Breaking News,క్రైమ్,తాజా వార్తలు

హైదరాబాద్: ఆన్‌లైన్‌లో సైబర్ కేటుగాళ్లు అమాయకులను మోసం చేసేందకు కొత్త మార్గాలు తయారు చేస్తున్నారు. రకరకాలుగా కుట్రలు పన్ని డబ్బులు కాజేస్తున్నారు. తాజాగా హైదరాబాద్‌కు చెందిన ఓ వ్యక్తి కారు అద్దెకు తీసుకొనేందుకు ప్రయత్నించి డబ్బులు పొగొట్టుకున్నాడు. సైబర్ క్రైమ్ పోలీసులు తెలిపిన వివరాల ప్రకారం.. హైదరాబాద్ లాలాగూడకు చెందిన ఓ వ్యక్తి కోయంబత్తూరులో కారు అద్దెకు తీసుకునేందుకు గూగుల్‌లో సెర్చ్ చేశాడు. శివశక్తి కార్ రెంటల్స్ అనే పేరు చూసి.. అందులో ఉన్న ఫోన్ నెంబర్‌ని సంప్రదించాడు.

రిజిస్ట్రేషన్ కింద రూ.149 చెల్లించాలని, ఎపికె ఫైల్ పంపి డౌన్‌లోడ్ చేసుకోవాలని సూచించారు. అది నిజమేనని నమ్మిన బాధితుడు రిజిస్ట్రేషన్ చేసుకొని రూ.149 చెల్లించాడు. ఎపికె ఫైల్‌ని కూడా డౌన్‌లోడ్ చేసుకోవడంతో అందులోని మాల్వేర్ ద్వారా ఒటిపిలు రాకుండా సైబర్ మాయగాళ్లు ఫార్వర్డ్ చేసుకున్నారు. దీంతో అతని ఖాతాలోని రూ.1.98 లక్షలు కాజేశారు. మోసపోయినట్లు గుర్తించిన బాధితుడు సైబర్ క్రైమ్ పోలీసులకు ఫిర్యాదు చేశాడు.

అమరావతి: తల్లి మందలించిందని కుమారుడు ఆమె గొంతు కోసి హత్య చేశాడు. ఈ సంఘటన ఆంధ్రప్రదేశ్ రాష్ట్రం వైఎస్‌ఆర్ కడప జిల్లాలో జరిగింది. పోలీసులు తెలిపిన వివరాల ప్రకారం… ప్రొద్దుటూరులోని శ్రీరామ్ నగర్‌లో లక్ష్మీదేవి తన కుమారుడు యశ్వంత్ రెడ్డి, భర్తతో కలిసి ఉంటుంది. లక్ష్మీదేవి ప్రభుత్వ పాఠశాలలో ఉపాధ్యాయురాలిగా పని చేస్తోంది. యశ్వంత్ రెడ్డి బిటెక్ పూర్తి చేసి జాబ్ కోసం సెర్చ్ చేస్తున్నాడు. వంటింట్లో లక్ష్మీదేవి పని చేస్తుండగా యశ్వంత్ రెడ్డి ఆమెతో గొడవపడ్డాడు. ఘర్షణ తారాస్థాయికి చేరుకోవడంతో తండ్రిని ఓ రూమ్‌లో పడేసి అనంతరం తల్లి గొంతును కోశాడు. రక్తపు మడుగులో ఉన్న తల్లిని లాక్కెళ్లి బయటపడేశాడు. స్థానికుల సమాచారం మేరకు పోలీసులు ఘటనా స్థలానికి చేరుకొని కేసు నమోదు చేసి దర్యాప్తు చేస్తున్నారు. నిందితుడిని అరెస్టు చేసి రిమాండ్‌కు తరలించారు. యశ్వంత్ మానసిక స్థితి సరిగా లేదని పోలీసులు వెల్లడించారు. 

అమరావతి:  అర్థరాత్రి అల్లుడిని పెళ్లి చేసుకుంటుండగా కూతురు అడ్డు రావడంతో ఆమెను కన్నతల్లి చంపడానికి ప్రయత్నించింది. ఈ సంఘటన ఆంధ్రప్రదేశ్ రాష్ట్రం తిరుపతి జిల్లా కెవిబిపురం మండలలో జరిగింది. పోలీసులు తెలిపిన వివరాల ప్రకారం… ఓ గ్రామంలో 18 ఏళ్ల బాలుడు, 15 ఏళ్ల బాలిక గాఢంగా ప్రేమించుకున్నారు. ఐదు నెలల క్రితం ఇద్దరు ప్రేమ వివాహం చేసుకున్నారు. బాలిక తండ్రి చనిపోవడంతో తన కూతురుతో కలిసి ఉంటుంది. ఈ క్రమంలో అల్లుడితో అత్త వివాహేతర సంబంధం పెట్టుకుంది. శుక్రవారం రాత్రి భార్య ఎదుట అల్లుడితో అత్త తాళ్లి కట్టించుకుంటుండగా కూతురు ఆపింది. అల్లుడితో కలిసి అత్త తన కూతురుపై దాడికి పాల్పడింది. రోకలి బండతో తలపై మోదడంతో ఆమె కేకలు విని స్థానికులు ఆమెను కాపాడి ఆస్పత్రికి తరలించారు. అత్త, అల్లుడుపై స్థానికులు ఆగ్రహం వ్యక్తం చేయడంతో పాటు వారిని చితకబాది చేసి పోలీసులకు అప్పగించారు. 

