Breaking News,క్రీడలు,తాజా వార్తలు

విశాఖ: ఐసిసి మహిళల వన్డే ప్రపంచకప్‌లో భాగంగా ఇక్కడి ఎసిఎ-విడిసిఎ క్రికెట్ స్టేడియం వేదికగా ఆస్ట్రేలియా మహిళ జట్టుతో జరుగుతున్న మ్యాచ్‌లో భారత్ ఇన్నింగ్స్‌ ముగిసింది. ఈ మ్యాచ్‌లో ఆస్ట్రేలియా టాస్ గెలిచి బ్యాటింగ్ ఎంచుకోవడంతో తొలుత బ్యాటింగ్‌కు దిగిన భారత మహిళ జట్టుకు మంచి ఆరంభం అందింది. ఓపెనర్లు స్మృతి, ప్రతికాలు కలిసి తొలి వికెట్‌కి 155 పరుగులు జోడించారు. ఈ క్రమంలో ఇద్దరు అర్థ శతకాలు సాధించారు. స్మృతి మంధన 80 పరుగులు చేసి ఔట్ అయింది. ఆ తర్వాత 192 పరుగుల వద్ద ప్రతీక (75) పెవిలియన్ చేరింది.

ఆ తర్వాత బ్యాటింగ్‌‌లో హర్లిన్ 38, జెమీమా 33, రిచ ఘోష్ 32, హర్మన్‌ప్రీత్ 22 పరుగులు చేశారు. వీళ్లు మినహా మిగితా వాళ్లు స్వల్ప స్కోర్‌కే పరిమితమయ్యారు. దీంతో భారత్ 48.5 ఓవర్లలో 330 పరుగులు చేసి ఆలౌట్ అయింది. ఐసిసి వన్డే ప్రపంచకప్‌లో ఇదే అత్యధిక స్కోర్ కావడం విశేషం. ఆసీస్ బౌలింగ్‌లో అన్నాబెల్ సదర్లాండ్ 5, సోఫీ మోలినెక్స్ 3, మేగాన్ స్కట్, ఆష్లీ గార్డెనర్ తలో వికెట్ తీశారు.

న్యూఢిల్లీ: రెండు టెస్ట్‌ల సిరీస్‌లో భాగంగా అరుణ్ జైట్లీ స్టేడియం వేదికగా భారత్-వెస్టిండీస్ మధ్య జరుగుతున్న రెండో టెస్ట్ మ్యాచ్ మూడో రోజు ఆట ముగిసింది. ఈ మ్యాచ్‌లో తొలుత భారత్ 518/5 వద్ద ఇన్నింగ్స్ డిక్లేర్డ్ చేసిన విషయం తెలిసిందే. అయితే తొలి ఇన్నింగ్స్‌లో భారత స్పిన్నర్లు కుల్దీప్ (5 వికెట్లు), జడేజా (3 వికెట్లు) చెలరేగిపోవడంతో వెస్టిండీస్ 248 పరుగులకే ఆలౌట్ అయింది. దీంతో వెస్టిండీస్ 270 పరుగులు వెనుకంజలో ఉండి ఫాలోఆన్ నుంచి తప్పించుకోలేకపోయింది.

అయితే రెండో ఇన్నింగ్స్‌లోనూ వెస్టిండీస్ 35 పరుగులకే రెండు వికెట్లు కోల్పోయింది. ఓపెనర్ చంద్రపాల్ (20) సిరాజ్ బౌలింగ్‌లో, అలిక్ అతాంజే (7) సుందర్ బౌలింగ్‌లో పెవిలియన్ చేరారు. దీంతో మూడో రోజే విండీస్ ఆలౌట్ అవుతుందని అంతా భావించారు. కానీ, ఓపెనర్ జాన్ క్యాంప్‌బెల్, షాయ్ హోలు కలిసి వీరోచితంగా పోరాడారు. వికెట్ కాపాడుకుంటూ స్కోర్‌ని పెంచుతూ బ్యాటింగ్ చేశారు. ఈ క్రమంలో ఇరువురు అర్థ శతకాలు సాధించారు. దీంతో మూడో రోజు ఆట ముగిసే సమయానికి వెస్టిండీస్ 49 ఓవర్లలో 2 వికెట్లు నష్టపోయి 173 పరుగులు చేసింది. దీంతో వెస్టిండీస్ ఇంకా 97 పరుగుల వెనుకంజలో ఉంది. క్రీజ్‌లో క్యాంప్‌బెల్ (87), హోప్ (66) ఉన్నారు.

