Breaking News,తాజా వార్తలు,సినిమా

సక్సెస్‌ఫుల్ డైరెక్టర్ అనిల్ రావిపూడి.. ప్రస్తుతం మెగాస్టార్ చిరంజీవితో సినిమా చేస్తున్న విషయం తెలిసిందే. ‘మన శంకర వరప్రసాద్ గారు’ అనే టైటిల్‌తో ఈ సినిమా సంక్రాంతి కానుకగా 2026, జనవరి 12న విడుదల కానుంది. అయితే ప్రస్తుతం సోషల్‌మీడియాలో ట్రెండింగ్‌లో ఉన్న ఈ విషయాన్ని అనిల్ కూడా ఫాలో అయ్యారు. ఎఐ సాయంతో సినిమా నటులతో సెల్ఫీలు దిగుతున్నట్లు ఉండే వీడియోలు ప్రస్తుతం సోషల్‌మీడియాలో ట్రెండ్ అవుతున్నాయి. అనిల్ కూడా అదే చేశారు. మెగాస్టార్ చిరంజీవి నటించి ‘ఖైదీ’, ‘జగదేకవీరుడు అతిలోక సుందరి’, ‘ఇంద్ర’, ‘ఠాగూర్’ తదితర చిత్రాల్లో చిరంజీవి పాత్రలతో సెల్ఫీ దిగుతున్నట్లు ఉండే ఓ వీడియోని ఆయన షేర్ చేశారు. చివర్లో తన సినిమాని కూడా జత చేశారు. ‘అలా నేను చూస్తూ పెరిగిన మెగాస్టార్ నుంచి.. ఇలా నేను డైరెక్ట్ చేసే మెగాస్టార్ వరకు’ అంటూ క్యాప్షన్ ఇచ్చారు. ప్రస్తుతం ఈ వీడియో ట్రెండ్ అవుతోంది. 

Going with the trend 😃👌🏻

అలా నేను చూస్తూ పెరిగిన మెగాస్టార్ నుంచి, ఇలా నేను డైరెక్ట్ చేసే మెగాస్టార్ వరకు🥳🥳🥳

Thanks to AI 😄
(‘AI’ ని ఇలా పద్ధతిగా కూడా వాడుకోవచ్చు 😉)#ManaShankaraVaraPrasadGaru pic.twitter.com/o23yvZOlMw

— Anil Ravipudi (@AnilRavipudi) December 21, 2025

కీర్తి సురేశ్ ప్రధాన పాత్రలో నటించిన లేటెస్ట్ క్రైమ్ కామెడీ ఎంటర్‌టైనర్ ‘రివాల్వర్ రీటా’. జికె చందు దర్శకత్వంలో తెరకెక్కిన ఈ సినిమాని ఫ్యాషన్ స్టూడియోస్ సుధన్ సుందరమ్, రూట్స్ ప్రొడక్షన్స్ జగదీశ్ పళని స్వామి సంయుక్తంగా నిర్మించారు. తండ్రి లేని కుటుంబాన్ని ఓ బేకరిలో పని చేస్తూ చూసుకొనే అమ్మాయి జీవితంలో గ్యాంగ్‌స్టర్స్ ప్రవేశించడంతో ఆమె జీవితం ఎలాంటి మలుపులు తిరిగింది అనేదే ఈ సినిమా కథాంశం.

గత నెల 28న ప్రేక్షకుల ముందుకు వచ్చిన ఈ సినిమా బాక్సాఫీస్ వద్ద ఫర్వాలేదు అనిపించింది. తాజాగా ఈ మూవీ ఒటిటిలోకి వచ్చేందుకు సిద్ధమైంది. ఈ నెల 26 నుంచి నెట్‌ఫ్లిక్స్‌లో ఈ సినిమా స్ట్రీమింగ్ కానుంది. ఈ విషయాన్ని ఒటిటి సంస్థ సోషల్‌మీడియా వేదికగా వెల్లడించింది. తమిళంతో పాటు తెలుగు, కన్నడ, మలయాళ భాషల్లో అందుబాటులో ఉంటుందని పోస్టర్‌ పంచుకుంది. ఈ చిత్రంలో రాధికా శరత్‌కుమార్, సూపర్ సుబ్బరాయన్, సునీల్, అజయ్ ఘోష్, రెడిన్ కింగ్ల్సీ కీలక పాత్రలు పోషించారు. మరి బుల్లితెరపై ఈ సినిమా ప్రేక్షకులను ఎంత మేరకు అలరిస్తుందో చూడాలి.

