Breaking News,తాజా వార్తలు,State News

హైదరాబాద్: లక్డీకపూల్ లోని డిజిపి కార్యాలయంలో కొత్త డిజిపిగా బి. శివధర్ రెడ్డి బాధ్యతలు స్వీకరించారు. డిజిపి కార్యాలయంలోని ఛాంబర్లో శివధర్ రెడ్డి ప్రత్యేక పూజలు చేశారు. 1994 బ్యాచ్ కు ఐపిఎస్ అధికారి బి. శివధర్ రెడ్డి చెందారు. ఈ సందరర్భంగా డిజిపి మీడియాతో మాట్లాడుతూ.. స్థానిక సంస్థల ఎన్నికలు సజావుగా జరిగేందుకు ఏర్పాట్లు చేస్తామని, ఖాళీగా ఉన్న పోస్టులను త్వరగా భర్తీ చేయాలని ప్రభుత్వాన్ని కోరతామని అన్నారు. బేసిక్ పోలీసింగ్ సాయంతో సమర్థంగా విధులు నిర్వహిస్తామని, క్షేత్రస్థాయిలో సాంకేతికతను వినియోగించుకుంటామని తెలిపారు.

పోరాట మార్గం వీడేందుకు సిద్ధమని నక్సల్ నేత ఇటీవల లేఖ రాశారని, జనజీవన స్రవంతిలో కలవాలని నక్సల్ ను కోరుతున్నామని అన్నారు. లొంగిపోయిన నక్సల్ కు అన్ని రకాలుగా అండగా ఉంటామని, సమాజాభివృద్ధిలో భాగం కావాలని నక్సల్ ను కోరుతున్నామని డిజిపి పేర్కొన్నారు. పిఎస్ ల సంఖ్య కంటే పోలీసుల్లో నైపుణ్యాలు పెంచేందుకు చర్యలు తీసుకున్నామని, పోలీసుశాఖ ప్రత్యేక విభాగాల్లోని ఖాళీలను నిపుణులతో భర్తీ చేస్తామని, సామాజిక మాధ్యమాల్లో పోస్టులు చేసేవారు అప్రమత్తంగా ఉండాలని సూచించారు. నకిలీ వార్తల ప్రచారం, వ్యక్తిత్వ హననం చేస్తే కఠిన చర్యలు తప్పవని డిజిపి శివధర్ రెడ్డి హెచ్చరించారు.  

హైదరాబాద్: మూసీ అభివృద్ధి పేరుతో పేదల ఇళ్లు కూలుస్తున్నారని బిజెపి ఎంపి రఘునందనరావు తెలిపారు. రాష్ట్ర ప్రభుత్వం మూసీ జపం చేస్తోందని విమర్శించారు.  ఆయన మీడియాతో మాట్లాడుతూ.. నార్సంగిలో అక్రమ నిర్మాణాలు పెరుగుతున్నాయని, ఆదిత్య వింటేజ్ బంగ్లాను మూసీ పరివాహకంలో నిర్మాణం చేస్తున్నారని మండిపడ్డారు. ఈ ప్రభుత్వం వచ్చాక ఆదిత్య వింటేజ్ నిర్మాణం ఆపివేస్తామందని, ఆదిత్య వింటేజ్ విషయాన్ని సిఎం రేవంత్ రెడ్డి దృష్టికి టిపిసిసి చీఫ్ మహేష్ కుమార్ గౌడ్ వద్దకు తీసుకెళ్లాలని రఘునందన్ రావు అన్నారు. సర్వీస్ రోడ్డు ఆక్రమించి కట్టే భవనానికి హెచ్ఎండిఎ ఎట్లా అనుమతించిందని ప్రశ్నించారు. ఆదిత్య వింటేజ్ నిర్మాణాన్ని పూర్తిగా ఎఫ్ టిఎల్ లోనే నిర్మిస్తున్నారని, ఆదిత్య వింటేజ్ నిర్మాణాలపై సిఎం, హైడ్రా కమిషనర్ కు లేఖ రాస్తున్నానని తెలియజేశారు. ప్రభుత్వం స్పందించకుంటే కోర్టుకు వెళ్తాం అని హెచ్చరించారు. ఆదిత్య వింటేజ్ నిర్మాణంపై ఏ గద్ద వాలిందని.. ఎన్ని సూట్ కేసులు ఎత్తుకెళ్లిందని ఎంపి రఘునందనరావు ఎద్దేవా చేశారు. 

