Breaking News,క్రీడలు,తాజా వార్తలు

క్రికెట్ అభిమానులు ఎప్పుడెప్పుడా అని ఎదురుచూస్తున్న టి-20 ప్రపంచకప్ షెడ్యూల్‌కి సంబంధించి ఓ వార్త వైరల్ అవుతోంది. ఫిబ్రవరి 7 నుంచి మార్చి 8 వరకు టి-20 ప్రపంచకప్-2026 జరుగనుంది. ఈ టోర్నమెంట్‌కి సంబంధించిన షెడ్యూల్ మంగళవారం సాయంత్రం 6.30 గంటలకు విడుదల కానుంది. ఈసారి ఈ మెగా టోర్నమెంట్‌లో 20 జట్లు పోటీ పడుతున్నాయి. భారత్, శ్రీలంక, బంగ్లాదేశ్, అఫ్గానిస్థాన్, యుఎఇ, ఒమన్, వెస్టిండీస్, యుఎస్ఎ, కెనడా, ఆస్ట్రేలియా, న్యూజిలాండ్, దక్షిణాఫ్రికా, నమీబియా, జింబాబ్వే, ఐర్లాండ్, ఇంగ్లండ్, నెదర్లాండ్స్, ఇటలీ, నేపాల్, పాకిస్థాన్ జట్లు ఈ టోర్నీలో పాల్గొననున్నాయి.

అయితే ఈ టోర్నమెంట్‌ ఈసారి భారత్ మరియు శ్రీలంక వేదికగా జరగుతుంది. భారత్‌లో ఐదు వేదికల్లో(అహ్మదాబాద్, ఢిల్లీ, కోల్‌కతా, చెన్నై, ముంబై), శ్రీలంకలో మూడు వేదిక జరుగనున్నట్లు సమాచారం. ఇక టోర్నీ ప్రారంభ, ముగింపు వేడుకలు అహ్మదాబాద్‌లో నిర్వహిస్తారని టాక్. అయితే ఒకవేళ పాక్ ఫైనల్స్‌కి చేరితే ఆ మ్యాచ్ శ్రీలంకకు షిఫ్ట్ అవుతుంది. టీం ఇండియా డిఫెండింగ్ ఛాంపియన్‌గా బరిలోకి దిగుతోంది.

ఢాకా: భారత మహిళ కబడ్డీ జట్టు మరోసారి తన సత్తా చాటుకుంది. ఢాకా వేదికగా కబడ్డీ ప్రపంచకప్‌ ఫైనల్స్‌లో చైనీస్ తైపీని చిత్తుగా ఓడించి వరుసగా రెండోసారి ప్రపంచకప్‌ను సొంతం చేసుకుంది. 35-28 పాయింట్ల తేడాతో భారత మహిళ జట్టు ఈ మ్యాచ్‌లో విజయం సాధించింది. ఈ టోర్నమెంట్‌లో ఆరంభం నుంచి భారత్ తన ఆధిపత్యాన్ని కనబరుస్తోంది. గ్రూప్ స్టేజీలో థాయ్‌లాండ్‌పై 65-20, బంగ్లాదేశ్‌పై 43-18, జర్మనీపై 63-22, ఉగాండాపై 51-16 పాయింట్ల తేడాతో విజయం సాధించింది. ఇక సెమీఫైనల్‌లో ఇరాన్‌తో తలపడిన భారత్ 33-21 తేడాతో నెగ్గింది. ఇక ఫైనల్‌లోనూ భారత్ దూకుడు తగ్గలేదు. చైనీస్ తైపీని ముప్పుతిప్పలు పెట్టింది. ఫలితంగా 35-28 పాయింట్ల తేడాతో ప్రత్యర్థిని మట్టికరిపించి వరుసగా రెండోసారి ప్రపంచకప్‌ను మద్దాడింది భారత్. ఈ సందర్భంగా భారత మహిళ కబడ్డీ ఆటగాళ్లు పలువురు సెలబ్రిటీలు, అభిమానులు అభినందనలు తెలుపుతున్నారు.

