Breaking News,తాజా వార్తలు,State News

 హైదరాబాద్: రోడ్లు, భవనాలశాఖ పూర్తి అప్రమత్తంగా ఉందని మంత్రి కోమటి రెడ్డి తెలిపారు. మొంథా తుఫాను కారణంగా ఉమ్మడి నల్గొండ జిల్లాలో తీవ్ర నష్టం జరిగిందని అన్నారు.  ఆయన మీడియాతో మాట్లాడుతూ.. వరదల్లో 230 కి.మీ. మేర రోడ్లు దెబ్బతిన్నాయని, దెబ్బతిన్న రోడ్డు, వంతెనలు, కాజ్ వేల పునరుద్ధరణకు రూ.7 కోట్లు ఖర్చు అవుతుందని కోమటిరెడ్డి తెలియజేశారు. దెబ్బతిన్న రోడ్ల శాశ్వత పునరుద్ధరణకు రూ. 225 కోట్లు అవసరం అని అన్నారు. నల్గొండ జిల్లాలో వేల ఎకరాల్లో వరి, పత్తి పంటలు దెబ్బతిన్నాయని ఆవేదన వ్యక్తం చేశారు. ఐకెపి సెంటర్లలో సుమారు 2 లక్షల టన్నుల ధాన్యం ఉందని చెప్పారు. పత్తి తేమ శాతం గురించి ఇప్పటికే సిసిఐ ఛైర్మన్ ను కలిశానని, నిబంధన సడలించాలని రైతుల పక్షాన ముంబయి వెళ్లి విజ్ఞప్తి చేశానని కోమటి రెడ్డి పేర్కొన్నారు.

హైదరాబాద్: పౌరసరఫరాల విభాగం ఎప్పటికప్పుడు కలెక్టర్లకు తగిన సూచనలు ఇవ్వాలి అని సిఎం రేవంత్ రెడ్డి తెలిపారు. అవసరమైన చోట ధాన్యాన్ని దగ్గరలోని ఫంక్షన్ హాల్స్ కు తరలించాలని అన్నారు. తుఫాను ప్రభావిత జిల్లాల కలెక్టర్లు, అధికారులతో సిఎం వీడియో కాన్ఫరెన్స్ జరిపారు. సిఎంతో సమీక్షలో మంత్రులు తుమ్మల నాగేశ్వరరావు, ఉత్తమ్ కుమార్ రెడ్డి, పొన్నం ప్రభాకర్, కోమటిరెడ్డి, కొండా సురేఖ, వాకిటి శ్రీహరి పాల్గొన్నారు. వివిధ జిల్లాలో కురిసిన వర్షాలు, జరిగిన నష్టాన్ని కలెక్టర్లు వివరించారు. పంట నష్టం, రహదారుల నష్టంపై అధికారుల నుంచి వివరాలు సేకరించారు. పంటనష్టం, రోడ్ల నష్టంపై సమగ్ర వివరాలు ఇవ్వాలని అధికారులకు రేవంత్ ఆదేశం ఇచ్చారు.

కేంద్రం నుంచి వరదసాయం పొందే అంశాలపై, పంటల కొనుగోళ్లపై జిల్లాల అధికారులతో చర్చించారు. ధాన్యం సేకరణ కేంద్రాల్లో జాగ్రత్తలు తీసుకోవాలని అధికారులకు ఆదేశించారు. ప్రతి కొనుగోలు కేంద్రం నుంచి 24 గంటలకోసారి కలెక్టర్ కు రిపోర్టు ఇవ్వాలని అన్నారు. ధాన్యం కొనుగోలుపై రిపోర్టు ఇవ్వని అధికారులపై తక్షణం చర్యలు తీసుకోవాలని, వరదలకు దెబ్బతిన్న రోడ్ల పరిస్థితిని ఎప్పటికప్పుడు పరిశీలిస్తుండాలని సూచించారు. చెరువులు, వాగులు, కల్వర్టుల వద్ద ప్రజలను ముందుగానే అలర్ట్ చేయాలని, అన్నివిభాగాల అధికారులు సమన్వయంతో పనిచేయాలని అన్నారు.16 జిల్లాలపై తుపాను ఎఫెక్టు ఉందని సమాచారం ఇచ్చారు. కేంద్రం హెచ్చరికలతో ముందస్తు చర్యలు తీసుకున్నామని, వరికోతల కాలంలో అనుకోని ఉపద్రవం రైతులకు ఆవేదన మిగులుస్తోందని రేవంత్ రెడ్డి పేర్కొన్నారు.

