Breaking News,క్రీడలు,తాజా వార్తలు

గౌహటి: బర్సపారా స్టేడియం వేదికగా భారత్‌తో జరుగుతున్న రెండో టెస్ట్ మ్యాచ్ తొలి ఇన్నింగ్స్‌లో సౌతాఫ్రికా ఆలౌట్ అయింది. మొత్తానికి భారత బౌలర్లు తీవ్రంగా శ్రమించి సౌతాఫ్రికా బ్యాటర్లను పెవిలియన్ పంపించారు. 247/6 పరుగుల ఓవర్ ‌నైట్ స్కోర్‌తో రెండో రోజు ఆట ప్రారంభించిన సౌతాఫ్రికా బ్యాటర్లు మన బౌలర్లకు చుక్కలు చూపించారు. ఓవైపు వికెట్లను కాపాడుకుంటూనే పరుగులు రాబట్టారు. ఈ క్రమంలో సెనురన్ ముత్తుస్వామి (109) సెంచరీ చేసి ఔట్ కాగా.. మార్కో జెన్సన్ 93 పరుగులు చేసి సెంచరీకి చేరువలో ఔట్ అయ్యాడు. వీరిద్దరు కలిసి 97 పరుగుల భాగస్వామ్యాన్ని జత చేశారు. మొత్తానికి సౌతాఫ్రికా 489 పరుగులు చేసి ఆలౌట్ అయింది. భారత బౌలింగ్‌లో కుల్దీప్ 4, బుమ్రా, సిరాజ్, జడేజా తలో రెండు వికెట్లు తీశారు.

గౌహటి: బర్సపారా క్రికెట్ స్టేడియం వేదికగా భారత్‌తో జరుగుతున్న రెండో టెస్ట్ మ్యాచ్‌లో సౌతాఫ్రికా భారీ స్కోర్ దిశగా దూసుకెళ్తోంది. ఈ మ్యాచ్‌లో సఫారీల వికెట్లు పడగొట్టడానికి భారత బౌలర్లు తెగ కష్టపడుతున్నారు. ఇప్పటికే సౌతాఫ్రికా 400+ మార్కును దాటేసింది. ఏడో స్థానంలో బ్యాటింగ్‌కి వచ్చిన సెనురన్ ముత్తుస్వామి సెంచరీ సాధించాడు. 192 బంతుల్లో అతడు మూడంకెల స్కోర్‌ దాటేశాడు. టెస్ట్ క్రికెట్‌లో అతడిని ఇదే తొలి శతకం కావడం విశేషం ఈ క్రమంలో ఏడు లేదా అంతకంటే కింది స్థానంలో బ్యాటింగ్‌కి వచ్చి సెంచరీ చేసిన మూడో సౌతాఫ్రికా ఆటగాడిగా ముత్తుస్వామి అరుదైన రికార్డును సొంతం చేసుకున్నాడు. గతంలో క్వింటన్ డికాక్ (111), లాన్స్ క్లూజ్నర్ (102) ఈ రికార్డును సాధించారు. ఇక మరో సౌతాఫ్రికా టెయిలెండర్ మార్కో జెన్సన్‌ కూడా అర్థ శతకం సాధించాడు. దీంతో దక్షిణాఫ్రికా 136 ఓవర్లలో 7 వికెట్ల నష్టానికి 424 పరుగులు చేసింది. క్రీజ్‌లో ముత్తుస్వామి 106, జెన్సన్ 50 ఉన్నారు.  

టీం ఇండియా స్టార్ క్రికెటర్ స్మృతి మందాన త్వరలో వివాహ బంధంలోకి అడుగుపెడుతున్న విషయం తెలిసిందే. ప్రముఖ మ్యూజిక్ డైరెక్టర్ పలాశ్‌ ముచ్చల్‌‌ని ఆమె వివాహమాడనుంది. ఇటీవల వీరిద్దరి హల్దీ ఫంక్షన్ ఘనంగా జరిగింది. అయితే పెళ్లికి ముందు స్మృతి, తనకు కాబోయే భర్తతో క్రికెట్ మ్యాచ్‌లో పోటీ పడింది. ఈ మ్యాచ్‌లో టీమ్ బ్రైడ్‌కి స్మృతి కెప్టెన్‌గా వ్యవహరించగా.. టీమ్ గ్రూమ్‌కి పలాశ్ కెప్టెన్సీ చేశాడు.

