Breaking News,తాజా వార్తలు,రాష్ట్ర వార్తలు

హైదరాబాద్: జూబ్లీహిల్స్ ఉప ఎన్నికల నేపథ్యంలో రాజకీయ పార్టీల మధ్య విమర్శలు, ప్రతివిమర్శలు పెరిగిపోయాయి. అయితే తాజాగా కేంద్ర మంత్రి కిషన్ రెడ్డి సిఎం రేవంత్ రెడ్డి పై ఫైర్ అయ్యారు. రాజకీయ విమర్శలకు పరిమితులు ఉండలని.. జూబ్లీహిల్స్‌కు పాకిస్థాన్‌తో లింక్ పెట్టడం ఏంటని పేర్కొన్నారు. ఈ సందర్భంగా కిషన్ రెడ్డి మీడియాతో మాట్లాుడతూ.. కాంగ్రెస్ మోసపు పూరిత హామీలతో తెలంగాణలో అధికారంలో వచ్చిందని అన్నారు. మహిళలకు ఉచిత బస్సు ప్రయాణం తప్ప చేసిందేమీ లేదని మండిపడ్డారు. ఆరు గ్యారెంటీలు అటకెక్కాయని.. ఇచ్చిన హామీలు ఏ ఒక్కటి కూడా అమలు చేయకుండా జూబ్లీహిల్స్‌లో తమ అభ్యర్థిని గెలిపించాలంటూ మంత్రులు ప్రచారం చేయడం సిగ్గు చేటని పేర్కొన్నారు.

ఈ ఉప ఎన్నికలో కాంగ్రెస్ ఓడిపోతే రేషన్ బియ్యం ఆగిపోతుందని చెప్పడం హాస్యాస్పదమని అన్నారు. తాము ఎలాంటి సర్వే చేయకపోయినా.. తమ అభ్యర్థి లంకల దిలీప్ రెడ్డికి అనూహ్య స్పందన వస్తుందని తెలిపారు. అజహరుద్దీన్‌కి మంత్రి పదవి ఇవ్వడం తమకు రాజకీయంగా ప్లస్‌ పాయింట్‌ అయిందని అన్నారు. ఇక నగరంలో మెట్రో విస్తరణకు సంబంధించి ఇప్పటివరకు రాష్ట్రం నుంచి ఎలాంటి ప్రతిపాదన రాలేదని.. అదే విధంగా ఎల్ అండ్ టి నుంచి ప్రభుత్వం టేకోవర్ చేసిన కొత్త డిపిఆర్ ఇంకా పంపలేదని తెలిపారు.

హైదరాబాద్: ఈ నెల 3 నుంచి ప్రైవేటు కాలేజీల నిరవధిక బంద్‌కు ఉన్నత విద్యాసంస్థల సమాఖ్య పిలుపునిచ్చింది. ప్రభుత్వం హామీ ఇచ్చిన ఫీజు రీఎంబర్స్‌మెంట్ బకాయిల విడుదలకు డిమాండ్ చేస్తూ.. ఈ బంద్‌ను ప్రకటించింది. హామీ ఇచ్చిన రూ.900 కోట్లు రేపటి లోగా విడుదల చేయాలని డిమాండ్ చేసింది. ప్రభుత్వం రేపటిలోగా నిర్ణయం తీసుకోకపోతే.. నిరవధిక బంద్ తప్పదని హెచ్చరించింది. బంద్ సమయంలో పరీక్షలు వాయిదా వేయాలని పేర్కొంది.

ఈ నెల 6న లక్ష మందితో సర్వసభ్య సమావేశం నిర్వహిస్తామని తెలిపింది. అన్ని కాలేజీల సిబ్బందితో కలిసి సర్వసభ్య భేటీ జరుగుతుందని పేర్కొంది. ఈ నెల 10 లేదా 11న 10 లక్షల మంది విద్యార్థులతో సభ నిర్వహిస్తామని స్పష్టం చేసింది. బకాయిలు చెల్లించిన ఒకట్రెండు కాలేజీలపై విచారణ చేయాలని కోరింది. బకాయిలు చెల్లించకపోతే ఎమ్మెల్యేలు, అధికారుల ఇళ్ల ముట్టడి చేస్తామని హెచ్చరించింది. 

