Breaking News,తాజా వార్తలు,సినిమా

సూపర్‌స్టార్ రజనీకాంత్ ప్రధాన పాత్రలో నెల్సన్ దర్శకత్వంలో రూపొందిన జైలర్ చిత్రం బ్లాక్‌బస్టర్ హిట్‌గా నిలిచింది. ఇప్పుడు ఈ సినిమాకు సీక్వెల్ రూపొందుతున్న విషయం తెలిసిందే. అయితే తొలి భాగంలో శివరాజ్ కుమార్, మోహన్‌లాల్ వంటి స్టార్ హీరోలో ప్రత్యేక పాత్రల్లో కనిపించారు. అలాగే రెండో భాగంలో కూడా అతిథి పాత్రలో పలువురు స్టార్స్ కనిపిస్తారని వార్తలు వైరల్ అయ్యాయి. అందులో ప్రధానంగా నందమూరి బాలకృష్ణ ఈ సినిమాలో ప్రత్యేక పాత్రలో నటిస్తారనే పుకార్లు వినిపించాయి. కానీ, ఇప్పుడు ఆ వార్తలు అవాస్తవమంటూ మరిన్ని రూమర్స్ వస్తున్నాయి.

బాలకృష్ణ ఈ సినిమాలో నటించడం లేదని.. ఆయన స్థానంలో ఆ పాత్రలో తమిళ స్టార్ హీరో విజయ్ సేతుపతి నటిస్తున్నారని తెలుస్తోంది. అయితే ఈ విషయంపై కూడా ఇప్పటివరకూ క్లారిటీ లేదు. జైలర్‌లో బాలకృష్ణను తీసుకుందామని తాను అనుకున్నట్లు నెల్సన్ ఓ సందర్భంలో చెప్పారు. కానీ, బాలకృష్ణ ఇమేజ్ తగ్గట్లు ఆ పాత్ర లేకపోవడంతో ముందుకు వెళ్లలేదని ఆయన పేర్కొన్నారు. దీంతో జైలర్ సీక్వెల్‌లో అయిన బాలకృష్ణ కనిపిస్తారని అభిమానులు భావించారు. రజనీ, బాలకృష్ణలను ఒకే ఫ్రేమ్‌లో చూస్తామని అంతా ఆశపడ్డారు. కానీ, ఇప్పుడు సడెన్‌గా విజయ్ సేతుపతి పేరు తెరమీదకు రావడం అందరిని ఆశ్చర్యానికి గురి చేసింది. మరి ఈ విషయంపై స్పష్టత రావాలంటే.. చిత్ర యూనిట్ నుంచి అధికారిక ప్రకటన రావాల్సిందే.

ముంబై: ప్రముఖ బ్యాడ్మింటన్ ప్లేయర్ ప్రకాశ్ పదుకొణె కుమార్తె దీపికా పదుకొనె బాలీవుడ్‌లో స్టార్ హీరోయిన్‌గా పేరు సంపాదించుకున్న విషయం తెలిసిందే. గత ఏడాది ‘కల్కీ-2989’ సినిమాతో టాలీవుడ్‌లోకి ఎంట్రీ ఇచ్చి గ్రాండ్ సక్సెస్‌ని అందుకుంది. గత కొద్ది రోజులుగా పలు వివాదాలతో వార్తల్లో నిలుస్తుంది దీపికా. అయితే ఇప్పుడు ఆమె ఫ్యామిలీ గురించి మరో రూమర్ వైరల్ అవుతోంది. అది దీపికా సోదరి అనీషా పదుకొనె వివాహం గురించి.

అక్కడ దీపికా సినీ ఇండస్ట్రీలో పేరు సంపాదించుకుంటే., అనీషా మాత్రం ప్రొఫెషనల్ గ్రోల్ఫ్ ప్లేయర్‌గా గుర్తింపు తెచ్చుకుంది. ప్రస్తుతం ఆమె దీపికాకు చెందిన ‘లివ్ లవ్ లాఫ్’ అనే స్వచ్ఛంద సంస్థకు సిఇవొగా వ్యవహరిస్తోంది. అమె గత కొన్నాళ్లుగా రోహన్ ఆచార్య అనే ప్రముఖ వ్యాపారవేత్త‌తో ప్రేమలో ఉన్నట్లు సమాచారం. రోహన్ విషయానికొస్తే ఇతడి ముత్తాత బిమల్ రాయ్.. గతంలో బాలీవుడ్‌లో దర్శకుడిగా పేరు తెచ్చుకున్నారు. అయితే రోహన్ సోదరిని.. ధర్మేంద్ర మనవడు (సన్నీ డియోల్ కొడుకు) కరణ్ డియోల్‌ పెళ్లి చేసుకున్నాడు. అలా రోహన్ కుటుంబానికి సన్నీ డియోల్ కుటుంబానికి బంధుత్వం ఏర్పడింది. ఇప్పుడు అనీషా రోహన్‌ను వివాహం చేసుకుంటే.. ఈమె కూడా ధర్మేంద్ర కుటుంబంలో భాగస్వామ్యం అవుతుంది. అయితే దీనిపై అధికారిక సమాచారం లేదు.

