Breaking News,క్రీడలు,తాజా వార్తలు

కోల్‌కతా: అర్జెంటీనా దిగ్గజ ఫుట్‌బాల్ క్రీడాకారుడు లియోనెల్ మెస్సీ భారత పర్యటనలో భాగంగా శనివారం కోల్‌కతాలోని సాల్ట్ లేక్ మైదానంలో పర్యటించారు. కానీ, అక్కడ మెస్సీకి నిర్వాహణ లోపం తలెత్తడంతో ఆయన కేవలం పది నిమిషాలు మాత్రమే ఉండి అక్కడి నుంచి వెళ్లిపోయారు. దీంతో ఆగ్రహానికి గురైన అభిమానులు స్టేడియంలోని కుర్చీలు, టెంట్లు ధ్వంసం చేశారు. ఈ గందరగోళ పరిస్థితులకు ముఖ్యమంత్రి మమతా బెనర్జీ ఇప్పటికే మెస్సీకి, అభిమానులకు క్షమాపణ చెప్పి.. విచారణకు ఆదేశించారు. తాజాగా పోలీసులు ఈవెంట్ మేనేజర్ శతద్రు దత్తాని అరెస్ట్ చేశారు. ‘శతద్రు దత్తా ఇనిషియేటివ్’ కింద మెస్సీ ఈవెంట్ టికెట్లను అతడు విక్రయించాడని పేర్కొన్నారు. ప్రస్తుతం సాధారణ పరిస్థితులు ఏర్పడ్డాయని.. ఈ వ్యవహారంపై దర్యాప్తు జరుగుతుందని పోలీసు ఉన్నతాధికారి ఒకరు తెలిపారు. ప్రధాన నిర్వహకుడిని అరెస్ట్ చేశామని.. టికెట్ డబ్బులు తిరిగి ఇస్తామని నిర్వహకులు చెబుతున్నారని. అది ఎలా చేస్తారో పరిశీలిస్తామని పేర్కొన్నారు. 

భారత్-సౌతాఫ్రికా మధ్య జరుగుతున్న ఐదు టి-20ల సిరీస్ ప్రస్తుతం 1-1గా సమంగా ఉంది. ధర్మశాల వేదికగా జరిగే మూడో మ్యాచ్‌లో విజయం సాధించి సిరీస్‌లో ఆధిక్యం సంపాదించాలని, రెండో టి-20లో ఓటమికి ప్రతీకారం తీర్చుకోవాలని భారత్ భావిస్తోంది. అయితే రెండో టి-20లో భారత్ చిత్తుగా ఓడిపోవడానికి బ్యాటింగ్‌లో వైఫల్యం ఒక కారణంగా చెప్పుకోవచ్చు. దీంతో మూడో టి-20 కోసం జట్టులో కీలక మార్పులు చేసేందుకు మేనేజ్‌మెంట్ వ్యూహాలు రచిస్తోంది.

తొలి రెండు టి-20ల్లో ఘోరంగా విఫలమైన వైస్ కెప్టెన్ శుభ్‌మాన్ గిల్‌పై వేటు పడనున్నట్లు వార్తలు వస్తున్నాయి. అతడి స్థానంలో సంజూ శాంసన్‌ను జట్టులోకి తీసుకోవాలని అనుకుంటున్నారట. గాయం నుంచి కోలుకున్న గిల్ రీ ఎంట్రీ ఇవ్వడంతో సంజూ ఏకంగా జట్టులో స్థానం కోల్పోయాడు. కానీ, గిల్ రెండు మ్యాచుల్లో ఏమాత్రం ప్రభావం చూపించలేకపోయాడు. దీంతో సంజూని తప్పించినందుకు మేనేజ్‌మెంట్‌పై విమర్శలు వచ్చాయి. ఈ నేపథ్యంలో మూడో టి-20కి సంజూని తిరిగి జట్టులోకి తీసుకొని విమర్శలకు చెక్ పెట్టాలని కోచ్ గంభీర్, మేనేజ్‌మెంట్ నిర్ణయం తీసుకున్నట్లు తెలుస్తోంది.

