Breaking News,క్రీడలు,తాజా వార్తలు

ఇండియన్ ప్రీమియర్ లీగ్-2026 మినీ వేలం ఘనంగా ప్రారంభమైంది. 77 స్లాట్స్‌కు గాను 369 మంది ప్లేయర్లు వేలంలో పాల్గొంటున్నారు. ఇందులో 244 మంది భారత ప్లేయర్లు ఉండగా.. 115 మంది విదేశీ ఆటగాళ్లు ఉన్నారు. అనుకున్నట్లుగానే ఆస్ట్రేలియా బ్యాటింగ్ ఆల్ రౌండర్ కామెరూన్ గ్రీన్ భారీ ధర పలికాడు. అతడి బేస్ ధర రూ.2 కోట్ల ఉండగా.. తొలుత కోల్‌కతా నైట్‌రైడర్స్, రాజస్థాన్ రాయల్స్ జట్లు పోటీ పడ్డాయి. మధ్యలో చెన్నై సూపర్ కింగ్స్‌ కూడా రేసులోకి వచ్చింది. చివరకు కోల్‌కతా రూ.25.20 కోట్లకు గ్రీన్‌ను దక్కించుకుంది. దీంతో ఐపిఎల్‌లో అత్యధిక ధర పలికిన విదేశీ ప్లేయర్‌గా గ్రీన్ రికార్డు సృష్టించాడు.

అంతకు ముందు 2024లో మిచెల్ స్టార్క్‌ను కెకెఆర్ రూ.24.75 కోట్లకు సొంతం చేసుకుంది. ఇప్పుడు ఆ రికార్డును గ్రీన్ తిరగరాశాడు. ఓవరాల్‌గా ఐపిఎల్ చరిత్రలో గ్రీన్‌ది మూడో అత్యధిక ధర. అతడి కంటే ముందు రిషబ్ పంత్ (రూ.27 కోట్లు, ఎల్ఎస్‌జి), శ్రేయస్ అయ్యర్(రూ.26.75 కోట్లు, పంజాబ్ కింగ్స్) ఉన్నారు. ఇక వేలంలో సౌతాఫ్రికా బ్యాటర్ డేవిడ్ మిల్లర్‌ను బేస్ ధర రూ.2 కోట్లకు ఢిల్లీ క్యాపిటల్స్ కొనుగోలు చేసింది. న్యూజిలాండ్ బ్యాటర్ డెవాన్ కాన్వే (బేస్ ధర రూ.2 కోట్లు), ఆస్ట్రేలియా బ్యాటర్ జేక్ ఫ్రేజర్ మెక్‌గుర్క్ (బేస్ ధర రూ.2 కోట్లు), భారత బ్యాటర్లు పృథ్వీషా, సర్ఫరాజ్ ఖాన్ (బేస్ ధర రూ.75 లక్షలు) అన్‌సోల్డ్‌గా మిగిలారు.

దుబాయ్: అండర్-19 ఆసియాకప్‌లో భాగంగా దుబాయ్ వేదికగా మలేషియాతో జరుగుతున్న మ్యాచ్‌లో భారత యువ క్రికెటర్ అభిజ్ఞాన్ కుందు అదిరిపోయే ప్రదర్శన చేశాడు. ఈ మ్యాచ్‌లో చెలరేగిపోయిన అభిజ్ఞాన్ డబుల్ సెంచరీ సాధించాడు. మలేషియా బౌలర్లను వీరబాదుడు బాది 121 బంతుల్లోనే డబుల్ సెంచరీ చేశాడు. ఈ మ్యాచ్‌లో టాస్ గెలిచిన మలేషియా బౌలింగ్ ఎంచుకుంది. దీంతో మొదట బ్యాటింగ్ చేసి భారత్ నిర్ణీత 50 ఓవర్లలో 7 వికెట్ల నష్టానికి 408 పరుగులు చేసింది. యూత్ వన్డేల్లో టీం ఇండియాకు ఇదే మూడో అత్యధిక స్కోర్ కావడం విశేషం. టీం ఇండియా బ్యాటింగ్‌లో అభిజ్ఞాన్ 209(నాటౌట్), వేదాంత్ త్రివేది 90, వైభవ్ సూర్యవంశీ 50 పరుగులు చేశారు. మలేషియా బౌలింగ్‌లో ముహమ్మద్ అక్రమ్ 5, కృష్ణమూర్తి, సత్నకుమారన్ తలో వికెట్ తీశారు. భారీ లక్ష్య చేధనలో మలేషియా ఆరంభంలోనే మూడు వికెట్లు కోల్పోయింది. 9 ఓవర్లు ముగిసేసరికి మలేషియా 3 వికెట్ల నష్టానికి 18 పరుగులు చేసింది. క్రీజ్‌లో పాత్రో(0), ఆలిఫ్(0) ఉన్నారు.