హైదరాబాద్: రామ్ చరణ్ హీరోగా నటిస్తున్న లేటెస్ట్ చిత్రం ‘పెద్ది’. ఉత్తరాంధ్ర బ్యాక్‌డ్రాప్‌లో స్పోర్ట్స్ డ్రామా మూవీగా ఇది రూపొందుతోంది. ఈ సినిమా ప్రకటించినప్పటి నుంచి అభిమానులు సినిమాపై హైప్ పెంచుకున్నారు. ఎప్పడైతే ‘ఫస్ట్ షాట్’ పేరుతో సినిమా నుంచి చిన్న గ్లింప్స్ వదిలారో ఆ హైప్ మరింతగా పెరిగిపోయింది. తాజాగా ఈ సినిమా నుంచి ‘చికిరి’ అంటూ సాగే తొలి సాంగ్‌ని విడుదల చేసింది చిత్ర యూనిట్. ఈ పాట సూపర్ హిట్ కాగా.. మిలియన్స్‌లో వ్యూస్ సంపాదించుకుంటుంది.

అయితే ఈ చిత్రంలో మొత్తం ఎనిమిది భారీ యాక్షన్ సన్నివేశాలు ప్లాన్ చేశారట దర్శకుడు బిచ్చిబాబు. అందులో ఓ ఫైట్ సీన్ అల్యూమినియం ఫ్యాక్టరీలో చిత్రీకరిస్తున్నారట. ప్రముఖ బాలీవుడ్ హీరో విక్కీ కౌశల్ తండ్రి శామ్ కౌశల్ పర్యవేక్షణ ఈ ఫైట్ షూటింగ్ జరుగుతున్నట్లు సమాచారం. ఈయన గతంలో ‘దంగల్’ చిత్రానికి యాక్షన్ కొరియోగ్రాఫీ చేశారు. ఈ న్యూస్ తెలిసిన అభిమానులు సినిమాపై అంచనాలు మరింతగా పెంచేసుకున్నారు.

ఇక ఈ సినిమాలో చరణ్ సరసన జాన్వీ కపూర్ హీరోయిన్‌గా నటిస్తుండగా.. కన్నడ స్టార్ శివ రాజ్‌కుమార్ కీలక పాత్ర పోషిస్తున్నారు. జగపతి బాబు, దివ్యేందు శర్మ ముఖ్య పాత్రల్లో నటిస్తున్నారు. ఎఆర్ రహమాన్ ఈ సినిమాకు సంగీతం అందిస్తున్నారు. వచ్చే ఏడాది మార్చి 27న ఈ సినిమా విడుదలయ్యే అవకాశం ఉంది. 

ఈ ఏడాది ‘మాస్ జాతర’ చిత్రంతో ప్రేక్షకులను పలకరించారు మాస్ మహరాజ రవితేజ. ఈ సినిమా ఆశించిన స్థాయిలో హిట్ కాలేదు. ప్రస్తుతం ఆయన నటిస్తున్న లేటెస్ట్ చిత్రం ‘భర్త మహాశయులకు విజ్ఞప్తి’. కొద్ది రోజుల క్రితమే ఈ సినిమా టైటిల్ ప్రకటిస్తూ ఓ వీడియోని విడుదల చేశారు. టైటిల్ ప్రకటన వీడియోకి మంచి రెస్పాన్సే వచ్చింది. ఇక ఈ సినిమా నుంచి తొలి సింగిల్ ‘బెల్లా బెల్లా’ సాంగ్ ప్రోమోని విడుదల చేసింది. ప్రోమో చూసిన అభిమానులు పూర్తి పాట కోసం ఎదురుచూస్తున్నాం అంటూ కామెంట్లు చేస్తున్నారు. పూర్తి పాటను డిసెంబర్ 1వ తేదీన ఉదయం 10.08 గంటలకు విడుదల చేస్తామని చిత్ర యూనిట్ ప్రకటించింది. ఇక కిషోర్ తిరుమల దర్శకత్వంలో రూపొందుతున్న ఈ సినిమాలో డింపుల్ హయాతి, అశికా రంగనాథ్ హీరోయిన్లుగా నటిస్తున్నారు. ఎస్ఎల్‌వి సినిమాస్ బ్యానర్‌పై ఈ చిత్రాన్ని సుధాకర్ చెరుకూరి నిర్మిస్తున్నారు. భీమ్స్ ఈ సినిమాకు సంగీతం అందిస్తున్నారు.

