Breaking News,క్రీడలు,తాజా వార్తలు

ట్రోఫీ అప్పగించాలని డిమాండ్

ముంబై: ఆసియా క్రికెట్ కౌన్సిల్ (ఎసిసి) చైర్మన్‌గా వ్యవహరిస్తున్న మోసిన్ నఖ్వీకి భారత క్రికెట్ బోర్డు (బిసిసిఐ) గట్టి వార్నింగ్ ఇచ్చింది. వెంటనే ఆసియా కప్ ట్రోఫీతో పాటు మెడల్స్‌ను అందించాలని నఖ్వీని కోరింది. ఒక వేళ ట్రోఫీని అందించకపోతే అంతర్జాతీయ క్రికెట్ మండలి (ఐసిసి) దృష్టికి తీసుకెళుతామని బిసిసిఐ హెచ్చరించింది. మొండి పట్టును వదిలి వెంటనే ట్రోఫీని అందించేందుకు చర్యలు చేపట్టాలని నఖ్వీకి సూచించింది. ఆసియా కప్‌లో టీమిండియా విజేతగా నిలిచిన సంగతి తెలిసిందే. అయితే పహల్గాం ఉగ్రదాడి నేపథ్యంలో ఆసియా క్రికెట్ కౌన్సిల్ చీఫ్‌గా కొనసాగుతున్న పిసిబి చైర్మన్ నఖ్వీ చేతుల మీదుగా ట్రోఫీని స్వీకరించేందుకు భారత ఆటగాళ్లు నిరాకరించారు. దీంతో ఈ అంశంలో తీవ్ర వివాదం నెలకొంది. ట్రోఫీ తానే అందిస్తానని నఖ్వీ పట్టుబట్టాడు. మరోవైపు టీమిండియా ఆటగాళ్లు కూడా ఎట్టి పరిస్థితుల్లోనూ నఖ్వీని చేతుల మీదుగా ట్రోఫీని అందుకునేదే లేదని తేల్చి చెప్పారు. దీంతో ఆగ్రహానికి గురైన నఖ్వీ టీమిండియాకు అందించాల్సిన ట్రోఫీతో పాటు మెడల్స్‌ను తాను బస చేసిన హోటల్‌కి తీసుకెళ్లి పోయాడు. ఇక ఆసియాకప్ ముగిసి 20 రోజులు గడిచినా నఖ్వీ భారత్‌కు ట్రోఫీని అందించలేదు. దీంతో భారత క్రికెట్ బోర్డు నఖ్వీకి తీవ్ర హెచ్చరిక జారీ చేసింది. వెంటనే ట్రోఫీతో పాటు మెడల్స్‌ను అందించాలని లేకుంటే కఠిన చర్యలు తప్పవని హెచ్చరించింది.

వరుస ఓటములతో సెమీస్ ఛాన్స్ సంక్లిష్టం!

మన తెలంగాణ/క్రీడా విభాగం: సొంత గడ్డ పై జరుగుతున్న వన్డే ప్రపంచకప్‌లో భారత మహిళా క్రికెట్ టీమ్ మెరుగైన ప్రదర్శనతో అ లరిస్తుందని భావించిన కోట్లాది మంది అభిమానులకు నిరాశే మిగిలింది. ఈ వరల్డ్‌కప్ హర్మన్‌ప్రీత్ కౌర్ సారథ్యంలోని భారత జట్టు వరుస ఓటములతో సతమతమవుతోంది. హ్యా ట్రిక్ ఓటములతో సెమీ ఫైనల్ అవకాశాలను సంక్లిష్టంగా మార్చుకుంది. సెమీస్ రేసులో ని లువాలంటే ఇకపై ఆడే రెండు మ్యాచుల్లోనూ కచ్చితంగా గెలవాల్సిన పరిస్థితి జట్టుకు నెలకొంది. చివరి మూడు మ్యాచుల్లో టీమిండి యా చేజేతులా ఓడిందని చెప్పడంలో ఎలాం టి అతిశయోక్తి లేదు. సౌతాఫ్రికా, ఆస్ట్రేలి యా, ఇంగ్లండ్ జట్లతో జరిగిన మ్యాచుల్లో గె లిచే స్థితిలో ఉండి కూడా పరాజయం పా లైంది. ఈ మ్యాచుల్లో కాస్త సంయమనంతో ఆడి ఉంటే కచ్చితంగా విజయం దక్కేది. కానీ కీలక సమయంలో ఒత్తిడి గురై పరాజయాలను మూట గట్టుకుంది. ఇంగ్లండ్‌తో జరిగిన కిందటి మ్యాచ్‌లో ఒక దశలో భారత్ అలవోకగా గెలుస్తుందని అందరూ భావించారు.