స్మృతి జట్టులో షెఫాలీ వర్మ, జెమీమా రోడ్రిగ్స్, అరుంధతి రెడ్డి, రేణుకా సింగ్, రాధా యాదవ్, రిచా ఘోష్ ఉన్నారు. సరదాగా సాగిన ఈ మ్యాచ్‌లో స్మృతి జట్టు విజేతగా నిలిచింది. కాగా, కొద్ది రోజుల క్రితం ఐసిసి వన్డే మహిళల ప్రపంచకప్ నెగ్గిన జట్టులో స్మృతి కూడా ఉన్న విషయం తెలిసిందే. ఈ క్రమంలో ప్రపంచకప్ గెలిచిన డివై పాటిల్ మైదానంలోని పిచ్‌పై పలాశ్ స్మృతికి ప్రపోజ్ చేసి సర్‌ప్రైజ్ ఇచ్చాడు. ఇందుకు సంబంధించిన వీడియో వైరల్ అయింది. ఇక ఆదివారం వీరిద్దరు వివాహ బంధంతో ఒక్కటి కానున్నారు. 

Smriti Mandhana is playing cricket with her soon-to-be husband Palash Muchhal at their wedding event.🙇🏻 pic.twitter.com/8o5nXiqijN

— Mention Cricket (@MentionCricket) November 22, 2025

గౌహతి: బర్సాపారా క్రికెట్ స్టేడియంలో భారత్-సౌతాఫ్రికా మధ్య జరుగుతున్న రెండో టెస్టు మ్యాచ్ తొలి ఇన్నింగ్స్ రెండో రోజు సఫారీలు 114 ఓవర్లలో ఆరు వికెట్లు కోల్పోయి 323 పరుగులతో ఆటను కొనసాగిస్తోంది. సెనురన్ ముతుసామీ హాఫ్ సెంచరీతో కదం తొక్కాడు. ఆరో వికెట్ పై ముత్తుసామీ, వెరెన్నె 77 పరుగుల భాగస్వామ్యం నెలకొల్పారు. ప్రస్తుతం క్రీజులో ముత్తుసామీ(62), కైల్ వెరెన్నె(39) పరుగులతో బ్యాటింగ్ చేస్తున్నారు. ఇప్పటికే టెస్టు సిరీస్ లో ఒక మ్యాచ్ గెలిచి సౌతాఫ్రికా ముందంజలో ఉంది.  

పెర్త్: ది యాషెస్ సరికొత్త సీజన్‌లోని తొలి మ్యాచ్‌లో ఇంగ్లండ్‌పై ఆస్ట్రేలియా ఘన విజయం సాధించింది. కేవలం రెండు రోజుల్లోనే ఈ మ్యాచ్ ముగియడం గమనార్షం. రెండో ఇన్నింగ్స్‌లో ఆసీస్‌కి 205 పరుగుల విజయలక్ష్యాన్ని ముందుంచింది. ఇంగ్లండ్. ఈ లక్ష్యాన్ని 28.2 ఓవర్లలో కేవలం రెండు వికెట్లు కోల్పోయి చేధించింది ఆస్ట్రేలియా. ఇక ఈ మ్యాచ్‌లో ఆసీస్ ఓపెనర్ ట్రావిస్ హెడ్ చెలరేగిపోయాడు. తనదైన శైలీ బ్యాటింగ్‌తో ఇంగ్లండ్ బౌలర్లపై విరుచుకుపడ్డ హెడ్.. రెండో ఇన్నింగ్స్‌లో సెంచరీ సాధించాడు.

