Breaking News,క్రీడలు,తాజా వార్తలు

కాబూల్: పాకిస్థాన్ వైమానిక దాడిలో ముగ్గురు ఆఫ్ఘాన్ క్రికెటర్లతో  పాటు మొత్తం ఎనిమిది మంది మృతి చెందారు. ఆప్ఘానిస్థాన్ లోని ప్రావిన్స్‌లో పాకిస్తాన్‌ వైమానిక దాడి చేయడంతో ఎనిమిది మంది చనిపోయారు. పాక్, శ్రీలంకతో ట్రైసిరీస్ ఆడేందుకు వెళ్తుండగా ఈ దాడి జరిగింది. మృతి చెందిన క్రికెటర్లు కబీర్, సిబాతుల్లా, హరూన్‌గా ఆప్ఘాన్ క్రికెట్ బోర్డు అధికారులు వెల్లడించారు. విమానంలో క్రికెటర్లు ఉర్ఘున్ నుంచి షారానా వెళ్తుండగా ఈ ప్రమాదం చోటుచేసుకుంది. ఈ ఘటనపై ఆప్ఘనిస్థాన్ క్రికెట్ బోర్డు దిగ్భ్రాంతి వ్యక్తం చేసింది. ఈ సంఘటనపై ఆప్ఘానిస్థాన్ క్రికెటర్ రషీద్ ఖాన్ దిగ్భ్రాంతి వ్యక్తం చేశారు. పాకిస్థాన్ వైమానిక దాడిలో కన్నుమూసిన పౌరుల కుటుంబాలకు ప్రగాఢ సానుభూతి తెలియజేస్తున్నానని ఆఫ్ఘాన్ బౌలర్ రషీద్ ఖాన్ తెలిపారు. ఇది అత్యంత విషాదకరమైన ఘటన అని, పాకిస్థాన్ చేసిన దాడి అత్యంత హేయమైన, అనాగరిక చర్య అని మండిపడ్డారు. ఈ దాడిలో మహిళలు, పిల్లలు, క్రికెటర్లు మరణించడం అనేది చాలా బాధాకరమైన విషయమన్నారు. యువ క్రికెటర్ల లక్ష్యం నెరవేరకుండా జీవితం ముగిసిందని బాధను వ్యక్తం చేశారు. మానవ హక్కులకు తీవ్ర విఘాతం కలిగించిన దాడిని ప్రతి ఒక్కరూ ఖండించాలన్నారు. పాకిస్థాన్‌తో తలపడబోయే ట్రై సిరీస్‌తో తాము పాల్గొనబోమని వెల్లడించారు. ఆట కంటే దేశ సమగ్రత ముఖ్యమని రషీద్ ఖాన్ చెప్పారు. 

ఇటీవలే ఆసియాకప్‌ విజేతగా నిలిచిన భారత్… ఆస్ట్రేలియా గడ్డపై ఆసీస్‌తో తలపడేందుకు సిద్ధమవుతోంది. అయితే ఈ సిరీస్‌లో దాదాపు 7 నెలల గ్యాప్ తర్వాత విరాట్ కోహ్లీ, రోహిత్ శర్మలు మళ్లీ బ్యాట్ పట్టనున్నారు. దీంతో ఈ సిరీస్ కోసం అభిమానులు ఎదురుచూస్తున్నారు. ముఖ్యంగా ఈ ఇద్దరు స్టార్లు.. 2027 ప్రపంచకప్ వరకూ జట్టులో కొనసాగాలని అంతా కోరుకుంటున్నారు. ఈ విషయంపై చీఫ్ సెలక్టర్ అజిత్ అగార్కర్ తాజాగా స్పందించారు. ప్రపంచకప్‌కి ఇంకా చాలా సమయం ఉందని.. ఇప్పుడే దాని గురించి ఆలోచించేది లేదని ఆయన అన్నారు.

