Breaking News,ఆంధ్రప్రదేశ్ వార్తలు,తాజా వార్తలు

అమరావతి: మారేడుపల్లి వద్ద జరిగిన ఎన్‌కౌంటర్‌లో మేటూరి జోగారావు అలియాస్ టెక్ శంకర్ మృతి చెందిన విషయం తెలిసిందే. పోలీసులు టెక్ శంకర్ మృతదేహాన్ని కుటుంబ సభ్యులకు అప్పగించారు. శ్రీకాకుళం జిల్లా వజ్రపుకొత్తూరు మండలం బాతుపురం గ్రామానికి పోలీసులు టెక్ శంకర్ మృతదేహంతో చేరుకున్నారు. మేటూరు జోగారావు మృతదేహం చూడటానికి ప్రజలు పెద్ద ఎత్తున తరలివస్తున్నారు. ప్రజాసంఘాలు, సానుభూతిపరులు టెక్ శంకర్ కు తుది నివాళులర్పిస్తున్నారు. మారేడుపల్లి ఎన్‌కౌంటర్‌లో చనిపోయిన శంకర్ మావోయిస్టు పార్టీలో కీలక నేతగా ఎదిగాడు. ఆంధ్రా-ఒడిశా బార్డర్ మావోయిస్టు పార్టీ ఇంచార్జిగా వ్యవహరించాడు. ఆయుధాలు తయారు చేయడంతో పాటు వాటి ఐఇడి నిపుణులుగా పేరొందాడు. మావోయిస్టు ఉద్యమంలో దశాబ్దాల నుంచి ఉండడంతో పోలీసుల రికార్డుల్లో మాత్రం శంకర్, బాబు, శివగా ఉన్నారు.  అల్లూరి సీతారామారాజు జిల్లా రంపచోడవరం మండలం మారేడుమిల్లి ప్రాంతంలోని లోతట్టు ప్రాంతంలో టైగర్ జోన్ పుల్లగండి అడవుల్లోని నల్లూరు జలపాతం వద్ద మావోయిస్టు అగ్రనేత, కేంద్రకమిటీ సభ్యుడు హిడ్మా, ఆయన సతీమణి రాజే, టెక్ శంకర్ తోసహా ఆరుగురు మావోయిస్టులు ఎన్ కౌంటర్ లో హతమైన విషయం విధితమే. 

రావులపాలెం: డాక్టర్ బిఆర్ అంబేద్కర్ కోనసీమ జిల్లాలో కలకలం రేగింది. రావుల పాలెంలో మావోయిస్టు అగ్రనేత హిడ్మా అనుచరుడిని పోలీసులు అరెస్ట్ చేశారు. మంగళవారం మారేడుమిల్లి వద్ద జరిగిన ఎన్‌కౌంటర్‌లో హిడ్మా మద్వి మృతి చెందిన విషయం తెలిసిందే. ఆయన అనుచరుడు మడివి సరోజ్ రావులపాలెంలో ఉన్నట్లు గుర్తించారు. బుధవారం అతడిని అరెస్ట్ చేసి విచారిస్తున్నారు. సరోజ్ స్వస్థలం అల్లూరి సీతారామరాజు జిల్లా ఎటపాక మండలం నెల్లిపాక.