ఇంగ్లండ్ క్రికెటర్లు కూడా దాదాపు చేతులెత్తేసినట్టే కనిపించారు. అయితే కెప్టెన్ హర్మన్‌ప్రీత్ కౌర్ కీలక సమయంలో పెవిలియన్ చేరి జ ట్టును కష్టాల్లోకి నెట్టింది. హర్మన్, మంధాన బ్యాటింగ్‌ను చూస్తే టీమిండియా గెలుపు లాంఛనమే అనిపించింది. కానీ వీరిద్దరూ కొద్దిసేపు వ్యవధిలో ఔట్ కావడంతో భారత్‌కు అనూహ్య ఓటమి తప్పలేదు. సౌతాఫ్రికా, ఆ స్ట్రేలియా మ్యాచుల్లోనూ టీమిండియాకు ఇ లాంటి చేదు అనుభవమే ఎదురైంది. ఈ మ్యా చుల్లో కూడా గెలిచే స్థితిలో ఉండి కూడా పరాజయం చవిచూసింది. బ్యాటింగ్, బౌలింగ్, ఫీల్డింగ్ విభాగాల్లో టీమిండియా తన స్థాయికి తగ్గ ప్రదర్శన చేయలేక పోతోంది. కీలక సమయంలో బ్యాటర్లు, బౌలర్లు విఫలమవుతున్నారు.

వికెట్లు తీయడంలో, పరుగులు సాధించడంలో టీమిండియా క్రికెటర్లు పూర్తిగా నిరాశ పరుస్తున్నారు. దీనికి తోడు పేలవమైన ఫీల్డింగ్ కూడా జట్టు వరుస ఓటములకు ఒక కారణంగా చెప్పాలి. సొంత గడ్డపై జరుగుతున్న వరల్డ్‌కప్‌లో టీమిండియా ఈసారి ట్రోఫీ సాధించే అవకాశాలు మెరుగ్గా ఉన్నాయని విశ్లేషకులు జోస్యం చెప్పారు. కానీ భారత జట్టు పేలవమైన ప్రదర్శనతో కనీసం సెమీస్ బెర్త్‌ను దక్కించుకోవడం కూడా క్లిష్టంగా మార్చుకుంది. న్యూజిలాండ్, బంగ్లాదేశ్ జట్లతో జరిగే చివరి రెండు మ్యాచుల్లో భారీ తేడాతో విజయం సాధించడమే కాకుండా ఇతర జట్ల ఫలితాలపై ఆధారపడాల్సిన పరిస్థితి టీమిండియాకు ఏర్పడింది. ఇలాంటి స్థితిలో మిగిలిన మ్యాచులు భారత్‌కు చావోరేవోగా మారాయి. తీవ్ర ఒత్తిడి నెలకొన్న నేపథ్యంలో పటిష్టమైన న్యూజిలాండ్‌తో పోరు భారత్‌కు అతి పెద్ద సవాల్‌గా తయారైంది. గురువారం జరిగే ఈ మ్యాచ్‌లో గెలిస్తేనే హర్మన్ సేన సెమీస్ అవకాశాలు సజీవంగా ఉంటాయి. లేకుంటే నాకౌట్‌కు అర్హత సాధించడం చాలా కష్టమనే చెప్పాలి.

