Breaking News,జాతీయ వార్తలు,తాజా వార్తలు

భారతదేశంలో ఒక్క జిబి వైర్‌లెస్ డేటా కేవలం ఒక్క కప్పు ఛాయ్ ధర అని ప్రధాని నరేంద్ర మోడీ చెప్పారు. బుధవారం ఆయన ఇక్కడ ఇండియా మొబైల్ కాంగ్రెస్ ప్రారంభోత్సవ సభలో ప్రసంగించారు. మొబైల్స్ నుంచి సెమికండక్టర్ల వరకూ వివిధ రంగాల్లో తాము చేపట్టిన మేకిన్ ఇండియా సత్ఫలితాలకు ఈ మొబైల్ డేటా ధర తార్కాణం అవుతుందని అన్నారు. ఇప్పుడు ఇండియా శరవేగపు డిజిటల్ వృద్ధిని సంతరించుకుందని తెలిపారు. ఇక్కడి ప్రజాస్వామిక విధానాలు, సరళీకృత వ్యాపార పంథాతో పెట్టుబడిదార్లకు వ్యాపార అవకాశాలు పెరుగుతున్నాయి. బిజినెస్ నిర్వహణ సరళీకృతం అవుతోందని వివరించారు. పెట్టుబడులకు అనువైన మిత్రత్వ వేదికగా మన దేశం ఇప్పుడు గురుతర ఇమేజ్‌ను సంతరించుకుంది. డిజిటల్ రంగంలో ముందుకు దూసుకుపోవడం వల్లనే కారుచౌక అందులోనూ టీ ధరకు డేటా అందరికి లభ్యం అవుతోందన్నారు. సృజనత్మాకత, పెట్టుబడులు , మేకిన్ ఇండియానే మన బలం , మన ప్రభుత్వం ఎంచుకున్న డిజిటల్‌తొలి దృక్ఫథానికి ప్రాతిపదిక అని చెప్పారు.

ఇప్పుడు ప్రపంచంలోనే భారతదేశం రెండో అతి పెద్ద టెలికం మార్కెట్ అయ్యింది. ఇక 5 జి మార్కెట్‌నూ ద్వితీయ స్థానంలో నిలిచింది. దీనికి కారణం కేవలం మన మొబిలిటి అంతకు మించి మైండ్‌సెట్ ఈ రెండు ఎంలే మనకు విజయాలకు మూలం అయ్యాయయని తెలిపారు. దేశంలో ఇటీవలే మేడిన్ ఇండియా 4జి స్టాక్‌ను మార్కెట్‌లో ప్రవేశపెట్టారు . ఈ సామర్థం సంతరించుకున్న ఐదు దేశాలలో ఇండియా కూడా ఒకటిగా నిలిచింది. ఇంతకు ముందు డిజిటల్ అనుసంధానం అనేది కొందరు సంపన్నులకే పరిమితం అయిన లగ్జరీ ప్రక్రియ. అయితే ఇప్పుడు మనం తీసుకున్న చర్యలతో ఇండియాలో ఇది ఇప్పుడు ఏ కోణంలో చూసినా ఇది భారతీయ జీవితంలో అంతర్గత అనుసంధాన ప్రక్రియ అయి నిలిచిందని ప్రధాని తెలిపారు. దశాబ్ధకాలంలో భారతదేశం సాధించిన వివిధ స్థాయిల డిజిటల్ రంగ విజయాలను ఈ నేపథ్యంలో ప్రధాని సభికులకు తెలిపారు. కప్పు చాయ్ తాగిన ధరతో డేటా లభ్యం అనేది మరి ఏ ఇతర చోట అయినా వీలవుతుందా? అని ప్రశ్నించారు.

ఛత్తీస్‌గఢ్‌లో ఘోర ప్రమాదం చోటు చేసుకుంది. ఓ విద్యుత్ ప్లాంట్‌లో లిఫ్ట్‌ కూలి నలుగరు కార్మికులు మృతి చెందారు. ఈ ప్రమాదంలో మరో ఆరుగురు కార్మికులకు గాయాలయ్యాయి. శక్తి జిల్లాలోని ఓ విద్యుత్‌ప్లాంట్‌లో మంగళవారం రాత్రి ఈ ఘటన చోటు చేసుకుంది. పోలీసులు తెలిపిన వివరాల ప్రకారం.. కార్మికులు పని ముగించుకొని లిఫ్ట్‌లో కిందకి వస్తుండగా.. అది ఒక్కసారిగా కూలిపోయింది. ఆ సమయంలో లిఫ్ట్‌లో 10 మంది ఉన్నారు. అందులో నలుగురు మృతి చెందగా ఆరుగురు గాయపడ్డారు. క్షతగాత్రులను ఆస్పత్రికి తరలించి చికిత్స అందిస్తున్నారు. దీనిపై పోలీసులు కేసు నమోదు చేసి విచారణ చేపట్టారు. కాగా, లిఫ్ట్ కూలిపోవడానికి గల కారణాలు ఇంకా తెలియరాలేదు. 

