International

హైదరాబాద్: నగరంలో న్యూ ఇయర్ వేడుకల్లో ఏటా పెద్ద ఎత్తున డ్రగ్స్ పట్టుబడతాయి. ఏడాది పొడవునా జరిగేు మత్తు పదార్ధాల వ్యాపారంలో 80-90 శాతం డిసెంబర్ జనవరి మధ్య జరుగుతుందని అంచనా. ఈ నేపథ్యంలో పోలీసులు తనిఖీలు ముమ్మరం చేశారు. తెలంగాణ డ్రగ్స్ సరఫరా చేస్తున్న ఆరుగుతు డ్రగ్ పెడ్లర్లను ఈగల్ టీమ్ పోలీసులు అరెస్ట్ చేశారు. నిందితుల నుంచి 330 గ్రాముల గంజాయి, 3 గ్రాముల కొకైన్, 11.5 గ్రాముల ఎండిఎంఎ స్వాధీనం చేసుకున్నారు. వరంగల్‌ జిల్లాలో ముగ్గురు గంజాయి సరఫరా దారులను అరెస్ట్ చేసి 80 గ్రాములు, మియాపూర్ పోలీస్ స్టేషన్ పరిధిలో 250 గ్రాముల గంజాయిని స్వాధీనం చేసుకున్నట్లు పోలీసులు తెలిపారు. నిందితులు ఎపి, తెలంగాణ మధ్య అంతర్రాష్ట్ర గంజాయి సరఫరాదారులుగా గుర్తించారు.

ఆది సాయి కుమార్ హీరోగా నటిస్తున్న లేటెస్ట్ చిత్రం ‘శంబాల’. యుగంధర్ ముని దర్శకత్వంలో తెరకెక్కిన ఈ సూపర్ నేచురల్ థ్రిల్లర్‌లో అర్చన అయ్యర్, స్వాసిక హీరోయిన్లుగా నటించారు. 1980ల నాటి శంబాల గ్రామంలో ఉల్కాపాతం తర్వాత జరిగే అతీంద్రియ సంఘటనల చుట్టూ కథ తిరుగుతుంది. భౌగోళిక శాస్త్రవేత్తగా ఆది సాయికుమార్ నటన ఆకట్టుకుంటుంది. రాజశేఖర్ అన్నభీమోజు, మహీధర్ రెడ్డి నిర్మిస్తున్న ఈ చిత్రం డిసెంబర్ 25న విడుదల కానుంది.

ఇప్పటికే విడుదలైన ఈ సినిమా ట్రైలర్ సినిమాపై అంచనాలను పెంచేసింది. తాజాగా ఈ సినిమా నుంచి ‘పదే.. పదే’ అంటూ సాగే పాటను విడుదల చేశారు. ‘శంబాల’ స్టోరీని కాస్త రివీల్ చేసేలా హీరో ఫ్యామిలీ గురించి, ఆ ఫ్యామిలీకి వచ్చిన కష్టం వివరించేలా ఇది సాగుతోంది. ఈ పాటని యామిని ఘంటశాల పాడగా.. కిట్టూ విస్సాప్రగఢ సాహిత్యం అందించారు. శ్రీచరణ్ పాకాలా అద్భుతమైన సంగీతం అందించారు. ఇప్పటికే ఈ సినిమా మంచి బిజినెస్ చేసినట్లు తెలుస్తోంది. అన్ని హక్కుల కొనుగోళ్లు పూర్తయినట్లు సమాచారం. మరి ఈ సినిమాతోనైనా.. ఆది సాయి కుమార్‌కి మంచి హిట్ పడుతుందో లేదో చూడాలి.

