Breaking News,జోగులాంబ గద్వాల్,తాజా వార్తలు

గద్వాల్: ఫ్రిడ్జ్ పేలి తల్లీకుమారుడు మృతి చెందిన సంఘటన జోగులాంబ గద్వాల్ జిల్లా ధరూర్‌లో జరిగింది. పోలీసులు తెలిపిన వివరాల ప్రకారం.. రెండో రోజుల క్రితం ఓ ఇంట్లో ఫ్రిడ్జ్ పేలడంతో ఇద్దరు మహిళలు, ఓ బాలుడు గాయపడ్డాడు. వెంటనే ముగ్గురిని ఆస్పత్రికి తరలించి చికిత్స అందించారు. ఐసియులో చికిత్స పొందుతూ తల్లీకుమారుడు చనిపోయాడు. గోడకు 20 సెంటీ మీటర్ల దూరంలో ఫ్రిడ్జ్‌ను ఉంచడంతో పాటు వెంటిలేషన్ ఉండేలా చూసుకోవాలని ఎలక్ట్రానిక్ నిపుణులు చెబుతున్నారు. వైరింగ్, ప్లగ్స్ ఎప్పటికప్పుడు చెక్ చేయాలని తెలియజేశారు. పోలీసులు కేసు నమోదు చేసి దర్యాప్తు చేస్తున్నారు. ఇంకా వివరాలు తెలియాల్సి ఉంది.  

గద్వాల్: జోగలాంబ గద్వాల జిల్లాలో గ్రామ పంచాయతీ ఎన్నికల పోలింగ్ కొనసాగుతోంది. ఉదయం 9 గంటల వరకు 22.26 శాతం పోలింగ్ నమోదైంది. ఓటర్లు తమ ఓటు హక్కును వినిగియోగించుకునేందుకు బారులు తీరారు. మొదటి విడతలో 106 గ్రామ పంచాయతీలకు గాను 91 గ్రామ పంచాయతీల్లో ప్రశాంతంగా ఎన్నికలు జరుగుతాయి. గద్వాల, గట్టు, ధరూర్, కెటి దొడ్డి మండలాల్లో సర్పంచ్ ఎన్నికలు ప్రశాంతంగా జరుగుతున్నాయి. వృద్ధులు సైతం పోలింగ్ కేంద్రాలకు చేరుకుని తమ ఓటు హక్కును వినియోగించుకుంటున్నారు.  

జోగులాంబ గద్వాల్ జిల్లాలో ఘోర రోడ్డు ప్రమాదం జరిగింది.  గద్వాల్ నుండి కర్నూలు వైపు వెళ్తున్న కారు జింకలపల్లి స్టేజీ వద్ద ఆర్టీసీ బస్సును వెనుక వైపు నుంచి ఢీకొట్టింది. బస్సు కారును 100 మీటర్లు దూరం ఈడ్చుకెళ్ళింది. బస్సు డ్రైవర్ చాకచక్యంగా ఆపడం వలన కారు బెలూన్స్ ఓపెన్ కావడంతో వాహనంలో ఉన్న వారికి ఎలాంటి ప్రమాదం జరగలేదు. వాహనదారులు కారు డోర్ ను బలవంతంగా ఓపెన్ చేసి అందులో ఉన్న వారిని బయటకు తీశారు. కారు బెలూన్స్ ఓపెన్ కావడంతో అందరూ సురక్షితంగా ఉన్నారు. కారు అతివేగమే ఈ ప్రమాదానికి కారణమని తెలుస్తోంది. పోలీసులు ఘటనా స్థలానికి చేరుకొని కేసు నమోదు చేసి దర్యాప్తు చేస్తున్నారు.