Auto Added by WPeMatico
టోక్యో వేదికగా జరుగుతున్న డెఫ్లెంపిక్స్లో హైదరాబాద్కు చెందిన షూటర్ ధనుష్ శ్రీకాంత్ అరదగొట్టాడు. 10 మీటర్ల ఎయిర్ రైఫిల్ పురుషుల విభాగంలో స్వర్ణ పతకం సాధించాడు. సూరత్కు చెందిన మరో షూటర్ మహ్మద్ వానియా రతజ పతకం సొంతం చేసుకున్నాడు. దీంతో ఈ ఈవెంట్లో భారత్కు రెండు పతకాలు దక్కినట్లైంది.
కోల్కతా: ఈడెన్ గార్డెన్స్ వేదికగా భారత్తో జరిగిన తొలి టెస్ట్ మ్యాచ్లో సౌతాఫ్రికా ఘన విజయం సాధించింది. ఈ మ్యాచ్లో రెండో ఇన్నింగ్స్లో సౌతాఫ్రికా 153 పరుగులు చేసి ఆలౌటైంది. దీంతో 124 పరుగుల విజయలక్ష్యంతో బరిలోకి దిగిన భారత్ లక్ష్య చేధనలో తడబడింది. 10 పరుగుల వద్దే రెండు కీలక వికెట్లు కోల్పోయింది. ఈ దశలో మూడో డౌన్లో బ్యాటింగ్కి వచ్చిన సుందర్ జట్టును గెలిపించే ప్రయత్నం చేశాడు. కానీ, అతనికి వేరే ఆటగాళ్ల నుంచ సరైన సహకారం అందలేదు. వరుసగా భారత్ వికెట్లు కోల్పోతూ వచ్చింది. చివర్లో అక్షర్ పటేల్ స్కోర్ బోర్డును ముందుకు తీసుకెళ్లే ప్రయత్నం చేశారు. కేశవ్ మహరాజ్ బౌలింగ్లో వరుసగా ఫోరు, రెండు సిక్సులు బాదాడు. కానీ, అదే ఓవర్లో అక్షర్ భారీ షాట్కి ప్రయత్నించి ఔట్ అయ్యాడు. ఆ తర్వాతి బంతికే చివరి బ్యాట్స్మెన్గా వచ్చిన సిరాజ్ మార్క్రమ్కి క్యాచ్ ఇచ్చి పెవిలియన్ చేరాడు. గాయం కారణంగా శుభ్మాన్ గిల్ బ్యాటింగ్కి వచ్చే పరిస్థితి లేకపోవడంతో ఇండియా ఇన్నింగ్స్ 9 వికెట్ల నష్టానికి 93 పరుగుల వద్ద ముగిసిపోయింది. దీంతో దక్షిణాఫ్రికా ఈ మ్యాచ్లో 30 పరుగుల తేడాతో విజయం సాధించింది.
తొలి ఇన్నింగ్స్ స్కోర్
దక్షిణాఫ్రికా : 159/10
భారత్: 189/10
కోల్కతా: ఈడెన్ గార్డెన్లో భారత్-దక్షిణాఫ్రికా మధ్య జరుగుతున్న తొలి టెస్టు రెండో ఇన్నింగ్స్ మూడో రోజు భారత జట్టు ఏడు ఓవర్లలో రెండు వికెట్లు కోల్పోయి 10 పరుగులతో ఆటను కొనసాగిస్తోంది. యశస్వి జైస్వాల్ నాలుగు బంతులాడి పరుగులేమీ చేయకుండా డకౌట్ రూపంలో వెనుదిరిగాడు. కెఎల్ రాహుల్ ఒక పరుగు చేసి జాన్సెన్ బౌలింగ్లో వెర్రీన్కు క్యాచ్ ఇచ్చి మైదానం వీడాడు. ప్రస్తుతం క్రీజులో వాషింగ్టన్ సుందర్(05), ధ్రువ్ జురెల్(04) పరుగులతో బ్యాటింగ్ చేస్తున్నారు, ఇంకా 114 పరుగులు చేస్తే గెలిచే అవకాశం ఉంటుంది. ఈ ఇన్నింగ్స్ లో మార్కో జాన్సన్ రెండు వికెట్లు తీశాడు.
