Breaking News,జిల్లాలు,తాజా వార్తలు,వరంగల్,హనుమకొండ

వరంగల్: గిరిజన బాలుర గురుకులంలో విద్యార్థుల మధ్య ఘర్షణ చోటుచేసుకోవడంతో ఒక విద్యార్థి ఆరోగ్య పరిస్థితి విషమంగా ఉన్నట్టు సమాచారం. ఈ సంఘటన వరంగల్ జిల్లా నర్సంపేట పట్టణంలో జరిగింది. నర్సంపేట గిరిజన బాలుర గురుకులంలో 9వ తరగతి విద్యార్థులను ఇంటర్ మొదటి సంవత్సరం విద్యార్థులు చితకబాదారు. 9వ తరగతి చదువుతున్న దీపక్ అనే విద్యార్థి అపస్మారక స్థితిలోకి వెళ్లిపోయాడు. హుటాహుటిన వెంటనే అతడిని స్థానిక ఆసుపత్రికి తరలించారు. మరో ఇద్దరు విద్యార్థులు కూడా తీవ్రంగా గాయపడ్డారు. దీపక్ విద్యార్థి పరిస్థితి విషమంగా ఉందని ఆస్పత్రి వర్గాలు వెల్లడించాయి. ఘర్షణ సమయంలో వార్డెన్, అధ్యాపకులు అందుబాటులో లేరు. విద్యార్థులు గొడవపడుతుంటే ఆధ్యాపకులు, ప్రిన్సిపాల్ ఏం చేస్తున్నారని నెటిజన్లు ప్రశ్నిస్తున్నారు.  

హనుమకొండ: ప్రియుడిపై పోలీస్ స్టేషన్‌లో కేసు నమోదైందని మనస్థాపంతో ప్రియురాలు ఆత్మహత్య చేసుకుంది. ఈ సంఘటన హనుమకొండ జిల్లా ధర్మసాగర్ మండలంలో జరిగింది. పోలీసులు తెలిపిన వివరాల ప్రకారం… అనూష హైదరాబాద్‌లో ఐటి కంపెనీలో జాబ్ చేస్తోంది. వరంగల్ జిల్లాలో కాశీబుగ్గకు చెందిన గుర్రపు పవన్‌ను గాఢంగా ప్రేమించింది. ఈ విషయం కూడా తల్లి రమాదేవికి కూతురు అనూష తెలిపింది. పవన్‌పై హైదరాబాద్‌లోని మాదాపూర్ ప్రాంతంలో పోలీస్ స్టేషన్‌లో కేసు నమోదైంది. దీంతో ప్రియుడిపై కేసు నమోదు కావడంతో ప్రియురాలు మానసికంగా కుంగిపోయింది. తన ప్రియుడిపై కేసు నమోదైందని పలుమర్లు తల్లి వద్ద కూడా కూతురు వాపోయింది. మనస్థాపంతో ఉరేసుకొని ఆత్మహత్య చేసుకుంది. తల్లి ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. 

వరంగల్: గుర్రం తన్నడంతో తీవ్రంగా గాయపడిన బాలుడు మృతి చెందాడు. ఈ సంఘటన వరంగల్ జిల్లాలో జరిగింది. పోలీసులు తెలిపిన వివరాల ప్రకారం… శివనగర్ పాడి మల్లారెడ్డినగర్‌కు చెందిన మిర్యాల గౌతమ్(12) బాబాయ్ నాగేంద్రతో కలిసి ఖిలా వరంగల్‌లోని ఏకశిల చిల్డ్రన్స్ పార్క్‌కు వచ్చాడు. పర్యాటకు సవారీ కోసం అక్కడ గుర్రాలు ఉన్నాయి. గుర్రాలపై సవారీ చేస్తుండగా బాలుడు వాటిని చూస్తున్నాడు. ఒక గుర్రం దగ్గర నిలబడ్డాడు. ఈ నెల 10న గుర్రం బాలుడిని తన్నడంతో అతడు తీవ్రంగా గాయపడ్డాడు. వెంటనే అతడిని స్థానిక ఆస్పత్రికి తరలించారు. అతడి ఆరోగ్య పరిస్థితి విషమంగా ఉండడంతో హైదరాబాద్‌కు తరలించి ఐసియులో ఉంచి చికిత్స అందిస్తున్నారు. ఆదివారం మృతి చెందినట్టు కుటుంబ సభ్యులు తెలిపారు. తండ్రి కృష్ణ ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. 

