Breaking News,తాజా వార్తలు,State News

హైదరాబాద్: జూబ్లీహిల్స్ ఉపఎన్నికలో బిజెపి గెలుస్తుందనే నమ్మకం ఉందని బిజెపి రాష్ట్ర అధ్యక్షుడు రామచందర్ రావు తెలిపారు. ఓట్ల కోసం కాంగ్రెస్, బిఆర్ఎస్ ఓటు బ్యాంకు రాజకీయాలు చేస్తున్నారని అన్నారు. జూబ్లీహిల్స్ ఉపఎన్నిక ప్రచారం అనుసరించాల్సిన వ్యూహాలపై చర్చ జరిపారు. బిజెపి రాష్ట్ర కార్యాలయంలో గ్రేటర్ పరిధిలో జిల్లాల సమావేశం జరిగింది. గ్రేటర్ పరిధి జిల్లాల నాయకులకు రామచందర్ రావు దిశానిర్దేశం చేశారు. ఈ సందర్భంగా ఆయన మీడియాతో మాట్లాడుతూ.. రెండు, మూడు రోజుల్లో జూబ్లీహిల్స్ అభ్యర్థిని ఖరారు చేస్తామని, జూబ్లీహిల్స్ ఉపఎన్నికలో గెలిచి ప్రధాని నరేంద్ర మోడీకి గిఫ్ట్ ఇవ్వాలని తెలియజేశారు. రేపటి నుంచి అందరూ జూబ్లీహిల్స్ లో తిరిగి ప్రచారం చేయాలని, జూబ్లీహిల్స్ లో బిజెపిని గెలిపించి రాజకీయ మార్పు చూడండని పేర్కొన్నారు. కాంగ్రెస్, బిఆర్ఎస్ లోపాకారి ఒప్పందాన్ని తిప్పికొట్టండని రామచందర్ రావు సూచించారు. 

హైదరాబాద్: అన్ని వైపులా హైదరాబాద్ అభివృద్ధి చెందేలా ప్రభుత్వం ప్రణాళికలు చేస్తున్నదని డిప్యూటి సిఎం భట్టి విక్రమార్క తెలిపారు. రాష్ట్ర వనరులు, అవకాశాలపై ప్రచారం బాధ్యత నరెడ్కోపై ఉందని అన్నారు. హైదరాబాద్ లో నరెడ్కో ఆధ్వర్యంలో హైటెక్స్ లో ప్రాపర్టీ షో భట్టి విక్రమార్క, జూపల్లి కృష్ణారావు ప్రారంభించారు. నరెడ్కో బ్రౌచర్ ను ఆవిష్కరించారు. మూడు రోజులపాటు ప్రాపర్టీ షో కొనసాగుతుంది. విల్లాలు, అపార్ట్ మెంట్ల వివరాలు తెలిపేలా స్టాళ్లు ఏర్పాటు చేశారు. ఈ సందర్భంగా ఆయన మీడియాతో మాట్లాడుతూ.. హైదరాబాద్అ భివృద్ధికి ఏటా రూ.10 వేల కోట్లు కేటాయిస్తున్నామని, హైదరాబాద్ అభివృద్ధికి రెండేళ్లలో రూ. 20 వేల కోట్లు ఖర్చు చేశామని తెలియజేశారు. మూసీనది సుందరీకరణకు ప్రభుత్వం చిత్తశుద్ధితో ఉందని, రీజనల్ రింగ్ రోడ్డుతో నగర ముఖ చిత్రం మార్చబోతున్నామని భట్టి పేర్కొన్నారు. రాష్ట్రంలోని అన్ని ప్రాంతాలను కలిపేలా ఆర్ఆర్ఆర్ నిర్మాణం జరుగుతుందని, హైడ్రాతో కొంత భయం ఏర్పడినా ఫలితాలు కనిపిస్తున్నాయని అన్నారు. అక్రమణకు గురైన ప్రభుత్వ స్థలాలు, చెరువులను హైడ్రా కాపాడుతోందని భట్టి విక్రమార్క స్పష్టం చేశారు. 

