Breaking News,తాజా వార్తలు,సినిమా

హైదరాబాద్: స్టైలిష్ హీరో సుధీర్ బాబు నటించిన లేటెస్ట్ చిత్రం ‘జటాధర’. ఫాంటసీ, హారర్ జానర్‌లో ఈ సినిమాను తెరకెక్కించారు. ఇప్పటికే ఈ సినిమా నుంచి వచ్చిన అన్ని అప్‌డేట్స్ ఆకట్టుకున్నాయి. తాజాగా ఈ సినిమా ట్రైలర్‌ని విడుదల చేశారు. ‘పూర్వం ధనాన్ని దాచిపెట్టి… మంత్రాలతో బంధనాలు వేసేవారు’ అనే డైలాగ్‌తో ఈ ట్రైలర్ ప్రారంభం అవుతోంది.

ట్రైలర్‌లోని ప్రతీ షాట్ ఆకట్టుకుంటున్నాయి. ముఖ్యంగా ‘ధనపిశాచి’ అనే పాత్రలో బాలీవుడ్ నటి సోనాక్షి నటన, నమ్రతా శిరోధ్కర్ సోదరి శిల్పా శిరోద్కర్ నటన ఈ ట్రైలర్‌కే హైలైట్‌గా నిలిచాయి. సుధీర్ బాబు కూడా యాక్టింగ్‌ కుమ్మేశాడు. ఈ సినిమాలో సుధీర్ బాబు గోస్ట్ హంటర్ పాత్రలో నటిస్తున్నారని ట్రైలర్ చూస్తే అర్థమవుతోంది. ఇక ట్రైలర్‌లో విజువల్స్ చాలా గ్రాండ్‌గా ఉన్నాయి. ఈ సినిమాకు వెంకటేశ్ కల్యాణ్, అభిషేక్ అగర్వాల్ దర్శకత్వం వహిస్తుండగా.. జీ స్టూడియోస్, ప్రేరణ అరోరా సంయుక్తంగా నిర్మిస్తున్నారు. ఈ సినిమా తెలుగు, హిందీ భాషల్లో నవంబర్ 7న విడుదల కానుంది.

మెగా సుప్రీం హీరో సాయి దుర్గా తేజ్ నటిస్తున్న తాజా చిత్రం ‘సంబరాల ఏటి గట్టు’. ‘విరూపాక్ష’, ‘బ్రో’ చిత్రాల తర్వాత రెండు సంవత్సరాలు గ్యాప్ తీసుకొని తేజ్ నటిస్తున్న చిత్రం ఇది కావడంతో దీనిపై అంచనాలు ఓ రేంజ్‌లో ఉన్నాయి. ఇప్పటికే ఈ సినిమా నుంచి విడుదలైన అప్‌డేట్స్ అన్నిటికీ మంచి రెస్పాన్స్ వచ్చింది. అయితే బుధవారం తేజ్ పుట్టిన రోజు సందర్భంగా ఈ సినిమా గ్లింప్స్‌ని విడుదల చేశారు. ‘అసుర ఆగమనం’ పేరుతో విడుదలైన ఈ గ్లింప్స్ సినిమాపై అంచనాలను మరో లెవల్‌కి తీసుకెళ్లింది.

ఈ గ్లింప్స్ బట్టి చూస్తే మాస్ యాక్షన్ మూవీ అని క్లారిటీ వచ్చింది. గ్లింప్స్‌లోని ప్రతీ షాట్ అదిరిపోయిందిని ఫ్యాన్స్ అంటున్నారు. చివర్లో ‘అసుర సంధ్యవేళ మొదలైంది.. రాక్షసుల ఆగమనం’ అంటూ తేజ్ చెప్పిన డైలాగ్ హైలైట్‌గా నిలిచింది. ఇక ఈ సినిమాకి రోహిత్ కె.పి దర్శకత్వం వహిస్తుండగా.. ఐశ్వర్య లక్ష్మి హీరోయిన్‌గా నటిస్తోంది. నిజానికి ఈ సినిమా ఈ నెలలోనే విడుదల చేస్తామంటూ చాలాసార్లు ప్రకటించారు. కానీ, ఇంకా షూటింగ్ పూర్తి కాకపోవడంతో దాన్ని వాయిదా వేశారు. మరి సినిమాను ఈ ఏడాది తీసుకొస్తారా..? లేదా వచ్చే ఏడాదికి వాయిదా..? పడుతుందో చూడాలి.

