Breaking News,క్రీడలు,తాజా వార్తలు

51 పరుగుల తేడాతో సౌతాఫ్రికా విజయం

ముల్తాన్‌పూర్: ఐదు టి20 మ్యాచ్‌ల సిరీస్‌లో భాగంగా సౌతాఫ్రికాతో జరిగిన రెండో టి20లో భారత్ పరాజయం పాలైంది. బ్యాటింగ్, బౌలింగ్‌లలో సమష్టిగా విఫలమైన టీమిండియా 51 పరుగుల తేడాతో చిత్తయింది. తొలి మ్యాచ్‌లో ఓటమి నుంచి పాటం నేర్చుకున్న సఫారీ జట్లు అద్భుతమైన ఆటతీరుతో సిరీస్‌లో తొలి విజయాన్ని నమోదు చేసి, సిరీస్‌లో సమంగా నిలిచింది. గురువారం జరిగిన ఈ మ్యాచ్‌లో టాస్ ఓడి తొలుత బ్యాటింగ్ చేసిన సౌతాఫ్రికా.. ప్రారంభంలో తడబిడినా క్వింటాన్ డికాక్(90) మెరుపు ఇన్నింగ్స్‌తో ఆదుకున్నాడు.

జట్టు స్కోరు 38 పరుగులు ఉన్నప్పుడు రీజా హెన్‌డ్రిక్స్, వరుణ్ చక్రవర్తి బౌలింగ్ ఔటవగా.. డీకాక్ స్కోరు బోర్డును ముందుకు నడిపాడు. మాక్రామ్(29)తో కలిసి రెండో వికెట్‌కు 83 పరుగుల బాగస్వామ్యాన్ని నెలకొల్పాడు. అనంతరం ఫెర్రెరా(30), డెవిడ్ మిల్లర్(20) రాణించడంతో జట్టుకు స్కోరు 213 పరుగులకు చేరింది. అనంతరం లక్ష ఛేదనకు దిగిన భారత్ తొలి నుంచి వికెట్లు కోల కోల్పోతూ ఓటమి దిశగా సాగింది. ఓపెనర్లు శుభ్‌మన్ గిల్ పరుగులేమి చేయకుండా డగౌట్‌గా వెనుదిరగగా.. మరో ఓపెనర్ అభిషేక్ శర్మ(17) తక్కువ స్కోరుకే ఔటయ్యాడు. తిలక్ వర్మ(62) అర్ధ సెంచరీతో మెరిసినా మరెవరూ రాణించక పోవడంతో భారత్‌కు ఓటమి తప్పలేదు. దీంతో సఫారీ జట్టు సిరీస్‌లో 11 సమంగా నిలిచింది.

ప్రస్తుతం భారత క్రికెట్‌ అభిమానుల్లో ఒకే వ్యక్తి గురించి చర్చ జరుగుతోంది. అతడే సంజూ శాంసన్. ఓపెనర్‌గా శుభ్‌మాన్ గిల్ తిరిగి రావడంతో జట్టులో సంజూ స్థానం గల్లంతైంది. మంగళవారం జరిగిన మ్యాచ్‌లో వికెట్ కీపర్‌గోా జితేశ్ శర్మని తీసుకున్నారు. లోయర్ ఆర్డర్‌లో బ్యాటంగ్‌కి వచ్చిన జితేశ్ 5 బంతుల్లో 1 సిక్సుతో 10 పరుగులు చేశాడు. దీంతో ఒక ఫినిషర్‌గా తన టాలెంట్‌ని నిరూపించుకున్నాడు. దీంతో సంజూ బదులు జితేశ్‌కే మొగ్గు చూపిస్తుంది టీమ్ మేనేజ్‌మెంట్. ఈ విషయంపై జితేశ్ స్పందించాడు. సంజూ తనకు పెద్దన్న లాంటి వాడని అన్నాడు.

