Breaking News,క్రీడలు

దుబాయ్: అండర్-19 ఆసియాకప్‌ సెమీఫైనల్ మ్యాచ్‌కి వర్షం ఆటంకం కలిగించింది. భారత్, శ్రీలంక మధ్య జరగాల్సిన ఈ మ్యాచ్ వర్షం కారణంగా ఇంకా ప్రారంభంకాలేదు. కనీసం టాస్ కూడా పడలేదు. ప్రస్తుతానికి వర్షం ఆగిపోయినా.. ఔట్ ఫీల్డ్ తడిగా ఉండటంతో మ్యాచ్‌ను ప్రారంభించలేదు. మరోవైపు బంగ్లాదేశ్, పాకిస్థాన్‌ల మధ్య రెండో సెమీఫైనల్ జరగాల్సి ఉంది. ది సెవన్స్ స్టేడియం వేదికగా జరగాల్సి ఈ మ్యాచ్‌కి కూడా వరుణ గండం ఉన్నట్లు సమాచారం. మరి రెండు మ్యాచ్‌లు రద్దైతే.. పరిస్థితి ఏంటని అభిమానులు సందేహం మొలకెత్తింది. సెమీ ఫైనల్ మ్యాచ్‌లకు రిజర్వ్ డే లేదు. దీంతో పాయింట్ల పట్టికలో టాప్ ర్యాంక్ ఉన్న జట్లు ఫైనల్స్‌కి చేరుకుంటయి. ఫైనల్ మ్యాచ్ ఈ ఆదివారం (డిసెంబర్ 21)న ఐసిసి అకాడమీ గ్రౌండ్ వేదికగా జరుగనుంది.

ముంబయి: ఆసియా కప్ ఫైనల్‌లో భారత్ ఘన విజయం సాధించింది. ఫైనల్‌లో పాక్‌పై ఐదు వికెట్ల తేడాతో టీమిండియా విజయ దుందుభి మోగించింది. ఇప్పటి ఆసియా కప్‌ను భారత్ తొమ్మిది సార్లు గెలుచుకుంది. ఆసియా కప్ ఫైనల్‌లో టీమిండియా గెలవడంతో కాంగ్రెస్ ఎంపి శశిథరూర్ తన ఎక్స్‌లో స్పందించారు. విజయం వరించగానే అందరూ క్రికెటర్లను ప్రశంసిస్తున్నారని, తెరవెనుక జరిగి వాటి గురించి తెలియదన్నారు. అపజయాలు వచ్చినప్పుడు కోచ్, సెలక్టర్లపై విమర్శలు వస్తాయని, విజయాలు వరించినప్పుడు వాళ్లను పట్టించుకోవడంలేదని బాధను వ్యక్తం చేశారు. అసియా కప్‌లో గెలవడంతో కోచ్, సెలక్టర్ల పాత్ర ఉండడంతో వారిని అభినందాద్దామని తెలిపారు.