హైదరాబాద్: గాంధీభవన్ లో లీగల్ టీమ్ అందుబాటులో ఉండాలని మంత్రులకు సిఎం రేవంత్ రెడ్డి తెలిపారు. ఇన్ చార్జ్ మంత్రులు జిల్లాల నాయకులతో మాట్లాడాలని అన్నారు. ఈ సందర్భంగా గాంధీ భవన్ ఆయన మీడియాతో మాట్లాడుతూ.. అభ్యర్థులను ఖరారు చేసి బిఫారం ఇవ్వాలని, నో డ్యూ పత్రాలు ఇప్పించాలని, గాంధీ భవన్ లో సమన్వయం కోసం ఒక బృందం ఉండాలని అన్నారు. హైకోర్టు లో బిసి రిజర్వేషన్ల కేసుపై పిసిసి చీఫ్ మహేష్ కుమార్ గౌడ్ పర్యవేక్షించాలని ఆదేశించారు. కోర్టు తీర్పు తర్వాత తదుపరి కార్యాచరణపై రాత్రి మరో సమావేశం జరుగుతుందని, తొలివిడత కోసం రాత్రికి అభ్యర్థుల జాబితా సిద్ధం కావాలని మంత్రులకు సూచించారు. ఎన్నికల ప్రక్రియపై అన్ని పరిస్థితులను ఎదుర్కొని ముందుకెళ్తున్నామని సిఎం పేర్కొన్నారు.

రిజర్వేషన్ల దామాషా ప్రకారం ఇన్ ఛార్జ్ మంత్రులు.. ముఖ్యనేతలతో చర్చించి అభ్యర్థులను ఖరారు చేయాలని, నామినేషన్ల ప్రక్రియకు పూర్తిస్థాయిలో సమయం కేటాయించాలని,  నామినేషన్ల దరఖాస్తు నమూనా పత్రం క్షేత్రస్థాయికి పంపాలని సూచించారు. సమన్వయ కమిటీ, టోల్ ఫ్రీ నంబర్ ఏర్పాటు చేయాలని, ఎన్నికల ప్రక్రియపై అవగాహన ఉన్నవారు కమిటిలో ఉండేలా చూడాలని సలహా ఇచ్చారు. ఎంపిపిలు, జడ్పి చైర్మన్ పదవుల ఎంపికపై పిసిసి నిర్ణయిస్తుందని, పిసిసి నిర్ణయించే వరకు రాజకీయ ప్రకటనలు చేయొద్దు అని హెచ్చరించారు. బిసి రిజర్వేసన్లపై హైకోర్టులో వాదనలను పర్యవేక్షించాలని రేవంత్ రెడ్డి కోరారు. 

హైదరాబాద్: శాంతియుతంగా ఆర్టిసి ఎండికి వినతి పత్రం ఇవ్వాలని బిఆర్ఎస్ పిలుపునిచ్చిందని బిఆర్ఎస్ వర్కింగ్ ప్రెసిడెంట్ కెటిఆర్ తెలిపారు. తనతో పాటు బిఆర్ఎస్ నేతల గృహనిర్భందంపై మండిపడ్డారు. చలో బస్ భవన్ పిలుపు దృష్ట్యా బిఆర్ఎస్ నేతలు గృహనిర్బంధం చేశారు. బిఆర్ఎస్ నేతలు కెటిఆర్, మాజీమంత్రి హరీష్ రావు, మాజీ మంత్రుల ఇళ్ల వద్ద పోలీసులు మోహరించారు. ఈ సందర్భంగా ఆయన మీడియాతో మాట్లాడుతూ..బస్సు ఛార్జీల పెంపు వెనక్కి తీసుకోవాలని కోరాలని అనుకున్నామని, ఆర్టిసి బస్సులు ఎక్కి వెళ్తామంటే భారీగా పోలీసులను మోహరించారని తెలియజేశారు. ఒకవ్యక్తి బస్సు ఎక్కకుండా ఆపడానికి ఇందరు పోలీసులను పంపారని, ఈ ఉత్సాహం హైదరాబాద్ లో నేరాల అదుపులో చూపిస్తే మంచిదని విమర్శించారు. బస్సు ఛార్జీలు వెనక్కి తీసుకునే వరకు నిరసన తెలుపుతూనే ఉంటామని, పోలీసు నిర్భంధాలు తమకు, పార్టీకి కొత్త కాదని కెటిఆర్ పేర్కొన్నారు. 