‘‘ఆరోగ్యకరమైన పోటీ ఉంటేనే మనలోని అత్యుత్తమ ప్రతిభ బయటకు వస్తుంది.. జట్టుకు కూడా అదే మంచిది. భారత్‌లో టాలెంట్‌కి కొదవలేదు. సంజూ భయ్యా గొప్ప ప్లేయర్. ఆయనతో నేను పోటీ పడాల్సి ఉంటుంది. అప్పుడే నా అత్యుత్తమ ప్రదర్శన ఇవ్వగలుగుతాను. మేము ఇద్దం భారత్‌కు ఆడాలనే కోరుకుంటాం. మేము ఇద్దరం సోదరుల వంటి వాళ్లం. మా అనుభవాలను పరస్పరం పంచుకుంటాం. నాకు సంజూ ఎంతో సాయం చేశాడు. సలహాలు ఇస్తాడు. ఒకవేళ అతడితోనే నాకు పోటీ అంటే బెస్ట్ ఇచ్చి ఢీకొట్టడానికి ఎల్లప్పుడూ సిద్ధంగా ఉంటాను’’ అని జితేశ్ పేర్కొన్నాడు.

స్వదేశంలో సౌతాఫ్రికాతో జరిగిన వన్డే సిరీస్‌లో టీం ఇండియా స్టార్ బ్యాట్స్‌మెన్ విరాట్ కోహ్లీ అద్భుతంగా రాణించిన విషయం తెలిసిందే. మూడు వన్డేల సిరీస్‌లో రెండు శతకాలు(135, 102), ఒక అర్థ శతకం (65 నాటౌట్) సాధించి.. భారత్ ఈ సిరీస్‌ని 2-1 తేడాతో విజయం సాధించేందుకు మార్గం సుగమం చేశాడు. అంతేకాక మొత్తం 302 పరుగులు చేసి ప్లేయర్ ఆఫ్ ది సిరీస్‌గా నిలిచాడు. ఈ క్రమంలో ఐసిసి వన్డే ర్యాంకింగ్స్‌లో తన ర్యాంకును మెరుగుపరచకున్నాడు. న్యూజిలాండ్ బ్యాటర్ డారిల్ మిచెల్, ఆఫ్గానిస్థాన్ బ్యాటర్ ఇబ్రహీం జద్రాన్‌లను వెనక్కి నెట్టి.. రెండు స్థానాలు ఎగబాకి రెండో ర్యాంకును సొంతం చేసుకున్నాడు.

అంతేకాక.. మొదటి ర్యాంకుకు అత్యంత చేరువలోకి వచ్చాడు కోహ్లీ. తాజాగా ప్రకటించిన ర్యాంకులలో 773 పాయింట్లతో కోహ్లీ రెండో స్థానంలో ఉండగా.. 781 పాయింట్లతో రోహిత్ శర్మ మొదటి ర్యాంకులో కొనసాగుతున్నాడు. ఇక బౌలర్ల విభాగంలో కుల్దీప్ యాదవ్ మూడు స్థానాలు మెరుగుపరచుకొని మూడో స్థానంలో స్థిరపడ్డాడు. మొదటి స్థానంలో అఫ్గానిస్థాన్ క్రికెటర్ రషీద్ ఖాన్, రెండో ప్లేస్‌లో ఇంగ్లండ్ బౌలర్ జోఫ్రా ఆర్చర్ ఉన్నారు. దక్షిణాఫ్రికాతో జరిగిన వన్డే సిరీస్‌లో కుల్దీప్ తొమ్మిది వికెట్లు తీసి లీడింగ్ వికెట్ టేకర్‌గా ఉన్నాడు. ఆల్ రౌండర్ల జాబితాలో అఫ్గానిస్థాన్ క్రికెటర్ అజ్మతుల్లా ఒమర్జాయ్ మొదటి స్థానాన్ని నిలబెట్టుకున్నాడు.