కన్నడ రాక్‌స్టార్ యశ్ నటిస్తున్న లేటెస్ట్ చిత్రం ‘టాక్సిక్’. ఈ సినిమాకు సంబంధించి అప్‌డేట్స్ వచ్చి చాలాకాలమే అయింది. ‘కె.జి.ఎఫ్’ వంటి బ్లాక్‌బస్టర్ హిట్ తర్వాత యశ్ నటిస్తున్న చిత్రమిది కావడంతో దీనిపై అంచనాలు తారాస్థాయిలో ఉన్నాయి. ఇక ఈ సినిమాలో ముగ్గురు హీరోయిన్లు నటిస్తున్నారనే టాక్ కూడా ఉంది. అందులో ఒక హీరోయిన్ నిజమైంది. ఈ సినిమాలో అందాల భామ కియారా అడ్వాణీ నటిస్తున్నట్లు కన్ఫామ్ అయింది.

తాజాగా ‘టాక్సిక్’ నుంచి కియారా ఫస్ట్‌లుక్‌ని చిత్ర యూనిట్ విడుదల చేసింది. ఈ సినిమాలో కియారా.. నదియా అనే పాత్రలో కనిపిస్తుందని పేర్కొంది. ఇక ఈ సినిమాలో హీరోయిన్లుగా కరీనా కపూర్, నయనతార, శృతి హాసన్ తదితర పేర్లు తెరపైకి వచ్చాయి. మరి వీరిలో ఎవరు హీరోయిన్లుగా ఫిక్స్ అవుతారో అనే విషయంలో క్లారిటీ లేదు. ఇక ఈ సినిమా గురించి యశ్ చేసిన వ్యాఖ్యలు వైరల్ అయ్యాయి. చిన్నారుల గురించి ఎన్నో సినిమాలు వచ్చాయని.. ఇది పెద్దలకు సందేశమిచ్చే చిత్రమిది అని పేర్కొన్నారు. అందుకే ‘ఏ ఫెయిరీ టేల్ ఫర్ గ్రోస్ అప్స్’ అనే ట్యాగ్‌లైన్ పెట్టామని అన్నారు.

ఆది సాయి కుమార్ హీరోగా నటిస్తున్న లేటెస్ట్ చిత్రం ‘శంబాల’. యుగంధర్ ముని దర్శకత్వంలో తెరకెక్కిన ఈ సూపర్ నేచురల్ థ్రిల్లర్‌లో అర్చన అయ్యర్, స్వాసిక హీరోయిన్లుగా నటించారు. 1980ల నాటి శంబాల గ్రామంలో ఉల్కాపాతం తర్వాత జరిగే అతీంద్రియ సంఘటనల చుట్టూ కథ తిరుగుతుంది. భౌగోళిక శాస్త్రవేత్తగా ఆది సాయికుమార్ నటన ఆకట్టుకుంటుంది. రాజశేఖర్ అన్నభీమోజు, మహీధర్ రెడ్డి నిర్మిస్తున్న ఈ చిత్రం డిసెంబర్ 25న విడుదల కానుంది.

ఇప్పటికే విడుదలైన ఈ సినిమా ట్రైలర్ సినిమాపై అంచనాలను పెంచేసింది. తాజాగా ఈ సినిమా నుంచి ‘పదే.. పదే’ అంటూ సాగే పాటను విడుదల చేశారు. ‘శంబాల’ స్టోరీని కాస్త రివీల్ చేసేలా హీరో ఫ్యామిలీ గురించి, ఆ ఫ్యామిలీకి వచ్చిన కష్టం వివరించేలా ఇది సాగుతోంది. ఈ పాటని యామిని ఘంటశాల పాడగా.. కిట్టూ విస్సాప్రగఢ సాహిత్యం అందించారు. శ్రీచరణ్ పాకాలా అద్భుతమైన సంగీతం అందించారు. ఇప్పటికే ఈ సినిమా మంచి బిజినెస్ చేసినట్లు తెలుస్తోంది. అన్ని హక్కుల కొనుగోళ్లు పూర్తయినట్లు సమాచారం. మరి ఈ సినిమాతోనైనా.. ఆది సాయి కుమార్‌కి మంచి హిట్ పడుతుందో లేదో చూడాలి.

