Breaking News,జాతీయ వార్తలు,తాజా వార్తలు

శ్రీనగర్: జమ్మూకశ్మీర్‌లోని బిష్నా ప్రాంతంలో రోడ్డు ప్రమాదం జరిగింది రింగ్ రోడ్డుపై స్కూల్ బస్సు బోల్తా పడడంతో 35 మంది విద్యార్థులు గాయపడ్డారు. గాయపడిన విద్యార్థులను ఎయిమ్స్, జిఎంసి ఆస్పత్రలకు తరలించారు. సాంబాలో పిక్నిక్ కు వెళ్లి తిరిగి వస్తుండగా ఈ ప్రమాదం చోటుచేసుకుంది. మంచు కారణంగా రోడ్డు సరిగ్గా కనిపించక బస్సు డివైడర్‌ను ఢీకొట్టి బోల్తా పడినట్టు సమాచారం. విద్యార్థులు ప్రెగ్వాల్ అక్నూర్ కు చెందిన వారిగా గుర్తించారు. విద్యార్థుల పరిస్థితి విషమంగా ఉందని ఆస్పత్రి వర్గాలు వెల్లడించాయి. పెద్ద ప్రమాదం తప్పడంతో విద్యార్థుల తల్లిదండ్రులు ఊపిరి పీల్చుకున్నారు. 

న్యూఢిల్లీ: ఉపాధిహామీ పథకం పేరు మార్పుపై కాంగ్రెస్ అగ్రనేత సోనియా గాంధీ స్పందించారు. ఎంజిఎన్ఆర్ఇజిఎను ప్రభుత్వం నాశనం చేస్తోందని ఆమె మండిపడ్డారు. ఎంజిఎన్ఆర్ఇజిఎ రూపురేఖలనే ప్రభుత్వం మార్చిందని ఆగ్రహం వ్యక్తం చేశారు. కోట్ల మంది రైతులు, కూలీల ప్రయోజనాలను దెబ్బతీశారని, గ్రామీణ పేదలను మోడీ ప్రభుత్వం విస్మరిస్తోందని ఆమె అన్నారు. ఎంజిఎన్ఆర్ఇజిఎ స్థానంలో ప్రభుత్వం నల్లచట్టం తెస్తుందని ఆవేదన వ్యక్తం చేశారు. నల్లచట్టంపై పోరాడేందుకు లక్షల మంది కార్యకర్తలు సిద్ధంగా ఉన్నారని తెలిపారు. 

దిస్‌పూర్: ఏనుగులను ఢీకొట్టి అనంతరం రైలు పట్టాలు తప్పింది. ఈ సంఘటన అస్సాం రాష్ట్రం నాగావ్ జిల్లాలో శనివారం తెల్లవారుజామున జరిగింది. రాజధాని ఎక్స్‌ప్రెస్ ఢిల్లీ వెళ్తుండగా జమున్ ముఖ కాన్పూర్  ప్రాంతంలోని ఎనిమిది ఏనుగులు రైల్వే ట్రాక్‌లపైకి వచ్చాయి. రైలు ఢీకొట్టడంతో ఎనిమిది ఏనుగులు ఘటనా స్థలంలోనే చనిపోయాయి. ఈ ప్రమాదంలో ఐదు బోగీలు పట్టాలు తప్పినట్టు అధికారులు పేర్కొన్నారు. గౌహతికి 126 కిలో మీటర్ల దూరంలో ఈ ప్రమాదం జరిగింది. రైల్వే పోలీసులు, అటవీ శాఖ అధికారులు ఘటనా స్థలానికి చేరుకొని ఏనుగుల కళేబరాలను స్వాధీనం చేసుకున్నారు. 

అమరావతి: స్టాచ్యూ ఆఫ్ యూనిటీ శిల్పి రామ్ సుతార్ కన్నుమూశారు. ఉత్తర ప్రదేశ్ రాష్ట్రం నోయిడాలోని తన కుమారుడి ఇంట్లో సుతార్ తుదిశ్వాస విడిచారని కుటుంబ సభ్యులు తెలిపారు. ఆయన గత కొంతకాలంగా అనారోగ్య సమస్యలతో బాధపడుతున్నారు. గుజరాత్‌లోని స్టాచ్యూ ఆఫ్ యూనిటీ, హైదరాబాద్‌లోని బిఆర్ అంబేడ్కర్ విగ్రహాన్ని రామ్ సుతార్‌లో నిర్మించారు. 1925 ఫిబ్రవరి 19న మహారాష్ట్రలోని గోందూరు గ్రామంలో రామ్‌సుతార్ జన్మించారు. రామ్ సుతార్‌కు 1999లో పద్మశ్రీ, 2016లో పద్మభూషణ్ పురస్కారాలు దక్కాయి.  