గురువును దైవంలా భావించాలని మన పెద్దలు చెబుతూ ఉంటారు. కానీ, ఈ వ్యక్తులు మాత్రం తమకు అవకాశం కల్పించలేనదని గురువుపై తీవ్రంగా దాడి చేశారు. ఈ ఘటన తమిళనాడులోని పుదుచ్చేరిలో చోటు చేసుకుంది. పుదుచ్చేరి క్రికెట్ అసోసియేషన్ అండర్-19 కోచ్‌ ఎస్.వెంకటరమణ్‌పై ముగ్గురు ఆటగాళ్లు దాడి చేసినట్లు సమాచారం. ఈ దాడిలో వెంకట రమణకు తీవ్ర గాయాలయ్యయి. ఆయన నుదుటిపై 20 కుట్లు పడ్డాయి. భజం విరిగింది. సయ్యద్ ముస్తాక్ అలీ ట్రోఫీలో తమకు అవకాశం కల్పించనందుకే ఆ ఆటగాళ్లు ఈ ఘాతుకానికి పాల్పడ్డారని తెలుస్తోంది. ఈ విషయంపై ఎఫ్.ఎ.ఆర్ నమోదు చేసినట్లు పోలీసులు తెలిపారు. ‘‘వెంకటరమణ్ నుదుటిపై 20 కుట్లు పడ్డాయి. భుజం విరిగింది. కానీ, ప్రస్తుతానికి ఆరోగ్యం నిలకడగా ఉంది. దాడికి పాల్పడిన ఆటగాళ్లు పరారీలో ఉన్నారు. వారి కోసం గాలిస్తున్నాము. పూర్తి వివరాలు త్వరలో వెల్లడిస్తాం’’ తీఅని సిఐ రాజేశ్ తెలిపారు. 

టీం ఇండియా స్టార్ పేసర్ జస్ప్రీత్ బుమ్రా రికార్డులకు పెట్టింది పేరు. తన కెరీర్‌లో ఎన్నో రికార్డులను బుమ్రా తిరశరరాశాడు… సృష్టించాడు కూడా. కాగా, బుమ్రా నేటి మ్యాచ్‌లో ఒక వికెట్ తీస్తే.. టి-20ల్లో 100 వికెట్లు పూర్తి చేసుకుంటాడు. తద్వారా అన్ని ఫార్మాట్‌లలో 100 వికెట్లు పడగొట్టిన తొలి భారత బౌలర్‌గా బుమ్రా రికార్డు సృష్టిస్తాడు. ఇప్పటివరకు లసిత్ మలింగ, షకిబ్ అల్ హసన్, టిమ్ సౌథీ, షహీన్ అఫ్రిది మాత్రమే ఈ మైలురాయిని చేరుకున్నారు. ఈరోజు మ్యాచ్‌లో బుమ్రా ఈ రికార్డు సాధించే అవకాశం ఉంది. అంతేకాక.. బుమ్రా ఇంకొక వికెట్ తీస్తే.. భారత్ తరఫున టి-20ల్లో 100 వికెట్లు తీసిన రెండో బౌలర్‌గా నిలుస్తాడు. ఇప్పటికే అర్ష్‌దీప్ సింగ్ (105) ఈ మైలురాయిని చేరుకున్నాడు. 

భారత్-దక్షిణాప్రికా మధ్య మరికొన్ని గంటల్లో తొలి టి-20 మ్యాచ్ జరగనుంది. కటక్ వేదికగా ఇరు జట్లు తలపడనున్నాయి. దీని తర్వాత మరో నాలుగు మ్యాచ్‌లు ఆడుతాయి. ఈ నేపథ్యంలో భారత మాజీ క్రికెటర్ పార్థివ్ పటేల్.. జస్ప్రీత్ బుమ్రా బౌలింగ్ గురించి పలు సూచనలు చేశాడు. బుమ్రా సేవల్ని జాగ్రత్తగా వాడుకోవాలని అన్నాడు.

‘‘నేను కొన్ని విషయాలపై ఆసక్తిగా ఎదురుచూస్తున్నాను? అందులో ఒకటి భారత జట్టు బుమ్రా సేవల్ని ఎలా ఉపయోగించుకుందా అని. ఆసియా కప్ నుంచి టీం ఇండియా బుమ్రాతో పవర్‌ప్లేలోనే మూడు ఓవర్లు బౌలింగ్ చేయిస్తోంది. దీని వల్ల అతడు చివర్లో ఒక ఓవర్ మాత్రమే బౌలింగ్ చేసే అవకాశం ఉంది. అందుకే భారత జట్టు అతడి బౌలింగ్‌ని జాగ్రత్తగా వాడుకోవాలి. ఒకవేళ మ్యాచ్ ప్రారంభంలోనే అతడితో మూడు ఓవర్లు బౌలింగ్ చేయిస్తే.. డెత్ ఓవర్‌లో బుమ్రా పార్ట్‌నర్‌గా అర్ష్‌దీప్ సింగ్ బౌలింగ్ చేయాల్సి ఉంటుంది’’ అని పార్థివ్ పటేల్ వ్యాఖ్యానించాడు.