ప్రముఖ బాలీవుడ్ నటుడు హృతిక్ రోషన్ ఇటీవల ఢిల్లీ హైకోర్టును ఆశ్రయించిన విషయం తెలిసిందే. అనుమతి లేకుండా తన ఫోటోలను వాడుతున్నారని ఆయన కోర్టులో పిటిషన్ వేశారు. తాజాగా ఆయనకు కోర్టులో స్వల్ప ఊరట లభించింది. ఇకపై అనుమతి లేకుండా హృతిక్ ఫోటోలు వాడడానికి వీళ్లేదని కోర్టు ఆదేశించింది. వెంటనే హృతిక్ ఫోటోలను తొలగించాలని ఇ-కామర్స్ వెబ్‌సైట్లకు సూచించింది.

అయితే అనుమతి లేకుండా తన వాయిస్, ఫోటోలను ఇన్‌స్టాగ్రామ్, ఫ్యాన్స్ పేజీలలో ఉపయోగించుకుంటున్నారని హృతిక్ చేసిన ఆరోపణలను కోర్టు తోసిపుచ్చింది. అభిమానుల పేజీలలో వాడుకునేందుకు ప్రస్తుతానికి అనుమతి ఇచ్చింది. హృతిక్ పేరు, డ్యాన్స్ వీడియోలతో ట్యూటోరియల్స్‌ను విస్తృతంగా ప్రచారం చేస్తున్నారని నటుడి తరఫు న్యాయవాది కోర్టుకు తెలిపారు. దీనిపై స్పందించిన న్యాయస్థానం వారు ప్రజలకు నేర్పించడం కోసం ఆ డ్యాన్స్ వీడియోలను ఉపయోగిస్తున్నారని తెలిపింది. అందులో వాణిజ్య ప్రయోజనం ఏమాత్రం లేదని.. ఎవరైనా ఉపయోగించుకోవచ్చని పేర్కొంది.

హైదరాబాద్: మెగాస్టార్ చిరంజీవి, అనిల్ రావిపూడి దర్శకత్వంలో తెరకెక్కుతున్న చిత్రం ‘మన శంకర వరప్రసాద్ గారు’. నయనతార ఈ చిత్రంలో హీరోయిన్‌గా ‘శశిరేఖ’ అనే పాత్రలో నటిస్తోంది. కొద్ది రోజుల క్రితం దసరా కానుకగా ఈ సినిమా నుంచి ‘మీసాల పిల్ల’ అనే పాట ప్రోమోను చిత్ర బృందం విడుదల చేసింది. ఈ ప్రోమోకు అభిమానుల నుంచి మంచి రెస్పాన్స్ వచ్చింది. అయితే ఫుల్ సాంగ్ విడుదలకు మాత్రం చిత్ర యూనిట్ కాస్త ఆలస్యం చేసింది.

అయితే ఈ ఆలస్యాన్ని కూడా ప్రమోషన్ కింద వాడేసుకున్నాడు దర్శకుడు అనిల్. ‘సంక్రాంతి వస్తున్నాం’ సినిమాలోని బుల్లిరాజుతో ఈ పాట ఎప్పుడు వస్తుందా అంటూ ఓ ఫన్నీ వీడియోని విడుదల చేశారు. నిజానికి ‘మీసాల పిల్ల’ ఫుల్ సాంగ్ సోమవారమే విడుదల చేస్తామని తొలుత చెప్పారు. కానీ, అనుకోని కారణాల వల్ల వాయిదా వేశారు. కాగా, ఈ పాటని మంగళవారం విడుదల చేసింది చిత్ర యూనిట్‌. ఇక ఈ పాటని ఉదిత్ నారాయణ్, శ్వేత మోహన్ అలపించగా.. భీమ్స్ సంగీతం అందించారు. భాస్కరభట్ల ఈ పాటకు లిరిక్స్ రాశారు. ఇక ఈ సినిమా వచ్చే ఏడాది సంక్రాంతి కానుకగా విడుదల కానుంది.