 ఆంధ్రప్రదేశ్ అల్లూరి సీతారామరాజు జిల్లా మారేడుమిల్లి అడవుల్లో

ఎదురు కాల్పులు మావోయిస్టు అగ్రనేత, కేంద్రకమిటీ సభ్యుడు

హిడ్మా, ఆయన సతీమణి రాజే సహా ఆరుగురు మావోయిస్టులు

హతం మావోయిస్టు ఉద్యమానికి తీవ్ర విఘాతం 26 సాయుధ

దాడులకు నాయకత్వం రంపచోడవరం ఏరియా ఆసుపత్రికి

మృతదేహాల తరలింపు గెరిల్లా దాడుల వ్యూహకర్తగా పేరు చిన్న

వయస్సులోనే ఉద్యమంలో చేరిన మద్వి హిడ్మా ఆయనపై రూ.కోటి

రివార్డు కొనసాగుతున్న కూంబింగ్ ఆపరేషన్ భారీ స్థాయిలో

ఆయుధాలు స్వాధీనం కగార్ ఆపరేషన్‌లో తప్పించుకొని

మారేడుమిల్లిలో శవమైన మావోయిస్టు నేత కొడుకా లొంగిపోమ్మ

తల్లి కోరిన వారం రోజులకే ఎన్‌కౌంటర్

మనతెలంగాణ/ఖమ్మంబ్యూరో: ఐదు రాష్ట్రాల మోస్ట్ వాంటెడ్ నేత, సిపిఐ ఎంఎల్ మావోయిస్టు కేంద్ర కమిటీ సభ్యుడు, ఆదివాసీ పోరాట యోధుడు, భూమ్కల్ తిరుగుబాటుయోధుడు గుండాధుర్‌వారసుడు,మడవి హిడ్మా అలియాస్ సంతోష్ మంగళవారం జరిగిన ఎన్‌కౌంటర్‌లో హతమయ్యాడు. కగార్ ఆపరేషన్‌లో తప్పించుకు ని మూడు రాష్ట్రాల పోలీసులను ముప్పుతిప్పులు పెట్టిన మావోయిస్టు గెరిల్లా కమిటీ కార్యదర్శి అయిన హిడ్మాతో పాటు అతని భార్య రాజే మరో నలుగురు మంగళవారం ఉదయం ఆంధ్రప్రదేశ్ రాష్ట్రం, అల్లూరి సీతారామరాజు జిల్లా, రంపచోడవరం మండలం, మారేడుమిల్లి టైగర్ జోన్, అటవీ ప్రాంతంలో జరిగిన ఎన్‌కౌంటర్‌లో మృతి చెందారు. ఈ విషయాన్ని ఆంధ్రప్రదేశ్ డిజిపి హరీష్ కు మార్ గుప్తా, ఇంటెలిజెన్స్ అదనపు డిజి మహేష్ చంద్ర లడ్హా ధృవీకరించారు. మావోయిస్టు గెరిల్లా కమిటీ కా ర్యదర్శిగా, ఒకటో బెటాలియన్   కమాండెంట్‌గా ఉంటూ మిలటరీ ఎత్తుగడలో దిట్ట, వ్యూహకర్తగా పేరుగాంచిన హిడ్మా పోలీసులకు మోస్ట్ వాంటెడ్ నక్సల్. ఇటీవలనే అతని ఇంటికి ఛత్తీస్‌గఢ్ పోలీసులు, ఆ రాష్ట్ర హోం శాఖ మంత్రి కూడా వెళ్లి, పోలీసులకు లొంగిపోవాల్సిందిగా హిడ్మా తల్లిని కలిసి కోరిన కొద్దిరోజులకే ఎన్ కౌంటర్‌కు గురయ్యాడు.

ఛత్తీస్‌గఢ్ రాష్ట్రంలోని సుక్మా జిల్లా, మింతగుపా పోలీస్ స్టేషన్ల పరిధిలోని సమర్పిడి అటవీ ప్రాంతంలో రెండు రోజుల క్రితం జరిగిన ఎదురుకాల్పుల్లో ముగ్గురు మావోయిస్టులు మృతి చెందారు. ఈ నేపథ్యంలో తెలంగాణలో భద్రాచలం డివిజన్ సరిహద్దు, ఆంధ్రప్రదేశ్, ఒడిశా రాష్ట్రాల సరిహద్దులోని అల్లూరి సీతారామారాజు జిల్లా, రంపచోడవరం మండలం, మారేడుమిల్లి ప్రాంతంలో ని లోతట్టు ప్రాంతంలో టైగర్ జోన్ పుల్లగండి అడవుల్లోని నల్లూరు జలపాతం వద్ద మావోయిస్ట్ అగ్ర నేతలు తలదాచుకున్నారనే పోలీసు బలగాలకు అందిన విశ్వసనీయ సమాచారం అందిం ది. ఈ మేరకు మంగళవారం తెల్లవారుజాము నుంచే స్థానిక పోలీసులు, భద్రతా బలగాలు పెద్ద ఎత్తున అక్కడికి చేరుకుని కూంబింగ్ చేపట్టారు. అంతలోనే ఎదురు కాల్పులు మొదలయ్యాయి. ఉదయం 6,7 గంటల మధ్య ఈ ఎన్‌కౌంటర్‌లో మావోయిస్టులు, పోలీసు పార్టీ మధ్య జరిగిన ఎదురుకాల్పులు హిడ్మాతో పాటు, అత ని భార్య, డివిజనల్ కమిటీ సభ్యురాలు రాజే అ లియాస్ రాజక్క, ఆయనకు సెక్యూరిటీ ఉన్న దేవే, లక్మల్ అలియాస్ చైతు, మల్ల అలియాస్ మల్లాలు, కమ్లు అలియాస్ కమ్లేష్ మృతి చెం దారు.

ఛత్తీస్‌గఢ్‌లో తీవ్ర నిర్బంధ పరిస్థితుల నేపథ్యంలో విజయవాడలో షెల్టర్ తీసుకునేందుకు కొందరు, అడవుల్లోనే ఉండి పార్టీ కార్యకలాపాలను కొనసాగించేందుకు మరికొందరు ఎపి రాష్ట్రం వైపు వస్తున్న క్రమంలో పోలీసులకు అందిన సమాచారంతో ఈ ఎన్‌కౌంటర్ జరిగిందని ఎపి ఎడిజి లడ్డా తెలిపారు. ఘటనా స్థలం లో రెండు ఎకె -47, ఒక్కొక్కటి చొప్పున పిస్టల్, 303 రివాల్వర్, సింగిల్ బోర్ తుపాకీ, పలు ఆయుధాల తూటాలు, డిటొనేటర్లు, బీజీవిల్ లాం చర్లు, ఎలక్ట్రికల్ డిటోనేటర్లు, నాన్ ఎలక్ట్రికల్ డిటోనేటర్లు -150, ఎలక్ట్రికల్ వైర్ బండిల్ -1, కెమెరా ఫ్లాష్ లైట్ -1, కటింగ్ బ్లేడ్- 1, ఫ్యూజ్ వైర్ -25 మీటర్లు, 7 కిట్ బ్యాగులు, ఇతర ఆయుధాలు, మందుగుండు సామగ్రిని స్వాధీనం చేసుకున్నారు.