అర్జెంటీనా ఫుట్‌బాల్ దిగ్గజం లియోనెల్ మెస్సీ ఇటీవల ‘ది గోట్ టూర్’లో భారత్‌లో పర్యటించిన విషయం తెలిసిందే. తొలుత ఆయన కోల్‌కతాలో పర్యటించారు. అయితే మెస్సీ కోల్‌కతా పర్యటన తీవ్ర దుమారం రేపింది. షెడ్యూల్ ప్రకారం మెస్సీ కోల్‌కతాలోని సాల్ట్ లేక్ మైదానరంలో 2 గంటలు ఉండాలి. కానీ, భద్రత లోపం కారణం మెస్సీ కేవలం 22 నిమిషాలు మాత్రమే ఉండి అక్కడి నుంచి వెళ్లిపోయాడు. ఆ కాస్త సమయంలోనూ చాలామంది మెస్సీని చూడలేకపోయారు. దీంతో అభిమానులు ఆగ్రహానికి గురయ్యారు బ్యారికేడ్లు దాటి మైదానంలోకి చొచ్చుకువెళ్లారు. గ్రౌండ్‌లోకి వాటర్ బాటిల్స్ విసిరేశారు. కుర్చీలు విరగ్గొట్టారు.

అయితే ఈ ఘటనపై టీం ఇ:డియా క్రికెట్ దిగ్గజం సునీల్ గవాస్కర్ స్పందించారు. ఈ గందరగోళానికి మెస్సీనే కారణమని ఆయన ఆరోపించారు. ‘‘తన నిబద్ధతను తెలియజేయడంలో విఫలమైన వ్యక్తి (మెస్సీ) తప్ప మిగితా వారందరిని నిందించారు. నిజానికి అసలు ఒప్పందం ఏంటో బహిరంగంగా తెలియదు. కానీ అతడు అనుకున్న సమయం కన్నా ముందే వెళ్లిపోయాడు. ఈ విషయంలో నిజమైన దోషులు మెస్సీ, అతడి పరివారమే’’ అని గవాస్క్రర్ పేర్కొన్నారు.

హైదరాబాద్: టీమిండియా బ్యాట్స్‌మెన్ తిలక్ వర్మ రికార్డు నెలకొల్పాడు. క్రికెట్ దిగ్గజం విరాట్ కోహ్లీ రికార్డును తిలక్ తన ఖాతాలో వేసుకున్నాడు. దక్షిణాఫ్రికాతో జరుగుతున్న సిరీస్‌లో తిలక్ బ్యాటింగ్‌లో విరవిహారం చేస్తున్నాడు. తొలి టి20ల్లో 32 బంతుల్లో 26 పరుగులు, రెండో టి20ల్లో 34 బంతుల్లో 62 పరుగులు, మూడో టి20ల్లో 34 బంతుల్లో 25 పరుగులు చేసి నాటౌట్‌గా ఉన్నాడు. అంతర్జాతీయ టి20 మ్యాచ్‌లలో 500 పరుగులు సాధించిన ఆటగాళ్ల జాబితాల్లో అత్యుత్తమ సగటు కలిగిన బ్యాటర్‌గా రికార్డు సృష్టించాడు. తిలక్ వర్మ 68 సగటుతో తొలి స్థానంలో ఉండగా విరాట్ కోహ్లీ 67.1 సగటుతో రెండో స్థానంలో ఉన్నాడు. వరసగా ఎంఎస్ ధోని(47.71), జెపి డుమిని(45.55) సగటు, సంగక్కర్(44.93)తో ఉన్నారు. 