ఎల్కతుర్తి: పెళ్ల బృందంతో వెళ్తున్న బొలేరో వాహనాన్ని లారీ ఢీకొట్టడం ముగ్గురు మృతి చెందారు. ఈ సంఘటన హనుమకొండ జిల్లా ఎల్కతుర్తి మండలం గోపాల్‌పుర ఎక్స్ రోడ్డు వద్ద చోటుచేసుకుంది. ఆగి ఉన్న బొలేరో వాహనాన్ని బోర్‌వెల్స్ లారీ ఢీకొట్టడంతో ముగ్గురు దుర్మరణం చెందగా 12 మంది గాయపడడంతో ఎంజిఎం ఆస్పత్రికి తరలించారు. గాయపడిన వారిలో ఐదుగురి పరిస్థితి విషమంగా ఉందని ఆస్పత్రి వర్గాలు వెల్లడించాయి. మహబూబాబాద్ జిల్లా కురవి మండలం సూదన్‌పల్లికి చెంది యువతిని సిద్దిపేట జిల్లా నంగునూరు మండలం వెంకటాపురం గ్రామానికి చెందిన యువతి వివాహం జరిపించారు. పెళ్లి వేడుకల్లో భాగంగా వధువు బృందం వరుడు ఇంటికి వెళ్తోంది. గోపాల్‌పుర్ వద్ద బొలేరో వాహనం ఆపి స్వేద తీరారు. బోర్ వెల్స్ వేగంగా వచ్చి బొలేరో వాహనాన్ని ఢీకొట్టడంతో ఘటనా స్థలంలోనే ముగ్గురు చనిపోయారు. సూదన్ పల్లి గ్రామంలో విషాదచాయలు అలుముకున్నాయి. వరుడు, వధువు కుటుంబాలు శోకసంద్రంలో మునిగిపోయారు. 

వరంగల్: హన్మకొండ జిల్లా పెద్దపెండ్యాలలో దారుణం వెలుగులోకి వచ్చింది. ప్రేమపెళ్లి చేసుకున్న దంపతులు మధ్య అనుమానులు రావడంతో భర్తను చంపింది. అశోక్ అనే వ్యక్తి యాదలక్ష్మి 14 సంవత్సరాల క్రితం ప్రేమ వివాహం చేసుకున్నాడు. దంపతులకు నలుగురు పిల్లలు ఉన్నారు. భార్య ప్రవర్తనపై పలుమార్లు భర్త ఆగ్రహం వ్యక్తం చేశాడు. దీంతో ఇద్దరు మధ్య గొడవలు జరుగుతున్నాయి. దీంతో భర్త మద్యానికి బానిసగా మారి ప్రతి రోజూ భార్యను వేదించేవాడు. మద్యం ఫుల్ గా తాగి భార్యతో గొడవకు దిగాడు. ఘర్షణ తారాస్థాయికి చేరుకోవడంతో యాదలక్ష్మి తన కూతురు సహాయంతో భర్త గొంతుకు చీర బిగించి హత్య చేసింది. అనంతరం ఆమె పోలీస్ స్టేషన్ లో లొంగిపోయింది. పోలీసులు కేసు నమోదు చేసి దర్యాప్తు చేస్తున్నారు.  మృతదేహాన్ని ఎంజిఎం ఆస్పత్రికి తరలించారు. 

హైదరాబాద్: కొండా మురళి ఎపిసోడ్పై ముఖ్యమంత్రి రేవంత్ రెడ్డి ఆగ్రహం వ్యక్తం చేసిన సమాచారం. ప్రభుత్వం ప్రతిష్టాత్మకంగా తీసుకున్న మేడారం పనులపై వివాదం చేయడమేంటని రేవంత్ మండిపడినట్టు సమాచారం. మేడారం జాతరలోపు పనులన్నీ పూర్తి చేయాలని ఇప్పటికే ప్రభుత్వం ఆదేశించిందని, నిన్న  మంత్రి పొంగులేటి శ్రీనివాస్ రెడ్డిపై అధిష్టానానికి కొండా మురళి ఫిర్యాదు చేశారు. ఈ ఇష్యూపై కాంగ్రెస్ హైకమాండ్కి పూర్తి నివేదిక రేవంత్ రెడ్డి పంపినట్టు కాంగ్రెస్ వర్గాల పేర్కొంటున్నాయి.