విశాఖ: ఐసిసి మహిళ వన్డే ప్రపంచకప్‌లో భాగంగా విశాఖలోని ఎసిఐ-విడిసిఎ క్రికెట్ స్టేడియం వేదికగా ఆస్ట్రేలియాతో టీం ఇండియా తలపడుతోంది. ఈ మ్యాచ్‌లో ఆస్ట్రేలియా టాస్ గెలిచి బౌలింగ్ ఎంచుకుంది. దీంతో తొలుత బ్యాటింగ్‌కు దిగిన భారత్‌కు ఓపెనర్లు స్మృతి మంధన, ప్రతీక రావల్‌లు శుభారంభం అందించారు. తొలి వికెట్‌కి 155 పరుగులు జోడించారు. ఈ క్రమంలో ఇరువురు ఓపెనర్లు హాఫ్ సెంచరీలు సాధించారు. అంతేకాక.. స్మృతి ఈ మ్యాచ్‌లో వన్డేల్లో ఐదు వేల పరుగుల మైలురాయిని కూడా చేరుకుంది. అంతేకాక.. ఒక క్యాలెండర్ ఇయర్‌లో 1000 పరుగులు పూర్తి చేసిన తొలి మహిళ క్రికెటర్‌గా రికార్డుల్లోకెక్కింది. అయితే సోఫీ మోలినెక్స్ వేసిన 24వ ఓవర్ మూడో బంతికి స్మృతి (80) క్యాచ్ ఔట్ రూపంలో వెనుదిరిగింది. దీంతో 29 ఓవర్లు ముగిసేసరికి భారత్ 1 వికెట్ నష్టానికి 183 పరుగులు చేసింది. క్రీజ్‌లో ప్రతీక (73), హర్లిన్ (14) ఉన్నారు.

ప్రస్తుతం జరుగుతున్న వెస్టిండిస్‌ సిరీస్‌లో భారత్‌కు కెప్టెన్‌గా శుభ్‌మాన్ గిల్ వ్యవహరిస్తుండగా.. వైస్ కెప్టెన్‌గా సీనియర్ ఆటగాడు రవీంద్ర జడేజాకు బాధ్యతలు అప్పగించారు. వికెట్ కీపర్, బ్యాట్స్.‌మెన్ రిషబ్ పంత్‌కి గాయం కావడంతో జడేజాకు ఈ అవకాశం వచ్చింది. రండో వన్డే మొదటి ఇన్నింగ్స్‌లో బ్యాటింగ్ చేసే అవకాశం రాకపోయినా.. బౌలింగ్‌లో సత్తా చాటాడు. తొలి ఇన్నింగ్స్‌లో మూడు కీలకమైన వికెట్లు తీశాడు. మరోవైపు రిటైర్‌మెంట్‌కి ముందు టిం ఇండియాకు కెప్టెన్సీ (టెస్టుల్లో) చేసే అవకాశం ఉందా? అని మ్యాచ్ అనంతరం నిర్వహించిన ప్రెస్ కాన్ఫరెన్స్‌లో జడేజాను ప్రశ్నించారు.

అయితే ఈ ప్రశ్నకు గతంలోనే సమాధానం చెప్పానని జడేజా అన్నాడు. ‘‘గతంలోనే ఈ ప్రశ్నపై నేను స్పందించాడు. ఇప్పుడు పైస్ కెప్టెన్‌ కావడంతో అడుగుతున్నారు. కానీ, నాకు మాత్రం ఎలాంటి ఆలోచనే లేదు. గతంలో ఉండేది. అయితే ఇప్పుడు సమయం దాటిపోయింది. నా దృష్టంగతా మారింత కాలం జట్టుకు ప్రాతినిథ్యం వహించడంపైనే. విండీస్ సిరీస్‌లోనూ పిచ్‌ను బట్టే బౌలింగ్‌లో మార్పులు చేసుకున్నా. బ్యాటింగ్, బౌలింగ్‌తో జట్టుకు ప్రయోజనం కలిగిస్తే చాలని అనుకుంటున్నా.. అంతేకానీ, కెప్టెన్సీ లేదా వైస్ కెప్టెన్సీ గురించి ఆలోచన లేదు’’ అని జడేజా తెలిపాడు.