హైదరాబాద్: శాంతియుతంగా ఆర్టిసి ఎండికి వినతి పత్రం ఇవ్వాలని బిఆర్ఎస్ పిలుపునిచ్చిందని బిఆర్ఎస్ వర్కింగ్ ప్రెసిడెంట్ కెటిఆర్ తెలిపారు. తనతో పాటు బిఆర్ఎస్ నేతల గృహనిర్భందంపై మండిపడ్డారు. చలో బస్ భవన్ పిలుపు దృష్ట్యా బిఆర్ఎస్ నేతలను గృహనిర్బంధం చేశారు. బిఆర్ఎస్ నేతలు కెటిఆర్, మాజీమంత్రి హరీష్ రావు, మాజీ మంత్రుల ఇళ్ల వద్ద పోలీసులు మోహరించారు. ఈ సందర్భంగా ఆయన మీడియాతో మాట్లాడుతూ..బస్సు ఛార్జీల పెంపు వెనక్కి తీసుకోవాలని కోరాలని అనుకున్నామని, ఆర్టిసి బస్సులు ఎక్కి వెళ్తామంటే భారీగా పోలీసులను మోహరించారని తెలియజేశారు. ఒకవ్యక్తి బస్సు ఎక్కకుండా ఆపడానికి  పోలీస్ బలగాలను పంపారని, ఈ ఉత్సాహం హైదరాబాద్ లో నేరాల అదుపులో చూపిస్తే మంచిదని విమర్శించారు. బస్సు ఛార్జీలు వెనక్కి తీసుకునే వరకు నిరసన తెలుపుతూనే ఉంటామని, పోలీసు నిర్భంధాలు తమకు, పార్టీకి కొత్త కాదని కెటిఆర్ హెచ్చరించారు.  

హైదరాబాద్: మాదిగలు అంటే అంత చిన్న చూపా? అని మంత్రి అడ్లూరి లక్ష్మణ్ ప్రశ్నించారు. తాను మాదికను కాబట్టే మంత్రి పదవి వచ్చిందని అన్నారు. అన్న మాటను సమర్ధించుకొని ఇప్పటివరకు స్పందించకుండా ఉన్నావు అంటే ఈ విషయం తన విజ్ఞతకే వదిలేస్తున్నానని చెప్పారు. మంత్రి పొన్నం పై అడ్లూరి లక్ష్మణ్ ఆగ్రహం వ్యక్తం చేశారు. ఈ సందర్భంగా ఆయన మీడియాతో మాట్లాడుతూ.. పొరపాటును ఒప్పుకుని క్షమాపణ చెబితే పొన్నం కు గౌరవం ఉంటుందని, పొన్నం ప్రభాకర్ లాగా అహంకారంగా మాట్లాడడం తనకు రాదని తెలియజేశారు. పొన్నం తన తప్పును తెలుసుకుంటారని అనుకున్నానని అన్నారు. పొన్నం మారకపోతే జరిగే పరిణామాలకు ఆయనదే బాధ్యత అని హెచ్చరించారు. వివేక్ వెంకటస్వామి లాగా తన దగ్గర డబ్బులు లేవని  తాను మంత్రి కావడం, తాను సామాజిక వర్గంలో పుట్టడం తన తప్పా? అని అడ్లూరి నిలదీశారు. త్వరలో కాంగ్రెస్ పార్టీ అధ్యక్షురాలు సోనియా గాంధీ, రాహుల్ గాంధీ, మల్లికార్జున ఖర్గే, మీనాక్షి నటరాజన్ ను కలుస్తానని, తాను కుర్చీలో కూర్చుంటే వివేక్ లేచి వెళ్లిపోతున్నారని అన్నారు. తాను పక్కన ఉంటే వివేక్ ఓర్చుకోవడం లేదని అడ్లూరి లక్ష్మణ్ పేర్కొన్నారు. 

