Latest News

ముంబయి: భార్యను పాము కాటుతో చంపేశాడు, అనంతరం తన భార్య పాము కాటుతో చనిపోయిందని నమ్మించి ఆమెకు భర్త అంత్యక్రియలు చేయించాడు. మూడు సంవత్సరాలు తరువాత నిందితుడిని పోలీసులు అరెస్టు చేసి రిమాండ్ తరలించారు. ఈ సంఘటన మహారాష్ట్రలోని బడ్లాపూర్ ప్రాంతంలో జరిగింది. పోలీసులు తెలిపిన వివరాల ప్రకారం…. బండ్లాపూర్ ప్రాంతంలో నీర్జా ఆంబేకర్-రూపేశ్ ఆంబేకర్ అనే దంపతులు నివసిస్తున్నారు. నీర్జా ఆంబేకర్ కాంగ్రెస్ పార్టీ మహిళా నేతగా పని చేస్తున్నారు. 2022లో నీర్జా ఆంబేకర్ హఠన్మారణం చెందారు. పాము కాటుతో చనిపోయిందని వైద్యుల నిర్థారించారు. దీంతో రేపేశ్ తన భార్యకు అంతక్రియలు జరిపించాడు. బడ్లాపూర్‌లోని ఓ హత్య కేసులో ఋషికేష్ దాళ్కేను పోలీసులు అరెస్టు చేసి విచారణ చేస్తున్నారు. పోలీసులు తనదైన శైలిలో ప్రశ్నిస్తుండగా నీర్జా ఆంబేకర్ హత్య కేసు వెలుగులోకి వచ్చింది.

రూపేశ్ ఆంబేకర్ తన భార్య నీర్జాను చంపాలని నిర్ణయం తీసుకున్నాడు. తన ముగ్గురు సహచరులు చేతన్ దుధానే, కునాల్ చౌధరీ, ఋషికేష్ చాళ్కేతో కలిసి హత్య చేయాలని ప్లాన్ వేసుకున్నాడు. భార్య హత్య బయటకు రాకూడదనే ఉదేశంతో విషపు పామును ఇంట్లోకి తీసుకొచ్చాడు. భార్యకు భర్త మసాజ్ చేస్తానని చెప్పి పాముతో ఎడమ కాలు మీద మూడు సార్లు కాటు వేయించాడు. సహజ మరణంగా చిత్రీకరించేందుకు ప్రయత్నించి సక్సెస్ అయ్యాడు. పోలీసులు సహజ మరణంగా భావించి ఎడిఆర్ నమోదు చేసి కేసును మూసివేశారు. నిందితులో ఒకడు ఋషికేష్ మరో హత్య కేసులో  పోలీసులకు చిక్కడంతో ఈ హత్య వెలుగులోకి వచ్చింది. పోలీసులు ముగ్గురును అదుపులోకి తీసుకొని ప్రశ్నించడంతో నిజాలు ఒప్పుకున్నాడు. వెంటనే ముగ్గురితో పాటు భర్తను అరెస్టు చేసి రిమాండ్‌కు తరలించారు. 

హైదరాబాద్: టీమిండియా బ్యాట్స్‌మెన్ తిలక్ వర్మ రికార్డు నెలకొల్పాడు. క్రికెట్ దిగ్గజం విరాట్ కోహ్లీ రికార్డును తిలక్ తన ఖాతాలో వేసుకున్నాడు. దక్షిణాఫ్రికాతో జరుగుతున్న సిరీస్‌లో తిలక్ బ్యాటింగ్‌లో విరవిహారం చేస్తున్నాడు. తొలి టి20ల్లో 32 బంతుల్లో 26 పరుగులు, రెండో టి20ల్లో 34 బంతుల్లో 62 పరుగులు, మూడో టి20ల్లో 34 బంతుల్లో 25 పరుగులు చేసి నాటౌట్‌గా ఉన్నాడు. అంతర్జాతీయ టి20 మ్యాచ్‌లలో 500 పరుగులు సాధించిన ఆటగాళ్ల జాబితాల్లో అత్యుత్తమ సగటు కలిగిన బ్యాటర్‌గా రికార్డు సృష్టించాడు. తిలక్ వర్మ 68 సగటుతో తొలి స్థానంలో ఉండగా విరాట్ కోహ్లీ 67.1 సగటుతో రెండో స్థానంలో ఉన్నాడు. వరసగా ఎంఎస్ ధోని(47.71), జెపి డుమిని(45.55) సగటు, సంగక్కర్(44.93)తో ఉన్నారు. 