కేవలం 69 బంతుల్లో తన సెంచరీ మార్క్‌ను అందుకున్నాడు. ఓవరాల్‌గా 83 బంతులు ఎదుర్కొన్న హెడ్‌.. 16 ఫోర్లు, 4 సిక్స్‌లతో 123 పరుగులు చేశాడు. ఈ క్రమంలో పలు రికార్డులను హెడ్ బద్దలు కొట్టాడు. టెస్ట్ క్రికెట్ చరిత్రలో 4వ ఇన్నింగ్స్‌లో (ఛేజింగ్) అత్యంత వేగంగా సెంచరీ చేసిన బ్యాట్స్‌మెన్‌గా హెడ్ నిలిచాడు. గతంలో ఈ రికార్డు ఇంగ్లండ్ మాజీ ప్లేయర్ గిల్బర్ట్ జెస్సోప్ పేరిట ఉండేది. 1902లో అతడు ఆస్ట్రేలియాపై నాల్గవ ఇన్నింగ్స్‌లో 76 బంతుల్లో శతకం సాధించాడు. 123 ఏళ్ల తర్వాత ఈ రికార్డును హెడ్ బద్దలుకొట్టాడు. అంతేకాక.. టెస్ట్ క్రికెట్‌లో అత్యంత వేగవంతమైన సెంచరీ చేసిన ఓపెనర్‌గా డేవిడ్ వార్నర్(69 బంతులు) రికార్డును సమం చేశాడు హెడ్.

గౌహటి: రెండు టెస్ట్‌ల సిరీస్‌లో భాగంగా గౌహటి బర్సపారా క్రికెట్ స్టేడియం వేదికగా సౌతాఫ్రికా, భారత్ మధ్య జరుగుతున్న రెండో టెస్ట్ మ్యాచ్ తొలి రోజు ఆట ముగిసింది. తొలి రోజు సౌతాఫ్రికా ఆటగాళ్లు అద్భుతంగా రాణించారు. ఈ మ్యాచ్‌లో టాస్ గెలిచి బ్యాటింగ్ తీసుకున్న సౌతాఫ్రికా ఓపెనర్లు తొలి వికెట్‌కి 82 పరుగుల భాగస్వామ్యాన్ని నమోదు చేశారు. అయితే బుమ్రా.. మార్క్‌రమ్(38) వికెట్ తీయడంతో ఈ భాగస్వామ్యానికి బ్రేక్ పడింది. ఆ తర్వాత కొంత సమయానికే మరో ఓపెనర్ రికెల్టన్ (35) కూడా ఔట్ అయ్యాడు. అనంతరం స్టబ్స్, బవుమాల జోడీ సఫారీలకు అండగా నిలిచింది. వీరిద్దరు కలిసి మూడో వికెట్‌కి 84 పరుగులు జోడించారు. అయితే లంచ్ బ్రేక్ తర్వాత జడేజా ఈ జోడీకి బ్రేక్ వేశాడు.

166 పరుగుల వద్ద కెప్టెన్ టెంబా బవుమా(41) ఔట్ చేశాడు. డు. 166 పరుగుల వద్ద బవుమా(41) పెవిలియన్ చేర్చాడు. ఆ తర్వాత కుల్దీప్ బౌలింగ్‌లో రికల్టన్(49) హాఫ్ సెంచరీకి చేరువలో ఔట్ అయ్యాడు. అనంతరం కుల్దీప్ ముల్డర్‌ని ఔట్ చేశాడు. ఈ నేపథ్యంలో డి జోర్జి, ముత్తుస్వామిలు మరో భాగస్వామ్యాన్ని నిర్మించే ప్రయత్నం చేశారు. కానీ, సిరాజ్ బౌలింగ్‌లో జోర్జి(28) ఔట్ అయ్యాడు. దీంతో సౌతాఫ్రికా 81.5 ఓవర్లలో 6 వికెట్లు కోల్పోయి 247 పరుగులు చేసింది. భారత బౌలింగ్‌లో కుల్దీప్ 3, బుమ్రా, సిరాజ్, జడేజా తలో వికెట్ తీశారు.