రాష్ట్రంలో 500 రోజుల్లో కెసిఆర్ ప్రభుత్వం రాబోతుందని బిఆర్‌ఎస్ వర్కింగ్ ప్రెసిడెంట్ కెటిఆర్ అన్నారు. కొందరు కాంగ్రెస్ నేతలు ప్రజలపై బెదిరింపులకు దిగుతున్నారని.. వారికి ఎవ్వరూ భయపడాల్సిన పనిలేదని ధైర్యం చెప్పారు. ప్రజలకు బిఆర్‌ఎస్ పార్టీ అండగా ఉంటుందని భరోసా ఇచ్చారు. తెలంగాణ భవన్‌లో శుక్రవారం ఎంఐఎం పార్టీకి చెందిన పలువురు నాయకులు కెటిఆర్ సమక్షంలో బిఆర్‌ఎస్ పార్టీలో చేరారు. కెటిఆర్ వారికి గులాబీ కండువాలు కప్పి పార్టీలోకి సాదరంగా ఆహ్వానించారు. ఈ సందర్భంగా కెటిఆర్ మాట్లాడుతూ, కాంగ్రెస్ ప్రభుత్వం రెండేళ్లలోనే రాష్ట్రాన్ని భ్రష్టు పట్టించిందని ఆగ్రహం వ్యక్తం చేశారు. నోటికొచ్చిన హామీలు ఇచ్చి కాంగ్రెస్ అధికారంలోకి వచ్చిందని మండిపడ్డారు. ఆడబిడ్డలకు తులం బంగారం ఇస్తాం.. యువతులకు స్కూటీలు ఇస్తాం.. వృద్ధులకు రూ.4 వేల పెన్షన్ ఇస్తామంటూ అసెంబ్లీ ఎన్నికలకు ముందు ఎన్నో హామీలు ఇచ్చిన కాంగ్రెస్, ఒక్క హామీని కూడా అమలు చేయలేదని దుయ్యబట్టారు.

ఇలాంటి సమయంలోనే ప్రజలు తెలివిగా ఆలోచించాలని పిలుపునిచ్చారు. రాష్ట్రాన్ని కాంగ్రెస్ పార్టీ ఎలా దారి తప్పించిందో గుర్తుచేసుకోవాలని అన్నారు. జూబ్లీహిల్స్ ఉప ఎన్నికలో బిఆర్‌ఎస్ అభ్యర్థిని గెలిపించి కాంగ్రెస్ పార్టీకి బుద్ధి చెప్పాలని ప్రజలకు విజ్ఞప్తి చేశారు. డబ్బులు ఇచ్చి ప్రలోభ పెట్టేందుకు కూడా కాంగ్రెస్ ప్రయత్నిస్తోందని.. ఆ డబ్బులు తీసుకొని మిగితా బాకీ డబ్బులు ఎప్పుడిస్తారో నిలదీయాలని అన్నారు. ఇవి కారుకు, బుల్డోజర్‌కు మధ్య జరుగుతున్న ఎన్నికలు అని పేర్కొన్నారు. హైడ్రా పేరుతో పేదల ఇండ్లు కూలగొట్టిన ఈ బుల్డోజర్ ప్రభుత్వానికి ఓటుతో బుద్ధిచెప్పాలని పిలుపునిచ్చారు. జూబ్లీహిల్స్ నియోజకవర్గ ఎన్నికల్లో కారు గుర్తుకు ఓటేసి బిఆర్‌ఎస్ అభ్యర్థి మాగంటి సునీతను భారీ మెజార్టీతో గెలిపించాలని కెటిఆర్ జూబ్లీహిల్స్ నియోజకవర్గ ఓటర్లను కోరారు.

