Breaking News,క్రీడలు,తాజా వార్తలు

ఆసియాకప్‌-2025 విజేతగా భారత్ నిలిచింది. తెలుగు కుర్రాడు తిలక్ వర్మ.. ఒంటిచేత్తో మ్యాచ్‌ను గెలిపించాడు. పాక్ బౌలర్లకు చుక్కలు చూపించాడు. ఈ సందర్భంగా దేశ వ్యాప్తంగా తిలక్‌పై ప్రశంసల వర్షం కురుస్తోంది. అయితే తిలక్ శర్మ ఎపి మంత్రి నారా లోకేశ్‌కి కానుక ఇచ్చేందుకు సిద్ధమయ్యాడు. ఫైనల్ మ్యాచ్‌లో తాను ఉపయోగంచిన క్యాప్‌ను నారా లోకేశ్‌కి గిఫ్ట్ గా ఇవ్వనున్నాడు. ఈ మేరకు తిలక్ వర్మ సోషల్‌మీడియాలో పోస్ట్ చేశాడు.

తిలక్ వర్మ బహుమతికి మంత్రి లోకేశ్ ఎంతో సంతోషించారు. ఈ మేరకు ఆయన ‘ఎక్స్’‌లో పోస్ట్ చేశారు. ‘‘తమ్ముడు తిలక్ వర్మ బహుమతి నాకెంతో ప్రత్యేకమైంది. స్వదేశానికి వచ్చాక నీ చేతుల మీదుగానే క్యాప్‌ని తీసుకుంటా’’ అంటూ లోకేశ్ పేర్కొన్నారు. కాగా, నిన్నటి మ్యాచ్‌లో పాకిస్థాన్ తొలుత బ్యాటింగ్ చేసి 146 పరుగులు చేసి ఆలౌట్ అయింది. కాగా, భారత్ ఆరంభంలోనే మూడు వికెట్లు కోల్పోయి కష్టాల్లోపడింది. ఈ దశలో తిలక్ వర్మ వీరోచిత ఇన్నింగ్స్‌తో భారత్ 5 వికెట్ల నష్టానికి 150 పరుగులు చేసి విజేతగా నిలిచింది.

దుబాయ్: ఆసియాకప్ ఫైనల్‌లో చిరకాల ప్రత్యర్థి పాకిస్థాన్‌పై విజయం సాధించి భారత్ తొమ్మిదొసారి ట్రోఫీని అందుకుంది. ఈ విజయంలో జట్టులోని ప్రతీ ఒక్కరి పాత్ర ఉంది. బౌలింగ్‌ విషయానికొస్తే.. కుల్దీప్ యాదవ్ పాక్ బ్యాటర్లకు చుక్కలు చూపించాడు. 4 ఓవర్లలో 30 పరుగులు ఇచ్చి నాలుగు కీలక వికెట్లు తీశాడు. అయితే ఈ క్రమంలో కుల్దీప్ ఆసియాకప్ చరిత్రలోనే తిరుగులేని ఘనతను సాధించాడు. ఆసియాకప్ చరిత్రలో అత్యధిక వికెట్లు పడగొట్టిన బౌలర్‌గా కుల్దీప్ నిలిచాడు. పాక్ ఆటగాడు సైయిమ్ అయూబ్ వికెట్‌తో ఈ ఘనత సాధించాడు. ఇప్పటివరకూ ఈ రికార్లు శ్రీలంక స్టార్ బౌలర్ లసిత్ మలింగ పేరిట ఉండేది.

మలింగ ఆసియాకప్‌లో 33 వికెట్లు తీశాడు. తాజాగా పాక్‌తో జరిగిన ఫైనల్‌ మ్యాచ్‌తో కలిసి ఈ టోర్నమెంట్‌లో మొత్తం 17 వికెట్లు పడగొట్టాడు. దీంతో ఆసియాకప్(వన్డే, టి-20)లో 36 వికెట్లు తీసి మలింగాను అధిగమించాడు. అంతేకాకుండా ఆసియాకప్ ఒక ఎడిషన్‌లో అత్యధిక వికెట్లు తీశాడు. గతంలో ఈ రికార్డు ఇర్ఫాన్ పఠాన్‌ పేరిట ఉండేది. తాజాగా కుల్దీప్ 17 టికెట్లు తీసి ఆ రికార్డును బ్రేక్ చేశాడు. 