గౌహతి: భారత్, సౌతాఫ్రికా మధ్య జరుగుతున్న రెండో టెస్ట్ మ్యాచ్ ఆద్యంత రసవత్తరంగా సాగుతోంది. ఈ మ్యాచ్‌లో టాస్ గెలిచిన సౌతాఫ్రికా తొలుత బ్యాటింగ్ చేసేందుకు ముందుకొచ్చింది. ఈ క్రమంలో ఓపెనర్లు మార్క్‌రమ్, రికల్టన్‌ను తమ జట్టుకు శుభారంభం అందించారు. 82 పరుగుల వద్ద ఈ జోడీకి బ్రేక్ పడింది. బుమ్రా మార్క్‌రమ్‌(38)ను క్లీన్ బౌల్డ్ చేశాడు. ఆ తర్వాత కొంతసమయానికే కుల్దీప్ బౌలింగ్‌లో రికల్టన్(35) పంత్‌కి క్యాచ్ ఇఛ్చి వెనుదిరిగాడు. ఆ స్టబ్స్, బవుమాల జోడీ సఫారీలకు అండగా నిలిచింది. వీరిద్దరు కలిసి మూడో వికెట్‌కి 84 పరుగులు జోడించారు. అయితే లంచ్ బ్రేక్ తర్వాత జడేజా ఈ బ్రేక్ వేశాడు. 166 పరుగుల వద్ద బవుమా(41) పెవిలియన్ చేర్చాడు. ఆ తర్వాత కుల్దీప్ బౌలింగ్‌లో రికల్టన్(49) హాఫ్ సెంచరీకి చేరువలో ఔట్ అయ్యాడు. ఆ తర్వాత కుల్దీప్ ముల్డర్‌ని ఔట్ చేశాడు. దీంతో 68 ఓవర్లు ముగిసేసరికి సౌతాఫ్రికా ఐదు వికెట్ల నష్టానికి 201 పరుగులు చేసింది. క్రీజ్‌లో జోర్జీ (8), ముత్తుస్వామి(౦) ఉన్నారు. 

గౌహతి: బర్సాపారా క్రికెట్ స్టేడియంలో భారత్-సౌతాఫ్రికా మధ్య జరుగుతున్న రెండో టెస్టు తొలి ఇన్నింగ్స్ మొదటి రోజు సపారీలు 29 ఓవర్లలో రెండు వికెట్లు కోల్పోయి 87 పరుగులతో ఆటను కొనసాగిస్తున్నారు. ఎడెన్ మక్రమ్ 38 పరుగులు చేసి బుమ్రా బౌలింగ్‌లో క్లీన్ బౌల్డయ్యారు. రికెల్టన్ 35 పరుగులు చేసి కుల్దీప్ యాదవ్ బౌలింగ్ లో పంత్ కు క్యాచ్ ఇచ్చి మైదానం వీడాడు.  ప్రస్తుతం క్రీజులో తెంబా బవుమా(4) , ట్రిస్టన్ స్టబ్స్(1) పరుగులతో బ్యాటింగ్ చేస్తున్నారు. 

పెర్త్: ప్రతిష్ఠాత్మకమైన యాషెస్ సిరీస్ లో భాగంగా శుక్రవారం ఇంగ్లండ్, ఆ స్ట్రేలియా జట్ల మధ్య శుక్రవారం ప్రా రంభమైన తొలి టెస్టులో మొదటి రోజు బౌలర్ల హవా నడిచింది. తొలుత బ్యా టింగ్ చేసిన ఇంగ్లండ్ మొదటి ఇన్నింగ్స్‌లో 32.5 ఓవర్లలో 172 పరుగులకే కుప్పకూలింది. తర్వాత తొలి ఇన్నిం గ్స్ చేపట్టిన ఆస్ట్రేలియా మొదటి రోజు ఆట ముగిసే సమయానికి 39 ఓవర్ల లో 123 పరుగులకే తొమ్మిది వికెట్లు కోల్పోయి కష్టాల్లో చిక్కుకుంది. ఇం గ్లండ్‌ను తక్కువ స్కోరుకే పరిమితం చేశామన్న ఆనందం ఆస్ట్రేలియాకు ఎక్కువ సేపు నిలువలేదు. ఇన్నింగ్స్ ఆరంభం నుంచే ఆస్ట్రేలియా వరుస క్రమంలో వికెట్లను కోల్పోయింది.

