International

దుబాయ్: విండీస్ తొలి టెస్టులో టీమిండియా ఘన విజయం సాధించినా టీమిండియా మూడో స్థానంలోనే కొనసాగుతోంది. ఇన్నింగ్స్ 140 పరుగుల తేడాతో వెస్టిండీస్‌ను చిత్తు చేసింది. వరల్డ్ టెస్ట్ ఛాంపియన్షిప్ 2025-27 సైకిల్లో భారత్‌కు ఇదిమూడోవిజయం. ఈ గెలుపుతో భారత్ ఖాతాలో 12 పాయింట్స్ చేరాయి. డబ్ల్యూటిసి 2027 పాయింట్స్ పట్టికలో భారత్ విజయాల శాతం 46.67 నుంచి 55.56 శాతానికి పెరిగింది. అయితే ర్యాంకింగ్స్‌లో మాత్రం ఎలాంటి మార్పులేదు. ప్రస్తుతం భారత్ మూడో స్థానంలో కొనసాగుతోంది. అయితే డబ్ల్యూటిసి ర్యాంకింగ్స్‌ను పాయింట్ల ద్వారా కాకుండా విజయాల శాతం ఆధారంగా లెక్కిస్తారు. ఈ సైకిల్ ముగిసే సమయానికి టాప్-2లో నిలిచిన జట్లు ఫైనల్ ఆడుతాయి. ప్రస్తుతం ఆలిస్ట్రేయా అగ్రస్థానంలో కొనసాగుతుంది. ఈ సైకిల్లో ఇప్పటి వరకు ఆడిన మూడు మ్యాచ్‌లకు మూడు గెలిచింది. దాంతో 100 విజయాల శాతంతో పాయింట్ల పట్టికలో అగ్రస్థానంలో నిలిచింది కంగారూల టీమ్.

అమరావతి:  అర్థరాత్రి అల్లుడిని పెళ్లి చేసుకుంటుండగా కూతురు అడ్డు రావడంతో ఆమెను కన్నతల్లి చంపడానికి ప్రయత్నించింది. ఈ సంఘటన ఆంధ్రప్రదేశ్ రాష్ట్రం తిరుపతి జిల్లా కెవిబిపురం మండలలో జరిగింది. పోలీసులు తెలిపిన వివరాల ప్రకారం… ఓ గ్రామంలో 18 ఏళ్ల బాలుడు, 15 ఏళ్ల బాలిక గాఢంగా ప్రేమించుకున్నారు. ఐదు నెలల క్రితం ఇద్దరు ప్రేమ వివాహం చేసుకున్నారు. బాలిక తండ్రి చనిపోవడంతో తన కూతురుతో కలిసి ఉంటుంది. ఈ క్రమంలో అల్లుడితో అత్త వివాహేతర సంబంధం పెట్టుకుంది. శుక్రవారం రాత్రి భార్య ఎదుట అల్లుడితో అత్త తాళ్లి కట్టించుకుంటుండగా కూతురు ఆపింది. అల్లుడితో కలిసి అత్త తన కూతురుపై దాడికి పాల్పడింది. రోకలి బండతో తలపై మోదడంతో ఆమె కేకలు విని స్థానికులు ఆమెను కాపాడి ఆస్పత్రికి తరలించారు. అత్త, అల్లుడుపై స్థానికులు ఆగ్రహం వ్యక్తం చేయడంతో పాటు వారిని చితకబాది చేసి పోలీసులకు అప్పగించారు.