‘‘ప్రస్తుతం భారత్.. ఆస్ట్రేలియా పర్యటనలో ఉంది. ఈ టీంలో రోహిత్, విరాట్ సభ్యులు. వారిద్దరూ అద్భుత ఆటగాళ్లను చాలాసార్లు చెప్పాను. జట్టుకు ఏది ముఖ్యమో అదే చేస్తాం. వన్డే ప్రపంచకప్‌కి ఇంకా రెండు సంవత్సరాల టైం ఉంది. అప్పుడు పరిస్థితులు ఎలా ఉంటాయో ఇప్పుడే చెప్పలేము. ఇది కేవలం వారిద్దరి విషయంలోనే కాదు.. కుర్రాళ్లకు వర్తిస్తుంది. ఇప్పటికే పరుగుల పరంగానే కాకుండా చాలా ట్రోఫీలు గెలిచిన చరిత్ర వారిద్దరికి ఉంది. ఒక్క సిరీస్‌లో పరుగులు చేయనంత మాత్రాన పక్కన పెట్టేది లేదు. అలా అని భారీగా రన్స్ చేసినా వరల్డ్ కప్ గురించి ఇప్పుడే ఆలోచించేది లేదు. మాకు కొన్ని ఆలోచనలు ఉన్నాయి’’ అని అగార్కర్ అన్నారు.

ఆస్ట్రేలియాతో పరిమిత ఓవర్ల సిరీస్‌లో తలపడేందుకు టీం ఇండియా ఆ దేశానికి వెళ్లింది. ప్రపంచ క్రికెట్ అభిమానులంతా ఈ సిరీస్‌ కోసం ఎదురుచూస్తున్నారు. ముఖ్యంగా చాలా గ్యాప్‌ తర్వాత స్టార్ ఆటగాళ్లు విరాట్ కోహ్లీ, రోహిత్ శర్మ‌లు ఆడుతున్న సిరీస్ ఇది కావడంతో ఇది మరింత ప్రాధాన్యత సంతరించుకుంది. అయితే ఈ సిరీస్‌ కోసం జట్లను ఎంపిక చేసిన విషయంలో సెలక్టర్లపై చాలానే విమర్శలు వచ్చాయి. అందులో సంజూ శాంసన్‌ని వన్డే జట్టులో ఎంపిక చేయకపోవడం ఒకటి. అయితే తాజా ఈ విషయంపై ఆసీస్ దిగ్గజ బ్యాట్స్‌మెన్ డేవిడ్ వార్నర్ స్పందించాడు. సంజూ శాంసన్, రింకూ సింగ్‌లపై ప్రశంసలు కురిపించాడు.

సంజూ, రింకూలు జట్టులో తమ స్థానం సుస్థిరం చేసుకునేందుకు పెద్ద పోరాటమే చేయాల్సి వచ్చిందని పేర్కొన్నాడు. ‘‘టిం ఇండియా టి-20 జట్టులో తమ స్థానం పదిలం చేసుకొనేందుక సంజూ, రింకూలు చాలా కష్టపడ్డారు. ఐపిఎల్‌లో అద్భుత ప్రదర్శనలు చేశారు. ముఖ్యంగా రింకూ ఐపిఎల్ చరిత్రలోనే అత్యుత్తమ ఫినిషర్‌గా పేరు తెచ్చుకున్నాడు. భారత్‌లో ఇప్పటికే ఎందరో వరల్డ్‌క్లాస్ ప్లేయర్లు ఉన్నారు. ఇప్పుడు ఫియల్‌లెస్ యంగ్‌స్టర్లు కూడా వచ్చేశారు. ఇది భారత క్రికెట్‌కి శుభపరిణామం. ఆస్ట్రేలియాకు ఈ యువ ఆటగాళ్ల రూపంలో కఠిన సవాలు ఎదురుకానుంది. ఈ సిరీస్ ఆస్ట్రేలియాకు అగ్ని పరిక్ష వంటిది. మెల్‌బోర్న్‌ క్రికెట్‌ గ్రౌండ్‌లో తొంభై వేల ప్రేక్షకుల సమక్షంలో మ్యాచ్‌ ఎలా ఉండబోతుందో చూసేందుకు నేను ఆసక్తిగా ఉన్నాను’’ అని వార్నర్ అన్నాడు. అక్టోబర్ 19 నుంచి భారత్ ఆస్ట్రేలియా మధ్య మూడు వన్డేల సిరీస్, అక్టోబర్ 29 నుంచి ఐదు టి-20ల సిరీస్ జరుగనుంది.