పాన్ ఇండియా సినిమాలతో ఫుల్ బిజీ అయిపోయిన హీరోయిన్ రష్మిక. ప్రస్తుతం ఆమె నటిస్తున్న లేటెస్ట్ చిత్రం ‘థామా’. మాడాక్ హారర్ కామెడీ యూనివర్స్‌లో వస్తున్న ఐదో చిత్రం ఇది. ఇప్పటివరకూ ఈ యూనివర్స్‌లో ‘స్త్రీ’, ‘భేదియా’, ‘ముంజ్యా’, ‘స్త్రీ-2’ చిత్రాలు వచ్చాయి. ఈ సినిమాల తర్వాత వస్తున్న చిత్రం థామా కావడంతో దీనిపై భారీ అంచనాలు ఉన్నాయి. కొద్ది రోజుల క్రితం విడుదలైన ఈ సినిమా ట్రైలర్‌కు మంచి స్పందనే వచ్చింది.

అంతేకాక.. సినిమా నుంచి వచ్చిన వీడియో సాంగ్స్‌ కూడా ప్రేక్షకులను ఆకట్టుకున్నాయి. అందులో రష్మిక చేసిన పాట ఒకటి కాగా, ‘దిల్‌బర్’ అంటూ సాగే పాటలో బాలీవుడ్ బ్యూటీ నోరా ఫతేహి చిందులు వేసింది. తాజాగా ఈ సినిమా నుంచి ‘పాయిజన్ బేబి’ అంటూ సాగే పాటని విడుదల చేశారు. ఇందులో 51 ఏళ్ల వయస్సులోనూ తన అందంతో కుర్రకారును కుదిపేస్తున్న మలైకా ఆరోరా స్టెప్పులు వేసింది. ఇది కూడా పార్టీ సాంగ్‌లానే కనిపిస్తోంది. చివర్లో మలైకాతో పాటు రష్మిక కూడా డ్యాన్స్ చేయడం విశేషం. ఇక ఈ సినిమాను ఆదిత్య సర్పోట్దార్ దర్శకత్వం వహించగా.. పరేష్ రావల్, నవాజుద్దీన్ సిద్దిఖీ తదితరులు కీలక పాత్రలు పోషించారు. అక్టోబర్ 21వ తేదీన థామా విడుదల కానుంది.

సోషల్‌మీడియా అందుబాటులోకి రాని సమయంలో ఎంత పెద్ద సినిమాలో అయినా చిన్నచిన్న పొరపాట్లు జరిగితే ఎవరూ పట్టించుకునే వారు కాదు. కానీ, ఇప్పుడు పరిస్థితి అలా లేదు. ప్రేక్షకులు సినిమాలో ఏదైన తప్పు దొరికితే వెంటనే దాన్ని నెట్‌లో పెట్టి ఏకి పారేస్తున్నారు. తాజాగా ‘కాంతార: ఛాప్టర్ 1’ సినిమాకు ఇదే పరిస్థితి ఎదురైంది. అక్టోబర్ 2న విడుదలైన ఈ సినిమా బ్లాక్‌బస్టర్ హిట్‌గా నిలిచింది. కలెక్షన్ల పరంగా కూడా కాసుల పంట పండిస్తోంది.