హారర్ సినిమాలంటే ఇష్టపడే వాళ్లు చాలా మందే ఉంటారు. ఎంత భయంగా ఉన్నా సరే.. కళ్లకు చేతులు అడ్డం పెట్టుకొని మరీ హారర్ సినిమాలు చూస్తుంటారు. అందుకే సినిమాల్లో హారర్ జోనర్‌ సినిమాకు ప్రత్యేక స్థానం ఉంది. పూర్తిస్థాయి హారర్ జోన్‌లో సినిమాను తెరకెక్కిస్తే.. అది మినిమం గ్యారెంటీగా ఆడుతుంది. అలా హారర్ జోనర్‌లో త్వరలో ప్రేక్షకుల ముందు రాబోతున్న చిత్రం ‘ఈషా’. త్రిగుణ్, హెబ్బాపటేల్ ప్రధాన పాత్రల్లో ఈ సినిమాలో నటిస్తున్నారు. ఇప్పటికే ఈ సినిమా నుంచి వచ్చిన అప్‌డేట్స్ అన్ని చాలా ఆకట్టుకున్నాయి. తాజాగా ‘ఈషా వార్నింగ్’ అనే పేరుతో ఈ చిన్న గ్లింప్స్‌ని విడుదల చేసింది చిత్ర యూనిట్. ఈ గ్లింప్స్‌లోని సన్నివేశాలు భయానకంగా ఉన్నాయి. ‘ఆత్మ అంటే అదేనేమో’ అంటూ హీరోయిన్‌ చెప్పే డైలాగ్‌ని బట్టి చూస్తే.. ఈ సినిమా ఇంకెంత భయంకరంగా ఉంటుందో అని హారర్ ప్రేమికులకు ఆసక్తిని పెంచుతోంది. శ్రీనివాస్ మన్నె దర్శకత్వంలో తెరకెక్కిన ఈ సినిమా డిసెంబర్ 25వ తేదీన ప్రేక్షకుల ముందుకు రానుంది.

టి-20 ప్రపంచకప్ కోసం 15 మంది సభ్యులతో కూడిన భారత జట్టును శనివారం ప్రకటించిన విషయం తెలిసిందే. ఈ జట్టులో శుభ్‌మాన్ గిల్‌ని తప్పించి అతడి స్థానంలో వైస్ కెప్టెన్ బాధ్యతలను అక్షర్ పటేల్‌కి అప్పగించారు. అంతేకాక.. అనూహ్యంగా జితేష్ శర్మపై వేటువేశారు. రెండేళ్లుగా జట్టుకు దూరంగా ఉంటున్న ఇషాన్ కిషన్‌ని జట్టులోకి తీసుకున్నారు. అయితే జితేష్‌ని తప్పించడంపై భిన్నాభిప్రాయాలు వ్యక్తమయ్యాయి. అయితే అతడిని జట్టులోకి ఎంపిక చేయకపోవడంపై చీఫ్ సెలక్టర్ అజిత్ అగార్కర్ స్పందించాడు. జట్టు కాంబినేషన్ల కోసమే జితీష్‌ను పక్కన పెట్టినట్లు అజిత్ తెలిపాడు.

‘‘జట్టు కాంబినేషన్ల కోసమే టి-20ల్లో వైస్ కెప్టెన్‌గా ఉన్న శుభ్‌మాన్ గిల్‌ను తప్పించాము. అదే విధంగా టాప్ ఆర్డర్‌లో ఆడే వికెట్ కీపర్ మాకు కావాలి. సంజూ శాంసన్ మాకు ప్రధాన వికెట్ కీపర్, ఓపెనర్‌గా ఉన్నాడు. సంజూకు బ్యాకప్ కీపర్, ఓపెనర్‌గా ఇషాన్ కిషన్ సరైనోడని భావించాము. అతడికి ఓపెనర్‌గా మంచి అనుభవం ఉంది. అందుకే జితేష్‌కు బదులు కిషన్‌ను జట్టులోకి తీసుకున్నాము. లోయార్డర్‌లో రింకూ సింగ్ ఫినిషర్‌గా ఉంటాడు. బ్యాటింగ్ ఆర్డర్‌లో జితేష్ స్థానాన్ని రింకూ భర్తీ చేస్తాడు. జితేష్ అద్భుతమైన ప్లేయర్ అయినప్పటికీ.. జట్టు కాంబినేషన్ కోసం ఈ నిర్ణయం తీసుకోక తప్పలేదు’’ అని అగార్కర్ పేర్కొన్నాడు.

సౌతాఫ్రికాతో జరిగిన ఐదు టి-20ల సిరీస్‌ని భారత్ 3-1 తేడాతో కైవసం చేసుకున్న విషయం తెలిసింది. దీంతో ఈ ఏడాదిని విజయంతో ముగించింది టీం ఇండియా. శనివారం అహ్మదాబాద్‌లోని నరేంద్ర మోడీ స్టేడయంలో జరిగిన ఆఖరి (ఐదో) టి-20లో సౌతాఫ్రికాన చిత్తు చేసి.. విమర్శకుల నోళ్లు మూయించింది సూర్యకుమార్ సేన.