హైదరాబాద్:  మావోయిస్టు కీలక నేత పుల్లూరి ప్రసాద్ రావు అలియాస్ చంద్రన్న తెలంగాణ రాష్ట్ర కమిటీ సభ్యుడిగా ఉన్నబండిప్రకాశ్ తో కలిసి డిజిపి శివధర్ రెడ్డి సమక్షంలో లొంగిపోయారు. డిజిపి శివధర్ రెడ్డి మీడియాతో మాట్లాడుతూ.. 1980 లో పుల్లూరి ప్రసాద్ రావు కిషన్ జీకి అనుచరుడిగా మారారని, 1981 లో పుల్లూరి ప్రసాద్ రావు పీపుల్స్ వార్ లో చేరారని తెలియజేశారు.1983 లో పుల్లూరి ప్రసాద్  కమాండర్ అయ్యారని, 1992 లో ఆదిలాబాద్ జిల్లా సెక్రటరీగా పని చేశారని డిజిపి శివధర్ రెడ్డి పేర్కొన్నారు. 

హైదరాబాద్:  మావోయిస్టు కీలక నేత పుల్లూరి ప్రసాద్ రావు అలియాస్ చంద్రన్న తెలంగాణ రాష్ట్ర కమిటీ సభ్యుడిగా ఉన్నబండిప్రకాశ్ తో కలిసి డిజిపి శివధర్ రెడ్డి సమక్షంలో లొంగిపోయారు. డిజిపి శివధర్ రెడ్డి మీడియాతో మాట్లాడుతూ.. 1980 లో పుల్లూరి ప్రసాద్ రావు కిషన్ జీకి అనుచరుడిగా మారారని, 1981 లో పుల్లూరి ప్రసాద్ రావు పీపుల్స్ వార్ లో చేరారని తెలియజేశారు.1983 లో పుల్లూరి ప్రసాద్  కమాండర్ అయ్యారని, 1992 లో ఆదిలాబాద్ జిల్లా సెక్రటరీగా పని చేశారని డిజిపి  పేర్కొన్నారు.మావోయిస్టులు చంద్రన్న, బండి ప్రకాశ్ అజ్ఞాతం వీడారని, సిఎం రేవంత్ రెడ్డి పిలుపుతో మావోయిస్టులు జన జీవన స్రవంతిలో కలిశారని చెప్పారు.

బండి ప్రకాష్ పై ఉన్న రూ. 20 లక్షల రివార్డు ఆయనకే ఇస్తామని, పుల్లూరి ప్రసాద్ రావు పై రూ.25 లక్షల రివార్డు ఆయనకు ఇస్తామని హామి ఇచ్చారు.  చంద్రన్న 15 ఏళ్ల కేంద్ర కమిటీ సభ్యుడిగా ఉన్నారని అన్నారు. చంద్రన్న ఆరోగ్యం కూడా బాగాలేకపోవడంతో అజ్ఞాతం వీడారని, ప్రస్తుతం తెలంగాణకు సంబంధించిన 64 మంది మావోయిస్టులు యాక్టివ్ గా ఉన్నారని తెలిపారు. 64 మందిలో ఐదుగురు కేంద్ర కమిటీ సభ్యులుగా ఉన్నారని, మరో 10 మంది తెలంగాణ స్టేట్ కమిటీ సభ్యులుగా ఉన్నారని అన్నారు. 64 మందిలో 9 మంది మాత్రమే తెలంగాణలో ఉన్నారని డిజిపి శివధర్ రెడ్డి స్పష్టం చేశారు.