‘కాంతార’ ప్రస్తుతం జరుగుతున్నట్లు తీశారు. కానీ, ఈ సినిమా దానికి ప్రీక్వెల్‌గా 16వ శతాబ్ధంలో జరుగుతున్నట్లు తెరకెక్కించారు. అందుకు తగినట్లు సెట్స్, కాస్ట్యూమ్స్ అన్ని చక్కగా డిజైన్ చేశారు. కాని ఒక్కచోట మాత్రం టీమ్ తప్పు చేసింది. తాజాగా ఈ సినిమాలో సెకండాఫ్‌లో ‘బ్రహ్మకలశ’ అనే పాట ఉంటుంది. గూడెంలో ఉండే దేవుడిని రాజు ఉండే చోటుకి తీసుకువచ్చే సందర్భంలో ఈ సాంగ్ వస్తుంది. ఈ పాటలో అందరూ కలిసి భోజనం చేస్తున్న చోట ప్రస్తుతం వాడుకలో ఉన్న 20 లీటర్ల వాటర్ క్యాన్ కనిపిస్తుంది. ఇది సినిమాలో, రెండు రోజుల క్రితం విడుదల చేసిన వీడియో సాంగ్‌లోనూ కనిపించింది. దీనిపై నెటిజన్లు ట్రోల్స్ చేస్తున్నారు. 16వ శతాబ్ధంలో వాటర్ క్యాన్ ఎలా వచ్చిందని కామెంట్స్ చేస్తున్నారు.

యువ హీరోలలో సిద్ధూ జొన్నలగడ్డకు సపరేట్ ఫ్యాన్ బేస్ ఉంది. కెరీర్ ఆరంభంలో చేసిన కొన్ని చిత్రాలకు అంత ఆదరణ లభించకపోయినా.. ‘డిజె టిల్లు’ సినిమాతో తన సత్తా నిరూపించుకున్నాడు సిద్ధూ. ఈ సినిమా బ్లాక్‌బస్టర్ హిట్ తర్వాత కొంత గ్యాప్ తీసుకొని ‘టిల్లు స్క్వేర్’ అనే సినిమాతో పలకరించాడు. ఈ సినిమా అంతంత మాత్రంగా ఆడింది. అయితే ప్రస్తుతం సిద్ధూ చేస్తున్న చిత్రం ‘తెలుసు కదా’. రొమాంటిక్ కామెడి జానర్‌లో ఈ సినిమా తెరకెక్కింది. ఈ సినిమాతో ప్రముఖ కాస్ట్యూమ్ డిజైనర్ నీరజా కోనా దర్శకురాలిగా పరిచయం అవుతున్నారు.

ఇప్పటికే విడుదలైన ఈ సినిమా అప్‌డేట్స్ అన్ని ప్రేక్షకులను అలరించాయి. ముఖ్యం ఈ సినిమా నుంచి వచ్చిన ‘మల్లిక గంధ’ అనే పాట సూపర్ హిట్ అయింది. సోమవారం ఈ సినిమా ట్రైలర్‌ని విడుదల చేసింది చిత్ర యూనిట్. ఇద్దరు ప్రేయసుల నడుమ చిక్కుకుపోయిన ప్రియుడి కథ ఇది అని ట్రైలర్ చూస్తే అర్థమవుతోంది. ఇక ఈ సినిమాలో రాశీ ఖన్నా, శ్రీనిధి శెట్టిలు హీరోయిన్లుగా నటిస్తుండగా.. వైవా హర్ష కీలక పాత్ర పోషిస్తున్నాడు. పీపుల్స్ మీడియా ఫ్యాక్టరీ బ్యానర్‌పై నిర్మిస్తున్నారు. తమన్ ఈ సినిమాకు సంగీతం అందించారు. దీపావళి కానుకగా ఈ సినిమా అక్టోబర్ 17వ తేదీన విడుదల కానుంది.

హైదరాబాద్: మహాత్మ గాంధీ గురించి నటుడు శ్రీకాంత్ అయ్యంగార్ అనుచిత వ్యాఖ్యలు చేసిన విషయం తెలిసిందే. ఈ ఘటనలో శ్రీకాంత్ వ్యాఖ్యలపై తీవ్ర అభ్యంతరం వ్యక్తమైంది. ఆయనపై తీవ్ర విమర్శలు వచ్చాయి. తాజాగా శ్రీకాంత్ తన మాటలకు క్షమాపణలు చెప్పారు. కొన్ని రోజుల క్రితం తాను పెట్టిన పోస్టు చాలామంది మనోభావాలను దెబ్బ తీసిందని.. అందుకు వారందరికీ క్షమాపణలు చెప్తున్నానని పేర్కొన్నారు.