హైదరాబాద్ : ఒక్క గ్రూప్ వన్ ఉద్యోగం కూడా ఇవ్వని పార్టీ బిఆర్ఎస్ అని టిపిసిసి అధ్యక్షుడు మహేష్ కుమార్ గౌడ్ విమర్శించారు. బిఆర్ఎస్

ప్రభుత్వం ఒక్క రేషన్ కార్డు ఇచ్చిందా? అని మండిపడ్డారు. ఈ సందర్భంగా ఆయన మీడియాతో మాట్లాడుతూ..10 ఏళ్లు నిజాం నవాబులను

మించిన పాలన చేశారని, వందలకోట్ల అప్పులు పెట్టిన బిఆర్ఎస్ తమ గురించి మాట్లాడుతుందా? అని ప్రశ్నించారు. దళిత బంధును

ఎక్కడ అమలు చేశారని, ప్రజలకు ఇచ్చిన హామీలన్ని మాజీ సిఎం కెసిఆర్ నెరవేర్చారా? అని మహేష్ ప్రశ్నించారు. కాంగ్రెస్ హామీలపై

టిఆర్ఎస్ కు ప్రశ్నించే హక్కు లేదని ధ్వజమెత్తారు. బిఆర్ఎస్ వర్కింగ్ ప్రెసిడెంట్ కెటిఆర్ ఏ ముఖం పెట్టుకుని బాకీ కార్డులు

పంచుతున్నారని నిలదీశారు. స్థానిక సంస్థల ఎన్నికల్లో 80 శాతం సీట్లకు పైగా గెలుస్తామని సవాల్ విసిరారు. బిసి రిజర్వేషన్ల బిల్లును కేంద్రం దగ్గర

పెండింగ్ లో ఉన్నాయని తెలిజేశారు. బిజెపి కేంద్రమంత్రులు కిషన్ రెడ్డి, బండి సంజయ్, ఈటల రాజేందర్ లను ఎందుకు ప్రశ్నించలేదని అన్నారు.

యూరియాపై బిజెపిని బిఆర్ఎస్ ఎందుకు ప్రశ్నించడం లేదని మహేష్ కుమార్ గౌడ్ నిలదీశారు.

హైదరాబాద్:  డిజిపి జితేందర్ పదవీ విరమణ చేశారు. డిజిపిగా 14 నెలలపాటు జితేందర్ పనిచేశారు. రాష్ట్ర పోలీసులు డిజిపి జితేందర్ కు ఫేర్ వెల్ పరేడ్ పదవీ విరమణ కార్యక్రమం నిర్వహించారు. జితేందర్  వీడ్కోలు కార్యక్రమానికి కొత్త డిజిపి శివధర్ రెడ్డి హాజరయ్యారు. సైబర్ క్రైమ్ నార్కోటిక్స్ కఠిన చర్యలు చేపట్టామని డిజిపి జితేందర్ తెలిపారు. పోలీసుశాఖలో ఖాళీగా ఉన్న పోస్టులను భర్తీ చేశామని అన్నారు. అత్యాధునిక సాంకేతికత సాయంతో అనేక నేరాలు ఛేదించామని, కొన్ని సమస్యలను మానవతాకోణంలో పరిష్కరించామని చెప్పారు. బాధితులకు అండగా ఉండేందుకు పోలీసుశాఖ ఎల్లప్పుడూ సిధ్ధం అని కొత్త డిజిపి శివధర్ రెడ్డికి వివిధ విభాగాల్లో చాలా అనుభవం ఉందని తెలియజేశారు. తన అనుభవంతో అద్భుతంగా విధులు నిర్వహిస్తారని భావిస్తున్నానని అన్నారు. తనకు సహాయ, సహకారాలు అందించిన ప్రతి ఒక్కరికి ధన్యవాదాలు తెలిపారు. 33 ఏళ్ల పాటు పోలీసు సర్వీసులో ఉన్నానని, నేషనల్ పోలీస్ అకాడమీలో తనను ఎపి కేడర్ కు కేటాయించారని అన్నారు.

