Auto Added by WPeMatico
హైదరాబాద్: హైడ్రా కమిషనర్ రంగనాథ్ గన్ మెన్ ఆత్మహత్య చేసుకున్నాడు. గన్ మెన్ కృష్ణ చైతన్య తన తుపాకీతో కాల్చుకుని ఆత్మహత్యకు పాల్పడ్డాడు. పోలీసులు ప్రాథమిక సమాచారం మేరకు… ఆత్మహత్యకు ఆర్థిక సమస్యలే కారణమని పోలీసుల భావిస్తున్నారు. చైతన్య గత కొంతకాలంగా అప్పులు, ఆర్థిక ఒత్తిడితో మానసికంగా కుంగిపోయినట్టు సమాచారం. పోలీసులు ఘటనా స్థలానికి చేరుకొని కేసు నమోదు చేసి దర్యాప్తు చేస్తున్నారు. మృతదేహాన్ని శవ పరీక్ష నిమిత్తం స్థానిక ఆస్పత్రికి తరలించారు.
హైదరాబాద్ లోని రాయదుర్గం పోలీస్ స్టేషన్ పరిధిలో భారీగా గంజాయిని పోలీసులు పట్టుకున్నారు. ఐటి ఉద్యోగుల టార్గెట్ చేసుకొని గంజాయి సరఫరా చేస్తున్న సోహెల్ అనే వ్యక్తిని మాదాపూర్ ఎస్ఒటి పోలీసులు పట్టుకున్నారు. సోహెల్ను అదుపులోకి తీసుకొని అతని వద్ద నుంచి 17 కేజీల గంజాయి, 2 గ్రాముల ఎండిఎంఎ డ్రగ్స్ను మాదాపూర్ ఎస్ఒటి పోలీసులు స్వాధీనం చేసుకున్నారు. మహారాష్ట్ర లోని నాందేడ్ నుండి గంజాయి తెచ్చి ఐటి ఉద్యోగులకు సోహెల్ సరఫరా చేస్తున్నారు. సోహెల్తో పాటు గంజాయి వినియోగించిన 5 మంది కస్టమర్లను పోలీసులు అదుపులోకి తీసుకొని విచారిస్తున్నారు. పోలీసులు కేసు నమోదు చేసి దర్యాప్తు చేస్తున్నారు. ఇంకా వివరాలు తెలియాల్సి ఉంది.
హైదరాబాద్: నాంపల్లి సిబిఐ కోర్టుకు బాంబు బెదిరించారు. పోలీసులు కోర్టు నుంచి అందరిని బయటికి పంపించి బాంబ్ స్క్వాడ్ తో తనిఖీలు చేయిస్తున్నారు. కోర్టు వద్ద పోలీసులు భారీగా మోహరించారు. నాంపల్లి కోర్టుకు బాంబు బెదిరింపులు రావడంతో ఆవరణంలో కూడా ముమ్మరంగా తనిఖీలు చేపట్టారు.
హైదరాబాద్: ఇద్దరు గొడవ పడుతుండగా మధ్యలోకి వెళ్లి ఓ యువకుడు మృతి చెందాడు. ఈ సంఘటన హైదరాబాద్ నగరంలోని టోలిచౌకి పోలీస్ స్టేషన్ పరిధిలో జరిగింది. పోలీసులు తెలిపిన వివరాల ప్రకారం… పారామౌంట్ కాలనీ గేట్ నంబర్లో అద్నాన్, బిలాల్ మధ్య గొడవ జరిగింది. సమాచారం తెలియడంతో అద్నాన్ సోదరుడు ఇర్ఫాన్ అక్కడికి చేరుకొని వారిని సముదాయించే ప్రయత్నం చేశాడు. బిలాల్ కత్తి తీసుకొని ఇర్ఫాన్ను పొడిచాడు. అతడు తీవ్రంగా గాయపడడంతో ఆస్పత్రికి తరలించారు. ఆస్పత్రిలో చికిత్స పొందుతూ ఇర్ఫాన్ చనిపోయాడు. మృతుడి కుటుంబ సభ్యుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. ఇంకా వివరాలు తెలియాల్సి ఉంది.