ఆసియాకప్-2025 విజేతగా భారత్ నిలిచింది. పాకిస్థాన్‌తో జరిగిన ఉత్కంఠభరితమైన ఫైనల్‌లో 5 వికెట్ల తేడాతో విజయం సాధించి.. తొమ్మిదోసారి ట్రోఫీని ముద్దాడింది. అయితే ఈ మ్యాచ్ విజయంతో తెలుగు కుర్రాడు తిలక్ వర్మ కీలక పాత్ర పోషించాడు. 53 బంతుల్లో 69 పరుగులు చేసి జట్టును విజయతీరాలకు చేర్చాడు. అయితే ఈ మ్యాచ్‌లో మరో బ్యాటర్‌ పేరు కూడా మారుమోగిపోతుంది. అతడే రింకూ సింగ్. హార్థిక్ పాండ్యాకు గాయం కావడంతో జట్టులోకి వచ్చి రింకూ.. మ్యాచ్ విజయానికి అవసరమైన చివరి పరుగులు చేశాడు. మొత్తం టోర్నమెంట్‌లో కేవలం ఒక బంతిని మాత్రమే ఎదురుకొని.. ఫోర్‌తో జట్టును గెలిపించాడు.

అయితే ఇక్క మరో ట్విస్ట్ ఉంది. రింకూ సింగ్ గతంలో తాను చెప్పిన విషయాన్నే ఫైనల్‌లో చేసి చూపించాడని యాంకర్ సంజనా గణేషన్ బయటపెట్టింది. ఆసియాకప్ సెప్టెంబర్ 9 నుంచి మొదలైంది. అంతకు మూడు రోజుల ముందే 6 తేదీన రింకూ సింగ్ ఫైనల్‌లో విన్నింగ్ రన్స్ తానే చేస్తానంటూ ఓ పేపర్ మీద రాసిచ్చాడట. ఇప్పుడు సరిగ్గా అదే జరిగిందని సంజనా వివరించింది. తిలక్ వర్మపై కూడా అప్పుడే అంచనా వేసినట్లు ఆమె పేర్కొంది. విలువైన ఇన్నింగ్స్ ఆడేస్తానని అతడు కూడా చీటీలో రాసి ఇవ్వడం గమనార్హం.

టీం ఇండియా స్టార్ బ్యాట్స్‌మెన్ విరాట్ కోహ్లీ ప్రస్తుతం లండన్‌లో ఉంటున్నాడు. టి-20, టెస్ట్ ఫార్మాట్‌కి రిటై‌ర్‌మెంట్ ప్రకటించి.. ప్రస్తుతం వన్డేల్లో మాత్రమే కొనసాగుతున్న విరాట్.. త్వరలో జరగబోయే ఆస్ట్రేలియా సిరీస్ కోసం సిద్ధమవుతున్నాడు. అయితే విరాట్ సోషల్‌మీడియాలో ఎప్పుడో ఒకసారి పోస్ట్ పెడుతుంటాడు. పెట్టినప్పుడల్లా అతని పోస్ట్‌ విపరీతంగా వైరల్ అవుతుంది. సోషల్‌మీడియా అంత యాక్టివ్‌గా ఉండపోయినా.. విరాట్‌కు మిలియన్స్‌లో ఫాలోవర్లు ఉన్నారు.

తాజాగా విరాట్ ఇన్‌స్టాగ్రామ్‌లో పెట్టిన ఓ ఫొటో వైరల్‌గా మారింది. తన భార్య అనుష్కతో కలిసి ఉన్న ఫొటోను విరాట్ షేర్ చేశాడు. ‘చాలాకాలం తర్వాత’ అంటూ ఆ పోస్ట్‌కి క్యాప్షన్ జత చేశాడు. ఈ ఫొటో ఇంటర్నెట్‌ను షేక్ చేసింది. పోస్టు పెట్టిన 15 గంటల్లోనే దీనికి 9 మిలియన్లకు పైగా లైక్స్ వచ్చాయి. కోహ్లీ చివరిసారిగా ఐపిఎల్‌లో ఆడాడు. 18 సంవత్సరాల సుదీర్ఘ నిరీక్షణ తర్వాత కోహ్లీ ప్రాతినిధ్యం వహిస్తున్న రాయల్ ఛాలెంజర్స్ బెంగళూరు జట్టు ఈ ఏడాది ఐపిఎల్‌ ట్రోఫ్రీని సొంతం చేసుకున్న విషయం తెలిసిందే.