మూడో టి20కి భారత తుది జట్టు(అంచనా)

సంజూ శాంసన్‌, అభిషేక్ శర్మ, సూర్యకుమార్ యాదవ్ (కెప్టెన్‌), తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్, జితేష్ శర్మ (వికెట్ కీప‌ర్‌), అర్ష్‌దీప్ సింగ్, వరుణ్ చ‌క్ర‌వ‌ర్తి, జస్ప్రీత్ బుమ్రా.

కోల్‌కతా: అర్జెంటినా ఫుట్‌బాల్ దిగ్గజం మెస్సీ భారత్‌ పర్యటనకు వచ్చిన విషయం తెలిసిందే. ఆయన ప్రస్తుతం కోల్‌కతాలో పర్యటిస్తున్నారు. అయితే కోల్‌కతాలోని సాల్ట్ లేక్ స్టేడియంకి వచ్చిన మెస్సీని చూసేందుకు పెద్ద ఎత్తున అభిమానులు తరలివచ్చారు. మెస్సీ మ్యాచ్ ఆడకుండానే అక్కడి నుంచి వెళ్లిపోయారు. దీంతో అభిమానులు ఆగ్రహానికి గురయ్యారు. ఫ్యాన్స్ గొడవ చేయడంతో సొరంగం ద్వారా మెస్సీ టీమ్ బయటకు వెళ్లిపోయింది. దీంతో ఫ్యాన్స్ స్టేడియంలోని సీట్లను ధ్వంసం చేశారు. గ్రౌండ్‌లోకి కుర్చీలు, వాటర్ బాటిళ్లు విసిరేశారు. బారికేడ్లు దాటుకొని చొచ్చుకెళ్లేందుకు ప్రయత్నించారు. మైదానంలోకి వెళ్లి టెంట్లు, బోర్డులు ధ్వంసం చేశారు. పోలీసులు ప్రస్తుతం అభిమానులను అదుపు చేస్తున్నారు. 

ముల్లాన్‌పూర్‌లో జరిగిన రెండో టి-20 మ్యాచ్‌లో సౌతాఫ్రికా చేతిలో భారత్ చిత్తుగా ఓటమిపాలైన విషయం తెలిసిందే. ఈ మ్యాచ్‌లో బ్యాటింగ్‌లో ప్రయోగాలు చేసి తగిన గుణపాఠం నేర్చుకుంది. ఓపెనర్ శుభ్‌మాన్ గిల్ గోల్డెన్ డక్‌గా ఔట్ కావడంతో వన్‌ డౌన్‌లో అక్షర్ పటేల్‌ని బరిలోకి దింపింది. కానీ, అక్షర్ (21) నిరాశ పరిచాడు. విధ్వంసకర ఓపెనర్‌ అభిషేక్‌ శర్మ (17)తో పాటు కెప్టెన్‌ సూర్యకుమార్‌ యాదవ్‌ (5) దారుణంగా విఫలమయ్యాడు. మిగిలిన వారిలో హార్దిక్‌ పాండ్యా (20), జితేశ్‌ శర్మ (17 బంతుల్లో 27) ఫర్వాలేదనిపించగా.. తిలక్‌ వర్మ (34 బంతుల్లో 62) ఒంటరి పోరాటం చేశాడు.

అయితే భారత్ ఓటమికి కోచ్ గంభీర్, కెప్టెన్ సూర్య అక్షర్ పటేల్‌ని ముందు బ్యాటింగ్‌కి పంపించడమే కారణమని సౌతాఫ్రికా దిగ్గజ ఆటగాడు డేల్ స్టెయిన్ అన్నాడు. ‘‘అక్షర్ మీ జట్టు లోని అత్యుత్తమ బ్యాటర్లలో ఒకడై ఉండవచ్చు. కానీ, ఇలాంటి భారీ ఛేదనలో మీరు ఇలాంటి నిర్ణయం ఎలా తీసుకుంటారు. నా అభిప్రాయం ప్రకారం ఈ మ్యాచ్‌లో మీరు చేసిన అతి పెద్ద తప్పు అదే. అక్షర్ బ్యాటింగ్ కూడా చేయగలడు. కానీ, అతడిని ముందు తోసి చిక్కుల్లో పడేయడం సరికాదు. ఒకవేళ గిల్ కంటే ముందు అభిషేక్ ఔటై ఉంటే.. లైఫ్ట్-రైట్ కాంబినేషన్ కోస అక్షర్‌ని పంపించారని అనుకోవచ్చు. కానీ, ఇక్కడ అలా జరుగలేదు. అభిషేక్‌తో పాటు మరో లెఫ్టాండర్ అక్షర్‌ను పంపారు. ఏం చేస్తున్నారో అర్థం కాలేదు. ప్రయోగాలు చేయడం మంచిదే. అయితే, ఇలాంటి సమయంలో ఇలాంటి నిర్ణయాలు తీసుకోవడం సరికాదు’’ అని స్టెయిన్ అన్నాడు.