మంత్రి పొన్నం ప్రభాకర్, ఆడ్లూరి లక్ష్మణ్ మధ్య తలెత్తిన గొడవ సద్దుమణిగి రెండు రోజులు గడువక ముందే తాజాగా మరో ఇద్దరు మంత్రుల విభేదాలు చోటుచేసుకున్నాయి. వరంగల్ జిల్లా ఇంచార్జీ మంత్రి అయిన పొంగులేటి శ్రీనివాస్‌రెడ్డిపై అదే జిల్లాకు చెందిన మంత్రి కొండా సురేఖ ముఖ్యమంత్రి రేవంత్‌రెడ్డికి, పార్టీ అధిష్టానానికి ఫిర్యాదు చేసినట్టు తెలిసింది. మేడారం జాతర పనుల కాంట్రాక్టుల విషయంలో జిల్లా, పైగా తన శాఖ (దేవాదాయ) అయిన వ్యవహారాలలో ఇంచార్జి మంత్రి పొంగులేటి శ్రీనివాస్‌రెడ్డి జోక్యం చేసుకుంటున్నారని మంత్రి కొండా సురేఖ నేరుగా సిఎంకు, అధిష్టానానికి ఫిర్యాదు చేసినట్టు వరంగల్ కాంగ్రెస్ వర్గాల సమాచారం. మేడారం జాతర సందర్భంగా చేపట్టిన ఆలయ అభివృద్ధి పనుల కోసం రాష్ట్ర ప్రభుత్వం ఇటీవల రూ.71కోట్ల రూపాయలు విడుదల చేసింది. దీనికిగాను టెండర్లను పిలవగా, ఈ టెండర్‌ను ఇంచార్జి మంత్రి పొంగులేటి శ్రీనివాస్‌రెడ్డి తన అనుచరునికి ఇప్పించుకోవడానికి అధికారులపై వత్తిడి తెస్తున్నారని మంత్రి కొండా సురేఖ తన ఫిర్యాదులో ఆరోపించినట్టు ఈ వర్గాలు తెలిపాయి. 

వరంగల్ జిల్లాలో మంత్రి పొంగులేటి శ్రీనివాస్ రెడ్డి పెత్తనం ఏంటి అని వరంగల్ కాంగ్రెస్ నేత కొండా మురళీ ప్రశ్నించిన విషయం తెలిసిందే. మేడారం టెండర్ల వ్యవహారంలో పొంగులేటి తన సొంత కంపెనీకి పనులు ఇప్పించుకున్నారని, దేవాదాయ శాఖలో పొంగులేటి జోక్యం చేసుకోవడంపై కొండా మురళి ఆగ్రహం వ్యక్తం చేశారు.  పొంగులేటి శ్రీనివాస్ రెడ్డిపై సోనియా గాంధీ, కాంగ్రెస్ అగ్రనేత రాహుల్ గాంధీ, ఎఐసిసి అధ్యక్షుడు మల్లికార్జున ఖర్గే, రాష్ట్ర వ్యవహారాల ఇంచార్జీ మీనాక్షిలకు కొండా మురళి ఫిర్యాదు చేశారు.  

ఎల్కతుర్తి: బిటెక్ విద్యార్థిని ఆత్మహత్య చేసుకున్న సంఘటన హన్మకొండ జిల్లా ఎల్కతుర్తి మండలంలో జరిగింది. పోలీసులు తెలిపిన వివరాల ప్రకారం… గోపాల్ పూర్ గ్రామంలో కృష్ణాకర్ అనే వ్యక్తి తన భార్య ఇద్దరు కుమార్తెలు, కుమారుడితో కలిసి జీవనం సాగిస్తున్నాడు. జె కీర్తన బిటెక్ కాలేజీలో ఫస్ట్ ఇయర్ చదువుతోంది. బిటెక్‌లో పాఠాలు అర్థం కావడంలేదని, తల్లిదండ్రులకు దూరంగా ఉండలేకపోతున్నానని పలుమార్లు తల్లికి ఫోన్ చేసి బాధను వ్యక్తి చేసింది. కూతురును ఇంటికి రప్పించే వేరే కాలేజీలో చేర్పించేందుకు ప్రయత్నం చేస్తున్నారు. శుక్రవారం సాయంత్రం ఇంట్లో ఎవరూ లేని సమయంలో ఉరేసుకొని చనిపోయింది. తండ్రి ఇంట్లోకి వెళ్లి చూడగా ఆమె తాడుకు వెలాడుతూ కనిపించింది. ఆర్‌ఎంపి వైద్యుడి సాయంతో పరీక్షించగా అప్పటికే మరణించిందని తెలిపారు. తండ్రి ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.