ఛండీగఢ్: పెళ్లి ఫొటోలు సోషల్ మీడియాలో ప్రియుడు షేర్ చేశాడు. దీంతో ప్రియురాలు తన కుటుంబ సభ్యులతో కలిసి ప్రియుడిపై పదునైన ఆయుధాలతో దాడి చేయడంతో అతడు తీవ్రంగా గాయపడ్డారు. ఈ సంఘటన హర్యానా రాష్ట్రం పానిపట్టులో జరిగింది. పోలీసులు తెలిపిన వివరాల ప్రకారం.. కునాల్(25) అనే యువకుడు కోమల్ అనే యువతిని గాఢంగా ప్రేమించాడు. కోమల్ కుటుంబ సభ్యులకు వ్యతిరేకంగా 2024 జూన్ 26న కోమల్ ను కునాల్ వివాహం చేసుకున్నాడు. కొన్ని నెలల తరువాత కోమల్ తన భర్తను వదిలేసి అమ్మగారింటికి వచ్చింది. భరణం కావాలని కోమల్ కోర్టును ఆశ్రయించింది. తన నెలకు రూ.30 వేల కావాలని డిమాండ్ చేసింది. తనకు 12 వేల శాలరీ వస్తుందని, అంత డబ్బు ఇవ్వలేనని తెగేసి చెప్పాడు. పెళ్లి ఫొటోలను సోషల్ మీడియాలో కునాల్ షేర్ చేశాడు. ఫొటోలను తొలగించాలని యువతి కుటుంబ సభ్యులు యువకుడితో గొడవకు దిగారు. సెప్టెంబర్ 24న కునాల్ తన తండ్రితో కలిసి వెళ్తుండగా ఆమె తండ్రి సతీష్, మామ రాకేష్, ఇద్దరు సోదరు పదునైన ఆయుధాలతో అతడిపై దాడి చేయడంతో తీవ్రంగా గాయపడ్డాడు. వెంటనే అతడిని స్థానిక ఆస్పత్రికి తరలించారు. రెండు కాళ్లు, చేతులు విరిగిపోయానని వైద్యులు తెలిపారు. పోలీసులు కేసు నమోదు చేసి నలుగురిని అరెస్టు చేసి రిమాండ్ కు తరలించారు. 

భోపాల్: ఓ ఇంట్లోని నీటి డ్రమ్ములో ఓ యువతి మృతదేహం కనిపించింది. ఈ సంఘటన మధ్యప్రదేశ్ రాష్ట్రం దేవాస్ జిల్లాలో జరిగింది. పోలీసులు తెలిపిన వివరాల ప్రకారం…. లక్షిత చౌదరి అనే యువతి కాలేజీ వెళ్లి తిరిగి రాకపోవడంతో ఆమె తల్లిదండ్రులు స్థానిక పోలీస్ స్టేషన్‌లో ఫిర్యాదు చేశారు. పోలీసులు  విచారణ చేస్తుండగా తానే లక్షితను చంపేశానని మోను అనే యువకుడు లొంగిపోయాడు. లక్షితను గాఢంగా ప్రేమించానని, ఆమె మరో యువకుడితో అక్రమ సంబంధం కొనసాగిస్తుండడంతో హత్య చేశానని వివరించారు. లక్షిత కాళ్లు చేతులు కట్టేసి అనంతరం నీటి డ్రమ్ములో ముంచి చంపేశానని చెప్పాడు. నీటి డ్రమ్ములో కుళ్లిపోయిన స్థితిలో ఉన్న మృతదేహాన్ని పోలీసులు స్వాధీనం చేసుకొని శవ పరీక్ష నిమిత్తం దేవాస్ జిల్లా ఆస్పత్రికి తరలించారు. పోలీసులు అతడిని అరెస్టు చేసి రిమాండ్ కు తరలించారు. 