దుబాయ్: అండర్-19 ఆసియా కప్‌ను భారత్ ఘన విజయంతో ఆరంభించింది. యుఎఇతో జరిగిన తొలి మ్యాచ్‌లో భారీ తేడాతో విజయం సాధించింది. ఈ మ్యాచ్‌లో తొలుత బ్యాటింగ్ చేసిన భారత్ నిర్ణీత 50 ఓవర్లలో ఆరు వికెట్లు కోల్పోయి 433 పరుగులు చేసింది. భారత బ్యాటింగ్‌లో యువ కెరటం వైభవ్ సూర్యవంశీ (171, 9 ఫోర్లు, 14 సిక్సులు) విజృంభించగా.. ఆరోన్ జార్జి 69, విహాన్ మల్హోత్రా 69, వేదాంత్ త్రివేది 38, అభిజ్ఞాన్ కుందు 32 పరుగులతో రాణించారు.

భారీ లక్ష్య చేధనలో యుఎఇ ఆరంభం నుంచి తడబడుతూ వచ్చింది. 53 పరుగులకే ఐదు వికెట్లు కోల్పోయి కష్టాల్లో పడింది. ఈ దశలో పృధ్వీ మధు(50), ఉద్దిష్ సురి(78) జట్టును ఆదుకొనే ప్రయత్నం చేశారు. కానీ, భారీ లక్ష్యాన్ని మాత్రం చేరుకోలేకపోయారు. 50 ఓవర్లలో యుఎఇ 7 వికెట్లు కోల్పోయి 199 పరుగులు చేసింది. దీంతో భారత్ ఈ మ్యాచ్‌లో 234 పరుగుల భారీ తేడాతో విజయం సాధించింది. మ్యాచ్‌లో అద్భుతంగా రాణించిన వైభవ్ సూర్యవంశీకి ప్లేయర్ ఆఫ్ ది మ్యాచ్ అవార్డు దక్కింది.

మంగళగిరి: భారత మహిళ అంధుల క్రికెట్ జట్టు ఇటీవల ప్రపంచకప్‌ను సొంతం చేసుకున్న విషయం తెలిసిందే. ఈ సందర్భంగా జట్టును పలువురు ప్రముఖులు కలిసి అభినందిస్తున్నారు. తాజాగా ఎపి డిప్యూటీ సిఎం పవన్‌కల్యాణ్ కూడా ఆ జట్టు సభ్యులను కలిసి అభినందించారు. మంగళగిరిలోని క్యాంపు కార్యాలయంలో మహిళల అంధుల క్రికెట్ జట్టుతో ఆయన భేటీ అయ్యరు. ఈ కార్యక్రమంలో జట్టు సభ్యులతో పాటు, శిక్షకులు, సహాయక సిబ్బంది కూడా పాల్గొన్నారు. ఈ సందర్భంగా ప్రతీ ఒక క్రీడాకారిణిని పవన్ అభినందించారు. ఒక్కో ప్లేయర్‌కి రూ.5 లక్షలు, సహాయక సిబ్బంది రూ.2 లక్షలు బహుమతి చెక్కులను అందించారు.