టాలీవుడ్ రౌడీ బాయ్ విజయ్ దేవరకొండ హిట్స్‌ కోసం చాలాకాలంగా ఎదురుచూస్తున్నాడు. ఈ ఏడాది ‘కింగ్‌డమ్’ అనే సినిమాతో ప్రేక్షకులను పలకరించాడు విజయ్. గౌతమ్ తిన్ననూరి దర్శకత్వంలో తెరకెక్కిన స్పై యాక్షన్‌ డ్రామా జూలైలో విడుదలైంది. కానీ, ఈ సినిమా ఆశించిన ఫలితాన్ని ఇవ్వలేదు. ఈ మూవీ తర్వాత ‘టాక్సీవాలా’ దర్శకుడు రాహుల్ సాంకృత్యన్‌తో జతకట్టాడు విజయ్. వీరిద్దరి కాంబోలో వస్తున్న మూవీ ‘విడి14’ అనే వర్కింగ్ టైటిల్‌తో ప్రచారంలో ఉంది. పీరియాడిక్ డ్రామాగా ఈ సినిమా తెరకెక్కుతోందని సమాచారం.

మైత్రీ మూవీ మేకర్స్ బ్యానర్‌లో రూపొందుతున్న ఈ సినిమాకు సంబంధించి ఓ వార్త ప్రస్తుతం అభిమానుల్లో మరింత ఉత్సాహాన్ని నింపుతోంది. ఈ సినిమాలో ప్రముఖ హాలీవుడ్ నటుడు, మమ్మీ చిత్రం విలన్ ఆర్నాల్డ్ వోస్లూ ప్రతినాయకుడి పాత్రలో కనిపిస్తారనే వార్త ప్రస్తుతం సోషల్‌మీడియాలో వైరల్ అవుతోంది. ఇటీవలే వినోద్ సాగర్‌తో కలిసి ఆర్నాల్డ్ వోస్లూ కనిపించడం ఈ వార్తలకు మరింత బలాన్ని చేకూరుస్తోంది. దీంతో ఈ సినిమాపై అంచనాలు మరింత పెరిగాయి. అయితే ఈ సినిమాలో ఆర్నాల్డ్ ప్రతినాయకుడి పాత్రలో కనిపిస్తారా..? లేక మరేదైనా రోల్‌లో నటిస్తున్నారా.? అనే చర్చ కూడా జరుగుతోంది.

హైదరాబాద్: నందమూరి బాలకృష్ణ మరో వైవిధ్యభరితమైన సినిమా చేసేందుకు సిద్ధమయ్యారు. ‘వీర సింహారెడ్డి’ విజయం తర్వాత ఆయన గోపిచంద్ మలినేని దర్శకత్వంలో ఓ సినిమా చేస్తున్న విషయం తెలిసిందే. ‘#NBK111’ అనే వర్కింగ్ టైటిల్‌తో ఈ చిత్రం ప్రచారంలో ఉంది. కాగా, బుధవారం ఈ సినిమా షూటింగ్ పూజా కార్యక్రమాలతో ప్రారంభమైంది. ఈ విషయాన్ని చిత్ర నిర్మాణ సంస్థ అధికారికంగా ప్రకటించింది. ఈ సందర్భంగా ఓ పోస్టర్‌ని కూడా పంచుకుంది. ఈ పోస్టర్‌లో చూస్తే బాలకృష్ణ ద్విపాత్రాభినయం చేస్తున్నట్లు తెలుస్తోంది. అంతేకాక ఆయన ఓ యోధుడి పాత్రలో కనిపించనున్నట్లు అర్థమవుతోంది.