న్యూఢిల్లీ: వెస్టిండీస్‌తో జరుగుతున్న రెండో టెస్ట్ మ్యాచ్‌లో భారత ఓపెనర్ యశస్వీ జైస్వాల్ అద్భుత ప్రదర్శన చేశాడు. అదిరిపోయే ఫామ్‌లో ఉన్న అతడు సెంచరీ సాధించి తన సత్తా నిరూపించుకున్నాడు. అయితే దాన్ని డబుల్ సెంచరీగా మార్చడంలో మాత్రం విఫలమయ్యాడు. 175 పరుగుల వద్ద రనౌట్ అయ్యాడు. రెండో రోజు ఆట అనంతరం అతడు మాట్లాడుతూ.. రనౌట్ కావడంలో ఆటలో భాగమే అని.. అందుకు తనకు ఎలాంటి బాధ లేదని పేర్కొన్నాడు. ఈ క్రమంలో జైస్వాల్‌పై ప్రశంసల జల్లు కురుస్తోంది. టీం ఇండియా క్రికెట్ దిగ్గజం సునీల్ గవాస్కర్ కూడా జైస్వాల్‌ని తనదైన శైలీలో కొనియాడారు.

సాధారణంగా టెస్టుల్లో సెంచరీ చేస్తే.. దాన్ని డాడీ హండ్రెడ్స్ అని అంటారు. అయితే జైస్వాల్ చేసిన సెంచరీ తనకు గ్రాండ్‌డాడీ హండ్రెడ్స్డ్‌తో సమానమని అన్నారు. రెండో రోజు ఆట ముగిసిన తర్వాత జైస్వాల్‌తో గవాస్కర్ చిట్‌చాట్ చేశారు. ఈ సందర్భంగా హర్ష భోగ్లే మాట్లాడుతూ ‘‘అద్భుతంగా ఆడావు. నీ బ్యాటింగ్‌ను మేమంతా ఆస్వాదించాం. ఇన్నింగ్స్ ఎలా ముగిసిందనేది పట్టించుకోవద్దు. నీ ఆటను చూడటం చాలా బాగుంది’’ అని అన్నాడు. అనంతరం గవాస్కర్ స్పందిస్తూ.. ‘‘హర్షా చెప్పిన మాటలకు నేను మరికొంత సమాచారం యాడ్ చేస్తున్నాడు. ఇలాగే ముందుకు సాగాలి. సెంచరీలు చేస్తూనే ఉండు. డాడీ హండ్రెడ్స్‌తో ఆగిపోవద్దు. వాటిని భారీ ఇన్నింగ్స్‌లుగా మార్చు. ఇప్పుడు నేను గ్రాండ్‌ఫాదర్‌ను. కాబట్టి నువ్వు చేసిన వాటిని గ్రాండ్‌డాడీ హండ్రెడ్స్‌గా భావిస్తా’’ అని పేర్కొన్నారు. దీనికి జైస్వాల్ స్పందిస్తూ ‘థాంక్యూ సర్’ అని అన్నాడు.