హారర్ సినిమాలంటే ఇష్టపడే వాళ్లు చాలా మందే ఉంటారు. ఎంత భయంగా ఉన్నా సరే.. కళ్లకు చేతులు అడ్డం పెట్టుకొని మరీ హారర్ సినిమాలు చూస్తుంటారు. అందుకే సినిమాల్లో హారర్ జోనర్‌ సినిమాకు ప్రత్యేక స్థానం ఉంది. పూర్తిస్థాయి హారర్ జోన్‌లో సినిమాను తెరకెక్కిస్తే.. అది మినిమం గ్యారెంటీగా ఆడుతుంది. అలా హారర్ జోనర్‌లో త్వరలో ప్రేక్షకుల ముందు రాబోతున్న చిత్రం ‘ఈషా’. త్రిగుణ్, హెబ్బాపటేల్ ప్రధాన పాత్రల్లో ఈ సినిమాలో నటిస్తున్నారు. ఇప్పటికే ఈ సినిమా నుంచి వచ్చిన అప్‌డేట్స్ అన్ని చాలా ఆకట్టుకున్నాయి. తాజాగా ‘ఈషా వార్నింగ్’ అనే పేరుతో ఈ చిన్న గ్లింప్స్‌ని విడుదల చేసింది చిత్ర యూనిట్. ఈ గ్లింప్స్‌లోని సన్నివేశాలు భయానకంగా ఉన్నాయి. ‘ఆత్మ అంటే అదేనేమో’ అంటూ హీరోయిన్‌ చెప్పే డైలాగ్‌ని బట్టి చూస్తే.. ఈ సినిమా ఇంకెంత భయంకరంగా ఉంటుందో అని హారర్ ప్రేమికులకు ఆసక్తిని పెంచుతోంది. శ్రీనివాస్ మన్నె దర్శకత్వంలో తెరకెక్కిన ఈ సినిమా డిసెంబర్ 25వ తేదీన ప్రేక్షకుల ముందుకు రానుంది.

హైదరాబాద్: టాలీవుడ్ ఉస్తాద్ రామ్ పోతినేని.. విభిన్నమైన పాత్రలు చేయడంలో ఎప్పుడూ ముందుంటాడు. అతడు నటించిన డబుల్ ఇస్మార్ట్ శంకర్ సినిమా డిజాస్టర్ అయిన విషయం తెలిసిందే. దీంతో స్క్రిప్ట్ సెలక్షన్‌లో రామ్ చాలా జాగ్రత్తలు తీసుకుంటున్నాడు. రీసెంట్‌గా అతడు నటించిన చిత్రం ‘ఆంధ్ర కింగ్ తాలూకా’. ఈ సినిమాలో ఓ స్టార్ హీరోకి వీరాభిమాని పాత్రలో ఆకట్టుకున్నాడు రామ్. గత నెల 27న విడుదలైన ఈ చిత్రం.. ఇప్పుడు ఒటిటిలో సందడి చేసేందుకు సిద్ధమవుతోంది….

భాగ్వశ్రీ భోర్సే హీరోయిన్‌గా నటించిన ‘ఆంధ్ర కింగ్ తాలూకా’ క్రిస్మస్ కానుకగా.. ప్రముఖ ఒటిటి ‘నెట్‌ఫ్లిక్స్‌లో డిసెంబర్ 25 నుంచి స్ట్రీమింగ్ కానుంది. ఈ మేరకు ఒటిటి సంస్థ నెట్‌ఫ్లిక్స్‌ పోస్టర్‌ని విడుదల చేసింది. ఇక కన్నడ స్టార్ ఉపేంద్ర కీలక పాత్రలో నటించిన ఈ సినిమాకి మహేశ్ బాబు.పి దర్శకత్వం వహించగా.. వివేక్ మెర్విన్‌ సంగీతం అందించారు. మైత్రీ మూవీ మేకర్స్ నిర్మాణం వహించారు. మరి థియేటర్‌లలో ఫర్వాలేదని అనిపించిన ఈ చిత్రం ఒటిటిలో 

హైదరాబాద్: మాస్ మహరాజ రవితేజ చాలాకాలంగా మంచి హిట్ కోసం ఎదురుచూస్తున్నారు. కొన్నినెల క్రితం ‘మాస్ జాతర’ అనే సినిమాతో ప్రేక్షకులను పలకరించారు. కానీ, ఈ సినిమా కూడా బాక్సాఫీస్ వద్ద బోల్తా పడింది. ప్రస్తుతం రవితేజ నటిస్తున్న చిత్రం ‘భర్త మహాశయులకు విజ్ఞప్తి’. డింపుల్ హయాతి, అషికా రంగనాథ్ ఈ సినిమాలో హీరోయిన్లు. కిషోర్ తిరుమల దర్శకత్వంలో రొమాంటిక్, కామెడి సినిమాగా ఇది రూపొందుతోంది. తాజాగా ఈ సినిమా టీజర్‌ని రిలీజ్ చేశారు. ‘వదిన వాళ్ల చెల్లి అంటే నా వైఫేగా’ అంటూ రవితేజా తనదైన శైలీలో కామెడీని పండించారు. ఎస్ఎల్‌వి సినిమాస్ బ్యానర్‌పై సుధాకర్ చెరుకూరి ఈ సినిమాని నిర్మిస్తున్నారు. భీమ్స్ ఈ సినిమాకి సంగీతం అందిస్తున్నాడు. సంక్రాంతి కానుకగా ఈ సినిమా జనవరి 13, 2026న విడుదల కానుంది.