అడిలైడ్: భారత్ ఆస్ట్రేలియా మధ్య పెర్త్ వేదికగా జరిగిన తొలి వన్డేకి వర్షం ఆటంకం కలిగించింది. వర్షం కారణంగా మ్యాచ్ దాదాపు నాలుగు సార్లు వాయిదా పడింది. ఫలితంగా మ్యాచ్‌ని 26 ఓవర్లకు కుదించారు. దీంతో అభిమానులు నిరాశ చెందారు. అంతేకాక.. పిచ్‌పై తేమ శాతం ఎక్కువగా ఉండటంతో అది బౌలింగ్‌కి అనుకూలించి భారత్ వరుసగా వికెట్లు కోల్పోయింది. చివరకు ఆస్ట్రేలియా ఈ మ్యాచ్‌లో విజయం సాధించింది.

అయితే అడిలైడ్ వేదికగా భారత, ఆసీస్ మధ్య రెండో వన్డే గురువారం జరుగుతుంది. ప్రస్తుతం అక్కడ కూడా వర్షాలు పడుతున్నాయి. వర్షాలతో పిచ్‌పై తేమ శాతం పెరగకుండా యువి లైట్లను ఉంచుతున్నారు. పిచ్ కండిషన్ మెరుగుపర్చడానికి ఈ పద్ధతిని అనుసరిస్తున్నారు. యువి లైట్ల నుంచి వచ్చే వెలుతురు వేడితో కూడుకుని ఉంటుంది. దీంతో పిచ్‌పై తేమ శాతం తగ్గడమే కాక.. పిచ్ కాస్త పొడిగా ఉంటుంది. మరోవైపు మ్యాచ్ జరిగే రోజు వర్షం కురిసే అవకాశం లేదని అక్యూవెదర్ నివేదిక చెబుతోంది.

శ్రీలంక మహిళ జట్టు కెప్టెన్ చమరి ఆటపట్టు.. సరికొత్త చరిత్ర సృష్టించింది. వన్డేల్లో 4000 పరుగుల మార్క్‌ను అందుకున్న తొలి శ్రీలంక ఉమెన్ క్రికెటర్‌గా ఆతపట్టు రికార్డుల్లోకెక్కింది. మహిళల ప్రపంచకప్-2025లో భాగంగా బంగ్లాదేశ్‌తో జరుగుతున్న మ్యాచ్‌లో ఆటపట్టు ఈ రికార్డు సాధించింది. ఆసియాలో ఈ రికార్డును సాధించిన నాలుగో క్రికెట్‌గా నిలిచింది.

ఇక మ్యాచ్ విషయానికొస్తే.. ఆటపట్టు ఈ మ్యాచ్‌లో 43 బంతులు ఎదురుకొని 6 ఫోర్లు, 2 సిక్సులతో 46 పరుగులు చేసింది. దీంతో శ్రీలంక 202 పరుగులు చేసి ఆలౌట్ అయింది. ఆ తర్వాత బంగ్లాదేశ్‌ కూడా విజయానికి దగ్గర వరకూ వెళ్లింది. చివరి ఓవర్‌లో 9 పరుగులు అవసరం కాగా, ఆటపట్టు అద్భుతమైన బౌలింగ్‌తో బంగ్లా బ్యాటర్లను కట్టడి చేసింది. దీంతో బంగ్లాపై శ్రీలంక 7 పరుగుల తేడాతో విజయం సాధించింది.

అడిలైడ్: ఆస్ట్రేలియా పర్యటనలో భాగంగా టీం ఇండియా ఆసీస్‌తో మూడు వన్డేలు, ఐదు టి-20ల్లో తలపడనుంది. ఇందులో భాగంగా పెర్త్ వేదికగా జరిగిన తొలి వన్డేలో ఆస్ట్రేలియా విజయం సాధించింది. దీంతో 1-0 తేడాతో భారత్ వెనకంజలో ఉంది. ఈ క్రమంలో రెండు వన్డే కచ్చితంగా గెలిచి తీరాల్సిన పరిస్థితి వచ్చింది. ఇప్పటికే అడిడైల్ చేరుకున్న భారత్.. అక్కడ ముమ్మరంగా సాధన ప్రారంభించింది.