మహరాష్ట్ర, తెలంగాణ అనాదిగా సాంస్కృతిక కేంద్రాలుగా గుర్తింపు పొందాయని, ఈ రెండింటి మధ్య బలమైన సాంస్కృతిక అనుబంధం ఉందని రాష్ట్ర పర్యాటక, సాంస్కృతిక శాఖ మంత్రి జూపల్లి కృష్ణారావు అన్నారు. మహారాష్ట్ర సాంస్కృతిక శాఖ మంత్రి ఆశిష్ షెలార్, తెలంగాణ రాష్ట్ర పర్యాటక, సాంస్కృతిక శాఖ మంత్రి జూపల్లి కృష్ణారావును డా.బీఆర్. అంబేద్కర్ తెలంగాణ సచివాలయంలో శుక్రవారం మర్యాదపూర్వకంగా కలిశారు. ఈ సందర్భంగా ఇరువురు సంస్కృతిలోని వైవిధ్యాన్ని పరస్పరంగా పంచుకునే దిశగా రెండు రాష్ట్రాలు కలసి ముందుకు సాగాలని ఇరువురు అకాంక్షించారు. ‘మరాఠా మిలటరీ ల్యాండ్ స్కేప్స్ ఆఫ్ ఇండియా’ కాఫీ టేబుల్ బుక్ ను ఈ సందర్భంగా మంత్రి జూపల్లికి అందజేశారు. ఈ సందర్భంగా రెండు రాష్ట్రాల మధ్య సాంస్కృతిక సహకారం – మార్పిడి, పర్యాటక అభివృద్ధిపై సుదీర్ఘంగా చర్చించారు. సాంస్కృతిక పునరుజ్జీవనం, సాంస్కృతిక సలహా మండలి ద్వారా సామాజిక రుగ్మతలపై ప్రజల్లో చైతన్యం, బతుకమ్మ వేడుకల్లో గిన్నిస్ వరల్ రికార్డు, నూతన పర్యాటక విధానం, తదితర అంశాలను మంత్రి జూపల్లి వివరించారు. యాసలు, కళారూపాలను, వేడుకలను ప్రస్తావిస్తూ, వైవిధ్యాన్ని తన ప్రత్యేకతగా చూపే రాష్ట్రం తెలంగాణ అన్నారు.

హైదరాబాద్: మహిళ ప్రపంచ వరల్డ్ కప్‌లో భారత జట్టు సెమీ ఫైనల్‌లో ఘన విజయం సాధించి ఫైనల్‌కు చేరుకుంది. అదీ ఆస్ట్రేలియాపై గెలవడం అంటే వరల్డ్ కప్ సాధించినంత ఆనందంగా ఉందని క్రికెట్ అభిమానులు సంబరాలు చేసుకున్నారు. టీమిండియా మహిళ జట్టున మాజీ క్రికెటర్లు ప్రశంసించారు. విజయంలో కీలకపాత్ర పోషించిన జెమీమా రోడ్రిగ్స్‌ను మాజీ క్రికెటర్లు సచిన్ టెండూల్కర్, విరాట్ కోహ్లీ, వీరేంద్ర సెహ్వాగ్ కొనియాడారు. జెమీమా రోడ్రిగ్స్, హర్మన్ ప్రీత్ కౌర్ అద్భుతమైన భాగస్వామ్యం నెలకొల్పారని సచిన్ తెలిపారు.

శ్రీచరణి, దీప్తి శర్మ బంతితో మాయ చేశారని, ఇలాగే మున్ముందు మరిన్న విజయాలు సాదించాలని సచిన్ ఆకాంక్షించారు. అది ఆస్ట్రేలియాపై భారీ లక్ష్యాన్ని సాధించడం గొప్ప విషయమని టీమిండియా ఆటగాడు విరాట్ కోహ్లీ మెచ్చుకున్నారు. బలమైన ఆస్ట్రేలియా నాకౌట్‌లో ఓడించడం అంత సులభంగా రాదన్నారు. తీవ్ర ఒత్తిడితో జెమీమా అద్భుతంగా బ్యాటింగ్ చేసిందని విరాట్ కొనియాడారు. మరో సెమీ ఫైనల్ అని సులువుగా గెలిచి ఫైనల్ చేరాలని ఆసీస్ భావించిందని, మన అమ్మాయిలు అద్భుతంగా ఆస్ట్రేలిఆయను అడ్డుకున్నారని వీరేంద్ర సెహ్వాగ్ మెచచుకున్నారు. టీమిండియా ఆటను చూసి భారతీయులు గర్వపడుతున్నారన్నారు. టీమిండియా మహిళ జట్టు సంచలనం సృష్టించే అవకాశం ఉందన్నారు. 