రాకింగ్ స్టార్ మంచు మనోజ్ నటిస్తున్న కొత్త సినిమా డేవిడ్ రెడ్డి. ఈ సినిమాను వెల్వెట్ సోల్ మోషన్ పిక్చర్స్, ట్రూ రాడిక్స్ బ్యానర్స్ పై వెంకట్ రెడ్డి, భరత్ మోటుకూరి నిర్మిస్తున్నారు. డైరెక్టర్ హనుమ రెడ్డి యక్కంటి రూపొందిస్తున్నారు. బ్రిటీష్ కాలం నాటి బ్యాక్‌డ్రాప్‌తో ఇంటెన్స్ యాక్షన్ డ్రామా కథతో భారీ పాన్ ఇండియా చిత్రంగా ‘డేవిడ్ రెడ్డి‘ సిని మా తెరకెక్కుతోంది. ఈ చిత్రంలో మారి యా ర్యబోషప్క హీరోయిన్‌గా నటిస్తోంది. తెలుగు, హిందీ, తమిళ, మలయాళ, కన్నడలో ఈ సినిమా రూపొందుతోంది. ‘డేవిడ్ రెడ్డి‘ సినిమా గ్లింప్స్ లాంచ్ ఈవెంట్ ను హైదరాబాద్ లో గ్రాండ్ గా నిర్వహించారు. ఈ కార్యక్రమంలో ప్రొడ్యూసర్ భరత్ మోటుకూరి మాట్లాడుతూ – “డేవిడ్ రెడ్డి సినిమాను కేవలం మనోజ్ మాత్రమే చేయగలరు. అనేక ఇబ్బందులు పెట్టిన తర్వాత ఒకరి నుంచి పుట్టుకొచ్చే ఆవేశమే ఈ సినిమా. ఆ ఆవేశమే బ్రిటీష్ వారి మీద తిరగబడేలా చేసింది. ఈ మూవీ అందరికీ తప్పకుండా నచ్చుతుంది”అని పేర్కొన్నారు. డైరెక్టర్ హనుమరెడ్డి యక్కంటి మాట్లాడుతూ “డేవిడ్ రెడ్డి సినిమా సబ్జెక్ట్ చాలా పెద్దది.

ఈ సినిమా కథ విన్న వెంటనే మనం ఈ సినిమా చేస్తున్నామని మనోజ్ చెప్పారు. ‘డేవిడ్ రెడ్డి‘ నిజమైన పాన్ ఇండియా సినిమా. యదార్థ సంఘటనల ఆధారంగా చేసుకొని ఫిక్షనల్ క్యారెక్టర్‌తో రాసిన స్క్రిప్ట్ ఇది. గ్లింప్స్‌లో చూసింది కొంతే. మిగతాది సినిమాలో చూడండి”అని తెలియజేశారు. రాకింగ్ స్టార్ మంచు మనోజ్ మాట్లాడుతూ “1897 నుంచి 1922 మధ్య కాలంలో జరిగే పీరియాడిక్ యాక్షన్ మూవీ ఇది. డేవిడ్ రెడ్డి బ్రిటీష్ వారికే కాదు ఇండియన్స్‌కు కూడా శత్రువే. డేవిడ్ రెడ్డికి ప్రశాంతంగా ఉండటం రాదు, ఏదైనా వెళ్లి కొట్టి తెచ్చుకోవడమే తెలుసు. ఇలాంటి ఒక పవర్‌ఫుల్ క్యారెక్టర్ నేను చేయగలను అని నమ్మి నాతో మూవీ చేస్తున్న డైరెక్టర్ హనుమకు థ్యాంక్స్. బ్రిటీష్ వాళ్లు ఊళ్లకు ఊళ్లు తగలబెడుతుంటే ఆ హింసను హింసతోనే సమాధానం చెప్పే యోధుడిగా డేవిడ్ రెడ్డి కనిపిస్తాడు”అని అన్నారు. ఈ కార్యక్రమంలో ప్రొడ్యూసర్ వెంకట్ రెడ్డి, మ్యూజిక్ డైరెక్టర్ రవి బస్రూర్, సుప్రీమ్ సుందర్ పాల్గొన్నారు.