రాంఛీ: ఏనుగు బీభత్సం సృష్టించడంతో ఓ వ్యక్తి మృతి చెందిన సంఘటన ఝార్ఖండ్ రాస్ట్రం రాంఘర్ లో జరిగింది. ఏనుగుల గుంపు వెళ్తుండగా స్థానికులు సెల్ఫీలు తీసుకోవడానికి ప్రయత్నించారు. స్థానికులపై ఏనుగు దాడి చేయడంతో అందరూ పరుగులు తీశారు. ఏనుగు ఒకరిని తొండంతో కొట్టి కిందపడేసింది. అతడు పలుమార్లు తొక్కడంతో పాటు దంతాలతో పొడవడంతో అతడు ఘటనా స్థలంలోనే చనిపోయాడు. దీనికి సంబంధించిన వీడియోలు సోషల్ మీడియాలో వైరల్ గా మారాయి. స్థానికుల సమాచారం మేరు అటవీ శాఖ అధికారులు అక్కడికి చేరుకొని ఏనుగుల గుంపును తరిమేశారు.

ఢిల్లీ లో వాయుకాలుష్య సంక్షోభంపై సుప్రీం కోర్టు విచారణ జరిపింది. ఎన్ హెచ్ఎఐకి సుప్రీం కోర్టు నోటీసులు జారీ చేసింది. ఢిల్లీలోకి ప్రవేశించే 9 టోల్ ప్లాజాలను మూసి వేయాలని ఎన్ హెచ్ఎఐ కు సుప్రీం కోర్టు సూచించింది. కాలుష్యం తగ్గించేందుకు ఆచరణాత్మక పరిష్కారం ఆలోచిద్దామని చెప్పింది. ఢిల్లీలో కాలుష్యం తగ్గించేందుకు భవన నిర్మాణాలపై ఆంక్షలు విధించారు. భవన నిర్మాణ కార్మికుల ఖాతాల్లో నగదు వేయాలని, భవన నిర్మాణ కార్మికులకు ఇతర పనులు చూపించాలని సుప్రీం కోర్టు ఆదేశించింది. భవన నిర్మాణ కార్మికుల ఖాతాల్లో నగదు వేస్తామని ఢిల్లీ ప్రభుత్వం హామీ ఇచ్చింది. ఢిల్లీలో మొత్తం 2.50 లక్షల మంది కార్మికులు ఉన్నారని, 7 వేల మంది కార్మికుల ఖాతాలే వెరిఫై అయినట్లు తెలిపింది. పాఠశాల మూసివేత విషయంలో జోక్యం చేసుకోలేమంది. ఢిల్లిలో కాలుష్యానికి వాహనాలు కూడా ప్రధాన కారణమని సుప్రీం కోర్టు తెలిపింది.  

ప్రపంచంలో వైద్య వృత్తి ఎంతో పవిత్రమైంది. తన, పర బేధం లేకుండా ఎవ్వరినైనా కాపాడాల్సిన బాధ్యత వైద్యులపై ఉంటుంది. అలాంటి బాధ్యతనే ఓ వైద్యురాలు, మాజీ ఎమ్మెల్యే డాక్టర్ అంజలి నింబాల్కర్ నిర్వర్తించారు. విమానం గాల్లో ఉండగా ఆస్వస్థతకు గురైన ఓ ప్రయాణికురాలిని ఆమె సిపిఆర్ చేసి కాపాడారు. దీంతో కర్ణాటక సిఎం సిద్ధరామయ్య అంజలిపై ప్రశంసలు కురిపించారు.

శనివారం మధ్యాహ్నం గోవా నుంచి ఢిల్లీకి ఓ విమానం బయలుదేరింది. టేకాఫ్ అయిన కొంత సమయానికే కాలిఫోర్నియాకు చెందిన జెన్నీ అనే మహిళ తీవ్ర అస్వస్థతకు గురైంది. దాంతో ఆమె ఒక్కసారిగా కుప్పకూలిపోయింది. ఇది గమనించిన కాన్పూర్ మాజీ ఎమ్మెల్యే డాక్టర్ అంజలి వెంటనే స్పందించి.. పేషెంట్‌కి సిపిఆర్ చేసి బ్రతికించారు. విమానం ఢిల్లీలో ల్యాండ్ అయిన వెంటనే జెన్నీని ఆస్పత్రికి తరలించారు. అప్పటి వరకు అంజలి, జెన్నీతో పాటు ఉన్నారు.

ఈ విషయంపై కర్ణాటక సిఎం సిద్ధరామయ్య అంజలిని అభినందించారు. ఇది చాలా స్పూర్తిదాయకమని, అధికారంలో ఉన్నా లేకపోయినా.. అంజలి వంటి నేతను నిజమైన ప్రజా సేవకు ఉదాహరణ అని. ప్రతిఫలం ఆశించకుండా సాయం చేసేందుకు ఆమె ఎప్పుడూ సిద్ధంగా ఉంటారని ఎక్స వేదికగా కొనియాడారు. ఇక కర్ణాటక కాంగ్రెస్ కూడా అంజలిని ప్రశంసిస్తూ పోస్టు పెట్టింది. నిజమైన ప్రజా సేవకు పదవి, హోదాతో సంబంధం లేదని పేర్కొంది. ఇక నెటజన్లు అంజలిపై ప్రశంసల జట్టు కురిపిస్తున్నారు.

