Breaking News,క్రీడలు,తాజా వార్తలు

టీం ఇండియా ప్రధాన కోచ్‌గా గౌతమ్ గంభీర్ బాధ్యతలు చేపట్టినప్పటి నుంచి జట్టులో చాలా మార్పులు చోటెు చేసుకున్నాయి. ముఖ్యంగా మాజీ కెప్టెన్ రోహిత్ శర్మ విషయంలో గంభీర్ కాస్త కఠినంగా వ్యవహరించారని క్రికెట్ వర్గాల్లో చర్చ జరుగుతోంది. అయితే రోహిత్ తాజాగా గౌతీకి స్ట్రాంగ్ స్ట్రక్ ఇచ్చాడు. సియట్ టైర్స్ క్రికెట్ రేటింగ్ అవార్డు కార్యక్రమానికి రోహిత్ శర్మ హాజరయ్యాడు.

ఈ ఏడాది భారత్ ఐసిసి ఛాంపియన్స్ ట్రోఫీని గెలిచినందుకు రోహిత్‌కు ప్రత్యేక పురస్కారం ఇచ్చారు. ఈ సందర్భంగా రోహిత్ మాట్లాడుతూ.. చాలాసార్లు ఫైనల్ వరకు వచ్చి ట్రోఫీని చేజార్చుకున్నామని.. ఈసారి మాత్రం అలాంటి తప్పులు పునరావృతం కానివ్వద్దని నిర్ణయించుకున్నాం అన్నాడు. ఛాంపియన్స్ ట్రోఫీ విజయం ఒక ఆటగాడి విజయం కాదని.. జట్టులో ఉన్న ప్రతీ ఒక్కరి కృషి అని తెలిపాడు.

ఇక గత ఏడాది జరిగిన టి-20 ప్రపంచకప్‌లో రాహుల్ ద్రవిడ్ మార్గదర్శనంలో టీం ఇండియా ఛాంపియన్‌గా నిలిచిన విషయం తెలిసిందే. ఆ తర్వాత ద్రవిడ్ ప్రధాన కోచ్ పదవికి రాజీనామా చేయడంతో ఆ స్థానంలోకి గౌతమ్ గంభీర్ వచ్చాడు. ఛాంపియన్స్ ట్రోఫీలో గంభీరే జట్టుకు కోచింగ్ ఇచ్చినా.. రోహిత్ మాత్రం తమ విజయం వెనుక ద్రవిడ్ ఇచ్చిన సూచనలు ఉన్నాయని పరోక్షంగా చెప్పడు. దీంతో గంభీర్‌కు రోహిత్ గట్టి స్ట్రోక్ ఇచ్చినట్లైంది.

దేశం కోసం భారీ డీల్‌ని ఆసీస్ క్రికెటర్లు ప్యాట్ కమ్మిన్స్, ట్రావిస్ హెడ్‌లు తిరస్కరించారట. ప్రస్తుతం సోషల్‌మీడియాను ఈ వార్త కుదిపేస్తోంది. ఐపిఎల్‌కి చెందిన ఓ ఫ్రాంచైజీ కమ్మిన్స్, హెడ్‌లకు చెరో రూ.58 కోట్లు (10 మిలియన్ ఆస్ట్రేలియా డాలర్లు) ఇస్తానని ఆఫర్ చేసిందట. అందుకోసం ఓ షరతు కూడా పెట్టినట్లు తెలుస్తోంది. ఈ డబ్బును తీసుకోవాలంటే.. ఆస్ట్రేలియా జట్టు నుంచి బయటకు రావాలని.. కేవలం ఐపిఎల్‌లో మాత్రమే కాకుండా.. తమ ఫ్రాంచైజీకి చెందిన జట్ల తరఫున ఇతర లీగ్‌లలో కూడా ఆడాలని నిబంధన పెట్టినట్లు తెలుస్తోంది.