హైదరాబాద్: సోషల్ మీడియాలో తనని టార్గెట్ చేస్తున్నారని కాంగ్రెస్ ఎమ్మెల్యే కోమటిరెడ్డి రాజగోపాల్ రెడ్డి తెలిపారు. భవిష్యత్ లో తాను ఏదైనా రాజకీయ పరంగా నిర్ణయం తీసుకుంటే మీడియా సమావేశం పెట్టి తానే ప్రజలకు ముందు చెబుతానని వివరణ ఇచ్చారు. గురువారం రాజగోపాల్ రెడ్డి మీడియాతో మాట్లాడారు. బిఆర్ఎస్ వాళ్లు తనని అడ్డంపెట్టి ఏదేదో ప్రచారం చేస్తున్నారని మండిపడ్డారు. మంత్రివర్గ విస్తరణ అనేది హైకమాండ్ తీసుకునే నిర్ణయమని, కాంగ్రెస్ అధిష్ఠానం తీసుకునే నిర్ణయానికి కట్టుబడి తాను ని చేస్తానని చెప్పారు. ఒక ఎమ్మెల్యేగా, క్రమశిక్షణ గల కాంగ్రెస్ కార్యకర్తగా మునుగోడు అభివృద్ధి కోసం కృషి చేస్తానని పేర్కొన్నారు. మంత్రివర్గ విస్తరణపై అధిష్ఠానం ఏ నిర్ణయం తీసుకున్నా స్వాగతిస్తానన్నారు. సోషల్ మీడియాలో తనపై వచ్చిన రూమర్స్ నమ్మొద్దని రాజగోపాల్ రెడ్డి తెలియజేశారు. సామాజిక మాధ్యమాల్లో బిఆర్ఎస్, కాంగ్రెస్ కొందరు, ఇతర పార్టీల వాళ్లు కూడా తనపై దుష్ప్రచారం చేస్తున్నాని ధ్వజమెత్తారు. తనపై వచ్చిన దుష్ప్రచారాలను తెలంగాణ ప్రజలు నమ్మొద్దని కోరారు. 

హైదరాబాద్: మాజీ క్రికెటర్ ఎమ్మెల్సీ అజారుద్ధీన్‌కు రాష్ట్ర సర్కార్ నుంచి శుభవార్త అందింది. ఆయన మంత్రిగా ప్రమాణస్వీకరం చేసేందుకు లైన్ క్లియర్ అయింది. రాష్ట్ర మంత్రివర్గ విస్తరణకు ఎఐసిసి పచ్చజెండా ఊపింది. శుక్రవారం రాష్ట్ర మంత్రివర్గ విస్తరణ కార్యక్రమం జరుగనుంది. ఈ కార్యక్రమంలో మాజీ క్రికెటర్ అజారుద్ధీన్ మంత్రిగా ప్రమాణస్వీకారం చేయనున్నారు. ఈ విషయాన్ని పార్టీ వర్గాలు వెల్లడించాయి. అజారుద్దీన్‌కి హోం, మైనారిటీ మంత్రిత్వ శాఖ ఇచ్చే అవకాశం ఉంది.