మహిళ అంధ క్రికెటర్ల సాధించిన విజయ దేశానికే గర్వకారణమని పవన్ కొనియాడారు. అంధ క్రికెటర్ల ప్రాక్టీస్ కోసం ప్రత్యేక సదుపాయాలు కల్పించాలని, అన్ని విధాలా అండగా నిలవాలని అన్ని రాష్ట్రాల ముఖ్యమంత్రులకు స్వయంగా విజ్ఞప్తి చేస్తానని హామీ ఇచ్చారు. కూటమి ప్రభుత్వం క్రీడలను ప్రోత్సహిస్తోందని, మహిళ క్రికెటర్లు తెలిపిన అంశాలను ముఖ్యమంత్రి చంద్రబాబు నాయుడు దృష్టికి తీసుకువెళ్తానని చెప్పారు. ప్రపంచ కప్ గెలిచిన జట్టులో ఉన్న ఆంధ్రప్రదేశ్ క్రీడాకారిణులు దీపిక (జట్టు కెప్టెన్), పాంగి కరుణా కుమారి ఉండటం సంతోషంగా ఉందన్నారు. ప్రతి మహిళ క్రికెటర్‌లో పట్టు చీర, శాలువాతో పాటు జ్ఞాపిక, కొండపల్లి బొమ్మలు, అరకు కాఫీతో కూడా బహుమతులు అందించి సత్కరించారు.

ముల్లాన్‌పూర్ వేదికగా దక్షిణాఫ్రికాతో గురువారం జరిగిన రెండో టి-20 మ్యాచ్‌లో భారత్ 51 పరుగుల తేడాతో ఓటమిపాలైన విషయం తెలిసిందే. ఈ మ్యాచ్‌లో భారత బౌలర్లు విఫలమయ్యారు. ముఖ్యంగా అర్ష్‌దీప్ సింగ్ భారీగా పరుగులు (4 ఓవర్లలో 54) సమర్పించుకున్నాడు. అందులో 9 వైడ్లు కాగా.. ఒకే ఓవర్‌లో ఏడు వైడ్లు వేశాడు. దీంతో కోచ్ గౌతమ్ తీవ్రస్థాయిలో అసహనానికి గురయ్యారు. మ్యాచ్ అనంతరం ఆటగాళ్లకు షేక్ హ్యాండ్ ఇస్తూ.. చాలా కోపంగా కనిపించారు. ముఖ్యంగా అర్షదీప్‌కి షేక్ హ్యాండ్ ఇస్తున్న క్రమంలో గంభీర్ ముఖంలో కోపం కొట్టొచ్చినట్లు కనిపించింది. ఇందుకు సంబంధించిన వీడియో ప్రస్తుతం సోషల్‌‌మీడియాలో వైరల్ అవుతోంది.

After today’s loss, Gautam Gambhir was looking angry during the handshake with Indian players like Jitesh Sharma and Arshdeep Singh.

Look at the attitude of this man; rather than boosting the confidence of players, he was looking at them angrily 💔 pic.twitter.com/0nJTTZ8qfQ

— Tejash (@Tejashyyyyy) December 11, 2025

ఇక నిన్నటి మ్యాచ్‌లో తొలుత బ్యాటింగ్ చేసిన సౌతాఫ్రికా 20 ఓవర్లలో నాలుగు వికెట్లు కోల్పోయి 213 పరుగులు చేసింది. ఈ లక్ష్యాన్ని చేధించడంలో భారత్ విఫలమైంది. 19.1 ఓవర్‌లలో 162 పరుగులు మాత్రమే చేసి ఆలౌట్ అయింది. దీంతో ఐదు టి-20ల సిరీస్ 1-1గా సమం అయింది.

పుణె: తెలుగు క్రికెటర్ నితీశ్ కుమార్ రెడ్డి.. జాతీయ జట్టులో చోటు దక్కించుకోలేక పోతున్నాడు. కానీ, దేశవాళీ క్రికెట్‌లో మాత్రం అదరగొట్టాడు. సయ్యద్ ముస్తాక్ అలీ ట్రోఫీలో ఆంధ్ర జట్టుకు ప్రాతినిధ్యం వహిస్తున్న నితీశ్.. మధ్యప్రదేశ్‌తో జరిగిన మ్యాచ్‌లో హ్యాట్రిక్ సాధించాడు. అయినప్పటికీ.. ఆంధ్ర జట్టుకు ఓటమి తప్పలేదు. ఈ మ్యాచ్‌లో తొలుత బ్యాటింగ్ చేసిన ఆంధ్ర జట్టు 19.1 ఓవర్‌లో 112 పరుగులు చేసి ఆలౌట్ అయింది. ఆంధ్ర బ్యాటింగ్‌లో శ్రీకర్ భరత్ 39, నితీశ్ 25, అవినాశ్ 18, రిక్కీ 11 మినహా మిగితా ఆటగాళ్లు సింగిల్ డిజిట్ స్కోర్‌కే పరిమితమయ్యారు.