భారత పర్యటనలో సౌతాఫ్రికా జట్టు టెస్ట్ సిరీస్‌ని 2-0తో వైట్‌వాష్ చేసింది. దీనికి ప్రతీకారంగా భారత్ వన్డే సిరీస్‌ని 2-1 తేడాతో సొంతం చేసుకుంది. నేడు ఇరు జట్లు మధ్య టి-20 సిరీస్ ప్రారంభం కానుంది. మంగవారం రాత్రి ఏడు గంటలకు మ్యాచ్ ప్రారంభం కానుంది. అయితే ఈ మ్యాచ్‌కి ముందు భారత్‌కు ఊహించని షాక్ తగిలింది. గాయం కారణంగా జట్టుకు దూరమైన స్టార్ ఆల్ రౌండర్ హార్థిడ్ పాండ్యా.. మళ్లీ ఈ మ్యాచ్‌తో రీ ఎ్రంట్రీ ఇస్త్తున్నడనే వార్తలు వచ్చాయి. అయితే హార్థిక్ టి-20 సిరీస్‌ మొదటి మ్యాచ్‌లో హార్థిక్ పాల్గొనే అవకాశాలు తక్కువగా ఉన్నాయి.

గాయం నుంచి కోలుకున్న తర్వాత హార్థిక్ అంతర్జాతీయ క్రికెట్‌లో తొలి మ్యాచ్ ఆడే ముందు పాండ్యా దేశవాళీ టోర్నమెంట్ సయ్యద్ ముస్తాక్ అలీ ట్రోఫీలో పాల్గొంటున్నాడు బరోడా తరఫున ఇప్పటికే రెండు మ్యాచ్‌లు ఆడాడు. హార్దిక్ షెడ్యూల్ ప్రకారం సయ్యద్ ముస్తాక్ అలీ ట్రోఫీలో మూడు మ్యాచ్‌లు ఆడాల్సి ఉన్నా బీసీసీఐ మాత్రం రెండు మ్యాచ్‌లు సరిపోతాయని నిర్ణయించింది. దీంతో పాండ్యా నేరుగా తొలి మ్యాచ్ జరిగే కటక్‌కు చేరుకున్నాడు.

ఈ క్రమంలో ట్రైనింగ్‌లో కూడా అతడు ఒంటిరిగా పాల్గొన్నాు. దీంతో హార్థిక్ మ్యాచ్‌లో పాల్గొనడం పక్కా అని అంతా భావించారు. కానీ, అనుకోకుండా సోమవారం అతడు ప్రాక్టీస్‌కి రాలేదు. దీంతో హార్థిక్ మళ్లీ గాయపడ్డాడా.? అన్న ఆందోళన అభిమానుల్లో నెలకొంది. కానీ, హార్థిక్‌కు ఎటువంటి గయాం లేదని ఓ ప్రముఖ క్రీడా పత్రక పేర్కొంది.

హైదరాబాద్: ఫ్యూచర్ సిటీలో కొత్త జూపార్క్ ఏర్పాటుకు ఒప్పందం కుదిరింది. జూపార్క్ ఏర్పాటుకు వంతారా ఎంవొయు కుదుర్చుకుంది. సిఎం రేవంత్ రెడ్డి సమక్షంలో ఈ ఒప్పందం జరిగింది. ఈ మేరకు సిఎం రేవంత్ రెడ్డి మాట్లాడుతూ.. జూపార్క్ ఏర్పాటుకు ప్రభుత్వ పరంగా అన్ని విధాలా సహాయ సహకారాలు అందిస్తామని అన్నారు. వన్యప్రాణులకు సేవ అనే నినాదంతో వంతారా పని చేస్తోందని కొనియాడారు. ఈ నెల చివర్లో గుజరాత్‌కు వెళ్లి వంతారాను సందర్శిస్తామని పేర్కొన్నారు. వంతారా సంస్థ ప్రముఖ పారిశ్రామికవేత్త ముఖేశ్ అంబానీ కుమారుడు అనంత్ అంబానీకి చెందినది అన్న విషయం తెలిసిందే. 