జైపూర్: రాజస్థాన్‌ రాష్ట్రం జైపూర్‌ శివారులోని మోజ్మాబాద్ పోలీస్ స్టేషన్ పరిధిలో ఘోర రోడ్డు ప్రమాదం జరిగింది. దూదూ సమీపంలో ఆగి ఉన్న గ్యాస్‌ సిలిండర్ల ట్రక్కును మరో లారీ ఢీకొట్టింది. గ్యాస్‌ సిలిండర్లు బాంబుల్లా పేలిపోయాయి. గ్యాస్‌ సిలిండర్లు పేలడంతో రెండు లారీలు దగ్ధమయ్యాయి. ఈ ప్రమాదంలో ఒకరు మృతి చెందగా పలువురు గాయపడ్డారు. రోడ్డుపై ఉన్న పలు వాహనాలు దగ్ధమయ్యాయి. దీంతో జైపూర్‌-ఆజ్మీర్‌ జాతీయ రహదారిని పోలీసులు మూసివేశారు. అగ్నిమాపక సిబ్బంది ఘటనా స్థలానికి చేరుకొని మంటలను ఆర్పడానికి ప్రయత్నిస్తున్నారు. కానీ సిలిండర్ల పేలుతుండడంతో దగ్గరికి వెళ్లడానికి ఫైర్ సిబ్బంది సహసం చేయడంలేదు. 

చెన్నై: టివికె పార్టీ అధ్యక్షుడు విజయ్ కరూర్‌లో నిర్వహించిన ర్యాలీలో విషాదం చోటు చేసుకున్న విషయం తెలిసిందే. ఈ ర్యాలీలో తొక్కిసలాట జరిగి 41 మంది ప్రాణాలు కోల్పోయారు. ఈ ఘటన దేశవ్యాప్తంగా దిగ్ర్భాంతికి గురి చేసింది. తాజాగా విజయ్ మంగళశారం బాధిత కుటుంబాలతో వీడియో కాల్‌లో మాట్లాడారు. త్వరలో కరూర్‌లో పర్యటిస్తానని హామీ ఇచ్చారు.

కాగా, ఈ ఘటనపై ఇప్పటికే పలువురిని పోలీసులు అరెస్ట్ చేశారు. దీనిపై స్వతంత్ర దర్యాప్తు కోరుతూ విజయ్ పార్టీ మద్రాస్ హైకోర్టును ఆశ్రయించింది. దీన్ని తొలుత వ్యతిరేకించిన న్యాయస్థానం.. ఆ తర్వాత సిట్ దర్యాప్తునకు ఆదేశించింది. మరోవైపు ప్రామాణిక నిర్వహణ విధా నిబంధనలు రూపొందించే వరకూ హైవేలపై ఏ రాజకీయ పార్టీ సభలకు పోలీసులు అనుమతివ్వరని తమిళనాడు ప్రభుత్వం వెల్లడించింది. 

ఢిల్లీ: సుప్రీంకోర్టులో కలకలం సృష్టించింది. సిజెఐ బిఆర్ గవాయ్‌పై దాడికి యత్నించారు. సుప్రీంకోర్టు ఆవరణలో సిజెఐ గవాయ్‌పై లాయర్ కిషోర్‌ రాకేష్‌ చెప్పు విసిరేందుకు ప్రయత్నించాడు. కిషోర్ ను తొటి లాయర్లు అడ్డుకున్నారు. ఓ కేసు విచారణ సమయంలో సిజెఐపై లాయర్‌ కిషోర్ చెప్పు విసిరాడు. సనాతన ధర్మాన్ని అవమానించారంటూ కిషోర్‌ నినాదాలు చేశారు. ఇలాంటి దాడులకు భయపడేది లేదని సిజెఐ గవాయ్‌ తెలిపారు. 