భారత మహిళ స్టార్ క్రికెటర్ స్మృతి మంధాన వివాహం వాయిదా పడిన విషయం తెలిసిందే. వివాహనికి కొంత సమయం ముందే ఆమె తండ్రి అనారోగ్యానికి గురి కావండతో వివాహాన్ని వాయిదా వేశారు. అయితే తన పెళ్లికి సంబంధించిన పోస్ట్‌లను స్మృతి తన ఇన్‌స్టాగ్రామ్ ఖాతా నుంచి డిలీట్ చేయడం చర్చనీయాంశంగా మారింది.

పలాశ్ ముచ్చల్‌తో ఎంగేజ్‌మెంట్‌ను ధృవికరిస్తూ స్మృతి ఇటీవల తన ఇన్‌స్టాలో పోస్ట్ పెట్టింది. సహచర క్రికెటర్లతో కలిసి ‘సమ్‌జో హో హి గయా’ అనే బాలీవుడ్ పాటకు డ్యాన్స్ చేసింది. ఈ సందర్భంగా తన ఎంగేజ్‌మెంట్ రింగ్‌ను చూపించింది. ప్రస్తుతం ఈ వీడియో ఆమె ఇ‌న్‌స్టా ఖాతాలో కనిపించడం లేదు. అయితే ఈ వీడియోని ఆమె డిలీట్ చేసిందా.? లేదా హైడ్ చేసిందా.? అనే విషయంపై క్లారిటీ లేదు. అంతేకాదు స్మృతి స్నేహితురాళ్లు జెమీమా, శ్రేయాంక కూడా తమ సోషల్‌మీడియా ఖాతాల్లో ఈ వీడియోని తొలగించడం గమనార్హం. మరోవైపు పలాశ్ స్మృతికి ప్రపోజ్ చేసిన వీడియో మాత్రం అతని ఖాతాలో కనిపిస్తోంది. మరి స్మృతి ఈ నిర్ణయం తీసుకోవడం వెనుక కారణం ఏమై ఉంటుందా అని నెటిజన్లు చర్చించుకుంటున్నారు.

గౌహటి: బర్సపారా క్రికెట్ స్టేడియం వేదికగా భారత్‌, సౌతాఫ్రికా మధ్య జరుగుతున్న రెండో టెస్ట్ మ్యాచ్ మూడో రోజు ఆట ముగిసింది. ఈ రోజు కూడా సఫారీలదే ఆధిపత్యం కొనసాగింది. సఫారీ బౌలర్ల దెబ్బకి భారత బ్యాటింగ్ ఆర్డర్ కుప్పకూలిపోయింది. మూడో రోజు 9/0 ఓవర్‌నైట్ స్కోర్‌తో ఇన్నింగ్స్ ప్రారంభించిన భారత్‌కు యశస్వీ జైస్వాల్, కెఎల్ రాహుల్‌ల జోడీ మంచి ఆరంభాన్నే ఇచ్చింది. తొలి వికెట్‌కి వీరిద్దరు కలిసి 65 పరుగులు జత చేశారు. కానీ, కేశవ్ మహరాజ్ బౌలింగ్‌లో రాహుల్(22) ఔట్ కావడంతో ఈ భాగస్వామ్యానికి బ్రేక్ పడింది. ఆ తర్వాత అర్థ శతకం పూర్తి చేసుకున్న జైస్వాల్(58) హార్మర్ బౌలింగ్‌లో పెవిలియన్ చేరాడు.