అమరావతి: ధ్వజస్తంభాలకు అవసరమైన చెట్లను పెంచాలని నిర్ణయించామని టిటిడి చైర్మన్ బి.ఆర్. నాయుడు తెలిపారు. దేశంలోని ఆలయాలకు ధ్వజస్తంభాలను టిటిడి అందిస్తుందని అన్నారు. ఈ సందర్భంగా ఆయన మీడియాతో మాట్లాడుతూ..బోర్డు మీటింగ్ లో వాటన్నింటిపై చర్చిస్తామని, జనవరి 10 వరకు తిరుమలలోనే ఉంటానని తెలియజేశారు. ఏ సమస్యలున్నా తన దృష్టికి తీసుకురండని, పిఎసి వన్, పిఎసి3 సరిగా లేదని తన దృష్టికి వచ్చిందని బి.ఆర్. నాయుడు పేర్కొన్నారు. పలమనేరు దగ్గర 100 ఎకరాల స్థలాన్ని పరిశీలిస్తున్నామని, తిరుమల, తిరుపతిలో రోజుకో డిపార్ట్ మెంట్ ను తనిఖీ చేస్తున్నామని అన్నారు. అవసరమైన మౌలిక వసతులు కల్పించేందుకు సిద్ధంగా ఉన్నామని, 50 పాయింట్ల అజెండా ఉందని బి.ఆర్. నాయుడు స్పష్టం చేశారు.  

హైదరాబాద్: శుభ్‌మన్ గిల్‌తో పాటు కెప్టెన్ సూర్య కుమార్ యాదవ్ కూడా జట్టుకు భారంగా మారారు. ఇద్దరు ఫామ్‌లో లేకపోవడంతో జట్టు పలుమార్లు ఓటమిని చవిచూస్తోంది. తాజాగా సంజూ శామ్సన్‌ను కాదని గిల్‌కు అవకాశాలు ఇస్తున్నారు. గిల్ పేలవ ప్రదర్శనలు చేస్తున్నా కూడా అతడి జట్టులో స్థానంలో కల్పిస్తున్నారు. తన స్థానానికి న్యాయం చేయకపోవడంతో పాటు మరొకరి అవకాశాలపై దెబ్బపడుతున్నాయి. ఇప్పటికే గిల్‌పై క్రికెట్ అభిమానులు పీకల్లోతు కోపంగా ఉన్నారు. టి20 జట్టులో నుంచి గిల్‌ను తీసివేయాలని, మాజీ క్రికెటర్లు, క్రికెట్ పండితులు, అభిమానులు కోరుతున్నారు. బిసిసిఐ రాజకీయాలకు పాల్పడుతుందని క్రికెట్ అభిమానులు ఆగ్రహం వ్యక్తం చేస్తున్నారు. ఈ సందర్భంగా కెప్టెన్ సూర్యకుమార్ యాదవ్, వైస్ కెప్టెన్ గిల్‌కు అభిషేక్ శర్మ మద్దతుగా నిలిచాడు. టి20 ప్రపంచ కప్‌లో సూర్య, గిల్ గెలిపిస్తారని జోస్యం చెప్పాడు. ఇద్దరు ప్రపంచ కప్‌లో అదరగొడుతారని ధీమా వ్యక్తం చేశారు. ప్రపంచ కప్ కంటే ముందు కీలక ఇన్నింగ్స్‌లు ఆడుతారని తెలియజేశారు. గిల్‌తో కలిసి చాలా కాలంగా ఆడుతున్నానని, ఎలాంటి పిచ్‌లపైన అయినా గిల్ బ్యాటింగ్ చేయగలుగుతాడని నమ్మకం ఉంచాడు. అందరికీ అతడిపై నమ్మకం కలుగుతుందని అభిషేక్ స్పష్టం చేశారు. 

