International

హైదరాబాద్: రామ్ పోతినేని హీరోగా నటిస్తున్న లేటెస్ట్ చిత్రం ‘ఆంధ్ర కింగ్ తాలుకా’. అయితే గత ఏడాది విడుదలైన ‘డబుల్ ఇస్మార్ట్’ సినిమాతో డిజాస్టర్‌ని మూటగట్టుకున్నాడు రామ్. ఇప్పుడు ‘ఆంధ్ర కింగ్ తాలుకా’ సినిమాతో తిరిగి ఫామ్‌లోకి రావాలని భావిస్తున్నాడు. ఈ చిత్రంలో కన్నడ స్టార్ ఉపేంద్ర కీలక పాత్రలో నటిస్తున్నాడు. ఉపేంద్ర ఈ సినిమాలో ఉపేంద్ర స్టార్ హీరోగా నటిస్తుండగా.. అతని అభిమానిగా రామ్ నటిస్తున్నాడు. తాజాగా ఈ సినిమా టీజర్‌ని చిత్ర యూనిట్ విడుదల చేసింది.

తన అభిమాన హీరో కోసం ఎంత దూరమైన వెళ్లే ఫ్యాన్‌గా రామ్ ఈ టీజర్‌లో కనిపించాడు. హీరో కోసం ఫైట్లు చేయడం.. థియేటర్ వద్ద గోల చేయడం మనం ఈ టీజర్‌లో చూడొచ్చు. ఇక హీరోయిన్ భాగ్య శ్రీ బోర్సేతో లవ్ సీన్స్‌ కూడా ఆకట్టుకొనేలా ఉన్నాయి. చివర్లో ‘‘ఫ్యాన్.. ఫ్యాన్.. అని నువ్వు గుడ్డలు చించుకోవడమే కానీ.. నువ్వు ఒకడివి ఉన్నావని కూడా మీ హీరోకు తెలియదు.. ఏం బతుకులురా మీవీ.. చీచీ’’ అనే చెప్పే డైలాగ్‌తో టీజర్ ముగుస్తుంది. మొత్తానికి టీజర్ ఎనర్జిటిక్‌గా ఉంది. ఈ సినిమాతో రామ్ సూపర్హిట్ అంుకోవానలి ఫ్యాన్స్ కోరుకుంటున్నారు. ఇక ఈ సినిమాకు మహేశ్‌బాబు పి దర్శకత్వం వహించగా.. మైత్రి మూవీ మేకర్స్ బ్యానర్‌పై చిత్రాన్ని నిర్మించారు. మురళీ శర్మ, రాహుల్ రామకృష్ణ, విటివి గణేష్ తదితరులు కీలక పాత్రలు పోషించారు. నవంబర్ 28వ తేదీన ఈ సినిమా థియేటర్‌లో సందడి చేయనుంది. 

న్యూఢిల్లీ: వెస్టిండీస్‌తో జరుగుతున్న రెండో టెస్ట్ మ్యాచ్‌లో భారత ఓపెనర్ యశస్వీ జైస్వాల్ అద్భుత ప్రదర్శన చేశాడు. అదిరిపోయే ఫామ్‌లో ఉన్న అతడు సెంచరీ సాధించి తన సత్తా నిరూపించుకున్నాడు. అయితే దాన్ని డబుల్ సెంచరీగా మార్చడంలో మాత్రం విఫలమయ్యాడు. 175 పరుగుల వద్ద రనౌట్ అయ్యాడు. రెండో రోజు ఆట అనంతరం అతడు మాట్లాడుతూ.. రనౌట్ కావడంలో ఆటలో భాగమే అని.. అందుకు తనకు ఎలాంటి బాధ లేదని పేర్కొన్నాడు. ఈ క్రమంలో జైస్వాల్‌పై ప్రశంసల జల్లు కురుస్తోంది. టీం ఇండియా క్రికెట్ దిగ్గజం సునీల్ గవాస్కర్ కూడా జైస్వాల్‌ని తనదైన శైలీలో కొనియాడారు.