జైపూర్: రాజస్థాన్ రాష్ట్రం జైపూర్‌లో ఘోర అగ్ని ప్రమాదం జరిగింది. సవాయ్ మాన్‌సింగ్ ట్రామా సెంటర్‌లో అగ్ని ప్రమాదం జరగడంతో ఆరుగురు రోగులు దుర్మరణం చెందారు. ఒక్కసారిగా ఆస్పత్రిలో పొగలు అలుముకోవడంతో రోగులు, సిబ్బంది హాహాకారాలు పెడుతూ బయటకు పరుగులు తీశారు. ఈ ఆస్పత్రి సిబ్బంది సమాచారం మేరకు అగ్నిమాపక సిబ్బంది ఘటనా స్థలానికి చేరుకొని మంటలను ఆర్పేశారు. ఈ ప్రమాదంలో అస్వస్థతకు గురైన 14 మంది వేరే ఆస్పత్రికి తరలించారు. ఐసియులో 11 మంది రోగులు చికిత్స తీసుకుంటుండగా మంటలు చెలరేగాయని ఆస్పత్రి సిబ్బంది తెలిపారు. షార్ట్ సర్కూట్ కారణంగానే మంటలు చెలరేగాయని అగ్నిమాపక సిబ్బంది వెల్లడించారు. 

భోపాల్: దసరా పండుగ సందర్భంగా దుర్గామాతా నిమజ్జనంలో అపశృతి చోటుచేసుకుంది. చెరువులో ట్రాక్టర్ బోల్తాపడడంతో పది మంది భక్తులు దుర్మరణం చెందారు. ఈ సంఘటన మధ్యప్రదేశ్ రాష్ట్రం ఖాండ్వా జిల్లాలో జరిగింది. పోలీసులు తెలిపిన వివరాల ప్రకారం…. పంధానాలోని అర్దాలా గ్రామంలో దుర్గామాత నిమజ్జనం కోసం 25 మంది భక్తులు ట్రాక్టర్‌పై విగ్రహాన్ని చెరువు వద్దకు తీసుకెళ్లారు. ట్రాక్టర్ అదుపుతప్పి చెరువులో పడిపోవడంతో 10 మంది ఘటనా స్థలంలోనే చనిపోయారు. పోలీసులు, రెస్క్యూ సిబ్బంది ఘటనా స్థలానికి చేరుకొని మిగిలిన వారి కోసం గాలింపు చర్యలు చేపట్టారు. 

చెన్నై: ప్రముఖ సినీ నటుడు, తమిళగ వెట్రి కజగం పార్టీ అధినేత విజయ్ కీలక నిర్ణయం తీసుకున్నారు. సెప్టెంబర్ 27వ తేదీన కరూర్‌లో నిర్వహించిన ర్యాలీలో తొక్కిసలాట జరిగిన విషయం తెలిసిందే. ఈ ఘటనలో 41 మంది ప్రాణాలు కోల్పోయారు. ఈ నేపథ్యంలో తాను రాష్ట్ర వ్యాప్తంగా నిర్వహించే ర్యాలీలను వాయిదా వేస్తున్నట్లు విజయ్ తెలిపారు. తమిళనాడులో అసెంబ్లీ ఎన్నికలు వచ్చే ఏడాది జరుగనున్నాయి. అయితే విజయ్ పర్యటనను రెండు వారాల పాటు వాయిదా వేస్తున్నట్లు వెల్లడించారు.

ఈ విషయాన్ని టివికె ‘ఎక్స్’ వేదికగా ఓ ప్రకటన విడుదల చేసింది. ‘‘తొక్కిసలాటలో ఆత్మీయులను కోల్పోయిన బాధ, దుఃఖం నెలకొన్న పరిస్థితుల్లో వచ్చే రెండు వారాల పాటు బహిరంగ సభ కార్యక్రమాన్ని తాత్కాలికంగా వాయిదా వేస్తున్నాం. పర్యటనలకు సంబంధించి కొత్త షెడ్యూల్‌ను త్వరలోనే ప్రకటిస్తామని మా నేత ఆమోదంతో తెలుపుతున్నాం’’ అని టివికె హెడ్‌క్వార్టర్స్ సెక్రటేరియట్ ప్రకటించింది. 