శ్రీకాంత్ వ్యాఖ్యలపై ఎమ్మెల్సీ బల్మూరి వెంకట్ శనివారం సైబర్ సెల్ పోలీసులకు ఫిర్యాదు చేశారు. అంతేకాక ‘మా’ అధ్యక్షుడు మంచు విష్ణుకు కూడా ఆ ఫిర్యాదు చేశారు. శ్రీకాంత్ ‘మా’ సభ్యత్వాన్ని రద్దు చేయాలని కోరారు. పబ్లిసిటీ కోసమే శ్రీకాంత్ చరిత్రను వక్రీకరించారని.. గాంధీ సిద్ధాంతాలను నమ్మే వారి మనోభావాలను దెబ్బ తీశారని పేర్కొన్నారు. నటుడిపై ‘మా’ కఠిన చర్యలు తీసుకోవాలని కోరారు. సినీ పెద్దలు కూడా ఈ వ్యాఖ్యలను ఖండించాలని విజ్ఞప్తి చేశారు. ఈ నేపథ్యంలో శ్రీకాంత్ క్షమాపణలు చెప్పారు. 

హైదరాబాద్: రామ్ పోతినేని హీరోగా నటిస్తున్న లేటెస్ట్ చిత్రం ‘ఆంధ్ర కింగ్ తాలుకా’. అయితే గత ఏడాది విడుదలైన ‘డబుల్ ఇస్మార్ట్’ సినిమాతో డిజాస్టర్‌ని మూటగట్టుకున్నాడు రామ్. ఇప్పుడు ‘ఆంధ్ర కింగ్ తాలుకా’ సినిమాతో తిరిగి ఫామ్‌లోకి రావాలని భావిస్తున్నాడు. ఈ చిత్రంలో కన్నడ స్టార్ ఉపేంద్ర కీలక పాత్రలో నటిస్తున్నాడు. ఉపేంద్ర ఈ సినిమాలో ఉపేంద్ర స్టార్ హీరోగా నటిస్తుండగా.. అతని అభిమానిగా రామ్ నటిస్తున్నాడు. తాజాగా ఈ సినిమా టీజర్‌ని చిత్ర యూనిట్ విడుదల చేసింది.

తన అభిమాన హీరో కోసం ఎంత దూరమైన వెళ్లే ఫ్యాన్‌గా రామ్ ఈ టీజర్‌లో కనిపించాడు. హీరో కోసం ఫైట్లు చేయడం.. థియేటర్ వద్ద గోల చేయడం మనం ఈ టీజర్‌లో చూడొచ్చు. ఇక హీరోయిన్ భాగ్య శ్రీ బోర్సేతో లవ్ సీన్స్‌ కూడా ఆకట్టుకొనేలా ఉన్నాయి. చివర్లో ‘‘ఫ్యాన్.. ఫ్యాన్.. అని నువ్వు గుడ్డలు చించుకోవడమే కానీ.. నువ్వు ఒకడివి ఉన్నావని కూడా మీ హీరోకు తెలియదు.. ఏం బతుకులురా మీవీ.. చీచీ’’ అనే చెప్పే డైలాగ్‌తో టీజర్ ముగుస్తుంది. మొత్తానికి టీజర్ ఎనర్జిటిక్‌గా ఉంది. ఈ సినిమాతో రామ్ సూపర్హిట్ అంుకోవానలి ఫ్యాన్స్ కోరుకుంటున్నారు. ఇక ఈ సినిమాకు మహేశ్‌బాబు పి దర్శకత్వం వహించగా.. మైత్రి మూవీ మేకర్స్ బ్యానర్‌పై చిత్రాన్ని నిర్మించారు. మురళీ శర్మ, రాహుల్ రామకృష్ణ, విటివి గణేష్ తదితరులు కీలక పాత్రలు పోషించారు. నవంబర్ 28వ తేదీన ఈ సినిమా థియేటర్‌లో సందడి చేయనుంది. 