అనంతరం బ్యాటింగ్‌కు దిగిన ఎంపి జట్టుకు నితీశ్ ఆరంభంలోనే షాక్ ఇచ్చాడు. ఈ ఇన్నింగ్స్‌లో మూడో ఓవర్ వేసిన నితీశ్ హ్యాట్రిక్ సాధించాడు. మూడో ఓవర్ నాలుగో బంతికి హర్ష్ గవాలి(5)ని క్లీన్ బౌల్డ్ చేశాడు. ఆ తర్వాత బ్యాటింగ్‌కి వచ్చిన హర్పీత్ సింగ్, రజత్ పటిదార్‌లను ఔట్ చేశాడు. దీంతో అతడి ఖాతాలో హ్యాట్రిక్ చేరింది. కానీ, మ్యాచ్‌లో మాత్రం ఎంపి జట్టు విజయం సాధించింది. రిషబ్ చౌహాన్ (43 బంతుల్లో 47) రాణించడంతో 17.3 ఓవర్లలో 6 వికెట్ల నష్టానికి 113 చేసి ఎంపి జట్టు నాలుగు వికెట్ల తేడాతో విజయం సాధించింది.

మన తెలంగాణ/ హైదరాబాద్: స్పోర్ట్స్ జర్నలిస్ట్ అసోసియేషన్ తెలంగాణ (ఎస్‌జెఎటి) ఐదు రోజుల పాటు నిర్వహించిన నెక్ జర్నలిస్టు ప్రీమియర్ లీగ్ (జెపిఎల్) సీజన్ 2 విజయవంతంగా ముగిసింది. గురువారం దుండిగల్‌లోని ఎంఎల్‌ఆర్‌ఐటి క్రికెట్ గ్రౌండ్‌లో జరిగిన ముగింపు వేడుకలకు స్పోర్ట్స్ అథారిటీ ఆఫ్ తెలంగాణ (శాట్స్) చైర్మన్ కె.శివసేనా రెడ్డి, బిసిసిఐ అపెక్స్ కౌన్సిల్ మెంబర్ వి.చాముండేశ్వరినాథ్, మల్కాజ్‌గిరి ఎమ్మెల్యే మర్రి రాజశేఖర్ రెడ్డి ముఖ్య అతిథులుగా హాజరయ్యారు. ఈ సందర్భంగా శివసేనా రెడ్డి మాట్లాడుతూ.. ఆరోగ్యవంతమైన తెలంగాణ నిర్మాణంలో ప్రతి ఒక్కరూ భాగస్వాములు కావాలని, ఇది ఆటలతోనే సాధ్యమవుతుందని పిలుపునిచ్చారు. 80 ఏళ్ల వయసులోనూ స్విమ్మింగ్, సైక్లింగ్లో పతకాలు గెలుస్తున్న ఎంఎల్‌ఆర్‌ఐటి చైర్మన్ మర్రి లక్ష్మణ్ రెడ్డిని అందరూ స్ఫూర్తిగా తీసుకోవాలని ఆయన సూచించారు. మీడియా సంస్థలన్నింటిని ఒక వేదికపైకి తీసుకొచ్చి లీగ్ నిర్వహించిన స్పోర్ట్స్ జర్నలిస్ట్ అసోసియేషన్ తెలంగాణ సభ్యులను అభినందించారు. ప్లేయర్ ఆఫ్ ద టోర్నీగా నిలిచిన రమేశ్‌కు ఎంఎల్‌ఆర్ మోటార్స్ ఎలక్ట్రిక్ స్కూటర్‌ను బహుమతిగా అందజేశారు. ఫైనల్లో విజేత, రన్నరప్‌గా నిలిచిన జట్లకు ట్రోఫీలు ప్రదానం చేశారు. ఈ కార్యక్రమంలో నెక్ సీఈఓ, డాక్టర్ ఎజిహిల్ కుమార్ అన్నమలై, రేసింగ్ టీమ్ ఓనర్ కంకణాల అభిషేక్ రెడ్డి, స్పోర్టిఓ ప్రతినిధి వృశాంక్ రెడ్డి, క్రిక్ లీగ్స్ సీఈఓ గణేష్, ఎస్‌జెఏటీ ప్రతినిధులు తదితరులు పాల్గొన్నారు.