ఎన్‌కౌంటర్‌లో మరణించిన హి డ్మాపై రూ. కోటి, ఆయన భార్యపై రూ.50 లక్షల రివార్డ్ ఉంది. ఈ ఎన్‌కౌంటర్ జరిగిన ప్రాంతం నుంచి ఆరుగురు మావోయిస్టులు త ప్పించుకోగా వారి కోసం గాలింపు చర్యలు కొనసాగుతున్నట్లు పోలీసులు అధికారులు తెలిపా రు. అయితే ఇదేరోజు ఆంధ్రప్రదేశ్ రాష్ట్రంలోని విజయవాడ, కాకినాడ నగరాల్లో 31 మంది మావోయిస్టులను అరెస్ట్ కావడం గమనార్హం.

 హిడ్మా స్కెచ్ గీస్తే తిరుగుండదు

భారీ దాడులకు ప్రధాన వ్యూహకర్త

మావోయిస్టు కేంద్ర కమిటీలో

అతి పిన్న వయస్కుడు

మన తెలంగాణ/ఖమ్మం బ్యూరో: ఛత్తీస్‌గఢ్ రాష్ట్రంలోని సుక్మా జిల్లాలో నాగరికత సరిగ్గా లేని ఒక ఆదివాసి గ్రా మం అయిన పూన్వర్తికి చెందిన హిడ్మా 1981లో జన్మించాడు. అతని తల్లిదండ్రులు అదే గ్రామంలో ఉంటున్నారు. 5వ తరగతి వరకే చదువుకున్న ఆయన 25 ఏళ్ల వయసులోనే మావోయిస్టు పార్టీలో చేరి అనతికాలంలోనే మంచిపేరు సంపాదించుకున్నాడు. మావోయిస్టు పార్టీలో గెరిల్లా దాడుల్లో దిట్టగా పేరుపొందాడు. పార్టీ అప్పగించిన ఏ పనినైనా సులభంగా చేసే నైపుణ్యం కలిగి ఉండేవాడు. విలాస్, హిడ్మాల్, అనే పేర్లతో కూడా అతనిని పిలుస్తారు. హిడ్మాకు హిందీ, గోండి, తెలుగు, కోయ, బెంగాలీ భాషలపై మంచి పట్టు ఉంది. ప్రస్తుతం ఆయన వయసు 43 ఏళ్లు. మావోయిస్టు పార్టీ పీపుల్స్ లిబరేషన్ గెరిల్లా ఆర్మీ (పిఎల్‌జిఎ)-1వ బెటాలియన్‌కు కమాండర్‌గా, దండకారణ్య స్పెషల్ జోనల్ కమిటీలో సభ్యుడిగా పనిచేశాడు. సిపిఐ మావోయిస్టుల అత్యున్నత నిర్ణయాధికార సంస్థ అయిన సెంట్రల్ కమిటీలో అతి పిన్న వయస్కుడు ఆయనే. బస్తర్ ప్రాంతం నుంచి కేంద్ర కమిటీలో ఉన్న ఏకైక గిరిజన సభ్యుడు కూడా ఆయనే. కొత్తగా ఏ బెటాలియన్ పెట్టినా హిడ్మా ఆధ్యర్యంలోనే పూర్తి స్థాయి శిక్షణ ఉంటుంది.

పిఎల్‌జిఎతోపాటు మిలీషియా సభ్యులకు కూడా ఫైరింగ్‌లో శిక్షణ ఇస్తాడు. ఛత్తీస్‌గఢ్‌లో జరిగిన 25కు పైగా ఘటనలకు హెడ్మానే సూత్రధారి. దండకారణ్యంలో మావోయిస్టు కమిటీల్లో కీలకంగా మారిన హిడ్మాకు సైనిక ఆపరేషన్, గెరిల్లా యుద్ధతంత్రంలో ప్రధాన వ్యూహకర్తగా పేరుంది. ప్రస్తుతం హిడ్మా పీపుల్స్ లిబరేషన్ గెరిల్లా ఆర్మీ (పిఎల్‌జిఎ) ప్లాటూన్-1 కమాండర్, కేంద్ర కమిటీ సభ్యుడిగా ఉన్నాడు. హిడ్మా దళానికి అత్యంత శక్తివంతమైన దళంగా పేరుంది. భారీ ఆపరేషన్లలో హెడ్మాది మాస్టర్ మైండ్. భారీ దాడుల్లో స్వయం గా పాల్గొంటూ కేంద్ర బలగాలకు కొరకరాని కొయ్యగా మారాడు. మావోయిస్టు కేంద్ర కమిటీలోకి హిడ్మాను తీసుకోవడంపై అప్పట్లో పార్టీలో చాలా విభేదాలు వచ్చా యి. ఎలాంటి సిద్ధాంత జ్ఞానం లేని హిడ్మాను తీసుకోవడం అంటే హింసను ప్రోత్సహించడమేనని కొంతమంది మావోయిస్టులు అభ్యంతరం పెట్టారు. మావోయిస్టు పార్టీ సిద్ధాంతాన్ని వదిలి పూర్తిగా హింసామార్గాన్ని అందుకున్నాడని హిడ్మాకు వ్యతిరేకంగా వాదనలు వచ్చాయి. ముఖ్యంగా ఇన్ఫార్మర్ల నెపంతో హిడ్మా కిరాతక హత్యలకు పాల్పడినట్లు ఆరోపణలు వచ్చాయి. తన నీడను కూడా హిడ్మా నమ్మడని, దాదాపు 10 మందిని తనకు రక్షణగా నియమించుకున్నాడని లొంగిపోయిన మావోయిస్టులు చెప్పేవారు. హిడ్మాను ఎవరూ చంపలేరని మావోయిస్టు పార్టీలో ఒక గట్టి నమ్మకం కూడా ఉండే.