దుబాయ్: ఆసియాకప్‌-2025లో ఆఖరి పోరుకు రంగం సిద్ధమైంది. 41 ఏళ్ల తర్వాత భారత్, పాకిస్థాన్ జట్లు ఆసియాకప్ ఫైనల్స్‌లో తలపడుతున్నాయి. ఈ ఉత్కంఠభరితమైన మ్యాచ్‌లో భారత్ టాస్ గెలిచి బౌలింగ్ ఎంచుకుంది. ఇప్పటికే గ్రూప్ దశలో ఒకసారి, సూపర్ ఫోర్‌లో ఒకసారి భారత్, పాకిస్థాన్‌ను ఓడించింది. ఈ మ్యాచ్‌లోనూ పాక్‌ను ముచ్చటగా ఓడించి ట్రోఫీని అందుకోవాలని భారత అభిమానులు కోరుకుంటున్నారు. అయితే ఈ మ్యాచ్‌లో భారత్‌కు ఊహించని ఎదురుదెబ్బ తగిలింది. హార్థిక్ పాండ్యా తుది జట్టులో చోటు దక్కించుకోలేకపోయాడు. అతని స్థానంలో రింకూ సింగ్ జట్టులోకి వచ్చాడు. బుమ్రా, దుబేలు తుది జట్టులోకి వచ్చారు. ఇక పాకిస్థాన్ జట్టులో ఎలాంటి మార్పులు లేకుండా బరిలోకి దిగుతుంది.

తుది జట్లు:

భారత్: అభిషేక్ శర్మ, శుభ్‌మాన్ గిల్, సూర్యకుమార్ యాదవ్(కెప్టెన్), తిలక్ వర్మ, సంజూ శాంసన్(కీపర్), శివమ్ దూబే, రింకూ సింగ్, అక్షర్ పటేల్, కుల్దీప్ యాదవ్, జస్ప్రీత్ బుమ్రా, వరుణ్ చక్రవర్తి.

పాకిస్థాన్: సాహిబ్జాదా ఫర్హాన్, ఫఖర్ జమాన్, సైమ్ అయూబ్, సల్మాన్ అఘా(కెప్టెన్), హుస్సేన్ తలత్, మహ్మద్ హారీస్(కీపర్), మహ్మద్ నవాజ్, ఫహీమ్ అష్రఫ్, షాహీన్ అఫ్రిది, హారీస్ రవూఫ్, అబ్రార్ అహ్మద్

ఆసియాకప్‌-2025లో భారత్, పాకిస్థాన్ జట్లు మూడోసారి తలపడుతున్నాయి. గ్రూప్ దశలో ఒకసారి, సూపర్-4లో రెండోసారి ఈ రెండు జట్లు తలపడగా.. టీం ఇండియానే విజయం సాధించింది. మరికొన్ని గంటల్లో ఫైనల్‌లో ముచ్చటగా మూడోసారి ఈ రెండు జట్ల మధ్య పోరు జరుగనుంది. ఈ మ్యాచ్‌లోనూ భారత్ గెలిచి పాకిస్థాన్‌కు గుణపాఠం నేర్పించాలని భారత అభిమానులు ఆశపడుతున్నారు.

అయితే ఈ మ్యాచ్‌లో పాకిస్థాన్‌పై భారత్ విజయం సాధించాలంటే.. ముందు నుంచే అధిపత్యం చూపించాలని మాజీ క్రికెటర్ ఆకాశ్ చోప్రా అన్నారు. పవర్‌ప్లేలోనే భారత్ పట్టు సాధించాలని పేర్కొన్నారు. ‘‘పవర్‌ ప్లేలో మ్యాచ్‌పై పట్టు సాదించాలి. చాలాసార్లు మ్యాచ్ చివరి వరకూ వెళ్తోంది. ఆరంభంలోనే సత్తా చాటితే మ్యాచ్ మీదే. పవర్‌ప్లేలో భారత్ విఫలమైన ఏం కాదు.. ఆ తర్వాత పుంజుకోవచ్చు. అయితే పాకిస్థాన్‌కు అది సాధ్యం కాదు. వారిని ఆదిలోనే నియంత్రిస్తే.. ఇక ఆ జట్టు కోలుకోలేదు’’ అని అకాశ్ విశ్లేషించారు