ఇస్లామాబాద్: పాకిస్థాన్ క్రికెట్ జట్టుకు ప్రస్తుతం బ్యాడ్ టైమ్ నడుస్తోంది. లీగ్ ఏదైనా సరే చెత్త ప్రదర్శనలతో విమర్శలు ఎదురుకుంటోంది. తమ దేశం ఆతిథ్యమిచ్చిన ఛాంపియన్స్ ట్రోఫీలో లీగ్ దరశలోనే వైదొలిగిన పాక్.. కొద్ది రోజుల క్రితం జరిగిన ఆసియాకప్‌లో ఫైనల్స్ వరకూ వచ్చి భారత్ చేతిలో చిత్తయింది. దీంతో జట్టులో మార్పలు చేయాలని పాకిస్థాన్ క్రికెట్ బోడర్డు నిర్ణయం తీుకుందని తెలుస్తోంది. ముఖ్యంగా టి-20 జట్టులో ప్రస్తుత ఉన్న కెప్టెన్‌ని తప్పించి అతడి స్థానంలో మరో యువ క్రికెటర్‌కు ఆ బాధ్యతలు అప్పిగిస్తారని టాక్.

యువ క్రికెటర్ షాదాబ్ ఖాన్.. గాయం కారణంగా ఆసియా కప్‌కి దూరమయ్యాడు. అతడు తిరిగి జట్టు లోకి వచ్చేందుకు సిద్ధంగా ఉన్నాడు. ప్రస్తుతం పాక్‌కి కెప్టెన్ సల్మాన్ అఘా నాయకత్వంలో పాకిస్తాన్ 30 టి20 మ్యాచ్‌లలో 17 విజయాలు సాధించినప్పటికీ.. అతడి బ్యాటింగ్ ప్రదర్శన మాత్రం దారుణంగా పడిపోయింది. ఆసియాక‌ప్‌-2025లో 7 మ్యాచ్‌లు ఆడిన అఘా.. 12 స‌గ‌టుతో 72 ప‌రుగులు చేశాడు. దీంతో సల్మాన్‌ని కెప్టెన్సీ నుంచి తప్పించి.. షాదాబ్‌కు ఆ బాధ్యతలు ఇవ్వాలని పిసిబి భావిస్తోందట. 

పెర్త్: భారత్-ఆస్ట్రేలియాల మధ్య వన్డే సిరీస్ మరో రెండు రోజుల్లో ప్రారంభం కానుంది, తొలుత వన్డేల్లో, ఆ తర్వాత టి-20 సిరీస్‌లలో ఇరు జట్లు తలపడనున్నాయి. ఇప్పటిక టీం ఇండియాలోని కొందరు ఆటగాళ్లు ఆస్ట్రేలియాకు చేరుకొని.. ప్రాక్టీస్ ప్రారంభించారు. మరో వైపు ఆస్ట్రేలియా కూడా భారత్‌కు గట్టి పోటీ ఇఛ్చేందకు రెడీ అవుతోంది. ఈ నేపథ్యంలో తొలి వన్డేకు ముందు ఆస్ట్రేలియాకు అనుకొని షాక్ తగిలింది.

ఆష్ట్రేలియా ఆల్ రౌండర్ కామెరాన్ గ్రీన్ వన్డే సిరీస్‌కి దూరమయ్యాడు. కొంతకాలంగా వెన్ను గాయంతో గ్రీన్ 12 నెలల పాటు క్రికెట్‌కి దూరమయ్యాడు. ఈ ఏడాది ఫిబ్రవరిలో గ్రీన్ మళ్లీ జట్టులో చోటు సంపాదించుకున్నాడు. కానీ, ఆ సిరీస్‌లో అతడి కేవలం స్పెషలిస్ట్ బ్యాటర్‌గా మాత్రమే ఆడాడు. దీంతో ఇప్పుడు బౌలింగ్‌లో తన సత్తా చాటాలనేరు ఉద్దెశ్యంతో నెట్స్‌లో ప్రాక్టీస్ చేశాుడు. ఈ క్రమలో మరోసారి అడుతుండగా.. అతనికి మళ్లీ గాయమైంది. దీంతో అతడిని వన్డే సిరీస్‌ నుంచి తప్పించారు. గ్రీన్ స్థానంల మార్నస్ లాబుషేన్‌ని క్రికెట్ ఆస్ట్రేలియా జట్టులోకి తీసుకుంది.