ఢిల్లీ: అరుణ్ జైట్లీ స్టేడియంలో భారత్-వెస్టిండీస్ మధ్య రెండో టెస్టు తొలి ఇన్నింగ్స్ మూడో రోజు విండీస్ జట్టు 81.5 ఓవర్లలో 248 పరుగులు చేసి ఆలౌటైంది. ప్రస్తుతం భారత జట్టు 270 పరుగుల ఆధిక్యంలో ఉంది. రవీంద్ర జడేజా, కుల్దీప్ యాదవ్ స్పిన్ మాయాజాలంలో పడి విండీస్ విలవిలలాడిపోయింది. విండీస్ బ్యాట్స్‌మెన్లలో ఒక్కరూ కూడా హాఫ్ సెంచరీ చేయలేదు. విండీస్ బ్యాట్స్‌మెన్లలో అలిక్ అతాంజే(41), చంద్రపాల్(34), సాయి హోప్(36), అండర్సన్ ఫిలీప్(24) నాటౌట్, ఖరీ పీరీ(23),  టెవిన్ ఇమ్లాచ్(21), జస్టిన్ గ్రీవ్స్(18), జయదీన్ సీల్స్(13) క్యాంప్ బెల్(10) పరుగులు చేయగా మిగిలిన బ్యాట్స్‌మెన్లు సింగిల్ డిజిట్‌కే పరిమితమయ్యారు. చివరలో టెయిలెండర్లు ఆదుకోవడంతో విండీస్ గౌరవ ప్రదమైన పరుగులు చేసింది. భారత బౌలర్లలో కుల్దీప్ యాదవ్ ఐదు వికెట్లు, రవీంద్ర జడేజా మూడు, జస్ప్రీత్ బుమ్రా, సిరాజ్ చెరో ఒక వికెట్ తీశారు. ఇప్పటికే ఈ సిరీస్‌లో భారత్ తొలి టెస్టు గెలిచి ముందంజలో ఉంది.

ఢిల్లీ: అరుణ్ జైట్లీ స్టేడియంలో భారత్-వెస్టిండీస్ మధ్య జరుగుతున్న రెండో టెస్టు తొలి ఇన్నింగ్స్ మూడో రోజు విండీస్ 58 ఓవర్లలో ఎనిమిది వికెట్లు కోల్పోయి 177 పరుగులతో ఆటను కొనసాగిస్తోంది. ప్రస్తుతం భారత్ 341 పరుగుల ఆధిక్యంలో ఉంది. కుల్దీప్ యాదవ్, రవీంద్ర జడేజా బౌలింగ్‌లో విండీస్ బ్యాట్స్‌మెన్లు విలవిలలాడిపోయారు. విండీస్ బ్యాట్స్‌మెన్లలో ఏ ఒక్కరూ కూడా హాఫ్ సెంచరీ చేయలేదు. విండీస్ బ్యాట్స్‌మెన్లలో అలిక్ అతాంజే(41), చంద్రపాల్(34), సాయి హోప్(36), టెవిన్ ఇమ్లాచ్(21), జస్టిన్ గ్రీవ్స్(18), మిగిలిన బ్యాట్స్‌మెన్లు సింగిల్ డిజిట్‌కే పరిమితమయ్యారు. భారత బౌలర్లలో కుల్దీప్ యాదవ్ నాలుగు వికెట్లు, రవీంద్ర జడేజా మూడు వికెట్లు, సిరాజ్ ఒక వికెట్ తీశాడు. 

గిల్ అజేయ శతకం, భారత్ 518/5 డిక్లేర్డ్

జడేజా మ్యాజిక్.. విండీస్ 140/4

న్యూఢిల్లీ: వెస్టిండీస్‌తో ఢిల్లీ వేదికగా జరుగుతున్న రెండో, చివరి టెస్టులో ఆతిథ్య టీమిండియా పైచేయి సాధించింది. భారత్ మొదటి ఇన్నింగ్స్‌లో 134.2 ఓవర్లలో 518 పరుగులు చేసి డిక్లేర్డ్ చేసింది. తర్వాత తొలి ఇన్నింగ్స్ చేపట్టిన విండీస్ శనివారం రెండో రోజు ఆట ముగిసే సమయానికి 43 ఓవర్లలో 4 వికెట్ల నష్టానికి 140 పరుగులు చేసింది. టీమిండియా తొలి ఇన్నింగ్స్ స్కోరును అందుకోవాలంటే విండీస్ మరో 378 పరుగులు చేయాలి. మొదటి ఇన్నింగ్స్ కరీబియన్ టీమ్‌కు ఆశించిన స్థాయిలో శుభారంభం దక్కలేదు. ఓపెనర్ జాన్ క్యాంప్‌బెల్ 2 ఫోర్లతో 10 పరుగులు చేసి ఔటయ్యాడు. అయితే వన్‌డౌన్‌లో వచ్చిన అలిక్ అతనాజెతో కలిసి మరో ఓపెనర్ త్యాగ్‌నారాయణ్ చందర్‌పాల్ ఇన్నింగ్స్‌ను కుదుట పరిచేందుకు ప్రయత్నించాడు. ఇద్దరు కలిసి భారత బౌలర్లను దీటుగా ఎదుర్కొంటూ ముందుకు సాగారు.