హైదరాబాద్: శుభ్‌మన్ గిల్‌తో పాటు కెప్టెన్ సూర్య కుమార్ యాదవ్ కూడా జట్టుకు భారంగా మారారు. ఇద్దరు ఫామ్‌లో లేకపోవడంతో జట్టు పలుమార్లు ఓటమిని చవిచూస్తోంది. తాజాగా సంజూ శామ్సన్‌ను కాదని గిల్‌కు అవకాశాలు ఇస్తున్నారు. గిల్ పేలవ ప్రదర్శనలు చేస్తున్నా కూడా అతడి జట్టులో స్థానంలో కల్పిస్తున్నారు. తన స్థానానికి న్యాయం చేయకపోవడంతో పాటు మరొకరి అవకాశాలపై దెబ్బపడుతున్నాయి. ఇప్పటికే గిల్‌పై క్రికెట్ అభిమానులు పీకల్లోతు కోపంగా ఉన్నారు. టి20 జట్టులో నుంచి గిల్‌ను తీసివేయాలని, మాజీ క్రికెటర్లు, క్రికెట్ పండితులు, అభిమానులు కోరుతున్నారు. బిసిసిఐ రాజకీయాలకు పాల్పడుతుందని క్రికెట్ అభిమానులు ఆగ్రహం వ్యక్తం చేస్తున్నారు. ఈ సందర్భంగా కెప్టెన్ సూర్యకుమార్ యాదవ్, వైస్ కెప్టెన్ గిల్‌కు అభిషేక్ శర్మ మద్దతుగా నిలిచాడు. టి20 ప్రపంచ కప్‌లో సూర్య, గిల్ గెలిపిస్తారని జోస్యం చెప్పాడు. ఇద్దరు ప్రపంచ కప్‌లో అదరగొడుతారని ధీమా వ్యక్తం చేశారు. ప్రపంచ కప్ కంటే ముందు కీలక ఇన్నింగ్స్‌లు ఆడుతారని తెలియజేశారు. గిల్‌తో కలిసి చాలా కాలంగా ఆడుతున్నానని, ఎలాంటి పిచ్‌లపైన అయినా గిల్ బ్యాటింగ్ చేయగలుగుతాడని నమ్మకం ఉంచాడు. అందరికీ అతడిపై నమ్మకం కలుగుతుందని అభిషేక్ స్పష్టం చేశారు. 

మూడో టి20ల్లో బౌలర్లు అద్భుతంగా బౌలింగ్ చేశారని కెప్టెన్ సూర్యకుమార్ యాదవ్ ప్రశంసించారు. ఫామ్‌లో లేనని, తనపై వస్తున్న విమర్శలకు స్పందించాడు. ఫామ్‌లో లేని విషయాన్ని అసలు తాను అంగీకరించానని, నెట్స్‌లో తాను అద్భుతంగా బ్యాటింగ్ చేస్తున్నానని సూర్య వివరణ ఇచ్చాడు. 

ధర్మశాల: ఐదు టి-20ల సిరీస్‌లో భాగంగా ధర్మశాలలోని హిమాచల్ ప్రదేశ్ క్రికెట్ అసోసియేషన్ స్టేడియం వేదికగా సౌతాఫ్రికాతో జరుగుతున్న మూడో టి-20లో భారత్ టాస్ గెలిచి ఫీల్డింగ్ ఎంచుకుంది. ఈ సిరీస్‌లో ఇప్పటివరకూ భారత్, సౌతాఫ్రికా చెరో మ్యాచ్‌లో విజయం సాధించాయి. దీంతో ఈ మ్యాచ్‌లో నెగ్గి సిరీస్‌లో ఆధిక్యం సంపాదించుకోవాలని రెండు జట్లు భావిస్తున్నాయి. ఈ మ్యాచ్‌లో భారత్ జట్టులో రెండు మార్పులు చేసింది. అక్షర్, బుమ్రాలను జట్టు నుంచి తప్పించి వాళ్ల స్థానంలో హర్షిత్ రాణా, కుల్దీప్ యాదవ్‌లను జట్టులోకి తీసుకుంది. సౌతాఫ్రికా జట్టులో మూడు మార్పులు చేసింది. మిల్లర్, లిండే, సిపామ్లాల స్థానంలో బోష్, అన్రిక్ నోర్ట్యే, స్టబ్స్ ‌జట్టులోకి వచ్చారు.