అయితే ఈ ఆఫర్‌ని వాళ్లిద్దరూ తిరస్కరించారని.. డబ్బు కంటే దేశమే ముఖ్యమని చెప్పారని సమాచారం. ప్రస్తుతం వీరిద్దరు సన్‌రైజర్స్ హైదరాబాద్ జట్టు తరఫున ఐపిఎల్‌లో ఆడుతున్నారు. ఎస్‌ఆర్‌హెచ్ జట్టుకు కమ్మిన్స్ కెప్టెన్‌గా వ్యవహరిస్తున్నాడు. కమ్మిన్స్‌ను ఎస్‌ఆర్‌హెచ్ రూ.18 కోట్లకు, హెడ్‌ను రూ.14 కోట్లకు రిటైన్ చేసుకుంది. ఇక క్రికెట్ ఆస్ట్రేలియా సెంట్రల్ కాంట్రాక్ట్ కింద కమ్మిన్స్‌కి రూ.8.74 కోట్లు, హెడ్‌కి రూ.8.70 కోట్లు వస్తాయి. ఇతర లీగ్‌లలో ఆడినప్పటికీ.. ఇంత మొత్తం రాదు. మొత్తానికి కమ్మిన్స్ ఏడాదికి రూ.35 నుంచి 40 కోట్లు, హెడ్ రూ.25 నుంచి 30 కోట్లు సంపాదిస్తారు. ఒక రకంగా చూసుకుంటే సదరు ఫ్రాంచైజీ ఇచ్చి ఆఫర్ కమ్మిన్స్ కంటే హెడ్‌కే ఎక్కువ లాభం. మరి ఇందులో ఎంత వరకూ నిజం ఉందో తెలియాల్సి ఉంది.

ముంబై: టీం ఇండియాలో ఆడే అవకాశం కోసం ఎదురుచూస్తున్నాడు యువ క్రికెటర్ పృథ్వీషా. అయితే ఎక్కడో ఓ దగ్గర తప్పులు చేసి వివాదంలో చిక్కుకుంటున్నాడు. పేలవ ఫామ్, ఫిట్‌నెస్ సమస్యల నుంచి పుంజుకుంటూ.. పలు మ్యాచుల్లో మెరుగైన ప్రదర్శన చేస్తున్నాడు. కానీ, తాజాగా అతడు మరో వివాదంలో చిక్కుకున్నాడు. ఇటీవల మహారాష్ట్ర తరఫున బుచ్చిబాబు ఇన్విటేషనల్ టోర్నమెంట్‌లో మంచి ప్రదర్శనతో ఆకట్టుకున్నాడు.

తాజాగా రంజీ ట్రోఫీ వార్మప్ మ్యాచ్‌లో తన పాత జట్టు ముంబైపై చెలరేగిపోయాడు. 220 బంతులు ఎదురుకొని 181 పరుగులు చేసి ఔట్ అయ్యాడు. ఓపెనర్ అర్షిన్ కులకర్ణితో కలిసి తొలి వికెట్‌కు పృథ్వీ 305 పరుగులు జోడించాడు. అయితే ఇక్కడే అసలు సమస్య వచ్చి పడింది. ముషీర్ ఖాన్ బౌలింగ్‌లో పృథ్వీ భారీ షాట్‌కు ప్రయత్నించి క్యాచ్ ఔట్ అయ్యాడు. ఔట్ చేసిన ఆనందంలో ముషీర్.. పృథ్వీకి వీడ్కోలు పలికాడు. దీంతో ఆగ్రహం తెచ్చుకున్న పృథ్వీ ముషీర్‌పై దాడి చేసేందుకు ప్రయత్నించాడు. అతడి కాలర్ పట్టుకొని బ్యాట్‌తో కొట్టబోయాడు. వెంటనే అంపైర్ కలగజేసుకొని పృథ్వీని అక్కడి నుంచి దూరంగా తీసుకెళ్లాడు. దీంతో వివాదం సద్దుమణిగింది. 