ఏడు నెలల విరామం తర్వాత మైదానంలోకి అడుగుపెట్టిన రోహిత్ శర్మ, విరాట్ కోహ్లీలు తీవ్రస్థాయిలో నిరాశపరిచారు. రోహిత్ 8 పరుగులు చేయగా, కోహ్లీ డకౌట్ అయ్యాడు. దీంతో రెండో వన్డే ఈ ఇద్దరికి కూడ కఠిన పరీక్ష కానుంది. దీంతో రెండె వన్డేలో భారత్ తిరిగి పు్ంజుకొని.. మంచి విజయం సాధించాలని అభిమానులు కోరుకుంటున్నారు. 

ప్రస్తుతం ఆస్ట్రేలియా పర్యటనలో ఉన్న టీం ఇండియా ఆతిథ్య జట్టుతో ఆడిన తొలి మ్యాచ్‌లో ఓటమిపాలైంది. ఈ మ్యాచ్‌లో ఎన్నో అంచనాలతో బ్యాటింగ్‌కి దిగిన భారత స్టార్ బ్యాటర్లు ఘోరంగా విఫలమయ్యారు. రోహత్ శర్మ (8), విరాట్ కోహ్లీ (0), శుభ్‌మాన్ గిల్ (10), శ్రేయస్ అయ్యర్ (11) స్వల్సస్కోర్‌కే ఔట్ అయ్యారు. ఐదో స్థానంలో వచ్చిన అక్షర్ పటేల్ (31), ఆరో స్థానంలో వచ్చిన కెఎల్ రాహుల్ (38) పోరాడటంతో భారత్ 26 ఓవర్లలో 9 వికెట్లు కోల్పోయి 136 పరుగులు చేసింది. ఆసీస్ ఈ లక్ష్యాన్ని (డిఎల్ఎస్ ప్రకారం) 21.1 ఓవర్లలో 131 పరుగులు చేసి చేధించింది.

అయితే ఇండియా బ్యాటింగ్ చేసిన సమయంలో తీసుకున్న ఓ నిర్ణయంపై మాజీ క్రికెటర్ కృష్ణమాచారి శ్రీకాంత్ ఆగ్రహం వ్యక్తం చేశారు. అదేంటంటే కెఎల్ రాహుల్‌ను లోవర్ ఆరో స్థానంలో బ్యాటింగ్‌కి పంపడమే. ‘‘రాహుల్, శ్రేయస్ కంటే ముందే బ్యాటింగ్‌కి రావాలి. అద్భుతంగా బ్యాటింగ్ చేసే సత్తారాహుల్‌లో ఉంది. అతన్ని మేనేజ్‌మెంట్ విస్మరిస్తోంది. అక్షర్, రాహుల్ కంటే ముందు వెళ్లడం అర్థ రహితం. అక్షర్ బాగానే ఆడాడు. కానీ అది ఇక్కడ పాయింట్ కాదు. రాహుల్ వంటి ఆటగాడు ప్లేయింగ్ 11లో ఉన్నప్పుడు అతడిసేవలను వినియోగించుకోవాలి. కచ్చితంగా రాహుల్ ఐదో స్థానంలో బ్యాటింగ్‌కు రావాలి’’ అని శ్రీకాంత్ విశ్లేషించారు.