సీజన్-2 విజేత సాక్షి టీవీ

ఫైనల్లో టీవీ-9ను ఓడించి జేపీఎల్ కప్ గెలిచిన సాక్షి టీవీ ఫైనల్లో ఒక్క వికెట్ కూడా కోల్పోకుండానే ఘన విజయం 91 పరుగుల్ని 11 ఓవర్లలోనే ఊదేసిన సాక్షి, పది వికెట్ల తేడాతో విజయం సాధించింది. ఈ మ్యాచ్‌లో రమేశ్, చైతన్య కీలక ఇన్నింగ్స్ ఆడారు. 36 బంతుల్లో 60 పరుగులతో ఆజేయంగా నిలిచిన రమేశ్ మ్యాన్ ఆఫ్ ది మ్యాచ్, మ్యాన్ ఆఫ్ ది సిరీస్ అవార్డులను దక్కించుకున్నాడు. ఈ లీగ్‌లో మూడు మ్యాచ్‌లలో 190 పరుగులు చేసి అగ్రస్థానంలో నిలిచాడు. అంతేకాదు సాక్షి టీమ్ ఈ లీగ్‌లో ఒక్క మ్యాచ్‌లో కూడా ఓడిపోకుండా ఛాంపియన్‌గా అవతరించింది.

మంత్రి వాకిటి శ్రీహరి అభినందనలు

నెక్ జర్నలిస్ట్ ప్రీమియర్ లీగ్ రెండో సీజన్లో విజేతగా నిలిచిన సాక్షి జట్టుకు రాష్ట్ర క్రీడా శాఖ మంత్రి వాకిటి శ్రీహరి శుభాకాంక్షలు తెలియజేశారు. క్రీడా స్ఫూర్తితో ఈ లీగ్‌లో పాల్గొన్న అన్ని మీడియా సంస్థలను మంత్రి అభినందించారు. ‘నిత్యం వార్తల సేకరణలో ఉంటూ బిజీ షెడ్యూల్ గడిపే జర్నలిస్టులకు ఇలాంటి క్రీడలు ఉల్లాసాన్నిస్తాయి. భవిష్యత్తులో మీడియా మిత్రులకు ఇలాంటి క్రీడలపై ప్రభుత్వం మరింత ప్రోత్సాహాన్ని ఇస్తుంది’ అని మంత్రి వాకిటి శ్రీహరి ఒక ప్రకటనలో పేర్కొన్నారు.

మన తెలంగాణ/ క్రీడా విభాగం: ఐపిఎల్ 2026 సీజన్ కోసం సన్నహాలు మొదలుపెట్టింది బిసిసిఐ. ఆటగాళ్ల మెగా వేలంతో ఈ సీజన్‌ను ప్రారంభించనుంది. ఈ మెగా ఆక్షన్ అబుదాబి వేదికగా ఈనెల 16న నిర్వహించనుంది. ఈ వేలంలో పది ఫ్రాంచైజీలు తమ జట్లను పటిష్టం చేసుకునేందుకు స్టార్ ఆటగాళ్లను దక్కించుకునే యోచనలో ఉన్నాయి. అయితే, గత కొన్ని సీజన్ల నుంచి స్వదేశీ ఆటగాళ్లకు ప్రాధాన్యత విపరీతంగా పెరిగింది. అన్‌క్యాపెడ్ ఆటగాళ్లపై ప్రధానంగా దృష్టి పెట్టింది. చివరిసారిగా అంతర్జాతీయ క్రికెట్ ఆడి 5 ఏళ్లు దాటిన ఆగాళ్లను తీసుకునేందుకు రెడీగా ఉన్నాయి ఫ్రాంచైజీలు. అయితే, వీరిలో ఐదుగురు ఆటగాళ్లు కీలకంగా మారనున్నారు. ఉత్తరాఖండ్ కెప్టెన్ కునాల్ చందేలా, తొలి వరుసలో నిలవనున్నాడు. 2025-26 స్మాట్ టోర్నమెంట్లో తన అద్భుతమైన బ్యాటింగ్‌తో అందరి దృష్టిని ఆకర్షించాడు.