దక్షిణాఫ్రికా తొలి ఇన్నింగ్స్: 159
టీమిండియా తొలి ఇన్నింగ్స్: 189
దక్షిణాఫ్రికా రెండో ఇన్నింగ్స్: 153
కోల్కతా: ఈడెన్ గార్డెన్లో భారత్-దక్షిణాఫ్రికా మధ్య జరుగుతున్న తొలి టెస్టు రెండో ఇన్నింగ్స్ సౌతాఫ్రికా 54 ఓవర్లలో 153 పరుగులు చేసి ఆలౌటైంది. దీంతో సపారీ జట్టు 123 పరుగుల ఆధిక్యంలో ఉంది. టీమిండియా ముందు 124 పరుగుల లక్ష్యాన్ని సఫారీ జట్టు ఉంచింది. స్పిన్ మాయజాలంలో ఇరుక్కొని సఫారీ బ్యాట్స్మెన్లు విలవిలలాడిపోయారు. రవీంద్ర జడేజా స్పిన్ ధాటికి దక్షిణాఫ్రికా బ్యాట్స్మెన్లు చాపచుట్టేశారు. కెప్టెన్ తెంబు బవుమా ఒక్కడే హాఫ్ సెంచరీతో పర్వాలేదనిపించాడు. మిగిలిన బ్యాట్స్మెన్లు ఘోరంగా విఫలమయ్యారు. ఈ ఇన్నింగ్స్లో రవీంద్ర జడేజా నాలుగు వికెట్లు, కుల్దీప్ యాదవ్, సిరాజ్ చెరో రెండు వికెట్లు, బుమ్రా, అక్షరపటేల్ చెరో ఒక వికెట్ తీశారు.
దక్షిణాఫ్రికా తొలి ఇన్నింగ్స్: 159
టీమిండియా తొలి ఇన్నింగ్స్: 189
కోల్కతా: ఈడెన్ గార్డెన్లో భారత్-దక్షిణాఫ్రికా మధ్య జరుగుతున్న తొలి టెస్టు మొదటి ఇన్నింగ్స్ మూడో రోజు సౌతాఫ్రికా 48 ఓవర్లలో ఎనిమిది వికెట్లు కోల్పోయి 136 పరుగులతో ఆటను కొనసాగిస్తోంది. స్పిన్ మాయజాలంలో ఇరుక్కొని సపారీలు విలవిలలాడిపోయారు. రవీంద్ర జడేజా స్పిన్ ధాటికి దక్షిణాఫ్రికా బ్యాట్స్మెన్లు చాపచుట్టేశారు. కెప్టెన్ తెంబా బవుమా ఒక్కడే పర్వాలేదనిపించాడు. మిగిలిన బ్యాట్స్మెన్లు ఘోరంగా విఫలమయ్యారు. ప్రస్తుతం సఫారీ జట్టు 106 పరుగుల ఆధిక్యంలో ఉంది. ఈ ఇన్నింగ్స్లో రవీంద్ర జడేజా నాలుగు వికెట్లు, కుల్దీప్ యాదవ్ రెండు వికెట్లు, బుమ్రా, అక్షరపటేల్ చెరో ఒక వికెట్ తీశారు.
దక్షిణాఫ్రికా తొలి ఇన్నింగ్స్: 159
టీమిండియా తొలి ఇన్నింగ్స్: 189
ఇండియన్ ప్రీమియర్ లీగ్.. 19వ సీజన్ కోసం ప్రపంచవ్యాప్తంగా క్రికెట్ అభిమానులు ఆసక్తిగా ఎదురుచూస్తున్నారు. వచ్చే నెలలో ఐపిఎల్-2026 కోసం వేలం జరిగే అవకాశం ఉంది. ఈ నేపథ్యంలో అన్ని ఫ్రాంచైజీలు తాము రిటైన్ చేసుకున్న ఆటగాళ్ల జాబితాను శనివారం వెల్లడించాయి. ఆ వివరాలు చూద్దాం..