ఇక్కడి అధికారులు తనకు ఎంతో సహకరించారని, డిజిపిగా ఉన్న 15 నెలల్లో శాంతిభద్రతలు అదుపులోకి తెచ్చానని చెప్పారు. రాష్ట్రంలో నేరాల రేటు తగ్గించేందుకు పలు చర్యలు చేపట్టామని, రాష్ట్ర పోలీసులకు జాతీయస్థాయిలో మంచి గుర్తింపు వచ్చిందని కొనియాడారు. కామారెడ్డి, నిజామాబాద్ వరదల్లో అనేకమంది ప్రాణాలను కాపాడామని, నార్కోటిక్స్, సైబర్ క్రైమ్ నేరాల కట్టడికి నిరంతర కృషి చేస్తున్నామని అన్నారు. బెట్టింగ్ మాఫియాపైనా లోతుగా దర్యాప్తు చేస్తున్నామని, ఇండియా జస్టిస్ రిపోర్ట్ ప్రకారం తెలంగాణ మొదటిస్థానంలో ఉందని, నేరాల ఛేదనలో టెక్నాలజీ చాలా కీలకంగా మారిందని పేర్కొన్నారు. రాష్ట్రంలో 10 లక్షల సిసి కెమెరాలతో నిఘా ఉందని, సంచలనం సృష్టించిన పలు కేసులను 48 గంటల్లోనే ఛేదించామని స్పష్టం చేశారు. మరణించిన తల్లిని గుర్తుచేసుకుని కంటతడి పెట్టారు. 

హైదరాబాద్: తెలంగాణ రాష్ట్రంలో బతుకమ్మ సంబరాలు అంటేనే ఓ రేంజ్‌లో ఉంటాయి. ఆడబిడ్డలందరూ ఈ వేడుకను ఎంతో ఘనంగా జరుపుకుంటారు. సోమవారం అతి పెద్ద బతుకమ్మ రాష్ట్ర ప్రభుత్వం నిర్వహించింది. ఈ తెలంగాణ బతుకమ్మకు 2 గిన్నిస్ వరల్డ్ బుక్ రికార్డులు లభించాయి. 63 అడుగుల భారీ బతుకమ్మగా గిన్నిస్ రికార్డు నమోదైంది. దీంతో పాటు 1,354 మంది మహిళలతో అతి పెద్ద తెలంగాణ జానపద నృత్యంగా రికార్డు సాధించింది. 63 అడుగుల ఎత్తు గల బతుకమ్మని 11 అడుగుల వెడల్పుతో, 7 టన్నుల బరుపుతో ఏర్పాటు చేశారు. సరూర్‌నగర్ స్టేడియంలో జరిగిన ఈ వేడుకకు మంత్రులు జూపల్లి కృష్ణారావు, సీతక్క, హైదరాబాద్ మేయర్ గద్వాల విజయలక్ష్మి హాజరయ్యారు. మంత్రి సీతక్క బతుకమ్మ పాట పడి అలరించారు. 