హైదరాబాద్: కాంగ్రెస్ పాలనలో ఆటో కార్మికుల జీవితాలు అధ్వానంగా మారాయని బిఆర్ఎస్ నేత, మాజీ మంత్రి హరీష్ రావు తెలిపారు. లక్ష కోట్లతో మూసీ సుందరీకరణ చేస్తున్నారని, లక్ష కోట్లతో ఫోర్త్ సిటీ నిర్మిస్తున్నారని, కానీ ఆటో డ్రైవర్లకు ఇవ్వడానికి నెలకు వెయ్యి రూపాయలు లేవా? అని సిఎం రేవంత్ రెడ్డిని ప్రశ్నించారు. రాష్ట్రంలో ఆటో కార్మికులు ఎదుర్కొంటున్న సమస్యలను తెలుసుకునేందుకు వారికి మద్దతుగా ఆటోలో హరీష్ ప్రయాణించడం జరిగింది. అనంతరం ఆటో డ్రైవర్లకు మద్దతుగా మాజీ మంత్రి, ఎమ్మెల్యే హరీష్ రావు మీడియాతో మాట్లాడారు. ఇప్పటివరకు 161 మంది ఆటో కార్మికులు చనిపోయారని, వారి కుటుంబాలు రోడ్డు మీద పడ్డాయని ఆవేదన వ్యక్తం చేశారు.

చనిపోయిన ఆటో డ్రైవర్ కుటుంబాలకు ఒక్కొక్కరికి పది లక్షల చొప్పున ఎక్స్‌గ్రేషియా ఇవ్వాలని బిఆర్ఎస్ తరఫున కాంగ్రెస్ ప్రభుత్వాన్ని డిమాండ్ చేస్తున్నామని తెలిపారు. ఆటో కార్మికులు ఎవరూ చనిపోవద్దని విజ్ఞప్తి చేస్తున్నామని హరీష్ రావు పేర్కొన్నారు. మళ్లీ వచ్చేది బిఆర్ఎస్ ప్రభుత్వమేనని తప్పకుండా ఆటో డ్రైవర్లను కాపాడుకుంటామని హామీ ఇచ్చారు. కాంగ్రెస్ అగ్రనేత రాహుల్ గాంధీ ఎన్నికల ప్రచారంలో హైదరాబాద్ కి వచ్చి సినిమా యాక్టర్లకంటే ఎక్కువ యాక్టింగ్ చేశారని, ఇదే యూసఫ్ గూడా జూబ్లీహిల్స్ లో ఆటో ఎక్కి ఆటో కార్మికులకు అరచేతిలో వైకుంఠం చూపించారని. కాంగ్రెస్ పార్టీ మేనిఫెస్టోలో పెట్టిన ఆటోనగర్ అసలే లేదని విమర్శలు గుప్పించారు. ఆటో డ్రైవర్లకు ప్రమాద బీమా 10 లక్షల పెంచుతామని పత్తా లేకుండా పోయారని, ఇస్తామన్న 12 వేల రూపాయలకి దిక్కు లేదని మండిపడ్డారు. 

హైదరాబాద్: తెలంగాణ రాష్ట్ర వ్యాప్తంగా మద్యం దుకాణాల ఎంపిక కోసం లాటరీ ప్రక్రియను ఆ జిల్లాల కలెక్టర్లు ప్రారంభించారు. 95,137 దరఖాస్తులను లాటరీ పద్ధతిలో లైసెన్స్‌ల ఎంపిక జరగనుంది. తెలంగాణ వ్యాప్తంగా 34 కేంద్రాల్లో 2620 మద్యం దుకాణాలకు డ్రాను నిర్వహించనున్నారు.  మద్యం షాపులకు వచ్చిన దరఖాస్తులను డ్రా (లాటరీ) పద్దతిలో మద్యం షాపుల లైసెన్స్‌ల ఎంపిక జరుగుతుంది.  మొత్తం 95,137 దరఖాస్తులకు గాను రూ.2,854.11 కోట్ల ఆదాయం ఎక్సైజ్ శాఖకు వచ్చింది.