మిరాయ్’ లాంటి పాన్ ఇండియా బ్లాక్‌బస్టర్ తర్వాత పీపుల్ మీడియా ఫ్యాక్టరీ నుంచి వస్తున్న మ్యూజికల్ రొమాంటిక్ ఎంటర్‌టైనర్ ’తెలుసు కదా’. స్టార్ బాయ్ సిద్ధు జొన్నలగడ్డ హీరోగా నటిస్తున్న ఈ చిత్రంలో శ్రీనిధి శెట్టి, రాశి ఖన్నా హీరోయిన్స్. ప్రముఖ స్టైలిస్ట్-ఫిల్మ్ మేకర్ నీరజా కోన దర్శకత్వంలో పీపు ల్ మీడియా ఫ్యాక్టరీ బ్యానర్ పై టిజి విశ్వ ప్రసాద్, కృతి ప్రసాద్ నిర్మించారు. తెలుసు కదా అక్టోబర్ 17న గ్రాండ్ గా విడుదల కానుంది. ఈ సందర్భంగా హీరోయిన్ రాశి ఖన్నా విలేకరుల సమావేశంలో మాట్లాడుతూ “-చాలా ట్రయాంగిల్ లవ్ స్టోరీస్ చూసుంటాం. కానీ ఇందులో ఒక యూనిక్ పాయింట్ వుంది. ఆ పాయింట్ థియేటర్స్‌లో చూడాలి. అది ప్రేక్షకులని ఎంతగానో అలరిస్తుంది. -ఈ సినిమా షూటింగ్‌లో చాలా సర్‌ప్రైజ్ అయ్యాను. ఈ సినిమా చూసిన తర్వాత ఆడియన్స్ లవ్, బౌండరీస్ గురించి మాట్లాడుకుంటారు. ఇలాంటి పాయింట్ తో సినిమా ఇప్పటివరకూ నేను చూడలేదు. -ఈ కథని చాలా ఎంజాయ్ చేశాను. నీరజ ప్రతి క్యారెక్టర్‌ని అద్భుతంగా రాసింది. చాలా లేయర్స్ వున్నాయి.

ఇందులో మూడు పాత్రలు చాలా డిఫరెంట్ గా వుంటాయి. ఆ మూడు పాత్రలు బ్యాలెన్స్ చేయడం చాలా టఫ్. నేను చాలా లవ్ స్టోరీస్ చేశాను. కానీ ఇది చాలా డిఫరెంట్. -ఇందులో అంజలి పాత్రలో కనిపిస్తాను. నా రియల్ లైఫ్ కి ఆ పాత్రకు ఏ మాత్రం పోలికలు లేవు. -హీరో సిద్దు ఆన్‌సెట్‌లో క్రాఫ్ట్ మీద చాలా సీరియస్‌గా వుంటారు. ఆయనకి ప్రతి క్రాఫ్ట్ మీద చాలా గ్రిప్ వుంటుంది. ఆయనతో వర్క్ చేయడం చాలా మంచి అనుభవాన్నిచ్చింది. -తమన్ అద్భుతమైన మ్యూజిక్ ఇచ్చారు. మల్లిక గంధ పెద్ద హిట్ అయ్యిం ది. పాటలన్నీ చాలా అద్భుతంగా వచ్చాయి. శ్రీనిధి, -నా కాంబినేషన్ లో చాలా మంచి సీన్స్ వున్నాయి. మేము మంచి ఫ్రెండ్స్ అయ్యాం. –నిర్మాత విశ్వ ప్రసాద్‌తో వెంకీ మామ సినిమా చేశాను. ఇది సెకండ్ ఫిల్మ్. సినిమా పట్ల చాలా అభిరుచి ఉన్న ప్రొడ్యూసర్. సినిమాకి కావాల్సిన ప్రతిది సమకూర్చారు. -పవన్ కళ్యాణ్‌తో ఉస్తాద్ భగత్ సింగ్ చేస్తున్నాను. పవన్ కళ్యాణ్‌తో వర్క్ చేయడం గొప్ప అనుభవం. ఇక- హిందీలో నాలుగు ప్రాజెక్ట్ చేస్తున్నాను”అని అన్నారు.