హైదరాబాద్: పత్తి అమ్మకాల్లో నాణ్యత, తేమ శాతం చాలా ముఖ్యం అని వ్యవసాయశాఖ మంత్రి తుమ్మల నాగేశ్వరరావు తెలిపారు. నాణ్యత, తేమ శాతం రైతులు దృష్టి పెట్టుకోవాలి అని అన్నారు. ఈ సందర్భంగా ఆయన మీడియాతో మాట్లాడుతూ.. తేమ ఎక్కువగా ఉంటే పత్తి రంగు మారి, నాణ్యత తగ్గిపోతుందని, పత్తి తేమ 12 శాతం మించితే కనీస మద్దతు ధర పొందే అవకాశం ఉండదు అని తుమ్మల తెలియజేశారు. కేంద్రాల్లో ధర, తూకం, నాణ్యత విషయంలో పర్యవేక్షణ కమిటీలు ఉంటాయని అన్నారు. ఈ కమిటీలు రైతులకు అన్యాయం జరగకుండా చూస్తాయని, పత్తి రైతులకు గరిష్ట మద్దతు ధర అందించేందుకు అన్ని ప్రయత్నాలు చేస్తున్నాం అని  పేర్కొన్నారు. రైతులు ఈ నిబంధనలను అనుసరించేలా అధికారులు చూడాలని, వారిని దళారుల బారిన పడకుండా కాపాడాలని తుమ్మల నాగేశ్వరరావు సూచించారు.   

హైదరాబాద్: రాష్ట్రంలో వర్ష సూచనల దృష్ట్యా పంటల కొనుగోళ్లపై అధికారులు అప్రమత్తంగా ఉండాలని సిఎం రేవంత్ రెడ్డి తెలిపారు. సిఎం ఆదేశాలతో సాయంత్రం కలెక్టర్లతో మంత్రులు ఉత్తమ్ కుమార్ రెడ్డి తుమ్మల నాగేశ్వరరావు వీడియో కాన్ఫరెన్స్ జరిపారు. ధాన్యం, పత్తి, మొక్కజొన్న కొనుగొళ్లపై అప్రమత్తంగా ఉండాలని, రైతులకు నష్టం జరగకుండా, ఇబ్బంది లేకుండా కొనుగోళ్లు చేపట్టాలని అధికారులకు రేవంత్ రెడ్డి ఆదేశం ఇచ్చారు. 

హైదరాబాద్: బిఆర్ఎస్ మాజీ మంత్రి హరీష్ రావు బండారాన్ని తెలంగాణ జాగృతి అధ్యక్షురాలు కల్వకుంట్ల కవితనే బయట పెడుతోందని మంత్రి అడ్లూరి లక్ష్మణ్ తెలిపారు. మాజీ సిఎం కెసిఆర్ ను హరీష్ రావు వెన్నుపోటు పొడిచే ప్రయత్నం చేశారని అన్నారు. ఈ సందర్భంగా ఆయన మీడియాతో మాటాడుతూ..సవాలు విసిరితే హరీష్ రావు తోక ముడిచారని విమర్శించారు. కెబినెట్లో వ్యక్తిగత పంచాయితీలు జరగలేదని తెలియజేశారు. హరీష్ రావు చర్చకు వస్తే వెళ్లడానికి సిద్ధం అని హరీష్ రావు ఏం అడిగినా సమాధానం చెప్పేందుకు సిద్ధం అని అడ్లూరి సవాల్ విసిరారు. చర్చకు రమ్మంటే మాజీ ఎమ్మెల్యేలను పంపుతానని అంటారా? అని మండిపడ్డారు. హరీష్ రావు మాట్లాడిన మాటలు నిరూపించగలరా? అని ప్రశ్నించారు. ప్రగతి భవన్ కు వచ్చిన హోంమంత్రిని.. అపాయింట్ మెంట్ లేదని చెప్పింది కెసిఆర్ అని అడ్లూరి లక్ష్మణ్ ధ్వజమెత్తారు. 