భారీ షాట్ల జోలికి వెళ్లకుండా జాగ్రత్తగా బ్యాటింగ్ చేశారు. ఈ జోడీని విడగొట్టేందుకు భారత బౌలర్లు దాదాపు 20 ఓవర్ల పాటు నిరీక్షించక తప్పలేదు. అయితే 67 బంతుల్లో 4 ఫోర్లు, సిక్స్‌తో 34 పరుగులు చేసిన చందర్‌పాల్‌ను జడేజా ఔట్ చేశాడు. దీంతో 66 పరుగుల రెండో వికెట్ పార్ట్‌నర్‌షిప్‌కు తెరపడింది. కొద్ది సేపటికే అలిక్ అతనాజె కూడా పెవిలియన్ చేరాడు. కీలక ఇన్నింగ్స్ ఆడిన అలిక్ ఐదు బౌండరీలు, ఓ సిక్సర్‌తో 41 పరుగులు చేసి పెవిలియన్ చేరాడు. ఇక కెప్టెన్ రోస్టన్ ఛేజ్ ఖాతా తెరవకుండానే ఔటయ్యాడు. ఈ వికెట్‌ను జడేజా పడగొట్టాడు. ఆట ముగిసే సమయానికి షాయ్ హోప్ ఐదు బౌండరీలతో 31 పరుగులు చేసి క్రీజులో ఉన్నాడు. అతనికి వికెట్ కీపర్ టెవిన్ ఇమ్లాచ్ (14) బ్యాటింగ్ అండగా నిలిచాడు. భారత బౌలర్లలో జడేజా మూడు వికెట్లను పడగొట్టాడు.

గిల్ కెప్టెన్సీ ఇన్నింగ్స్..

అంతకుముందు 318/2 ఓవర్‌నైట్ స్కోరుతో శనివారం తిరిగి బ్యాటింగ్ చేపట్టిన టీమిండియాకు ఆరంభంలోనే షాక్ తగిలింది. యువ ఓపెనర్ యశస్వి జైస్వాల్ రెండో రోజు ఆటలో ఎక్కువ సేపు క్రీజులో నిలువలేక పోయాడు. 258 బంతుల్లో 22 ఫోర్లతో 175 పరుగులు చేసి రనౌట్‌గా వెనుదిరిగాడు. కెప్టెన్ గిల్‌తో సమన్వయం లోపించడంతో యశస్వి పెవిలియన్ చేరక తప్పలేదు. దీంతో డబుల్ సెంచరీ సాధిస్తాడని భావించిన యశస్వికి నిరాశే మిగిలింది. ఆ తర్వాత ఇన్నింగ్స్‌ను ముందుకు తీసుకెళ్లే బాధ్యతను కెప్టెన్ గిల్ తనపై వేసుకున్నాడు. అతనికి నితీశ్ కుమార్ రెడ్డి అండగా నిలిచాడు. ఇద్దరు సమన్వయంతో ఆడుతూ ఇన్నింగ్స్‌ను కుదుట పరిచారు. ఈ జోడీని విడగొట్టేందుకు విండీస్ బౌలర్లు తీవ్రంగా శ్రమించాల్సి వచ్చింది. ఇక ధాటిగా ఆడిన నితీశ్ 54 బంతుల్లో 4 ఫోర్లు, రెండు సిక్సర్లతో 43 పరుగులు చేశాడు. అనంతరం వచ్చిన ధ్రువ్ జురెల్ కూడా గిల్‌కు సహకారం అందించాడు. అతని అండతో గిల్ స్కోరును ముందుకు నడిపించాడు. కెప్టెన్సీ ఇన్నింగ్స్ ఆడిన గిల్ 16 ఫోర్లు, రెండు సిక్స్‌లతో 129 పరుగులు చేసి నాటౌట్‌గా నిలిచాడు. ఇక వికెట్ కీపర్ ధ్రువ్ జురెల్ 5 ఫోర్లతో 44 పరుగులు చేసి రోస్టన్ ఛేజ్ బౌలింగ్‌లో క్లీన్ బౌల్డ్ అయ్యాడు. ఆ వెంటనే గిల్ ఇన్నింగ్స్‌ను డిక్లేర్డ్ చేశాడు.