హైదరాబాద్: మాదాపూర్ చందానాయక్ తండ ప్రభుత్వ పాఠశాలలో మధ్యాహ్న భోజనం తిని 44 మంది విద్యార్థులు అస్వస్థతకు గురయ్యారు. దీంతో విద్యార్థులను కొండాపూర్లోని ఏరియా ఆస్పత్రికి తరలించి చికిత్స అందిస్తున్నారు. వీరిలో ఆరుగురి పరిస్థితి ఆందోళనకరంగా ఉండటంతో ప్రైవేటు ఆస్పత్రికి తరలించారు.
మరోవైపు బాగ్లింగంపల్లిలోని మైనార్టీ గురుకుల పాఠశాలలో ఫుడ్ పాయిజన్కు గురైన ఏడుగురు విద్యార్థులు నిలోఫర్ ఆస్పత్రిలో చికిత్స పొందుతున్నారు. రాత్రి భోజనం చేసిన విద్యార్థులు వాంతులు, విరోచనాలు, కడుపునొప్పితో బాధపడుతున్నారని.. వెంటనే వారిని ప్రభుత్వ ఆస్పత్రికి తరలించామని గురుకుల పాఠశాల సిబ్బంది తెలిపారు. పిల్లల ఆరోగ్యం ప్రస్తుతం నిలకడగానే ఉందని నిలోఫర్ ఆస్పత్రి సూపరింటెండెంట్ విజయ్ కుమార్ తెలిపారు.
హైదరాబాద్: నగరంలోని అమీర్పేటలో అగ్ని ప్రమాద్ సంభవించింది. మైత్రివనంలోని శివమ్ టెక్నాలజీస్ కోచింగ్ సెంటర్లో ఈ ఘటన చోటు చేసుకుంది. స్థానికుల సమాచారంతో పోలీసులు, అగ్నిమాపక సిబ్బంది ఘటనాస్థలికి చేరుకొని మంటలను అదపులోకి తీసుకవచ్చారు. బ్యాటరీలు పేలడంతోనే ఈ ప్రమాదం జరిగినట్లు తెలుస్తోంది. ఈ ఘటనతో అక్కడి కోచింగ్ సెంటర్లలోని విద్యార్థులను బయటకు పంపించారు.
హైదరాబాద్: పాత బస్తీలోని మీర్ చౌక్ ఎసిపిపై లైంగిక వేధింపుల ఆరోపణలు వచ్చాయి. ఎసిపి తనతో అసభ్యంగా ప్రవర్తిస్తున్నడంటూ ఓ మహిళ వీడియో విడుదల చేసింది. ఇంటి ముందు కారు పెట్టి ఓ వ్యక్తి వేధిస్తున్నాడని మిర్ చౌక్ పోలీసులకు దళిత మహిళ జూన్ లో ఫిర్యాదు చేసింది. అప్పుడు ఫిర్యాదు చేస్తే పోలీసులు చర్యలు తీసుకోవటం లేదని మిర్ చౌక్ ఎసిపిని బాధితురాలు కలిసింది. కానీ తనకు ఎసిపి అసభ్య మెసేజీలు పెట్టడంతో పాటు ఫోన్ లో వేధిస్తున్నాడని బాధితురాలు వీడియో విడుదల చేసింది. ఒంటరిగా రావాలని, తనతో గడపాలని, చెప్పినట్టు వింటేనే న్యాయం చేస్తానని మహిళాతో ఎసిపి ఫోన్ లో మాట్లాడినట్టు ఆరోపణలు చేసింది. మిర్ చౌక్ పోలీసులతో బాధితురాలికి ఫోన్ చేయించి ఒత్తిడి చేస్తున్నట్లు వీడియోలో మహిళా ప్రస్తావించింది.