హైదరాబాద్: ఎన్నికలు ఏవైనా బిఆర్ఎస్ ఎదుర్కొనేందుకు సంసిద్ధంగా ఉంటుందని బిఆర్ఎస్ వర్కింగ్ ప్రెసిడెంట్ కెటిఆర్ తెలిపారు. స్థానిక సంస్థల ఎన్నికలను ఎదుర్కొనేందుకు సిద్ధంగా ఉన్నామని అన్నారు. ఈ సందర్భంగా ఆయన మీడియాతో మాట్లాడుతూ.. గల్లీ నుంచి ఢిల్లీవరకు ఏ ఎన్నికైనా బిఆర్ఎస్ అనుకూలమేనని, కాంగ్రెస్ ఇచ్చిన హామీలను ప్రజలు మర్చిపోయారని అనుకుంటుందని అన్నారు. కాంగ్రెస్ గ్యారెంటీ కార్డులను గుర్తుచేసేందుకు.. తాము ‘ బాకీ కార్డులను‘ తీసుకువచ్చాం అని తెలియజేశారు. బాకీ కార్డుల’ ద్వారా కాంగ్రెస్ బాకీలను ఇంటింటికీ చేర్చడానికి ఉద్యమించామని, ‘బాకీ కార్డులు’ ఇంటింటికి తీసుకోకపోతే.. అదే మనకు బ్రహ్మాస్తం అని కెటిఆర్ పేర్కొన్నారు. మాజీ సిఎం కెసిఆర్ ను తిరిగి అధికారంలోకి తెచ్చుకోవాలనే ఆలోచన ప్రజల్లో కనిపిస్తోందని, కాంగ్రెస్ ప్రభుత్వం వచ్చాక హైదరాబాద్ లో ఒక్క ఇటుక పెట్టలేదని విమర్శించారు. మున్సిపల్ శాఖ విషయంలో సిఎం రేవంత్ రెడ్డి పూర్తిగా విఫలమయ్యారని కెటిఆర్ దుయ్యబట్టారు. 

హైదరాబాద్: పర్యాటకాభివృద్ధి పేరిట కమీషన్ల కోసం కాంగ్రెస్ ప్రభుత్వం ప్లాన్ చేసిందని బిఆర్ఎస్ నేత హరీశ్‌రావు ఆరోపించారు. నిబంధనలకు విరుద్ధంగా పనులు అప్పగించి స్కామ్‌కు తెరలేపారని మండిపడ్డారు. హరీశ్ ఎక్స్ ఖాతాలో.. నిబంధనలకు విరుద్ధంగా రూ.15 వేల కో్ట్ల పనులు అప్పగించారని అన్నారు. లక్షల కోట్ల విలువైన భూములను ధారదత్తం చేసేందుకు ప్లాన్ చేశారని పేర్కొన్నారు. పనులను రహస్యంగా ఎందుకు కట్టబెట్టారో చెప్పాలని డిమాండ్ చేశారు. ఈ కుంభకోణానికి సంబంధించి పూర్తి ఆధారాలు బయటపెడతామని తెలిపారు. ‘సిఎం రేవంత్ రెడ్డి అధికారం శాశ్వతం కాదు.. వచ్చేది బిఆర్ఎస్ సర్కార్’ అని అన్నారు. ఈ దోపిడిలో భాగమైన ఏ ఒక్కరినీ వదలిపెట్టమని హెచ్చరించారు. 

హైదరాబాద్: మూసీ పరివాహక ప్రజలకు ఇబ్బందుల్లేకుండా యుద్ధప్రాతికన చర్యలు చేపడతామని హైడ్రా కమిషనర్ రంగనాథ్ తెలిపారు. మూసీ పరివాహక ప్రాంతాల్లో హైడ్రా సహాయక చర్యలు చేపడతున్నామని అన్నారు. ఈ సందర్భంగా ఆయన మీడియాతో మాట్లాడుతూ..రిటర్నింగ్ వాల్ పడిపోవడంతో ఎంజిబిఎస్ వరద పోటెత్తిందని, ఎంజిబిఎస్ లో డిఆర్ఎఫ్ బృందాల సహాయక చర్యలు చేపడుతున్నారని తెలియజేశారు. ఎంజిబిఎస్ పరిస్థితి అదుపులోకి వచ్చిందని, మూసీ పరివాహక ప్రాంద ప్రజలు అప్పమత్తంగా ఉండాలని హైడ్రా కమిషనర్ రంగనాథ్ సూచించారు.