ఓపెనర్ జాక్ వెదరాల్డ్ (0) ఖాతా తెరవకుండానే ఔటయ్యాడు. మార్నస్ లబుషేన్ (9) కూడా నిరాశ పరిచాడు. ఉస్మాన్ ఖ్వాజా (2), కెప్టెన్ స్మిత్ (17), ట్రావిస్ హెడ్ (21), కామెరూన్ గ్రీన్ (24), అలెక్స్ కారే (26), స్టార్క్ (12) పరుగులు చేసి పెవిలియ న్ చేరారు. స్కాట్ బొలాండ్ సున్నాకే వెనుదిరిగాడు. ఇంగ్లండ్ బౌలర్లలో కెప్టెన్ బెన్ స్టోక్స్ 23 పరుగులకే ఐదు వికెట్లు తీశాడు. ఆర్చర్, కార్స్‌లకు రెండేసి వికెట్లు దక్కాయి. అంతకుముందు ఇంగ్లండ్ 172 పరుగులకే కుప్పకూలింది. ఆస్ట్రేలియా స్టార్ ఫాస్ట్ బౌలర్ మిఛెల్ స్టార్క్ అసాధారణ బౌలింగ్‌తో ఇంగ్లీష్ బ్యాటర్లను హడలెత్తించాడు. అద్భుత బౌలింగ్‌ను కనబరిచిన స్టార్క్ 58 పరుగులకే ఏడు వికెట్లు పడగొట్టాడు. ఇంగ్లండ్ బ్యాటర్లలో ఓలి పోప్ (46), హ్యారీ బ్రూక్ (52), జేమీ స్మిత్ (33), డకెట్ (21) మాత్రమే రాణించారు.

దోహా: ఆసియాకప్ రైజింగ్ స్టార్స్‌లో భారత్‌ ఎ జట్టు సెమీ ఫైనల్‌లో ఓటమిపాలైంది. బంగ్లాదేశ్ ఎ జట్టుతో జరిగిన ఈ పోరులో సూపర్ ఓవర్‌లో ఓటమిని చవి చూసింది. ఈ మ్యాచ్‌లో భారత్ ఎ జట్టు టాస్ గెలిచి బౌలింగ్ ఎంచుకుంది. దీంతో తొలుత బ్యాటింగ్ చేసిన బంగ్లాదేశ్ ఎ నిర్ణీత 20 ఓశర్లలో 6 వికెట్లు కోల్పోయి 194 పరుగులు చేసింది. బంగ్లాదేశ్ బ్యాటింగ్‌లో హబీబుర్ రెహమాన్ సోహన్ 65, మెహరబ్ 48 పరుగులు చేశారు. భారీ లక్ష్యంతో బరిలోకి దిగిన భారత్‌ను గెలిపించేందుకు అందరూ ఆటగాళ్లు సమిష్టిగా కృషి చేశారు. ప్రియాంశ్ ఆర్య 44, వైభవ్ సూర్యవంశీ 38, జితేశ్ శర్మ 33, నేహల్ వదేరా 32 పరుగులతో రాణించారు. కానీ, భారత్ కూడా 20 ఓవర్లలో 6 వికెట్లు కోల్పోయి 194 పరుగులు చేసింది. దీంతో మ్యాచ్ సూపర్ ఓవర్ వరకూ వెళ్లింది. సూపర్ ఓవర్‌లో బంగ్లా బౌలర్ రిపొన్ అద్భుతంగా బౌలింగ్ చేశాడు. ఒక్క పరుగు కూడా ఇవ్వకుండా రెండు వికెట్లు తీశాడు. అనంతరం భారత్ తరఫున సుయాష్ శర్మ కూడా తొలి బంతికి వికెట్ తీశాడు. కానీ, రెండో బంతి వైడ్‌గా వేయడంతో బంగ్లాదేశ్ విజయం సాధించింది. దీంతో భారత్ టోర్నమెంట్ నుంచి నిష్క్రమించింది. శుక్రవారం రాత్రి పాకిస్థాన్ ఎ, బంగ్లాదేశ్ ఎ మధ్య జరిగే మరో సెమీ ఫైనల్‌లో విజేతగా నిలిచిన జట్టుతో బంగ్లాదేశ్ నవంబర్‌ 23న జరిగే ఫైనల్లో తలపడనుంది.