క్రికెట్‌ ప్రపంచంలో అత్యంత ఫిట్‌నెస్ కలిగిన ఆటగాళ్లలో విరాట్ కోహ్లీ ప్రథమ స్థానంలో ఉంటాడు. ఎలాంటి పరిస్థితులో అయినా చిరుతలా వేగంగా పరుగులు తీస్తాడు కోహ్లీ. అతడి పరుగు చూసి ప్రత్యర్థులు సైతం ఫిదా కావాల్సిందే. కాగా, చివరిగా ఛాంపియన్స్ ట్రోఫీలో ఆడిన విరాట్.. త్వరలో జరగబోయే ఆస్ట్రేలియా సిరీస్‌కి రెడీ అవుతున్నాడు. ఇప్పటికే ఆసీస్‌కు చేరుకొని అక్కడ సాధన ప్రారంభించాడు. ఈ సందర్భంగా కోహ్లీ ఫిట్‌నెస్ గురించి ఆసీస్ వెటరన్ పేసర్ కేన్ రిచర్డ్‌సన్ ఆసక్తికర విషయాలు గుర్తు చేసుకున్నాడు. 2017లో కోల్‌కతాలో ఆసీస్‌తో జరిగిన మ్యాచ్‌లో భారత్ విజయం సాధించడంలో కోహ్లీ కీలక పాత్ర పోషించాడు. ఆ రోజు కోహ్లీ ఫిట్‌నెస్ చూసి ఆశ్చర్యమేసిందని రిచర్డ్‌సన్ పేర్కొన్నాడు.

‘‘కోల్‌కతాలో జరిగిన మ్యాచ్‌ నాకు ఇప్పటికీ గుర్తుంది. ఆ రోజు వాతావరణం చాలా వేడిగా ఉంది. మ్యాథ్యూ వేడ్ కీపింగ్ చేస్తున్నాడు. నేను మైదానంలోకి అడుగుపెట్టే సమయానికి అతడు చెమటలతో తడిసిపోయాడు. ప్యాట్ కమ్మిన్స్ కూలర్ బాక్స్ వద్ద కూర్చున్నట్లు గుర్తు. జంపా అతడికి డ్రింక్ అందిస్తుండగా.. ఎవరో బౌల్‌లోకి పరిగెత్తుతున్నారని అన్నాను.. ప్యాటీ.. బౌలర్ లోపలికి పరిగెత్తుతున్నాడని జంపా కూడా అన్నాడు. ప్యాటీ మాత్రం తనకు తెలుసు అన్నట్లుగా కూర్చొని ఉండిపోయాడు. అక్కడి వాతావరణం అంత వేడిగా ఉంది. మేమంతా చనిపోతామేమో అని భయం వేసింది. కానీ, విరాట్ మాత్రం ఎసి వేసుకొని త్రెడ్ మిల్‌ మీద పరగెడుతున్నట్లుగా సింగిల్స్, డబుల్స్ తీస్తున్నాడు. మీకు డౌట్ ఉంటే ఆ మ్యాచ్ వీడియో ఫుటేజీలను గమనించండి. ఐస్‌తో కూడిన నెక్లెస్‌లు వేసుకున్నట్లు ఉంటారు. అందరి ముఖాలు పాలిపోయి ఉంటాయి. ఎవరూ మాట్లాడుకోరు. వికెట్ వచ్చిన పెద్దగా సెలబ్రేట్ చేసుకోలేదు. అసలు ఎనర్జీ లేదు. కానీ, విరాట్ పరిస్థితి పూర్తి భిన్నంగా ఉంది. పరిస్థితులు తనను ఏమీ చేయలేవు అన్నట్లుగా పరులు తీశాడు’’ అని రిచర్డ్‌సన్ తెలిపాడు. ఆ మ్యాచ్‌లో భారత్ 252 పరుగులు చేసింది. అందులో విరాటే 107 బంతుల్లో 92 పరుగులు చేశాడు. అందులో 60 పరుగులు సింగిల్స్, డబుల్స్ రూపంలో రావడం విశేషం. చివరకి ఆసీస్ 202 పరుగులకే ఆలౌట్ కావడంతో భారత్ ఈ మ్యాచ్‌లో విజయం సాధించింది.