కాగా, ఈ చిత్రాన్ని వృద్ధి సినిమాస్ బ్యానర్‌పై నిర్మిస్తుండగా.. నయనతార ఈ సినిమాలో హీరోయిన్‌గా నటిస్తోంది. ఇది బాలకృష్ణ.. నయనతార కాంబినేషన్‌లో వస్తున్న నాలుగో చిత్రం కావడం విశేషం. గతంలో వీరిద్దరి కాంబోలో వచ్చిన ‘సింహా’, ‘జైసింహా’, ‘శ్రీ రామరాజ్యం’ సినిమాలు సూపర్ హిట్‌గా నిలిచాయి. అంతేకాక.. ఈ చిత్రానికి తమన్ సంగీతం అందిస్తున్నారు. బాలకృష్ణ, తమన్ కాంబినేషన్‌లో వస్తున్న ఆరో చిత్రమిది.

మహేశ్‌బాబు హీరోగా.. ఎస్ఎస్ రాజమౌళి దర్శకత్వంలో తెరకెక్కుతున్న భారీ యాక్షన్ చిత్రం ‘వారణాసి’. పాన్ వరల్డ్ సినిమాగా రూపొందుతున్న ఈ చిత్రం టైటిల్‌ని ప్రకటించేందుకు ఈ నెల 15వ తేదీన ‘గ్లోబ్‌ట్రాటర్’ పేరుతో ఓ భారీ ఈవెంట్ నిర్వహించారు. సాధారణంగా రాజమౌళి తన సినిమాల ఈవెంట్స్‌లో హీరోల ఎంట్రీని చాలా గ్రాండ్‌గా ప్లాన్ చేస్తుంటారు. అలాగే ఈ ఈవెంట్‌లోనూ మహేశ్ ఎంట్రీ అదిరిపోయేలా ప్లాన్ చేశారు రాజమౌళీ

ఈ ఈవెంట్‌లో మహేశ్ ‌బాబు ఎంట్రీ హైలైట్‌గా నిలిచింది. భారీ వృషభం(బొమ్మ)పై మహేశ్ ఈ ఈవెంట్‌లో ఎంట్రీ ఇచ్చారు మహేశ్. అయితే ఈ ఎంట్రీ కోసం ఎంత కష్టపడ్డారో ఓ వీడియోని విడుదల చేసింది చిత్ర యూనిట్. వృషభం బొమ్మని ఎలా తయారు చేశారో.. దాని కోసం ప్రత్యేకంగా ఓ ట్రాక్‌ని నిర్మించడం.. ముందు రాజమౌళి దానిపై వెళ్లి ట్రయల్ వేయడం.. ఆ తర్వాత మహేశ్ దానిపై వెళ్లడాన్ని మనం ఈ వీడియోలో చూడొచ్చు. ఎంతో మంది ఇంతలా కష్టపడ్డారు కాబట్టే ఈ ఈవెంట్ మహేశ్ ఎంట్రీ అంత సక్సెస్ అయిందని చెప్పుకోవచ్చు.

ఇక సినిమా విషయానికొస్తే.. ఈ సినిమాలో ప్రియాంక చోప్రా మందాకినీ అనే పాత్రలో హీరోయిన్‌గా నటిస్తుండగా.. ప్రముఖ నటుడు పృథ్వీరాజ్ సుకుమారన్ కుంభ అనే పాత్రలో విలన్‌గా నటిస్తున్నారు. ఇంకా ఈ సినిమాకు సంబంధించిన మరిన్ని వివరాలు తెలియాల్సి ఉంది. 2027 సమ్మర్‌లో ఈ సినిమా విడుదల అయ్యే అవకాశం ఉంది.

మాస్ మహరాజ రవితేజ నటించిన లేటెస్ట్ చిత్రం ‘మాస్ జాతర’. శ్రీలీల ఇందులో హీరోయిన్. భాను భోగవరపు దర్శకత్వంలో తెరకెక్కిన ఈ సినిమా నవంబర్ 1న ప్రేక్షకుల ముందుకు వచ్చి అంతగా ఆకట్టుకోలేకపోయింది. ఓ నిజాయతీ గల రైల్వే పోలీస్ అధికారికి, ఓ ప్రాంతాన్ని శాసించే విలన్ మధ్య జరిగే పోరాటమే ఈ సినిమా కథాంశం. కామెడీతో పాటు పాటలు, డ్యాన్స్‌లు ఈ సినిమాకి హైలైట్‌గా నిలిచాయి.