రోహిత్ శర్మ రిటైర్‌మెంట్‌తో కొన్ని నెలల క్రితం టీం ఇండియా టెస్ట్ కెప్టెన్‌గా బాధ్యతలు చేపట్టిన శుభ్‌మాన్ గిల్.. తాజాగా రోహిత్ నుంచి వన్డే కెప్టెన్సీ పగ్గాలు కూడా తీసుకున్నాడు. ఇక ప్రస్తుతం టి-20లకు వైస్ కెప్టెన్‌గా గిల్ వ్యవహరిస్తున్నాడు. త్వరలోనే పొట్టి ఫార్మాట్‌లో కూడా అతనికి సారథ్య బాధ్యతలు అప్పగించే అవకాశం ఉందని వార్తలు వినిపిస్తున్నాయి. అయితే ఇప్పట్లో అది జరిగే పని కాదని.. టీం ఇండియా మాజీ ఆటగాడు రాబిన్ ఉతప్ప అభిప్రాయపడ్డారు.

‘‘టెస్ట్‌ క్రికెట్‌లో గిల్ మంచి ఆటగాడని నేను అనుకుంటున్నాను. వన్డేల్లోనూ అతడి గణంకాలు బాగున్నాయి. కానీ, ఈ స్థాయి ఆటగాడికి మరింత మెరుగైన గణాంకాలు ఉండాలని అనుకుంటున్నా. సెలక్టర్‌లు టి-20లకు కెప్టెన్‌ా శ్రేయస్ అయ్యర్ పేరును పరిశీలిస్తారని భావిస్తున్నా. పొట్టి ఫార్మాట్‌లో గిల్ ఇంకా తన స్థానాన్ని సుస్థిరం చేసుకోలేదు. ఆసియా కప్‌లో 2025లో గిల్ బాగా ఆడకపోవడంతో రెండో ఓపెనింగ్ స్లాట్ కోసం సంజు శాంసన్, యశస్వీ జైస్వాల్‌ల మధ్య పోటీ నెలకొంది. గిల్ ఇంకా టి-20 జట్టులో తన స్థానాన్ని సుస్థిరం చేసుకోవాలి. ఇప్పట్లో అతను కెప్టెన్ అవుతాడని నేను అనుకోవడం లేదు. భారత క్రికెట్‌లో రాత్రికి రాత్రే పరిస్థితులు మారిపోతాయి. నిజాయితీగా చెప్పాలంటే.. చాలా మంది వైస్ కెప్టెన్‌లు కెప్టెన్ కాకపోవడం కూడా చూశాం కదా?’’ అని ఊతప్ప అన్నారు.

ఐసిసి మహిళ వన్డే ప్రపంచకప్‌లో అరుదైన సన్నివేశం చోటు చేసుకుంది. సౌతాఫ్రికా ఓపెనర్ తజ్మిన్ బ్రిట్స్ సరికొత్త చరిత్ర సృష్టించింది. ఒక క్యాలెండర్ ఇయర్‌లో ఐదు సెంచరీలు చేసిన తొలి మహిళ ప్లేయర్‌గా రికార్డు నెలకొల్పింది. న్యూజిలాండ్‌తో సోమవారం జరిగిన మ్యాచ్‌లో చేసిన సెంచరీతో ఈ ఘనతను సాధించింది. గతంలో ఈ రికార్డు టీం ఇండియా స్టార్ ప్లేయర్ స్మృతి మంధాన పేరిట ఉండేది. స్మృతి ఒక క్యాలెండర్ ఇయర్‌లో నాలుగు సెంచరీలు సాధించింది. తాజాగా తజ్మిన్ ఈ రికార్డును బ్రేక్ చేసింది.

దీంతో పాటు తజ్మిన్ మరో అరుదైన రికార్డును సొంతం చేసుకుంది. అతి తక్కువ ఇన్నింగ్స్‌లో 7 సెంచరీలు చేసిన ప్లేయర్‌గా రికార్డు నెలకొల్పింది. ఈ క్రమంలో ఆసీస్ ప్లేయర్ మెగ్ లాన్నింగ్ రికార్డును సొంతం చేసుకుంది. లాన్నింగ్ వన్డేల్లో 44 ఇన్నింగ్స్‌లో 7 సెంచరీలు చేయగా.. తజ్మిన్ 41 ఇన్నింగ్స్‌లోనే పూర్తి చేసి రికార్డు బద్దలు కొట్టింది. వీరిద్దరు మినహా ఏ మహిళ క్రికెటర్ కూడా ఈ రికార్డును 50 ఇన్నింగ్స్ లోపు సాధించలేకపోయారు.