రంజీ ట్రోఫీ బుధవారం నుంచి ప్రారంభమైన విషయం తెలిసిందే. ఈ ప్రతిష్టాత్మక దేశవాళి టోర్నమెంట్‌ని సెంచరీతో ప్రారంభించాడు యువ క్రికెటర్ ఇషాన్ కిషన్. తమిళనాడుతో జరుగుతున్న ఈ మ్యాచ్‌లో జార్ఖండ్ జట్టుకు కెప్టెన్‌గా వ్యవహరిస్తున్న కిషన్ అద్భుతంగా బ్యాటింగ్ చేస్తున్నాడు. ఈ మ్యాచ్‌లో టాస్ గెలిచిన జార్ఖండ్ జట్టు తొలుత బ్యాటింగ్ చేసేందుకు ముందుకొచ్చింది. దీంతో ఐదో స్థానంలో బరిలోకి దిగిన కిషన్ 137 బంతుల్లో 12 బౌండరీలు, 2 సిక్సుల సాయంతో సెంచరీ (101) చేశాడు. ఇషాన్‌తో పాటు బ్యాటింగ్ చేస్తున్న మరో ఆటగాడు సాహిల్ రాజ్ కూడా అర్థశతకం సాధించాడు. దీంతో తొలి రోజు ఆట ముగిసే సమయానికి జార్ఖండ్ 90 ఓవర్లలో 307 పరుగులు చేసింది. క్రీజ్‌లో కిషన్ (125), రాజ్ (64) ఉణ్నారు.

అంతకు ముందు జార్ఖండ్‌ ఇన్నింగ్స్‌లో శిఖర్‌ మోహన్‌ 10, శరన్‌దీప్‌ సింగ్‌ 48, కుమార్‌ సూరజ్‌ 3, విరాట్‌ సింగ్‌ 28, కుమార్‌ కుషాగ్రా 11, అనుకూల్‌ రాయ్‌ 12 పరుగులు చేసి ఔటయ్యారు. తమిళనాడు బౌలింగ్‌లో గుర్జప్నీత్ సింగ్ 3, డిటి చంద్రశేఖర్ 2, సందీప్ వారియర్ 1 వికెట్ తీశారు.

న్యూఢిల్లీ: వెస్టిండీస్ సిరీస్‌ని విజయవంతంగా పూర్తి చేసుకున్న భారత జట్టు ఆస్ట్రేలియాతో తలపడేందుకు సిద్ధమైంది. ఈ క్రమంలో తొలి బ్యాచ్‌లో కొంతమంది క్రికెటర్లు ఆస్ట్రేలియాలకు పయనమయ్యారు. వీరిలో వైస్ కెప్టెన్ శ్రేయస్ అయ్యర్‌తో పాటు.. స్టార్ బ్యాట్స్‌మెన్లు.. విరాట్ కోహ్లీ, రోహిత్ శర్మ కూడా ఉన్నారు. వీరితో పాటు టెస్ట్ వన్డే జట్టు కెప్టెన్ శుభ్‌మాన్ గిల్, ఓపెఓపెనర్‌ యశస్వి జైస్వాల్‌, ఆల్‌రౌండర్‌ నితీశ్‌ కుమార్‌ రెడ్డి, పేసర్లు అర్ష్‌దీప్‌ సింగ్‌, ప్రసిద్‌ కృష్ణ కూడా ఢిల్లీ విమానాశ్రయంలో కనిపించారు. కొంత మంది సహాయక సిబ్బంది కూడా వీరి వెంట ఉన్నారు. అయితే తొలి బ్యాచ్‌లో జట్టు ప్రధాన కోచ్ గౌతమ్ గంభీర్ మాత్రం వెళ్లడం లేదు. రెండో బ్యాచ్‌తో కలిసి సాయంత్రం ఆయన ఆస్ట్రేలియాకు పయనం కానున్నారు. ఇక ఆస్ట్రేలియాతో టీం ఇండియా మూడు వన్టేలు, ఐదు టి-20ల్లో తలపడనుంది. అక్టోబర్ 19 నుంచి వన్డే సిరీస్ ప్రారంభం అవుతుండగా.. అక్టోబర్ 29 నుంచి టి-20 సిరీస్ ప్రారంభం అవుతుంది.