షార్జా: నేపాల్ క్రికెట్ జట్టు అరుదైన ఘనతను సాధించింది. అంతర్జాతీయ టి-20 క్రికెట్‌లో ఐసిసి పూర్తిస్థాయి సభ్యదేశమైన వెస్టిండీస్‌ను ఓడించింది. యుఎఇ వేదికగా జరుగుతున్న మూడు టి-20ల సిరీస్‌లో తొలి మ్యాచ్‌లో 19 పరుగుల తేడాతో ఘన విజయం సాధించింది. దీంతో టెస్ట్ క్రికెట్ ఆడే జట్టుపై గెలిచి చరిత్ర సృష్టించింది. ఈ విజయం కోసం నేపాల్ 180 మ్యాచులు ఎదురుచూసింది. ఈ విజయాన్ని జెన్‌ జెడ్ నిరసనలో ప్రాణాలు కోల్పోయిన వారికి అంకితం ఇస్తున్నట్లు నేపాల్ జట్టు కెప్టెన్ రోహిత్ పౌడెల్ తెలిపాడు.

‘‘టెస్ట్ క్రికెట్ ఆడే జట్టుపై విజయం సాధించడం ఆనందంగా ఉంది. ఎన్నో ఏళ్ల నిరీక్షణ తర్వాత ఇది సాధ్యపడింది. ఈ సిరీస్‌లో మాకు శుభారంభం దక్కింది. 150 పరుగుల లక్ష్యాన్ని కాపాడుకోవచ్చని భావించాం. అందుకు తగినట్టే బౌలింగ్ చేశాం. మా స్పిన్నర్లు అదరగొట్టారు. కరణ్, సోంపాల్ ఎంతో అనుభవం ఉన్న క్రికెటర్లు. ప్లేయర్ ఆఫ్ ది మ్యాచ్ అవార్డును నిరసనలో ప్రాణాలు కోల్పోయిన వారికి అంకితం చేస్తున్నా. గత నెల మాకు అత్యంత దుర్భర కాలం. ఈ విజయం మా నేపాల్ ప్రజలకు ఆనందం కలిగిస్తుందని భావిస్తున్నా. ఇది ఆరంభం మాత్రమే. భవిష్యత్తులో మరిన్ని విజయాలు సాధించేందుకు ప్రయత్నిస్తాం’’ అని రోహిత్ అన్నాడు.

ఈ మ్యాచ్‌లో తొలుత బ్యాటింగ్ చేసిన నేపాల్ 20 ఓవర్లలో 8 వికెట్ల నష్టానికి 148 పరుగులు చేసింది. అనంతరం లక్ష్య చేధనలో విండీస్ విఫలమైంది. 20 ఓవర్లలో 9 వికెట్లు తీసి 129 పరుగులు మాత్రమే చేసింది. ఈ మ్యాచ్‌లో బ్యాటింగ్‌లో, బౌలింగ్‌లో రాణించిన రోహిత్‌కి ప్లేయర్ ఆఫ్ ది మ్యాచ్ అవార్డు లభించింది.

ముంబై: భారత క్రికెట్ నియంత్రణ మండలి (బిసిసిఐ)కి నూతన అధ్యక్షుడిగా మిథున్ మన్హాస్ ఎన్నికలయ్యారు. ముంబైలో జరిగిన బిసిసిఐ వార్షిక సమావేశంలో అధ్యక్షుడిగా మిథున్ ఎంపికయ్యారు. మిథున్ ఢిల్లీ క్రికెట్ జట్టుకు మాజీ కెప్టెన్‌గా వ్యవహరించారు. బిసిసిఐ ఉపాధ్యక్షుడిగా రాజీవ్ శుక్లా, కార్యదర్శిగా దేవజిత్ సైకియా, కోశాధికారిగా రఘురామ్ భట్, జాయింట్ సెక్రటరీగా ప్రభ్‌తేజ్ సింగ్ భాటియాలను ఎంపిక చేశారు.

మిథున్ ఇప్పటివరకూ భారత్ అరఫున ఒక్క అంతర్జాతీయ మ్యాచ్‌ కూడా ఆడలేదు. ఫస్ట్ క్లాస్ క్రికెట్‌లో 157 మ్యాచులు ఆడి 9,714 పరుగులు చేశాడు. భారత్ తరఫున అంతర్జాతీయ మ్యాచ్‌లు ఆడకుండా బిసిసిఐ అధ్యక్షుడిగా మిథున్ ఎంపిక కావడం విశేషం. 