95 పరుగుల వద్ద కేవలం రెండు వికెట్లు మాత్రమే కోల్పోయిన భారత్ ఆ తర్వాత ఒక్కొక్కటిగా వికెట్లు కోల్పోతూ వచ్చింది. సాయి సుదర్శన్ (15), జురేల్(0), పంత్ (7), జడేజా (6), నితీశ్ (10) ఘోరంగా విఫలమయ్యారు. ఈ దశలో వాషింగ్టన్ సుందర్(48, 92 బంతుల్లో), కుల్దీప్ యాదవ్‌(19, 134 బంతుల్లో)తో కలిసి జట్టును ఆదుకొనే ప్రయత్నం చేశారు. 122 పరుగుల వద్ద ఏడు వికెట్లు కోల్పోయిన తరుణంలో స్కోర్ బోర్డును 194 పరుగుల వరకూ తీసుకొచ్చారు. కానీ, సుందర్‌ని హార్మర్ పెవిలియన్‌కు పంపాడు. ఆ వెంటనే యాన్సెన్ బౌలింగ్‌లో కుల్దీప్ కూడా ఔట్ అయ్యాడు. చివరకు బుమ్రాను యాన్సెన్ ఔట్ చేయడంతో భారత్ 201 పరుగుల వద్ద అలౌట్ అయింది. సఫారీల బౌలింగ్‌లో యాన్సెన్ 6, హార్మర్ 3, మహరాజ్ 1 వికెట్ తీశారు. అయితే సౌతాఫ్రికా కెప్టెన్ బవుమా తామే బ్యాటింగ్ చేసేందుకు ముందుకు రావడంతో భారత్ ఫాలో ఆన్ నుంచి తప్పించుకుంది. ప్రస్తుతం సౌతాఫ్రికా రెండో ఇన్నింగ్స్‌లో వికెట్ కోల్పోకుండా 26 పరుగులు చేసి 314 పరుగుల ఆధిక్యంలో ఉంది.

ముంబై: టీం ఇండియా స్టార్ క్రికెటర్ స్మృతి మంధాన వివాహం వాయిదా పడిన విషయం తెలిసిందే. ఆదివారం జరగాల్సిన ఆమె వివాహ వేడుక ఆమె తండ్రి అనారోగ్యానికి గురి కావడంతో వాయిదా పడింది. అయితే ఆమెకు కాబోయే భర్త పలాశ్ ముచ్చల్ కూడా అనారోగ్యంతో ఆస్పత్రిలో చేరారట. ఆదివారం రాత్రి వైరల్ ఇన్‌ఫెక్షన్, అసిడిటితో ఆస్పత్రిలో చేరారని తెలుస్తోంది. వైద్యులు ఆయనకు తగిన వైద్యం అందించి డిశ్చారి చేసినట్లు పలాశ్ సన్నిహితులు వెల్లడించారు.

కాగా, ఆదివారం స్మృతి తండ్రికి గుండెపోటు రావడంతో ఆయన్ను వెంటనే సాంగ్లీలోని ఆస్పత్రికి తరలించారు. ప్రస్తుతం ఆయన ఆరోగ్య పరిస్థితి నిలకడగా ఉన్నట్లు తెలుస్తోంది. తండ్రి అనారోగ్యానికి గురి కావడంతో స్మృతి తన వివాహాన్ని వాయిదా వేసుకున్నారు. కాగా, కొద్ది రోజులుగా స్మృతి ప్రీ వెడ్డింగ్ సంబరాలు జరిగాయి. హల్దీ, మెహందీ, సంగీత్ కార్యక్రమాలు జరిగాయి. 

గౌహతి: బర్సాపారా క్రికెట్ స్టేడియంలో భారత్-సౌతాఫ్రికా మధ్య జరుగుతున్న రెండో టెస్టు మ్యాచ్ మూడో రోజు టీమిండియా 55 ఓవర్లలో ఏడు వికెట్లు కోల్పోయి 149 పరుగులతో ఆటను కొనసాగిస్తోంది. ఇప్పటి వరకు భారత జట్టు 340 పరుగుల వెనకంజలో ఉంది. సౌతాఫ్రికా బౌలింగ్ ధాటికి టీమిండియా బ్యాట్స్‌మెన్లు విలవిలలాడిపోయారు. యశస్వి జైస్వాల్ ఒక్కడే హాఫ్ సెంచరీతో మెరిశాడు. మిగిలిన బ్యాట్స్‌మెన్లు నిరాశపరిచారు. భారత బ్యాట్స్‌మెన్లు యశస్వి జైస్వాల్(58), కెఎల్ రాహుల్(22), సాయి సుదర్శన్(15), నితీశ్ కుమార్ రెడ్డి(10), రిషబ్ పంత్(07), రవీంద్ర జడేజా(6), ధృవ్ జురెల్(0), పరుగులు చేసి ఔటయ్యారు. ప్రస్తుతం క్రీజులో వాషింగ్టన్ సుందర్ (22), కుల్దీప్ యాదవ్(2) పరుగులలో బ్యాటింగ్ చేస్తున్నారు. సౌతాఫ్రికాలో బౌలర్లలో మార్కో జాన్సన్ నాలుగు వికెట్లు, సిమన్ హర్మర్ రెండు వికెట్లు తీయగా కేశవ మహారాజ్ ఒక వికెట్ తీశాడు. 