టీం ఇండియా స్టార్ ఆటగాళ్లు విరాట్ కోహ్లీ, రోహిత్ శర్మలు ఒకరి తర్వాత ఒకరిగా అన్నట్లుగా టెస్టులు, టి-20ల నుంచి రిటైర్‌మెంట్ ప్రకటించారు. ప్రస్తుతం వీరిద్దరు వన్డే ఫార్మాట్‌లో కొనసాగుతున్నారు. త్వరలో ఆస్ట్రేలియాలో జరిగే వన్డే సిరీస్‌లో రో-కోల జోడి తమ ఆటతో అభిమానులను అలరించనున్నారు. అయితే ఈ సిరీస్‌ తర్వాత తమకు బ్యాడ్‌న్యూస్ వచ్చే అవకాశం ఉందనే సోషల్‌మీడియాలో టాక్ వినిపిస్తుంది. ఈ సిరీస్ తర్వాత రోహిత్ శర్మ, విరాట్‌లు వన్డేల నుంచి కూడా రిటైర్ అవుతారని గుసగుసలు వినిపిస్తున్నాయి.

అయితే దీనిపై బిసిసిఐ రియాక్ట్ అయింది. ఢిల్లీలో మంగళవారం బిసిసిఐ ఉపాధ్యక్షఉలు రాజీశ్‌ శుక్లా మీడియాతో మాట్లాడాడు. ఈ క్రమంలో రో- కో వన్డే రిటైర్మెంట్‌ గురించి ప్రస్తావన రాగా.. ‘‘వాళ్లిద్దరు జట్టులో ఉండటం మాకు అతిపెద్ద సానుకూలాంశం. ఇద్దరూ గొప్ప బ్యాటర్లు. వారిద్దరి సమక్షంలో టీమిండియా కచ్చితంగా ఆస్ట్రేలియాను ఓడించి తీరుతుంది. రో-కో లకు ఇదే చివరి సిరీస్‌ అనడం హాస్యాస్పదం. అసలు మేము ఈ విషయం గురించి ఆలోచించము. రిటైర్మెంట్‌ అనేది ఆటగాళ్ల వ్యక్తిగత నిర్ణయం. ఏదేమైనా రోహిత్‌- కోహ్లికు ఆసీస్‌ సిరీస్‌ ఆఖరిది అనడం తప్పు’’ అని రాజీవ్‌ శుక్లా పేర్కొన్నాడు.

హైదరాబాద్: ప్రతిష్టాత్మక దేశవాళి క్రికెట్ టోర్నమెంట్ రంజీ ట్రోఫీ‌కి తెరలేచింది. ఇందులో భాగంగా నేడు గ్రూప్-ఎ, బి, సి, డిలోని వివిధ జట్ల మధ్య మ్యాచ్‌లు జరుగుతున్నాయి. ఈ టోర్నమెంట్‌లో హైదరాబాద్ తొలి మ్యాచ్‌లో ఢిల్లీతో తలపడుతోంది. ఈ మ్యాచ్‌లో హైదరాబాద్ జట్టు టాస్ గెలిచింది. హైదరాబాద్ కెప్టెన్ తిలక్ వర్మ బౌలింగ్ ఎంచుకొని.. ఢిల్లీ జట్టును బ్యాటింగ్‌కు ఆహ్వానించాడు. ఢిల్లీ జట్టుకు ఆయుష్ బదోనీ కెప్టెన్‌గా వ్యవహరిస్తున్నాడు. మరో మ్యాచ్‌లో ఆంధ్ర జట్టు ఉత్తర్‌ప్రదేశ్‌తో తలపడుతోంది. ఈ మ్యాచ్‌లో ఆంధ్ర కెప్టెన్ రికీ భుయ్ టాస్ గెలిచి బ్యాటింగ్ ఎంచుకున్నాడు. ఉత్తర్‌ప్రదేశ్‌ని బౌలింగ్‌కి ఆహ్వానించాడు. యుపి జట్టుకు కరణ్ శర్మ కెప్టెన్సీ చేస్తున్నాడు.