Breaking News,జిల్లాలు,తాజా వార్తలు,నిజామాబాద్

యాదాద్రి భువనగిరి: జిల్లాలోని ఆత్మకూరు (ఎం) మండలంలో విషాదం చోటు చేసుకుంది. విద్యుత్షాక్‌తో భూషి గణేశ్ (26) మృతి చెందాగా.. తండ్రి నర్సింహాకు తీవ్ర గాయాలయ్యాయి. బెంగళూరులోని ఓ సంస్థలో గణేశ్ సాఫ్‌వేర్ ఇంజనీర్‌గా పని చేస్తున్నాడు. గత కొంతకాలంగా వర్క్‌ ఫ్రమ్ హో విధులు నిర్వర్తిస్తున్నాడు. ఇటీవల వారి ఇంటికి సిమెంట్ ప్లాస్టరింగ్ పనులు చేయించారు. పనుల కోసం ఏర్పాటు చేసి ఇనుప పైసలను తొలగిస్తున్న క్రమంలో గోడ పక్కనే ఉన్న విద్యుత్ తీగలకు తగిలి షాక్ కొట్టింది. ఈ ప్రమాదంలో గణేశ్‌కు తీవ్రంగా గాయాలయ్యాయి. వెంటనే అతన్ని ఆస్పత్రికి తరలిస్తుండగా మార్గమధ్యంలోనే ప్రాణాలు కోల్పోయాడు. ఒకే ఒక్క కుమారుడు మృతి చెందడంతో తీవ్ర విషాదం నెలకొంది.

నిజామాబాద్: ఇటీవల విధి నిర్వహణలో ప్రాణాలు కోల్పోయిన సిసిఎస్ కానిస్టేబుల్ ప్రమోదు కుమార్ కుటుంబానికి అన్ని విధాలుగా అండగా ఉంటామని డిజిపి శివధర్ రెడ్డి అన్నారు. నిజామాబాద్‌లోని కానిస్టేబుల్ ఇంటికి డిజిపి, ఐజి చంద్రశేఖర్ రెడ్డి పలువురు ఉన్నతాధికారులు వెళ్లి కుటుంబసభ్యులను పరామర్శించారు. అనంతరం డిజిపి మీడియాతో మాట్లాడుతూ.. ప్రమోద్ కుటుంబానికి రూ.కోటి పరిహారం ఇస్తామని.. సెప్టెంబర్ నెలలో ఎంత వేతనం తీసుకున్నారో.. అంత డబ్బును ప్రమోద్ రిటైర్‌మెంట్ వరకూ ప్రతి నెల అందిస్తామని తెలిపారు. అంతేకాక.. 300 గజాల ఇంటి స్థలం, కుటుంబంలో ఒకరికి ఉద్యోగం, పోలీసు భద్రత, వెల్ఫేర్ బోర్డుల నుంచి రూ.24 లక్షల పరిహారం, పిల్లల చదువు బాధ్యతను ప్రభుత్వం చూసుకుంటుదని సిఎం రేవంత్ రెడ్డి హామీ ఇచ్చినట్లు వెల్లడించారు. విధి నిర్వహణలో అంకిత భావంతో పని చేసే ఒక మంచి కానిస్టేబుల్‌ని కోల్పోయాం అని అన్నారు.

సూర్యాపేట: అనారోగ్య సమస్యలతో వృద్ధ దంపతులు ఆత్మహత్య చేసుకున్నారు. ఈ సంఘటన సూర్యాపేట జిల్లా ఆత్మకూరు ఎస్ మండలంలో జరిగింది. పోలీసులు తెలిపిన వివరాల ప్రకారం… బోట్యాతండాలో భూక్యా లచ్చు(65), భూక్యా వీరమ్మ(60) అనే వృద్ధ దంపతులు నివసిస్తున్నారు. ఈ దంపతుకలు ముగ్గురు కుమారులు, ఒక కూతురు ఉంది. గత కాలంగా దంపతులు అనారోగ్య సమస్యలతో ఇబ్బందిపడుతున్నారు. పిల్లలకు బారం కాకూడదని నిర్ణయం తీసుకున్నారు. గది లోపల గడియ పెట్టుకొని వృద్ధ దంపతులు పెట్రోల్ పోసుకొని నిప్పంటించుకున్నారు. గదిలో నుంచి పొగలు, కేకలు వినిపించడంతో తండా వాసులు బలవంతంగా డోర్ ఓపెన్ చేసి ఇద్దరిని ఆస్పత్రికి తరలించారు. వీరమ్మ అప్పటికే చనిపోయిందని పరీక్షించిన వైద్యులు తెలిపారు. లచ్చు మాత్రం చికిత్స పొందుతూ మృతి చెందారు. చిన్న కుమారుడి ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. 

నిజామాబాద్: ప్రభుత్వ ఎస్సి వసతి గృహంలో ముగ్గురు బాలికలు అదృశ్యమైన సంఘటన నిజామాబాద్ జిల్లా కేంద్రంలోని కోటగల్లీ ప్రాంతంలో జరిగింది.  ప్రభుత్వ ఎస్సీ వసతి గృహం నుండి ముగ్గురు విద్యార్ధినులు కనిపించకుండా పోయారు. ఇద్దరు 10వ తరగతి విద్యార్థినులు, ఒకరు 9వ తరగతి విద్యార్థిని ఉదయం 5 గంటలకు హాస్టల్ నుండి వెళ్లిపోయినట్లు సిబ్బంది గుర్తించారు.  హాస్టల్లో విద్యార్థులు చీటీలపై కొన్ని ప్రాంతాల పేర్లు రాసి లక్కీ డ్రా తీశారని, చీటీల్లో వచ్చిన ప్రాంతాలకు వెళ్తున్నట్టు సదరు విద్యార్థులు స్నేహితులకు చెప్పారని పోలీసులకు హాస్టల్ సిబ్బంది తెలిపారు. తోటి విద్యార్థుల సమాచారం మేరకు అదృశ్యమైన బాలికల కోసం పోలీసులు గాలిస్తున్నారు. బాలికలు బయటకు వెళ్తుంటే హాస్టల్ సిబ్బంది, సెక్యూర్టీ ఏం చేస్తున్నారని నెటిజన్లు ప్రశ్నిస్తున్నారు. రెసిడెన్షియల్ స్కూళ్లకు రక్షణ సౌకర్యాలు లేవని విద్యార్థుల తల్లిదండ్రులు మండిపడుతున్నారు.