అయితే ఇప్పుడు ఈ సినిమా బుల్లితెరపై సందడి చేసేందుకు సిద్ధమైంది. నవంబర్ 28 నుంచి ప్రముఖ ఒటిటి సంస్థ నెట్‌ఫ్లిక్స్‌లో ఈ సినిమా స్ట్రీమింగ్‌ కానుంది. ఈ మేరకు ఒటిటి సంస్థ ఓ పోస్టర్‌ని విడుదల చేసింది. ‘‘ఈ మాసోడు మీ ఇంటికి జాతరని తీసుకొస్తున్నాడు’ అంటూ ఆ పోస్టర్‌కి క్యాప్షన్ పెట్టింది. మరి వెండితెరపై బోల్తా పడ్డ ‘మాస్ జాతర’.. బుల్లితెరపై ప్రేక్షకులను ఏ మేరకు అలరిస్తుందో చూడాలి.

నిఖిల్ సిద్ధార్థ హీరోగా కనిపించి చాలాకాలమే అయింది. గతేడాది అతడు హీరోగా నటించిన ‘అప్పుడో ఇప్పుడో ఎప్పుడో’ అనే సినిమా రిలీజైంది. కానీ, ఈ సినిమా రిలీజైన విషయం కూడా చాలామందికి తెలియదు. అంతగా ఫ్లాప్ అయింది ఈ సినిమా. ప్రస్తుతం అతడు ‘స్వయంభు’ అనే సినిమాలో నటిస్తున్నాడు. ఈ సినిమా గురించి ప్రకటించి చాలా కాలం అయింది. కానీ, ఇప్పటివరకూ ఒక్క అప్‌‌డేట్ కూడా రాలేదు. ఎట్టకేలకు ఈ సినిమా నుంచి అప్‌డేట్ వచ్చింది. ఓ ప్రత్యేకమైన వీడియోతో ఈ సినిమా విడుదల తేదీని ప్రకటించారు. భరత్ కృష్ణమాచారి దర్శకత్వంలో తెరకెక్కిన ఈ పాన్ ఇండియా చిత్రం వచ్చే ఏడాది ఫిబ్రవరి 13న విడుదల చేస్తున్నట్లు వెల్లడించారు. ఇక సినిమాలో సంయుక్త, నభా నటేష్‌లు హీరోయిన్లుగా నటిస్తున్నారు. ‘ఠాగూర్’ మధు సమర్పణలో భువన్, శ్రీకర్ ఈ చిత్రాన్ని నిర్మిస్తున్నారు. కెకె సెంథిల్‌కుమార్ ఈ సినిమాకు సినిమాటోగ్రాఫర్‌గా పని చేశారు. 

ముంబయి: బాలీవుడ్ నటులు రణ్‌వీర్ సింగ్, దీపికా పదుకొణె సినిమాల్లో నటిస్తూ ప్రేమలో పడ్డారు. ఇద్దరు కొన్ని సంవత్సరాలు సహజీవనం చేసిన అనంతం ప్రేమ పెళ్లి చేసుకున్నారు. ఎప్పుడు ప్రేమలో పడ్డాము అనే విషయాన్ని నటుడు రణ్‌వీర్ సింగ్ గుర్తు చేశారు.  రామ్‌లీల షూటింగ్ జరుగుతున్న సమయంలో ఉదయ్‌పూర్‌లో ఇద్దరం ప్రేమలో పడ్డామని పేర్కొన్నారు. ఉదయ్‌పూర్ అనేది ఎన్నో ప్రేమ కథలకు ప్రారంభంగా కనిపిస్తుందన్నారు. ఈ గ్రామం ప్రేమకథలకు, ప్రేమికులకు అదృష్టమని పేర్కొన్నారు. రామ్‌లీల సినిమా షూటింగ్ చాలా కాలం జరగడంతో మా మధ్య ప్రేమ వికసించిందని, కొన్ని రోజులు సహజీవనం చేసిన తరువాత ప్రేమ పెళ్లి చేసుకున్నామని వివరించారు. ఈ జంట 2013లో ప్రేమలో పడగా 2018లో లవ్ మ్యారేజ్ చేసుకున్నామని, గత సంవత్సరం ఈ జంటకు పాప జన్మించిందన్నారు. ఉదయ్‌పూర్ తన జీవితంలో ఎంతో అదృష్టాన్ని తీసుకొచ్చిందని, ఎంతో మంది జీవితాల్లో వెలుగులు నింపిందని కొనియాడారు. తన కూతురు ‘దువా’ను పరిచయం చేస్తూ ఫొటోను అభిమానులతో సోషల్ మీడియాలో షేర్ చేశారు.