న్యూఢిల్లీ: పవర్‌స్టార్, ఎపి డిప్యూటీ సిఎం పవన్‌కల్యాణ్ ఢిల్లీ హైకోర్టును ఆశ్రయించారు. తన వ్యక్తితగ హక్కులకు భంగం కలిగించేలా సోషల్‌మీడియాలో కొందరు వ్యవహరిస్తున్నారని.. వారిపై చర్యలు తీసుకోవాలని పిటిషన్ దాఖలు చేశారు. పవన్ వ్యక్తిగత ప్రతష్ఠ, హక్కులకు భంగం కలిగించేలా సోషల్‌మీడియా, ఇ కామర్స్ వెబ్‌సైట్లు పలు పోస్ట్‌లు పెట్టాయి. అవి కాస్త వైరల్ అయ్యయి. వాటిపై చర్యలు తీసుకోవాలని పవన్ తరఫు న్యాయవాది కోర్టును కోరారు. దీంతో ఆ లింక్‌లను 7 రోజుల లోపు తొలగించాలని ఢిల్లీ హైకోర్టు ఆదేశించింది. తదుపరి విచారణను డిసెంబర్ 22కు వాయిదా వేసింది. తాము ఏ లింక్‌లను తొలగించాలని అనుకుంటున్నారో వాటి తాలుక యుఆర్ఎల్స్‌ను సోషల్‌మీడియా సంస్థలకు అందించాలని పవన్‌ తరఫు న్యాయవాదిని ఆదేశించారు. అందుకు 48 గంటల సమయం ఇఛ్చారు.

ముంబయి: కాంగ్రెస్ సీనియర్ నేత, కేంద్ర మాజీ మంత్రి శివరాజ్ పాటిల్(90) కన్నుమూశారు. అనారోగ్య సమస్యలతో బాధపడుతూ శుక్రవారం ఉదయం తుది శ్వాస విడిచారని కుటుంబ సభ్యులు తెలిపారు. శివరాజ్ పాటిల్ మృతిపట్ల రాష్ట్రపతి ద్రౌపది ముర్మూ, ప్రధాని మోడీ, కేంద్ర మంత్రులు, కాంగ్రెస్ అగ్రనేతలు రాహుల్ గాంధీ, ప్రియాంక గాంధీ, సోనియా గాంధీ, తెలంగాణ ముఖ్యమంత్రి రేవంత్ రెడ్డి సంతాపం తెలిపారు. ఆయన కుటుంబానికి ప్రగాఢ సానుభూతి ప్రకటించారు. శివరాజ్ పాటిల్ మృతి తనను కలిచి వేసిందని ప్రధాని నరేంద్ర మోడీ తెలిపారు. లాతూరు పార్లమెంట్ నియోజకవర్గం నుంచి ఏడు సార్లు ఎంపి గెలిచి ప్రజలకు సేవలందించారు. 

చెన్నై: తమిళ స్టార్ హీరో విజయ్ ప్రస్తుతం రాజకీయాల్లో బిజీగా ఉన్నారు. వచ్చే ఏడాది తమిళనాడు అసెంబ్లీల ఎన్నికల్లో తన పార్టీ తమిళగ వెట్రి కళగం పోటీ చేసేందుకు అంతా సిద్ధం చేసుకుంటున్నారు. ఈ క్రమంలోనే ఆయన బహిరంగ సభలు, ర్యాలీలు నిర్వహిస్తున్నారు. అయితే తాజాగా విజయ్ నిర్వహించిన ఓ బహిరంగ సభలోకి ఓ వ్యక్తి తుపాకీతో వచ్చేందుకు యత్నించాడు. పుదుచ్చేరిలో నిర్వహించిన టివికె సదస్సులో ఈ ఘటన చోటు చేసుకుంది. తుపాకీతో సదరు వ్యక్తి వేదిక వైపునకు దూసుకొచ్చాడు. ఇది గమనించిన భద్రతా అయితే సిబ్బంది అతడిని నిలువరించి.. అదుపులోకి తీసుకున్నారు. గతంలో కరూర్‌లో విజయ్ నిర్వహించిన సభలో తొక్కిసలాట జరిగి 40 మందికిపైగా మృతి చెందగా.. 100 మందికి పైగా గాయపడ్డారు. ఈ ఘటన తర్వాత విజయ్ చాలాకాలం తర్వాత విజయ్ మళ్లీ ప్రజల్లోకి వస్తున్నారు.