తెనాలి: గుంటూరెు జిల్లా తెనాలిలో జరిగిన ఓ పెళ్లి వేడుకలో భారీ చోరీ జరిగింది. తెలంగాణకు చెందిన ఓ ఐఆర్‌ఎస్ అధికారి గురువారం రాత్రి చెంచుపేటలోని ఓ ప్రైవేటు ఫంక్షన్ హాల్‌కు వివాహానికి హాజరయ్యారు. ఆయన తన కారులో ఓ బ్యాగ్‌ను ఉంచి వెళ్లారు. ఇది గమనించిన దొంగలు కారు అద్ధం బద్దలు కొట్టి బ్యాగ్‌ను ఎత్తుకెళ్లారు. పొయిన బ్యాగ్‌‌లో రూ.5 లక్షల నగదు, రూ.10 లక్షల విలువైన బంగారం, 3 ఐఫోన్‌లు, పాస్‌పోర్ట్, క్రెడిట్ కార్డులు ఉన్నాయని తెలుస్తోంది. దీనిపై తెనాలి పోలీసులకు ఐఆర్ఎష్ అధికారి ఫిర్యాదు చేశారు. 

కందుకూరు: నెల్లూరు జిల్లా రాళ్ల పాడు వద్ద దారుణంగా హత్య జరిగింది. కారుతో బైకును ఢీకొట్టి, కిందపడిన వ్యక్తిని తొక్కించి దారుణంగా హత్య చేశాడు. నాయుడు, మరో ఇద్దరు బైక్ పై వెళ్తుండగా కారుతో ప్రసాద్ ఢీకొట్టాడు. అక్కడిక్కడే నాయుడు మృతి చెందగా, మరో ఇద్దరికి తీవ్రగాయాలయ్యాయి. ఈ ఘటన నెల్లూరు జిల్లా రాళ్లపాడు వద్ద జరిగింది.క్షతగాత్రులను ఆస్పత్రికి తరలించారు. స్థానికులు సమాచారం మేరకు పోలీసులు ఘటనా స్థలానికి చేరుకుని కేసు దర్యాప్తు చేస్తున్నారు. వివరాల్లోకి వెళితే దారకాని పాడుకి చెందిన నాయుడు, ప్రసాద్ కు మధ్య మనస్పర్థలు ఉన్నాయి. వ్యక్తిగత, ఆర్థిక విభేదాలు, వివాహేతర సంబంధం కారణాలతో హత్యజరిగిందని పోలీసులు తెలిపారు.   

ప్రభుత్వం ఉద్యోగం పోతుందనే భయంతో అప్పుడే పుట్టిన చిన్నారిని సజీవ సమాధి చేసిన ఘటన మధ్యప్రదేశ్‌ చింద్వారాలో చోటు చేసుకుంది. కన్నతల్లి కూడా ఇందుకు సహకరించింది. అడవిలో శిశువు ఏడుపును స్థానికులు విని రక్షించడంతో అసలు విషయం వెలుగులోకి వచ్చింది. వెంటనే స్థానికులు పోలీసులకు సమాచారం ఇవ్వగా.. శిశువు తల్లిదండ్రులే ఈ ఘాతుకానికి పాల్పడినట్లు గుర్తించారు.

పోలీసులు తెలిపిన వివరాల ప్రకారం.. ఇద్దరి కంటే ఎక్కువమంది పిల్లలు ఉన్నవారికి ఉపాధిని పరిమితం చేస్తూ.. మధ్యప్రదేశ్‌ ప్రభుత్వం ఇటీవల పలు నిబంధనలు అమలులోకి తీసుకువచ్చింది. అయితే అప్పటికే ముగ్గురు పిల్లలకు తండ్రైన ప్రభుత్వ ఉపాధ్యాయుడు బబ్లూకు తన ఉద్యోగం పోతుందనే భయం పట్టుకుంది. మూడో కొడుకు ఉన్నట్లు తెలియకుండా జాగ్రత్త పడ్డాడు. కానీ, అతడి భార్య మళ్లీ గర్భం దాల్చింది. దీంతో శిశువు పుట్టగానే చంపేద్దామని, లేదంటే తన ఉద్యోగం పోతుందని భార్య రాజకుమారిని కూడా ఒప్పించాడు. సెప్టెంబర్ 23 తెల్లవారుజామున భార్య మగబిడ్డకు జన్మనిచ్చింది. వెంటనే బబ్లూ చిన్నారిని తీసుకెళ్లి అడవిలో బండరాళ్ల మధ్య సజీవ సమాధి చేశాడు.

మూడు రోజుల అనంతరం చిన్నారి ఏడుపు విన్న స్థానికులు పోలీసులకు సమాచారం ఇవ్వడంతో ఈ విషయం బయటపడింది. శిశువుకు చింద్వారా జిల్లా ఆస్పత్రిలో చికిత్స అందిస్తున్నట్లు పోలీసులు తెలిపారు. చిన్నారి తల్లిదండ్రులపై కేసు నమోదు చేసి అరెస్ట్ చేశారు.