గౌహతి: బర్సాపారా క్రికెట్ స్టేడియంలో భారత్-సౌతాఫ్రికా మధ్య జరుగుతున్న రెండో టెస్టు మ్యాచ్ మూడో రోజు టీమిండియా 38 ఓవర్లలో ఐదు వికెట్లు కోల్పోయి 106 పరుగులతో ఆటను కొనసాగిస్తోంది. యశస్వి జైస్వాల్ ఒక్కడే హాఫ్ సెంచరీతో మెరిశాడు. మిగిలిన బ్యాట్స్‌మెన్లు నిరాశపరిచారు. భారత బ్యాట్స్‌మెన్లు యశస్వి జైస్వాల్(58), కెఎల్ రాహుల్(22), సాయి సుదర్శన్(15), ధృవ్ జురెల్(0), రిషబ్ పంత్(07) పరుగులు చేసి ఔటయ్యారు. ప్రస్తుతం క్రీజులో రవీంద్ర జడేజా(2), నితీశ్ కుమార్(0) పరుగులలో బ్యాటింగ్ చేస్తున్నారు. భారత జట్టు ఇప్పటివరకు 383 పరుగుల వెనుకంజలో ఉన్నారు. సౌతాఫ్రికాలో బౌలర్లలో మార్కో జాన్సన్, సిమన్ హర్మర్ చెరో రెండు వికెట్లు తీయగా కేశవ మహారాజ్ ఒక వికెట్ తీశాడు. 

సౌతాఫ్రికా తొలి ఇన్నింగ్స్: 489

ముంబై: టీం ఇండియా స్టార్ క్రికెటర్ స్మృతి మంధాన వివాహం వాయిదా పడింది. మరికొన్ని గంటల్లో ఆమె పెళ్లి జరుగుతుందనే సమయంలో ఆమె కుటుంబంలో అనుకోని ఆపద వచ్చింది. స్మృతి తండ్రి శ్రీనివాస్‌కు హార్ట్ ఎటాక్ వచ్చింది. ఆదివారం ఉదయం బ్రేక్ ఫాస్ట్ చేసిన తర్వాత శ్రీనివాస్ అస్వస్థతగా కనిపించారు.

వెంటనే ఆయన్ను సాంగ్లీలోని ఓ ఆస్పత్రికి తరలించి చికిత్స అందించారు. ప్రస్తుతానికి ఆయన ఆరోగ్యం నిలకడగానే ఉందని తెలుస్తోంది. అయితే ఇలాంటి పరిస్థితిలో తనకు పెళ్లి చేసుకోవడం ఇష్టం లేదని మంధాన మేనేజర్ తుహిన్ మిశ్రా ధృవీకరించారు. తండ్రి పూర్తిగా కోలుకునే వరకూ ఈ వేడుకను వాయిదా వేయాలని స్మృతి నిర్ణయం తీసుకుందని పేర్కొన్నారు.

కాగా మంధాన వివాహం ఆదివారం సంగీత దర్శకుడు పలాశ్ ముచ్చల్‌తో జరగాల్సి ఉంది. గత రెండు రోజులుగా ప్రీ వెడ్డింగ్ వేడుకలు ఘనంగా జరిగాయి. హల్దీ, మెహందీ, సంగీత్ కార్యక్రమాలను వైభవంగా నిర్వహించారు. ఈ వేడుకల్లో స్మృతి సహచర క్రికెటర్లు కూడా పాల్గొన్నారు. కానీ, ఇంతలోనే ఇలా అనుకోని ఆపద రావడంతో స్మృతి వివాహాన్ని వాయిదా వేసుకుంది.