ఇక మ్యాచ్ విషయానికొస్తే.. తొలుత బ్యాటింగ్ చేసిన న్యూజిలాండ్ 47.5 ఓవర్లలో 231 పరుగులు చేసి ఆలౌట్ అయింది. ఆ తర్వాత తజ్మిన్ మెరుపు ఇన్నింగ్స్‌తో సౌతాఫ్రికా 4 వికెట్లు కోల్పోయి.. 40.5 ఓవర్లలో లక్ష్యాన్ని చేధించింది.

ఆస్ట్రేలియాతో టీం ఇండియా త్వరలో తలపడనుంది. ఆస్ట్రేలియా పర్యటనలో భాగంగా భారత్ ఆతిథ్య జట్టుతో మూడు వన్డేలు, ఐదు టి-20లు ఆడనుంది. ఈ సిరీస్‌లో తలపడే భారత జట్టును ఇప్పటికే బిసిసిఐ ప్రకటించింది. వన్డేలకు శుభ్‌మాన్ గిల్, టి-20లకు సూర్యకుమార్ యాదవ్ కెప్టెన్‌గా వ్యవహరించనున్నారు. తాజాగా ఆస్ట్రేలియా తమ వన్డే, టి-20 జట్టును ప్రకటించింది. ఈ రెండు ఫార్మాట్‌లలో ఆసీస్‌కు మిచ్ మార్ష్ కెప్టెన్సీ చేయనున్నాడు. దీంతో పాటు పలువురు స్టార్ ఆటగాళ్లు రీఎంట్రీ ఇచ్చారు.

ఇటీవల సౌతాఫ్రికా సిరీస్‌కి గాయం కారణంగా దూరమైన మిచెల్ స్టార్క్ ఈ సిరీస్‌తో బరిలోకి దిగుతున్నాడు. అతడితో పాటు గాయాల నుంచి కోలుకున్న మాథ్యూ షార్ట్, మిచెల్ ఓవెన్ రీఎంట్రీ ఇచ్చారు. 2022 తర్వాత ఓపెనింగ్ బ్యాటర్ మ్యాట్ రెన్‌షాకు ఈ సిరీస్‌కి ప్రకటించిన జట్టులో చోటు దొరికింది. వన్డే సిరీస్‌తో పాటు టి-20 సిరీస్‌కి కూడా ఆసీస్ జట్టును ప్రకటించారు. ఇందులో గాయాల నుంచి కోలుకున్న ఇంగ్లిస్, ఎల్లిస్ జట్టులోకి వచ్చారు. న్యూజిలాండ్ సిరీస్‌లో గాయపడిన మ్యాక్‌వెల్ ఈ సిరీస్‌కి దూరమయ్యాడు.

ఆస్ట్రేలియా వన్డే జట్టు: మిచెల్ మార్ష్ (కెప్టెన్), జేవియర్ బార్ట్‌లెట్, అలెక్స్ క్యారీ, కూపర్ కన్నోల్లీ, బెన్ డ్వార్షుయిస్, నాథన్ ఎల్లిస్, కామెరూన్ గ్రీన్, జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, మిచెల్ ఓవెన్, మాథ్యూ రెన్షా, మాథ్యూ షార్ట్, మిచెల్ స్టార్క్, అడమ్ జాంపా.

ఆస్ట్రేలియా టి-20 జట్టు: మిచెల్ మార్ష్ (కెప్టెన్), సీన్ అబాట్, జేవియర్ బార్ట్‌లెట్, టిమ్ డేవిడ్, బెన్ డ్వార్షుయిస్, నాథన్ ఎల్లిస్, జోష్ హేజిల్‌వుడ్, ట్రావిస్ హెడ్, జోష్ ఇంగ్లిస్, మాథ్యూ కుహ్నేమన్, మిచెల్ ఓవెన్, మాథ్యూ షార్ట్, మార్కస్ స్టోయినిస్, అడమ్ జాంపా

ఇక ఈ పర్యటనలో ఆక్టోబర్ 19 నుంచి వన్డే సిరీస్.. 29వ తేదీ నుంచి ప్రారంభంకానున్నాయి.