మావోయిస్టుల్లో హీరో హిడ్మా

ఛత్తీస్‌గఢ్‌లో రెండు దశాబ్దాలుగా జరిగిన ప్రధాన హింసాకాండలకు హిడ్మాయే వ్యూహకర్తగా, సాక్షిగా నిలిచాడు. ఆయన ఆధ్వర్యంలో జరిగిన అనేక కీలక దాడుల్లో వందలాది మంది పోలీసులు, జవాన్లు మృతి చెందా రు ఛత్తీస్‌గఢ్‌లో గెరిల్లా దాడుల బాధ్యతలను ఇంతకుముందు మవోయిస్టు నేత రామన్న చూసేవారు. ఆ తర్వాత హిడ్మా ఆ బాధ్యతలు చేపట్టాడు. కూంబింగ్ ఆపరేషను చేసే పోలీస్ బలగాలపై, సిఆర్‌పిఎఫ్ క్యాంపులపై మెరుపు వేగంతో దాడులు చేయడంలో అందవేసిన చె య్యి. దండకారణ్యంపై పూర్తి పట్టు ఉన్న హిడ్మా ఆధ్వర్యంలోనే మవోయిస్టు పార్టీలోని పరిశోధన అభివృద్ధి విభాగం పనిచేస్తోంది. 2010 ఏప్రిల్ 6న సుక్మా జిల్లా, తాడిమెట్ల అటవీ ప్రాం తంలో మైన్ ప్రొటెక్షన్ వాహనాన్ని మందుపాతరలతో పే ల్చి వేసి కాల్పులు జరిపిన ఘటన హిడ్మా ఆధ్వర్యంలోనే జరిగింది.

ఇందులో 74 మంచి సిఆర్‌పిఎఫ్ జవాన్లు, ఒక సాధారణ పౌరుడు మృతి చెందాడు. అప్పట్లో సంచలనం గా మారిన ఈ దాడికి హిడ్మా నాయకత్వం వహించాడు. 2017 మార్చి 17న సుక్మా జిల్లా, బెజ్జి పోలీస్ స్టేషన్ పరిధిలోని కొత్తచెరుపు దగ్గర రోడ్డు నిర్మాణ పనులకు భద్రతగా వెళ్తున్న జవాన్లపై మందుపాతరతో దాడి జరిగింది. ఆ ఘటనలో 25 మంది సిఆర్‌పిఎఫ్ జవాన్లు మృతి చెం దారు. 2017 ఏప్రిల్ 24న ఇదే జిల్లా చింతగుప్తా పోలీస్ స్టేషన్ పరిధిలోని బుర్మాపాల్ దాడిలోనూ హిడ్మా పాత్ర ఉందని మావోయిస్టు పార్టీయే ప్రకటించింది. నిర్మాణ పనులకు భద్రతగా వెళ్తున్న సిఆర్‌పిఎఫ్ జవాన్లను చుట్టుముట్టి చేసిన దాడిలో 24 మంది జవాన్లు చనిపోయారు. 2018 మార్చి 13న సుక్మా జిల్లా, కాసారం అటవీ ప్రాం తంలో మావోయిస్టులు మందుపాతర పేల్చడంతో 12 మంది జవాన్లు మృతి చెందారు.

20 20 ఫిబ్రవరిలో ఇదే జిల్లా, పిడిమెట అటవీ ప్రాంతంలో మందు పాతర పేల్చి, కాల్పులు జరపడంతో 12 మంది సిఆర్ పి జవాన్లు మృతి చెందారు. ఇటీవల జొన్నగూడెం దాడిలో 22 మంది జవాన్లు మృతి చెందారు. హిడ్మా స్కెచ్ గిస్తే ఎవరూ త ప్పించుకోలేరని మావోయిస్టు పార్టీలో గట్టి నమ్మకం. చా లాకాలం పాటు పోలీసులకు సైతం తన ఫొటో కూడా దొ రకకుండా జాగ్రత్తపడిన హిడ్మా గురించి మావోయిస్టు కే డర్లోనే చాలా మం దికి తెలియదు. సుక్మా జిల్లా, మళ్లి, ని షాద్ వర్గాలకు చెందిన వందలాది మందిని మావోయిస్టు విభాగంలో చేర్పించి, వారికి ఆయుధ శిక్షణ ఇచ్చి పిఎల్‌జిఎలో నియమించుకున్నాడు. చాలా భారీ దాడుల్లో స్వయంగా పాల్గొంటూ కేంద్ర బలగాలకు మోస్ట్ వాంటెడ్‌గా మారిపోయాడు. పలుమార్లు కేంద్ర భద్రతా బలగాల నుంచి తప్పించుకున్న విషయం విదితమే.