మూడో టి20ల్లో బౌలర్లు అద్భుతంగా బౌలింగ్ చేశారని కెప్టెన్ సూర్యకుమార్ యాదవ్ ప్రశంసించారు. ఫామ్‌లో లేనని, తనపై వస్తున్న విమర్శలకు స్పందించాడు. ఫామ్‌లో లేని విషయాన్ని అసలు తాను అంగీకరించానని, నెట్స్‌లో తాను అద్భుతంగా బ్యాటింగ్ చేస్తున్నానని సూర్య వివరణ ఇచ్చాడు. 

హైదరాబాద్: ఇద్దరు గొడవ పడుతుండగా మధ్యలోకి వెళ్లి ఓ యువకుడు మృతి చెందాడు. ఈ సంఘటన హైదరాబాద్ నగరంలోని టోలిచౌకి పోలీస్ స్టేషన్ పరిధిలో జరిగింది. పోలీసులు తెలిపిన వివరాల ప్రకారం… పారామౌంట్ కాలనీ గేట్ నంబర్‌లో అద్నాన్, బిలాల్ మధ్య గొడవ జరిగింది. సమాచారం తెలియడంతో అద్నాన్ సోదరుడు ఇర్ఫాన్ అక్కడికి చేరుకొని వారిని సముదాయించే ప్రయత్నం చేశాడు. బిలాల్ కత్తి తీసుకొని ఇర్ఫాన్‌ను పొడిచాడు. అతడు తీవ్రంగా గాయపడడంతో ఆస్పత్రికి తరలించారు. ఆస్పత్రిలో చికిత్స పొందుతూ ఇర్ఫాన్ చనిపోయాడు. మృతుడి కుటుంబ సభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. ఇంకా వివరాలు తెలియాల్సి ఉంది. 

వరంగల్: గుర్రం తన్నడంతో తీవ్రంగా గాయపడిన బాలుడు మృతి చెందాడు. ఈ సంఘటన వరంగల్ జిల్లాలో జరిగింది. పోలీసులు తెలిపిన వివరాల ప్రకారం… శివనగర్ పాడి మల్లారెడ్డినగర్‌కు చెందిన మిర్యాల గౌతమ్(12) బాబాయ్ నాగేంద్రతో కలిసి ఖిలా వరంగల్‌లోని ఏకశిల చిల్డ్రన్స్ పార్క్‌కు వచ్చాడు. పర్యాటకు సవారీ కోసం అక్కడ గుర్రాలు ఉన్నాయి. గుర్రాలపై సవారీ చేస్తుండగా బాలుడు వాటిని చూస్తున్నాడు. ఒక గుర్రం దగ్గర నిలబడ్డాడు. ఈ నెల 10న గుర్రం బాలుడిని తన్నడంతో అతడు తీవ్రంగా గాయపడ్డాడు. వెంటనే అతడిని స్థానిక ఆస్పత్రికి తరలించారు. అతడి ఆరోగ్య పరిస్థితి విషమంగా ఉండడంతో హైదరాబాద్‌కు తరలించి ఐసియులో ఉంచి చికిత్స అందిస్తున్నారు. ఆదివారం మృతి చెందినట్టు కుటుంబ సభ్యులు తెలిపారు. తండ్రి కృష్ణ ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.