సాధారణంగా టెస్టుల్లో సెంచరీ చేస్తే.. దాన్ని డాడీ హండ్రెడ్స్ అని అంటారు. అయితే జైస్వాల్ చేసిన సెంచరీ తనకు గ్రాండ్‌డాడీ హండ్రెడ్స్డ్‌తో సమానమని అన్నారు. రెండో రోజు ఆట ముగిసిన తర్వాత జైస్వాల్‌తో గవాస్కర్ చిట్‌చాట్ చేశారు. ఈ సందర్భంగా హర్ష భోగ్లే మాట్లాడుతూ ‘‘అద్భుతంగా ఆడావు. నీ బ్యాటింగ్‌ను మేమంతా ఆస్వాదించాం. ఇన్నింగ్స్ ఎలా ముగిసిందనేది పట్టించుకోవద్దు. నీ ఆటను చూడటం చాలా బాగుంది’’ అని అన్నాడు. అనంతరం గవాస్కర్ స్పందిస్తూ.. ‘‘హర్షా చెప్పిన మాటలకు నేను మరికొంత సమాచారం యాడ్ చేస్తున్నాడు. ఇలాగే ముందుకు సాగాలి. సెంచరీలు చేస్తూనే ఉండు. డాడీ హండ్రెడ్స్‌తో ఆగిపోవద్దు. వాటిని భారీ ఇన్నింగ్స్‌లుగా మార్చు. ఇప్పుడు నేను గ్రాండ్‌ఫాదర్‌ను. కాబట్టి నువ్వు చేసిన వాటిని గ్రాండ్‌డాడీ హండ్రెడ్స్‌గా భావిస్తా’’ అని పేర్కొన్నారు. దీనికి జైస్వాల్ స్పందిస్తూ ‘థాంక్యూ సర్’ అని అన్నాడు.

ఢిల్లీ: అరుణ్ జైట్లీ స్టేడియంలో భారత్-వెస్టిండీస్ మధ్య రెండో టెస్టు తొలి ఇన్నింగ్స్ మూడో రోజు విండీస్ జట్టు 81.5 ఓవర్లలో 248 పరుగులు చేసి ఆలౌటైంది. ప్రస్తుతం భారత జట్టు 270 పరుగుల ఆధిక్యంలో ఉంది. రవీంద్ర జడేజా, కుల్దీప్ యాదవ్ స్పిన్ మాయాజాలంలో పడి విండీస్ విలవిలలాడిపోయింది. విండీస్ బ్యాట్స్‌మెన్లలో ఒక్కరూ కూడా హాఫ్ సెంచరీ చేయలేదు. విండీస్ బ్యాట్స్‌మెన్లలో అలిక్ అతాంజే(41), చంద్రపాల్(34), సాయి హోప్(36), అండర్సన్ ఫిలీప్(24) నాటౌట్, ఖరీ పీరీ(23),  టెవిన్ ఇమ్లాచ్(21), జస్టిన్ గ్రీవ్స్(18), జయదీన్ సీల్స్(13) క్యాంప్ బెల్(10) పరుగులు చేయగా మిగిలిన బ్యాట్స్‌మెన్లు సింగిల్ డిజిట్‌కే పరిమితమయ్యారు. చివరలో టెయిలెండర్లు ఆదుకోవడంతో విండీస్ గౌరవ ప్రదమైన పరుగులు చేసింది. భారత బౌలర్లలో కుల్దీప్ యాదవ్ ఐదు వికెట్లు, రవీంద్ర జడేజా మూడు, జస్ప్రీత్ బుమ్రా, సిరాజ్ చెరో ఒక వికెట్ తీశారు. ఇప్పటికే ఈ సిరీస్‌లో భారత్ తొలి టెస్టు గెలిచి ముందంజలో ఉంది.

కొల్చారం: మెదక్ జిల్లాలో విషాదం చోటుచేసుకుంది. శనివారం అత్యాచారానికి గురైన మహిళ మృతి చెందింది. ఆస్పత్రిలో చికిత్స పొందుతూ మహిళ మృతి చెందింది. కొల్చారంలో మహిళను పని ఇప్పిస్తామని చెప్పి శివారులోకి తీసుకెళ్లి  ఆమెపై అత్యాచారానికి పాల్పడ్డారు. అనంతరం ఆమెను బండరాయికి కట్టేసి అక్కడి నుంచి దుండగులు పారిపోయారు. స్థానికులు గమనించి పోలీసులకు సమాచారం ఇచ్చారు. పోలీసులు ఘటనా స్థలానికి చేరుకొని ఆమెను ఆస్పత్రికి తరలించారు. ఆమె పరిస్థితి విషమంగా ఉండడంతో హైదరాబాద్ లోని గాంధీ ఆస్పత్రి తరలిస్తుండగా ఆమె చనిపోయింది. పోలీసులు కేసు నమోదు చేసి దర్యాప్తు చేస్తున్నారు. చుట్టుపక్కల ఉన్న సిసి కెమెరాలను పోలీసులు పరిశీలిస్తున్నారు. పోలీసులు కేసు నమోదు చేసి దర్యాప్తు చేస్తున్నారు.