పట్టుకెళ్లి కాల్చారు: పౌరహక్కుల సంఘం

విజయవాడ ప్రాంతంలో తలదాచుకున్న ఆరుగురిని పోలీసులే పట్టుకెళ్లి కాల్చిచంపినట్లుగా సిపిఐ ఎంఎల్ మాస్‌లైన్ రాష్ట్ర కార్యదర్శి పోటు రంగారావు, న్యూడెమోక్రసీ రాష్ట్ర కార్యదర్శి పి సూర్యం, పౌరహక్కుల సంఘాలు ఆరోపిస్తున్నాయి. చిత్రహింసలకు గురిచేసి కిరాతకంగా హత్యచేసి మారేడుమల్లి ప్రాంతాలకు ప ట్టుకెళ్లి ఎన్‌కౌంటర్ నాటకం ఆడారని వారు ఆరోపిం చారు. మావోయిస్టు కేంద్ర కమిటీ సభ్యుడు తిప్పని తిరుపతి మరో ఎనిమిది మందిని అరెస్ట్ చేసి చిత్రహింసలకు గురిచేస్తున్నారని వారు ఆరోపించారు. మారుడుమిల్లి ఎన్‌కౌంటర్ బూటకమని సిపిఐ రాష్ట్ర కార్యదర్శి కూనంనేని సాంబశివరావు ఖండించారు.

5 జిల్లాల్లో 50 మందికి పైగా అరెస్ట్, భారీగా డంపులు గుర్తింపు

మన తెలంగాణ/హైదరాబాద్ : ఎపిలో పలు చోట్ల మావోయిస్టులు షెల్టర్‌గా మార్చుకుని ఆజ్ఞాతంలో ఉన్నారు. రాష్ట్రంలో సుమారు 60 నుంచి 70 మంది మావోయిస్టులు తలదాచుకున్నట్లు పోలీసులకు సమాచారం వచ్చింది. విజయవాడ, కాకినాడ, అల్లూరి, ఎన్టీఆర్, కృష్ణా, ఏలూరులో మావోయిస్టుల ఉనికి తీవ్ర కలకలం రేపింది. ఇంటలిజెన్స్ సమాచారంతో విజయవాడ న్యూ ఆటోనగర్‌ను మావోయిస్టులు షెల్టర్ జోన్‌గా మార్చుకున్నారన్న పక్కా సమా చారంతో మంగళవారం ఉదయం నుంచి కేంద్ర బలగాలు, ఆక్టోపస్, బాంబ్ స్కాడ్, స్థానిక పోలీసులు పెద్ద ఎత్తున అక్కడికి చేరుకున్నారు. దాదాపు రెండు, మూడు బస్సుల్లో పోలీసుల బలగాలు వచ్చిన ఈ ప్రాంతాన్ని పూర్తిగా తమ ఆధీనంలోకి తీసుకున్నాయి.

నాలుగు అంతస్తుల భవనాన్ని పోలీసులు చుట్టుముట్టారు. చుట్టుపక్కల ఉన్న దుకాణాలు, పరిశ్రమలను మూసివేసి తనిఖీలు చేపట్టారు. సోదాల్లో 28 మంది మావో యిస్టులను అరెస్ట్ చేశారు. వారిలో 21 మంది మహిళలు, మరో ఏడుగురు కీలక హోదాల్లోని వ్యక్తులున్నట్లు తెలిసింది.. వీరంతా ఛత్తీస్‌గఢ్‌కు చెందిన వారిగా పోలీసులు చెబుతున్నారు. అయితే మారేడుమిల్లిలో జరిగిన ఎన్‌కౌంటర్ దగ్గర హిడ్మా డైరీ దొరికిందని అందులో ఉన్న సమాచారం ఆధారంగానే సెర్చ్ ఆపరేషన్ జరిగిందని అంటున్నారు. ఇందులో పలు కీలక విషయాలు ఉన్నట్టుగా చర్చ జరుగుతోంది. దీనిపై క్లారిటీ రావాల్సి ఉంది. డైరీలో షెల్టర్ల గురించిన సమాచారం రాసుకున్నారా? లేదంటే ఎలాంటి విషయాలు ఉన్నాయనే విషయం తెలియాల్సి ఉంది. మావోయిస్టులు ఉన్నారన్న పక్కా సమాచారంతో విజయవాడ, కాకినాడ నగరాల్లో నిర్వహించిన సోదాల్లో ఇప్పటి వరకు (విజయవాడలో 32 మంది), (కాకినాడ నగరంలో 2) మొత్తంగా 34 మంది మావోయిస్టులను అరెస్టు చేసినట్లు తెలిసింది.