చెన్నై సూపర్ కింగ్స్:
అన్షుల్ కాంబోజ్, గుర్జన్ప్రీత్ సింగ్, ఎంఎస్ ధోనీ, జెమీ ఓవర్టన్, ముఖేశ్ చౌదరీ, నాథన్ ఎల్లీస్, నూర్ అహ్మద్, రామకృష్ణ ఘోష్, సంజూ శాంసన్ (ట్రేడ్), రుతురాజ్ గైక్వాడ్, శివమ్ దూబే, శ్రేయస్ గోపాల్, ఖలీల్ అహ్మద్, ఆయుశ్ మాత్రే, డెవాల్డ్ బ్రెవిస్, ఉర్విల్ పటేల్.
ఢిల్లీ క్యాపిటల్స్:
అభిషేక్ పొరెల్, అజేయ్ మండల్, అశుతోష్ శర్మ, అక్షర్ పటేల్, దశుమంత ఛమీరా, కరుణ్ నాయర్, కెఎల్ రాహుల్, కుల్దీప్ యాదవ్, మాధవ్ తివారీ, మిచెల్ స్టార్క్, ముఖేశ్ కుమార్, నితీశ్ రాణా (ట్రేడ్), సమీర్ రిజ్వీ, టి.నటరాజన్, త్రిపురానా విజయ్, త్రిస్టన్ స్టబ్స్, విప్రాజ్ నిగమ్.
గుజరాత్ టైటాన్స్:
శుబ్మన్ గిల్, సాయి సుదర్శన్, జోస్ బట్లర్, షారుఖ్ ఖాన్, కుమార్ కుశాగ్రా, అనూజ్ రావత్, వాషింగ్టన్ సుందర్, రషీద్ ఖాన్, రాహుల్ తెవాటియా, నిషాంత్ సింధు, గ్లెన్ ఫిలిప్స్, అర్షద్ ఖాన్, మహ్మద్ సిరాజ్, ప్రసిద్ కృష్ణ, సాయి కిశోర్, కగిసో రబడ, ఇషాంత్ శర్మ, జయంత్ యాదవ్, గుర్నూర్ బ్రార్, మానవ్ సుతార్.
కోల్కతా నైట్రైడర్స్:
అజింక్యా రహానే, అంగ్క్రిష్ రఘువన్షి, అనుకుల్ రాయ్, హర్షిత్ రాణా, మనీశ్ పాండే, రమన్దీప్ సింగ్, రింకు సింగ్, రోవ్మెన్ పోవెల్, సునీల్ నరైన్, ఉమ్రన్ మాలిక్, వైభవ్ అరోరా, వరుణ్ చక్రవర్తి.
లక్నో సూపర్జెయింట్స్:
అబ్దుల్ సమాద్, అయిడెన్ మార్క్రమ్, ఆకాశ్ సింగ్, అర్జున్ టెండూల్కర్ (ట్రేడ్), అర్షిన్ కులకర్ణి, ఆవేష్ ఖాన్, ఆయుశ్ బదోని, దిగ్వేష్ రాఠీ, హిమ్మత్ సింగ్, మనిమరన్ సిద్ధార్త్, మాథ్యూ బ్రిట్జ్జ్కే, మయాంక్ యాదవ్, మహ్మద్ షమీ (ట్రేడ్), మిచెల్ మార్ష్, మోసిన్ ఖాన్, నికోలస్ పూరన్, ప్రిన్స్ యాదవ్, రిషబ్ పంత్, షెహబాజ్ అహ్మద్.