రెబల్ స్టార్ ప్రభాస్, టాలెంటెడ్ డైరెక్టర్ మారుతి, పీపుల్ మీడియా ఫ్యాక్టరీ కాంబినేషన్ లో రూపొందుతున్న క్రేజీ మూవీ ‘రాజా సాబ్‘. హారర్ కామెడీ జానర్ లో ఎవర్ గ్రీన్ మూవీగా నిలిచిపోయేలా ‘రాజా సాబ్‘ను తెరకెక్కిస్తున్నారు దర్శకుడు మారుతి. ఈ సినిమాను భారీ బడ్జెట్‌తో నిర్మిస్తున్నారు నిర్మాతలు టీజీ విశ్వప్రసా ద్, కృతి ప్రసాద్. మాళవిక మోహనన్, నిధి అగర్వాల్, రిద్ధి కుమార్ ఈ చిత్రంలో హీరోయిన్స్ గా నటిస్తున్నారు. సంక్రాంతి సందడిని రెట్టింపు చేసేందుకు జనవరి 9న ‘రాజా సాబ్‘ సినిమా వరల్డ్ వైడ్ గ్రాండ్ థియేట్రికల్ రిలీజ్ కు రెడీ అవుతోంది. బుధవారం ‘రాజా సాబ్‘ సినిమా నుంచి సెకండ్ సింగిల్ ’సహన సహన..’ రిలీజ్ చేశారు. హైదరాబాద్ లోని ఓ మాల్ లో ఈ సాంగ్ లాంచ్ ఈవెంట్ రెబల్ ఫ్యాన్స్, ప్రేక్షకుల సందడి మధ్య గ్రాండ్‌గా నిర్వహించారు. ఈ కార్యక్రమంలో మ్యూజిక్ డైరెక్టర్ తమన్ మాట్లాడుతూ “ఇప్పుడు బ్యూటిఫుల్ మెలొడీ సాంగ్ సహన సహన మీ ముందుకు తీసుకొస్తున్నాం. ఇంకా రెండు సాంగ్స్ కూడా అదిరిపోతాయి”అని పేర్కొన్నారు. డైరెక్టర్ మారుతి మాట్లాడుతూ – ఈ సంక్రాంతి రాజా సాబ్‌తో రెబల్ సంక్రాంతి అవుతుంది అని అన్నారు. నిర్మాత టీజీ విశ్వప్రసాద్ మాట్లాడుతూ త్వరలో హైదరాబాద్‌లోని పబ్లిక్ గ్రౌండ్‌లో ప్రీ రిలీజ్ ఈవెంట్ నిర్వహించబోతున్నామని తెలిపారు. ఈ కార్యక్రమంలో నిధి అగర్వాల్, రిద్ది కుమార్ పాల్గొన్నారు. 

ఈ ఏడాది ‘భైరవం’ సినిమాతో వెండితెరపై రీఎంట్రీ ఇచ్చారు రాకింగ్ స్టార్ మంచు మనోజ్. ఆ తర్వాత ‘మిరాయ్’ సినిమాలో ప్రతినాయకుడి పాత్రలో నటించి అందరిని మెప్పించారు. ప్రస్తుతం మనోజ్ వరుస సినిమాలతో బిజీగా ఉన్నారు. ఆయన నటిస్తున్న రీసెంట్ సినిమా ‘డేవిడ్ రెడ్డి’. తాజాగా ఈ సినిమా గ్లింప్స్‌ని విడుదల చేశారు. ఈ గ్లింప్స్‌లో మనోజ్ చాలా పవర్‌ఫుల్ పాత్రలో కనిపించారు. గ్లింప్స్ చూస్తే సినిమా ఓ రేంజ్‌లో ఉండనుందని ఫ్యాన్స్ కామెంట్లు చేస్తున్నారు. ఇక పీరియాడిక్ యాక్షన్ డ్రామాగా తెరకెక్కిన ఈ సినిమాకు రవి బస్రూర్ సంగీతం అందించగా.. హనుమ రెడ్డి యక్కంటి దర్శకత్వం వహించారు. ఇంకెందుక ఆలస్యం.. ‘డేవిడ్ రెడ్డి’ గ్లింప్స్‌ను మీరూ చూసేయండి…

War Dog… Ready to Roar 🔥🔥🔥

Speed of #DavidReddy. A revolutionary tale that has become a part of me. Created something powerful with @itshanumareddy, something all of us will be proud of ❤️❤️ 🏍️ pic.twitter.com/Q9nGga1lSn

— Manoj Manchu🙏🏻❤️ (@HeroManoj1) December 17, 2025