విచారణలో మావోయిస్టులు నగర శివార్లలో నాలుగు చోట్ల ఆయుధాలు, పేలుడు పదార్థాలతో కూడిన డంప్‌లను ఏర్పాటు చేసినట్లు కీలక సమాచారం లభించింది. దీంతో అప్రమత్తమైన బలగాలు ఆటోనగర్ పరిసర ప్రాంతాల్లో విస్తృతంగా గాలింపు చర్యలు చేపట్టాయి. మరోవైపు, మావోయిస్టులకు ఆశ్రయం కల్పించిన భవన యజమాని గత నెలన్నరగా విదేశాల్లో ఉన్నట్లు తేలింది. దీంతో భవన వాచ్‌మేన్‌ను అదుపులోకి తీసుకుని పోలీసులు విచారిస్తున్నా రు. గ్రామీణ, ఏజెన్సీ ప్రాంతా లకే పరిమితమైన మావోయిస్టులు వ్యూహం మార్చి విజయవాడ వంటి కీలక నగరంలో స్థావరం ఏర్పాటు చేసుకోవడం భద్రతా వర్గాలను ఆశ్చర్యానికి గురిచేస్తోంది. నగరంలో ఉంటూ తమ కార్యకలా పాలను విస్తరించే ప్రణాళికలో భాగంగానే ఇక్కడికి వచ్చి ఉంటారని పోలీసులు అనుమా నిస్తున్నారు. ఇంత పెద్ద సంఖ్యలో మావోయిస్టులు ఎపి నగరాల్లో అరెస్టు కావడం ఇదే తొలిసారి. ప్రత్యేకంగా బిహార్, ఛత్తీస్‌గఢ్ నుంచి ఇక్కడి వస్తున్నందున ఎవరికీ అనుమానం రాదని అందుకే దీన్ని సురక్షిత ప్రాంతంగా భావించినట్లు తెలుస్తోంది. గత కొద్ది కాలంగా వీరు ఇక్కడ ఉన్నట్లు తెలుస్తోంది. అయితే ఇక్కడ షెల్టర్ జోన్ ఎవరు ఇచ్చారు? మావోయిస్టులకు ఎవరైనా సానుభూతిపరులు ఉన్నారా? అనే కోణంలోనూ పోలీసులు ఆరా తీస్తున్నారు.

ఛత్తీస్‌గఢ్‌లో మావోయిస్టు కదలికలు పీక్‌లో ఉన్న ప్పుడు కూడా ఇలా జరగలేదని పోలీసు వర్గాలు చెబుతున్నాయి. చత్తీస్‌గఢ్‌లో మావోయిస్టులు బలగాల నుంచి ఒత్తిడి ఎదుర్కొంటు న్నారు. ఈ క్రమంలో మే 2025లో నంబాల కేశవరావు ఎన్‌కౌంటర్ తర్వాత చార్జీ తీసుకున్న జనరల్ సెక్రటరీ తిప్పిరి తిరుపతి (దేవూజీ) తమ ఉద్యమాన్ని పునరుజ్జీవనం చేయాలని పథక వేశాడు.. హిడ్మా ఈ ప్లాన్‌లో కీలక పాత్ర పోషించాడు. ఎపిలో కీలకమైన నేతల్ని హత్య చేయడం ద్వారా తమ ఉనికి బలంగా చాటాలనుకున్నారు. అయితే ఇంటలిజెన్స్ పోలీసులకు సమాచారం వచ్చింది. దీంతో అరెస్టు చేశారు. అరెస్టుల తర్వాత పోలీసులు విజయవాడ న్యూ ఆటోనగర్, పెనమలూరు, ఏలూరు, కాకినాడలో సోదాలు చేశారు.

హిడ్మా డైరీలో రాసిన డంపులు ఆయుధాలు, సరుకులు, మెడిసిన్‌లు దాచిన చోట్ల కోసం రెండు రాష్ట్రాల్లోనూ సోదాలు చేస్తున్నారు. ఎపితో పాటు చత్తీస్‌గఢ్, తెలంగాణ, ఒడిశా లో కూడా ఫోర్ -స్టేట్ సెర్చ్ ఆపరేషన్ మొదలైంది. ‘మిగిలిన మావోయిస్టులు వలస కూలీల రూంలో దాక్కుని ఉండవచ్చని అనుమాని స్తున్నారు. ఈ ఘటనతో విజయవాడతో పాటు పరిసర ప్రాంతాల్లో భద్రతను కట్టుదిట్టం చేశారు. అరెస్ట్ అయిన వారిని మరింత లోతుగా విచారించి, వారి నెట్‌వర్క్‌ను ఛేదించేందుకు అధికారులు ప్రయత్నిస్తున్నారు. అదే విధంగా ఏలూరులో 15 మంది మావోయిస్టులను పోలీసులు అరెస్టు చేసినట్లు సమాచారం జిల్లా ఎస్పీ ప్రతాప్ శివ కిశోర్ ఆధ్వర్యంలో ఏలూరు శివారులోని గ్రీన్‌సిటీ గేటెడ్ కమ్యూనిటీలోని ఓ భవనంలో 15 మంది మావోయిస్టులను స్పెషల్ పార్టీ పోలీసులు అరెస్టు చేసినట్లు సమా చారం.అదుపులోకి తీసుకున్న వారిని ఏలూరు రూరల్ పోలీసుస్టేషన్‌కు తరలిం చారు. ఒడిశాకు చెందిన వీరంతా గత వారం రోజులుగా గ్రీన్ సిటీలో తలదాచుకుంటున్నట్లు అనుమానిస్తున్నారు.