దుబాయ్: ఆసియాకప్-2025 తుది దశకు చేరుకుంది. ఫైనల్స్‌లో చిరకాల ప్రత్యర్థులు భారత్, పాకిస్థాన్ తలపడుతున్నాయి. ఈ టోర్నమెంట్‌లో ఇప్పటికే రెండుసార్లు ఈ రెండు జట్లు తలపడ్డాయి. ఈ రెండు మ్యాచుల్లో గెలుపు భారత్‌నే వరించింది. దీంతో పాకిస్థాన్ అభిమానులు తీవ్ర నిరాశలో ఉన్నారు. తమ జట్టు ఫైనల్స్‌లో అయినా మంచి ప్రదర్శన చేయాలని వాళ్లు భావిస్తున్నారు. అయితే ఫైనల్ మ్యాచ్‌కి ముందు నిర్వహించిన మీడియా సమావేశంలో పాకిస్థాన్ కెప్టెన్ సల్మాన్ అఘా పలు కీలక వ్యాఖ్యలు చేశాడు.

భారత్‌తో జరిగిన మ్యాచుల్లో తమ ఓటమికి కారణాలను సల్మాన్ వెల్లడించాడు. భారత్, పాకిస్థాన్‌ల మధ్య మ్యాచ్ అంటేనే అభిమానుల్లో తీవ్ర ఉత్కంఠ ఉంటుందని.. తద్వారా ఆటగాళ్లపై ఒత్తిడి ఉంటుందని అన్నాడు. ‘‘భారత్‌తో ఆడిన రెండు మ్యాచుల్లో మేం చాలా పొరపాట్లు చేశాం. అందుకే ఓడిపోయాం. తక్కువ తప్పులు చేసి జట్లే విజయం సాధిస్తాయి. తప్పకుండా ఫైనల్‌లో ఆ పొరపాట్లు చేయకుండా విజయ తీరాలకు చేరే ప్రయత్నం చేస్తాం’’ అని సల్మాన్ అన్నాడు.

ఇక భారత ఆటగాళ్లు కరచాలనం చేయకపోవడం గురించి కూడా సల్మాన్ మాట్లాడాడు. అండర్-16 నుంచి తాను ప్రొఫెషనల్ క్రికెట్ ఆడుతున్నానని.. గత 20 ఏళ్లలో మ్యాచ్ సమయంలో ఆటగాళ్లు షేక్‌హ్యాండ్ ఇవ్వకుండా ఉండటం చేయకుండా ఉండటం చూడలేదని అన్నాడు. భారత్, పాక్‌ల మధ్య ఇంతకన్నా అధ్వానమైన పరిస్థితుల సమయంలోనూ ఇలా జరగలేదని పేర్కొన్నాడు. ఇలాంటివి జరగడం క్రికెట్‌కు మంచిది కాదని తన అభిప్రాయాన్ని వ్యక్తం చేశాడు.

ఆసియాకప్‌లో భాగంగా జరిగిన చివరి సూపర్-4 మ్యాచ్‌లో శ్రీలంకపై భారత్ విజయం సాధించిన విషయం తెలిసిందే. సూపర్ ఓవర్‌లో లంకపై భారత్ నెగ్గింది. అయితే ఈ మ్యాచ్‌లో జట్టులో చోటు దక్కించుకున్న హర్షిత్ రాణా ధారాళంగా పరుగులు సమర్పించుకున్నాడు. నాలుగు ఓవర్లలో ఒకేఒక్క వికెట్ తీసి ఏకంగా 54 పరుగులు ఇచ్చాడు. దీంతో అతని బౌలింగ్‌పై టీం ఇండియా మాజీ స్పిన్నర్ రవిచంద్రన్ అశ్విన్ విమర్శలు గుప్పించాడు. శ్రీలంకతో జరిగిన మ్యాచ్‌లో హర్షిత్ టెక్నిక్ సరిగ్గా లేదని అశ్విన్ అన్నాడు.

‘‘హర్షిత్‌కి కొన్ని మ్యాచ్‌లు మాత్రమే ఆడే అవకాశం దక్కింది. ఇలా జట్టులోకి వస్తూ.. పోతూ ఉండటం వల్ల ఆత్మ విశ్వాసం దెబ్బ తినే అవకాశం ఉంది. ఈ మ్యాచ్‌లో ఒక బంతి వేగంగా.. మరో బంతి నెమ్మదిగా వేశాడు. పరిణితి లేకుండా హర్షిత్ బౌలింగ్ సాగింది. ఈ తప్పుల నుంచి అతడు కచ్చితంగా పాఠాలు నేర్చుకోవాల్సి ఉంటుంది’’ అని అశ్విన్ చురకలంటించాడు.