అధికంగా దరఖాస్తులు రంగారెడ్డి డిసి పరిధిలో వచ్చాయి. దరఖాస్తుల్లో అధికంగా శంషాబాద్ ఎక్సైజ్ సూపరింటెండెంట్ పరిధిలో వచ్చాయి. శంషాబాద్ పరిధిలోని 100 షాపులకు గాను 8,536 దరఖాస్తులు వచ్చాయి. ఇక, రెండోస్థానంలో సరూర్‌నగర్ ఎక్సైజ్ సూపరింటెండెంట్ ఆఫీసు నిలిచింది. సరూర్‌నగర్ పరిధిలో 134 షాపులు ఉండగా 7,845 దరఖాస్తులు, మేడ్చల్ ఎక్సైజ్ సూపరింటెండెంట్ పరిధిలో 114 షాపులకు గాను 6,063 దరఖాస్తులతో మూడోస్థానంలో నిలిచింది. వాటితో పాటు మల్కాజిగిరి ఎక్సైజ్ సూపరింటెండెంట్ పరిధిలో 88 షాపులకు గాను 5,168 దరఖాస్తులు, నల్లగొండ ఎక్సైజ్ సూపరింటెండెంట్ పరిధిలో 155 షాపులకు గాను 4,906 దరఖాస్తులు, సంగారెడ్డి ఎక్సైజ్ సూపరింటెండెంట్ పరిధిలో 101 షాపులకు గాను 4,432 దరఖాస్తులు, ఖమ్మం పరిధిలోని 122 షాపులకు గాను 4,430 దరఖాస్తులు వచ్చాయి. ఇక, కొత్తగూడెంలోని 88 షాపులకు 3,922 దరఖాస్తులు రావడం విశేషం.

అదిలాబాద్‌లో 40 మద్యం షాపులకు 771 దరఖాస్తులు రాగా (రత్నా గార్డెన్ మావాలలో) డ్రా నిర్వహించనున్నారు. కొమురం భీం అసిఫాబాద్‌లో 32 షాపులకు 680 దరఖాస్తులు (కలెక్టర్ కాంప్లెక్స్‌లో), మంచిర్యాలలో 73 షాపులకు 1,712 (పివిఆర్ గార్డెన్‌లో), నిర్మల్‌లో 47 షాపులకు 3,002 దరఖాస్తులు రాగా (కలెక్టర్ కాంప్లెక్స్‌లో), జగిత్యాలలో 71 షాపులకు 1,966 రాగా (విరూపాక్షి గార్డెన్)లో, కరీంనగర్‌లో 94 షాపులకు 2,730 (కలెక్టర్ కాంప్లెక్స్‌లో), పెద్దపల్లిలో 77 షాపులకు 1,507 దరఖాస్తులు రాగా (స్వరూప గార్డెన్‌లో)

రాజన్న సిరిసిల్లలో 48 షాపులకు 1,381 రాగా, (కలెక్టర్ కాంప్లెక్స్‌లో), ఖమ్మంలో 122 షాపులకు 4,430 దరఖాస్తులు రాగా (సిక్వేల్ క్లబ్), కొత్తగూడెంలో 88 షాపులకు 3,922 రాగా (కొత్తగూడెం క్లబ్‌లో), జోగులాంబ గద్వాలలో 36 షాపులకు 774 రాగా (ఐడిఓసి కాంప్లెక్స్‌లో),

మహబూబ్‌నగర్‌లో 90 షాపులకు 2,487 దరఖాస్తులు రాగా (కలెక్టర్ కాంప్లెక్స్‌లో),నాగర్‌కర్నూల్‌లో 67 షాపులకు 1,518 దరఖాస్తులు రాగా (కలెక్టర్ కాంప్లెక్స్‌లో), వనపర్తిలో 37 షాపులకు 757 దరఖాస్తులు రాగా (కలెక్టర్ కాంప్లెక్స్‌లో), మెదక్‌లో 49 షాపులకు 1,920 దరఖాస్తులు రాగా (శ్రీ వెంకటేశ్వర కాంప్లెక్స్‌లో), సంగారెడ్డి 101 షాపులకు 4,432 దరఖాస్తులు రాగా (జెఎస్‌ఆర్ గార్డెన్, పంక్షన్‌హాల్‌లో),