ముంబయి: టీమిండియా ఆల్ రౌండర్ హార్ధిక్ పాండ్యా ఓ నటితో ప్రేమలో పడ్డాడు. గత కొన్ని రోజుల నుంచి ఇద్దరు చెట్టాపట్టాలేసుకొని తిరుగుతున్నారు. నటి, మోడల్ మహీకా శర్మతో పాండ్యా కలిసి తిరుగుతున్న ఫొటోలు సోషల్ మీడియాలో వైరల్‌గా మారాయి. మహీకాతో సన్నిహితంగా ఉన్న ఫొటోలు, వీడియోలు హార్థిక్ తన ఇన్‌స్టాలో పోస్టు చేశాడు. ఆసియా కప్ టి20లో హార్ధిక్ పాండ్యా గాయపడడంతో విశ్రాంతి తీసుకుంటున్నాడు. ఇప్పుడే గాయం నుంచి కోలుకుంటున్నాడు. ఆస్ట్రేలియాలో జరిగే వన్డే సిరీస్‌కు అతడు ఎంపిక కాలేదు. మొదటి భార్య నటాషా స్టన్‌కోవిచ్‌తో హార్ధిక్ పాండ్యా విడాకులు తీసుకున్న విషయం తెలిసిందే. ఈ దంపతులకు ఒక పాప కూడా ఉంది.

న్యూఢిల్లీ: వెస్టిండీస్‌తో జరుగుతున్న రెండో టెస్ట్‌ మ్యాచ్‌లో యువ క్రికెటర్ యశస్వీ జైస్వాల్ తృటిలో డబుల్ సెంచరీ చేసే అవకాశాన్ని చేజార్చుకున్నాడు. 175 పరుగుల వద్ద రనౌట్ అయ్యాడు. నాన్ స్ట్రైకర్‌లో ఉన్న శుభ్‌మాన్ గిల్‌తో సమన్వయ లోపం కారణంగా రనౌట్ అయ్యాడు. ఆ తర్వాత ఎంతో అసహనంతో మైదానాన్ని వీడాడు. జైస్వాల్ రనౌట్ పట్ల సోషల్‌మీడియాలో గిల్‌పై విమర్శలు కూడా వచ్చాయి. అయితే రెండో రోజు ఆట ముగిసిన తర్వాత తన రనౌట్‌పై జైస్వాల్ స్పందించాడు.

‘‘నేనెప్పుడూ నాకు వీలైనంత ఎక్కువసేపు ఆడేందుకు ప్రయత్నిస్తాను. రనౌట్లు అనేవి ఆటలో భాగం. పెద్దగా పట్టించుకోవాల్సిన అవసరం లేదు. ఈ రోజు ఆట ప్రారంభంలో పిచ్ కొంచెం బౌలింగ్‌కు అనుకూలించింది. ఒక గంట క్రీజ్‌లో నిలదొక్కుకుంటే ఆ తర్వాత తేలిగ్గా పరుగులు వస్తాయని భావించా. నేను ఏం చేయగలను. జట్టు లక్ష్యాలేంటి అని ఎప్పుడూ ఆలోచిస్తూ ఉంటా. వీలైనంత ఎక్కువ సమయం బ్యాటింగ్ చేయడంపై దృష్టిపెడతా. ఇప్పుడు పిచ్ బౌలింగ్‌కు అనుకూలిస్తోంది. మా బౌలర్లు బాగా బౌలింగ్ చేస్తున్నారు. సాధ్యమైనంత తొందరగా విండీస్‌ను ఆలౌట్ చేసేందుకు ప్రయత్నిస్తాం’’ అని జైస్వాల్ అన్నాడు.