కొలంబో: ఐసిసి మహిళల వన్డే ప్రపంచకప్‌లో భాగంగా ఆర్‌.ప్రేమదాస స్టేడియం వేదికగా భారత మహిళ జట్టు, పాకిస్థాన్ మహిళ జట్టు మధ్య మ్యాచ్ జరుగుతోంది. ఈ మ్యాచ్‌లో పాకిస్థాన్ టాస్ గెలిచి బౌలింగ్ ఎంచుకోవడంతో భారత్ తొలుత బ్యాటింగ్‌కి దిగింది. ఈ క్రమంలో భారత బ్యాటర్లు పాక్ బౌలర్ల మధ్య హోరాహోరీగా పోరు జరిగింది. భారత బ్యాటర్లు పరుగులు చేసేందుకు ప్రయత్నిస్తుంటే.. పాక్ బౌలర్లు భారత బ్యాటర్ల వికెట్లు తీస్తూ స్కోర్‌ని కట్టడి చేశారు. ముఖ్యంగా పాక్ బౌలర్ డయానా బైగ్ ఈ మ్యాచ్‌లో అద్భుతంగా బౌలింగ్ చేసింది. తొలి ఇన్నింగ్స్‌లో నాలుగు వికెట్లు తీసింది. దీంతో భారత్ నిర్ణీత 50 ఓవర్లలో 247 పరుగులు చేసి ఆలౌట్ అయింది. భారత బ్యాటింగ్‌లో హర్లిన్ డియోల్ 46, రిచా ఘోష్ 35, జెమిమా రోడ్రిక్స్ 32, ప్రతీక రావల్ 31 పరుగులు చేశారు. పాక్ బౌలింగ్‌లో డయానా 4, ఇక్బాల్, సనా చెరి రెండు, షమీమ్, నంధు తలో వికెట్ తీశారు. 

ఆస్ట్రేలియాతో పర్యటన కోసం భారత జట్టును బిసిసిఐ శనివారం ప్రకటించిన విషయం తెలిసిందే. అయితే వన్డే సిరీస్‌ కోసం ప్రకటించిన జట్టులో రోహిత్ శర్మకు బదులుగా శుభ్‌మాన్ గిల్‌కు కెప్టెన్సీ ఇవ్వడంపై విమర్శలు వస్తున్నాయి. అంతేకాక.. ఈ రెండు సిరీస్‌లకు కామన్‌గా ఉన్న ప్లేయర్ హర్షిత్ రాణా. హర్షిత్‌కి ఇంతవరకూ పెద్దగా అవకాశాలు రాలేదు. కేవలం జట్టుతో ఉండేందుకే అన్నట్లు అతన్ని తీసుకుంటున్నారు. ఈ నేపథ్యంలో మాజీ ప్లేయర్ కృష్ణమాచారి శ్రీకాంత్ చేసిన వ్యాఖ్యలు ప్రాధాన్యత సంతరించుకున్నాయి. హర్షిత్.. ప్రధాన కోచ్ గంభీర్ తాలుకా అని.. అందుకే అతని జట్టులో చోటు దొరుకుతుందని శ్రీకాంత్ విమర్శించారు.