మావోయిస్టుల కదలికలపై ఇంటెలిజెన్స్ ఎడిజి కీలక ప్రకటన

రాష్ట్రంలో హిడ్మా ఎన్ కౌంటర్ తర్వాత మావోయిస్టుల కదలికలపై ఇంటెలిజెన్స్ ఎడిజి మహేష్ చంద్ర లడ్హా కీలక ప్రకటన చేశారు. ‘మారేడుమిల్లి ఎన్‌కౌంటర్‌లో ఆరుగురు మావోయిస్టులు చనిపోయారు. మంగళవారం ఉదయం 6.30 నుంచి 7 గంటల మధ్యలో ఎన్‌కౌంటర్ జరిగింది. కృష్ణా జిల్లా, విజయవాడ, కాకినాడలో మావోయిస్టులను అరెస్టు చేశాం. అరెస్టైన వారిలో 9 మంది సెంట్రల్ కమిటీ సభ్యులు ఉన్నారు. రెండు రోజులుగా ఇంటెలిజెన్స్ సమాచారంతో మావోయిస్టుల గాలింపు చర్యలను విస్తృతంగా చేపట్టాం. అలాగే మావోయిస్టులతో పాటు భారీ ఎత్తున ఆయుధాలు, పేలుడు పదార్థాలను స్వాధీనం చేసుకున్నాం. వీటిలో రెండు ఎకె 47లు,, ఒక పిస్టోల్ , ఒక రివాల్వర్, సింగిల్ బోర్ ఆయుధం, 1525 ఎలక్ట్రికల్ డిటోనేటర్లు, 150 నాన్ ఎలక్ట్రికల్ డిటోనేటర్లు, మరో ఎలక్ట్రికల్ వైర్ బండిల్, కెమెరా ఫ్లాష్ లైట్ , కటింగ్ బ్లేడ్ , 25 మీటర్ల ప్యూజ్ వైర్, ఏడు కిట్ బ్యాగులు ఉన్నాయి. ఇంకా కూంబింగ్ ఆపరేషన్ కొనసాగుతోంద’ని ఎడిజి మహేష్ చంద్ర లడ్హా తెలిపారు.

విజయవాడ: నగరంలో మావోయిస్టుల సంచారం కలకలం సృష్టించింది. నగర శివారులో కానూరు కొత్త ఆటోనగర్‌లో కేంద్ర బలగాలు సోదాలు చేపట్టాయి. ఈ సోదాల్లో ఛత్తీస్‌గఢ్‌కి చెందిన 27 మంది మావోలను అరెస్ట్ చేశారు. ఓ భవనాన్ని షెల్టర్‌గా చేసుకొని మావోలు ఉన్నట్లు సమాచారం అందుకున్న పోలీసులు అక్కడ తనిఖీలు చేపట్టారు. అరెస్ట్ అయిన వారిలో 12 మంది మహిళలు, నలుగురు కీలక హోదాల్లోని వ్యక్తులు ఉన్నట్లు తెలుస్తోంది. 11 మంది సానుభూతిపరులు, మిలీషియా సభ్యులను కూడా అదుపులోకి తీసుకున్నారు. నాలుగు చోట్ల డంప్‌లు ఏర్పాటు చేసినట్లు పోలీసులకు సమాచారం అందింది. వాటిని స్వాధీనం చేసుకునేందుకు విస్తృతంగా గాలింపు చేపట్టారు.

మారేడుమిల్లి: ఆంధ్రప్రదేశ్‌లోని అల్లూరి సీతారామరాజు జిల్లాల్లో మావోయిస్టులు, భద్రతా బలగాల మధ్య ఎదురుకాల్పులు చోటు చేసుకున్నాయి. మారేడుమిల్లి అటవీ ప్రాంతంలో జరిగిన ఈ కాల్పుల్లో ఆరుగురు మావోలు హతమయ్యారు. మృతుల్లో మోస్ట్ వాంటెడ్ మావోయిస్టు అగ్రనేత, కేంద్ర కమిటీ సభ్యుడు మద్వి హిడ్మా, ఆయన భార్య రాజీ, అనుచరులు ఉన్నారు. గెరిల్లా దాడుల వ్యూహకర్తగా పేరొందిన హిడ్మా అలియాస్ సంతోష్‌పై రూ.6 కోట్ల వరకు పలు రాష్ట్రాలు రికార్డు ప్రకటించాయి.

ఛత్తీస్‌గఢ్‌లోని సుక్మా జిల్లా పూర్వాటి గ్రామంలో హిడ్మా జన్మించారు. బస్తర్ ప్రాంతంలో దళంలో కీలక సభ్యుడిగా ఎదిగారు. చిన్న వయసులోనే మావోయిస్టు కేంద్ర కమిటీ సభ్యుడు అయ్యారు. పీపుల్ లిబరేషన్ గెరిల్లా ఆర్మీ కమాండర్‌గా, దండకారణ్య స్పెషల్ జోనల్ కమిటీ సభ్యుడిగానూ పని చేశారు.