ముంబై ఇండియన్స్:
అల్లా గజన్ఫర్, అశ్వని కుమార్, కార్బిన్ బోష్, దీపక్ చాహర్, హార్థిక్ పాండ్యా, జస్ప్రీత్ బుమ్రా, మయాంక్ మార్ఖండే (ట్రేడ్), మిచెల్ శాంట్నర్, నమన్ ధిర్, రఘు శర్మ, రాజ్ అంగద్ బావా, రాబిన్ మింజ్, రోహిత్ శర్మ, రియాన్ రికల్టన్, శార్ధూల్ ఠాకూర్ (ట్రేడ్), షెర్ఫానే రూథర్ఫర్డ్ (ట్రేడ్), సూర్య కుమార్ యాదవ్, తిలక్ వర్మ, ట్రెంట్ బోల్ట్, విల్ జాక్స్.
పంజాబ్ కింగ్స్:
అర్షదీప్ సింగ్, అజ్మతుల్లా ఒమర్జాయ్, హర్నూర్ పన్నూ, హర్ప్రీత్ బ్రార్, లాకీ ఫెర్గూసన్, మార్కో యాన్సెన్, మార్కస్ స్టొయినిస్, మిచెల్ ఓవెన్, ముషీర్ ఖాన్, నేహాల్ వదీరా, ప్రభుసిమ్రాన్ సింగ్, ప్రియాంష్ ఆర్యా, పైలా అవినాష్, శశాంక్ సింగ్, శ్రేయస్ అయ్యర్, సూర్యాంశ్ షెడ్గే, విష్ణు వినోద్, వైశాఖ్ విజయ్ కుమార్, జేవియర్ బార్ట్లెట్, యశ్ ఠాకూర్, యుజవేంద్ర చాహల్.
రాజస్థాన్ రాయల్స్:
ధృవ్ జురేల్, దానోవాన్ ఫెరేరా (ట్రేడ్), జోఫ్రా ఆర్చర్, క్వెనా మఫాక, లువాన్ డ్రి ప్రిటోరియస్, నాన్డ్రే బర్గర్, రవీంద్ర జడేజా (ట్రేడ్), రియాన్ పరాగ్, శామ్ కర్రన్ (ట్రేడ్), సందీప్ శర్మ, షిమ్రన్ హెట్మెయర్, శుభమ్ దూబే, తుషార్ దేశ్పాండే, వైభవ్ సూర్యవంశీ, యశస్వీ జైస్వాల్, యుద్వీర్ చరాక్.
రాయల్ ఛాలెంజర్స్ బెంగళూరు:
అభినందన్ సింగ్, భువనేశ్వర్ కుమార్, దేవ్దత్ పడిక్కల్, జాకబ్ బెతెల్, జితేశ్ శర్మ, జోష్ హెజెల్వుడ్, కృనాల్ పాండ్యా, నువాన్ తుషారా, ఫిల్ సాల్ట్, రాజత్ పటిదార్, రసిక్ ధార్, రొమారియో షెపర్డ్, సుయాశ్ శర్మ, స్వప్నిల్ సింగ్, టిమ్ డేవిడ్, విరాట్ కోహ్లీ, యశ్ దయాల్.
సన్రైజర్స్ హైదరాబాద్:
అభిషేక్ శర్మ, అనికేత్ వర్మ, బ్రైడన్ కార్స్, ఇషాన్ మలింగా, హర్ష్ దూబే, హెన్రిచ్ క్లాసెన్, ఇషాన్ కిషన్ జయదేవ్ ఉనద్కట్, కమిందు మెండీస్, నితీశ్ కుమార్ రెడ్డి, ప్యాట్ కమ్మిన్స్, స్మరణ్ రవిచంద్రన్, ట్రావిస్ హెడ్, జీషాన్ అన్సారీ.
కోల్కతా: ఈడెన్ గార్డెన్స్ వేదికగా భారత్, సౌతాఫ్రికా మధ్య జరుగుతున్న తొలి టెస్ట్ మ్యాచ్ రెండో రోజు ఆట ముగిసింది. ఈ మ్యాచ్లో తొలుత బ్యాటింగ్ చేసిన సౌతాఫ్రికా జట్టు 159 పరుగులు చేసి ఆలౌట్ అయింది. ఆ తర్వాత తొలి ఇన్నింగ్స్లో భారత్ 189 పరుగుల చేసి అన్ని వికెట్లు కోల్పోయింది. 30 పరుగుల వెనుకంజలో రెండో ఇన్నింగ్స్ ప్రారంభించిన సౌతాఫ్రికాకు భారత ఆల్ రౌండర్ జడేజా చుక్కలు చూపించాడు. తన బౌలింగ్తో ప్రత్యర్థిని బెంబేలెత్తించాడు.