హైదరాబాద్: సుప్రీంకోర్టులో రాష్ట్ర ప్రభుత్వానికి ఊరట లభించింది. బిసి రిజర్వేషన్లపై  వ్యతిరేకంగా దాఖలైన పిటిషన్ ను సుప్రీం కోర్టు కొట్టివేసింది. హైకోర్టులో పెండింగ్ ఉన్నందున విచారణకు ధర్మాసనం స్వీకరించలేమని తెలిపింది. తెలంగాణ హైకోర్టు స్టే ఇవ్వనందువల్ల సుప్ర్రీం కోర్టుకు పిటిషనర్ వచ్చామన్నారు. హైకోర్టు స్టే ఇవ్వకుంటే సుప్రీంకోర్టుకు వచ్చేస్తారా? అని ప్రశ్నించింది. జస్టిస్ విక్రమ్ నాథ్, జస్టిస్ సందీప్ మెహతా ధర్మాసనం పిటిషన్ ను కొట్టివేశారు. 

హైదరాబాద్: రిజర్వేషన్ల అమలుకు అన్ని పార్టీల ఏకగ్రీవ నిర్ణయంతో గవర్నర్ కు పంపించామని మంత్రి పొన్నం ప్రభాకర్ తెలిపారు. 42  శాతం రిజర్వేషన్ల అమలుకు ఇంటింటి సర్వే నిర్వహించామని అన్నారు. ఈ సందర్భంగా ఆయన మీడియాతో మాట్లాడుతూ.. హైకోర్టులోవాదనలు జరిగాయని, ఎన్నికల నోటిఫికేషన్ ఇవ్వొచ్చని చెప్పారని, ఈనెల 8న తెలంగాణ హైకోర్టు లో విచారణ ఉందని తెలియజేశారు. న్యాయబద్ధంగా సుప్రీంకోర్టులో వాదనలు వినిపిస్తామని పొన్నం ప్రభాకర్ పేర్కొన్నారు.   

 హైదరాబాద్: టిమ్స్ నిర్మాణ పనులను సిఎం రేవంత్ రెడ్డి సర్కార్ నత్తనడకన సాగుతోందని బిఆర్ఎస్ మాజీ మంత్రి హరీశ్ రావు తెలిపారు. గతంలో కొత్తపేట టిమ్స్ ఆస్పత్రి నిర్మాణాన్ని మాజీ సిఎం కెసిఆర్ తలపెట్టారని అన్నారు. ప్రజా ప్రభుత్వంపై హరీశ్ రావు విమర్శలు చేశారు. ఈ సందర్భంగా ఆయన మీడియాతో మాట్లాడుతూ.. రేవంత్ రెడ్డి సర్కార్ లో ఆర్యోగ్యశ్రీ ఆస్పత్రులకు బకాయిలు పెట్టారని మండిపడ్డారు. బిఆర్ఎస్ ప్రభుత్వం ఉండి ఉంటే.. ఈ పాటికే టిమ్స్ పూర్తయ్యేదని అన్నారు. రాజకీయాలు పక్కనపెట్టి కంటి వెలుగు కార్యక్రమాన్ని కొనసాగించాలని కాంగ్రెస్ ప్రభుత్వాన్ని సూచించారు. కెసిఆర్ తీసుకొచ్చిన మంచి పనులు ఆపాలనే ఆలోచనలో రేవంత్ రెడ్డి ఉన్నారని, ఆర్నెళ్లలోపు ఆస్పత్రులు పూర్తి చేయకపోతే పెద్ద ఎత్తున ఉద్యమిస్తామని హరీశ్ రావు డిమాండ్ చేశారు.

హైదరాబాద్: హైదరాబాద్ లో మరోసారి హైడ్రా కూల్చివేతలు జరిగాయి. కొండాపూర్ భిక్షపతినగర్ లోని 36 ఎకరాల్లో నిర్మాణాలు కూల్చివేతలు కొనసాగుతున్నాయి. హైడ్రా సిబ్బంది భారీ బందోబస్తు మధ్య ఆక్రమణలు తొలగిస్తున్నారు. హైదరాబాద్ కొండాపూర్ లో సర్వే నెంబర్ 59 లో భూములు ఉన్నాయి. అధికారులు మొత్తం రూ.3,600 కోట్ల విలువైన ఆస్తులని చెబుతున్నారు. రైతులు 60ఏళ్లుగా తమ ఆధీనంతోనే భూములున్నాయంటున్నారని తెలియజేశారు.