పెర్త్: భారత్-ఆస్ట్రేలియా మధ్య జరుగుతున్న తొలి వన్డేలో టీమిండియా 16.4 ఓవర్లలో నాలుగు వికెట్లు కోల్పోయి 52 పరుగులతో పీకల్లోతు కష్టాల్లో పడింది. వర్షం పడుతుండడంతో ఆటను రెండో సారి నిలిపివేశారు. మ్యాచ్ ను 32 ఓవర్లకు కుదించారు.  రోహిత్ శర్మ ఎనిమిది పరుగులు చేసి హజిల్‌వుడ్ బౌలింగ్‌లో రెన్‌షాకు క్యాచ్ ఇచ్చి వెనుదిరిగాడు. విరాట్ కోహ్లీ మిచెల్ స్టార్క్ బౌలింగ్‌లో కూపర్‌కు క్యాచ్ ఇచ్చి పరుగులేమీ చేయకుండా డకౌట్ మైదానం వీడాడు. శుభ్‌మన్ గిల్ 10 పరుగులు చేసి నాథన్ ఎలిస్ బౌలింగ్‌లో ఫిలిప్‌కు క్యాచ్ ఇచ్చి ఔటయ్యాడు. శ్రేయస్ అయ్యర్ కూడా 11 పరుగులు చేసి హజిల్ వుడ్ బౌలింగ్ లో ఫిలిప్ప్ కు క్యాచ్ ఔటయ్యాడు. ప్రస్తుతం క్రీజులో అక్షర పటేల్(14), కెఎల్ రాహుల్(04) ఉన్నారు. 

పెర్త్: భారత్-ఆస్ట్రేలియా మధ్య జరుగుతున్న తొలి వన్డేలో టీమిండియా 11.5 ఓవర్లలో మూడు వికెట్లు కోల్పోయి 37 పరుగులతో పీకల్లోతు కష్టాల్లో పడింది. వర్షం పడుతుండడంతో కొంచె సేపు ఆటను నిలిపివేశారు. రోహిత్ శర్మ ఎనిమిది పరుగులు చేసి హజిల్‌వుడ్ బౌలింగ్‌లో రెన్‌షాకు క్యాచ్ ఇచ్చి వెనుదిరిగాడు. విరాట్ కోహ్లీ మిచెల్ స్టార్క్ బౌలింగ్‌లో కూపర్‌కు క్యాచ్ ఇచ్చి పరుగులేమీ చేయకుండా డకౌట్ మైదానం వీడాడు. శుభ్‌మన్ గిల్ 10 పరుగులు చేసి నాథన్ ఎలిస్ బౌలింగ్‌లో ఫిలిప్‌కు క్యాచ్ ఇచ్చి ఔటయ్యాడు. ప్రస్తుతం క్రీజులో శ్రేయస్ అయ్యర్(06), అక్షర పటేల్(7) పరుగులతో బ్యాటింగ్ చేస్తున్నారు. 

గడిచిన కొద్దికాలంలోనే టీం ఇండియాలో ఎన్నో మార్పులు చోటు చేసుకున్నాయి. టెస్ట్ క్రికెట్‌కి రోహిత్ శర్మ గుడ్‌బై చెప్పడంతో అతడి స్థానంలో శుభ్‌మాన్ గిల్ కెప్టెన్‌గా నియమితుడయ్యాడు. కెప్టెన్‌గా బాధ్యతలు చేపట్టిన వెంటనే ఇంగ్లండ్ సిరీస్‌ రూపంలో గిల్‌కు పెద్ద సవాలే ఎదురైంది. అయితే ఆ ప్రతిష్టాత్మక సిరీస్‌ని గిల్ 2-2 తేడాతో సమం చేసి తన సత్తా నిరూపించుకున్నాడు. తాజాగా ఆస్ట్రేలియా పర్యటనకు ముందు వన్డే కెప్టెన్సీ బాధ్యతల నుంచి రోహిత్ శర్మను తప్పించి.. ఆ బాధ్యతలు కూడా గిల్‌కే అప్పగించింది బిసిసిఐ. మరి ఆస్ట్రేలియా పర్యటనలో గిల్ కెప్టెన్సీ ఎలా ఉంటుందో చూడాలి.