భారత్, సౌతాఫ్రికా మధ్య ప్రస్తుతం రెండు టెస్ట్‌ల సిరీస్ జరుగుతున్న విషయం తెలిసిందే. ఈ సిరీస్ తర్వాత ఇరు జట్ల మధ్య వన్డే సిరీస్ జరుగనుంది. అయితే సఫారీలతో జరిగిన తొలి టెస్ట్ మ్యాచ్‌లో శుభ్‌మాన్ గిల్ గాయపడిన విషయం తెలిసిందే. మెడ నొప్పి కారణంగా అతను మైదానరం వీడాడు. ఆ తర్వాత వైద్యుల పరిరక్షణలో ఉన్నాడు. రెండో టెస్ట్ కోసం కోల్‌కతా నుంచి గౌహతి వచ్చిన గిల్ గాయం నుంచి పూర్తిగా కోలుకోకపోవడంతో అతని స్థానంలో రిషబ్ పంత్‌కు సారథ్య బాధ్యతలు అప్పగించారు. ఇప్పుడు వన్డే జట్టుకు కూడా కొత్త కెప్టెన్‌ని నియమించారు. టీం ఇండియా స్టార్ కీపర్, బ్యాట్స్‌మెన్ కెఎల్ రాహుల్ ఈ సిరీస్‌లో భారత్‌కు కెప్టెన్‌గా వ్యవహరించనున్నాడు. అంతేకాక.. దక్షిణాఫ్రికాతో జరిగిన మూడు అనధికారిక వన్డేల సిరీస్‌లో రాణించిన రుతురాజ్ గైక్వాడ్‌కి జట్టులో చోటు కల్పించారు.

సౌతాఫ్రికాతో వన్డే సిరీస్‌కు భారత జట్టు : రోహిత్ శర్మ, యశస్వి జైస్వాల్, విరాట్ కోహ్లీ, తిలక్ వర్మ, కెఎల్ రాహుల్ (కీపర్, కెప్టెన్), రిషబ్ పంత్ (కీపర్), వాషింగ్టన్ సుందర్, రవీంద్ర జడేజా, కుల్దీప్ యాదవ్, నితీశ్ కుమార్ రెడ్డి, హర్షిత్ రాణా, రుతురాజ్ గైక్వాడ్, ప్రసిద్ధ్ కృష్ణ, అర్ష్‌దీప్ సింగ్, ధృవ్ జురెల్.

కొలంబో: కొద్ది రోజుల క్రితమే భారత మహిళలు ఐసిసి వన్డే ప్రపంచకప్‌ను గెలిచిన విషయం తెలిసిందే. నేవి ముంబై వేదికగా సౌతాఫ్రికా మహిళలతో జరిగిన ఉత్కంఠ పోరులో భారత్ విశ్వ విజేతగా నిలిచింది. ఇదిలా ఉండగానే భారత మహిళలు మరో ప్రపంచకప్‌ను సొంతం చేసుకున్నారు. అయితే ఈ సారి అంధుల టోర్నమెంట్‌లో. భారత అంధ మహిళల క్రికెట్ జట్టు తొలి టి-20 వరల్డ్ కప్ విజేతగా నిలిచింది.

తొలిసారి నిర్వహించిన ఈ టోర్నీలో భారత్‌తో పాటు ఆస్ట్రేలియా, పాకిస్థాన్, శ్రీలంకతో పాటు యుఎఇ కూడా పాల్గొన్నాయి. అయితే నేపాల్‌తో జరిగిన ఆఖరి మ్యాచ్‌లో ఏడు వికెట్ల తేడాతో విజయం సాధించింది. ఈ మ్యాచ్‌లో తొలుత బ్యాటింగ్ చేసిన నేపాల్ 5 వికెట్ల నష్టానికి 114 పరుగులు చేసింది. ఈ లక్ష్యాన్ని భారత్ 12 ఓవర్లలోనే మూడు వికెట్లు కోల్పోయి చేధించింది. పూలా సరెన్ (44) అద్భుతంగా రాణించింది. దీంతో తొలి ఎడిషన్‌లోనే టి-20 ప్రపంచకప్‌ను సొంతం చేసుకొని భారత్ అంధ మహిళల జట్టు చరిత్ర సృష్టించింది. ఈ నేపథ్యంలో జట్టుపై అభిమానులు, నెటిజన్లు ప్రశంసల వర్షం కురిపిస్తున్నారు.