తుది జట్లు

భారత్: అభిషేక్ శర్మ, శుభ్‌మాన్ గిల్, సూర్యకుమార్ యాదవ్(కెప్టెన్), తిలక్ వర్మ, హార్థిక్ పాండ్యా, శివమ్ దూబే, జితేశ్ శర్మ(కీపర్), హర్షిత్ రాణా, అర్ష్‌దీప్ సింగ్, కుల్దీప్ యాదవ్, వరుణ్ చక్రవర్తి.

సౌతాఫ్రికా: రీజా హెండ్రిక్స్, క్వింటన్ డి కాక్(కీపర్), ఐడెన్ మార్క్రామ్(కెప్టెన్), డెవాల్డ్ బ్రీవిస్, ట్రిస్టన్ స్టబ్స్, డోనోవన్ ఫెరీరా, మార్కో జాన్సెన్, కార్బిన్ బాష్, అన్రిచ్ నోర్ట్యే, లుంగి ఎన్గిడి, ఒట్నీల్ బార్ట్‌మన్.

దుబాయ్: అండర్-19 ఆసియా కప్‌లో భారత్ మరో విజయాన్ని సొంతం చేసుకుంది. ఆదివారం పాకిస్థాన్‌తో జరిగిన మ్యాచ్‌లో ఘన విజయం సాధించింది. ఈ మ్యాచ్‌లో తొలుత బ్యాటింగ్ చేసిన భారత్ 46.1 ఓవర్లలో 240 పరుగులు చేసి ఆలౌట్ అయింది. భారత బ్యాటింగ్‌లో అరోన్ జార్జి 85 పరుగులతో చెలరేగగా.. కెప్టెన్ ఆయుష్ మాత్రే 38, కనిష్క్ చౌహాన్ 46 పరుగులతో రాణించారు. అనంతరం 241 పరుగుల విజయ లక్ష్యంతో బ్యాటింగ్ ప్రారంభించిన పాకిస్థాన్ లక్ష్య చేధనలో తడబడింది. భారత బౌలర్ల ధాటికి పాకిస్థాన్ కుప్పకూలిపోయింది. దీంతో పాక్ 41.2 ఓవర్లలో 150 పరుగులకే ఆలౌట్ అయింది. పాక్ బ్యాటింగ్‌లో హుజైఫా అసన్ 70 పరుగులు చేయగా.. కెప్టెన్ ఫర్హాన్ యూఫఫ్ 23, ఉస్మాన్ ఖాన్ 16 పరుగులు చేశారు. భారత బౌలింగ్‌లో దీపేశ్ దేవేంద్రన్, కనిష్క్ చౌహాన్ చెరి మూడు, కిషన్ కుమార్ సింగ్ 2, ఖలన్ పటేల్, వైభవ్ సూర్యవంశీ తలో ఒక వికెట్ తీశారు. మ్యాచ్‌లో అటు బ్యాట్‌తో ఇటు బౌలింగ్‌లో రాణించిన కనిష్క్ చౌహాన్‌కి ప్లేయర్ ఆఫ్ ది మ్యాచ్ అవార్డు లభించింది.

దుబాయ్: అండర్‌-19 ఆసియా కప్‌లో భాగంగా శనివారం భారత్‌తో జరుగుతున్న మ్యాచ్‌లో పాకిస్థాన్ బౌలర్లు అద్భుతంగా రాణించారు. వర్షం కారణంగా ఈ మ్యాచ్ టాస్ ఆలస్యమైంది. దీంతో మ్యాచ్‌ని 49 ఓవర్లకు కుదించారు. ఈ నేపథ్యంలో టాస్ గెలిచిన పాకిస్థాన్ తొలుత బౌలింగ్ చేసేందుకు ముందుకొచ్చింది. భారత బౌలర్ల దూకుడికి కళ్లెం వేస్తూ.. కట్టుదిట్టంగా బౌలింగ్ చేశారు పాక్ బౌలర్లు. దీంతో భారత్ 46.1 ఓవర్లలో 240 పరుగులు చేసి ఆలౌట్ అయింది. భారత బ్యాటింగ్‌లో అరోన్ జార్జ్ (85) అర్థ శతకంతో రాణించగా.. కనిష్క్ 46, ఆయుష్ 38 పరుగులతో ఫర్వాలేదనిపించారు. పాక్ బౌలింగ్‌లో సయ్యం, సుభాన్ చెరి మూడు, షఫిక్ 2, హుస్సేన్, రజా తలో వికెట్ తీశారు.

