Breaking News,కరీంనగర్,జగిత్యాల,తాజా వార్తలు

హైదరాబాద్: జగిత్యాల జిల్లాలో గ్రామ పంచాయతీ ఎన్నికల పోలింగ్ కొనసాగుతోంది. ఉదయం 11 గంటల వరకు 51.77 శాతం పోలింగ్ నమోదైంది. ఓటర్లు తమ ఓటు హక్కును వినిగియోగించుకునేందుకు బారులు తీరారు. బీర్పూర్(54.22), జగిత్యాల(54.9). జగిత్యాల రూరల్(54.72), కొడిమాయిల్(50.04), మలైల్(44.48), రాల్కల్(55.57), సారంగపూర్(52.76) మండల్లాలో పోలింగ్ శాతం నమోదైంది. ఏడు మండలాల్లో పంచాయతీ ఎన్నికల పోలింగ్ ప్రశాంతంగా జరుగుతుంది. వృద్ధులు సైతం పోలింగ్ కేంద్రాలకు చేరుకుని తమ ఓటు హక్కును వినియోగించుకుంటున్నారు.

కథలాపూర్: జగిత్యాల జిల్లా కథలాపూర్ మండలంలో విషాదం చోటుచేసుకుంది. తమ్ముడు ఎన్నికల్లో ఓడిపోతున్నాడని తెలిసి అక్క గుండెపోటుతో మృతి చెందింది. గంభీర్ పూర్ గ్రామంలో సర్పంచ్‌గా పోతు శేఖర్ పోటీ చేశారు. కౌంటింగ్ జరుగుతుండగా తమ్ముడు వెనుకంజలో ఉన్నాడని తెలిసి అక్క మమత ఆవేదన చెందింది. అక్కడే కూలబడిపోవడంతో వెంటనే ఆమెను స్థానిక ఆస్పత్రికి తరలించారు. గుండెపోటుతో మమత మృతి చెందిందని పరీక్షించిన వైద్యులు తెలిపారు. గ్రామంలో విషాదచాయలు అలుముకున్నాయి. మృతురాలి కుటుంబం శోకసంద్రంలో మునిగిపోయింది. 

కొండగట్టు: జగిత్యాల జిల్లా కొండగట్టు వద్ద శనివారం అర్థరాత్రి ఘోర అగ్నిప్రమాదం జరిగింది. స్థానిక అభయ హనుమాన్ విగ్రహం సమీపంలో బొమ్మల దుకాణంలో మంటలు అంటుకున్నాయి. పెద్ద ఎత్తున మంటల చెలరేగడంతో 32 దుకాణాలు అగ్నికి అహుతిగా మారాయి. భారీగా అస్తి నష్టం జరిగినట్టు తెలుస్తోంది. ఒక్కో దుకాణంలో రూ.8 లక్షల నుంచి రూ.10 లక్షల వరకు బొమ్మలు ఉన్నాయని నిర్వహకులు తెలిపారు. సమ్మక్క-సారలమ్మ జాతర ఉండడంతో పెద్ద మొత్తంలో బొమ్మలు తయారు చేయడంతో దిగుమతి చేసుకున్నామని వ్యాపారులు చెబుతున్నారు. కోట్లలో ఆస్తి నష్టం జరిగిందని వ్యాపారులు పేర్కొన్నారు. మల్యాల, ధర్మపురి సిఐలు రవి, రాంనర్సింహ్మారెడ్డి ఘటనా స్థలానికి చేరుకొని స్థలాన్ని పరిశీలించారు. షార్ట్ సర్కూట్‌తోనే ఈ ప్రమాదం జరిగి ఉంటుందని అనుమానా వ్యక్తమవుతున్నాయి. పోలీసులు కేసు నమోదు చేసి దర్యాప్తు చేస్తున్నారు. 

మేడిపల్లి: తెలంగాణకు చెందిన యువకుడు లండన్‌లో గుండెపోటుతో చనిపోయాడు. జగిత్యాల జిల్లా మేడిపల్లి మండలం దమ్మన్నపేటకు చెందిన రమేశ్ రెడ్డి కుమారుడు ఏనుగు మహేందర్ రెడ్డి రెండు సంవత్సరాల క్రితం పిజి చేసేందుకు లండన్‌కు వెళ్లాడు. పిజి పూర్తి చేసిన అనంతరం సదరు విద్యార్థికి వర్క్ వీసా కూడా వచ్చింది. రూమ్ లో ఉండగా ఒక్కసారిగా కుప్పకూలిపోయాడు. వెంటనే అతడిని స్థానిక ఆస్పత్రికి తరలించారు. మహేందర్ రెడ్డి గుండెపోటుతో మృతి చెందాడని పరీక్షించిన వైద్యులు తెలిపారు. కాంగ్రెస్ పార్టీ మేడిపల్లి మండల అధ్యక్షుడిగా రమేశ్ రెడ్డి పని చేస్తున్నారు. యువకుడి మృతిపట్ల వేములవాడ ఎంఎల్ ఆది శ్రీనివాస్, పలువురు ప్రజాప్రతినిధులు, స్థానిక కాంగ్రెస్ కార్యకర్తలు, గ్రామస్థులు సంతాపం తెలిపారు. దమ్మన్నపేటలో విషాదచాయలు అలుముకున్నాయి. మృతుడి తల్లిదండ్రులు శోకసంద్రంలో మునిగిపోయారు.