హైదరాబాద్: పోలీస్ స్టేషన్ లో దొంగతనం జరిగిన సంఘటన హైదరాబాద్ లోని మెహదీపట్నంలో జరిగింది. లాకర్ లో పెట్టిన కాస్ట్ లీ ఫోన్ ను పోలీస్ డ్రైవర్ కొట్టేయడంతో అతడిని అరెస్టు చేసి రిమాండ్ కు తరలించారు. పోలీసులు తెలిపిన వివరాల ప్రకారం… మెహదీపట్నం పోలీస్ స్టేషన్ పరిధిలోని రైతు బజార్ వద్ద తన ఫోన్ పోయిందని ఓ వ్యక్తి ఫిర్యాదు చేశాడు. సిసి కెమెరాల ఆధారంగా దొంగను పోలీసులు పట్టుకుని ఫోన్ ను రికవరీ చేశారు. అనంతరం రూ.1.75 లక్షల విలువగల ఫోన్ ను లాకర్లో దాచి పెట్టారు. కాస్ట్ లీ ఫోన్ కావడంతో దానిని పోలీస్ డ్రైవర్ శ్రవణ్ కుమార్ ఎత్తుకెళ్లాడు. శ్రవణ్ కుమార్ దొంగతనం చేశాడని నిర్ధారించుకున్నారు. శ్రవణ్ కుమార్ ఫోన్ ను స్వాధీనం చేసుకొని అతడిని ఉన్నతాధికారులు రిమాండ్ కు తరలించారు.
హైదరాబాద్: చిన్నారులపై వీధికుక్కలు దాడులు చేస్తున్న కేసులు తరచూ జరుగుతున్నాయి. కొద్ది రోజుల క్రితమే ఓ మూగ బాలుడిపై వీధికుక్కలు దాడి చేసిన విషయం తెలిసిందే. తాజాగా మరో బాలుడు వీధి కుక్క దాడి నుంచి తృటిలో తప్పించుకున్నాడు. యూసుఫ్గూడలో రెండేళ్ల బాలుడిపై వీధి కుక్క దాడికి యత్నించింది. లక్ష్మీనరసింహనగర్లో మన్వీత్ నందన్ ఇంటి ముందు ఆడుకుంటుండగా.. బాలుడిపైకి వీధి కుక్క దూసుకెళ్లింది. చిన్నారిని కరిచే ప్రయత్నం చేసింది. అయితే అక్కడే ఉన్న బాలుడి తాత ఇది గమనించి కర్రతో కొట్టడంతో వీధి కుక్క అక్కడి నుంచి వెళ్లిపోయింది. దీంతో చిన్నారికి పెను ప్రమాదం తప్పింది.
హైదరాబాద్కు వచ్చే విమానాలకు వరుసగా బాంబు బెదిరింపులు రావడం భయాందోళనకు గురి చేస్తోంది. తాజాగా దుబాయ్ నుంచి హైదరాబాద్ వస్తున్న ఎమిరేట్స్ విమానానికి బాంబు బెదిరింపు వచ్చింది. దీంతో విమానాన్ని సురక్షితంగా ల్యాండ్ చేశారు. ఇకె526 విమానం దుబాయ్ నుంచి హైదరాబాద్కు వస్తోంది. ఈ క్రమంలో విమానాన్ని పేల్చేస్తామంటూ రాజీవ్ గాంధీ విమానాశ్రయానికి చెందిన ఎటిఎస్కు ఇ-మెయిల్ వచ్చింది. దీంతో వెంటనే అప్రమత్తమై విమానాన్ని సురక్షితంగా ల్యాండ్ యేశారు. ప్రయాణికులను సురక్షిత ప్రదేశానికి తరలించారు. అనంతరం విమానరంలో క్షణంగా తనిఖీలు చేపట్టారు. ఎలాంటి అనుమానస్పద వస్తువులు లభించకపోవడంతో అంతా ఊపిరి పీల్చుకున్నారు. గురువారం కూడా హైదరాబాద్కి మదీనా నుంచి వస్తున్న విమానంలో బాంబు బెదిరింపు వచ్చిన విషయం తెలిసిందే.