కాగా, మంగళవారం ఉదయం 6 గంటల నుంచి అటవీ ప్రాంతంలో కూంబింగ్ జరుగుతుందని ఎపి డిజిపి హరీశ్‌కుమార్ గుప్తా తెలిపారు. ఆంధ్రప్రదేశ్, ఛత్తీస్‌గఢ్, ఒడిశా సరిహద్దు ప్రాంతాల్లో మావోయిస్టుల కదలికలపై సమాచారం అందిన నేపథ్యంలో కూంబింగ్ నిర్వహించినట్లు పేర్కొన్నారు. ఛత్తీస్‌గడ్‌లోని సుక్మా జిల్లాలోనూ ఎదురుకాల్పులు జరిగాయి. మంగళవారం ఎర్రబోరు ప్రాంతంలో మావోయిస్టులు, భద్రతా బలగాల మధ్య జరిగిన కాల్పుల్లో ఓ మావోయిస్టు మృతి చెందాడు.

అమరావతి: ఆంధ్రప్రదేశ్ రాష్ట్రం హిందూపురం వైసిపి కార్యాల‌యంపై దాడి జరిగింది. వైసిపి కార్యాలయ అద్దాలు, ఫర్నీచర్, వైఎస్సార్ విగ్ర‌హాన్ని టిడిపి కార్యకర్తలు, ఎంఎల్ఎ బాలకృష్ణ అభిమానులు ధ్వంసం చేశారు. ఎమ్మెల్యే బాలకృష్ణపై హిందూపురం వైసిపి ఇన్ చార్జి దీపిక భర్త వేణురెడ్డి ఘాటైన వ్యాఖ్యలు చేయడంతో ఈ దాడికి పాల్పడ్డారు. అక్కడ ఉన్న వైసిపి కార్యకర్తలపై కూడా దాడి చేశారు. నటుడు, టిడిపిఎంఎల్ఎ బాలకృష్ణపై హిందూపురం వైసిపి ఇంచార్జ్ దీపికా రెడ్డి భర్త వేణురెడ్డి ఘాటు వ్యాఖ్యలు చేయడంతోనే టిడిపి కార్యకర్తలు దాడులకు పాల్పడ్డారు. హైదరాబాద్ లో ఉండే వాడి కాళ్ల కింద బతుకుతున్నామని వేణు రెడ్డి విమర్శించారు. వారికి ఓట్లు వేస్తాం కానీ వారు హైదారబాద్‌లోనే ఉండిపోతున్నారని, మనం ఇక్కడ బానిస బతుకులు బతుకుతున్నామని సంచలన వ్యాఖ్యలు చేశారు.. వేణురెడ్డి వ్యాఖ్యలపై టిడిపి కార్యకర్తలు ఆగ్రహం కట్టలు తెంచుకోవడంతో వైసిపి కార్యాలయంపై దాడికి పాల్పడ్డారు. వేణు రెడ్డి భార్య దీపికారెడ్డి గత ఎన్నికల్లో వైసిపి నుంచి పోటీ చేసి ఓడిపోయారు.

అమరావతి: కొందరు డెవలపర్లు చెరువులు, ప్రభుత్వ భూములు ఆక్రమించి వెంచర్లు వేసి ప్రజలను మోసం చేస్తున్నారని ఎపి శాసన సభ స్పీకర్ అయ్యన్న పాత్రుడు విమర్శలు గుప్పించారు. అక్రమ లేఔట్లను అరికట్టాలని లేకుండా తనే రంగంలోకి దిగుతానని హెచ్చిరంచారు. గత ఐదు సంవత్సరాలు ఎపిలో చీకటి యుగంగా ఉందని, రియల్ ఎస్టేట్ రంగం ఆగమైందని దుయ్యబట్టారు. చంద్రబాబు నాయుడు నాయకత్వంలో ఎపికి మంచి రోజులు వచ్చాయని ప్రశంసించారు. విశాఖలో రియల్ ఎస్టేట్ ప్రాపర్టీలో షాలో అయ్యన్న పాత్రుడు మాట్లాడారు. పర్యాటకులు కుటుంబంతో కలిసి సరదాగా గడిపేందుకు సముద్ర తీరానికి వస్తారని, పది గంటలు దాటి వారిపై కేసులు పెడితే ఎలా అని అయ్యన్న పాత్రుడు ప్రశ్నించారు. విశాఖలో టూరిజాన్ని అభివృద్ధి చేయాలంటే ఫ్రీజోన్‌గా మార్చాలని డిమాండ్ చేశారు. ఎపి ప్రజలు సరదా కోసం శ్రీలంక, గోవాలాంటి ప్రాంతాల వెళ్తున్నారని, అక్కడ ఉండే వాతావరణం ఇక్కడే కల్పిస్తే ఆదాయం పెరుగుతుందన్నారు. భర్త సరదాగా రెండు పెగ్గులు వేస్తే భార్య ఐస్‌క్రీమ్ తినేలా స్వేచ్ఛాయుత వాతావరణం కల్పిస్తే బాగుంటుందని అయ్యన్న పాత్రుడు చమత్కరించారు.