రెండో ఇన్నింగ్స్లో 13 ఓవర్లు వేసిన జడేజా 29 పరుగులు ఇచ్చి నాలుగు కీలక వికెట్లు తీశాడు. జడేజాతో పాటు కుల్దీప్ యాదవ్(2 వికెట్లు), అక్షర్ పటేల్(1 వికెట్)లు కూడా మంచిగా బౌలింగ్ చేశారు. దీంతో రెండో రోజు ఆట ముగిసే సమయానికి సౌతాఫ్రికా 35 ఓవర్లలో 7 వికెట్లు కోల్పోయి 93 పరుగులు చేసి 63 పరుగుల ఆధిక్యంలో ఉంది. సౌతాఫ్రికా బ్యాటింగ్లో కెప్టెన్ బవుమా (29) మినహా ఎవరూ చెప్పుకోదగ్గ స్కోర్ సాధించలేకపోయారు.
కోల్కతా: ఈడెన్ గార్డెన్స్ వేదికగా.. సౌతాఫ్రికాతో జరుగుతున్న తొలి టెస్ట్ మ్యాచ్లో టీం ఇండియా కీపర్ రిషబ్ పంత్ నయా రికార్డు సృష్టించాడు. భారత్ తరఫున టెస్టుల్లో అత్యథిక సిక్సులు కొట్టిన ఆటగాడినగా పంత్ చరిత్రల్లోకి ఎక్కాడు. గతంలో ఈ రికార్డు డాషింగ్ ఆటగాడు వీరేంద్ర సెహ్వాగ్ పేరిట ఉండేది. సెహ్వాగ్ భారత్ తరఫు టెస్టుల్లో 90 సిక్సలు కొట్టగా.. పంత్ తొలి ఇన్నింగ్స్లో రెండు సిక్సులు కొట్టి.. 92 సిక్సులతో ఆ రికార్డను బ్రేక్ చేశారు. ఈ మ్యాచ్లో 24 బంతులు ఎదుర్కొన్న పంత్.. 2 ఫోర్లు, 2 సిక్సులతో 27 పరుగులు చేసి ఔట్ అయ్యాడు. ఇక తొలి ఇన్నింగ్స్లో భారత్ 189 పరుగులకు ఆలౌటై 30 పరుగుల ఆధిక్యంలో ఉంది. ఇక రెండో ఇన్నింగ్స్లో భారత స్పిన్నర్లు అద్భత ప్రదర్శన చేస్తున్నారు. స్పిన్నర్ల ధాటికి సౌతాఫ్రికా 13 ఓవర్లలో 2 వికెట్లు కోల్పోయి 30 పరుగులు చేసింది.
కోల్కతా: ఈడెన్ గార్డెన్స్ వేదికగా సౌతాఫ్రికాతో జరుగుతున్న తొలి టెస్ట్ మ్యాచ్ తొలి ఇన్నింగ్స్లో భారత ఆటగాళ్లు కాస్త తడబడుతున్నారు. తొలి ఇన్నింగ్స్లో దక్షిణాఫ్రికా 159 పరుగులకు ఆలౌట్ అయింది. ఆ తర్వాత భారత్ 1 వికెట్ నష్టానికి 37 పరుగులు చేసి తొలి రోజు ఆట ముగించుకుంది. అయితే రెండో రోజు భారత్కు భారీ ఎదురుదెబ్బ తగిలింది. కెప్టెన్ శుభ్మాన్ గిల్ మెడ గాయంతో రిటైర్డ్ హర్ట్గా మైదానం వీడాడు.