‘‘హర్షిత్ రాణా భారత జట్టులో శాశ్వత ప్లేయర్. ఎందుకంటే అతడు గౌతమ్ గంభీర్‌కి ఇష్టమైన ఆటగాడు. అందుకే, జాబితాలో శుభ్‌మాన్ గిల్‌తో తర్వాత అతడి పేరే ఉంటుంది. హార్థిక్ పాండ్యాకు బదులుగా ఆల్‌రౌండర్‌గా నితీశ్ కుమార్ రెడ్డిని తీసుకున్నారు. అతడు మెరుగైన ప్రత్యమ్నాయం కాదని నా అభిప్రాయం. రవీంద్ర జడేజానే బెస్ట్ ఆల్ రౌండర్. నితీశ్‌ని బ్యాటర్‌గానే తీసుకోవాలి. బౌలింగ్‌ కూడా చాలా తక్కువగా వేస్తాడు. గత ఛాంపియన్స్ ట్రోఫీలోనూ అతడిని తీసుకోలేదు. వచ్చే ప్రపంచకప్ ప్లానింగ్‌లో అతడు ఉంటాడని అనుకోవడం లేదు’’ అని శ్రీకాంత్ తన అభిప్రాయాన్ని వ్యక్తం చేశారు. 

కొలంబో: ఐసిసి మహిళల వన్డే ప్రపంచకప్‌లో భాగంగా ఆర్.ప్రేమదాస స్టేడియం వేదికగా చిరకాల ప్రత్యర్థి పాకిస్థాన్‌తో భారత్ తలపడుతోంది. ఈ మ్యాచ్‌లో స్మృతి మంధాన రూపంలో భారత్ తొలి వికెట్ కోల్పోయింది. పాకిస్థాన్ టాస్ గెలిచి బౌలింగ్ ఎంచుకోవడంతో తొలుత బ్యాటింగ్‌కి దిగిన భారత్‌కు ఓపెనర్లు స్మృతి, ప్రతీకలు మంచి ఆరంభాన్ని అందించారు. తొలి వికెట్‌కి 48 పరుగులు జోడించారు. అయితే పాకిస్థాన్ కెప్టెన్ ఫాతిమా సన వేసిన 9వ ఓవర్ చివరి బంతికి స్మృతి(23) ఎల్‌బిడబ్ల్యూ రూపంలో పెవిలియన్ చేరింది. ప్రస్తుతం 13 ఓవర్లు ముగిసేసరికి భారత్ ఒక వికెట్ నష్టానికి 57 పరుగులు చేసింది. క్రీజ్‌లో ప్రతీక(27), హర్లిన్ (6) ఉన్నారు. 

ఆస్ట్రేలియా పర్యటనకు వె్ళ్లే టీం ఇండియా వివరాలను బిసిసిఐ శనివారం వెల్లడించింది. ఇందులో వన్డే జట్టుకు కెప్టెన్‌గా శుభ్‌మాన్ గిల్‌ను, టి-20 జట్టు కెప్టెన్‌గా సూర్యకుమార్ యాదవ్‌ను నియమించారు. అయితే ఈ సిరీస్‌కి ముందు ఇచ్చిన ఓ ఇంటర్వ్యూలో సూర్య పలు ఆసక్తికర విషయాలను పంచుకున్నాడు. ఎంఎస్ ధోనీ సారథ్యంలో మ్యాచ్‌లో ఒక్క మ్యాచ్‌లోనైనా ఆడే అవకాశం రాలేదని పేర్కొన్నాడు.

‘‘ధోనీ భారత జట్టు సారథిగా ఉన్నప్పుడు అతడి నాయకత్వంలో ఒక్క మ్యాచ్‌ అయినా ఆడాలని కోరుకునే వాడిని.. కానీ, ఆ అవకాశం రాలేదు. ఐపిఎల్‌లో ప్రత్యర్థులుగా తలపడ్డాం. ధోనీ ‘కూల్‌’గా ఉండటం చూసి ఆశ్చర్యం వేసేది. స్టంప్స్ వెనుక అంత ప్రశాంతంగా ఎలా ఉంటున్నాడో అర్థమయ్యేది కాదు. ధోనీకి ప్రత్యర్థిగా ఉన్నప్పుడు ఒకే ఒక్క విషయం నేర్చుకున్న.. ఒత్తిడిలో ఎలా రిలాక్స్‌డ్‌గా ఎలా ఉండాలని. తన చుట్టూ జరుగుతున్న పరిణామాలను ఎప్పటికప్పుడు పర్యవేక్షిస్తూ నిర్ణయాలు తీసుకుంటాడు’’ అని ధోనీ గురించి సూర్యకుమార్ చెప్పాడు.