ఏడు మ్యాచ్‌లలో 350 పరుగులు చేసి, టాప్ స్కోరర్‌గా నిలిచాడు. ఐపీఎల్ జట్లకు కీలకమైన మూడోస్థానంలో బ్యాటింగ్‌కు దిగే సత్తా ఉన్న ఆటగాడు చందేలా. దీంతో కోసం ఫ్రాం చైజీలు భారీ మొత్తంలో డబ్బు ఖర్చు చేయడానికి వెనుకాడకపోవచ్చు. ప్రస్తుత ఫామ్ దృష్ట్యా కోట్లు పలకడం ఖాయం. మరో ఆటగాడు అన్మోల్‌ప్రీత్ సింగ్ గతంలో ముంబైఇండియన్స్, సన్‌రైజర్స్ హైదరాబాద్ జట్లలో ఉన్న పంజాబ్ యువ ఆటగాడు,ప్రస్తుతం తన అత్యుత్తమ ఫామ్‌లో ఉన్నాడు. స్మాట్‌లో పంజాబ్ తరఫున మూడోస్థానంలో ఆడి, ఏడు మ్యాచ్‌లలో 241 పరుగులు చేశాడు. స్ట్రైక్ రేట్ 172.14తో దూకుడై ఆటతీరుతో చెలరేగుతున్నాడు. దీంతో పంజాబ్ కింగ్స్ ఇతడిని తిరిగి కొనుగోలు చేయడానికి ఆసక్తి చూపవచ్చు. హర్యానా కెప్టెన్ అంకిత్ కుమార్ అద్భుతమైన బ్యాటింగ్ ఫామ్‌లో కొనసాగుతున్నాడు కెప్టెన్సీ, బ్యాటింగ్ రెండింటినీ సమర్థంగా నిర్వహిస్తూ.. ఏడు మ్యాచ్ల్లో 242 పరుగులు సాధించాడు. అతని సగటు 40+, స్ట్రైక్ రేట్ 162.41 గా ఉంది.

అతని మెరుపు ఇన్నింగ్స్లు హర్యానా సూపర్ లీగ్కు అర్హత సాధించడానికి దోహదపడ్డాయి. అతని దూకుడు ఆట ఐపీఎల్ జట్లకు మిడిల్ ఆర్డర్‌లో ఒక అద్భుతమైన ఎంపిక కానుంది. ఐపీఎల్లో అనుభవం ఉన్న మనన్ వోహ్రా, 2025-26 స్మాట్‌లో చండీగఢ్ తరఫున ఆడిన ఏడు మ్యాచ్‌లలో 278 పరుగులు చేశాడు. అతని సగటు 46.33, స్ట్రైక్ రేట్ 135.60. గత కొన్ని సీజన్లలో ఫామ్ కోల్పోయిన వోహ్రా, తాజా ప్రదర్శనతో మళ్లీ ఫామ్‌లోకి వచ్చాడు. వోహ్రాకు ఐపిఎల్ మ్యాచ్‌లు ఆడిన అనుభవం కూడా ఉంది. దీంతో ఫ్రాంచైజీలు కోట్లు కుమ్మరించడానికి సిద్ధంగా ఉన్నాయి. బరోడా జట్టుకు చెందిన భాను పనియా ఐపిఎల్ 2026 వేలంలో కీలకంగా మారనున్నాడు. 6వ, 7వ స్థానాల్లో బ్యాటింగ్ చేయగలిగే సామర్థం ఉన్న ఈ యువ బ్యాటర్, చివరి ఓవర్లలో భారీ షాట్లు కొట్టే అసాధారణ సామర్థ్యం కలిగిఉన్నాడు. స్మాట్ టోర్నమెంట్లో ఏడు మ్యాచ్ల్లో ఒకేసారి ఔటై, 112 సగటు, 180+ స్ట్రైక్ రేట్‌ను నమోదు చేశాడు. ఈ తరహా లోయర్ హిట్టింగ్ చేసి, భారీగా పరుగులు రాబట్టగలిగే యువ బ్యాటర్. దీంతో పనియా సయితం వేలంలో కీలకంగా మారనున్నాడు.