పెనగలూరు: అన్నమయ్య జిల్లా పెనగలూరులో దారుణం చోటు చేసుకుంది. అల్లుడిపైనే ఓ అత్త కిరాయి వ్యక్తులతో దాడి చేయించింది. మునుస్వామి అనే వ్యక్తిపై నలుగురు దుండగులు కత్తులతో దాడి చేశారు. వివరాల్లోకి వెళ్తే.. రాపూరు వాసి మునుస్వామి నాలుగు రోజుల క్రితం భార్యతో గొడవపడి పెనగలూరులోని తన మేనత్త ఇంటికి వెళ్లాడు. ఈ నేపథ్యంలో నెల్లూరుకు చెందిన అత్త పెంచలమ్మ అల్లుడిపై దాడికి పురమాయించింది. రెండు బైక్‌లపై వచ్చిన కిరాయి వ్యక్తులు కత్తితో మునుస్వామి గొంతుపై దాడి చేశారు. స్థానికులు కేకలు వేయడంతో అక్కడి నుంచి పరారయ్యారు. కత్తితో సహా రాజంపేట ప్రభుత్వాస్పత్రికి బాధితుడిని తరలించారు. పెనగలూరు పోలీసులు ఘటనపై కేసు నమోదు చేసి దర్యాప్తు చేపట్టారు.

వచ్చే ఏడాది ఐసిసి టి-20 ప్రపంచకప్ జరుగనుంది. ఈ ప్రపంచకప్‌కి భారత్, శ్రీలంక సంయుక్తంగా ఆతిథ్యం ఇస్తున్నాయి. ఫిబ్రవరి 7 నుంచి మార్చి 8 వరకు ఈ మెగా టోర్నీ జరుగనుంది. ఇప్పటికే ఈ టోర్నమెంట్ మ్యాచ్‌ల షెడ్యూల్‌ కూడా ప్రకటించారు. అయితే ఈ టోర్నీకి ముందు ప్రముఖ ఒటిటి సంస్థ జియో హాట్‌స్టార్ కీలక నిర్ణయం తీసుకుంది. అంతర్జాతీయ క్రికెట్ కౌన్సిల్‌కి షాక్ ఇస్తూ.. ఈ టోర్నమెంట్ ప్రసారకర్త బాధ్యతల నుంచి తప్పుకుంటున్నట్లు ఐసిసికి చెప్పినట్లు సమాచారం. అంతేకాక నాలుగేళ్ల భారత మీడియా హక్కుల ఒప్పందంలోని మిగిలిన రెండేళ్ల కాంట్రాక్ట్‌ని కూడా కొనసాగించలేమని జియో హాట్‌స్టార్ తెలియజేసినట్లు వార్తలు వినిపిస్తున్నాయి. సదరు ఒటిటి ఫ్లాట్‌ఫామ్‌కి వస్తున్న భారీ ఆర్థిక నష్టాలే ఈ నిర్ణయం వెనుక కారణంగా తెలుస్తోంది.

దాదాపు 2.4 బిలియన్ల డాలర్లతో 2026-29 మధ్య కాలానికి భారత మీడియా హక్కులకు సంబంధించిన విక్రయ ప్రక్రియను ఐసిసి తాజాగా ప్రారంభించింది. జియో హాట్‌స్టార్ 2024-27 మధ్య కాలానికి 3 బిలియన్ల డాలర్లతో ఒప్పందం కుదుర్చుకుంది. ఇప్పుడు జియో హాట్‌స్టార్ వైదొలగాలని నిర్ణయించుకోవడంతో బిడ్‌లు దాఖలు చేయాలని పలు ప్రధాన ఒటిటి ఫ్లాట్‌ఫామ్‌లను ఐసిసి ఆహ్వానించిది. సోని పిక్చర్స్ నెట్‌వర్క్ ఇండియా, నెట్‌ఫ్లిక్స్, అమెజాన్ ప్రైమ్ వీడియో వంటి సంస్థలను సంప్రదించినట్లు తెలుస్తోంది. కానీ, ఒప్పందం విలువ చాలా అధికంగా ఉండటంతో ఇప్పటివరకు ఎవరూ ముందుకు రాలేదని సమాచారం.