దుబాయ్: అండర్-19 ఆసియా కప్‌లో భాగంగా ఆదివారం యువ భారత జట్టు పాకిస్థాన్‌తో తలపడుతోంది. ఈ మ్యాచ్‌ టాస్ వర్షం కారణంగా ఆలస్యంగా జరిగింది. అనంతరం టాస్ గెలిచిన పాకిస్థాన్ తొలుత బౌలింగ్ చేసేందుకు ముందుకొచ్చింది. దీంతో తొలుత బ్యాటింగ్‌కు దిగిన భారత్‌కు నాలుగో ఓవర్‌లోనే షాక్ తగిలింది. యువ సంచలనం వైభవ్ సూర్యవంశీ(5) మహమ్మద్ సయ్యం బౌలింగ్‌లో అతడికే క్యాచ్ ఇచ్చి వెనుదిరిగాడు. మరోవైపు కెప్టెన్ ఆయుష్ మాత్రే దూకుడుగా ఆడాడు. 25 బంతుల్లో 4 ఫోర్లు, 3 సిక్సులతో 38 పరుగులు చేసి సయ్యం బౌలింగ్‌లో ఔట్ అయ్యాడు. ఈ దశలో ఆరోన్ జార్జ్ జట్టుకు అండగా నిలిచాడు. మాత్రేతో కలిసి రెండో వికెట్‌కి 49 పరుగులు. విహాన్‌తో కలిసి మూడో వికెట్‌కి 27 పరుగులు జోడించాడు. ప్రస్తుతం భారత్ 17 ఓవర్లు ముగిసేసరికి 3 వికెట్ల నష్టానికి 107 పరుగులు చేసింది. క్రీజ్‌లో ఆరోన్(46), వేదాంత్(2) ఉన్నారు.

పవర్‌స్టార్ పవన్‌కళ్యాణ్ నటిస్తున్న లేటెస్ట్ చిత్రం ‘ఉస్తాద్ భగత్‌సింగ్’. ‘గబ్బర్ సింగ్’ వంటి బ్లాక్‌బస్టర్ తర్వాత హరీశ్ శంకర్, పవన్‌ కాంబినేషన్‌లో వస్తున్న చిత్రం కావడంతో ఈ సినిమాపై అంచనాలు భారీ స్థాయిలో ఉన్నాయి. ఈ సినిమాలో పవన్‌ ఓ పవర్‌ఫుల్ పోలీస్ ఆఫీసర్‌గా కనిపించనున్నారు. చాలా రోజుల క్రితం ఈ సినిమా టీజర్‌ని వదిలింది చిత్ర యూనిట్. తాజాగా ఈ సినిమా నుంచి ‘దేఖ్‌లేంగే’ అంటూ సాగే తొలి పాటని విడుదల చేశారు.

ఈ పాటలో పవన్‌ చాలారోజుల తర్వాత డ్యాన్స్ ఇరగదీశారు. దేవీ శ్రీ ప్రసాద్ సంగీతానికి ఆయన వేసిన స్టెప్పులు అదిరిపోయాయి. ఈ పాటని విశాల్ దద్లానీ, హరి ప్రియ పాడారు. భాస్కరభట్ల రవికుమార్ ఈ పాటకి సాహిత్యం అందించారు. దినేశ్ కుమార్ ఈ పాటని కొరియోగ్రాఫీ చేశారు. ఇక ఈ పాటలో హీరోయిన్ శ్రీలీల కూడా పవన్‌తో కలిసి చిందులేసింది. ఇంకెందుకు ఆలస్యం మీరు కూడా ఈ పాటను ఓ లుక్కేసేయండి..