చెన్నై: కరూర్ తొక్కిసలాటపై తమిళగ వెట్రి కజగం (టివికె) పార్టీ అధినేత విజయ్ వీడియో సందేశం విడుదల చేశారు. ఘటన జరిగిన తర్వాత తొలిసారి విజయ్ తన సందేశం ఇచ్చారు. ఈ సందర్భంగా ఆయన మాట్లాడుతూ.. ‘‘కరూర్ ఘటన నన్ను తీవ్రంగా కలచివేసింది. నాపై అమితమైన ప్రేమతో ప్రజలు ర్యాలీకి తరలివచ్చారు. త్వరలోనే కరూర్ వెళ్లి బాధితులను పరామర్శిస్తా. మేము ఎలాంటి తప్పు చేయకున్నా మాపై కేసు పెట్టారు. నిజం త్వరలోనే బయటపడుతుంది. ఏం జరిగిందనేది ప్రజలకు వాస్తవాలు తెలుసు. ఇలాంటి పరిస్థితులను ఎప్పుడూ ఎదుర్కోలేదు. నా హృదయం ఆవేదనతో నిండిపోయింది. సిఎం స్టాలిన్ ప్రతీకారం తీర్చుకోవాలని చూస్తున్నారా.? స్టాలిన్ కావాలంటే నాపై ప్రతీకారం తీర్చుకోవచ్చు. కానీ, నాపై కోపం.. మా నాయకులపై చూపించవద్దు. కరూర్‌లో ఈ పరిస్థితి ఎందుకు వచ్చింది. నేను ఎప్పుడూ ఎవరికీ అపకారం తలపెట్టలేదు. మా నాయకులపై కేసులు ఎందుకు పెడుతున్నారు. ర్యాలీ కోసం అన్ని జాగ్రత్తలు తీసుకున్నా.. ఊహించని ఘటన జరిగింది. ఇకపై మరింత బలంగా ప్రజల్లోకి వెళ్తాం’’ అని అన్నారు.

సెప్టెంబర్ 27వ తేదీన కరూర్‌లో నిర్వహించిన విజయ్ రాజకీయ ర్యాలీకి పెద్ద ఎత్తున అభిమానులు రావడంతో తొక్కిసలాట జరిగింది. ఈ ఘటనలో 39 మంది ప్రాణాలు కోల్పోగా.. 83 మందికి పైగా గాయపడి ఆస్పత్రిలో చికిత్స పొందుతున్నారు. ఈ ఘటనపై కేసు నమోదు చేసిన తమిళనాడు పోలీసులు ఇప్పటివరకూ ముగ్గురిని అరెస్ట్ చేశారు. ఘటనపై విచారణ పూర్తి అయ్యే వరకూ విజయ్ ఎలాంటి ర్యాలీలు చేయకుండా ఉండేందుకు ఆదేశాలు ఇవ్వాలని బాధిత కుటుంబసభ్యులు మద్రాస్ హైకోర్టును ఆశ్రయించారు.

తమిళనాడు రాజకీయ చరిత్రలో అత్యంత విషాదకరమైన సంఘటన చోటు చేసుకుంది. తమిళగ వెట్రి కగళం అధినేత విజయ్ కరూర్‌లో నిర్వహించిన ర్యాలీలో తొక్కిసలాట జరిగి 40 మంది మృతి చెందగా.. 100 మందికి పైగా తీవ్రంగా గాయపడి ఆస్పత్రిలో చికిత్స పొందుతున్నారు. ఇందులో 48 మంది ఐసియులో ఉన్నారు. అయితే ఈ ఘటన తర్వాత విజయ్‌కి ఊహించని షాక్ తగిలింది. ఈ విషాద ఘటనపై విచారణ పూర్తయ్యే వరకూ విజయ్ నిర్వహించే ర్యాలీలపై నిషేధం విధించాలని కోరుతూ.. తొక్కిసలాటలో ప్రాణాలు కోల్పోయిన బాధిత కుటుంబాలు మద్రాస్ హైకోర్టును ఆశ్రయించాయి.

సామాజిక కార్యకర్త సెంథిల్ కన్నన్ సైతం హైకోర్టులో పిటిషన్ దాఖలు చేశారు. కన్నన్ తన పిటిషన్‌లో ‘‘ప్రజా భద్రత ప్రమాదంలో పడిన పరిస్థితుల్లో, భారత రాజ్యాంగంలోని ఆర్టికల్ 21(జీవించే హక్కు) అనేది అసెంబ్లీ హక్కు (సమావేశాలు నిర్వహించే హక్కు) కంటే ముఖ్యమైనది అంటే ప్రజల ప్రాణాలు, భద్రత కాపాడటం అత్యవసరం. అందుకే టివికె పార్టీ భవిష్యత్తులో నిర్వహించే ర్యాలీలకు అనుమతి ఇవ్వకుండా నిరోధించాలి’’ అని కోర్టును కోరారు. దీంతో కోర్టు ఈ పిటిషన్‌పై విచారణ చేపట్టాల్సి ఉంది.