సిద్దిపేట్ లో 93 షాపులకు 2,782 దరఖాస్తులు రాగా (సిసి గార్డెన్, కరీంనగర్ రోడ్డు), నల్లగొండలో 155 షాపులకు గాను 4,906 దరఖాస్తులు రాగా (లక్ష్మీగార్డెన్ హైదరాబాద్ రోడ్డులో), సూర్యాపేట్‌లో 99 షాపులకు గాను 2,771 దరఖాస్తులు రాగా (కలెక్టర్ కాంప్లెక్స్‌లో), యాదాద్రి భువనగరిలో 82 షాపులకు 2,776 దరఖాస్తులు రాగా (రాధాకృష్ణ పంక్షన్‌హాల్‌లో), కామారెడ్డిలో 49 షాపులకు 1,502 దరఖాస్తులు రాగా (రేణుకాదేవి, కళ్యాణమండపంలో), నిజామాబాద్‌లో 102 షాపులకు 2,786 దరఖాస్తులు రాగా (భారతి గార్డెన్‌లో),

మల్కాజిగిరిలో 88 షాపులకు 5,168 దరఖాస్తులు రాగా (పాలనీ కన్వేషన్‌లో), ( మేడ్చల్‌లో 114 షాపులకు 6,063 దరఖాస్తులు రాగా (పాలనీ కన్వేషన్‌లో), సరూర్‌నగర్‌లో134 షాపులకు 7,845 దరఖాస్తులు రాగా (మల్లిక కన్వేన్షన్‌లో), శంషాబాద్‌లో100 షాపులకు 8,536 దరఖాస్తులు రాగా (మల్లిక కన్వేన్షన్‌లో), వికారాబాద్‌లో 59 షాపులకు 1,808 దరఖాస్తులు రాగా (అంబేద్కర్ భవన్‌లో),

జనగాంలో 47 షాపులకు 1,697 దరఖాస్తులు రాగా (నందన్ గార్డెన్‌లో), భూపాలపల్లిలో 60 షాపులకు 1,863 దరఖాస్తులు రాగా (ఇల్లెంద్ క్లబ్‌హౌజ్‌లో), మహబూబాబాద్‌లో 59 షాపులకు 1,800 దరఖాస్తులు రాగా (ఏబి పంక్షన్‌హాల్‌లో), వరంగల్ రూరల్‌లో 63షాపులకు 1,958 దరఖాస్తులు రాగా (నానీ గార్డెన్‌లో), వరంగల్ అర్బన్‌లో 65 షాపులకు 3,175 దరఖాస్తులు రాగా (అంబేద్కర్ భవన్, గోకుల్‌నగర్, హన్మకొండలో) ఈ డ్రాను నిర్వహిస్తున్నారు. 

హైదరాబాద్: నవంబర్ 3 నుంచి కాలేజీలు బంద్ చేస్తామని ఉన్నత విద్యాసంస్థ సమాఖ్య ప్రకటించింది. రూ.900 కోట్ల బకాయిలు ఇవ్వకుంటే మళ్లీ బంద్ తప్పదని సమాఖ్య హెచ్చరించింది. రూ.1,200 కోట్లకు రూ.300 కోట్లే ఇచ్చారని సమాఖ్య ఛైర్మన రమేశ్ తెలిపారు. నవంబర్ 1 లోపు మిగిలిన రూ.900 కోట్లు ఇవ్వాలని రమేశ్ డిమాండ్ చేశారు. మిగిలిన బకాయిలపైనా ప్రభుత్వం స్పష్టత ఇవ్వాలని పేర్కొన్నారు. ఫీజు బకాయిలు చెల్లించకుంటే కాలేజీలు నడపలేమని రమేశ్ అన్నారు. మంత్రులు తమకు సహకరించడం లేదని పేర్కొన్నారు. బకాయిలు అడిగినప్పుడే మాపై విచారణలు చేస్తున్నారని ఆరోపించారు. భయపెడితే ఊరుకోమని, ఒక్క పోలీసును కూడా కాలేజీల్లోకి రానివ్వమని హెచ్చరించారు.