అయితే అంతకు ముందే గతేడాది టి-20 ప్రపంచకప్ గెలిచిన తర్వాత టి-20 ఫార్మాట్‌కి రోహిత్ రిటైర్‌మెంట్ ప్రకటించాడు. దీంతో అతడి స్థానాన్ని సూర్యకుమార్ యాదవ్ భర్తీ చేశాడు. అయితే తాజాగా మూడు ఫార్మాట్‌లకు ఒకరే కెప్టెన్‌గా ఉంటే బాగుంటుందని చీఫ్ సెలెక్టర్ అజిత్ అగార్కర్ సంకేతాలు ఇచ్చారు. దీనిపై సూర్య తాజాగా స్పందించాడు. ‘‘గిల్ రెండు ఫార్మాట్‌లకు కెప్టెన్ కావడం సంతోషంగా ఉంది. అతడు అద్భుతంగా ఆడుతున్నాడు. అయితే, టి-20 కెప్టెన్సీ విషయంలో నేను అబద్ధం చెప్పను. ఇలాంటి పరిస్థితుల్లో ఎవరికైనా కెప్టెన్సీ చేజారుతుందనే భయం ఉంటుంది. అయితే, ఆ భయం నుంచే నన్ను నేను మరింత మెరుగుపరచుకోవాలనే ప్రేరణ కూడా వస్తుంది. మైదానం లోపల, వెలుపల గిల్‌తో నా రిలేషన్‌ అత్యద్భుతంగా ఉంది. సోదర భావంతో మెలుగుతాం’’ అని సూర్య అన్నాడు. కాగా, అక్టోబర్ 19 భారత్ ఆస్ట్రేలియాతో వన్డే సిరీస్, ఆక్టోబర్ 29 నుంచి టి-20 సిరీస్‌లో తలపడనుంది. 

ఆస్ట్రేలియా పర్యటనకు వెళ్లే టీం ఇండియా ఎంపిక మరో వివాదానికి తెరలేపింది. ఈ సిరీస్‌కు జట్టు ఎంపిక విషయంలో టీం ఇండియా పేసర్ షమీకి.. చీఫ్ సెలక్టర్ అగార్కర్ మధ్య మాటల యుద్ధం కొనసాగుతోంది. షమీ ఫిట్‌నెస్ గురించి తమ వద్ద సమాచారం లేదని మీడియా ముఖంగా అగార్కర్ వెల్లడించాడు. దీనిపై షమీ స్పందిస్తూ.. రంజీ ట్రోఫీలో మ్యాచ్‌లు ఆడేవాడిని.. వన్డేలు ఆడలేనా అని సమాధానం ఇచ్చాడు.

కాగా, షమీ వ్యాఖ్యలపై శుక్రవారం అగార్కర్ మరోసారి స్పందించాడు. ‘‘షమీ నా ముందు ఉండి ఉంటే సమాధానం ఇచ్చేవాడిని. అతడు నిజంగా ఫిట్‌గా ఉంటే.. అలాంటి బౌలర్‌ని ఎవరైనా కాదనుకుంటారా. గత ఆరు నుంచి ఎనిమిది నెలల వ్యవధిలో నేను అతడితో చాలాసార్లు మాట్లాడాను. ఫిట్‌గా లేకపోవడం వల్లే ఇంగ్లండ్ సిరీస్‌కు ఎంపిక చేయలేకపోయామని’’ అని అగార్కర్ అన్నాడు.

దీనికి షమీ ధీటుగా జవాబిచ్చాడు. ‘‘అతడు ఏం చెప్పాలనుకుంటాడో చెప్పనివ్వండి. నేను ఎలా బౌలింగ్ చేస్తున్నానో మీరే చూస్తున్నారు. నేనెంత ఫిట్‌గా ఉన్నానో.. ఎలా ఆడుతున్నానో.. అంతా మీ కళ్ల ముందే ఉంది కదా..!’’ అని షమీ కౌంటర్ ఇచ్చాడు. షమీ చివరిసారిగా ఈ ఏడాది జరిగి ఛాంపియన్స్ ట్రోఫీలో ఆడాడు. ప్రస్తుతం రంజీ ట్రోఫీలో బెంగాల్ తరఫున ఆడుతున్న అతడు.. ఉత్తరాఖండ్‌తో జరిగిన తొలి మ్యాచ్‌లో తొలి ఇన్నింగ్స్‌లో మూడు, రెండో ఇన్నింగ్స్‌లో నాలుగు వికెట్లు కూల్చాడు.