హైదరాబాద్: తెలంగాణలో లోపాకారిగా కాంగ్రెస్, బిజెపి కలిసి పనిచేస్తున్నాయని బిఆర్ఎస్ వర్కింగ్ ప్రెసిడెంట్ కెటిఆర్ తెలిపారు. బలమైన ప్రాంతీయ పార్టీలన్నింటినీ కాంగ్రెస్, బిజెపి బీ టీం అంటోందని అన్నారు. ఈ సందర్భంగా ఆయన మీడియాతో మాట్లాడుతూ.. రెండేళ్లుగా అన్ని వర్గాలను కాంగ్రెస్ మోసం చేసిందని మండిపడ్డారు. బిజెపితో కలిసి పనిచేస్తున్న సిఎం రేవంత్ రెడ్డి గురించి కాంగ్రెస్ పార్టీ అగ్రనేత రాహుల్ గాంధీ సమాధానం చెప్పాలి అని కెటిఆర్ ప్రశ్నించారు. పదేళ్ల బిఆర్ఎస్ ప్రగతి వర్సెస్ రెండేళ్ల కాంగ్రెస్ మోసాలు చూసి ఓటేయ్యండి అని సూచించారు. మళ్లీ అధికారంలోకి వస్తామన్న నమ్మకం సిఎం తో పాటు మంత్రులకు లేదు అని కెటిఆర్ పేర్కొన్నారు.

హైదరాబాద్: బిఆర్ఎస్ లో అన్ని బాధ్యతలకు తాను రాజీనామా చేసి మళ్లీ జనం ముందుకు వచ్చానని తెలంగాణ జాగృతి అధ్యక్షురాలు కల్వకుంట్ల కవిత తెలిపారు. సామాజిక తెలంగాణ కోసమే జనం బాట నిర్వహిస్తున్నామని అన్నారు. ఈ సందర్భంగా ఆమె మీడియాతో మాట్లాడుతూ.. జనం బాటకు పలువురు అండగా ఉన్నారని తెలియజేశారు. జనంబాట చేపట్టిన తనపై నిజామాబాద్ మాజీ ఎంపి అరవింద్ తనపై తప్పుడు ఆరోపణలు చేశారని కవిత విమర్శించారు. అతని ‘చిట్టా’ త్వరలో బయటపెడతానని హెచ్చరించారు. ఎంపి అర్వింద్ రాజీనామా చేస్తే బిసి బిల్లు అదే వస్తుందని కవిత పేర్కొన్నారు. 

హైదరాబాద్: చేతికి వచ్చిన పంటను ధ్వంసం చేయడం సరికాదని తెలంగాణ జాగృతి అధ్యక్షురాలు కల్వకుంట్ల కవిత తెలిపారు. ప్రకాష్ కుటుంబానికి పంట నష్ట పరిహారాన్ని కలెక్టర్ వెంటనే చెల్లించాలని అన్నారు. రెండో రోజు జనం బాటలో కవిత పర్యటించారు. నిజామాబాద్ జిల్లా మోపాల్ మండలం బైరాపూర్ గ్రామంలో పోడు భూముల బాధిత రైతు ప్రకాష్ కుటుంబాన్నికవిత పరామర్శించారు. ఈ సందర్భంగా ఆమె మీడియాతో మాట్లాడుతూ.. కుటుంబానికి పంట నష్ట పరిహారాన్ని కలెక్టర్ వెంటనే చెల్లించాలని, బాధితులకు ప్రభుత్వం పట్టాలు ఇవ్వాలని కోరారు. మంచిప్ప రిజర్వాయర్ ముంపు తగ్గిస్తామని చెప్పిన సిఎం రేవంత్ రెడ్డి ముంపు గ్రామాల పోడు భూములకు ఎందుకు పట్టాలు ఇవ్వడం లేదని ప్రశ్నించారు. గిరిజన రైతులను ఫారెస్ట్ అధికారులు వేధించడం మానుకోవాలి అని కవిత విజ్ఞప్తి చేశారు.