అయితే సూర్య ప్రదర్శనలో మాత్రం మార్పు లేదు. కెప్టెన్‌గా బాధ్యతలు చేపట్టినప్పటి నుంచి బ్యాట్స్‌మెన్‌గా సూర్య విఫలమవుతున్నాడు. ఈ సిరీస్‌లో మొత్తంగా సూర్య చేసింది 34 పరుగులే. ఈ విషయంపై సూర్యమ్యాచ్ అనంతరం మాట్లాడాడు.. ‘‘ఈ సిరీస్‌లో ఎలా అడాలని అనుకున్నామో అలాగే ఆడి ఫలితాన్ని రాబట్టాము. మేమేమీ కొత్తగా ట్రై చేయలేదు. ప్రతి విభాగంలో పటిష్టం కావాలని భావించాం. దాని ఫలితం మీ ముందే ఉంది. దూకుడుగా ఆడాలని నిర్ణయించుకున్నాం. బుమ్రాతో పవర్‌ప్లేలో ఒక్క ఓవరే వేయించి.. డెత్ ఓవర్‌లో బౌలింగ్ చేయించాలని అనుకున్నాము. ఈ సిరీస్‌లో అన్ని ప్రయత్నించి చూశాము’’ అని సూర్య అన్నాడు. అయితే ‘‘సూర్య ది బ్యాటర్‌’’ని మాత్రం మేము మిస్సయ్యాము. అతడు ఎక్కడో తప్పిపోయాడు. త్వరలోనే స్ట్రాంగ్ కమ్‌బ్యాక్ ఇస్తాడు’’ అని సూర్యకుమార్ యాదవ్ బ్యాటర్‌గా వైఫల్యాన్ని ఒప్పుకున్నాడు. 

ఐసిసి టి-20 ప్రపంచకప్‌కి ఇంకా రెండు నెలల సమయం కూడా లేదు. 2026, ఫిబ్రవరి 7 నుంచి మార్చి 8 వరకూ ఈ టోర్నమెంట్ జరుగనుంది. ఇప్పటికే ఈ ప్రతి జట్టు ఈ మెగా టోర్నమెంట్ కోసం కసరత్తు ప్రారంభించాయి. మరోవైపు ఈ సారి టి-20 ప్రపంచకప్‌కి భారత్, శ్రీలంక ఆతిథ్యమిస్తున్నాయి. దీంతో శ్రీలంక బోర్డుతో సమన్వయం చేసుకుంటూ బిసిసిఐ ఏర్పాట్లు చేస్తోంది. తాజాగా ఈ టోర్నమెంట్‌లో పాల్గొనే 15 మంది సభ్యులతో కూడిన భారత జట్టును బిసిసిఐ ప్రకటించింది. ఇందులో శుభ్‌మాన్ గిల్‌కు చోటు దక్కలేదు. యువ వికెట్ కీపర్ జితేశ్ శర్మకి కూడా అవకాశం లభించలేదు.

ఇక సూర్యకుమార్ యాదవ్‌కి సారథ్య బాధ్యతలు అప్పగించగా.. వైస్ కెప్టెన్‌గా అక్షర్ పటేల్ వ్యవహరించనున్నాడు. మరోవైపు దాదాపు రెండు సంవత్సరాల తర్వాత ఇషాన్ కిషన్‌కు జట్టులో చోటు దొరికింది. 2023 నవంబర్‌లో ఇషాన్ చివరిగా టి-20 ఆడాడు. ఇటీవల జరిగిన సయ్యద్ ముస్తాక్ అలీ ట్రోఫీలో ఇషాన్ చెలరేగిపోయాడు. 517 పరుగులతో టోర్నమెంట్‌లో టాప్ స్కోరర్‌గా నిలిచాడు. ట్రోఫీ విజేతగా ఝార్ఖండ్ నిలవడంలో అతను కీలక పాత్ర పోషించాడు.

టి-20 ప్రపంచకప్‌కి భారత జట్టు:

సూర్యకుమార్ యాదవ్(కెప్టెన్), అక్షర్ పటేల్(వైస్ కెప్టెన్), అభిషేక్ శర్మ, హార్థిక్ పాండ్యా, శివమ్ దూబే, సంజు శాంసన్, తిలక్ వర్మ, రింకూ సింగ్, జస్ప్రీత్ బుమ్రా, హర్షిత్ రాణా, అర్ష్‌దీప్ సింగ్, కుల్దీప్ యాదవ్, వరుణ్ చక్రవర్తి, వాషింగ్టన్ సుందర్, ఇషాన్ కిషన్.