజామాబాద్ జిల్లాలో గ్రామ పంచాయతీ ఎన్నికల పోలింగ్ కొనసాగుతోంది. ఉదయం 9 గంటల వరకు 20.49 శాతం పోలింగ్ నమోదైంది. ఓటర్లు తమ ఓటు హక్కును వినిగియోగించుకునేందుకు బారులు తీరారు. ధర్పల్లి(20.99), దిచ్‌పల్లి(13.52), ఇందల్వాయి(19.95), జక్రాన్‌పల్లి(23), మక్లూర్(22.31), ముగ్పాల్(19.43), నిజామాబాద్ రూరల్(26.49), సిరకొండ(23.24) మండల్లాలో పోలింగ్ శాతం నమోదైంది. ఎనిమిది మండలాల్లో పంచాయతీ ఎన్నికల పోలింగ్ ప్రశాంతంగా జరుగుతుంది. వృద్ధులు సైతం పోలింగ్ కేంద్రాలకు చేరుకుని తమ ఓటు హక్కును వినియోగించుకుంటున్నారు. జిల్లా ఎన్నికల అధికారి, కలెక్టర్ టి.వినయ్ కృష్ణారెడ్డి మోపాల్, ముల్లంగి, ధర్మారం పోలింగ్ కేంద్రాలను సందర్శించి ఓటింగ్ తీరును, పోలింగ్ ఏర్పాట్లను పరిశీలించారు. ఎన్నికల పరిశీలకులు శ్యాంప్రసాద్ లాల్ సైతం మోపాల్, మాక్లూర్, గుండారం తదితర పోలింగ్ కేంద్రాలను సందర్శించి పోలింగ్ ప్రక్రియను పరిశీలించారు.

హైదరాబాద్: వనపర్తి జిల్లాలో గ్రామ పంచాయతీ ఎన్నికల పోలింగ్ కొనసాగుతోంది. ఉదయం 9 గంటల వరకు 25.4 శాతం పోలింగ్ నమోదైంది. ఓటర్లు తమ ఓటు హక్కును వినిగియోగించుకునేందుకు బారులు తీరారు. వనపర్తి మండలం(22.7), కొత్తకోట(25.6), మదానపూర్(27.1), అత్మకూర్(24.3), అమర్‌చింత(30.8), సిసికుంట(21) శాతం పోలింగ్ నమోదైంది. ఆరు మండలాల్లో పంచాయతీ ఎన్నికల పోలింగ్ ప్రశాంతంగా జరుగుతుంది. వృద్ధులు సైతం పోలింగ్ కేంద్రాలకు చేరుకుని తమ ఓటు హక్కును వినియోగించుకుంటున్నారు.