సైమన్ హార్మర్ ఓవర్లో స్లాగ్ స్వీప్ ఆడే ప్రయత్నంలో గిల్ మెడ పట్టేసింది. అతడు మెడను పూర్తిగా కదల్చలేని విధంగా కనిపించాడు. ఫిజియో వచ్చి అతడిని చికిత్స అందించినప్పటికీ.. గిల్ కోలుకోలేకపోయాడు. దీంతో ఫిజియో సాయంతో గిల్ మైదానం వీడాడు. గిల్ గాయం గురించి బిసిసిఐ అప్డేట్ ఇచ్చింది. గిల్ మెడ నొప్పితో బాధపడుతున్నాడని.. అతడు వైద్య బృందం పర్యవేక్షణలో ఉన్నాడని పేర్కొంది. అతడి రికవరీని బట్టి ఈ రోజు ఆటలో పాల్గొనడంపై నిర్ణయం తీసుకుంటామని ఎక్స్లో స్పష్టం చేసింది.
ఇక మ్యాచ్ విషయానికొస్తే.. భారత్ ప్రస్తుతం 56 ఓవర్లలో 7 వికెట్ల నష్టానికి 172 పరుగులు చేసింది. క్రీజ్లో అక్షర్ పటేల్ (2), మహ్మద్ సిరాజ్ (0) ఉన్నారు. భారత్ ప్రస్తుతానికి దక్షిణాఫ్రికాపై 13 పరుగుల ఆధిక్యంలో ఉంది.
దోహ: ఆసియా రైజింగ్ స్టార్స్ 2025లో యుఎఇతో జరుగుతున్న మ్యాచ్లో ఇండియా ఎ తరఫున 14 ఏళ్ల వైభవ్ సూర్యవంశీ విధ్వంసం సృష్టించాడు. ఈ మ్యాచ్లో 32 బంతుల్లోనే సెంచరీ చేసి తన సత్తా నిరూపించుకున్నాడు. ఈ మ్యాచ్లో టాస్ గెలిచి తొలుత బ్యాటింగ్ ఎంచుకున్న ఇండియా ఎ జట్టుకు వైభవ్ వీరోచిత బ్యాటింగ్తో 297 పరుగుల భారీ స్కోర్ సాధించింది. ఆరంభం నుంచి వైభవ్ దూకుడుగా ఆడాడు. ఆయాన్ ఖాన్ వేసిన మూడో ఓవర్లో వరుసగా 4, 6, 6 బాదిన వైభవ్.. ఆ తర్వాత జవదుల్లా బౌలింగ్లో్ మూడు ఫోర్లు ఓ సిక్సు రాబట్టాడు.
రోహిద్ ఖాన్ వేసిన ఆరో ఓవర్లో రెండు ఫోర్లు కొట్టి.. 16 బంతుల్లోనే అర్థ శతకం సాధించాడు. అనంతరం ఫరాజుద్దీన్ బౌలింగ్లో వరుసగా 4, 6, 4 కొట్టాడు. పరాజుద్దీన్ తర్వాతి ఓవర్లో వరుసగా మూడు సిక్సులు బాది 98 పరుగులకు చేరుకున్నాడు. ముహమ్మద్ అర్ఫాన్ వేసిన పదో ఓవర్లో ఫోర్ కొట్టి సెంచరీ చేశాడు. శతకం చేసిన తర్వాత కూడా వైభవ్ తన దూకుడుకు బ్రేక్ వేయలేదు. హర్షిత్ కౌశిక్ బౌలింగ్లో వరుసగా నాలుగు సిక్సులు, ఓ ఫోర్ కొట్టాడు. ఆ తర్వాత రెండు సిక్సులు కొట్టి 144 పరుగుల వద్ద పరాజుద్దీన్ బౌలింగ్లో ఔట్ అయ్యాడు. వైభవ్తో పాటు కెప్టెన్ జితేశ్ శర్మ(83) పరుగులతో రాణించడంతో భారత్ 20 ఓవర్లలో నాలుగు వికెట్లు కోల్పోయి 297 పరుగులు చేసింది యుఎఇ ముందు భారీ లక్ష్యాన్ని ఉంచింది.